བུ་མོ་ཡིན། །མིང་ལ་བཀྲ་ཤིས་བརྩེགས་ཞེས་ཟེར། །ཕ་ནི་སུ་ཡིན་ངོ་མ་ཤེས། །བུ་ཚ་མིང་སྲིང་གསུམ་ཙམ་ཡོད། །ནང་ནས་ཆེ་ཤོས་ང་རང་ཡིན། །མིང་ལ་ངག་དབང་བཀྲ་ཤིས་ཟེར། །ཆུང་ནས་ཆོས་དང་བླ་མར་དད། །ལོ་བདུན་ཐོག་ནས་མ་ཡི་གེ་ཤེས། །ལོ་བཅུའི་ཐོག་ནས་བླ་མ་བསྟེན། །ད་ལྟ་བླ་མ་བརྒྱ་ཙམ་ཡོད། །ནང་ནས་དྲིན་ཅན་བླ་མ་དེ། །ཆོས་རྒྱལ་ངག་གི་དབང་བོ་ལག…

རྣམ་ཐར་དེ་ཀ་ཙམ། །བུ་ཁྱོད་དད་པའི་གསལ་འདེབས་གྱིས། །ཞེས་སྨྲས་པས་ཀུན་དད་ཅིང་གུས་པར་གྱུར་ཏོ། །དེ་དུས་ཨ་མདོའི་ཁྲི་ཀའི་ཕྱོགས་ཀྱི་གྲྭ་པ་གནས་སྐོར་བ་ཞིག་འོངས་པ་སླར་རང་ཡུལ་དུ་ལོག་ནས་འགྲོ་བ་ལ། ཁྱོད་ཡུལ་དུ་སླེབས་ན་ཡུལ་ཕྱོགས་ཀྱི་མི་དད་ཅན་རྣམས་ལ། ང་ཡང་མ་ཤི་ཚེ་རིང་བྱུང་ན་ཕ་ཡུལ་མདོ་སྨད་དུ་ལན་ཅིག་ཡོང་རྒྱུ་རེད་ཅེས་ཤོད…

འཚམས་རྟགས་རྒྱང་གླུ་རུ་ཕུལ་ལོ། །སེམས་པ་མ་སྐྱོ་བར་བཞུགས་དང་། །མི་རིང་མྱུར་བ་རུ་མཇལ་ཡོང་། །ཚེ་འདིར་མ་མཇལ་བར་གྱུར་ན། །སྐྱེ་བ་འདི་ཉིད་ཀྱི་འོག་ཏུ། །ཤར་ཕྱོགས་མངོན་དགའ་ཡི་ཞིང་དུ། །ཐམས་ཅད་མཇལ་བ་ཞིག་བྱའོ། །ཞེས་སྤྲིངས་པའོ། །ཉིན་གཅིག་དད་གཏོང་བློ་གྲོས་ཆེ་བའི་སྒར་དཔོན་སྦན་ཙ་ལྷོ་པས་གོས་ཚར་གྱི་གོན་པ་གསར་བ་ཞིག་ཕུལ་བ…

མའི་ན་བཟའ་ཡིན། །གྱོན་ན་ཡང་ལ་འཛད་རྒྱུ་མེད། །ཁྱེད་ཀྱང་འདི་འདྲའི་གོས་ཤིག་གྱོན། །བཟོ་ཚུལ་ང་ཡི་འདི་བཞིན་གྱིས། །གོས་ཚར་འབུལ་བ་ཆེ་ན་ཡང་། །སྤྲང་པོ་བདག་ལ་མཁོ་བ་ཆུང་། །འོན་ཀྱང་ཁྱོད་ཀྱི་དད་པ་བཟང་། །རེ་ཞིག་ཚོགས་གཉིས་རྫོགས་ཕྱིར་བྱོན། །དགེ་འདིས་སློབ་མའི་ཚོགས་རྫོགས་ནས། །མཚན་དཔེས་བརྒྱན་པའི་སྐུ་འཐོབ་ཤོག །ཅེས་བླངས་པས…

བདུད་རྩིའི་ཆར་འབེབས་ལྷ་དབང་བརྒྱ་བྱིན་འདྲ། །ཟླ་བ་ལྟ་བུར་དཀར་པོའི་ཆོས་ཀྱིས་རྒྱས། །ཞི་བའི་ཕྱོགས་སྟོན་ཉི་མ་གསལ་བ་འདྲ། །དགྲ་དང་གྲོགས་ལ་རི་བོང་འདྲ་བ་སྟེ། །རྒྱ་མཚོ་བཞིན་དུ་མི་འཁྲུགས་སེམས་དང་ལྡན། །ཡོངས་སུ་སྐྱོང་དང་མཉན་པ་འདྲ་བ་ཞེས། །དེ་འདྲའི་སེམས་ཀྱིས་ནོར་བཟང་འདིར་འོངས་སོ། །འཇིག་རྟེན་སྐྱོབ་པའི་དཔའ་བོ་ལྟ་བུ་ས…

ཕལ་བའི་རྒྱུན་ལ་བལྟ་བའི་གོ་སྐབས་བཅོམ། །ཀུན་གྱི་ཡིད་འཕྲོད་སློབ་བུ་དབང་བོ་ཁྱོད། །གནས་འདིར་བྱོན་པ་ཐོས་པས་བདག་གི་ཡིད། །རབ་དགའི་ས་ཐོབ་བཞིན་དུ་རབ་ཏུ་སྤྲོ། །ཕ་ང་འཆི་བདག་བདུད་ལ་ཤིན་ཏུ་འཇིགས། །ནང་དུ་ཞུགས་ནས་བུག་སྒོ་ཚུན་ཆད་བཅད། །ནམ་ཞིག་དགྲ་དེ་སླེབས་དུས་རང་རྒྱལ་ཕྱིར། །བླ་མའི་གདམས་ངག་གོ་ཁྲབ་མཚོན་ཆ་ཐོགས། །ཐོས་བསམ…

འཛིན་སྙན་ཞུ་ཚིགས་བཅད་འདི། །དམ་པའི་ཕྱག་རྟེན་ལྷ་རྫས་བཅས་ཏེ་ཕུལ། །ཞེས་པའི་ལན་དུ་ལུགས་གཉིས་ཀྱི་བསླབ་བྱ་འདི་ཕུལ་ལོ། །ང་ཡི་བུ་མཆོག་སྙིང་དང་འདྲ་བ་ཁྱོད། །འདི་ཕྱིར་ཕན་པའི་སྙིང་གཏམ་འདི་ལ་ཉོན། །མི་ཐུབ་དགྲ་དང་ཆུ་ལ་ཕོད་མ་བཙོངས། །ཁོག་ཏུ་མི་འཇུ་བ་ཡི་ཟས་མ་ཟ། །ཁ་དཀར་ཁོག་ནག་མི་ལ་བློ་མ་འདྲི། །ཕྲ་མ་རྫུན་ཚིག་ཆེ་བའི་གཏམ་…

དུས་ཡང་ཡང་དྲིས། །ཁྱིམ་མཚེས་བོར་སྟོར་བྱུང་ན་འཚོལ་རོགས་གྱིས། །མ་ནུས་ཉམ་ཐག་འགྲོ་ལ་སྙིང་རྗེ་སྐྱེད། །མྱ་ངན་ཅན་གྱི་མི་ལ་སེམས་གསོ་ཐོངས། །གཏན་གྱི་སྐྱབས་སུ་བླ་མ་དཀོན་མཆོག་སྟེན། །འཕྲལ་རྐྱེན་སེལ་ཕྱིར་ཡུལ་ལྷ་གཞི་བདག་བརྔོན། །ཕ་མ་རྒས་ཁར་མ་བརྙས་དྲིན་གཟོ་གྱིས། །བྲན་དང་གཡོག་པོར་མ་བསྡིག་ལྟོ་གོས་བྱིན། །གྲོགས་དང་ཁྱིམ་མ…

བཤགས། །ཕྱིན་ཆོད་བཀའ་བཞིན་ཅི་ཐུབ་བསྒྲུབ་པ་དང་། །ཁྱད་པར་འཁྲིག་ཆང་སྲོག་གཅོད་སྤང་བར་ཞུ། །ད་རེས་མགོན་ཁྱོད་ཞལ་གྱི་བུམ་བཟང་ལས། །ལེགས་འོངས་ལམ་གྱི་རིམ་པའི་ལུང་ཞུས་ནས། །ཞོར་ལ་དག་བྲིས་གང་ཐུབ་ཅིག་བྱས་ཏེ། །རང་ཉིད་གྲོལ་ནས་གཞན་ལ་སྟོན་ནུས་ཞུ། །དེ་ཡིས་གཞི་བཟུང་ལམ་གྱི་ཡོན་ཏན་ལ། །མངའ་བརྙེས་ལུས་འདིར་བྱང་ཆུབ་རབ་ཐོབ་ནས། …

ལ་གཏོང་། །ཡར་གྱི་བླ་མའི་ཞབས་འདྲེན་བྱེད། །མར་གྱི་ངན་སློང་རྐང་བས་ཕུལ། །བར་གྱི་མཆེད་གྲོགས་འཁོར་ལ་སྡང་། །ནམ་ཞིག་མི་ཆོས་ལས་ལ་འཇུག །ཉེ་གནས་ངན་པའི་མཚན་ཉིད་ལགས། །ངན་པ་དེ་འདྲ་མ་བྱེད་ཨང་། །ཉེ་གནས་བཟང་པོའི་མཚན་ཉིད་ནི། །དགོང་མོ་ཉལ་འཕྱི་ནངས་པར་སྔ། །ནངས་ནུབ་དགེ་སྦྱོར་གང་ནུས་བྱེད། །དལ་ལ་འཁྱུག་ཅིང་བོ་འགྱེལ་མེད། །གཙ…

ཞབས་ཏོག་སྒྲུབ་ཚུལ་གྱི་བསླབ་བྱ་ཁ་གསལ་པོ་ཞིག་དགོས་ཟེར་བའི་ལན་དུ། འོ་བླ་མའི་ཞབས་ཏོག་བྱེད་པ་ལ་སྔར་བཤད་ལྟར་ཉེ་གནས་ངན་པའི་མཚན་ཉིད་སྤངས་ནས། ཉེ་གནས་བཟང་པོ་ལྟར་བྱས་ན་དེ་ཀས་ཀྱང་ཡོང་མོད། འོན་ཀྱང་ཉིན་རེ་བཞིན་གྱི་བྱ་རྒྱུ་རྣམས་ལག་ལེན་དམར་ཁྲིད་དུ་སྟོན་པ་ལ་འདི་ལྟར་གྱིས། ནངས་ནུབ་ཏུ་དགེ་སྦྱོར་གང་ནུས་དང་། ཉིན་པར་གྱི་ད…

ཁྲུས། །མགྲོན་པོ་བྱུང་ན་སྔོན་ནས་བསུས། །གཏམ་སྙན་ཇ་ཡི་སྣ་ལེན་གྱིས། །ཞལ་མཇལ་ཆོས་ཀྱི་ཞུ་སྣ་དྲོངས། །འགྲོ་ན་སྐྱེལ་ཞིང་གཏམ་སྙན་བརྗོད། །སློབ་མ་གསར་བའི་གནས་མལ་འཆོས། །ངོ་དགའི་གཏམ་གྱིས་མེ་ཏོག་འཐོར། །རྙིང་བ་འགྲོ་ན་སུན་མ་དབྱུང་། །ཅི་ཡོད་ཟས་བྱིན་སྐྱེལ་ཐུང་བྱས། །ཁ་འཇམ་ཚིག་གིས་རྫོངས་པ་གྱིས། །ཀུན་ལ་ཉེ་རིང་མི་བྱེད་པར།…

ད་དུང་ཡང་ཁོ་བོ་ལ་ཕན་པའི་ཞལ་གདམས་བསླབ་བྱ་ཞིག་དགོས་ཞེས་ཞུ་དོན་ཚིགས་སུ་བཅད་ནས་ཕུལ་བ། །སྟོན་པ་འཇིག་རྟེན་འདིར་བྱོན་དུས། །ལྷ་མིའི་གུས་པས་ཕྱག་འཚལ་བཞིན། །བདག་ཀྱང་དཔལ་ལྡན་བླ་མ་ལ། །རབ་ཏུ་གུས་པས་ཕྱག་འཚལ་ལོ། །བུ་མོ་དགའ་མོ་དགའ་སྟོབས་ཀྱིས། །སྟོན་པ་འོ་མས་མཆོད་པ་ལྟར། །བདག་ཀྱང་དྲིན་ཅན་བླ་མ་ལ། །དངོས་འབྱོར་ཡིད་སྤྲུལ་མ…

དུས་སྐབས་འདིར། །ཚེ་ཐུང་ནད་དང་བར་ཆད་མང་། །གཞོན་པ་མང་པོ་འཆི་བ་མཐོང་། །དོ་ནུབ་ཡིན་ཡང་འཆི་ཉེན་གདའ། །མི་ཚེ་རིང་རུང་ཚེ་ཡི་ཕྱེད། །དོན་མེད་གཏི་མུག་གཉིད་ལ་ཟད། །ཁྱེད་ལ་བཟའ་བཏུང་རྣམ་གཡེང་བྱས། །ལྷ་ཆོས་བྱེད་པའི་ལོང་མ་མཆིས། །བདག་གིས་ཆུང་ནས་ཆོས་མ་དྲན། །གཞོན་དུས་དགོན་པའི་དཀོར་ལ་ཆགས། །ད་ལྟ་རྒས་དུས་ཆོས་མི་ནུས། །ལྷ་ཆོ…

ཆགས་སྡང་ངང་གིས་ཞི། །རི་ཁྲོད་བསྟེན་ན་དགེ་སྦྱོར་ངང་གིས་འཕེལ། །གཅིག་པུར་བསྡད་ན་རྐྱེན་ངན་བར་ཆད་མེད། །བསམ་པ་བཟང་ན་ཅི་བྱས་ཆོས་སུ་འགྲོ །ཕན་སེམས་ཡོད་ན་སུ་དང་འཁོན་མི་སྲིད། །ཆོས་བཞིན་བྱས་ན་དཀོན་མཆོག་ཐུགས་རྗེས་སྐྱོང་། །ཞི་ལྷག་བསྒོམས་ན་བདག་འཛིན་ཉོན་མོངས་ཐུལ། །དམ་ཚིག་གཙང་ན་མཁའ་འགྲོའི་བྱིན་རླབས་འབྱུང་། །ཡི་དམ་བསྐ…

ཐུགས་གསལ་སྟོང་ངང་ལ་རྟག་བཞུགས་པའི། །རྗེ་ཚོགས་དྲུག་རང་གྲོལ་ཞབས་ལ་འདུད། །སྔོན་བོད་ཡུལ་གངས་ཀྱི་ར་བ་ན། །སེང་དཀར་མོ་སྲུབ་མེད་འཕྱོ་འདྲ་བའི། །རྗེ་འགྲན་བྲལ་མི་ལ་རས་པ་དེ། །སླར་མི་ཡི་གཟུགས་སུ་ཤར་བ་མཚར། །ཆུང་མ་ལས་སྐྱེས་ནས་ད་ལྟའི་བར། །རྗེ་མི་ལ་བཞད་པའི་རྡོ་རྗེ་ལ། །ཡིད་མོས་གུས་གདུང་བས་གསོལ་བ་བཏབ། །ད་གསོལ་བ་བཏབ་པ་ཐ…

མདོར་བསྡུ་ན་ཕར་ཕྱིན་དྲུག་ལ་འདུས་པས་ད་རེས་ཁྱོད་ལ་ཕར་ཕྱིན་དྲུག་དང་མཐུན་པའི་ཞལ་གདམས་ཤིག་སྟེར་ཞེས་གླུ་འདི་བླངས་སོ།། སློབ་བུ་འཇིགས་མེད་རྒྱལ་མཚན་ཉོན། །གཞན་ལ་སྨྲ་བ་རྣམ་དྲུག་ནི། །གང་ཡོད་གཞན་ལ་སྟེར་ཕོད་ན། །གཏོང་ཕོད་ཡོད་ཅེས་སྨྲས་ན་ཆོག །མི་དགེ་བཅུ་པོས་མ་གོས་ན། །ཚུལ་ཁྲིམས་ཡོད་ཅེས་སྨྲས་ན་ཆོག །མི་འདོད་རྐྱེན་ངན་ཐེ…

ཞི་བར། །བཟོད་པ་འདི་ལ་ནན་ཏན་མཛོད། །ལེ་ལོའི་དགྲ་དང་མ་བྲལ་བར། །བརྩོན་འགྲུས་འདི་ལ་ནན་ཏན་མཛོད། །རྣམ་རྟོག་དུག་འདི་མ་ཞི་བར། །ཏིང་འཛིན་འདི་ལ་ནན་ཏན་མཛོད། །མི་ཤེས་མུན་པ་མ་སངས་བར། །ཤེས་རབ་འདི་ལ་ནན་ཏན་མཛོད། །ཅེས་སྨྲས་པས་གྲྭ་བུ་སློབ་ཐམས་ཅད་ལ་སྔར་བས་བློ་བསྐྱེད་ཐོན་པ་བྱུང་ངོ་། །ཡང་ཉིན་གཅིག་མདོ་རྒྱུད་མན་ངག་གི་ཐོས་པ…

གདུལ་བྱ་ཀུན། །ཡར་མངོན་མཐོ་ངེས་ལེགས་ལམ་ལ་བཀོད། །སྤྱིར་ཡུལ་ཕྱོགས་འདི་རུ་བཀའ་དྲིན་ཆེ། །སྒོས་ཆོས་མེད་དཀོར་གཟན་སེར་གཟུགས་བདག །བློ་ཅུང་ཟད་ཆོས་ལ་ཕྱོགས་པ་འདི། །མགོན་ཁྱོད་ཀྱི་བཀའ་དྲིན་ཡིན་པར་གོ། །དྲིན་འཁོར་བར་དཀའ་འོ་དྲིན་ཅན་རྗེ། དུས་དེང་ནས་བྱང་ཆུབ་སྙིང་པོའི་བར། །མགོན་ཁྱེད་ཀྱིས་འབྲལ་མེད་རྗེས་སུ་ཟུངས། །སྔར་ཟབ་…

སྙིང་ནས་མཛད་འདོད་ན། །ཚེ་འདིའི་བྱ་བ་བློ་ཡིས་ཐོངས། །རྟག་ཏུ་རི་ཁྲོད་དབེན་པ་སྟེན། །བླ་མ་དཀོན་མཆོག་རིན་པོ་ཆེའི། །ཐུགས་རྗེ་མྱུར་བས་གསོལ་བ་ཐོབ། །ཡི་དམ་ཞི་ཁྲོའི་ལྷ་ཚོགས་ཀྱིས། །དངོས་གྲུབ་སྩོལ་བས་བསྙེན་སྒྲུབ་འབུངས། །ཆོས་སྐྱོང་དམ་ཅན་རྒྱ་མཚོ་རྣམས། །མཐུ་རྩལ་ཆེ་བས་འཕྲིན་ལས་བཅོལ། །སྡུག་བསྔལ་ཉམ་ཐག་སེམས་ཅན་རྣམས། །ཕ་…