ཤེས་པ་ལྷོད་ཀྱིས་གློད་ནས་བཞག་པའི་ཚེ། །བསྒོམ་དང་མི་བསྒོམ་ཞེན་པ་ཀུན་དག་ནས། །སེམས་ལ་བཟོ་བཅོས་དམིགས་གཏད་གང་ཡང་མེད། །ཤེས་པ་རང་གསལ་རྒྱ་ཡན་ཟང་ཐལ་ལེ། །གནས་པ་དེ་ཉིད་ཕྱག་རྫོགས་ལྟ་བ་ཡིན། །ཕར་ལ་བློ་ཡིས་བཅོས་པ་མ་ཡིན་པར། །ཚུར་ལ་རྩ་བརྒྱུད་བླ་མའི་བྱིན་རླབས་ལས། །ཤར་བའི་མཁའ་ལྟར་དག་པའི་ལྟ་བ་དེ། །རྒྱུན་འཆད་མེད་པ་ཆུ་བོའི…

པས། །ལྟ་སྟངས་ནམ་མཁའི་ཁམས་ལ་ཕར་བསྒྱུར་ནས། །པཎ་ཆེན་ནཱ་རོ་པ་ལ་འདི་སྐད་གསུངས། །ནམ་མཁའི་རང་བཞིན་གང་གིས་གང་ལ་བརྟེན། །རང་སེམས་ཕྱག་རྒྱ་ཆེ་ལ་བརྟེན་ཡུལ་མེད། །བཅིངས་པ་གློད་ན་གྲོལ་བར་ཐེ་ཚོམ་མེད། །མ་བཅོས་གཉུག་མའི་ངང་དུ་གློད་ལ་ཞོག །སེམས་ནི་ནམ་མཁའ་བསམ་པའི་ཡུལ་ལས་འདས། །དེ་ཡི་ངང་ལ་བཏང་བཞག་མེད་པར་གློད། །སེམས་ལ་གཏད་མེ…

པས། འོ་ན་དེ་འདྲ་མ་ཡིན་པར་རང་ཀ་ཐམ་ཐོམ་ལྟ་བུར་བསྡད་པས་ས་ལམ་གར་ཡང་མི་ཕྱིན་པ་ཡིན་ནམ་ཟེར་བའི་ལན་དུ། ཕྱག་ན་པད་དཀར་འཆང་དངོས་རྒྱལ་དབང་གིས། །དེང་དུས་ཕྱག་ཆེན་ཟེར་བའང་སེམས་གནས་ཙམ། །ལྟ་བ་ཡིན་གྱི་ཕྱག་ཆེན་དངོས་གནས་མིན། །འཇམ་དཔལ་དབྱངས་དངོས་ས་སྐྱ་པཎྜི་ཏས། །ཞལ་ནས་བླུན་པོས་ཕྱག་རྒྱ་ཆེ་བསྒོམ་པ། །ཕལ་ཆེར་དུད་འགྲོའི་རྒྱུ་…

བྱེད་སྤྲིན། །བྱུང་ཚེ་རླུང་གིས་བསྐྱོད་ནས་ཕྱོགས་བཅུར་གཏོར། །ནམ་མཁའ་སྔོན་པོའི་རང་མདོག་མཐོང་བ་ལྟར། །ཏིང་འཛིན་སྒྲིབ་བྱེད་ལུང་མ་བསྟན་བྱུང་ན། །ལུས་ཀྱི་གནད་ནི་སྔར་བས་དྲང་བོར་བསྲང་། །སྨིན་མ་ལྟ་སྟངས་གཟེངས་ཀྱང་ཆེས་ཆེར་བསྟོད། །ཤེས་པ་རྒྱ་བསྐྱེད་དཔངས་བསྟོད་ཕྱལ་ཡས་སུ། །ཐོངས་ལ་ཞོག་དང་དྭངས་སྙིགས་སོ་སོར་ཕྱེས། །ལུང་མ་…

མེད་བཞིན་དུ། །གཟུགས་སྐུ་འཇའ་ལྟར་ཤར་ན་དགའ་བ་ལ། །སངས་རྒྱས་ས་ལ་འགྲོ་བ་ཀུན་དྲུངས་ནས། །འཁོར་བ་དོང་ནས་སྤྲུགས་ན་སྐྱིད་པ་ལ། །མཁའ་ལྟར་ཡངས་ཤིང་ཉི་ལྟར་སྒྲིབ་མེད་གསལ། །ཤེལ་ལྟར་དྭངས་ཤིང་མི་གཡོ་རི་ལྟར་བརྟན། །དེ་འདྲའི་དགོངས་པ་ལྡན་པ་ཐམས་ཅད་ལ། །ཕྱག་འཚལ་སྐྱབས་སུ་མཆིའོ་བྱིན་གྱིས་རློབས། །ཞེས་སྨྲས་པས་ཁོ་རང་གི་ལྟ་བ་ལ་བོག…

ཟབ་རྒྱས་ཆོས་ཐོབ་དབེན་པར་གནས་བཅས་ཀྱང་། །བསྒོམ་ལ་བརྩོན་པའི་སྙིང་རུས་མ་མཆིས་པས། །གསང་སྔགས་མྱུར་ལམ་རིང་ལམ་མདོ་ལྟར་བཏང་། །གཞན་དོན་ལྟ་ཞོག་རང་དོན་མ་གྲུབ་པའི། །གཉིས་མེད་བྱ་བཏང་ཚོགས་དྲུག་རང་གྲོལ་གྱིས། །ཁ་མིན་སྙིང་ནས་གུས་རྟགས་ལག་གཉིས་ཀྱང་། །སྤྱི་བོའི་ཕྱོགས་སུ་ཁྱེར་ནས་ཞུ་ཡིག་འབུལ། །མགོན་ཁྱོད་གཟུགས་སྐུ་རབ་ཏུ་བད…

པའི་ཤིང་། །བདག་གཞན་བསོད་ནམས་ར་བར་ཡོངས་བསྲུངས་པས། །ནམ་ཡང་ཉམས་པ་མེད་པའི་ཡིད་སྨོན་བྱ། །ཞུ་ཡིག་འདེགས་རྟེན་ལྷ་རྫས་དྲི་མེད་བཅས། །དཔལ་ཆེན་ཧེ་རུ་ཀ་དཔལ་རོལ་བའི་ཞིང་། །དཔའ་བོ་མཁའ་འགྲོའི་དོ་ར་ཙཱ་རི་ཏྲའི། །ཉམས་རྟོགས་ཅིག་ཆར་འཁྲུངས་པའི་ནགས་ནས་ཕུལ། །ཞེས་ཕུལ་བས་ཐུགས་ཤིན་ཏུ་དགྱེས་པ་བྱུང་། དེ་ནས་འགྲོ་ཁར་ཉེ་བའི་ཚེ་གློ…

གསོ། །རྫུན་གཡོ་སྒྱུ་བྱས་ནས་ཚོང་མ་བྱེད། །བུ་བསད་ནས་མཛོ་མོ་འབྲི་མ་བཞོ། །རྐུས་འཕྲོག་བཅོམ་བྱས་ནས་ནོར་མ་བསོག །ཚེ་འདི་རུ་སྡོད་དུས་སྡིག་བྱས་ན། །ཚེ་ཕྱི་མར་སོང་དུས་སྡུག་བསྔལ་ཆེ། །ལུས་ན་ཟུག་མེད་དུས་ཕྱག་སྐོར་གྱིས། །ངག་སྨྲ་ལྕེ་བདེ་དུས་བཟླས་བརྗོད་མཛོད། །བློ་རྣམ་རིག་གསལ་དུས་ཆོས་ལ་ཉོན། །ལོ་ན་ཚོད་གཞོན་དུས་སྒོམ་སྒྲུ…

ཡུལ་ཕྱོགས་སུ་ཆས་འགྲོ །ངོ་མཚར་རྨད་བྱུང་གི་ཙཱ་རིར། །ཡ་མཚན་ཉམས་རྟོགས་ཀུན་རྒྱས་པའི། །ཆོས་གྲོགས་རྡོ་རྗེ་ཡི་སྤུན་རྣམས། །ཉམས་རྟོགས་ངོམ་བཞིན་དུ་བཞུགས་ཤིག །རྒྱལ་ཁམས་ཕྱོགས་མེད་ལ་འགྲོ་བའི། །བྱ་བཏང་ཚོགས་དྲུག་གི་རང་གྲོལ། །ཀུན་ལ་དག་སྣང་རང་སྦྱོང་བཞིན། །ཐག་རིང་དབེན་གནས་སུ་ཆས་འགྲོ །དམ་གཙང་རྡོ་རྗེ་ཡི་སྤུན་དང་། །ཚེ་འད…

དཔའ་བོ་མཁའ་འགྲོ་རྣམས་ཀྱང་བཞད་ཀྱིན་ཡོད་མོད་སྙམ་མོ། །དེ་ནས་ཆོས་ཟམ་བརྒྱུད་དེ་གོང་མོ་ལའི་རྩེ་རུ་འོངས་ནས་བསྡད་པའི་མཚན་མོ་ཐོ་རངས་ཀྱི་རྨི་ལམ་དུ། ང་དང་སྐལ་ལྡན་ཚུལ་ཁྲིམས་གསུམ་གྱིས་རྟ་གཅིག་ལ་ལྟོ་གོས་བཀལ་ནས་ཁྲིད་དེ། དྭགས་པོ་དགའ་ལྡན་རབ་བརྟན་ཕྱོགས་ཀྱི་ལ་བརྒྱབ་སྟེ་སོང་བས། ལ་དེའི་བར་མཚམས་ཤིག་ན། རྒན་མོ་ལོ་ལོན་འགྲོ་…

ཕྱག་གཡས་ཀྱིས་གྲི་གུག་དང་། གཡོན་ཐོད་ཁྲག་འཛིན་པ། གྲུ་མོ་གཡོན་གྱི་ནང་དུ་ཁ་ཊཾ་ཀ་བསྣམས་ཤིང་གར་སྟབས་ཀྱིས་འགྱིང་བ་ཞིག་ཏུ་གྱུར་པའི་ཐུགས་ཀ་ནས་འོད་ཟེར་འཕྲོས་པ་ངེད་རྣམས་ལ་ཕོག་པས་བདེ་སྟོང་གི་ངང་ལ་ལྷན་ལྷན་འགྲོ་བ་ཞིག་བྱུང་། དངོས་གྲུབ་འདི་ཡིན་གསུངས། གོས་ཀྱི་སྨན་ཁུག་འདྲ་བའི་སྣོད་ཁྲ་ཁྲ་ཞིག་གི་ནང་ན་དངུལ་གྱི་ཊཾ་ཀ་ལྟ་བ…

གནམ་ལ་གཅིག་འཕུར་བཏང་ན་དེས་ཆོག་པར་འདུག་སྙམ། གང་ཕུལ་ཚད་པོ་མ་བླངས་པར་ཕྱིར་བྱིན་པས་མི་ཀུན་སྔར་བས་ཀྱང་དད་བཞིན་སོང་། དེ་ནས་ངེད་གསུམ་ཚུར་འོང་འགོལ་ས་ཞིག་ནས་དངོས་གྲུབ་གནང་བའི་སྣོད་ཀྱི་ཁ་ཕྱེ་ནས་བལྟས་པས། དངུལ་དཀར་གྱི་ཊཾ་ཀ་ལྟ་བུའི་སྒོར་སྒོར་ཆེ་བ་བརྒྱ་ལྷག་ཙམ། འབྲིང་བོ་སྟོང་ཚོ། ཆུང་ཆུང་ཁྲི་ཕྲག་ཙམ་ཡོད་དམ་སྙམ་པ་འདུ…

བསྡད་འཚོ་བ་ཞབས་ཏོག་ཡག་པོ་བྱིན།། དེའི་ཕྱི་ཉིན་གནས་ཆེན་དྭགས་ལ་སྒམ་པོར་སླེབས། དགོན་པའི་གཙུག་ལག་ཁང་རྣམས་ལ་མཇལ་ཏེ་མཆོད་འབུལ་བྱས། དེའི་ཕྱི་ཉིན་རི་ངོས་ཀྱི་སྒྲུབ་སྡེར་ཕྱིན་ཏེ། ཤར་དྭགས་པོ་བཀྲ་ཤིས་རྣམ་རྒྱལ་སོགས་དམ་པ་གོང་མ་མང་པོ་བཞུགས་པའི་མཚམས་ཁང་ཞིག་གཡར་ནས། ཟླ་བ་བཞི་ཙམ་ལ་མཚམས་ལ་བསྡད། དེ་དུས་ཆར་དཀོན་པོ་བྱུང་ནས…

སྣང་ཁམས་སུ་མེ་དཔུང་ཆེན་པོར་གྱུར་ཏེ་སེར་བ་ཐམས་ཅད་བཞུས་ནས་འདོད་པའི་ཆར་ཆེན་པོ་འབབ་པར་གྱུར་ཅིག སད་རྒྱག་པའི་དུས་སུ་སྤྲིན་ཆེན་པོར་གྱུར་ཏེ་བར་སྣང་ཁམས་སུ་འཁྲིགས་ནས་སད་མི་འབྱུང་བར་གྱུར་ཅིག གཞན་ཡང་ལོ་ཏོག་ལ་གནོད་པའི་རི་བོང་བྱེའུ་སྲིན་འབུ་སོགས་ཀྱི་གཉེན་པོར་གྱུར་ནས། ཞིང་ལ་གནོད་པའི་རིགས་སུ་གྱུར་པ་གཏན་ནས་མི་འབྱུང་…

ཀྱི་རྩ་བ་རང་སེམས་གདོད་མ་གཤིས་ཀྱི་གནས་ལུགས་སྟོང་གསལ་འཛིན་མེད་ཟང་ཐལ་རྒྱུ་ཡན་ཁྱབ་གདལ་ཀློང་ཡངས་ཆེན་པོའི་ངང་ལ་མཉམ་པར་འཇོག་པ་གཙོ་བོར་བྱས། རྗེས་ཐོབ་སྐབས་སུ་མཁའ་ཁྱབ་ཀྱི་འགྲོ་ལ་སྙིང་རྗེ་བསྒོམས་པས། ཉམས་རྟོགས་ཡོན་ཏན་མང་པོ་རྒྱུད་ལ་སྐྱེས་པ་བྱུང་། དེ་ནས་སྒྲུབ་སྡེའི་བླ་མ་བསྟན་འཛིན་ཆོས་དབང་རིན་པོ་ཆེ་ལ་དྭགས་པོ་བཀྲ་ཤ…

དཔལ་ཆོས་སྐྱོང་སྲུང་མ་འདུ་བའི་ཞིང་། །ཆོས་སྒྲུབ་བརྒྱུད་བསྟན་པ་དར་བའི་ས། །རྗེ་མཁས་གྲུབ་མང་པོ་བཞུགས་པའི་གནས། །ལྷ་མི་རྣམས་བསོད་རྣམས་བསགས་པའི་རྟེན། །ཡུལ་རྒྱ་གར་རྡོ་རྗེ་གདན་གཉིས་པ། །བོད་གངས་ཅན་ཁྲོད་ཀྱི་རྒྱན་གཅིག་པུ། །ཤར་གནས་ཆེན་དྭགས་ལ་སྒམ་པོ་ཞེས། །མཚན་ཡོངས་གྲགས་ངོ་མཚར་དཔལ་གྱི་རི། །རྒྱབ་བྲག་རི་རྩེ་མོ་མཁའ་ལ་…

བསྟེན་ན་ཚེ་འདིར་བདེ། །སྒོམ་སྒྲུབ་པ་ནུས་ན་ཕྱི་མར་སྐྱིད། །ཚེ་འདིར་བདེ་ཕྱི་མར་སྐྱིད་འདོད་པས། །གནས་འདི་ཉིད་བསྟེན་ལ་སྒོམ་སྒྲུབ་གྱིས། །དགེ་འདིས་ཀྱང་རང་གཞན་ལ་ཕན་ནས། །ཆོས་སྒྲུབ་བརྒྱུད་བསྟན་པ་འཛིན་པར་ཤོག །ཅེས་སྨྲས་པས་དེར་འཚོགས་པ་རྣམས་ཀྱང་དགའ་བ་བྱུང་། དེ་ནས་འགྲོ་ཁར་གྲྭ་ཚང་ལ་མང་ཇ་བཏང་། སྒྲུབ་སྡེ་ལ་ཚོགས་འཁོར་བས…

ཉེ། །ལོ་བརྒྱ་སྟོང་འདང་བའི་ཟས་ཡོད་ཀྱང་། །རང་འཆི་བའི་ནངས་པར་བསྐྱུར་ནས་འགྲོ །ལོ་བརྒྱ་སྟོང་འདང་བའི་གོས་ཡོད་ཀྱང་། །རང་འཆི་བའི་ནངས་པར་ཕུད་ནས་འགྲོ །གསེར་དངུལ་སོགས་བརྒྱ་སྟོང་མང་ཡོད་ཀྱང་། །རང་འཆི་བའི་ནངས་པར་ལག་སྟོང་འགྲོ གྲོགས་མཛའ་བཤེས་བརྒྱ་སྟོང་མང་ཡོད་ཀྱང་། །རང་འཆི་བའི་ནངས་པར་བྲལ་ནས་འགྲོ །དོན་དེ་ཕྱིར་གྲོགས་མ…

བླ་མ་བློ་ཆེན་པའི་ནང་ལ་སོང་ནས་ཞག་གཅིག་བསྡད་ཆོས་འབྲེལ་དུ་ཚེ་དབང་ཞིག་ཞུས། དྭགས་པོ་བཤད་སྒྲུབ་གླིང་ལ་མཇལ་མང་ཇ་བཏང་མཆོད་འབུལ་བྱས་སྨོན་ལམ་བཏབ། དེ་ནས་དྭགས་པོ་གྷོ་པའི་གཞི་ཀ་གོང་འོག་གཉིས་ལ་བཀྲ་ཤིས་བརྗོད་ལྕམ་སྲས་ལ་ཚེ་དབང་བསྐུར། ཆོས་བཤད་པས་ཁོང་རྣམས་ཀྱིས་འཚོ་བ་ཞབས་ཏོག་ཡག་པོ་བྱས། ཚེ་དབང་གི་ཡོན་དུ་མར་ལྟང་གཅིག་དང་ད…

སར་འོངས་པས་སོག་པོའི་ཆོས་རྒྱལ་ཆིང་ཝང་རིན་པོ་ཆེ་འདི་དཔོན་མོ་ཨ་བཱའི་མཆོག་གི་ཚ་བོ་ཐེ་ཇི་དང་། ཕྱག་མཛོད་དར་ཧན། ཨ་རྒྱ་བདེ་ལེགས་ལ་སོགས་པའི་སོག་ཕྱོགས་ཀྱི་ཡོན་བདག་དད་ཅན་མང་པོ་སླེབས་ཡོད་པ་དང་མཇལ། དེ་རྣམས་ཀྱིས་དངུལ་རྡོ་ཚད་བཅུ་གསུམ་ཙམ་ཕུལ་བ་གསེར་དུ་བསྒྱུར། གསེར་སྲང་ལྔ་བཅུ་ཐམ་པའི་མཆོད་ཀོང་འདོད་དཔལ་ནས་བཟོ་རུ་བཅུག …