བགྲོད་དཀའ་མཐོ་དམན་ཅན། །ངམ་གྲོག་གཡང་ས་གཅོང་རོང་ལ་སོགས་པ། །རེག་ན་མི་བདེ་སྣ་ཚོགས་ཡུལ་དུ་སྐྱེ། །རྩུབ་མོས་སྡོང་དུམ་རྡོ་གསེག་ཚེར་མ་དང་། །རྡུལ་དང་ཉལ་ཉིལ་འབྲས་ངན་རྩུབ་པ་དང་། །ཚྭ་སྒོ་ལ་སོགས་མི་དགེའི་ཡུལ་དུ་སྐྱེ། །ཀྱལ་པས་ལོ་འབྲས་མི་སྨིན་དུས་ཚིག་ལོག །རིང་དུ་མི་བརྟན་མི་གནས་ཡུལ་དུ་སྐྱེ། བརྣབ་སེམས་འབྲས་སོགས་ཉུང་ཞ…

ཕྱིན་པ་ལྔ་ལ་སོགས་པ་ཀུན་རྫོབ་པ་རྣམས་དང་། སྣང་མེད་ཡེ་ཤེས་ཀྱི་ཚོགས་ཤེས་རབ་སྟོང་པ་ཉིད་གཉིས་ཟུང་དུ་འབྲེལ་བ་དཔེར་ན་སྤྲུལ་བ་སྒྱུ་མ་ལྟར་དུ་སྤྱོད་པ་ནི་བྱང་ཆུབ་ཀྱི་ཚོགས་དམ་པའོ། །དེ་ཡང་བསོད་ནམས་ཆ་མཐུན་གྱི་དགེ་བ་ནི། འཇིག་རྟེན་པས་དངོས་པོ་དང་མཚན་མར་འཛིན་པ་ལས། འདིར་དགེ་གང་སྤྱོད་དུས་ཉིད་ནས་དངོས་པོ་དང་མཚན་མ་མེད་པར་ཤ…

དམ་པའོ། །འདི་ལྟར་ཚོགས་བསགས་བྱས་ན་བསོད་ནམས་ཆ་མཐུན་ལྟར་ཟད་པར་འགྱུར་བ་མ་ཡིན་གྱི། གནས་སྐབས་ལྷ་མིའི་བདེ་བ་མྱོང་ཞིང་། མཐར་ཐུག་སངས་རྒྱས་ཀྱི་གོ་འཕང་ཐོབ་པའོ། །དེས་ན་འདི་ལྟར་ཚོགས་གཉིས་གསོག་པ་ལ་སྐྱོ་ངལ་མེད་པ་ཁྱིམ་བདག་གིས་སོ་ནམས་བྱེད་པ་ལྟ་བུ་དང་། དགེ་བ་གང་བྱེད་ཀྱང་དཔའ་མི་ཞུམ་བ་དཔའ་བོ་གཡུལ་དུ་འཇུག་པ་ལྟ་བུ་དང་། བ…

གསོད་ཟ་དང་བཀོལ་སྤྱོད་གླེན་རྨོངས་ཀྱི་སྡུག་བསྔལ་སོགས་ངན་འགྲོའི་སྡུག་བསྔལ་ཡུན་རིང་ལ་བཟོད་གླགས་མེད་པ་དེ་དག་བཟོད་པར་འདུག་གམ་སྙམ་དུ་བསམ་པར་བྱའོ། །ཡང་དགེ་བའི་ལས་ཀྱིས་བདེ་འགྲོར་སྐྱེས་ན་མཐོ་རིས་ཀྱི་བདེ་བ་ལ་ལོངས་སྤྱོད་དུ་ཡོད་པའི་ཕྱིར་དེ་ཙམ་གྱི་ཆོག་གམ་སྙམ་ན། རེ་ཞིག་ངན་སོང་གི་སྡུག་བསྔལ་མྱོང་མ་དགོས་ཀྱང་སླར་ཡང་དག…

ཉམས། །མི་རྣམས་འཚོ་བ་ཐུང་བས་ཉམས། །ལྷ་མིན་འཐབ་ཅིང་རྩོད་པས་ཉམས། །ལྷ་རྣམས་བག་མེད་པ་ཡིས་ཉམས། །འཁོར་བ་ཁབ་ཀྱི་རྩེ་མོ་ན། །བདེ་བ་ནམ་ཡང་ཡོད་མ་ཡིན། །ཞེས་གསུངས་པ་བཞིན་འཁོར་བའི་གནས་འདིའི་མཐོ་དམན་གང་དུ་སྐྱེས་ཀྱང་སྡུག་བསྔལ་གྱི་གནས། སུ་དང་འགྲོགས་ཀྱང་སྡུག་བསྔལ་གྱི་གྲོགས། ཅི་ལ་ལོངས་སྤྱད་ཀྱང་སྡུག་བསྔལ་གྱི་རང་བཞིན་ལས་མ…

དཔངས་མཐོ་བ། རྒྱ་ཆེ་ལ་མུ་མེད་པ་འཇིགས་སུ་རུང་པའི་ཀློང་དུ་རང་དང་ཁམས་གསུམ་གྱི་སེམས་ཅན་ཐམས་ཅད་ཆུད་ནས་ཡོད་པ་ལ་སྔོན་ཆད་ཐོག་མེད་ནས་ད་བར་དུ་ཚིག་ཀྱང་སྡུག་བསྔལ་བཟོད་གླགས་མེད་པས་མནར་བ་ལ། ཀྱེ་མ་ཀྱེ་ཧུད་འཁོར་བའི་སྡུག་བསྔལ་ཨ་རྫི་རྫི། འདི་ནས་འབྲོས་པའི་དུས་ལ་བབས། ཨ་ཙ་མ་ང་རེ་འཇིགས། ཞེས་སྨྲེ་སྔགས་ཟི་ལྷོང་ལྷོང་ཡོད་པའི་…

འཕྲོས་པས། མེ་དོང་གི་སེམས་ཅན་གཅིག་ཀྱང་མ་ལུས་པ་བདེ་ཆེན་གྱི་ཞིང་དུ་དྲངས་ནས་སངས་རྒྱས་པར་བསམ་མོ། །དེ་དག་གི་ཚུལ་རྣམས་ཉམས་ལེན་བདེ་ཕྱིར་ངག་འདོན་བྱ་བ་ནི། སྐུ་གསུམ་དོན་ཐིག་ལས། ༈ །ཀྱེ་མ་ཀྱེ་ཧུད་མི་རྟག་འཇིག་པའི་རྒྱུ། །ཆུ་ཡི་ལྦུ་བ་སྡོམ་གྱི་བ་ཐག་དང་། །སྒྱུ་མའི་མཁར་དཔེ་དྲི་ཟའི་གྲོང་ཁྱེར་བཞིན། ཐམས་ཅད་མི་རྟག་འཇིག་པའ…

དམྱལ་བར་བཙོ་བསྲེག་སྡུག་བསྔལ་བཟོད་པར་དཀའ། །བར་དོར་གཤིན་རྗེའི་དངངས་སྐྲག་གློ་སྙིང་འདར། །དུད་འགྲོར་བཀོལ་སྤྱོད་སྡུག་བསྔལ་ཡ་རེ་ང་། །ཡི་དྭགས་བཀྲེས་སྐོམ་སྡུག་བསྔལ་ཡི་རེ་མུག །ལྷ་མིན་འཐབ་རྩོད་སྡུག་བསྔལ་དབལ་རེ་ཚ། །ལྷ་རུ་སྐྱེས་ན་འཕོ་ལྟུང་སྙིང་རེ་འདར། །འགྲོ་བའི་གཙོ་གྱུར་མི་ལུས་ཐོབ་ན་ཡང་། །སྐྱེས་པའི་སྡུག་བསྔལ་མཐོ…

བྲག་གི་སྡུག་བསྔལ་ལེགས་པར་བསམ་ཏེ། དེ་ལ་འཇིགས་ནས་སྡུག་བསྔལ་དེ་དག་ལས་ངེས་པར་སྐྱོབ་ནུས་པ་མཆོག་གསུམ་མ་གཏོགས་གཞན་སུ་གང་གིས་ཀྱང་སྐྱོབ་པར་མི་ནུས་ཏེ། ཨོ་རྒྱན་རིན་པོ་ཆེའི་ཞལ་ནས། འཁོར་བའི་དཔོན་ནི་ཇི་ལྟར་བཟང་ཡང་བསླུ། །སྐྱབས་གནས་དཀོན་མཆོག་གསུམ་ལ་བསླུ་བ་མེད། །ཅེས་གསུངས། དེས་ན་ཡིད་ཆེས་པའི་སྒོ་ནས་སྐྱབས་སུ་འགྲོ་དགོས…

ལགས། །མི་ངེད་ཀྱང་ཁོང་ལ་སྐྱབས་པས་འཚེངས། ཁྱེད་ཀྱང་ཁོང་ལ་སྐྱབས་ན་ལེགས། །བླ་མ་ཡི་དམ་མཁའ་འགྲོ་གསུམ། །འདི་གསུམ་ནང་གི་སྐྱབས་གནས་ལགས། །ངེད་ཀྱང་ཁོང་ལ་སྐྱབས་པས་འཚེངས། ཁྱེད་ཀྱང་ཁོང་ལ་སྐྱབས་ན་ལེགས། །རྩ་དང་རླུང་དང་ཐིག་ལེ་གསུམ། །འདི་གསུམ་གསང་བའི་སྐྱབས་གནས་ལགས། །ངེད་ཀྱང་ཁོང་ལ་སྐྱབས་པས་འཚེངས། ཁྱེད་ཀྱང་ཁོང་ལ་སྐྱབས་ན…

རྒྱལ་པོ་ཡི༔ གཡས་སུ་རྡོར་སེམས་ཡབ་ཡུམ་དང་༔ གཡོན་དུ་མུ་ཁྲི་བཙན་པོ་ལ༔ སྔགས་འཆང་གྲུབ་ཐོབ་རྒྱ་མཚོས་བསྐོར༔ མདུན་དུ་ཐུགས་རྗེ་ཆེན་པོ་ལ༔ ཡུམ་མཆོག་གསང་བ་ཡེ་ཤེས་འཁྲིལ༔ ཡི་དམ་དཀྱིལ་འཁོར་ལྷ་ཚོགས་བསྐོར༔ རྒྱབ་ཏུ་ཐེག་ཆེན་མདོ་ལུང་ཆོས༔ གང་འདུལ་ཆོས་ཀྱི་སྒྲ་དབྱངས་སྒྲོག༔ མཐའ་བསྐོར་མཁའ་འགྲོ་ཆོས་སྐྱོང་རྣམས༔ མ་ལུས་སྤྲིན་ལྟར…

ཅན་སྲུང་མར་བཅས༔ སྐྱབས་སུ་མཆིའོ་བྱིན་གྱིས་རློབས༔ ཞེས་ཁ་ཞེ་གཉིས་མེད་ཀྱི་གློ་སྙིང་བྲང་གསུམ་གཏད་ནས་སྐྱབས་འགྲོ་ལན་ཅི་མང་བྱའོ། །དེ་ལྟར་སྐྱབས་སུ་སོང་བའི་སྐྱབས་ཡུལ་ལ་བཅོས་མིན་གྱི་ངེས་ཤེས་སྐྱེ་བ་དང་། སེམས་ཅན་ལ་སྙིང་རྗེ་དུང་ངེ་འཆར་བ་དང་། འཁོར་བའི་ཆོས་ལ་བློ་སྣ་ཐུང་དུ་འགྲོ་བ་ནི། སྐྱབས་སོང་གི་ཚད་དོ། །དེ་ནས་སྐྱབས…

བསྐྱེད་པ་ནི། མ་གྱུར་སེམས་ཅན་ཐམས་ཅད་འཁོར་བ་སྤྱི་དང་བྱེ་བྲག་གི་སྡུག་བསྔལ་གྱི་མནར་བའི་ཚུལ་བསམ་སྟེ། བུ་སྡུག་ཤི་བའི་དུས་ཀྱི་མ་བཞིན་དུ་བཟོད་གླགས་མེད་པའི་སྙིང་རྗེ་ཤུགས་དྲག་པོས་མཆི་མ་འཁྲུགས་ནུས་པ་ཙམ་གྱིས་བློ་བསྐུལ་ནས། འདི་རྣམས་ད་ལྟ་ཉིད་དུ་ཐར་པ་དང་ཐམས་ཅད་མཁྱེན་པའི་གོ་འཕང་ལ་འགོད་ཐུབ་ན་ཅི་མ་རུང་། ད་ལྟ་འདི་རྣམས…

བྱང་ཆུབ་སེམས་ཀྱི་བསོད་ནམས་གང་། དེ་ལ་གལ་ཏེ་གཟུགས་མཆིས་ན། །ནམ་མཁའི་ཁམས་ནི་ཀུན་གང་སྟེ། །དེ་ནི་དེ་བས་ལྷག་པར་འགྱུར། །སེམས་ཅན་ཀུན་གྱི་བསོད་ནམས་དང་། །ཕུན་ཚོགས་ཅི་སྙེད་ཡོངས་བཟུང་བ། །དེ་སྙེད་བྱང་ཆུབ་སེམས་དཔའ་ཡི། །བྱང་ཆུབ་སེམས་ལ་རབ་ཏུ་འབྱུང་། །ཞེས་དང་། སྤྱོད་འཇུག་ལས། བྱང་ཆུབ་སེམས་སྐྱེས་གྱུར་ན་སྐད་ཅིག་ལ། །འཁོར…

གཅོད་པ་འགལ་རྐྱེན་སྡིག་སྒྲིབ་ཡིན་པས་དེ་ཉིད་སྦྱངས་དགོས། དེ་སྦྱོང་བའི་མཆོག་ནི་རྡོ་རྗེ་སེམས་དཔའི་བསྒོམ་བཟླས་ལ་རྣལ་འབྱོར་དུ་བྱ་བ་ཡིན་པས་འདི་ལྟར་བྱ་ཏེ། ༈ །རང་ཉིད་ཐ་མལ་གནས་པ་ལ༔ སྤྱི་བོར་པདྨ་ཟླ་བའི་སྟེང་༔ ཧཱུྂ་ཡིག་དཀར་པོའི་འཕྲོ་འདུ་ལས༔རྡོ་རྗེ་སེམས་དཔའ་གངས་རིའི་མདོག༔ ལོངས་སྐུའི་རྒྱན་སྤྲས་ཡུམ་དང་སྦྱོར༔ ཐུགས་ཀ…

བཞི་ཤུགས་དྲག་བཅས། རང་དང་ཁམས་གསུམ་གྱི་སེམས་ཅན་ཐམས་ཅད་ཀྱིས་སྔགས་སྒྲ་དི་རི་རི་བཟླས་པའི་རྡོར་སེམས་ཀྱི་ཐུགས་སྲོག་སྔགས་འཕྲེང་ས་བོན་ལས་བདུད་རྩི་འོ་རྒྱུན་ལྟར་བབས་པའི་སྐུའི་ནང་ཁེངས་ནས་སྐུའི་ཆ་ཐམས་ཅད་དང་། ཁྱད་པར་ཡབ་ཡུམ་སྦྱོར་མཚམས་ནས་བདུད་རྩིའི་རྒྱུན་མ་ཆད་པར་བབས་པས་བདག་གཞན་གྱི་ཚངས་བུག་ནས་ཞུགས་ལུས་ཀྱི་ནང་ཐམས་ཅད…

སེམས་ཀྱི་སྐུར་ལམ་གྱིས་གྱུར་པའི་ཐུགས་ཀའི་ས་བོན་སྔགས་འཕྲེང་ལས་འོད་ཟེར་འཕྲོས་པས། ཕྱི་སྣོད་ཐམས་ཅད་འཇའ་འོད་ཐིག་ལེ། ནང་བཅུད་ཀྱི་སེམས་ཅན་ཐམས་ཅད་རིགས་ལྔའི་སྐུར་གསལ་བའི་ངང་ནས་ཡང་སྙིང་། ༀ་གུ་རུ་བཛྲ་སཏྭ་ཧཱུཾ། ཅི་མང་བཟླའོ། ༈ །སྡིག་སྒྲིབ་དག་པའི་རྟགས་ནི། བསྐུལ་བྱེད་ཀྱི་གཟུངས་ལས། ཇི་སྲིད་དུ་སྡིག་པ་བྱང་བའི་མཚན་མ་མ་…

རྟོགས་པ་འཆར་བའི་སྔ་ལྟས་དང་། ལོ་ཏོག་བཟང་པོར་བདག་བྱེད་པ། ནས་མང་པོ་ལ་དབང་བ། ཤིང་ཐོག་དང་སྦྲང་རྩི་བཟང་པོ་སོགས་རོ་མངར་བ་ཞིམ་པོ་ཟོས་པ་རྨིས་ན་ཉམས་མྱོང་སྐྱེ་བའི་སྔ་ལྟས་དང་། ཁྲུས་བྱས་པ། གོས་དཀར་པོ་གྱོན་པ། མེ་ལོང་ཕྱིས་པ་སོགས་ནི་གསལ་ཉམས་འཆར་བའི་སྔ་ལྟས་དང་། རྨི་ལམ་མི་འཚམ་འཁོར་ལོས་བསྒྱུར་བའི་རྒྱལ་པོར་མངའ་གསོལ་བ་ལ…

རོ། །ཞེས་དང་། སྙིང་པོ་རྒྱན་ལས། ཡི་གེ་བརྒྱ་བ་ཆོ་ག་བཞིན། ཉི་ཤུ་རྩ་ནི་རེ་རེ་བཟླས། །ལྟུང་སོགས་བྱིན་གྱིས་རླབས་འགྱུར་བས། །འཕེལ་བ་རུ་ནི་མི་འགྱུར་ཞེས། །གྲུབ་པ་མཆོག་རྣམས་ཀྱིས་བཤད་པས། །ཐུན་མཚམས་སུ་ནི་སྤྱད་པར་བྱ། །འབུམ་ཕྲག་ཏུ་ནི་བཟླས་གྱུར་ན། །རྣམ་པར་དག་པའི་བདག་ཉིད་འགྱུར། །ཞེས་དང་། ཨོ་རྒྱན་རིན་པོ་ཆེའི་ཞལ་ནས། རྡ…

མ་བཟུང་བའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས། རིའི་རྒྱལ་པོ་རི་རབ་སྟེང་དུ་རྣམ་པར་རྒྱལ་བའི་ཁང་བཟང་གླིང་བཞི་གླིང་ཕྲན་ཉི་ཟླ་ལྷ་མིའི་འདོད་ཡོན་དཔག་ཏུ་མེད་པ་རྣམས་ཀྱང་བློས་བླངས་ཏེ་མཆོག་གསུམ་དམ་ཅན་རྒྱ་མཚོའི་ཚོགས་དང་བཅས་པ་རྣམས་ལ། ཀུན་ཏུ་བཟང་པོའི་མཆོད་པའི་སྤྲིན་ཕུང་བསམ་གྱི་མི་ཁྱབ་པར་དམིགས་ཏེ་དབུལ་བ…