འཕྲིན་ལས་བསིལ་ཟེར་ཕྲེང་བ། །ཕྱོགས་བཅུར་སྤྲོ་བཞིན་འགྲོ་ཀུན། །ཕན་བདེའི་དཔལ་ལ་འགོད་པ། །བཀའ་དྲིན་ཤིན་ཏུ་ཆེའོ། །བདག་ཀྱང་མཆོག་གསུམ་དྲིན་ལས། །སྒྱུ་ལུས་ད་བར་བདེ་ལགས། །ཆེད་གསོལ་བརྩེ་བའི་མངའ་བདག །ཁྱེད་ཀྱིས་སེམས་ཅན་ཐམས་ཅད། །ཐར་བའི་ས་ལ་འགོད་པའི། །ཁུར་དུ་བཞེས་མོད་ཡང་སྒོས། །ཆུང་ནས་འདྲིས་ཆ་ཆེ་བའི། །རྡོ་རྗེ་སྤུན་གྲོ…

ཐུགས་སྲུང་། །རྡོ་རྗེའི་རྭ་གུར་དག་ནས། །ནམ་ཡང་འདོར་མེད་མཁྱེན་མཁྱེན། །སྨན་པ་ན་ཆུང་གཞོན་ནུས། །ཞུ་ཡིག་སྒྲ་སྙན་པི་ཝང་། །གཏན་གྱི་སྐྱབས་ཁྱོད་སྙན་དུ། །ཟླ་ཚེས་བཟང་པོར་བརྡུངས་སོ། །ཞེས་པ་འདི་ཡང་ལུང་རྟོགས་ཡོན་ཏན་དུ་མའི་མཛོད་ལ་མངའ་བརྙེས་པའི་ཆོས་འབྲེལ་ཆེ་བའི་དྲིན་ཅན་བླ་མ་སྨན་རྒན་རིན་པོ་ཆེས་རྡོ་རྗེའི་སྤུན་གྲོགས་ཀྱི…

དང་ཟ་མའི་ཆར་ཆུ་རྒྱུན་དུ་བབས། །ལོ་དང་ཟླ་བའི་ཐིགས་ཆུས་བརྡུངས་སྟབས་ཀྱིས། །ཡིད་བརྟན་མེད་རུང་ད་དུང་མ་ཞིག་གདའ། །མགོན་ཁྱོད་ཚོགས་གཉིས་ཚེ་འདིར་གོམས་པའི་མཐུས། །ནམ་ཞིག་གཤེགས་པའི་ཚེ་ན་བདེ་བ་ཅན། །ཞེས་བྱའི་ཞིང་དུ་ཚེ་རབས་ཕྱི་མ་ལ། །སྐྱེ་ངེས་སྐྱེས་པའི་ཚེ་ན་ང་མ་འདོར། །བདག་བློ་རྒྱལ་ཆེན་རིགས་བཞིའི་ལྷ་གནས་ནས། །ཞུ་ཡིག་ལྷ…

འབྲས་སྨིན་པས། །རང་རིགས་ཞིང་ས་མགུའོ། །ཞུ་གསོལ་དོན་གྱི་སྙིང་པོར། །དེང་ནས་བྱང་ཆུབ་བར་དུ། །ཁྱེད་རང་ཡབ་སྲས་གཉིས་ལས། །རེ་སའི་སྐྱབས་གཞན་མེད་པས། །དུས་དང་རྣམ་པ་ཀུན་ཏུ། །ཐུགས་རྗེའི་ལྕགས་ཀྱུ་རྣོན་པོས། །འབྲལ་མེད་རྗེས་སུ་བཟུང་ནས། །ཐུགས་ཡིད་འདྲེས་པར་བྱིན་རློབས། །རྣམ་མང་སྐྱེ་འཕགས་ཡོངས་ཀྱི། །རྣམ་དཀར་དགེ་ཚོགས་རླབས་ཆ…

བ་དོན་ལྡན་མཁྱེན་མཁྱེན། །ཞུ་ཡིག་ལྷ་རྫས་བཅས་པ། །རི་ཁྲོད་བཀྲ་ཤིས་འཁྱིལ་ནས། །དད་གུས་ཕྱག་དང་བཅས་པས། །དུས་ཚེས་དགེ་བར་ཕུལ་ལོ། །ཞེས་པ་འདི་ནི་དད་གཏོང་བློ་གྲོས་དང་ལྡན་པའི་ངག་དབང་ཡོན་ཏན་གྱིས་བསྐུར་བའི་ལན་དུ། ས་གསུམ་ན་ཟླ་མེད། །ཀུན་མཁྱེན་པའི་ཀློང་ཆེན། །རབ་འབྱམས་ཁོང་བདག་སྙིང་། །པདྨོ་རུ་བཞུགས་ཤིག །རྫོགས་ཆེན་གྱི་གཞ…

གློ་བུར་དུ་མ་རིག །ཉོན་མོངས་ལས་རྣམས་བྱུང་། །ཆོས་སྐུ་དང་གཟུགས་སྐུ། །ཡེ་ཤེས་རྣམས་བསྒྲིབས་སོ། །བར་དུ་ལམ་བསྒོམ་ཚེ། །ཅི་འདྲ་ཡིན་ཟེར་ན། །སྐྱི་བསེར་གྱི་རླུང་ཆེན། །ཤུགས་དྲག་ནི་ལྡང་བཞིན། །མཚན་ལྡན་གྱི་བླ་མ། །ཡུན་རིང་དུ་བསྟེན་ནས། །རྫོགས་ཆེན་གྱི་གདམས་པ། །ཐོས་བསམ་བྱས་ཇི་བཞིན། །ཤེས་པའི་ཚེ་དབེན་པར། །རྩེ་གཅིག་ཏུ་བསྒ…

ཡིན་ཟེར་ན། །ནམ་མཁའ་ནི་ཅུང་ཟད། །མ་གཡོས་པ་བཞིན་དུ། །སླར་ཡང་ནི་ཟླ་བ། །ཕྱི་རོལ་ཏུ་སྣང་ནས། །འོད་དཀར་ནི་འགྱེད་བཞིན། །ཆོས་སྐུ་ལས་ཅུང་ཟད། །མ་གཡོས་པ་བཞིན་དུ། །ལོངས་སྐུར་ནི་སྣང་ནས། །སར་གནས་ཀྱི་བྱང་ཆུབ། །སེམས་དཔའ་རྣམས་དོན་མཛད། །ཟླ་བ་ཡི་གཟུགས་བརྙན། །ས་སྟེང་ན་ཡོད་ཚད། །དྭངས་པའི་མཚོར་སྣང་བཞིན། །སྤྲུལ་བའི་སྐུ་གྲངས་…

སྔར་བཞིན་དུ་སྣང་ནས། །འགྲོ་དོན་ལས་ནམ་ཡང་། །རྒྱུན་ཆད་ནི་མེད་དོ། །གླུ་དབྱངས་འདི་སློབ་དཔོན། །པད་འབྱུང་ནི་སླར་ཡང་། །མི་གཟུགས་སུ་ཤར་བ། །ཀུན་མཁྱེན་གྱི་ཀློང་ཆེན། །རབ་འབྱམས་པའི་ལེགས་བཤད། །ས་གསུམ་གྱི་སྒྲོན་མེ། །མཛོད་བདུན་གྱི་དྲིན་ལས། །པད་འབྱུང་གི་བུ་རྒྱུད། །རྣལ་འབྱོར་པ་ཚོགས་དྲུག །རང་གྲོལ་ངས་བླངས་སོ། །དགེ་བ་འད…

གཟུགས་བརྙན་ཁུར་དུ་བཟུང་བ་བདག །ཉིད་ཀྱི་ཐུགས་རྗེས་བསྐྱངས་པའི་གྲུབ་དབང་མཆོག །རིག་འཛིན་ཟླ་བའི་གསུང་གིས་འཚོ་བཞིན་ལགས། །སྔ་སོར་ཉིད་ཀྱི་ཞལ་མཆོག་མ་མཐོང་ཀྱང་། །གསང་གསུམ་རྣམ་ཐར་ཕྱོགས་ཙམ་ཐོས་པའི་མོད། །འགྱུར་མེད་དད་གུས་ཐོབ་ལ་ཟོག་མ་མཆིས། །དེ་ཕྱིར་མགོན་ཁྱོད་ཐུགས་རྗེ་ཆེན་པོ་ཡིས། །དུས་རྣམ་ཀུན་ཏུ་འབྲལ་མེད་རྗེས་འཛིན་…

འདི་ཡང་བྱ་བཏང་རི་ཁྲོད་པ་ངག་དབང་རྒྱལ་མཚན་གྱིས་བསྐུར་བའི་ལན་དུ། ཕ་རྒན་ཆོས་རྒྱལ་ཞབས་ལ་འདུད། །ཕ་ཡི་རྗེས་བཟུང་བུ་བདག་དང་། །ཕ་མ་སེམས་ཅན་ཐམས་ཅད་ལ། །ཕ་ཁྱེད་ཐུགས་རྗེའི་སྤྱན་གྱིས་གཟིགས། །ཚོགས་དྲུག་རང་གྲོལ་བུང་བ་ཡིས། །རི་ཁྲོད་དབེན་པའི་པད་ཚལ་ན། །ཉམས་ལེན་འཕུར་ལྡིང་གཡོ་བཞིན་དུ། །རྣར་སྙན་གླུ་དབྱངས་དར་དིར་སྒྲོག །ཟླ…

ཉམས་སུ་མྱོང་རྒྱུ་ཞིག །འདུག་པ་དེ་ཉིད་ལྟ་བ་ཡིན། །སྟོང་གསལ་ངང་ལ་ཡེངས་མེད་དུ། །རྒྱུན་དུ་གནས་པ་སྒོམ་པ་ཡིན། །ཅི་ལྟར་འདུག་ཀྱང་གསལ་སྟོང་དང་། །འབྲལ་མེད་བྱེད་པ་སྤྱོད་པ་ཡིན། །སྟོང་གསལ་ཟང་ཐལ་རྗེན་པ་དེ། །མངོན་དུ་གྱུར་པ་འབྲས་བུ་ཡིན། །རྣལ་འབྱོར་བདག་གི་སྙིང་གཏམ་འདི། །ཆོས་སེམས་འདྲེས་པའི་སྙིང་གི་གྲོགས། །རྒྱུན་དུ་མ་བར…

དམ་བཅའ་བརྟན་པོ་ཡིས། །སྒྲུབ་པའི་རྒྱལ་མཚན་སྲིད་རྩེར་བསྒྲེངས་པའི་མོད། །སྙན་གྲགས་དབྱར་རྔས་ས་གསུམ་ཡོངས་ལ་ཁྱབ། །བདག་སོགས་མདོངས་ལྡན་གདུལ་བྱའི་ཚོགས་རྣམས་ཀུན། །དབང་མེད་དགའ་སྤྲོའི་གར་སྟབས་འཁྲབ་ཏུ་བཅུག །དལ་ཐོབ་སེར་གཟུགས་བདག་ནི་བསྟན་པའི་སྒོར། །ཞུགས་ནས་བསླབ་གསུམ་མནོས་ཀྱང་སྔོན་བསགས་ཀྱི། །བསོད་ནམས་དམན་པའི་མཐུ་ཡིས་…

ཚོགས་ཆེས་ཆེར་འཕེལ་བ་དང་། །སྐྱེ་བ་ཕྱི་མའི་དུས་ན་མགོན་ཁྱོད་ཀྱི། །ཐུགས་སྨོན་ལས་གྲུབ་འཚང་རྒྱའི་ཞིང་ཁམས་དེར། །འཁོར་གྱི་ཐོག་མར་རྗེས་སུ་འཛིན་པར་ཞུ། །བདག་ཡིད་པདྨོས་རབ་བརྒྱན་རྫིང་བུ་ནས། །ཞུ་ཡིག་ལུས་མཛེས་སྐད་སྙན་ངང་བ་ཞིག །ལྷ་རྫས་དར་གྱི་གཤོག་རླབས་རབ་བསྐྱོད་ནས། །མགོན་ཁྱོད་སྒྲ་འཛིན་རྒྱ་མཚོ་བསྙེགས་ཏེ་ཐལ། །ཅེས་པ་འ…

པོའི་མིས། །ཤིན་ཏུ་རྙེད་དཀའི་ཡིད་བཞིན་གྱི། །ནོར་བུ་རྙེད་ལྟར་ངོ་མཚར་ཆེ། །ལུས་ཅན་སྲོག་གི་ཉིན་བྱེད་དེ། །རྒ་དང་ན་བའི་རླུང་གིས་བསྐྱོད། །འཆི་བའི་བྱ་ལམ་ཡངས་པར་ཞུགས། །བར་དོའི་ནུབ་ཀྱི་ས་འཛིན་བརྒྱུད། །འཇིག་རྟེན་ཕྱི་མ་གླིང་གཞན་དུ། །མ་སོང་སེམས་ཅན་འདི་ཡོད་ཅེས། །སྔོན་ཆད་མཐོང་ཐོས་གཅིག་མེད་ན། །རང་ལ་མི་འཆིའི་གནས་ཡོད་…

ཡང་། །དོན་གོ་སྣ་གཅིག་ཨེ་ཡོད་སོམས། །དེའི་ཚེ་ལུས་ཀྱི་ཁང་རུལ་ནས། །རྣམ་ཤེས་སྐྱེས་བུ་ཕྱི་རུ་ཐོན། །ལས་ཀྱི་རླུང་གི་རྟར་ཞོན་ནས། །གྲོགས་མེད་གཅིག་པུར་ཕྱི་མར་འགྲོ། །དེ་དུས་རང་ལ་ཕན་ངེས་པ། །དཀར་པོ་དགེ་བ་མ་གཏོགས་མེད། །ཡུན་རིང་འགྲོགས་པའི་གཉེན་དང་འབྲལ། །བསགས་པའི་ཟས་ནོར་ལོངས་སྤྱོད་ཚོགས། །ཏིལ་འབྲུ་ཙམ་ཡང་རྗེས་མི་འབྲང་…

དགོད་དབང་མེད་འཆོར། །བསྒྲུབ་པའི་བརྩོན་འགྲུས་མདངས་སྟོབས་རྒྱས། །སྙན་གྲགས་དྲི་ཡིས་ཕྱོགས་ཀུན་ཁྱབ། །ཉམས་རྟོགས་ཡོན་ཏན་བཅུད་ཀྱིས་གཏམས། །སྐུ་གསུམ་འབྲས་བུ་སྨིན་པར་ཤོག །ཅེས་སྨྲས་པའོ། །བགྲང་ཡས་རྒྱལ་བ་སྲས་བཅས་ཀུན་ལས་འགྲོ་བ་ལ། །ཆེས་ཆེར་བརྩེ་བས་གཟིགས་མཛད་པདྨ་འབྱུང་གནས་ཞེས། །ཞིང་འདིར་སྐལ་ལྡན་གདུལ་བྱ་ཡོངས་ཀྱི་གཙུག་ར…

བསྩལ་བ་རབ་དགའི་ས་ཐོབ་བཞིན་སྤྲོ་ཡང་། །ཆོས་རྒྱལ་རྟ་བདུན་དཀྱིལ་འཁོར་མྱང་འདས་ནུབ་རིའི་ཕག །ཡིབས་པས་སྐྱབས་བྲལ་བདག་ཡིད་སྐྱེས་བུ་མྱ་ངན་གྱི། །མུན་པས་ནོན་ཀྱང་བླ་མ་མཆོག་གསུམ་མཐུ་བྱིན་གྱིས། །ཐིགས་ཚགས་བཟང་བས་སྒྱུ་ལུས་ཁང་རུལ་མ་ཞིག་ཡོད། །ཞུ་དོན་སྙིང་པོ་འདི་ཕྱི་གཉིས་མེད་སེང་གེ་བདག །བྱང་ཆུབ་གོ་འཕང་མ་ཐོབ་བར་དུ་བརྩེ་བ…

ཞབས་བསྟེན་པའི་སློབ་མ་གཞོན་ནུར་འགྲོགས་ནས་ཐལ། །ཅེས་པ་འདི་ཡང་གྲོགས་མཆོག་མཆོག་ལྡན་གྱིས་བསྐུར་བའི་ལན་དུ། སྔ་འགྱུར་གསང་ཆེན་ཆོས་ཀྱི་ཡིད་བཞིན་ནོར་བུ་ལ། །མ་རྟོགས་ལོག་བཤད་མི་གཙང་དྲི་མས་གོས་པ་རྣམས། །འཆད་རྩོད་རྩོམ་པས་བྱི་དོར་བྱས་ནས་སྐལ་བཟང་གི །གདུལ་བྱའི་རེ་སྐོང་ཆོས་རྒྱལ་ངག་གི་དབང་བོར་འདུད། །བྱ་བཏང་བྱམས་པ་ཆོས་དར…

ཞིག་བརྫུས་སྤོངས། །མཚན་ལྡན་བླ་མ་བསྟེན་ལ་ཟབ་རྒྱའི་གདམས་པ་ཉོན། །ལྷ་རུ་དཀོན་མཆོག་མཆོད་ལ་བློ་ཕུགས་དེ་ལ་གཏོད། །རང་གིས་དམ་ཆོས་སྒྲུབ་བཞིན་གཞན་ཡང་ཆོས་སྒོར་ཆུག །དགེ་བའི་ལས་རྣམས་སྒྲུབ་ཅིང་མི་དགེའི་ལས་རྣམས་སྤོངས། །མཐོ་རིས་སྐས་ལ་འཛེག་པའི་དགེ་བཅུ་དང་དུ་ལོངས། །ངན་སོང་གཡང་ལ་ལྷུང་བའི་མི་དགེ་བཅུ་ལ་འཛེམས། །དགེ་བ་གང་བྱ…

བྱོལ་སོང་རྐང་གཉིས་ཡིན། །ཀུན་གྱི་ཚོགས་དཔོན་གྱུར་རུང་དམྱལ་བའི་དཔོན་པོ་ཡིན། །ངན་སོང་སྡུག་བཟོད་དཀའ་རུང་རང་གཡོས་ཚོད་མ་ཡིན། །གླུ་འདི་འདི་འདྲ་ལེན་ཅིང་དབེན་གནས་གནས་ལ་དགའ། །དམ་ཆོས་ཆོས་མཛད་དམ་པས་གང་གསུངས་གསུང་བཞིན་བྱེད། །ཡང་དག་དག་སྣང་ཆེ་བའི་གྲོགས་མཆོག་མཆོག་ལྡན་གྱིས། །བསྐུལ་ཚེ་ཚེ་འདིར་ཞེན་ལོག་ཀུན་བྱམས་བྱམས་པས་…