བས་མ་ཐོང་། བཞག་པས་མ་ཞོག །བཤིགས་པས་མ་ཤིག །ཕྲལ་བས་མ་ཁྲོལ། དེ་ཁྱེད་རང་གི་གམ་ན་འདུག་པའི་ཤེས་པ་ཝ་ལེ་འཁྱུག་གེ་བ་འདི་རང་ཡིན་ནོ། །ཞེས་གསུངས། དེ་ན་འདི་ལྟར་རིག་པ་མངོན་སུམ་རྗེན་པར་རྟོགས་ནས་འདིའི་ངང་ལ་བཅས་བཅོས་མེད་བར་བཞག་ན་གེགས་དང་གོལ་ས་ཅི་ཡང་མི་འབྱུང་སྟེ། གསང་བའི་བདག་པོའི་ཞལ་ནས། རིག་པའི་ངོ་བོ་སྟོང་པ་འདི་སུས་ཀྱ…

ཇི་ལྟར་ཆུ་ལ་ཆུ་བཞག་ལྟར། །མར་ལ་མར་ཉིད་བཞག་པ་བཞིན། །ཆོས་ཉིད་སྤྲོས་དང་བྲལ་བ་ལ། ཤེས་པའང་སྤྲོས་དང་བྲལ་བར་བཞག །ཅེས་དང་། སེང་གེ་རྩལ་རྫོགས་ལས། རིག་པ་མ་བསྒོམ་ལྷུན་གྲུབ་ལ། །བསྒོམ་པ་བྱས་པས་ང་མི་རྙེད། །རང་བྱུང་ཡེ་ནས་རྩོལ་མེད་ལ། །དཔྱོད་པ་བྱས་པས་ང་མི་མཐོང་། །ཆོས་སྐུ་ཡེ་ནས་མཐའ་བྲལ་ལ། །ལྟ་བ་བལྟས་པས་ང་མི་ཐོང་། །ཞེས་…

རང་གྲོལ་པདྨ་འབྱུང་། །འཛིན་མེད་ཟང་ཐལ་ངང་ལ་ཞོག །པདྨ་འབྱུང་གནས་ལོགས་ན་མེད། །རང་བྱུང་སྤྲུལ་སྐུ་ངོ་མཚར་ཆེ། །ཞེས་དང་། མཁས་ཤིང་གྲུབ་བརྙེས་གཡུ་ཐོག་པའི་ཞལ་ནས། ཨེ་མ་ཧོཿ བཅོམ་ལྡན་དགྱེས་པ་རྡོ་རྗེ་འདི། །གདོད་ནས་དག་བའི་རང་སེམས་ཡིན། །དེ་ནི་སྟོང་དང་སྟོང་མིན་ཏེ། །སྤྲོས་པ་མེད་པའི་ངང་ལ་གནས། །སྤྲོས་བྲལ་རང་བྱུང་ཡེ་ཤེས་ད…

བྱེད་མ་མྱོང་། །ཏིང་འཛིན་རྣམ་པར་རྟོག་པ་བསྒོམ་མ་མྱོང་། །སེམས་ཉིད་མི་རྟོག་པ་ཡིས་འགྲུབ་པ་ཡིན། །ད་ལྟ་བཞུགས་དང་སླད་པ་ཡིས། །རྟོག་མེད་མཉམ་པ་ཉིད་ཀྱིས་འགྲུབ་པར་འགྱུར། །ཞེས་དང་། ཏེ་ལོའི་ཞལ་ནས། སེམས་ནི་ནམ་མཁའ་བསམ་པའི་ཡུལ་ལས་འདས། །དེ་ཡི་ངང་ལ་བཏང་བཞག་མེད་པར་གློད། །སེམས་ལ་གཏད་མེད་ཕྱག་རྒྱ་ཆེན་པོ་ཡིན། །དེ་ལ་གོམས་པ་བ…

པའི་རིག་པ་མ་ཡེངས་ཞོག །ཅེས་དང་། སྒྲ་བསྒྱུར་མར་པ་ལོ་ཙཱའི་ཞལ་ནས། གདོད་ནས་དག་པའི་སེམས་རྒྱུད་འདི། །གློ་བུར་རྐྱེན་གྱིས་མ་བསླད་ན། །ནམ་མཁའ་བཞིན་དུ་འདུས་མ་བྱས། །ཕྱིན་ཅི་མ་ལོག་གནས་ལུགས་ཡིན། །ཡིད་ལ་བྱ་རྒྱུ་རྡུལ་ཙམ་མེད། །བཟུང་དུ་རྡུལ་ཙམ་མི་དམིགས་ཀྱང་། །མན་ངག་རྒྱུད་ལ་གོམས་པ་ན། །ཚེ་ཡི་འདུ་བྱེད་གཏོང་བའི་ཚེ། །ཕ་རོལ…

རང་གི་སེམས་ལ་ཅེར་གྱིས་ལྟོས། །ལྟས་པས་མི་མཐོང་དངོས་པོ་མེད། །མེད་པའི་ངང་ལ་ལྷོད་ཀྱིས་གློད། །ཡལ་ལེ་ཆད་དེ་འཛིན་མེད་ཞོག །ཡང་ཅིག་རྣམ་རྟོག་སྐྱེ་བ་ན། །ངོ་ཡི་ཆེར་གྱིས་ཟུངས་མཛོད་ལ། །ཁོ་རང་ཐོག་ཏུ་ལྷོད་དེ་ཞོག །རང་སར་གྲོལ་བར་ཐེ་ཚོམ་མེད། །ཕྱི་ཡི་ཡུལ་ལ་ཅེར་གྱི་ལྟོས། ། རང་སྣང་སྒྱུ་མ་ལྟ་བུ་ཡིན། །གང་ཤར་ཐོག་ཏུ་འཛིན་མེད་…

གསུངས། །དེ་ཡང་བསྒོམ་དུ་མེད་ཀྱང་ཡེངས་མེད་ཀྱི་དྲན་པས་ཟིན་པ་གཅེས་ཏེ། གསང་བའི་བདག་པོའི་ཞལ་ནས། བསམ་དུ་མེད་པའི་བསྒོམ་པ་ལ། །དྲན་པས་ཟིན་པ་རབ་དུ་གཅེས། །ཞེས་གསུངས། ལོ་རས་པས། གསལ་ཆ་མེད་པའི་ཞི་གནས་ལྡིང་པོ། །གོམས་ཡུན་རིང་ཡང་དོན་མི་རྟོགས་ཀྱི། །ལྟ་སྟངས་རིག་པའི་ངར་དང་ལྡན་པའི། །ཐུན་ཆུང་འཕྲོ་ལ་འཐུད་ཀྱིན་བསྒོམ་ཤིག །ཅེ…

ངེ་འཛིན་ལ་གནས་པ་སོགས་གང་གིས་དུས་སུ་ཡང་རང་རིག་རང་བབས་ལ་གཅེར་གྱིས་བལྟས་པས་འཛིན་མེད་རང་གནས་ཀྱི་བསམ་གཏན་རྗེན་སངས་ཀྱི་འཆར་ཏེ། འདི་ཁོ་ན་མ་བྱས་ལྷུན་གྲུབ་ཀྱི་བསྒོམ་པ་ཆུ་བོའི་རྒྱུན་ལྟ་བུ་ཡིན་ནོ། །ཞེས་ཀུན་མཁྱེན་ཆེན་པོའི་གསུངས་ལས་སོ། ༈ །གཞན་ཡང་སེམས་དང་རིག་པའི་ཤན་འབྱེད་པ་གལ་ཆེ་བས་སེམས་ནི་འཁོར་བའི་ཆ་འཛིན་དང་། རི…

འདའ་བ་མེད་དེ། མཁའ་འགྲོས་སྙིང་ཐིག་ལས། གང་ལྟར་གནས་ཀྱང་རིག་པའི་ངང་ཡིན་ཞོག །ཞེས་གསུངས་པ་ལྟར་ཡིན་པས་ཕྱིན་ཆད་སེམས་རང་བབས་སུ་ཆམ་མེ་འཛིན་མེད་དུ་ཧྲིག་གེ་བའི་རང་ངོ་གསལ་ལེ་གནས་པས་རང་འགྲོས་བསྐྱང་བ་མ་གཏོགས་ཆེད་དུ་གནས་པ་བསྒྲུབ་མི་དགོས་སོ། །གཉིས་པ་འཕྲོ་བ་སེམས་ཀྱི་རོལ་བར་ངོ་སྤྲད་པ་ནི། ཁྱེད་རྣམས་ཀྱི་སེམས་བར་སྣང་ལ་ཕྱ…

ཞེས་གསུངས་པ་བཞིན་ནོ། །གསུམ་པ་འཕྲོ་གནས་གཉིས་སུ་མེད་པར་ངོ་སྤྲད་པ་ནི། དཔེར་ན་རྒྱ་མཚོ་ལ་རྦ་རླབས་ཅི་ཤར་ཡང་། རྒྱ་མཚོ་ཉིད་ལས་ཅུང་ཟད་ཀྱང་མ་གཡོས་པ་ལྟར། སེམས་གནས་སམ་འགྱུ་ཡང་རིག་སྟོང་ལས་ཅུང་ཟད་ཀྱང་གཡོ་བ་མེད་དེ། ཀུན་མཁྱེན་ཆེན་པོས། སེམས་འཕྲོ་ཡང་སྟོང་ལ་གནས་ཀྱང་སྟོང་། །གང་ཤར་ཡེ་ཤེས་ཀྱི་རོལ་པ་ཡིན། །ཞེས་གསུངས་པ་ལྟར།…

ཞོག་ཅིག །ཅེས་ཐེབ་པར་གདབ་བོ། །ངོ་སྤྲོད་འདི་རྣམས་རིམ་གྱིས་བཏབ་ན། གནས་ལུགས་ཀྱི་ཐོག་ཏུ་སྒྲོ་འདོག་ཆོད་པར་འགྱུར་བའི་ཕྱིར་ངོ་སྤྲོད་འདེབས་མཁས་པར་བྱའོ། ༈ །ཞོར་ལ་གེགས་སེལ་ཟུར་ཙམ་ཞིག་བརྗོད་ན། དེ་ཡང་མཉམ་པར་བཞག་པའི་ཚེ། སྔར་ལས་རྣམ་རྟོག་མང་དུ་སོང་བ་ལྟ་བུ་དང་། ཡང་རེས་འགའ་ཧ་ཆད་དེ་གནས་ཤིང་། རེས་འགའ་མི་གནས་པ་དང་། གནས་…

རིག་རང་གསལ་གྱི་ངོ་བོ་རྩལ་མདངས་འགག་མེད་ཀྱི་སྣང་བ་གུ་ཡངས་སང་ངེ་བ། གསལ་ཧྲིག་སྨྲ་བརྗོད་ཀྱི་ཡུལ་ལས་འདས་པ་དེའི་རང་ངོ་ཡེངས་མེད་དུ་བསྐྱངས་པ་ལས་གནས་ལུགས་ཀྱི་རྟོག་པ་ཇེ་འཕེལ་ཇེ་བརྟན་དུ་འགྱུར་རོ། །ཡང་བྱིང་བ་ཤས་ཆེ་ན། རླུང་རོ་བསལ། ལུས་གནད་སྒྲིམ་ཞིང་ལྟ་སྟངས་བསྟོད། ཤེས་པ་ལ་ངར་བཏགས། རིག་པ་ཧུར་བཏོན་ནས་ཨར་ལ་གཏད། འཕྲོ་…

གནད་ཡིན་ནོ། །ཞེས་ཆོས་རྗེ་ཀུན་མཁྱེན་ཆེན་པོས་ཞལ་ནས་གསུངས་པའོ། ༈ །མདོར་ན་འདི་ལྟར་ཉམས་སུ་ལེན་པའི་སྐལ་ལྡན་རྣམས་ཀྱི་གོང་མའི་རྣམ་ཐར་བཞིན་དུ་ཚེ་འདིའི་བྱ་བ་མཐའ་དག་བློས་བཏང་ནས་དབེན་པར་ཉམས་སུ་ལེན་དགོས་ཏེ། རྫོགས་ཆེན་ཨ་ཏི་ཟབ་དོན་ལས། འདི་ལྟར་ཉམས་སུ་ལེན་པའི་གང་ཟག་ནི། འཇིག་རྟེན་འདུ་འཛིའི་གནས་སུ་མི་འདུག་སྟེ། རི་དྭགས…

སེམས་བཟུང་། །ཞེས་དང་། སངས་རྒྱས་གཉིས་པ་བློ་བཟང་གྲགས་པའི་ཞལ་གྱི་བུམ་བཟང་ལས། གང་དུ་གནས་ན་དུག་གསུམ་ལ་སོགས་པའི། །ཉོན་མོངས་ཚོགས་རྣམས་ཡར་ངོའི་ཟླ་བཞིན་འཕེལ། །དཀར་ཕྱོགས་ཐོ་རངས་རྒྱུ་སྐར་ལྟར་འགྲིབ་པའི། །གནས་ངན་མྱུར་དུ་སྤོང་དང་རྒྱལ་ཁམས་པ། །སྣ་ཚོགས་འདམ་སྐྱེས་དཔག་མེད་གཅལ་དུ་བཀྲམ། །རྐང་དྲུག་ལྡན་རྣམས་དགའ་བའི་གླུ་ལེ…

གོས་གཏམ་ལ་གྱོང་བསྐུར་ནས། །ཆུ་འཐུང་རྡོ་མུར་རོ་གོས་གྱོན། །རང་སེམས་ངོ་བོ་སྐྱོང་བ་ལས། །བྱ་རྒྱུ་ཅི་ཡང་མེད་པ་ལ། །བླ་མའི་གསོལ་འདེབས་ཚིག་གསུམ་ལས། །འདོན་རྒྱུ་བསྒྲུབ་རྒྱུ་མེད་པར་བྱས། །འཆི་བདག་ནམ་འོང་སྒུག་པ་ལས། །བསམ་རྒྱུ་ཅི་ཡང་མེད་པར་བྱས། །དད་འདུན་ཡོན་བདག་འབྱུང་སྲིད་ན། །རི་དྭགས་རྨས་མ་མི་མཐོང་བཞིན། །ལུང་སྟོང་མི…

གང་ཡང་མེད། །ལས་འབྲས་བླང་དོར་བྱེད་ལས་དགེ་བ་མེད། །དབེན་གནས་རི་ཁྲོད་ཟིན་ལས་སྐྱིད་པ་མེད། །ཅེས་དང་། ཀུན་མཁྱེན་ཆེན་པོའི་ཞལ་ནས། སྔོན་གྱི་རྒྱལ་བའི་ཡོན་ཏན་དང་། གྲུབ་ཐོབ་གོང་མའི་ཡོན་ཏན་ཡང་། །དབེན་པ་བརྟེན་ནས་བྱུང་བར་གསུངས། །རི་ཁྲོད་དབེན་པ་འགྲིམ་དུ་གཤེགས། །ཞེས་དང་། ཨེ་མ་དད་ལྡན་ཐར་པ་འདོད་པ་དག །གསང་ཆེན་བླ་མེད་དོན…

ལ་འགྱོད་ཅིང་སྡོམ། །ཉིན་ཕལ་ཆེར་དགེ་སྦྱོར་བྱ་བས་འདའ། །མཚན་གཉིད་ཆུང་དགེ་སྦྱོར་རིམ་པས་སྐྱོང་། །ལས་དེ་འདྲས་དལ་འབྱོར་དོན་ལྡན་བྱེད། །མི་དེ་ལ་སྐྱིད་པའི་ཉི་མ་འཆར། །ཞེས་གསུངས་སོ། །དེ་ཡང་རང་རྒྱུད་མ་ཐུལ་བའི་གཞན་ལ་ཕན་མི་ཐོགས་པ་དང་། དེང་སང་སྙིགས་དུས་སུ་མངོན་ཤེས་མེད་པར་གཞན་དག་སྨིན་པར་མི་ནུས་པས། ཐོག་མར་སེམས་བསྐྱེད་…

བདུད་ཀྱི་བསླུ་བྲིད་འདིས། །རང་སེམས་མ་བསླུས་བསྒྲུབ་ལ་འབད་པ་གཅེས། །ཞེས་གསུངས་པ་ལྟར་བསྒྲུབ་པ་ལ་གཞོལ་ན། ཡར་ངོའི་ཟླ་བ་ལྟར་ས་ལམ་གྱི་ཡོན་ཏན་མཐའ་དག་རྒྱུད་ལ་སྐྱེས་ནས། རང་གཞན་གཉིས་ཀའི་དོན་འགྲུབ་པར་གདོན་མི་ཟའོ། །དེ་ལྟར་ཁྲེགས་ཆོད་ཀྱི་རིམ་པ་རྣམས་མདོར་བསྡུས་སུ་བཤད་ཟིན་ཏོ། ༈ །གཉིས་པ་ལྷུན་གྲུབ་ཐོད་རྒལ་གྱི་གནས་ལུགས་ག…

ཀའི་ཡེ་ཤེས་ཆེན་པོ་བུམ་ནང་གི་མར་མེ་ལྟར་གནས་པའི་འོད་གསལ་གྱི་འཇུག་སྒོའི་རྩ་ཀ་ཏི་ཤེལ་བུག་ཅན་ནས་འཆར་བ་སྟེ། ཐལ་འགྱུར་ལས། རོ་མ་རྐྱང་མ་ཀུན་འདར་མ། །ཀ་ཏི་ཤེལ་གྱི་སྦུ་གུ་ཅན། །འཁོར་ལོ་ལྔ་ཡི་དབུས་དག་ནས། །དབང་པོའི་སྒོ་ལ་ཟུག་པར་གནས། །ཞེས་རོ་རྐྱང་དབུ་གསུམ་སྲོག་ཤིང་ལྟར་གནས་པའི་དབུ་མའི་ནང་ནས་ཤེལ་བུག་ཅན་ཐོན་པའི་རྩེ་མོ…

ཅན་དུ་འཆར་ཏེ། ཐལ་འགྱུར་ལས། ཐིག་ལེའི་ཡུལ་ནི་ཁ་དོག་སྟེ། །ལྔ་དང་དྲུག་དང་གཉིས་གསུམ་གཅིག །གསལ་དང་དྲོ་དང་བསིལ་བ་དང་། །ཡང་ཤིང་གཡོ་བའི་བདག་ཉིད་འཛིན། །དོན་དམ་ཆོས་ཉིད་འབྱུང་བའོ། །ཞེས་གསུངས་པ་ལྟར་ཡེ་ཤེས་འཆར་བ་ཡིན་ནོ། །བཞི་པ་ལམ་ཇི་ལྟར་བསྒོམ་པའི་ཚུལ་ནི། །བླ་མ་མཚན་ལྡན་གྱི་ཞབས་རྡུལ་བསྟེན་ཏེ། ལམ་ཐུན་མོང་གིས་རྒྱུད་ལ…