ཆེར་མཇལ། ན་བཟའ་ཆ་ཚང་། ཁྲི་སྙན་ས་ལེའི་པགས་པ་རྭ་གཉིས་དང་བཅས་པ། གསེར་ཟངས་ཀྱི་ཚེ་བུམ་ཚེ་དཔག་མེད་ཀྱི་ཁ་རྒྱན་ཅན། གནས་བརྟན་བཅུ་དྲུག་གི་དབུས་ཐང་སྤུས་གཙང་གསུམ། གསུང་འབུམ་སྣ་ཚོགས་ཀྱི་པོ་ཏི་བརྒྱད་ཅུ་གྱ་བརྒྱད། རྟ་གཅིག་དྲེའུ་གཅིག་གཡག་ཉི་ཤུ་རྩ་ལྔ་སྒ་དང་བཅས་པ་ཕུལ། རིགས་གསུམ་མགོན་པོ་དང་ཚེ་གཟུངས་ཡོན་ཏན་གཞི་གྱུར་མ་རྣ…

ཉམས་ལེན་བྱས་ཚུལ། བླ་མ་དང་རྟེན་མང་པོར་མཇལ་ཞིང་། ས་ཆ་ཡུལ་ཕྱོགས་ཀྱི་མི་ཡི་ཆ་ལུགས་མི་གཅིག་པ་མང་པོ་མཐོང་ཚུལ་རྣམས་རྒྱས་པར་བཤད་པའི་མཇུག་ཏུ་མདོར་བསྡུས་ཏེ་ཚིགས་སུ་བཅད་ནས་སྨྲས་པ། །བླ་མ་རྣམས་ལ་གསོལ་བ་འདེབས། །བསམ་དོན་འགྲུབ་པར་བྱིན་གྱིས་རློབས། །རྣལ་འབྱོར་ཚོགས་དྲུག་རང་གྲོལ་ངས། །འཁོར་བའི་ཆོས་ལ་སྐྱོ་བ་སྐྱེས། །དང་པོ…

ཚུར་ལམ་སྟབས་ཀ་ཡག་པོ་ཞིག །འཕྲོད་ནས་འབྲོང་ལ་ཞོན་རྒྱུ་བྱུང་། །དེ་ནས་བྲག་དཀར་སྤྲེལ་རྫོང་སོང་། །ཟླ་བ་དྲུག་ལ་ཉམས་ལེན་བྱས། །གནས་དེའི་ནང་གི་བྲག་ངོས་ཀྱི། །རང་བྱུང་ལྷ་སྐུ་མང་པོར་མཇལ། །སྦྲ་ནག་ཁག་གསུམ་ཡོན་བདག་གིས། །མཐུན་རྐྱེན་ཆར་བཞིན་ཕབ་པ་བྱུང་། །ཨ་མ་ཤི་བས་རྐྱེན་བྱས་ནས། །དབུས་གཙང་དག་པའི་ཞིང་དུ་སོང་། །ལྷ་ལྡན་ཇོ་…

པ་མཐོང་ནས་བགད། །ཙཱ་རིའི་ཕོ་བྲང་གཡུ་མཚོ་དེ་གཡུ་ཡི་མཎྜལ་བཤམས་པ་འདྲ། །གྲུབ་ཆེན་རྣམས་ཀྱིས་རས་རྐྱང་མནབས། །གངས་ཁྲོད་ཞག་གིས་བཞུགས་པ་མཐོང་། །གནས་དེར་ལོ་གཅིག་ཉམས་ལེན་བྱས། །ཉམས་སྣང་རྣམ་པ་སྣ་ཚོགས་བྱུང་། །ཚུར་ལམ་དྭགས་ལ་སྒམ་པོར་འོང་། །དྭགས་པོ་ལྷ་རྗེའི་གདན་སར་མཇལ། །བཀའ་བརྒྱུད་གོང་མའི་རྣམ་ཐར་དྲན། །གནས་དེར་ཟླ་བ་བཞི…

འཕགས་པ་དེ་ཡི་བྱིན་རླབས་ཀྱིས། །ས་དེའི་མི་རྣམས་སྐྱིད་པར་སྣང་། །དེ་ནས་བལ་ཡུལ་མཐིལ་དུ་སོང་། །མཆོད་རྟེན་ཆེན་པོ་རྣམ་གཉིས་མཇལ། །དགུན་ཡང་སྔོ་ལྗང་མེ་ཏོག་བཀྲ། །ཉམས་དགའ་ལྷ་ཡི་ཡུལ་དང་འདྲ། །སྣ་ལ་གསེར་གྱི་ཨ་ལོང་གི །རྒྱུན་གྱིས་མཛེས་པའི་བུད་མེད་མཐོང་། །དེ་ནས་ལ་ཕྱི་གངས་ལ་སོང་། །ལོ་གསུམ་བར་དུ་ཉམས་ལེན་བྱས། །ལྷ་དང་ཌཱཀྐ…

གཅིག་གོས་དར་བཅས་ཕུལ་བ་ལ། ཐུགས་དགོངས་རྫོགས་པའི་བསྔོ་སྨོན་བྱས་ཐམས་ཅད་ལ་སེམས་གསོ་བཏང་། དགོན་པའི་བདག་པོ་བྱས། དེ་ན་གྲུབ་དབང་ནམ་མཁའ་རིན་པོ་ཆེ་དང་། རྒོད་རྩེ་སྤྲུལ་པའི་སྐུ་གཉིས་བཞུགས་པ་དང་མཇལ། རང་གི་སྔར་གྱི་བུ་ཆེན་ཨ་ལགས་བདེ་ཆེན་གྱིས་ནང་དུ་བོས། སྐུ་གསུང་ཐུགས་རྟེན་ཐེག་ཆེན་གན་དྲིལ། རྟ་ནོར་ལྔ་རས་ཆེན་བརྒྱ། ཁ་བཏག…

བ་བྱུང་། གསེར་ཁའི་ཆུ་ལ་ཆད་འགྲུམ་ཆེ་བས་ཆུའི་ཐོག་ནས་ནང་འཐབ་མང་པོ་འཆོར་བ་ལ་བྱིན་རླབས་བྱས་པས། དེའི་ལོ་ནས་བཟུང་ཆུ་ཆེར་སོང་རྒྱུན་འཆད་མེད་པ་བྱུང་། ས་དེར་སྔར་མེད་པའི་རྩི་ཤིང་ནགས་ཚལ་ན་མང་པོ་འབད་རྩོལ་མེད་པར་རང་བཞིན་ཤུགས་ཀྱིས་རྒྱས་པས་མི་ཐམས་ཅད་དད་པ་ལྷག་པར་སྐྱེས་གྲུབ་རྟགས་རེད་ཟེར། དེ་ནས་བཟུང་སྟེ་ཆུའི་ཐོག་ནས་འཐབ…

བླ་མ་རྒྱལ་བ་སྲས་བཅས་ཀྱི། །ཡེ་ཤེས་སྤྱན་གྱིས་ལེགས་གཟིགས་ནས། །ཨ་མ་རིགས་དྲུག་གར་གནས་ཀྱང་། །བདེ་ཆེན་དག་པའི་ཞིང་དུ་དྲོངས། །བུ་ང་ཡུལ་ན་ཡོད་དུས་སུ། །རང་ཡང་ན་སོ་གཞོན་པར་གདའ། །ཨ་མ་རང་ཡང་རྒན་མོ་མིན། །ཡུལ་ཕྱོགས་གཞན་དུ་སོང་ན་ཡང་། །ད་དུང་འཇིག་རྟེན་དཀར་ངོགས་འདིར། །མ་ལ་ལན་ཅིག་འཕྲད་ཡོང་སྙམ། །དྲིན་ཅན་ཨ་མ་ཡོད་དུས་སུ། …

ཡུལ་གྱི་ཁོ་ཐག་ཆོད། རང་ཡང་ནམ་ཞིག་ལ་ཤི་འགྲོ་ཅི་ཤེས་སྙམ་དགེ་ཕྱོགས་ལ་བརྩོན་པ་ཆེར་སོང་། རྗེས་སུ་ནད་མ་དེ་ཤི་བ་དང་། ནང་དུ་ལྷ་ཁང་བརྒྱབ་མཆོད་རྟེན་བཞེངས། མ་ཎི་ཆོས་འཁོར་བསྐོར་ནས་དགེ་བའི་རྒྱུན་བཙུགས་པས། ཡུལ་མི་རྣམས་ཀྱིས་ཀྱང་། ནངས་ནུབ་ཀུན་ཏུ་ཕྱག་སྐོར་མཆོད་འབུལ་མ་ཆག་པ་བྱུང་། དེ་ནས་དབེན་གནས་བཀྲ་ཤིས་འཁྱིལ་དུ་འོངས། …

མེ་ལོང་ནང་གི་གཟུགས་བརྙན་བཞིན་མེད་བཞིན་དུ་སྣང་སྣང་བཞིན་དུ་སྟོང་། སྣང་སྟོང་སྒྱུ་མའི་རྣམ་རོལ་འདི་ཐམས་ཅད། རང་གི་སེམས་ཀྱིས་བྱས། སེམས་སུ་སྣང་། སེམས་ཀྱི་དབྱིངས་སུ་གནས། སེམས་ཉིད་ཀྱི་ངོ་བོ་ནི་གདོད་ནས་སྟོང་གསལ་འཛིན་མེད་ཟང་ཐལ་ཁྱབ་གདལ་ཀློང་ཡངས་མཐའ་ཡས་མུ་མེད་འབྱམས་ཀླས་སྤྲོས་བྲལ་ནམ་མཁའ་ལྟ་བུའི་དབྱིངས་སུ། གུ་ཡངས་ཡ…

རྣལ་འབྱོར་ང་ཀློང་ཆེན་རབ་འབྱམས་ཀྱི་བུ་རྒྱུད། །ཉམས་མགུར་འདྲ་ལེན་ན་འདི་འདྲ་རང་བླངས་ཡོང་། །རྟོགས་པ་ནི་མཆོག་ལྡན་འཁྲུལ་ཞིག་གི་རྣལ་འབྱོར། །སེམས་ངོ་རང་སྐྱོང་ན་འདི་ལྟར་དུ་སྐྱོངས་ཨང་། །ནམ་ཞིག་ནི་འཆི་བ་ཆོས་སྐུ་རུ་གྲོལ་ནས། །གཟུགས་སྐུ་ཡི་འགྲོ་དོན་འོང་བ་རང་སྨོན་ནོ། །ཞེས་བླངས་པས་ཁོ་རང་གིས་ཀྱང་དེ་ལྟར་ཟང་ཐལ་ཁ་ཡན་དུ་…

སྐུ་གཞོགས་གསེར་ཁང་རིན་པོ་ཆེ་ཕེབས། དགོན་པ་ཉམས་གསོའི་ཞལ་འདེབས་ལ་རྟ་ནོར་མང་པོ་གནང་། མཆོད་རྟེན་གྱི་གནས་ཞབས་ཀྱིས་བཅགས་བྱིན་གྱིས་བརླབས་ནས། ཁོང་གིས་མདང་ངའི་རྨི་ལམ་བཟང་། བཀྲ་ཤིས་འཁྱིལ་བ་འདིའི་རི་ཡི་རྩེ་མོའི་བར་དུ་ལྷ་ཁང་དང་མཚམས་ཁང་གིས་གང་ནས་ཡོད་པ་ཞིག་རྨིས་གསུངས། རྗེས་སུ་ཁོང་གི་ལུང་བསྟན་ནང་བཞིན་བྱུང་། ཕན་ཚུན་…

ལ་སྡོད་པའི་བན་སྔགས་བརྒྱ་ཕྲག་དུ་མ་བྱུང་ངོ་། །ལྷ་ཁང་ཉམས་གསོ་ལ་མཐུན་རྐྱེན་མཁོ་བའི་དུས་སུ། རང་གི་ཉེ་བ་ཨ་ཁུ་སྨན་པས་རྟ་སྒ་སྟན་སྲབ་གསུམ་ལུས་གོས་ཆ་ཚང་ཇ་ལན་ཆེན་གཅིག མར་ལོག་ཆེ་ཆུང་གཉིས་དང་། ཁོང་གི་ཞབས་ཕྱི་དགེ་སློང་བསྟན་པ་དར་རྒྱས་ནས་ཀྱང་ཇ་ལན་ཆེན་གཅིག དངུལ་སྲང་དོ། ནས་དོ་པོ་ལྔ་རས་ཆེན་ཁ་ཤས་བཅས་ཕུལ་བས་ཕན་ཐོགས་ཆེན་…

བྱིན་རྟེན་ཁྱད་འཕགས་རྣམས་གཞན་གྱི་ལྷ་ཁང་བརྒྱ་རྩ་བརྒྱད་ཀྱི་ནང་དུ་སྐུ་གསུང་ཐུགས་རྟེན་བཞེངས་པའི་ནང་གཞུག་དང་། གཞན་ཡང་དད་ཅན་རྣམས་ལ་རིམ་གྱིས་བྱིན་པས། རྟེན་གསུམ་གྱིས་ཡུལ་ཁམས་ཐམས་ཅད་ལ་ཁྱབ་པ་བྱུང་། དེ་དུས་ལྷ་ཁང་རྣམས་ཀྱི་རབ་གནས་དགའ་སྟོན་རྣམས་བྱས་ནས་གནས་ལ་བསྟོད་པའི་མགུར་དབྱངས་འདི་བླངས་སོ།། །དབེན་པ་བསྟེན་ནས་སངས་ར…

ཅན་གྱི་ལྷ་ཁང་དེ། །གླང་ཆེན་གཙུག་གི་ནོར་བུ་འདྲ། །རིག་འཛིན་ལྷ་ཁང་བྱམས་ཁང་སོགས། །རིན་ཆེན་གསེར་གྱི་རྒྱན་ཆ་འདྲ། །རི་ངོས་བཀྲ་ཤིས་རྟགས་བརྒྱད་དང་། །རྒྱལ་སྲིད་སྣ་བདུན་རྣམས་ཀྱང་ཚང་། །ཤར་ན་ཁྲུབ་ཆེན་མཐོ་དང་གཅིག །ལྷོ་ན་གཉན་དམར་བརྗིད་དང་གཉིས། །ནུབ་ན་རྒོད་རྫོང་ཕྱུག་དང་གསུམ། །བྱང་ན་ཇ་སྒྲོན་དམར་ཡག་བཞི། །བཀྲ་ཤིས་འཁྱིལ…

གི །སྒྲུབ་ལ་བར་ཆད་མི་འབྱུང་ཞིང་། །རྒྱུད་ལ་ཉམས་རྟོགས་ཉི་མ་འཆར། །གནས་འདི་ཅུང་ཟད་བསྟོད་པའི་མཐུས། །སྒྲུབ་བརྒྱུད་བསྟན་པའི་གཡང་གི་རིགས། །དབེན་གནས་འདི་རུ་རབ་ཆགས་ནས། །སྒྲུབ་བརྒྱུད་བསྟན་པ་དར་བར་ཤོག །ཅེས་བླངས་པས་ཐམས་ཅད་ཀྱི་ཉམས་དགའ་སྣང་བ་སྤྲོ་བ་བྱུང་ངོ་། །དེ་དུས་གསར་རྙིང་ཀུན་མཁྱེན་ཅིང་གོང་མ་རྒྱལ་པོའི་བླ་མཆོད་ཀ…

ཕོན་པོ་དེ་ཡང་ཕྱོགས་དེར་འཐོར། །ཚོགས་གཉིས་དཔལ་ལས་བསྐྲུན་པའི་གང་གི་སྐུ། །མཚན་དཔེ་དགེ་མཚན་ཡོངས་སུ་རྫོགས་པ་ཡི། །རྟ་ལྗང་དབང་བོའི་དཀྱིལ་འཁོར་མངོན་གསལ་ཞིང་། །ལུགས་གཉིས་མཛད་འཕྲིན་སྣང་བས་ཕྱོགས་བཅུར་ཁྱབ། །མདོ་སྔགས་སྨིན་གྲོལ་ལམ་བཟང་མཐའ་དག་པ། །གསལ་བྱས་ཐུབ་བསྟན་པདྨོའི་དགའ་ཚལ་དུ། །སྐལ་བཟང་སྦྲང་མར་ཚོགས་བདེར་སྤྱོད་པ…

མཛད་ཚུལ་དཀའ་བས་མཁས་གྲུབ་ཕལ་མོ་ཆེ། །ལ་ལ་གཤེགས་དང་ལ་ལ་སྒྲུབ་པ་ལ། །གཞོལ་བའི་ཟོལ་གྱིས་ངལ་གསོ་མཛད་མོད་ཀྱང་། །ཉིད་ནི་གཞན་དོན་མཛད་ལ་ཟླ་བྲལ་བའི། །སླར་ཡང་ཐུགས་བསྐྱེད་བླ་ནས་བླར་སྤེལ་ཏེ། །ཕན་བདེའི་དཔལ་དུ་ཡུན་རིང་འཚོ་གཞེས་དང་། །བརྩེ་ཆེན་ཀློང་ནས་བདག་ཀྱང་འདོར་མེད་ཞུ། །ཞུ་ཚིག་དོན་གྱི་ཆུ་བོ་ཆེར་རྒྱས་པ། །རབ་དཀར་དུང་…

བྱས་པས། མོ་ན་རེ། བུ་ཁྱོད་ཀྱི་སྐྱེ་བ་འདིའི་ཨ་མ་ང་ཡིན་ཏེ། ཤི་ནས་འདིར་འོངས། ཁྱོད་དང་མ་ཕྲད་པར་ལོ་མང་པོ་སོང་། ད་རེས་ལན་ཅིག་འཕྲད་པ་བཟང་། ད་བུ་ཁྱོད་ཀྱང་རྒས་འདུག་ཟེར། ངས་ཨ་མ་རྒན་མོ་ལོ་ལོན་པའི་དུས་སྐབས་དེ་ཝལ་ལེར་དྲན་ནས་ངུས་པས། མོ་ཡང་མིག་ནས་མཆི་མ་གཏོང་བར་གདའ། གཞན་བུ་མོ་འདི་གཉིས་གང་ནས་ཡིན་དྲིས་པས། ངེད་ཚོའི་ཡུལ…

བོས་ནས་སོང་། དགེ་འདུན་སྤྱི་ཐོག་ནས་ཇ་ལན་ཆེན་གཅིག་གིས་འགོ་བྱས་ནོར་རྫས་བརྒྱ་འབུལ་བྱས། གཞན་གྲྭ་པ་ཕྱུག་པོ་རྣམས་ཀྱིས་ནང་དུ་བོས། ཇ་ལན་ཆེན་མང་པོ་ཕུལ། དེ་ནས་ཤུག་ཉིན་རི་ཁྲོད་དུ་སོང་། སྐུ་གཞོགས་མགར་རྩེ་ཚང་ནས་ཇ་ལན་ཆེན་གཅིག་གོས་ཕྲུག་གཉིས་བཅས་གནང་། མགར་རྩེ་ཆུང་བ་ནས། རྟ་མཛོ་གཉིས་དང་གོས་ཕྲུག་གཉིས་གནང་། བླ་རྒན་བསྟན་…