ལགས་བརྩོན་འགྲུས། དགེ་སློང་ངག་དབང་དར་རྒྱས། གཅོད་པ་གསུམ་མདོ་སྨད་རང་ཡུལ་དུ་བཏང་། ཨ་ལགས་བརྩོན་འགྲུས་ཀྱིས་ཁྲི་ཀའི་ཕྱོགས་ཀྱི་རི་ཁྲོད་ནས་ཚེ་དང་སྒྲུབ་པ་བསྙམས། སྒྲུབ་འབྲས་ཀྱིས་བསྟན་འགྲོ་ལ་ཕན་པའི་བླ་མ་ཞིག་བྱུང་། དགེ་སློང་ངག་དབང་དར་རྒྱས་ཀྱིས་མང་ར་སོགས་ཀྱི་རི་ཁྲོད་ནས་དགེ་སྦྱོར་བྱས་ཆོས་པ་བཟང་བོ་ཞིག་བྱུང་། གཅོད་པ…

ལྟར་འཇིག་རྟེན་ཁམས་ན་གསོད་པ་རྣམས་ལ་སྙིང་རྗེ་ཤས་མི་བཟོད་པ་ཞིག་སྐྱེས་ནས་སླར་ཇོ་བོའི་མདུན་དུ་སོང་། ཕྱག་འཚལ་ནས། ཕྱིན་ཆད་སྡིག་ཟས་ཕ་མའི་ཤ་མི་ཟ་བའི་དམ་བཅའ་ཕུལ་བ་ནས་བཟུང་ད་ལྟའི་བར་དུ་འགྲོ་དོན་ཅི་ཙམ་བྱས་ན་ཡང་། བདག་ལ་དམིགས་ནས་སྲོག་གཅོད་པ་ཕར་ཞོག་ང་ཡོང་རྒྱུ་ཡིན་ཞེས་བཤད་ན་ཡང་། སྦྱིན་བདག་དད་པ་ཅན་གྱིས། བླ་མ་ཁོང་གིས…

ལྷ་ས་ན་ཚད་པ་ཡོད་པ། མགོན་པོ་ལ་འགོས་ནས། ཡར་ཟྭ་ལུང་དུ་འོངས་ནས་ཉི་མ་ཁ་ཤས་ན་བ་ལ་ངས་བཀའ་བསྒོ་བྱིན་བརླབ་བྱས་ནས་སྨན་འཐུངས་པས་དྲག ཁོ་དྲག་པ་དང་ང་ན་ནས་ཞག་ཁ་ཤས་ནས་ཚ་བ་རྒྱས་པའི་འཁྲུལ་སྣང་ལ། ལྷ་ཁང་ཞིག་ལ་མེ་འབར་བས་ནང་གི་ལྷ་རྟེན་རྣམས་མི་འཚིག་པར་ཇེ་གསལ་དུ་འགྲོ་བ་དང་། ཕྱོགས་བཞིའི་ཞིང་ཁམས་རྣམས་མཐོང་ནས་འགྲོ་སྙམ་ཙ་ན། མི…

ཀའི་དད་པ་ཆེར་སོང་ནས་དེར་སྡོད་རིང་དང་། །ཕྱིས་སོང་དུས་རྣམས་སུ་ཞབས་ཏོག་ཡག་པོ་བྱེད་པ་བྱུང་། དེའི་སྐབས་དད་བརྩོན་ཤེས་རབ་སྙིང་རྗེ་དང་ལྡན་པའི་དགེ་སློང་བློ་བཟང་འོད་ཟེར་གནས་སྐོར་དུ་སོང་ནས། སྟོད་ཀྱི་མཚོ་པད་མ་ཅན་མན་ཆད་བསྐོར་ནས་བལ་ཡུལ་མཆོད་རྟེན་ཆེན་པོ་བྱ་རུང་ཁ་ཤོར་གྱི་དྲུང་ནས་སྨོན་ལམ་བཏབ་ཚད་འགྲུབ་པར་གོ་ནས། ཕྱག་ད…

བསགས། །མི་མེད་གངས་དང་རི་སུལ་ནས། །ཉོན་མོངས་དམག་ལ་འདི་ལྟར་འཐབ། །ངེས་འབྱུང་ཤུགས་ཅན་རྟ་ལ་ཞོན། །ནམ་འཆི་ཆ་མེད་ལྕག་གིས་བསྐུལ། །བྱམས་དང་སྙིང་རྗེའི་ཁྲབ་རྨོག་གྱོན། །བྱང་ཆུབ་སེམས་ཀྱི་མདུང་རིང་ཐོགས། །སྦྱིན་སོགས་ཐབས་ཀྱི་གཞུ་མོ་ལ། །ཡང་དག་ལྟ་བའི་མདའ་སྦྱར་ནས། །འབད་བརྩོན་དྲག་པོས་འདོམ་ལ་འཇལ། །ཉོན་མོངས་དམག་གི་དཀྱིལ་དུ…

བཏབ་པར། ཁྱོད་ཀྱིས་སྨན་ཕུལ་བ་བཞིན་ངས་ཁྱོད་ལ་དམ་པའི་ཆོས་ཀྱི་སྨན་བྱིན་ནས་ཉོན་མོངས་པའི་ནད་གསོ་བར་བྱའོ་ཞེས་དབང་དང་གདམས་པ་རྣམས་རིམ་བཞིན་བྱིན། ཕན་བདེའི་འབྱུང་གནས་སངས་རྒྱས་ཀྱི་བསྟན་པ་འཛིན་ཅིང་། འགྲོ་བ་ཡོངས་ལ་ཕན་ཐོགས་པའི་རྟེན་འབྲེལ་དུ་མིང་བསྟན་འཛིན་ཉི་མ་ཞེས་བཏགས་ཤཱཀྱའི་སྲས་སུ་མངའ་གསོལ་ནས་ཞལ་གདམས་འདི་ཡང་བྱིན་…

བཏང་གྱིས་ཤིག་ཤཱཀྱའི་སྲས། །གྲོགས་བཟང་བསྟེན་ན་རང་ཡང་ཇེ་བཟང་འགྲོ། །གྲོགས་བཟང་ཡ་རབས་སྟེན་ཅིག་ཤཱཀྱའི་སྲས། །གྲོགས་ངན་བསྟེན་ན་རང་ཡང་ཇེ་ངན་འགྲོ། །གྲོགས་ངན་མ་རབས་སྤོངས་ཤིག་ཤཱཀྱའི་སྲས། །བསམ་པ་བཟང་ན་ས་དང་ལམ་ཡང་བཟང་། །བསམ་པ་བཟང་པོ་གྱིས་ཤིག་ཤཱཀྱའི་སྲས། །བསམ་པ་ངན་ན་ས་དང་ལམ་ཡང་ངན། །བསམ་ངན་ཡིད་ལ་མ་བཅངས་ཤཱཀྱའི་སྲས། …

མ་འཛིན་ཤཱཀྱའི་སྲས། །བླ་མ་ལྷ་ཡིས་ཐམས་ཅད་གཟིགས་ཤིང་མཁྱེན། །སྤྱོད་ངན་ཕག་ཏུ་མ་བྱེད་ཤཱཀྱའི་སྲས། །ཕྱག་དང་སྐོར་བས་ལུས་ཀྱི་སྒྲིབ་པ་འདག །སྐབས་སྐབས་ཕྱག་སྐོར་གྱིས་ཤིག་ཤཱཀྱའི་སྲས། །ཁ་ཏོན་བཟླས་པས་ངག་གི་སྒྲིབ་པ་འདག །ཁོམ་དུས་ཁ་ཏོན་གྱིས་ཤིག་ཤཱཀྱའི་སྲས། །མོས་གུས་གདུང་བས་ཡིད་ཀྱི་སྒྲིབ་པ་འདག །བླ་མར་མོས་གུས་མཛོད་ཅིག་ཤཱ…

ཡོན་བདག་ཕོ་མོ་མང་པོ་མཇལ་དུ་འོངས་ནས་བདེ་ཞུས་བྱས་པའི་ལན་དུ་རྣལ་འབྱོར་བདེ་ཚུལ་གྱི་མགུར་དབྱངས་འདི་བླངས་སོ། །ཆོས་བདེ་ལེགས་སྩོལ་མཛད་བླ་མ་རྗེ། །སྟེང་སྤྱི་གཙུག་འཇའ་འོད་ཀློང་དུ་བཞུགས། །སྔོན་བསོད་ནམས་བསགས་པས་མི་ལུས་ཐོབ། །ནོར་ཟང་ཟིང་ལོངས་སྤྱོད་མང་པོ་འཛོམས། །བློ་དགེ་བའི་གྲོགས་དང་ལྷ་ཡིས་བསྐྱོད། །ས་དབུས་སུ་ཡོང་འད…

ཀུན་བདེ་ཞིང་སྐྱིད་པར་ཤོག །ཅེས་བླངས་པའི་ལན་དུ་བུ་ཆེན་སྐལ་ལྡན་རང་གྲོལ་གྱིས་གླུ་དབྱངས་འདི་ཕུལ་ལོ། །རྗེ་བྱམས་མགོན་ཚོགས་དྲུག་རང་གྲོལ་ཁྱེད། །བདག་སྤྱི་བོའི་རྒྱན་དུ་བཞུགས་ནས་ཀྱང་། །དུས་དེང་ནས་བྱང་ཆུབ་སྙིང་པོའི་བར། །ཐུགས་བརྩེ་བ་ཆེན་པོས་སྐྱོང་བ་མཁྱེན། །བདག་ཚེ་སྔོན་ལས་འཕྲོ་སད་པའི་མཐུས། །སྡུག་འཁོར་བའི་རྐྱེན་ངན་…

སྙིང་པོ་བསྟན་དུ་གསོལ། །སེམས་མ་རིག་ཉོན་མོངས་བསལ་དུ་གསོལ། །རང་ཞི་བདེ་ལམ་གོལ་མི་འབྱུང་གསོལ། །མ་འགྲོ་ལ་སྙིང་རྗེ་ཚད་མེད་གསོལ། །གེགས་གོལ་ས་མ་ལུས་བསལ་དུ་གསོལ། །ཉམས་རྟོགས་པ་མྱུར་དུ་མཐར་ཕྱིན་གསོལ། །དུས་ནམ་ཡང་ཐུགས་རྗེ་འབྲལ་མེད་མཁྱེན། །ཞེས་ཁོང་གཉིས་ལ་གང་ཡོད་ཀྱི་གསེར་དངུལ་གོས་དར་རས་ཁ་བཏགས་གཅིག་ཀྱང་མ་ལུས་པ་ཕུལ། …

དགེ་བ་རྫོགས་བྱང་དུ་བསྔོ་བར་མཛད། དེ་དུས་སློབ་བུ་ཀུན་བཟང་རང་གྲོལ་དང་། སྐལ་ལྡན་རང་གྲོལ། བསྟན་འཛིན་ཉི་མ། བརྩོན་འགྲུས་རྒྱ་མཚོ་སོགས་དད་ཅན་གྱི་སློབ་མ་ཡོན་བདག་མང་པོས་ལྷ་རྫས་དྲི་མེད་བཅས། ཁྱེད་སྦྲ་ནག་ཁག་གསུམ་སོགས་ཡུལ་སྟོད་སྨད་བར་གསུམ་ལ་བྱོན་དུས། གཞན་སྐྱ་སེར་ཕོ་མོ་མཆོག་དམན་འབྲིང་གསུམ་ལ་སྐད་ཆ་ལྟ་བུར་ལས་རྒྱུ་འབྲ…

རབས་དད་ཅན་མཇལ་དུ་འགྲོ་བའི་ཕྱིར། །རང་ཉིད་དབུས་གཙང་ཞིང་དུ་སོང་བའི་ཚུལ། །སླར་ཡང་གླུ་རུ་ལེན་གྱིས་དགའ་བས་ཉོན། །ཨ་མ་ཤི་བས་སྐྱོ་ཤས་སྐྱེས་པའི་ཁར། །ཐོ་རངས་རྨི་ལམ་ལྷ་མོས་ལུང་བསྟན་བྱུང་། །དབུས་གཙང་ཞིང་ལ་འགྲོ་བར་ཐག་བཅད་ནས། །དབུས་སུ་ཡར་ལ་འགྲོ་བའི་མགུར་དབྱངས་བླངས། །ཨ་མ་ཤི་བའི་མྱ་ངན་སངས་པར་བྱས། །སྔོན་གྱི་ལས་འཕྲོ་ཅ…

འགྲོ་ཁར་ཀུན་ལ་མི་རྟག་སྐྱོ་མགུར་བླངས། །།ཚོང་འདུས་མགྲོན་པོ་བཞིན་དུ་གྱེས་ནས་སོང་། །དབུས་ལམ་ཆེན་མོར་ཞུགས་ནས་སོང་བའི་ཚེ། །མགྲོན་པོ་མར་ཡོང་རྣམས་ཀྱིས་བསྐྱུར་སོང་བའི། །མི་གཅིག་མུ་གེས་འཆི་བ་གསོས་ནས་བཏང་། །རྨ་ཆེན་གངས་རིར་འགྲོ་བའི་ནད་པ་ལ། །མཐུན་རྐྱེན་བྱིན་ནས་སོང་བས་ནད་ལས་གྲོལ། །ཚོང་དཔོན་ཡར་འགྲོས་བཞག་པའི་མི་གཉི…

རྗེས་སུ་འགྲོ་དོན་བྱེད་པའི་ཚེ། །སེམས་ཅན་མང་པོའི་སྲོག་ལ་ཕན་པ་བྱུང་། །ཇོ་བོའི་ཐུགས་རྗེ་ཡིན་སྙམ་དད་པ་སྐྱེས། །ཆོས་ལུང་ཕུ་རུ་སོང་ནས་སྒྲུབ་ལ་གཞོལ། །སྐབས་ཤིག་རང་ཉིད་ཚད་པས་ན་བའི་དུས། །སྣང་ངོར་ལྷ་ཁང་ཞིག་ལ་མེ་ཤོར་བས། །ལྷ་སྐུ་ཐམས་ཅད་མ་ཚིག་ཇེ་གསལ་གྱུར། །ཕྱོགས་བཞིའི་ཞིང་ཁམས་མཐོང་ནས་འགྲོ་སྙམ་ཚེ། །མི་ནག་གཅིག་གིས་མ་…

ཙཱ་རི་ཕག་གདོང་མ་ནག་མོ་ཐུགས་ཀྱི་གནས་ལ་རོང་སྐོར་བརྒྱབ་ནས་སྒྲུབ་པ་བྱས་ཚུལ། བཅུ་བ་སྨད་ན་འགྲན་ཟླ་ཐམས་ཅད་དང་བྲལ་བ་ཙཱ་རི་ཕག་གདོང་མ་ནག་མོ་ཐུགས་ཀྱི་གནས་ལ་རོང་སྐོར་བརྒྱབ་ནས་སྒྲུབ་པ་བྱས་ཚུལ་ནི། དེ་ཡང་སྤྲེལ་ལོར་ཙཱ་རི་རོང་སྐོར་ལ་འགྲོ་སྙམ། ལྕགས་མོ་ལུག་ལོའི་མགོ་ཟླ་བའི་ཡར་ཚེས་ལ་ཆོས་ལུང་ནས་ཐོན་ཏེ་འདོད་དཔལ་མཁན་པོ་ཞི་…

འབུལ་བྱས་གསོལ་བ་བཏབ་ནས། ཡོན་བདག་བསོད་ནམས་ཅན་ཡ་རབས་རྩྭ་ཆང་དགའ་རུ་སོང་། དྲེའུ་ཤེད་ངན་ཞིག་ཡོད་པ་ཁོང་ཚང་ལ་བྱིན་འཚོ་ཆས་གང་དགོས་ཚད་དེ་ནས་ཁྱེར། །ནེའུ་རིང་གཏེར་སྟོན་སཱ་ལ་རིན་པོ་ཆེ་སྐུ་སྙུང་ཡོད་པ་དང་མཇལ། དྲེའུ་ཤེད་དགའ་བ་དེ་རུ་ཕུལ་ནས་ཆོས་འབྲེལ་ཞུས། ཉི་མ་ཁ་ཤས་ཞབས་བརྟན་ཕུལ། གསོལ་རས་བདག་རྐྱེན་གང་དགོས་གནང་། དེ་ནས…

དགའ་སྐྱོ་སྣ་ཚོགས་པ་ཤར་ནས་རང་གཞན་ཡོངས་ལ་ཕན་ཕྱིར་མགུར་དབྱངས་འདི་བླངས་སོ། །སྐྱབས་བསླུ་མེད་རྩ་གསུམ་ལྷ་ཚོགས་ལ། །ཡིད་མོས་གུས་གདུང་བས་གསོལ་བ་འདེབས། །མི་འདིར་འཚོགས་ཚེ་འདིའི་བར་ཆད་སོལ། །ཚེ་ཕྱི་མར་དགེ་བའི་ཞིང་དུ་དྲོངས། །སྔོན་ལས་བཟང་སྨོན་ལམ་དག་པའི་མཐུས། །ས་དགེ་ལེགས་བཀྲ་ཤིས་གཡང་ཆགས་པ། །གནས་ཙཱ་རིའི་དཀྱིལ་འཁོར་ཐང…

འདི་བཞིན་དུ་བྱེད་མཁན་སྐྱེས་བུ་ལ། །ཚེ་འདི་ཕྱིར་བདེ་སྐྱིད་ཉི་མ་འཆར། །གླུ་འདི་ཉིད་བླངས་པའི་དགེ་བའི་མཐུས། །གནས་སྐོར་མིའི་སྐྱ་སེར་ཕོ་མོ་ཀུན། །ལུས་སེམས་ལ་སྡུག་བསྔལ་མི་འབྱུང་བར། །གནས་འཁོར་ནས་གཉེན་བཤེས་མཇལ་བར་སྨོན། །ཡུལ་མི་གཅིག་གནས་སྐོར་གྲོགས་མཆེད་ཀུན། །གནས་དག་པ་མཁའ་སྤྱོད་ཞིང་ཁམས་སུ། །ཚེ་ཕྱི་མར་མཇལ་བའི་སྨོན…

རུ་བཞུགས་ལ་སྒོམ་སྒྲུབ་གྱིས། །ལས་སྡིག་སྒྲིབ་ཆེ་བའི་ཕོ་མོ་ཀུན། །གནས་འདི་ལ་ཕྱག་དང་སྐོར་བ་གྱིས། །རྒྱུ་ཚོགས་གཉིས་གསོག་པའི་གང་ཟག་རྣམས། །གནས་འདི་ལ་ཅི་འབྱོར་མཆོད་འབུལ་གྱིས། །གླུ་འདི་ཉིད་མཐོང་ཐོས་འགྲོ་ཀུན་གྱིས། །ཆོས་བྱས་ནས་མྱུར་དུ་སངས་རྒྱས་ཤོག །ཅེས་བླངས་པས་དེར་འཚོགས་པ་ཀུན་གནས་ལ་དད་ཅིང་གུས་པར་གྱུར་ཏོ།། དེ་ནས་…