ནས། །སྡུག་བསྔལ་མྱོང་ཀུན་ཀུན་མཁྱེན་ཐོབ་ཕྱིར་སྔོས། །བསྔོས་ན་དགེ་དེ་དེ་བས་འཕེལ་བར་འགྱུར། །དགེ་འདིས་མགོན་ལོས་མཚན་ལྡན་བླ་མ་ཞིག །རྟག་ཏུ་མགོན་དུ་བསྟེན་ནས་ཉམས་ལེན་བྱས། །འགྲོ་བའི་མགོན་སྐྱབས་སངས་རྒྱས་གོ་འཕང་དེ། །ཐོབ་ནས་མགོན་མེད་སེམས་ཅན་འདྲེན་པར་ཤོག །ཅེས་པ་འདི་ཡང་དད་གཏོང་བློ་གྲོས་དང་ལྡན་པའི་གྲོགས་པོ་མགོན་ལོ་ལ་…

འཁོར་བར་མི་སྐྱེའི་བློ་གདེང་མེད། །འཁོར་བར་སྐྱེས་ཕྱིན་སྡུག་བསྔལ་ཤིན་ཏུ་ཆེ། །དམྱལ་བར་སྐྱེས་ན་ཚ་གྲང་སྡུག་བསྔལ་ཆེ། །ཡི་དྭགས་སྐྱེས་ན་བཀྲེས་སྐོམ་སྡུག་བསྔལ་ཆེ། །དུད་འགྲོར་སྐྱེས་ན་བཀོལ་སྤྱོད་སྡུག་བསྔལ་ཆེ། །མི་རུ་སྐྱེས་ན་ན་འཆིའི་སྡུག་བསྔལ་ཆེ། །ལྷ་མིན་སྐྱེས་ན་འཐབ་རྩོད་སྡུག་བསྔལ་ཆེ། །ལྷ་རུ་སྐྱེས་ན་འཕོ་ལྟུང་སྡུག…

འཕང་འཐོབ་པར་བྱ། །སྙམ་དུ་སྨོན་པ་སེམས་བསྐྱེད་ཡང་ཡང་གྱིས། །དེ་ཕྱིར་ལུས་དང་སྲོག་ལ་མི་ལྟ་བར། །མི་དགེའི་ལས་རྣམས་ཕྲ་ཞིང་ཕྲ་བ་སྤང་། །དགེ་བའི་ལས་རྣམས་ལེགས་པར་བསྒྲུབ་པར་བྱ། །སྙམ་དུ་འཇུག་པ་སེམས་བསྐྱེད་ཡང་ཡང་གྱིས། །སངས་རྒྱས་གོ་འཕང་ཐོབ་ནས་སེམས་ཅན་ཀུན། །བདེ་ཆེན་དག་པའི་ཞིང་དུ་འུ་རུ་རུ། །འདྲེན་པའི་དུས་དེ་བདག་ལ་ནམ་འ…

གྲོང་ཁྱེར་དང་། །སྤྲུལ་པ་ལྟ་བུར་རང་བཞིན་ཅུང་ཟད་ཙམ། །མེད་དོ་སྙམ་དུ་ཡང་ཡང་སྒོམ་པར་གྱིས། །སྐབས་སྐབས་བླ་མ་དཀོན་མཆོག་རྣམ་གསུམ་ལ། །དངོས་འབྱོར་ཡིད་སྤྲུལ་མཆོད་པ་རྒྱ་ཆེར་ཕུལ། །བདག་ནི་འགྲོ་བའི་དོན་དུ་སངས་རྒྱས་ཀྱི། །གོ་འཕང་མྱུར་དུ་ཐོབ་པར་བྱིན་གྱིས་རློབས། །ཞེས་པས་འདོད་པའི་དོན་ལ་གསོལ་འདེབས་གྱིས། །དགེ་བ་གང་བྱས་ཐམས…

ལམ་དུས་གདམས་པ་དུ་མ་བསྒོམ་པ་དེ། །ཐོག་མར་ཁ་ཡི་མི་གཙང་ཉལ་ཉིལ་བསལ། །དེ་ནས་ཆུ་རྙོག་ཐམས་ཅད་ཕྱི་རུ་དོར། །རྡོ་དང་བྱེ་མ་ཕན་ཚུན་འོག་རྣམས་སུ། །བླུགས་ནས་ཆུ་དེ་དྭངས་སུ་བཅུག་པ་འདྲ། །འབྲས་བུ་ཆོས་གཟུགས་གཉིས་ཀྱི་སྐུ་ཐོབ་པ། །ཆུ་མགོ་འཁྱིལ་བ་ཤིན་ཏུ་དྭངས་པ་ན། །ནང་དུ་གཟུགས་བརྙན་སྣ་ཚོགས་འཆར་བ་འདྲ། །བུ་རྣམས་གཞི་ལམ་འབྲས་གསུ…

འདྲ། །བུ་རྣམས་གཞི་ལམ་འབྲས་གསུམ་དེ་ལྟར་ལྟོས། །གླུ་དབྱངས་འདི་ཉིད་བླངས་པའི་དགེ་བའི་མཐུས། །སློབ་བུ་རྣམས་ཀྱི་སྐུ་གཉིས་མངོན་འགྱུར་ཤོག །ཅེས་པ་འདི་ཡང་སློབ་བུ་བྱ་བཏང་རི་ཁྲོད་པ་ངག་དབང་ཆོས་འཕེལ་དང་། ངག་དབང་བཀྲ་ཤིས། བློ་བཟང་རིན་ཆེན་རྣམས་ལ་ཚོགས་དྲུག་རང་གྲོལ་གྱིས་སྨྲས་པའོ། །རྗེ་བླ་མ་ཆོས་རྒྱལ་ཞབས་ལ་འདུད། །གླུ་འདི་…

བརྡེག །ཁས་ཨ་ཕ་ཨ་མ་མང་པོ་འཆོར། །མིག་མི་གསལ་དཔེ་ཆ་མིག་སྒོར་འཁྱེར། །མདོག་ནག་པོའི་སྐྲ་དེ་གངས་ལས་དཀར། །གདོང་བཞིན་རས་གཉེར་མ་མང་པོས་གང་། །སེམས་མི་གསལ་བརྗེད་ངས་ཤིན་ཏུ་ཆེ། །ཕྱིའི་ཚ་གྲང་སྡུག་བསྔལ་རྐྱེན་མི་ཐེག །ནང་ལྟོགས་སྐོམ་ཅུང་ཟད་ཙམ་མི་བཟོད། །དབུགས་མ་ཆད་ན་ཡང་རོ་དངོས་ཡིན། །ཚེ་འདི་ནས་ཕ་རོལ་འཕོས་དང་འདྲ། །དོན་དེ…

ལེགས་པར་མཇལ། །སྒོ་གསུམ་གུས་པས་སྐུ་དོན་ཁོ་ནར་འབད། །དེ་ཕྱིར་བླ་མས་དགྱེས་བཞིན་རྗེས་སུ་བཟུང་། །བླ་མའི་ཕྱག་མཛོད་ཉེ་གནས་ཕལ་མོ་ཆེ། །དཀོར་གྱིས་ཚིག་ནས་རང་མཐོང་ང་རྒྱལ་ཆེ། །གཞན་ལ་བརྙས་སྨོད་ཁྱད་གསོད་མང་པོ་བྱེད། །བླ་མའི་སྐྱོན་མཐོང་དད་པ་འགྲིབ་པ་མང་། །ཁྱོད་ཀྱིས་བླ་མ་སངས་རྒྱས་དངོས་སུ་མཐོང་། །རང་འདོད་མེད་པར་བླ་མའི་བ…

ཐམས་ཅད་འགྲུབ་པར་ངེས། །ཞེས་པ་འདི་ཡང་རྒྱལ་མཁན་ཆེན་རིན་པོ་ཆེའི་ཕྱག་མཛོད་དད་གཏོང་བློ་གྲོས་དང་ལྡན་པའི་དམག་སར་རབ་འབྱམས་པ་ལ་ཚོགས་དྲུག་རང་གྲོལ་གྱིས་སྨྲས་པའོ། །འགྲོ་ཀུན་ཀུན་ཏུ་བཟང་པོའི་གོ་འཕང་ལ། །འགོད་མཛད་མཛད་བཟང་མཐའ་འཁོབ་བོད་ཀྱི་ཡུལ། །ཆེར་སྙིགས་སྙིགས་དུས་འགྲོ་བའི་སྐྱབས་གཅིག་པུ། །ཆོས་རྒྱལ་རྒྱལ་སྲས་མཆོག་ལ་གུས…

བསྐོར་བའི་དགོན་པ་ནས། །འཁོར་བཅས་དམ་ཆོས་མཛད་ན་མི་ལེགས་སམ། །དགེ་ལེགས་བཀྲ་ཤིས་ས་དཔྱད་བཟང་བ་དང་། །དགེ་ཆོས་སྒྲུབ་པའི་མཐུན་རྐྱེན་འཛོམ་པའི་སར། །དགེ་འདུན་ཐུགས་མཐུན་སྒོ་ནས་དགོན་ཞིག་བཏབ། །དགེ་ལ་ཅི་ཐུབ་ཀུན་གྱིས་འབད་པར་རིགས། །ཚེ་འདིར་དེ་འདྲའི་སྐལ་བར་མི་ལྡན་ན། །ཚེ་རིང་ནད་མེད་ཆོས་འབྱོར་འཛོམས་པའི་དུས། །ཚེ་འདིར་ཧ་ཅང…

ངག་དབང་ཝང་མཁའ་སྤྱོད་ཞིང་དུ་གཤེགས། །རྡོ་རྗེ་ཚེ་བརྟན་དེ་འཇིག་རྟེན་ཕ་རོལ་སོང་། །བསྟན་འཛིན་ཉི་མ་དེ་རི་བོ་རྩེ་ལྔར་བཞུད། །རྒྱལ་གྱི་མཁན་ཆེན་དེ་བཀྲ་ཤིས་འཁྱིལ་ན་བཞུགས། །ལུས་སྲོག་སྐྱེད་པའི་མ་སྐྱེས་པའི་ཡུལ་ན་སྣང་། །སྤྲང་རྒན་རང་ཉིད་ནི་མཚོ་སྙིང་རི་ལ་ལུས། །མཉམ་འགྲོགས་སྐད་སྙན་གྱི་ཆུ་བྱའི་རིགས་རྣམས་བཞུད། །སྣ་ཚོགས་མ…

རྗེ། །ཅུང་ཟད་ངལ་གསོ་མཛད་ནས་བུ་ལ་དགོངས། །ཁྱོད་སྐུ་མཚན་དཔེའི་འདབ་བཞད་པདྨ་དཀར། །ལུང་རྟོགས་ཡོན་ཏན་བཅུད་ཀྱིས་གཏམས་མཐོང་ནས། །སྐལ་བཟང་ལུས་མཛེས་རྐང་དྲུག་གཞོན་ནུའི་ཚོགས། །མ་བོས་བཞིན་དུ་དབང་མེད་དྲུང་དུ་ལྷགས། །ཁྱོད་གསུང་ལེགས་བཤད་དབྱངས་སྙན་གཡུ་འབྲུག་སྒྲ། །མཐོན་པོའི་ཁྲི་ཡི་མཁའ་དབྱིངས་ནས་བསྒྲགས་ཚེ། །གདུལ་བྱ་བྱེ་བ…

ཉི་ཟླ་སྐར་ཚོགས་ཤར་འདིས་འགྲོ་ཀུན་གྱི། །མི་ཤེས་སྨག་རུམ་མཐུག་པོ་ཅིས་མི་སེལ། །རིག་པའི་གནས་ལྔའི་ལུས་སྟོབས་གཡུ་རལ་རྒྱས། །སེང་ཆེན་ཁྱོད་ཀྱིས་སྐལ་བཟང་གངས་ཁྲོད་དུ། །སྐྱོན་བྲལ་ལེགས་བཤད་ང་རོ་བསྒྲགས་པ་ན། །མཁས་རློམ་རི་དྭགས་བྱེ་བའང་ཟིལ་གྱིས་མནན། །ཁྱོད་ཐུགས་མཁའ་ལ་མཁྱེན་བརྩེའི་སྤྲིན་གློག་འཁྱུག །གསུང་དབྱངས་སྒྲ་བརྒྱ་བ…

ཁྱོད། །ད་དུང་བདག་སོགས་པད་ཚལ་ཡུན་རིང་སྐྱོངས། །ཕྱག་མཛོད་གྲྭ་སློབ་གསེར་ཉ་རྩེ་བའི་གཞི། །འཕགས་ནོར་བདུན་གྱི་པདྨས་བརྒྱན་པའི་མཚོ། །ཁྱོད་ལ་སྐད་སྙན་འབྱིན་པའི་ངང་པ་ང་། །རིང་མིན་མྱུར་དུ་འཕྲད་པའི་སྨོན་ལམ་འཚལ། །འགྲོ་མགོན་ཁྱོད་ཀྱི་ལེགས་བཤད་ཟླ་བའི་གཟུགས། །བདག་བློ་དྭངས་པའི་ཆུ་གཏེར་ཆེན་པོའི་ཀློང་། །ཤར་བའི་མོད་ལ་དགའ་ད…

བདུན་དཀྱིལ་འཁོར་རྒྱས། །མགུར་དབྱངས་འོད་སྟོང་འགྱེད་པའི་མོད། །གདུལ་བྱ་སྐལ་བཟང་བྱིས་པ་རྣམས། །ཆོས་བརྒྱད་གྲང་བས་འཁུམ་པ་དྲོས། །ཆོས་གཏམ་ཅ་ཅོ་དབང་མེད་ཤོར། །ཉམས་ལེན་རྩེད་མོ་བྱེད་དུ་བཅུག །བཀའ་དྲིན་ཆེའོ་སྙིང་གི་བུ། །བདག་ཀྱང་མཚན་ལྡན་བླ་མ་ཡིས། །གཞན་དོན་གྱིས་ཞེས་བཀའ་སྩལ་བཞིན། །སྐལ་ལྡན་གདུལ་བྱར་ཆོས་འཆད་བཞིན། །རི་གྲ…

ཀུན། །མྱུར་དུ་སྐུ་གསུམ་གོ་འཕང་ལ་འགོད་ཕྱིར། །དབང་ལུང་ཁྲིད་གསུམ་གནང་བའི་བཀའ་དྲིན་ཅན། །མགོན་ཁྱོད་གཟུགས་སྐུ་ཡིད་བཞིན་ནོར་བུ་མཆོག །སྐྱེ་མེད་ཆོས་སྐུའི་རྒྱ་མཚོ་ཆེན་པོ་ནས། །སྔོན་སྨོན་རྣམ་དག་དེད་དཔོན་བཟང་པོས་དྲངས། །རེབ་གོང་ཡུལ་གྱི་རྒྱལ་མཚན་རྩེ་ན་མཛེས། །མི་འདོད་ཉེར་འཚེའི་འདམ་གྱིས་མ་གོས་པར། །མངོན་མཐོ་ངེས་ལེགས་…

ཚེ་ཁྱོད་ཀྱི་དྲིན་དུ་འཁུམས། །ད་ལོ་ནས་བཟུང་ཚེ་ལོ་ཅི་ཡོད་བར། །ད་ལྟ་འདི་བཞིན་སྒྲུབ་པའི་མཆོད་པ་འབུལ། །ད་ཁྱེད་སྤངས་ནས་སྐྱབས་གཞན་ངས་མི་འཚོལ། །ད་ནས་བཟུང་སྟེ་བྱང་ཆུབ་མ་ཐོབ་བར། །ད་དུང་བུ་ལ་ཐུགས་རྗེའི་སྤྱན་གྱིས་གཟིགས། །ཚོགས་དྲུག་རང་གྲོལ་བློ་ཡི་རྫིང་བུ་ནས། །ཞུ་ཡིག་འཛུམ་དགོད་བྱེད་པའི་པདྨ་འདི། །དད་གུས་ཕྱག་དང་བཅས་…

དུ། །བདག་ཀྱང་རི་ཁྲོད་དབེན་པའི་ས་མཁར་བཟུང་། །བླ་མའི་གདམས་ངག་གོ་ཁྲབ་མཚོན་ཆ་ཐོགས། །ཉོན་མོངས་དུག་ལྔའི་དགྲ་ལ་འཐབ་ན་ཡང་། །ཉེས་ལྟུང་འཆི་རྨས་མེད་པར་ད་བར་བདེ། །དགེ་ལེགས་བྱེ་བའི་ཆུ་ཤེལ་ལས་གྲུབ་པའི། །སྔོན་མེད་གསར་དུ་བྱུང་བའི་མགོན་ཁྱོད་སྐུའི། །ཟླ་གཞོན་མདོ་སྨད་ཤར་རིའི་རྩེར་འཕགས་པ། །བསྟན་འཛིན་རྒྱུ་སྐར་ཀུན་གྱི་རྒྱ…

སྲས་སེང་ཆེན་དཀར་མོའི་ཚོགས། །ཉམས་རྟོགས་གཡུ་རལ་ངོམ་ཞིང་འགྱིང་བའི་ས། །དབེན་པའི་གངས་ཁྲོད་ཉལ་བའི་སེང་ཕྲུག་ངར། །ལུང་རྟོགས་གཡུ་རལ་རྒྱས་པའི་སྐྱབས་འཇུག་ཞུ། །དཔག་མེད་ཡོན་ཏན་འདོད་དགུ་འབྱུང་བའི་གནས། །འགྲོ་མགོན་ཡིད་བཞིན་ནོར་བུ་རིན་ཆེན་ལ། །རི་ཁྲོད་རྒྱ་མཚོའི་གླིང་ནས་འཁྱམས་པ་ཡི། །དེད་དཔོན་བདག་ནི་མྱུར་དུ་མཇལ་བར་སྨོན…

ཕུང་བདེ། །ད་ནི་མགོན་ཁྱོད་རི་ཁྲོད་གཞན་མ་འགྲིམས། །རང་ཡུལ་གདུལ་བྱའི་མགོན་དུ་བཞུགས་གསོལ་འདེབས། །བདག་ཀྱང་ཟབ་གསལ་ཐུགས་ཀྱིས་མ་འདོར་བར། །ཆོས་མགོ་མཐའ་རུ་ཐོན་པའི་སྐྱབས་འཇུག་ཞུ། །ཞོ་འོང་སྟེང་འོག་དད་ཅན་ཕོ་མོ་རྣམས། །འབྲེལ་ཚད་དོན་ལྡན་དགེ་བའི་བཤེས་གཉེན་འདི། །སླར་ཡང་རང་ཡུལ་ཕེབས་པ་སྐལ་བ་བཟང་། །ཀུན་གྱིས་མཆོད་བསྟོད་བཀ…