བ་གཞན་རྣམས་ཀྱི་ནང་དུ་སོང་བསྔོ་སྨོན་བཀྲ་ཤིས་བརྗོད་ནས་ཀུན་གྱི་སེམས་དགའ་བར་བྱས། དེ་ནས་དོ་རྒྱ་རུ་འོང་ལུགས་གཉིས་ཀྱི་མཁྱེན་རྒྱ་ཆེ་ཞིང་བསྟན་འགྲོ་ཡོངས་ལ་ཕན་པའི་ལྷག་བསམ་ཅན་དོ་རྒྱའི་དཔོན་པོ་ཕ་བུ་སོགས་དམ་ལྡན་སྔགས་འཆང་རྣམས་ཀྱིས་སྔགས་ཁང་གསར་བའི་ནང་དུ་གདན་དྲངས། ཉི་མ་མང་པོའི་བར་དུ་ཞབས་ཏོག་བྱས། སྐུ་གསུང་ཐུགས་རྟེན་ར…

ཡང་རྙེད་པར་དཀའ། །དོན་མེད་ཆུད་ཟོས་མ་གཏོང་ཡོན་བདག་རྣམས། །འཆི་བ་བསམས་ན་དམ་པའི་ལྷ་ཆོས་འོང་། །ནམ་འཆི་ཆ་མེད་སོམས་ཤིག་ཡོན་བདག་རྣམས། །ཤི་ན་སྡིག་ཅན་དམྱལ་བའི་གནས་སུ་འགྲོ། །མི་དགེའི་སྡིག་པ་མ་བྱེད་ཡོན་བདག་རྣམས། །ལས་ཅན་མཐོ་རིས་ཐར་པའི་གནས་སུ་འགྲོ། །རྣམ་དཀར་དགེ་ལ་འབོད་ཅིག་ཡོན་བདག་རྣམས། །འགྲོ་ཀུན་སྐྱེ་བ་སྔོན་མའི་ཕ་…

ཤིས་གཡང་འཁྱིལ་ཞིང་། །བཀྲ་ཤིས་ཆེན་པོས་ཕྱོགས་ཀུན་ཁྱབ་གྱུར་ཅིག །ཅེས་བླངས་པས་ཀུན་གྱིས་དེ་ལྟར་བྱས་པས་ཡུལ་ཕྱོགས་ཀུན་ཏུ་བཀྲ་ཤིས་ལོ་ལེགས་བྱུང་ནས་ཐམས་ཅད་བདེ་ཞིང་སྐྱིད་པར་གྱུར་ཏོ། །དེའི་སྐབས་སུ་སྐུ་གཞོགས་ལྷ་རི་ཚང་ལ་སྤྲུལ་སྐུ་གཉིས་འཁྲུངས་པ། དེའི་དོན་དུ་དགོན་པའི་དགེ་འདུན་པ་དང་། ཨ་འབྱུང་གི་བཀྲ་ཤིས་དོན་འགྲུབ་རྣམས…

ཞག་མ་ཁ་ཤས་ཞབས་ཏོག་བྱས། ཕྱོགས་དེའི་དད་ཅན་ཡོན་བདག་རྣམས་ཀྱིས་ངའི་རྗེས་ན་ངན་སློང་བརྒྱ་ལྷག་ཙམ་ཞིག་ཡོད་པ་ལ། ཇ་ཐུག་སོགས་ཀྱི་ཟས་སྦྱིན་རྒྱ་ཆེན་པོ་བཏང་ཀུན་ཚིམས་པར་བྱས་ནས། དད་ཅན་མགོན་པོ་རྒྱ་མཚོས་འདིར་འཚོགས་རྣམས་ཀྱི་སེམས་ལ་ཕན་པའི་བཀའ་ཆོས་ཤིག་གནང་དགོས་ཞེས་ཞུ་ཡིག་ཚིགས་བཅད་འདི་ཕུལ་ལོ། །སྔོན་གྱི་སངས་རྒྱས་འཇིག་རྟེན་…

ཆོས་འཁོར་བསྐོར་དུ་གསོལ། །བསྐལ་པ་རྒྱ་མཚོར་བཞུགས་གསོལ་འདེབས། །དགེ་ཚོགས་བྱང་ཆུབ་ཆེན་པོར་བསྔོ། །སྐྱབས་མགོན་ཡིད་བཞིན་ནོར་བུ་ཡིས། །འདིར་འཚོགས་སློབ་མ་ཡོན་བདག་ལ། །འདི་ཕྱི་ཀུན་ཏུ་ཕན་པ་ཡི། །ཞལ་གདམས་བཟང་པོ་སྩལ་དུ་གསོལ། །ཞེས་ཕུལ་བའི་ལན་དུ་ངས་འདི་སྐད་སྨྲས། འོ་དཔེར་ན་འཁོར་ལོས་བསྒྱུར་རྒྱལ་གྱི་འཁོར་ལོ་རིན་པོ་ཆེ་གང་…

རྗེ་བསྒོམ་པ་གལ་ཆེ་ཞེས། །བྱང་ཆུབ་ལམ་རིམ་ཆེན་མོར་གསུངས། །སྙིང་རྗེ་ཆེན་པོའི་ནོར་བུ་མཆོག །ཐོགས་པའི་བྱང་ཆུབ་སེམས་དཔའ་ལ། །ངན་སོང་ངན་འགྲོའི་འཇིགས་མེད་ཅེས། །བྱམས་པའི་རྣམ་ཐར་མདོ་ལས་གསུངས། །སྙིང་བརྩེར་བཅས་པས་རྒྱལ་སྲས་ཀྱི། །སྤྱོད་པར་བསླབ་ན་བྱང་ཆུབ་རིག །འདུས་བྱས་འདུས་མ་བྱས་ཀྱི་དགེ །འབྱུང་ཞེས་སྡུད་པ་དག་ལས་གསུངས།…

ཆོས་པ་བཟང་པོ་བྱེད་འདོད་ན། །སྙིང་རྗེ་ཕན་སེམས་ལྡན་པར་མཛོད། །ཅེས་སྨྲས་པས་ཀུན་གྱི་སེམས་ལ་ཕན་ཐོགས་ནས་སྤྲང་པོ་ཚོ་ལ་སྦྱིན་པ་གཏོང་མཁན་མང་པོ་བྱུང་ངོ་། །དེ་ནས་ཀུ་བ་དགོན་དུ་འོང་སྐུ་གཞོགས་རིན་པོ་ཆེ་ལ་མཇལ། ཆོས་འབྲེལ་ཞུས་ཁོང་གིས་ཀྱང་ཚུར་གསོལ་རས་བདག་རྐྱེན་ཆེན་པོ་བྱུང་། དེའི་ལོ་ནམ་ཚ་ངན་པས་སྤྲང་པོ་ཇེ་མང་དུ་སོང་སྤྲང་…

ལག་ལེན་དགོས་པས་སྤྲང་པོ་ཉམ་ཐག་ལ། །ཕན་པའི་སེམས་ཀྱིས་ཟན་ཆང་གཅིག་བྱིན་ཀྱང་། །ཕྱི་མ་འབྱོར་བ་ཅན་གྱི་མི་རུ་སྐྱེས། །རིམ་གྱིས་རྫོགས་པའི་སངས་རྒྱས་འཐོབ་པར་གསུངས། །རང་ཉིད་སྦྱིན་ལ་དགའ་བའི་སྤྲོ་ཤུགས་ཀྱིས། །ཀུན་ལ་སྦྱིན་པ་ཐོངས་ཞེས་བཤད་པ་འདི། །ཐོས་ཚད་རྒྱུད་ལ་སྙིང་རྗེ་ཆེན་པོ་སྐྱེས། །ཉམ་ཐག་འགྲོ་ལ་སྦྱིན་པ་གཏོང་བར་ཤོག །…

ལྷ། །རིན་ཆེན་འབྱུང་ལྡན་བཀྲ་ཤིས་ཤོག །ཚེ་དཔལ་བསོད་ནམས་ཀུན་རྒྱས་པའི། །བཀྲ་ཤིས་ལྷོ་ཡི་ཕྱོགས་ནས་ཤོག །ནུབ་ཀྱི་ཕྱོགས་ཀྱི་བཀྲ་ཤིས་ལྷ། །སྣང་བ་མཐའ་ཡས་བཀྲ་ཤིས་ཤོག །མི་ནོར་ཟས་གསུམ་དབང་འདུས་པའི། །བཀྲ་ཤིས་ནུབ་ཀྱི་ཕྱོགས་ནས་ཤོག །བྱང་གི་ཕྱོགས་ཀྱི་བཀྲ་ཤིས་ལྷ། །དོན་ཡོད་གྲུབ་པའི་བཀྲ་ཤིས་ཤོག །དགྲ་བགེགས་བར་ཆད་ཚར་གཅོད་པའི…

ཁ་ལྷོར་བལྟ་བ། མདོག་ཤེལ་ལྟར་དཀར་པ་རི་མཐོ་ལ་ས་གཙང་བ། ལྷ་ཤིང་ཤུག་པ་སོགས་ཤིང་སྣ་ཚོགས་སྐྱེས་པ་ཆུ་ཤིང་འཛོམ་པ་ཡིད་མཐུན་བག་ཕེབས་རི་རྒྱུད་བཟང་ཞིང་བྱིན་ལྡན་གནས་གསུམ་མཁའ་འགྲོ་རང་བཞིན་གྱིས་འདུ་བའི་གནས་མཆོག་ཁྱད་དུ་འཕགས་པ་ཞིག་གདའ། དེར་ཞག་པོ་བདུན་གྱི་བར་དུ་གནས་འབྲེལ་བཞག་པས། ཉམས་དགའ་རིག་པ་དྭངས་པ་སྤྱིར་དགེ་སྦྱོར་འཕེ…

ཀུན་གསལ་གྱི་ཐུགས་དགོངས་ནམ་མཁའ་ལས་ཡངས་པའི།། ཀུན་མཁྱེན་གྱི་འཇིགས་མེད་གླིང་པ་ཁོང་མཁྱེན་ནོ། །གནས་ལུགས་ཀྱི་ངང་ལ་ཡུན་རིང་དུ་འབྱམས་པའི། །རྣལ་འབྱོར་ངའི་ཉམས་ཤར་གླུ་དབྱངས་སུ་ལེན་ནོ། །ནམ་མཁའ་ལ་ཉི་ཟླ་གཟའ་སྐར་རྣམས་ཤར་བཞིན། །སེམས་ཉིད་ཀྱི་ཀློང་དུ་འཁོར་འདས་ཀུན་ཤར་སྣང་། །འཁོར་འདས་ཀྱི་འཆར་གཞི་རང་སེམས་ཀྱི་གནས་ལུགས། །ན…

འདྲ་རང་ལོངས་ཤོག །མ་འོངས་པའི་དད་ཅན་རིག་འཛིན་གྱི་ཚོགས་ལ། །ཉམས་མགུར་འདི་བླངས་པས་ཕན་པར་རང་སྨོན་ནོ། །ཞེས་བླངས་ནས་བསྡད་ཡོད་དུས་སྔགས་རྒན་བཀྲ་ཤིས་དོན་འགྲུབ། གནས་སྐྱབས་འབུམ། ཡུམ་ལོ། རྣ་གོང་བའི་ལྷ་བཟོ་ལ་སོགས་ཕྱོགས་དེའི་སྔགས་པ་བཅོ་ལྔ་ཙམ་འོངས་ནས་ཟས་ནོར་མང་པོ་ཕུལ་ནས། སེམས་ཁྲིད་ཅིག་གནང་དགོས་ཞེས་བཤད་པས། ངས་རྫོགས་ཆ…

བསྲུང་བའི་དགེ་སློང་རྣམས། །དག་ཞིང་སྐྱེ་བའི་ལུང་བསྟན་བྱུང་། །ཕ་མར་བྱམས་པའི་མི་སྐྱ་རྣམས། །ལྷ་རུ་སྐྱེ་བའི་ལུང་བསྟན་བྱུང་། །སྦྱིན་པ་གཏོང་བའི་བུད་མེད་རྣམས། །ཕྱུག་པོར་སྐྱེ་བའི་ལུང་བསྟན་བྱུང་། །ཆོས་དད་ཆེ་བའི་གཡོག་པོ་རྣམས། །དཔོན་པོར་སྐྱེ་བའི་ལུང་བསྟན་བྱུང་། །ཆོས་ལ་དག་སྣང་སྦྱོང་བ་རྣམས། །ཡུལ་དབུས་སྐྱེ་བའི་ལུང་…

ཐམས་ཅད་མི་རྟག་འདིའི་རང་བཞིན་ཅན་ཡིན་པས། མི་ནོར་ཟས་གསུམ་ལ་ཆགས་ཞེན་མ་ཆེ། ཚེ་བློས་ཐོངས་ཕུན་སུམ་ཚོགས་པའི་གནས་མཆོག་འདིར་དགེ་སྦྱོར་འཕེལ་པོ་འདུག་པས། ཁྱེད་རྣམས་ཕྱིན་ཆད་གནས་འདིར་ལོ་རེ་ལོ་ཕྱེད་ཙམ་སྡོད་ལ། རང་གི་ཆོས་གང་ཤེས་རྣམས་ཉམས་སུ་ལོངས་ལ་རྒྱུད་ལ་སྐྱེ་ངེས་རེ་གྱིས། གཞན་ཚེ་བློས་བཏང་གི་རི་ཁྲོད་པ་སྡོད་མཁན་བྱུང་ན་…

ལོང་ལ་ལྟོས་ཤིག་ཟེར་བས། བུ་མོས་དེ་བཞིན་བྱའོ་ཟེར། ནང་དུ་འོངས་ནས་དེ་ལྟར་མ་བྱས་ཚེ། གཞན་གྱིས་ཁྱོད་མས་བསླབས་པ་ལྟར་མི་བྱེད་པ་ཅི་ཡིན་བྱས་པས། མོ་ན་རེ། བདག་གི་མ་ནི་མཁས་མ་ཡིན་པས། ཉི་ཟླ་གཉིས་ལ་ཕྱག་འཚོལ་ཟེར་བ་དེ། ཁྱོ་ཀའི་ཕ་མ་གཉིས་ལ་བརྩི་བཀུར་གྱིས་ཟེར་བ་ཡིན། གོས་བཟང་པོ་གྱོན་ཞེས་པ། རྟག་ཏུ་ངོ་ཚ་ཁྲེལ་འཛེམ་ཆེ་བར་གྱིས…

སོར་གྱེས། །ཕྱི་མར་འགྲོ་བའི་ཚུལ་སོམས་ལ། །དེང་སང་ཁྱིམ་ཚང་ནང་མི་ཀུན། །གོ་རེ་ཀྱིལ་ལེར་འཛོམ་པའི་དུས། །དོན་མེད་ཁོང་ཁྲོ་མི་ལྡང་ཞིང་། །ཁ་ནས་ཚིག་ངན་མི་སྨྲ་བར། །ཐམས་ཅད་བསམ་པ་མཐུན་པའི་སྒོས། །ཞིམ་པའི་ཟས་རེ་ཡོད་ན་ཟོ། །འཇམ་པའི་གོས་རེ་ཡོད་ན་གོན། །སྙན་པའི་གཏམ་རེ་ཡོད་ན་ཤོད། །ཕན་པའི་ཆོས་རེ་ཡོད་ན་གྱིས། །མི་རྣམས་དགའ་བ་…

མེ་ཡི་འོབས། །སྲིན་མོའི་གླིང་དང་དུག་སྦྲུལ་ཚང་། །འཁོར་བའི་ཕུན་ཚོགས་ཟས་ནོར་ཀྱང་། །དུག་དང་འདྲེས་པའི་ཁ་ཟས་དང་། །སྤུ་གྲིའི་ཁ་ཡི་སྦྲང་རྩི་དང་། །དུག་སྦྲུལ་མགོ་ཡི་ནོར་བུ་ལྟར། །རེག་པ་ཙམ་གྱིས་ཕུང་འགྱུར་ན། །དེ་ཉིད་བསྟེན་པ་སྨོས་ཅི་དགོས། །དགོངས་ནས་ཚེ་འདི་བློ་ཡིས་བཏང་། །དམ་པའི་ལྷ་ཆོས་བྱས་ཚུལ་ལ། །བསམ་ཞིང་དད་པ་གཏིང་…

མི་ལང་བས། །ངས་བཤད་དམ་ཆོས་ཆུད་མ་གསན། །གསུངས་པ་ལྟར་ཡིན་ཀྱང་། བསྡུ་ན་གསུམ་དུ་འདུ། གསུམ་པོ་གང་ཞེ་ན། སྡུག་བསྔལ་གྱི་སྡུག་བསྔལ། འགྱུར་བའི་སྡུག་བསྔལ། ཁྱབ་པ་འདུ་བྱེད་ཀྱི་སྡུག་བསྔལ་དང་གསུམ་ཡིན། སྡུག་བསྔལ་གྱི་སྡུག་བསྔལ་ནི། དམྱལ་བ་ལ་ཚ་བའི་སྡུག་བསྔལ་གྱི་ཐོག་ཏུ་གྲང་བའི་སྡུག་བསྔལ། ཡི་དྭགས་ལ་བཀྲེས་པའི་སྡུག་བསྔལ་གྱི…

དང་། མི་ཕྱུག་པོ་སྤྲང་པོར་འགྲོ་བ། ཁ་དྲག་པོ་ཞན་པོར་འགྲོ་བ། མི་མང་པོ་གཅིག་ཏུ་འགྲོ་བ་སོགས་འཇིག་རྟེན་ཁམས་འདི་ན་བདེ་བ་ལྟར་སྣང་བ་རྣམས་ཀྱང་། འགྱུར་ནས་སྡུག་བསྔལ་དུ་འགྲོ་བས་ན། འགྱུར་བའི་སྡུག་བསྔལ་ཟེར། ཁྱབ་པ་འདུ་བྱེད་ཀྱི་སྡུག་བསྔལ་ནི། སེམས་ཅན་ཐམས་ཅད་ཀྱིས་རང་བདེ་ན་འདོད། སྡུག་ན་མི་འདོད། བདེ་བ་ལ་བརྟེན་ནས་འདོད་ཆགས…

མ་ཐར་ཕྱིན་ཆད་བདེ་བ་སྐད་ཅིག་ཙམ་ཡང་མེད་པའི་ཚུལ་ལ་བསམས་ནས། འཁོར་བའི་ཕུན་ཚོགས་ལ་ཡིད་སྨོན་སྐད་ཅིག་ཙམ་ཡང་མི་སྐྱེ་བར་ད་རེ་འཁོར་བ་རྒྱལ་པོའི་བཙོན་ར་འདྲ་བ་འདི་ལས་ཐར་པ་ཞིག་ཅི་ནས་ཀྱང་བྱ་དགོས། འཁོར་བའི་སྡུག་བསྔལ་ལས་ཐར་པར་འདོད་པ་རྣམས་ཁྱིམ་ནས་ཁྱིམ་མེད་པར་རབ་ཏུ་བྱུང་དགོས་ཚུལ་གྱི་མགུར་དབྱངས་འདི་བླངས་སོ། །སྤྱིར་འཇིག་…