སེམས་ཅན་ཀུན་དགའ་བའི། །དགེ་བ་འདི་ལྷག་གཞན་ན་མེད། །ནམ་ཞིག་འབད་རྩོལ་མ་བྱས་ཀྱང་། །རང་གི་ཚོགས་རྫོགས་སངས་རྒྱས་འགྱུར། །རང་གཞན་གཉིས་ཀ་འཚེངས་པ་ཡི། །གདམས་པ་འདི་ནི་ངོ་མཚར་ཆེ། །ངོ་མཚར་ཆེ་བའི་ཞལ་གདམས་འདི། །ཐོས་ཚད་རྒྱུད་ལ་ཕན་པར་ཤོག །ཅེས་གདམས། གཞན་ཡང་རེབ་གོང་གྲུབ་པ་ཐོབ་པའི་གནས་ཆེན་བརྒྱད་དང་། རྗེ་བཙུན་སྐལ་ལྡན་རྒྱ་མཚ…

གཡང་ལུགས་བུད། །ཡ་རབས་རྣམས་ཀྱི་སྲོལ་མི་འཛིན། །མ་རབས་རྣམས་ཀྱི་སྤྱོད་པ་སྐྱོང་། །ཕུགས་ཀྱི་ཁེ་ལ་མི་བསམ་པར། །འཕྲལ་གྱི་རྩིས་གྲངས་ཞིབ་ཏུ་གཏོང་། །ལེགས་པའི་སྲོལ་བཟང་མི་འཛིན་པར། །ཉེས་པའི་དཔེ་ངན་མང་པོ་འདྲེན། །མཁས་པའི་གཞུང་ལུགས་མི་འཛིན་པར། །བླུན་པོས་བཤད་པའི་རྗེས་སུ་འབྲངས། །བཟང་པོའི་དོ་ཡ་མི་བྱེད་པར། །ངན་པའི་ཁ་ཡ་བ…

སྒྲུབ་པའི་རྒྱལ་མཚན་བཙུགས་ན་ལེགས། །གླུ་འདི་ཐོས་ཚད་ཆོས་མཛད་རྣམས། །རང་གི་ཡུལ་ནས་མི་སྡོད་པར། །ཤིན་ཏུ་དབེན་པའི་གནས་བསྟེན་ནས། །སྒྲུབ་པ་སྙིང་པོར་བྱེད་པར་ཤོག །ཅེས་བླངས་པས་བན་བོན་སྔགས་གསུམ་ཕལ་ཆེར་གྱིས་གནས་ཆེན་རྣམས་སུ་མཚམས་བསྙེན་སྒྲུབ་བྱས། གྲོང་ནས་ལོ་རེ་བཞིན་མ་ཎི་ཆོས་ཐོག་བཙུགས། གཞན་ཐམས་ཅད་ལ་རང་རང་གི་ཡུལ་ནས་ལུ…

ཚོད་བལྟ་ཕྱིར་ཆོས་འདྲི་ཡང་། །ཕུལ་དུ་ཕྱིན་པ་སྟོན་ཅིག་ཨ་མདོ་པ། །ཟང་ཟིང་སྒྱུ་མའི་ནོར་ལ་མ་བལྟ་བར། །དམ་ཆོས་ཐང་མ་རྡོལ་ཅིག་ཨ་མདོ་པ། །ངེས་པར་གང་ལ་གསང་བར་འོས་པ་རྣམས། །ལྐུགས་པའི་ཚུལ་གྱིས་མ་བཤད་ཨ་མདོ་པ། །ཆོས་པ་འཕུང་བའི་འགབ་འདྲེ་ཆགས་སྡང་ཡིན། །ཉེ་རིང་ཆགས་སྡང་མ་ཆེ་ཨ་མདོ་པ། །ཟས་ནོར་ཡོད་དུས་སེར་སྣ་མ་ཆེ་བར། །རང་སྤྱོད…

བཀུར་ན་ཡང་། །ཆེ་བའི་ང་རྒྱལ་མ་ཆེ་ཨ་མདོ་པ། །རང་ཉིད་དགེ་བའི་བཤེས་སུ་མངའ་གསོལ་ཡང་། །ཁས་དམན་རྣམས་ལ་མ་བརྙས་ཨ་མདོ་པ། །གཞན་གྱི་བླ་མ་དཔོན་པོ་བརྒྱ་ངན་རུང་། །ཕྱག་དང་ཞེ་ས་མཛོད་ཅིག་ཨ་མདོ་པ། །རང་དང་མཉམ་པའི་གང་ཟག་སུ་བྱུང་ཡང་། །རང་གི་གོང་དུ་བཀུར་ཅིག་ཨ་མདོ་པ། །བྱ་བ་གང་ལའང་འདོད་ཆུང་ཆོག་ཤེས་དང་། །རྟག་ཏུ་དམན་ས་ཟུངས་ཤིག…

བླངས་སོ། །གནས་སྤྱི་གཙུག་འཇའ་གུར་འཁྱིལ་བའི་ཀློང་། །གདན་སེང་། གེས་བཏེགས་པའི་ཁྲི་སྟེང་ན། །རྗེ་རྩ་བའི་བླ་མ་རྡོ་རྗེ་འཆང་། །མཚན་བརྗོད་པར་དཀའ་བའི་དྲིན་པོ་ཆེ། །ཕ་ཆོས་རྒྱལ་ངག་གི་དབང་བོ་བཞུགས། །བུ་མོས་གུས་གདུངས་པས་གསོལ་བ་འདེབས། །མི་འདིར་འཚོགས་སྣང་བ་ཆོས་ལ་སྒྱུར། །བློ་ཆོས་མིན་སྣང་བ་འགག་ཏུ་གསོལ། །ངེད་འདིར་འཚོགས་…

སླར་ཡང་ནས་ཡང་དུ་མཇལ་བར་ཤོག །དུས་སྙིགས་མའི་ཚེ་ལ་ངེས་པ་མེད། །ས་ཁ་ཐག་རིང་པོས་བར་ཆོད་ནས། །དུས་ད་ནས་མཇལ་རྒྱུ་མ་སོང་ན། །ཚེ་ཕྱི་མའི་ཡུལ་ནས་མཇལ་བར་ཤོག །འདི་དད་ཅན་ཡོན་བདག་ཕོ་མོ་ལ། །ངས་འགྲོ་ཁར་སྙིང་གཏམ་སྨྲས་པ་ཡིན། །གླུ་འདི་ཉིད་ཐོས་ཚད་ཕོ་མོ་ཀུན། །དུས་གཏན་དུ་བདེ་ཞིང་སྐྱིད་པར་ཤོག །ཡུལ་འདི་རུ་བཀྲ་ཤིས་གཡང་ཆགས་ཤིང་…

བ་བྱུང་། དེ་ནས་ཚོགས་མཆོད་ཅིག་ཕུལ། གསོལ་འདེབས་ཚར་མང་པོ་བཏོན། སྨོན་ལམ་རྒྱ་ཆེན་པོ་བཏབ། ཕྱག་དང་སྐོར་བ་མང་དུ་བྱས་ཡུན་རིང་བསྡད་ནས། འགྲོ་ཁར་ས་ཕུང་དེ་ལ་མགོ་གཏུགས་ནས་བླ་མ་དྲན་པའི་གདུངས་དབྱངས་འདི་བླངས་སོ། །རྗེ་དྲིན་ཅན་བླ་མ་རིན་པོ་ཆེ། །མཚན་སྙན་པ་འཇམ་དབྱངས་རྒྱ་མཚོ་ལ། །བུས་མོས་གུས་གདུངས་པས་གསོལ་བ་འདེབས། །ཕས་མི་མ…

ཁར་བྱོན་ལ་སེམས་གསོ་མཛོད། །ཁྱེད་གར་བཞུགས་ཞིང་དེར་བདག་དྲོངས་ཤིག །ཞིང་དེ་ནས་བཟུང་སྟེ་དཔོན་སློབ་གཉིས། །དུས་ནམ་ཡང་འདུ་འབྲལ་མེད་པར་ཤོག་།རྗེ་དཔལ་ལྡན་བླ་མའི་བྱིན་རླབས་ཀྱིས། །ཡུལ་འདི་རུ་རྟག་ཏུ་ལོ་ལེགས་ཤོག །ཅེས་བླངས་པས་དེར་གྲྭ་སློབ་སྦྱིན་བདག་འགའ་རེ་ཡོད་པ་རྣམས་ལ་ཡང་ངེས་འབྱུང་དང་དད་གུས་སྐྱེས་པ་བྱུང་ངོ་། །དེ་ནས་…

རྒྱུ་སོང་ལ། རས་ཆེན་ཉིས་བརྒྱ་དང་བརྒྱད་ཅུ། ཕྱེ་རྩམ་དོ་པོ་བཞི་བཅུ་ཙམ། གྲོད་མར་བརྒྱུད། ཇ་ལན་འདུ་ཕྱེད་ལྷག་ཙམ་སོང་། ཕྱག་མཛོད་གྲུབ་ཆེན་དང་བསྟན་འཛིན་སོགས་གྲྭ་བཙུན་མང་པོས། བར་གྱི་རང་ཉིད་གནས་པའི་བཀྲ་ཤིས་འཁྱིལ་གྱི་དགོན་པའི་མཐའ་ལ་ཚ་འབུམ་དང་མན་ཐང་བརྒྱབ་ནས་ཚོགས་གསོག་སྒྲིབ་སྦྱོང་བྱེད་རྒྱུའི་སྐལ་བ་བྱུང་། བདག་གིས་ཉི…

གསོལ་བ་འདེབས། །བདག་དང་སློབ་མ་སྦྱིན་བདག་ལ། །རྟག་ཏུ་ཐུགས་རྗེའི་སྤྱན་གྱིས་གཟིགས། །སྐུ་གསུང་ཐུགས་ཀྱིས་བྱིན་གྱིས་རློབས། །མཆོག་དང་ཐུན་མོང་དངོས་གྲུབ་སྩོལ། །རྣལ་འབྱོར་ཚོགས་དྲུག་རང་གྲོལ་ངས། །ནམ་འཆི་ངེས་པ་མེད་སྙམ་ནས། །ད་ནི་མ་ཤི་གོང་འདི་ལ། །སློབ་མ་རྣམས་ལ་གང་མཁོ་སྟེར། །སྡོམ་པ་དམ་ཚིག་ཤིན་ཏུ་གཙང་། །འདོད་ཆུང་ཆོག་ཤ…

རང་གྲོལ་ངས། །ནམ་འཆི་ཆ་ཡང་མེད་སྙམ་ནས། །ད་ལྟ་སྨྲ་ལྕེ་བདེ་དུས་སུ། །སློབ་མ་རྣམས་ལ་ཁ་ཆེམས་འཇོག །ཆོས་དད་ཆེ་བའི་སློབ་མ་རྣམས། །ལོ་འགའི་འཕྲོ་ནས་ནོར་དད་སྐྱེས། །ཁེ་ཚོང་འདྲེ་འདུལ་གྲོང་ཆོག་བྱས། །ཆོས་པའི་ཞབས་འདྲེན་མ་བྱེད་ཅིག །སྒྲུབ་པ་མཛད་པའི་སློབ་མ་རྣམས། །ལོ་འགའི་འཕྲོ་ནས་གསོག་འཇོག་བྱས། །ཁབ་དང་སྐུད་པའི་རྩིས་གྲངས་བ…

ལུས་པ། །ཕྱི་མར་ང་ཡིས་འདྲེན་པར་ཤོག །ཡུལ་ཕྱོགས་ཀུན་ཏུ་ལོ་ཕྱུགས་ལེགས། །ཆོས་དང་བཀྲ་ཤིས་འཕེལ་བར་ཤོག །ལེགས་ཚོགས་ཡོན་ཏན་མ་ལུས་པ། །ཡར་ངོའི་ཟླ་ལྟར་རྒྱས་པར་ཤོག །ཅེས་བླངས་པས་སློབ་མ་ཕལ་ཆེ་བའི་སེམས་ལ་ཕན་པོ་བྱུང་ནས་རྗེས་སུ་ཚེ་བློས་བཏང་སྟེ་རི་ཁྲོད་འགྲིམས་མཁན་ཡང་མང་པོ་བྱུང་ངོ་། །གཞན་ཡང་ཉིན་གཅིག་མཉམ་བཞག་གི་ངང་ལ་རང་བ…

སྣང་སོ་ནི་གང་བདེར་གློད་ནས་རང་བཏང་བས། །ཆོས་དབྱིངས་ཀྱི་ཐང་ཀ་ཡངས་པོ་རུ་སླེབས་སོང་། །མཐའ་ཡས་དང་མུ་མེད་སྟོང་དབྱིངས་སུ་བྱམས་པས། །རང་སེམས་དང་ནམ་མཁའ་སྣང་གྲགས་ཀུན་འདྲེས་ནས། །སོ་སོ་རུ་ཡོད་མེད་བློ་ཞིག་ཀྱང་མ་བྱུང་། །དོན་དམ་གྱི་དབྱིངས་སུ་རོ་གཅིག་ཏུ་འདྲེས་ཀྱང་། །ཀུན་རྫོབ་ཏུ་སོ་སོར་སྣང་བ་འདི་ངོ་མཚར། །གསལ་ཞིང་ནི་དྭ…

ཡི་ཀློང་ནས། །སྐྱིད་གླུ་འདི་རང་བཞིན་ཤུགས་ཀྱིས་རང་ཐོན་སོང་། །སྟོང་ཉིད་ཀྱི་ལྟ་བ་ནམ་མཁའ་ལས་ཡངས་ཤིང་། །བྱམས་པ་དང་སྙིང་རྗེ་ཉི་ཟླ་ལྟར་ཤར་ནས། །བསྟན་པ་དང་འགྲོ་བ་མཐའ་དག་ལ་ཕན་པའི། །སྨོན་ལམ་ནི་རྒྱ་ཆེན་ཡང་ཡང་དུ་འདེབས་སོ། །ནད་ཡམས་དང་མུ་གེ་འཁྲུག་རྩོད་ཀུན་ཞི་ནས། །ཐམས་ཅད་པོ་བདེ་ཞིང་སྐྱིད་པོ་རང་ཤོག་ཤོག་།ཅེས་བླངས་པའི་…

ཉོན། །ལྷ་ལྡན་ར་ས་འཕྲུལ་སྣང་གཙུག་ལག་ཁང་། །ཐག་ཉེ་བཀའ་བློན་ཟུར་ཁང་ཞེས་བྱ་ཡི། །ནང་ནས་ཟླ་བ་བཞི་པའི་ཚེས་པ་དགུའི། །ཉིན་པར་ཐོན་ཏེ་བྱང་གི་རྭ་སྒྲེང་བར། །དབུས་གཙང་སློབ་མ་རྣམས་ཀྱིས་བསྐྱལ་ནས་འོངས། །དེ་ནས་དཔོན་སློབ་ཐམས་ཅད་ཐང་ཞིག་ནས། །སོ་སོར་གྱེས་ཁར་འབྲལ་གླགས་མ་ཕོད་པར། །ཀུན་གྱིས་ང་ལ་བལྟས་ནས་མང་པོ་དུས། །ངས་ཀྱང་སྙིང…

མུ་གེས་འཆི་རུ་མི་འཇུག་པའི། །སྦྲ་ནག་ཁག་གསུམ་ཡོན་བདག་དྲིན་ཅན་གྱི། །དྲིན་དེ་ནམ་ཡང་བརྗེད་པའི་དུས་མ་བྱུང་། །སྐབས་རེ་དྲན་ཚེ་ཁ་ནས་དྲིན་ཅན་ཤོར། །སྡེ་པ་གཞུང་གི་མཁན་ནང་ཚོང་དཔོན་ལ། །ཐུག་པས་དེས་ཀྱང་གསོལ་རས་མང་པོ་གནང་། །དེ་དག་རྣམས་ལ་བརྟེན་ནས་ཤོར་མ་ཀུན། །ཁྲི་གཤོག་རྒྱལ་མོའི་མཚོ་ཡི་ཐག་ཉེར་སླེབས། །ཧ་ཐོའི་ཉག་ཁའི་མཚོ་…

བསྐུར་ཆོས་བཤད་མགུར་དབྱངས་བླངས་པ་ཡིས། །ཇག་རྐུན་འཕྲོག་བཅོམ་དམག་འཁྲུག་རྒྱུན་ཆད་ནས། །སྐུ་གསུང་ཐུགས་རྟེན་གསར་དུ་བཞེང་མཁན་དང་། །བན་སྔགས་མཚམས་ལ་སྡོད་མཁན་མང་པོ་བྱུང་། །ཀུན་གྱིས་སྡིག་སྤོང་དགེ་སྒྲུབ་ཁོ་ན་བྱས། །རོང་འབྲོག་རྣམས་ལ་བྱིན་རླབས་བྱས་པའི་མཐུས། །ཡུལ་ལ་བཀྲ་ཤིས་མི་ལ་ཚེ་རིང་ཞིང་། །ནོར་ལ་གཡང་འཁྱིལ་ཟས་ལ་བཅུད…

གསར་དུ་བཞེང་བར་ཤོག །ཅེས་པའང་བར་སྐབས་ཀྱི་ཚིགས་སུ་བཅད་པའོ། །ད་ནི་རྣམ་ཐར་མདོར་བསྡུས་ཏེ་མཇུག་ཏུ་སྨོན་ལམ་དྲི་མ་མེད་པའི་མཚམས་སྦྱོར་བྱ་བ་ནི། སྔོན་བསགས་བསོད་ནམས་ཀྱི་མཐུས་ཚེ་འདིར་དལ་འབྱོར་གྱི་མི་ལུས་གཙང་མ་ཐོབ། ཆུང་ནས་ད་ལྟའི་བར་དུ། བླ་མ་དགེ་བའི་བཤེས་གཉེན་བརྒྱ་ཕྲག་དུ་མའི་ཞབས་རྡུལ་སྤྱི་བོར་བསྟེན་ནས། མདོ་སྔགས་ཟུ…

མ་བྱས་ནས་བསྲུངས། ཤ་ཆང་སྒོག་ཙོང་ཐ་མ་ཁ་རྣམས་གཏན་དུ་སྤངས། ཟས་དཀར་གསུམ་མངར་གསུམ་ཇ་མར་རྩམ་གསུམ་ལ་བརྟེན་ནས། སྟོད་སྨད་བར་གསུམ་ལ་སོང་ཚེ། སྐྱེས་ཕོ་མོ་ཐམས་ཅད་ལ་ནམ་འཆི་ཆ་མེད་ཡིན། དོ་ནུབ་སང་གནངས་ཙམ་ལ་ཡང་ཤི་འགྲོ་ནའང་ཐང་མོད། ལས་རྒྱུ་འབྲས་བརྩི་དགོས། མ་བརྩིས་པར་གློ་བུར་དུ་ཤི་ན་སྡིག་ཅན་རྣམས་དམྱལ་བར་སྐྱེ་ཞིང་། དགེ་བ་…