བཤེས་གཉེན་གོང་མའི་སྤྲུལ་པའི་སྐུ། །མཚན་ཙམ་འཛིན་པའི་བུས་པ་སྐུ་སྐྱེས་ཀྱིས། །རབ་ཏུ་གུས་པས་ནན་ཏན་ཞུ་བའི་འབྲས། །མདོ་སྨད་ཡུལ་གྱི་མཁའ་ལ་ཆེར་འཕགས་པའི། །ཡོན་ཏན་དཀྱིལ་འཁོར་རྫོགས་པའི་ཉིན་བྱེད་ཁྱེད། །སློབ་བུ་རྟ་བདུན་ཤུགས་ཀྱིས་ཉེར་དྲངས་ཏེ། །མི་རིང་དབུས་གཙང་ལྷ་ལམ་བསྙེགས་ཞེས་ཐོས། །ཨེ་མ་དབུས་སུ་བསྟན་འཛིན་བགྲང་ལས་འདས…

གསོལ་འདེབས། །བདག་ལ་འདི་ཕྱིར་དགེ་བའི་སྐྱབས་འཇུག་ཞུ། །དྲི་མེད་ལྷ་རྫས་དང་བཅས་ཞུ་ཡིག་འདི། །ཕན་བདེའི་འབྱུང་གནས་རོང་བོའི་དགོན་ནས་ཕུལ། །ཞེས་པ་ལ་སོགས་པའི་རེབ་གོང་གི་བླ་སྐྱ་དཔོན་གསུམ་དང་། སྔགས་མང་། ཁྲི་ཀའི་ས་སྒོའི་ཡོན་བདག་དད་ཅན་ཁྱི་གོ་པ་གོ་སོགས་ཀྱིས་བཤོལ་བཏབ་ནས་སྡོད་དགོས་བྱུང་། དེ་ནས་སྒོ་མེའི་བལ་ལོན་ཕྱོགས་ཀྱ…

དགུང་ལོ་བགྲེས་ཚུལ་བསམས་ནས་ད་ཕྱིན་ཆད་མཇལ་མི་མཇལ་ཅི་ཤེས་སྙམ་ངའི་མིག་ནས་མཆི་མ་བྱུང་བ་དང་། ཁོང་གིས་ཀྱང་སྤྱན་ཆབ་བསིལ་བར་གདའ། དེ་ནས་བཟུང་རྗེས་སུ་མཇལ་རྒྱུ་མ་བྱུང་། དེ་ནས་ཚུར་ཁྲི་ཀ་རུ་འོངས་ནས་ཇོ་བོ་ལ་མཆོད་པ་རྒྱ་ཆེན་པོ་ཕུལ་ཁྲི་ཀའི་ས་སྒོའི་བླ་མ་དཔོན་པོ་ཡོན་བདག་གལ་ཅན་རྣམས་ལ་རྟ་བཅུ་གཅིག་གིས་གཙོ་བྱས་རྒྱུ་ནོམ་པའི…

ཀྱིས་ཁྱེད་རི་ཁྲོད་ན་བཞུགས་དུས་ཉིན་རེར་ཇ་ཅི་ཙམ་འཐུང་བ་ཡིན་ཟེར་བའི་ལན་དུ། ངས་དེར་འཚོགས་པ་རྣམས་ལ་ཀུ་རེ་རྩེ་མཚར་གྱི་ཚུལ་དུ་རྣལ་འབྱོར་ཆོས་ཇ་བསྐོལ་ནས་འཐུང་ཚུལ་གྱི་མགུར་དབྱངས་འདི་བླངས་སོ། །ཆོས་ཀྱི་རྒྱལ་པོའི་ཞབས་ལ་འདུད། །ཆོས་དང་མཐུན་པར་བྱིན་གྱིས་རློབས། །ཆོས་པ་ཚོགས་དྲུག་རང་གྲོལ་ངས། །ཆོས་ཇ་བསྐོལ་ཚུལ་གླུ་རུ་ལེ…

གསོལ་ནུས་ན། །ཉོན་མོངས་སྐོམ་གདུངས་ཀུན་ཞི་ནས། །ཉམས་རྟོགས་ཡོན་ཏན་ལུས་སྟོབས་རྒྱས། །ཟུང་འཇུག་རྡོ་རྗེའི་སྐུ་འཐོབ་འགྱུར། །གླུ་འདི་ཐོས་ཚད་ཐམས་ཅད་ཀྱིས། །དམ་ཆོས་ཇ་བཟང་འཐུང་བར་ཤོག །ཅེས་བླངས་པས་དེར་འཚོགས་པའི་དད་ཅན་གྱི་སྐྱེས་ཕོ་མོ་ཀུན་ཡིད་དགའ་ཞིང་སྤྲོ་བར་གྱུར་ཏོ། །གནས་བཟང་པོ་དེ་ནས་ཐོན་ཏེ་བན་ལེའི་སྔགས་རྒན་མཁའ་འགྲ…

དེ་ནས་དང་པོ་གཙང་རབ་གསལ་དང་། གཡོ་དགེ་འབྱུང་། དམར་ཤཱཀྱ་སྟེ། བོད་ཀྱི་མཁས་པ་མི་གསུམ་ཡུན་རིང་བཞུགས་ཤིང་བསྒོམ་ཁྲིད་བསྐྱངས། ཕྱིས་སུ་རྒྱལ་དབང་སྡེ་པ་ཆོས་རྗེ་རིན་པོ་ཆེ་དང་། ཆོས་ཀྱི་རྒྱ་མཚོ་སོགས་སྐྱེས་བུ་དམ་པ་མང་པོ་བཞུགས་ཤིང་བྱིན་གྱིས་བརླབས་པའི་ལྷ་ཁང་ནང་དུ་དགུན་མཚམས་ལ་བསྡད་ནས་དགེ་སྦྱོར་ཡག་པོ་བྱེད་རྒྱུ་བྱུང་། ད…

གྱི་བྲག་རི་འདི། །ཟངས་མདོག་དཔལ་གྱི་རི་བོ་འདྲ། །དཔའ་བོ་མཁའ་འགྲོ་སྤྲིན་བཞིན་འཁོར། །ཆོས་སྐྱོང་སྲུང་མ་བྲན་ལྟར་འདུ། །རྩེ་ན་ཐུབ་དབང་པད་འབྱུང་སོགས། །སྐུ་གསུང་ཐུགས་རྟེན་མང་པོ་བཞུགས། །རྩ་ན་ཕན་བདེ་འབྱུང་བའི་གནས། །བན་སྔགས་གཉིས་ཀྱི་སྒྲུབ་སྡེ་ཆགས། །གཡས་གཡོན་ཀུན་ན་ཆུ་གཙང་འབབ། །མཐའ་བསྐོར་ནགས་ཚལ་མང་པོས་བསྐོར། །རི་ངོ…

མོང་དངོས་གྲུབ་འབྱུང་། །གནས་འདི་བསྟོད་པའི་དགེ་བའི་མཐུས། །གནས་བདག་ལྷ་རྣམས་རབ་དགྱེས་ཏེ། །གནས་འདིར་འདུག་པ་ཐམས་ཅད་ལ། །གནས་པོ་བཟང་པོ་མཛད་པར་ཤོག །ཡུལ་ཕྱོགས་ཀུན་ཏུ་ལོ་ཕྱུགས་ལེགས། །ཡུལ་མི་ཐམས་ཅད་ཚེ་རིང་ཞིང་། །ཡུལ་ལ་ན་ཚ་གོད་ཁ་མེད། །ཡུལ་ཁམས་བདེ་བའི་བཀྲ་ཤིས་ཤོག །ཅེས་བླངས་པས་ལྷ་མི་ཀུན་དགའ་ཞིང་སྤྲོ་བར་གྱུར་ཏོ། །ད…

བྱུང་བས། །སྙིང་རྗེ་ཉམས་པའི་སྡིག་ཟས་ཤ །སྟོན་པའི་རྗེས་འཇུག་རྣམས་ཀྱིས་སྤོངས། །ཤ་ནི་སྲིན་པོའི་ཟས་ཡིན་པས། །སྡིག་པར་འགྱུར་བས་ཉེས་དམིགས་ཆེ། །ཤ་མི་ཟ་བའི་སེམས་ཅན་རྣམས། །འཇིགས་ཤིང་སྐྲག་པས་ཉེས་པ་ཡོད། །སྟོན་པ་སངས་རྒྱས་ཞལ་སྔ་ནས། །ཤ་ཟ་བ་ལ་སྙིང་རྗེ་མེད། །རྣམ་པར་གྲོལ་བ་རྒྱན་གྱི་མཆོག །འཕགས་པའི་རྒྱལ་མཚན་དག་དང་འགལ། །ཞ…

ལེགས་བཤད་འདི་ཡང་ཐོས་ཚད་ཀྱི། །རྒྱུད་ལ་ཕན་ཐོགས་འབྱུང་བར་ཤོག །ཅེས་སྨྲས་པས་ནང་ནས་སློབ་མ་རེ་གཉིས་ཀྱིས་ཤ་གཏན་ནས་སྤངས་ཤིང་། །གཞན་གྱིས་བརྒྱ་རྩའི་དུས་སུ་མི་ཟ་བ་བྱས་སོ། །ལོ་གསར་ནས་ཕྱོགས་དེའི་སྔགས་མང་ལ་རྫོགས་ཆེན་མ་རིག་མུན་སེལ་གྱི་ལུང་ཁྲིད་བྱས་ཤིང་། སེམས་ཀྱི་ངོ་སྤྲོད་གོ་སླ་འཁྱེར་བདེ་འདི་ཡང་བྱིན། །འོ་སངས་རྒྱས་ཐམ…

ཏིང་ངེ་འཛིན་བསམ་གྱིས་མི་ཁྱབ་པ་དང་། མཁྱེན་པའི་ཡེ་ཤེས་དང་། མངོན་པར་ཤེས་པ་རྒྱུ་ཆེན་པོ་འཆར་བས། ཡེ་ཤེས་ཀྱི་རྩ་དེ་ཁ་ཕྱེ་བའི་ཡོན་ཏན་ལས་བྱུང་བའོ། །དེས་ན་མིག་བཙུམ་ན། རྩ་དེ་ཁ་ཟུམ་ནས་ཐུར་དུ་ཤེས་པ་ནག་ཐུམ་གྱི་གཏི་མུག་འཐིབ་པའོ། །ལྟ་སྟངས་ཧྲིག་གེ་བྱས་པས་རྩ་དེའི་ཁ་གྱེན་ལ་བསྟན་པས་རིག་པ་དྭངས་སྙིགས་ཕྱེད་ནས། གསལ་ལ་རྟོག་…

སྟོང་སང་ངེ་བ་དེ་དང་། དེའི་གདངས་མ་འགགས་པར་ས་ལེ་བ་གཉིས་དབྱེར་མི་ཕྱེད་པར་ཧྲིག་གེ་བ་འདྲ་བ། ལྷང་ངེ་བ་འདྲ་བའི་རིག་པ་ཡོད་རྒྱུ་ཞིག་ཡོད་ལ། ཁར་དངོས་སུ་སྨྲ་རྒྱུ་མ་རྙེད་པའི་ཤེས་པ་ད་ལྟའི་ཧྲིག་གེ་བ་འདི་ལ་རིག་པ་ཞེས་མིང་དུ་བཏགས་པ་ཡིན། བསམ་པར་བྱེད་པའི་མཁན་པོ་ཡང་འདི་ཁོ་ན་ཡིན་པས་སེམས་ཞེས་མིང་དུ་བཏགས་པ་ཡིན། མི་དྲན་དགུ་…

སུ་འཆར་ཡང་རང་བཞིན་མེད་པར་གྲོལ་བས་དུ་མའི་མཐའ་དང་བྲལ། དེས་ན་མཐའ་བྲལ་གྱི་ལྟ་བ་ཞེས་བྱ་གསུངས། སེམས་ཁོ་རང་ཡེ་གདོད་མ་ནས་ཁོ་རང་གི་རང་གཤིས་དེ་ཀ་ལྟར་ཡོད་པ་ཡིན་ཀྱང་། སྔར་ལྷན་ཅིག་སྐྱེས་པའི་མ་རིག་པས་བསྒྲིབས་ནས་ངོ་མ་ཤེས། ཐག་མ་ཆོད། ཞེ་མ་ཚིམས། ཡིད་མ་ཆེས་པས་ད་ལྟ་བར་དུ་འཁྲུལ་བ་ཡིན་མོད། ད་ནི་ནོར་བདག་པོ་ལ་འཕྲོད། རང་ངོ་…

འདི་ལ་སྐྱེ་འཆི་མེད་པས་སངས་རྒྱས་འོད་མི་འགྱུར་བ་ཡིན་ནོ། །དེ་ངོ་ཤེས་པས་ཆོས་གོ ཞེས་གསུངས་པ་དང་། ཡང་ཡེ་ཤེས་མར་མེའི་རྒྱུད་ལས། གསང་བའི་བདག་པོ་རང་གི་སྙིང་གི་དཀྱིལ་ན་ཆོས་ཀྱི་སྐུ་མཚན་མར་མ་གྲུབ་པས་སྟོང་པར་བཞུགས་སོ། །རིག་པ་མ་འགགས་པར་གསལ་བར་བཞུགས་སོ། །སྒྲིབ་པ་མེད་པར་ཟང་ཐལ་དུ་བཞུགས་སོ། །ལྷུན་གྱིས་གྲུབ་པས་ཕྱོགས་མེ…

རྟོགས་ཡོན་ཏན་འདྲ་ཤར་བྱུང་། །མི་སྐྱེ་སྙམ་ན་ཡང་སྙིང་རྗེ་རང་ཤུགས་ཀྱིས་སྐྱེས་བྱུང་། །སྟོང་ཉིད་སྙིང་རྗེ་གཉིས་འབྱོངས་པའི་རྣལ་འབྱོར་ང་སྐྱིད་པ། །ཉམས་མགུར་འདི་ཉིད་ནི་མཐོང་ཐོས་དྲན་རེག་གི་རྒྱུད་ལ། །ཉམས་རྟོགས་ཡོན་ཏན་འདྲ་སྐྱེ་བའི་སྨོན་ལམ་རང་འདེབས་སོ། །ཞེས་བླངས་པས་ཀུན་དགའ་ཞིང་སྤྲོ་བར་གྱུར་ཏོ། །དེའི་དབྱར་སོས་ཆར་ཆེ…

པའི་ཡོན་ཏན་ལྔ་དང་ལྡན་པའི་ཕྱི་ནང་གསང་བའི་མཆོད་སྤྲིན་བསམ་གྱིས་མི་ཁྱབ་པ། འཕགས་པ་ཀུན་ཏུ་བཟང་པོའི་མཆོད་པའི་སྤྲིན་གྱི་ཕུང་པོ་ལྟ་བུས་ས་དང་བར་སྣང་ནམ་མཁའི་ཁྱོན་ཐམས་ཅད་ཡོངས་སུ་གང་བར་གྱུར་ཅེས་མཆོད་པའི་སྤྲིན་གྱི་གཟུངས་བཏོན། དེ་ནས་རང་གི་ཐུགས་ཀ་ནས་འོད་ཟེར་ཕྱོགས་བཅུར་འཕྲོས་པས་རང་བཞིན་ཆོས་ཀྱི་དབྱིངས་དང་མཉམ་པའི་ཕྱོག…

མཁའི་ཁམས་ལ་མི་ཤོང་བ་ཙམ་ཚུར་བསྡུས། ནམ་མཁའ་བར་སྣང་ས་གཞིའི་ཁམས་ཐམས་ཅད་ཁྱབ་ནས་ཆར་ཆེན་པོ་འབབ་པར་གྱུར། ཕྱོགས་བཅུའི་རྒྱལ་བའི་བྱིན་རླབས། བདག་གཞན་དུས་གསུམ་བསགས་པའི་དགེ་ཚོགས། ཁྱད་པར་དུ་བདག་གི་ལྷག་བསམ་རྣམ་པར་དག་པའི་སྒོ་ནས་ཚེ་གང་བོ་འདི་ལ་དགེ་བ་བགྱིས་པ་དང་། ཏིང་ངེ་འཛིན་བསྒོམས་པའི་བསོད་ནམས་ཀྱི་མཐུ་དང་ནུས་པ་དེ་རྣམ…

ཕུལ་བསྔོ་སྨོན་གྱིས་མཚམས་སྦྱོར་ཡང་བྱས། རྗེས་སུ་ཆར་དགོས་པའི་དུས་སུ། དེ་ལྟ་བུའི་ཆར་སྤྲིན་གྱི་ཏིང་ངེ་འཛིན་ལ་བསྡད་པས་ཆར་ཆེན་པོ་བབས་པ་བྱུང་ཚེ། ལྷ་མི་ཐམས་ཅད་ཀྱིས་སྙན་པ་དང་གྲགས་པ་བསྒྲགས། ལོ་ཡག་སྐལ་བཟང་བྱུང་། ཆོས་པ་ནས་བསོད་པ་དང་། ངན་སློང་ཚོ་ལྟོ་མོད་པ་བྱུང་ཚེ། ལྟོགས་ན་རྐུས་དྲན། བརྒྱགས་ན་ཆོས་དྲན་ཟེར་བའི་འཇིག་ར…

ཕུག་གོང་དུ་ཟངས་མདོག་དཔལ་རིའི་ཞིང་བཀོད་ཅིག་བཞེངས་ན་བཟང་བྱས་པས། སྔགས་མང་གིས་བཞེངས་ནས་ལེགས་པོ་གྲུབ་པ་བྱུང་། དེ་དག་རྣམས་ཀྱི་རྒྱུ་ཁོང་ཚོས་ཕུལ་བས་འདི་ནས་འགྲོ་དགོས་ཆེན་པོ་མ་བྱུང་། དེ་ནས་སྐྱིད་ལེ་རུ་སོང་རྨ་ཆུའི་ཕ་ཁར་བུད། དེ་རུ་ཇིས་ཚ་ལ་སོགས་རྨ་ཕ་རིའི་མཇལ་བ་བརྒྱ་ཕྲག་མང་པོ་བྱུང་བ་ལ་མཇལ་ཁ་བཏང་། ཀུན་ས་ལ་འཚོགས་པ་…

གནས་འདིར་འཚོགས་སྐལ་བཟང་ཕོ་མོ་ཡི། །རྒྱུད་སྨིན་ཅིང་གྲོལ་བར་བྱིན་གྱིས་རློབས། །མཆོག་ཐུན་མོང་དངོས་གྲུབ་སྩལ་དུ་གསོལ། །ངེད་ཐམས་ཅད་གནས་འདིར་ཡུད་ཙམ་འདུས། །ཡུན་མི་རིང་གྱེས་ནས་འགྲོ་བ་བཞིན། །ཆོས་ཐམས་ཅད་མི་རྟག་འདི་དང་འདྲ། །དོན་དེ་ལ་སོམས་ལ་ལྷ་ཆོས་མཛོད། །ཆོས་ཉམས་སུ་ལེན་ན་མང་མི་དགོས། །ལས་མི་དགེ་སྤོངས་ལ་དགེ་བ་སྒྲུབས…