སླེབས་ནས། །གཞན་གྱིས་བཤོལ་ཐབས་ཤིག་མི་གདའ། །རྣལ་འབྱོར་གཞན་ཡུལ་ལ་ཆས་འགྲོ །སྐལ་ལྡན་སློབ་མ་ཡི་ཚོགས་ལ། །གནོད་པའི་ནད་གདོན་གྱི་ཚོགས་རྣམས། །མཐུ་ལྡན་ཆོས་སྐྱོང་གིས་སྲུངས་ཤིག །ཅེས་བླངས་པས་སློབ་བུ་མཐོ་ལྡིང་བ། བཀྲ་ཤིས་སྒང་བ། སྤུ་ཧྲེངས་པ་རྣམས་ཀྱིས་གུས་པས་ཕྱག་བྱས་སྙན་པའི་ངག་གིས། བླ་མ་རིན་པོ་ཆེ་ཁྱེད་ནི་རང་དོན་མངོན་ད…

པ་འདི་དག་ཀྱང་ཕུལ་ལོ། །སྟེང་འཛམ་གླིང་རྒྱན་གཅིག་ཉི་མ་དེ། །ནུབ་བ་ལང་སྤྱོད་དུ་བསྐྱོད་སོང་ན། །ལྷོ་འཛམ་བུ་གླིང་བའི་མི་རེའི་མགོའི། །ཉི་རེ་རེ་ནུབ་པའི་སྣང་བ་བྱུང་། །རྗེ་འགྲོ་བའི་བླ་མ་ཐུགས་རྗེ་ཅན། །ཁྱེད་ཡུལ་ཕྱོགས་གཞན་དུ་ཕེབས་སོང་ན། །ངེད་མགོན་མེད་སློབ་མ་རེ་རེ་ལ། །མགོན་རེ་རེ་བྲལ་བའི་མྱ་ངན་འོང་། །སྟེང་མུན་པ་སེལ་…

ད་བཞུགས་པར་ཞལ་གྱིས་བཞེས་ནས་སླར་འགྱུར་ན་མི་རུང་བས་ཐུགས་ལ་འཇགས་འཚལ། ད་ཡང་ངེད་བུ་སློབ་རྣམས་ལ་ཕན་པའི་མགུར་བཞེས་པར་ཞུ་ཟེར་བའི་ལན་དུ་གླུ་འདི་འདྲ་བླངས་དྲང་སྲོང་བྱ་རྒྱལ་རྒོད་པོ། །ལྟོགས་ནས་ཤི་བ་མ་མཐོང་། །སྒོམ་ཆེན་བཀྲེས་ནས་ཤི་བའི། །རུས་པ་བཙལ་ནའང་མི་རྙེད། །རྒྱ་ཡིས་ཟོ་ཆུན་ཁྱུད་མོས། །ཆུ་བོ་ལ་ལ་དྲངས་སོང་། །ཆོས་པ་…

ཉིད། །གྲོགས་པོ་ངན་པར་འགྲོགས་ན། །སྤྱོད་ངན་ཤུགས་ཀྱིས་འགོས་ཡོང་། །གྲོག་མ་འགྲོ་འདུག་མང་ན། །རྐང་ལག་ཐང་ཆུར་སྦྱར་ཡོང་། །ཆོས་པ་བྱེད་རྒྱུ་མང་ན། །ཆོས་འགོ་མཐར་ཐོན་མི་ཡོང་། །ས་བོན་ཞིང་ལ་བཏབ་ན། །སོག་མ་ཞོར་ལ་ཐོན་ཡོང་། །སྙིང་ནས་ཆོས་བཞིན་བྱས་ན། །ལྟོ་རྒྱབ་ཞོར་ལ་འཛོམ་ཡོང་། །དགྲ་ལ་ཐུབ་ཚད་འཛིངས་ན། །དཔའ་བོའི་མི་དེ་ཐོབ་ཡ…

རྣམ་དཔྱོད་དཔག་བསམ་ལྗོན་པ། །མི་རྟག་བསེར་བུས་བསྐུལ་ཚེ། །སྐྱོ་མགུར་ཚིག་གི་མེ་ཏོག །འདི་འདྲ་མང་པོ་འཐོར་སོང་། །ཞེས་པ་འདི་རྣམས་བླངས་པས། སློབ་མ་རྣམས་ལ་བློ་བསྐྱེད་དང་། ངེས་འབྱུང་སྐྱེས་པ་མང་པོ་བྱུང་ངོ་། །དེ་ནས་མཚམས་གྲོལ་ནས་གནས་སྐོར་ལ་འགྲོ་ཁར། །མ་ཕམ་གཡུ་ཡི་མཚོ་ལ། །གནས་པའི་ཉ་མོ་གསེར་མིག །མཚོ་ལ་གཡས་སྐོར་བྱས་ནས། …

ཚོགས་ལ། །འདི་ཕྱི་གཉིས་ཀར་ཕན་ཡོང་། །སྐལ་ལྡན་སློབ་མ་རྣམས་ལ། །ཚེ་འདིར་མཇལ་བ་ཡུད་ཙམ། །ཕྱི་མར་མཇལ་བའི་དུས་སུ། །ཡུན་རིང་འགྲོགས་པར་གྱུར་ཅིག །ཅེས་སྨྲས་པས་དད་ཅན་སློབ་མ་ཁ་ཤས་ཀྱིས་དཔོན་སློབ་སོ་སོར་གྱེས་པ་ལ་སེམས་འཕྲེང་སྟེ་མིན་ནས་མཆི་མ་གཡོ་བ་བྱུང་། དེ་ནས་དབང་ཕྱུག་གི་ལོའི་སྔོན་ཟླའི་ཡར་ཚེས་ལ་གངས་ལ་གཡས་སྐོར་བྱས་ཏེ།…

མ་འགྲོ་ཀུན་སྒྲོལ་བའི་ཁུར་འཁྱེར་བ། །། འདི་བསམ་ན་རྣམ་ཐར་ཀུན་གྱིས་ཕུལ། །སྤྲང་བདག་ཀྱང་གནས་འདི་བསམས་ནས་འོངས། །གནས་བཟང་བོ་འདི་རུ་ལོ་གསུམ་བར། །སྒོམ་སྒྲུབ་པ་བྱེད་པའི་སྐལ་བ་བྱུང་། །འདི་བསམ་ན་བླ་མ་རྗེ་ཡི་དྲིན། །རྗེ་འགྲོ་བའི་སྐྱབས་མགོན་ཐུགས་རྗེ་ཅན། །མཚན་སྙན་པ་བསྟན་འཛིན་རྒྱལ་མཚན་ཁྱེད། །ཕྱོགས་འདི་ཡི་གདུལ་བྱའི་གཙ…

མཆོད་ཕུལ་འགྱེད་མང་ཇ་བཏང་། གྲུབ་ཆེན་རྣམས་ཀྱིས་ཚོགས་ཀྱི་སྐབས་སུ་རྡོ་རྗེའི་གླུ་དབྱངས་བླངས་ཆོས་བྲོ་འཁྲབ་གང་སྤྲོ་སྤྲོ་མཛད། ཤར་ངོས་རྫུ་འཕྲུལ་ཕུག་ཏུ་འོངས། གངས་མཆོད་རྒྱས་པར་ཕུལ་འགྱེད་མང་ཇ་བཏང་། དེར་གནས་པའི་ངན་སློང་རྣམས་ལ་སྦྱིན་པ་བཏང་། གྲྭ་བུ་སློབ་དེར་སྡོད་མཁན་རྣམས་ལ་སྒྲུབ་བརྒྱགས་ཀྱི་སྣོན་པ་བྱིན། དེ་ནས་འགྲོ་…

ལ་འབད་དགོས། སྙིང་ནས་ཆོས་བཞིན་བྱེད་ན་སྔོན་ཇོ་བོ་རྗེ་ལྷ་གཅིག་འབྱོན་ཁར་ལྷ་བཙུན་བྱང་ཆུབ་འོད་ལ་གདམས་པ་སྙིང་གཏམ་ལྷུག་པར་སྨྲ་བ་སེང་གེའི་སྒྲ་དབྱངས་ཞེས་བྱ་བ་འདི་བཞིན་བྱེད་འཚལ་ཞེས་དེའི་ལུང་བློ་ཐོག་ནས་བྱས་པའི་མཐར། ད་ནི་ངའི་ཆོས་བཤད་ཀུན་གྱི་མཇུག་བསྡུ། ཞལ་གདམས་ཀུན་གྱི་ཐ་མ། འགྲོ་ཁའི་བསླབ་བྱ་འདི་ལ་ཉོན་ཞེས་གླུ་འདི་བ…

སྦྱོངས། །ལམ་ཕར་ཕྱིན་དྲུག་ལ་ཆོས་ཀུན་འདུས། །འདི་དྲུག་ལ་རྒྱུན་དུ་ལག་ལེན་གྱིས། །ལམ་ཤིན་ཏུ་མྱུར་བ་གསང་སྔགས་ཡིན། །འདི་གསང་ནས་ཉམས་སུ་ལེན་པ་གཅེས། །ཆོས་འདི་བཞིན་ཉམས་སུ་ལེན་འདོད་ན། །དུས་རྒྱུན་དུ་རི་ཁྲོད་དབེན་པ་སྟེན། །ལོ་ཟླ་མཚམས་ཙམ་གྱིས་སངས་མི་རྒྱ། །ཚེ་སྒྲུབ་པ་སྙོམས་པ་ཤིན་ཏུ་གཅེས། །འདི་ཞལ་གདམས་ཀུན་གྱི་མཐར་ཐུག་…

འབོད་པ་ལྟར། །ངེད་བུ་སློབ་ཤུལ་དུ་ལུས་རྣམས་ཀྱིས། །རྗེ་དྲན་བཞིན་གསོལ་བ་ཡང་ཡང་འདེབས། །མ་བཟང་མོ་རི་ལ་ཕྱིན་ན་ཡང་། །བུ་མི་བརྗེད་སེམས་ཀྱིས་དྲན་པ་ལྟར། །མགོན་ཁྱོད་ནི་ས་ཕྱོགས་གར་ཕེབས་ཀྱང་། །ངེད་ཐམས་ཅད་བརྩེ་བའི་ཐུགས་ཀྱིས་སྐྱོངས། །མར་འཁོར་བའི་མཚོ་ལས་སྒྲོལ་མཁན་གྱི། །རྗེ་མཉན་པ་བཟང་བོ་བདེ་བར་ཕེབས། །ཡར་ཐར་པའི་ས་ལམ་ས…

འབྲལ་མེད་སྤྱི་གཙུག་ཏུ་བཞུགས་ལ། །བྱིན་རླབས་དངོས་གྲུབ་ཀྱི་ཆར་ཕོབ། །སྟོད་སྨད་བར་གསུམ་ནས་འོངས་པའི། །རང་རེ་དཔོན་སློབ་ཀྱི་ཚོགས་རྣམས། །ད་ནི་སོ་སོ་རུ་གྱེས་ཚེ། །སྐྱོ་བ་རང་ཤུགས་ཀྱིས་སྐྱེས་བྱུང་། །གངས་སྟོད་མཐོན་པོ་ལ་འཕྱོ་བའི། །དར་སེང་དཀར་མོ་ཡི་ཚོགས་རྣམས། །གཡུ་རལ་ལེགས་པོ་དེ་ངོམ་བཞིན། །གངས་སྟོད་དེ་ཀ་རུ་བཞུགས་ཤིག…

བསྡད་སོང་། ངས་ཀྱང་སྐབས་རེར་ཕྱི་མིག་ལྟ་བཞིན་འོང་། ཀུན་ང་མཐོང་རེག་གི་བར་དུ་བསྡད་ནས། མཐར་སྔ་ཕྱི་རིམ་པ་བྱས་རང་རང་གི་གནས་སུ་སོང་ངོ་། །གངས་རི་ནས་ཐོན་ཏེ་དེའི་ཐག་ཉེ་གང་ཟག་པ་དང་། བར་ཁ་རྟ་ཟམ་དུ་འགྲོ་དོན་ལ་སོང་བའི་མཚན་མོ་རྨི་ལམ་དུ་མཚོ་ཆེན་པོ་ལ་གྲུ་བཏང་ནས་འགྲོ་བ་དང་། མི་གཙང་བའི་ཐང་ཆེན་པོ་ལ་རྟ་ཞོན་ནས་འགྲོ་བ་སོགས…

ལ། ཆོས་བཤད་པས་ཀུན་གྱི་སྣང་བ་ཆོས་ལ་འགྱུར་ཟས་གོས་མང་པོ་འབུལ་མཁན་བྱུང་། ཡང་རོང་ལྷོ་ངོས་ཕྱུག་པོ་དང་། སྤུ་ཧྲེངས་སྟོད་སྨད་བར་གསུམ་ལ་རིམ་གྱིས་སོང་ནས། གྲྭ་བུ་སློབ་ཡོན་བདག་བརྒྱ་སྟོང་དུ་མ་ལ། ཚེ་དབང་དང་ཐུགས་རྗེ་ཆེན་པོའི་དབང་། ཡི་དམ་ལྷའི་བསྐྱེད་རྫོགས་ཀྱི་ལུང་ཁྲིད་དང་། གཞན་ཡང་གང་ལ་གང་འཚམས་ཀྱི་ཆོས་མང་པོ་བཤད་དུས། …

ཀུན་སློང་བཟང་པོ་དང་། ལུས་ཀྱི་ཀུན་སྤྱོད་ཀྱང་རབ་ཏུ་གུས་པའི་སྒོ་ནས་གསན་པར་འཚལ། དེ་ཡང་འོ་སྐོལ་རྣམས་ཀྱིས་ད་རེས་དལ་འབྱོར་གྱི་གྲུ་བོ་ཆེ་འདི་རྙེད་པའི་དུས་འདིར། འཇིགས་རུང་འཁོར་བའི་རྒྱ་མཚོ་ཆེན་པོ་འདི་ལས་ཐར་པ་ཞིག་བྱ་དགོས། དེའི་རྒྱུ་མཚན་གང་ཡིན་ཞེ་ན། རང་རེ་རྣམས་ཀྱི་སྔོན་གྱི་དགེ་བའི་མཐུ་ཞིག་ལ་བརྟེན་ནས་སྟབས་ཀ་ཡག་པ…

ཡོད་པས། །ཚུལ་འདི་སོམས་ལ་མི་ལུས་སྙིང་བོ་ལོངས། །ཞེས་དང་། ཀུན་མ ཁྱེན་ཀློང་ཆེན་རབ་འབྱམས་པས། དལ་འབྱོར་འདི་ནི་ཐོབ་པ་བརྒྱ་ལམ་ཙམ། །དེ་བས་ཆོས་དང་འཕྲད་པ་ཉིན་སྐར་ཙམ། །ཐེག་མཆོག་ཆོས་དང་མཇལ་བ་སྲིད་མཐའ་ཙམ། །སྙིང་ནས་དམ་པའི་ཆོས་ཤིག་མཛད་རེ་རན། །ཞེས་གསུངས་པ་བཞིན་ཆོས་ཤིག་བྱེད་དགོས། གལ་ཏེ་མ་བྱས་ན་དེད་དཔོན་རྒྱ་མཚོའི་གླིང…

འགྲོའི་སྒྲ་ཙམ་ཡང་མི་ཐོས་པར་བྱེད་པའི་མི་དེ་ལས་བླུན་པ་ཞིག་འཇིག་རྟེན་གྱི་ཁམས་འདི་ན་མེད་དེ། སྤྱོད་འཇུག་ལས། འདི་འདྲའི་དལ་བ་རྙེད་གྱུར་ནས། །བདག་གིས་དགེ་གོམས་མ་བྱས་ན། །འདི་ལས་བསླུས་པའང་གཞན་མེད་ཅིང་། །འདི་ལས་རྨོངས་པའང་གཞན་མེད་དོ། །གསུངས། དེ་ལྟ་བུའི་བླུན་པོ་ཐ་ཆད་ཀྱི་སྡིག་ཅན་དེ་འཆི་བའི་དུས་སུ་སངས་རྒྱས་དང་བྱང་ཆ…

ཀྱིས་མི་ལུས་རིན་པོ་ཆེ་ཐོབ་ཀྱང་ཡུན་རིང་མི་སྡོད་པར་འཆི་བ་ཡིན་ཏེ། སངས་རྒྱས་ཀྱི་ཞལ་ནས། སྐྱེ་བ་ཡོད་ན་འཆི་བ་ཡོད། །དར་བ་ཡོད་ན་རྒུད་པ་ཡོད། །ལང་ཚོ་དེ་ཡང་མི་རྟག་སྟེ། །དར་བའི་མདོག་ཀྱང་ནད་ཀྱིས་འཕྲོག །འཚོ་བའི་ཚེ་ཡང་འཆི་བས་འཕྲོག །རྟག་པའི་ཆོས་ནི་གང་ཡང་མེད། །ཅེས་དང་། སློབ་དཔོན་ཆེན་པོས། མི་རྟག་བློ་གཏད་མེད་པར་མ་ཤེས་ན…

ཚེ་འདིར་སྡོད་གཤོམ་མང་དུ་བྱས་ཀྱང་། འཆི་བདག་བདུད་པོ་ཁོ་བྱུང་ཚེ། སྡོད་དབང་སྐད་ཅིག་ཙམ་ཡང་མ་བྱུང་བར། ཚེ་ཕྱི་མའི་ཡུལ་ལ་ཆོས་མེད་ལག་སྟོང་དུ་སོང་བ་རྣམས་སོམས་དང་། འོ་སྐོལ་རྣམས་ཀྱང་དེའི་རང་བཞིན་ལས་མ་འདས། དེ་ཡང་དཔེར་ན་གསོད་སར་འཁྲིད་པའི་སེམས་ཅན་གྱིས་གོམ་པ་སྤོས་པ་ལྟར། ལོ་ཟླ་ཞག་དང་སྔ་དྲོ་ཕྱི་དྲོ་ཙམ་གྱིས་འཆི་བདག་བད…

ཕྱི་མ་གཉིས་ཀྱི་སྔ་མ། དེ་རིང་ནངས་པར་གཉིས་ཀྱི་དེ་རིང་ཡིན་ཡང་ཆོས་བྱེད་རྒྱུའི་སྐལ་བ་བྱུང་ན་བྱེད་པའི་དུས་ཡིན་ལ། སྡོད་པའི་དུས་མ་ཡིན་ཏེ། རྒྱལ་བ་སྐལ་བཟང་རྒྱ་མཚོའི་ཞལ་ནས། དུས་ད་ནངས་དགྲ་འདུལ་གཉེན་སྐྱོང་གི །གྲོས་བྱེད་དུས་ལུས་བདེ་སེམས་ཀྱང་རྒོད། །དགོང་སྲོད་ལ་བབས་ཚེ་དུར་ཁྲོད་དུ། །ལུས་བྱ་ཁྱིས་ཟ་བ་ཅང་བདེན་ནམ། །ཞེས་…