ཡོང་། དེ་ནས་བོ་དོང་བཀྲ་ཤིས་སྒང་ཁྲོ་ཕུའི་བྱམས་ཆེན་སོགས་ལ་མཇལ། མཆོད་འབུལ་བྱས་འགྱེད་མང་ཇ་བཏང་། དེ་ནས་སླར་བཀྲ་ཤིས་ལྷུན་པོར་སོང་སྐྱབས་མགོན་པཎ་ཆེན་ཐམས་ཅད་མཁྱེན་པ་མཆོག་ལ་མཇལ། མཆོད་རྟེན་ཉམས་གསོ་བྱས་པའི་འཕྲོ་ན་ཟངས་ལ་སོགས་པའི་ལྷག་མ་གང་ཡོད་དང་རྟ་བཟང་པོ་གཉིས་གསེར་དངུལ་གཡུ་བྱིར་སྤོས་ཤེལ་སོགས་ལམ་ནས་འགྲོ་དོན་བྱས་ཏ…

འཁོར་ལ་ལོངས་སྤྱོད་པའི་སྐྱེ་དགུ་སྤྱི་དང་། བྱེ་བྲག་སོག་པོ་ཚོ་ཆེན་ཞེ་དགུས་མཚོན་པའི་སོག་རིགས། མཚོ་ཁྲི་གཤོག་རྒྱལ་མོའི་ཉེ་འགྲམ། ཟི་ལིང་། སྟོང་སྐོར། མདོ་ཁམས་སྒང་དྲུག མགོ་ལོག རང་ངན། ཨ་རིག་སོགས་ཀྱི་སའི་ཆར་འཁོད་པའི་བླ་མ། སློབ་དཔོན། གྲྭ་རིགས། གོང་མ་བདག་པོ་ཆེན་པོའི་གསེར་ལུང་གིས་སྐབས་དབྱེ་བའི་མི་དྲག ཝང་། པའི་ལི།…

མཚམས་སྦྱོར་དར་བ་དང་། བློ་གྲོས་ཀྱི་འཇུག་པ་མི་དམན་པས། སྟོད་སྨད་བར་གསུམ་ལ་དགེ་བསྐུལ་གྱིས་མཚོན་ལྷག་བསམ་བཟང་པོའི་སྒོ་ནས། མཆོད་རྟེན་བཀྲ་ཤིས་སྒོ་མང་དང་། མཐའ་བསྐོར་ལྷ་ཁང་ཁག་ལ་ཉམས་གསོ་དགོས་རིགས་དང་འབྲེལ་བའི་མཆོད་རྟེན་རིན་པོ་ཆེའི་བྲེ་ཡན་ཆོས་འཁོར་བཅུ་གསུམ་གདུགས་བཅས་གསེར་ཟངས་ཤ་སྟག་ལས་གྲུབ་པ་བཟོ་བཀོད་ཕུན་སུམ་ཚོག…

ལ་གནོད་འགལ་དུ་འགྲོ་རིགས་སྤོང་བས་མཚོན་རྣམ་དཀར་དགེ་བའི་བསྐུལ་མ་བགྱིས་རིགས་ཚང་མས་དང་དུ་ལེན་དགོས་རྒྱུ་ཡིན། ཞེས་དེ་ལྟར་བསྒོ་བ་བཞིན་སྒྲུབ་པ་རྣམས་ལ་འདི་ཕྱི་དུས་གནས་ཀུན་ཏུ་དགེ་བའི་ཏིང་ངེ་འཛིན་གྱི་སྐྱབས་འཇུག་སྨོན་འདུན་བཟང་པོ་རྒྱུན་མར་བགྱིད་པ་ཡིན་ཅིང་། གལ་ཏེ་ལོག་པར་བཅད་ན་དམ་ཅན་ཆོས་སྲུང་རྒྱ་མཚོས་དྲག་པོའི་ཆད་པས…

བཏང་། རྩམ་པའི་ཕོགས་བརྒྱབ། ཀུན་གྱིས་ཐེག་ཚོད་ཁུར་ནས། ཐམས་ཅད་ཀྱིས་སྔ་ཕྱི་རིམ་པ་བྱས་ལྷ་ས་རུ་སོང་། ང་རྗེས་སུ་བསྡད་ཡོན་བདག་རྣམས་ལ་ཆོས་བཤད་ཚེ་དབང་བསྐུར། ཐམས་ཅད་ཀྱི་བློ་ཁ་ཆོས་ལ་བསྒྱུར། སྡེ་པ་དམར་ལམ་པ་དང་། བཀའ་བློན་ཐོན་པའི་གཞི་ཀ་སོགས་ཕྱོགས་དེའི་ཡོན་བདག་རྣམས་ཟས་ནོར་ལོངས་སྤྱོད་འབུལ་མཁན་དང་ཆོས་བྱེད་མཁན་མང་པོ་བྱ…

ནོར་སྣ་མང་པོ་ཕུལ། རིགས་གསུམ་མགོན་པོ་དང་རྟེན་འབྲེལ་བསྟོད་པ་རྣམས་ཀྱི་ལུང་ཞུས། བོད་ཀྱི་རྒྱལ་པོ་ཚེ་སྨོན་གླིང་པ་ལ་མཇལ། རྒྱང་ཤེལ་གཅིག དངུལ་རྡོ་ཚད་གཅིག་བཅས་ཕུལ་ནས་ཆོས་འབྲེལ་ཞུས། དེ་ནས་ལྷ་ལྡན་རང་གི་གནས་ཚང་བཀའ་བློན་ཟུར་ཁང་ནང་མི་ལ་ཚེ་དབང་བྱིན། ཚེ་རིང་བའི་རྟེན་འབྲེལ་བསྒྲིགས། དེ་བཞིན་དུ་བཀའ་བློན་ཐོན་པ། བསམ་འགྲུ…

གཡོག་གྱིས། །གཞན་ཡང་བརྒྱ་རྩ་ཆུ་སྦྱིན་དང་། །ཚེ་ཐར་སྲོག་བླུ་ཅི་མང་བྱ། །ཁ་ངན་ཚིག་ངན་མི་སྨྲ་ཞིང་། །ཁ་ཏ་ཚུད་ལ་བཀྲ་ཤིས་བརྗོད། །གང་དུ་འགྲོ་འམ་འདུག་ཀྱང་རུང་། །སྤྱི་བོར་བླ་མ་ཚེ་དཔག་མེད། །སྒོམས་ལ་གསོལ་བ་ཡང་ཡང་ཐོབས། །ཚེ་ཡི་དངོས་གྲུབ་སྩོལ་བར་དམིགས། །ཕྱི་སྣོད་ཚེ་དཔག་མེད་ཀྱི་ཞིང་། །ནང་བཅུད་རང་གཞན་ཚེ་དཔག་མེད། །སྣང་…

པར་ཅན་མཁར་རྡོ་བསམ་གཏན་གླིང་དུ་སོང་། གནས་དེའི་བསྔགས་པ་ཅུང་ཟད་ཅིག་བརྗོད་ན་འདི་ལྟ་སྟེ། དེ་ཡང་རྣལ་འབྱོར་གྱི་དབང་ཕྱུག་རྗེ་བཙུན་མི་ལ་ཡབ་སྲས་ཀྱི་བུ་རྒྱུད་ཞང་གཡུ་བྲག་འགྲོ་མགོན་རིན་པོ་ཆེ་ཞེས་སྙན་པ་ཕྱོགས་ཀུན་ཏུ་གྲགས་པ་གང་དེས་ལྷ་ལྡན་ཇོ་བོ་ཆེན་པོའི་ཞབས་ཏོག་མང་པོ་མཛད། ཕྱོགས་དེར་དགེ་འདུན་གྱི་སྡེ་ཡང་མང་པོ་བཙུགས། ག…

ཀྱང་སྒྲུབ་པ་སྙིང་པོར་བྱས། བསྒྲུབས་འབྲས་ཀྱིས་བསྟན་འགྲོ་ཡོངས་ལ་གང་ཕན་མཛད། གཞན་ཡང་གནས་དེར་ཆོས་མཛད་སྐྱེས་ཆེན་དམ་པ་དུ་མ་བྱོན་ནས། གཡོ་མེད་ཞི་གནས་ཀྱི་མཁར་བཙན་པོ་བཟུང་། འཁྲུལ་མེད་ལྷག་མཐོང་གི་སྒྱོགས་རྡོ་ཆེན་པོ་འཕངས་ནས། བདག་འཛིན་ཉོན་མོངས་འཇིག་རྟེན་ཆོས་བརྒྱད་ཀྱི་དགྲ་རྣམས་ཕྱེ་མར་འཐག་པར་མཛད་པས། མིང་དོན་གཉིས་ཀ་མཐ…

ས་ཕྱོགས་གཙང་ཞིང་མདོག་སྣུམ་དྲི་ཞིམ་རི་རྒྱུད་རྣམས་བཟང་ཞིང་རི་རྩེར་ཕྱིན་ན་མཐོང་རྒྱུ་ཆེ་བས། དབྱར་གྱི་དུས་སུ་གཞུང་གི་སྐུ་དྲག་ལྕམ་སྲས་རྣམས་དང་བལ་པོའི་ཚོང་དཔོན་གཞོན་ནུ་རྣམས་ཀྱང་ཁམས་བསང་སྐྱིད་སྐྱིད་གཏོང་ཕྱིར་འོང་དུ་འཇུག་པ། རྒྱབ་རིའི་སྤང་གཞོངས་ཀུན་ན་འབྲོག་པའི་རུ་ཁག་གནས་པའི་སྒོ་ཕྱུགས་རྣམས་ཀྱིས་ནུས་པ་ཅན་གྱི་སྨ…

རྣམས་ཀྱི་ཡིད་རང་དབང་མེད་པར་འཕྲོགས་ནས་ཞག་ཤས་དབང་མེད་སྡོད་དུ་འཇུག་པ། དབྱར་ཟླ་བ་བཞི་པ་དང་ལྔ་པའི་མཚམས་སུ་བྱ་ཡི་རྒྱལ་པོ་ཁུ་བྱུག་སྔོན་མོ་ཡང་འོངས་ནས་མཛེས་པའི་གཟུགས་ཀྱིས་དགའ་བའི་རྣམ་འགྱུར་སྟོན་བཞིན་ཡིད་ལ་འབབ་པའི་སྐད་གདངས་སྙན་པོ་ཡང་ཡང་བསྒྲགས་ཚེ། དེའི་རྐྱེན་བྱས་སྔར་མི་ཡུལ་དུ་འཁྱམས་པ་རྣམས་ཀྱིས་ཀྱང་རང་གི་ཕ་ཡུལ་…

བ་བྱས་པས་བསོད་ནམས་ཡེ་ཤེས་ཀྱི་ཚོགས་གཉིས་བདེ་བླག་ཏུ་རྫོགས་སུ་འཇུག་པ། ཕྱོགས་ཕན་ཚུན་གྱི་ཉམས་དགའ་རིག་པ་དྭངས་པའི་རི་ཁྲོད་ན་བླ་མ་དགེ་བའི་བཤེས་གཉེན་དང་། གྲོགས་ཆོས་བཞིན་མཛད་པ་དུ་མས་ཁེངས་པས། གང་ཟག་ལས་དང་པོ་བ་རྣམས་ལ་དབང་དང་གདམས་ངག་གེགས་སེལ་བོགས་འདོན་གང་དགོས་ཀྱང་འོང་བ། མདོ་ན་འདོད་དགུའི་ཟས་ནོར་འཛོམ་པའི་ལྷ་ལྡན་སྐ…

གྲུབ་མང་པོ་བཞུགས་པའི་ཤུལ། །མཁའ་འགྲོ་ཆོས་སྐྱོང་འདུ་བའི་གནས། །དཀར་ཕྱོགས་ལྷ་རྣམས་འཁོར་བའི་ས། །ས་ཕྱོགས་གཙང་ཞིང་རི་བཀྲ་ལེགས། །ཁ་ཡང་ལྷོར་བལྟ་ཉི་ཐག་རིང་། །དབྱར་དུས་དྲི་བཞོན་ལྡང་བས་བསིལ། །དགུན་དུས་ཉི་འོད་འཁྱིལ་བས་དྲོ། །རྒྱབ་རི་ཤིན་ཏུ་མཐོ་ལ་མཛེས། །ལོགས་ལ་བྱ་རྒྱལ་རྒོད་པོ་གནས། །མཐོང་ཚེ་བྱ་བཏང་རི་ཁྲོད་པ། །འདི་ལ…

རྒྱུ། །བྱ་དང་བྱིའུས་སྐད་སྙན་སྒྲོག །གནས་འདིར་འོངས་ཚད་ཐམས་ཅད་ཀྱི། །ཡིད་འཕྲོག་སྡོད་འདོད་ཡང་ཡང་འབྱུང་། །དབྱར་དུས་ཁུ་བྱུག་སྔོན་མོ་འོངས། །མཛེས་པའི་གཟུགས་བསྟན་སྐད་སྙན་འབྱིན། །དེ་དུས་བླ་མ་ཕ་མ་ཡང་། །དྲན་ནས་དབང་མེད་མཆི་མ་འཆོར། །ཞྭ་དང་རུག་པ་ཐུལ་བ་སོགས། །དཀའ་ཐུབ་ཟས་ཀྱང་སྣ་ཚོགས་ཡོད། །དེ་མཐོང་མི་ལའི་རྣམ་ཐར་ཡང་། །…

དང་། །སྐུ་དྲག་ཁམས་བསང་བྱེད་འདོད་ཀུན། །གནས་འདིར་ཕེབས་དང་འགྲོ་དོན་འགྲུབ། །གནས་འདི་བསྟོད་པའི་དགེ་བའི་མཐུས། །ཆོས་པས་རི་ཁྲོད་ཟིན་པ་དང་། །ཡུལ་ཕྱོགས་ཀུན་ཏུ་ལོ་ལེགས་ཤིང་། །ཀུན་ཀྱང་ཆོས་ལ་སྤྱོད་པར་ཤོག །ཅེས་བསྟོད་ཅིང་གནས་དེར་ཟླ་བ་དགུ་ཙམ་བསྡད་ནས་སྒྲུབ་ལ་གཞོལ་བའི་ཐུན་མཚམས་རྣམས་སུ། སྤྱིར་འདོད་ཡོན་ལྔ་དང་། ཁྱད་པར་ལ…

བཤེས་གཉེན་སློབ་མ་བུ་ཆེན་གྲྭ་བཙུན་ཡོན་བདག་ཕོ་མོ་བརྒྱ་སྟོང་མང་པོ་ལ། ཟླ་བ་ཁ་ཤས་ཀྱི་བར་དུ། ཉིན་རེ་བཞིན་དུ་ཆོས་ཐུན་རེ་ལ་སྒྲུབ་ཐབས་རིན་འབྱུང་གི་རྗེས་གནང་ཐམས་ཅད་དང་། བཀའ་གདམས་ཐིག་ལེ་བཅུ་དྲུག་གི་དབང་། ལམ་རིམ་ཆེན་མོ། བཀའ་གདམས་གླེགས་བམ། དཔེ་ཡི་ལམ་རིམ་རིན་ཆེན་སྤུངས་པ། དོན་གྱི་ལམ་རིམ་བེའུ་བུམ་སྔོན་པོ་དང་། རང་གི…

ཀྱི་ཐང་ཀ་བདུན་དབུ་ཞྭ་ན་བཟའ་བྱིན་རྟེན་ཁྱད་འཕགས་མང་པོ་བྱིན་བྱུང་། དེ་དུས་སེར་རའི་འདུ་ཁང་དུ་དངུལ་སྲང་ལྔ་བཅུའི་མཆོད་ཀོང་ཆེན་པོ་ཞིག་བཞག་ནས་མང་ཇ་བཏང་། ཕྱོགས་ཕྱོགས་ཀྱི་སློབ་མ་གྲྭ་བཙུན་ཡོན་བདག་ཕོ་མོ་གནས་སྐོར་བ་བཅས་འཚོགས་པ་སྟོང་ཕྲག་མང་པོ་བྱུང་བས་ཕལ་ཆེ་བ་ལ། ཇ་མར་རྩམ་པའི་ཕོགས་དང་། སྐབས་སྐབས་སུ་རྩམ་པ་དོ་པོ་བཅུ་…

མཐོ་བ་དེ། །དཀོན་མཆོག་དབུ་འཕང་བསྟོད་པའི་བརྡ། །རྒྱལ་མཚན་ཏོག་གིས་མཛེས་པ་དེ། །ཐུབ་བསྟན་རྒྱལ་མཚན་བསྒྲེངས་པའི་བརྡ། །འཇའ་ཚོན་རི་མོས་བསྐོར་བ་དེ། །ཡེ་ཤེས་ལྔ་དང་ལྡན་པའི་བརྡ། །མདུན་གྱི་པད་འདབ་གསུམ་པོ་དེ། །འབྲས་བུ་སྐུ་གསུམ་བརྙེས་པའི་བརྡ། །དེ་ཡང་ཁ་དོག་སྣ་ཚོགས་དེ། །ལས་བཞི་འགྲོ་དོན་བྱེད་པའི་བརྡ། །མདུན་དུ་ཅུང་ཟད་གུ…

བལྟས། དེ་ནས་བཟུང་སྟེ་ཟླ་བ་ལྔའི་བར་དུ་ལྷ་ལྡན་དུ་བསྡད། ངེད་དཔོན་སློབ་ཀུན་གྱིས་སྨྱུང་གནས་བསྲུངས་པས་སྟོང་ཕྲག་མང་པོ་སོང་། དེ་ཡི་མཐུན་རྐྱེན་རྣམས་ལྷ་ལྡན་ཡོན་བདག་དད་ཅན་རྣམས་ཀྱིས་བསྒྲུབས་པ་བྱུང་། ས་ག་ཟླ་བའི་བཅོ་ལྔའི་ཉིན་མཆོད་པ་ལ་མེ་ཏོག་འཚོང་བ་ཀུན་སློབ་མ་གྲྭ་བཙུན་རྣམས་ཀྱིས་ཉོས་ནས་ཐུགས་རྗེ་ཆེན་པོའི་དཀྱིལ་འཁོར་…

ནོར་རྫས་ལ་ཆགས་ཞེན་མེད་པར་ངན་སློང་རྣམས་ལ་སྦྱིན་པ་གཏོང་བ་ཤིན་ཏུ་ལེགས། ཁྱེད་ཀྱི་མཛད་པ་འདི་ངེད་ཚོའི་རྒྱ་གར་གྱི་བླ་མ་བཟང་པོ་དང་འདྲ་བར་གདའ། སྤྱོད་པ་ཡང་ངེད་ཚོ་དང་མཐུན་པར་འདུག་པས་སེམས་དགའ་བ་བྱུང་། གཞན་བོད་ན་བླ་མ་སྐུ་ཡོན་ཅན་མང་པ་འདུག་སྟེ། ཁྱེད་འདྲ་བའི་སྙིང་རྗེ་ཅན་དཀོན་པར་གདའ། བླ་མ་བྱང་ཆུབ་སེམས་དཔའ་ཁྱེད་ཀྱིས་…