མོའི་གླུང་དབྱངས་ཞེས་བྱ་བ་འདི་ཕུལ། །འདི་ཕྱི་བར་དོའི་གཏན་གྱི་སྐྱབས། །དྲིན་ཅན་བླ་མ་རྣམས་ལ་འདུད། །རྣལ་འབྱོར་དཔོན་སློབ་བསམ་དོན་རྣམས། །ཆོས་བཞིན་འགྲུབ་པར་བྱིན་གྱིས་རློབས། །སེམས་ཉིད་མཁའ་ལས་རབ་ཡངས་པའི། །གླུ་བ་ཚོགས་དྲུག་རང་གྲོལ་ངས། །འཕྲིན་ཡིག་རྣར་སྙན་ཡིད་འབབ་ཀྱི། །དྲི་ཟའི་བུ་མོའི་གླུ་དབྱངས་ལེན། །སྟོད་ཕྱོགས་མང…

ལེགས་བཤད་པོ་ཏི་བཅུ་ལྷག་ཅིག །མ་འོངས་དད་ལྡན་དོན་ལ་བཞག །སློབ་མ་རྣམས་ཀྱིས་བསྐུལ་པའི་ངོར། །ཚེ་འདིར་རང་གིས་ཆོས་བྱས་ནས། །བསྟན་འགྲོའི་དོན་ཆེན་བསྒྲུབས་ཚུལ་གྱིས། །རྣམ་ཐར་པོ་ཏི་གཅིག་ཙམ་བརྩམས། །སྐལ་ལྡན་སློབ་མ་ཡོན་བདག་རྣམས། །ཕ་རྒན་ང་ཡི་རྣམ་ཐར་བཞིན། །སྡོམ་པ་དམ་ཚིག་ཚུལ་བཞིན་སྲུངས། །མདོ་སྔགས་ཆོས་ལ་ཉམས་ལེན་གྱིས། །བླ…

ཐམས་ཅད་ལྷན་དུ་མཇལ་རྒྱུ་ཞིག །འོང་བའི་སྐལ་བ་ལྡན་པར་སྨོན། །གལ་ཏེ་ཚེ་ཡི་དུས་བྱས་ནས། །ཚེ་འདིར་དངོས་སུ་མ་མཇལ་ན། །ངས་ཀྱང་མི་བརྗེད་སེམས་ལ་འཇོག །ཁྱེད་རྣམས་ཡིད་ལ་དུང་ངེ་གྱིས། །སྐྱེ་བ་འདི་ཡི་འོག་རོལ་ཏུ། །མངོན་དགའ་དགའ་ལྡན་བདེ་བ་ཅན། །གང་འདོད་དག་པའི་ཞིང་ཁམས་ནས། །མངོན་སུམ་མཇལ་བའི་སྨོན་ལམ་འདེབས། །འཕྲིན་ཡིག་རྣར་སྙན་…

གཏམ་དབྱངས་ཅན་པི་ཝང་འཁྲོལ། །ཚེ་འདིའི་བྱ་བ་བློས་བཏང་ནས། །རི་ཁྲོད་དབེན་པའི་གནས་རྣམས་སུ། །སྒྲུབ་པའི་རྒྱལ་མཚན་འཛིན་མཁན་གྱི། །སློབ་མ་ཡང་སློབ་དགའ་བས་ཉོན། །བླ་མ་དཀོན་མཆོག་ཐུགས་རྗེ་ཡིས། །ཁྱེད་རྣམས་བདེ་བར་ཡོད་ལས་ཆེ། །བདག་ཅག་དཔོན་སློབ་ལུས་སེམས་བདེ། །དབེན་པར་སྒོམ་སྒྲུབ་བྱེད་བཞིན་མཆིས། །སྐལ་ལྡན་སློབ་མ་ཡང་སློབ་རྣ…

རྟེན་དུ་དངུལ་ཁྲོབ་སྲང་ལྔ་བཅུ་ཙམ་དངུལ་སྲང་གང་རེ་དོ་རེ། གོས་ཆེན་ཁ་གང་ཁ་དོ་དངུལ་ཕྲེང་གཡང་ཊི་པདྨའི་སྙིང་པོ་ཤེལ་ཕྲེང་ཤེལ་གྱི་གསོལ་ཅན་གོས་ཀྱི་ཅོད་པན་དྲིལ་གདན་སོགས་དངོས་པོ་ཕྲན་བུ་དང་། དད་རྟེན་དུ་སྐྲ་ལོ་ན་བཟའི་ཚལ་བུ་འདྲ་སྐུ་ཕྱག་ཐམ་ཚེ་རིལ་རྟེན་འདུས། སྲུང་མདུད་དཀར་སེར་དམར་ལྗང་དྲི་མེད་ལྷ་རྫས་བཅས་བཞག ཤོག་རྒྱ་བར…

སྔོན་ལས་འབྲས་འཕེན་པས་ཡུན་རིང་འགྲོགས། །གྲོགས་རྡོ་རྗེ་སྤུན་ཚོགས་མཆེད་ལྕམ་རྣམས། །ད་ཚེ་འདིར་གསོན་འབྲལ་བྱེད་པའི་དུས། །སེམས་སྐྱོ་བ་སྐྱེས་ནས་བཟོད་གླགས་མེད། །མར་མདོ་སྨད་ཕྱོགས་འདིར་ཡུན་རིང་དུ། །འདྲིས་ཆེ་བའི་ཆོས་མཛད་ཡོན་བདག་རྣམས། །ད་དེང་ནས་ཚེ་འདིར་གང་ནས་འཕྲད། །སེམས་སྐྱོ་བ་སྐྱེས་ནས་བཟོད་གླགས་མེད། །རྗེ་ཁྱེད་ཀྱི…

བའི་འབྲས་བུ་སྨིན་པར་ཤོག །ཅེས་ཕུལ་བའི་ལན་དུ། འོ་སྐལ་ལྡན་སྙིང་གི་བུ་མ་གཡེངས་པར་ཉོན་ལ་ཡིད་ལ་ཟུངས་ཤིག དེང་སང་སྙིགས་མའི་དུས་འདིར་སྐྱ་སེར་ཕོ་མོ་སུ་ཡིན་ཡང་རྒྱལ་བའི་བཀའ་དང་། བླ་མའི་གསུང་བཞིན་བསྒྲུབ་པ་ནི་ཤིན་ཏུ་དཀོན། དཀོར་གྱིས་ཚིམས་ནས་བླ་མའི་གསུང་མི་བརྩི་བར་དམ་སྡོམ་ལྷོད་ནས་ཆོས་མིན་བྱེད་མཁན་སྡིག་པའི་གྲོགས་པོ་…

པའི། །མཁའ་འགྲོ་ཆོས་སྐྱོང་དཀར་ཕྱོགས་ལྷས། །སློབ་བུའི་འགལ་སྐྱེན་བར་ཆད་སོལ། །མཐུན་རྐྱེན་བསམ་དོན་འགྲུབ་པར་མཛོད། །ཕ་རྒན་ཚོགས་དྲུག་རང་གྲོལ་ངས། །ཕན་པའི་སྙིང་གཏམ་བཤད་པ་ལ། །དད་བརྩོན་ཤེས་རབ་སྙིང་རྗེ་ཅན། །བུ་ཆེན་ཀུན་དགའ་ཉི་མ་ཉོན། །དེང་སང་སྙིགས་མའི་དུས་སྐབས་འདིར། །རྒྱལ་བའི་བཀའ་དང་བླ་མའི་གསུང་། །མི་བརྩི་ཆོས་མིན་བ…

བའི་ཉེས་ལྟུང་ལ་སྙིང་ནས་བཤགས་པ་དང་། ཕྱིན་ཆད་མི་བྱེད་པའི་སྡོམ་སེམས་བྱས་དུས་ཡང་ཡང་མཇལ་བའི་སྨོན་ལམ་ཀྱང་བཏབ་བོ། །དེ་ནས་ཟླ་བ་བཞི་བའི་ཚེས་པ་བཅུའི་ཉིན་རྩ་གསུམ་ལྷ་ལ་ཚོགས་དང་གཏོར་མ་བཏང་། དབུས་སུ་འགྲོ་བ་དང་གཞི་ལ་འདུག་པ་ཐམས་ཅད་ལ་སྟོན་མོ་རྒྱ་ཆེན་པོ་བྱས། དབུས་པ་ཡར་འགྲོ་རྣམས་ལ་ཟང་ཟིང་ནོར་གྱི་རྫོངས་པ་ལ་དངུལ་རྡོ་ཚད་…

དང་སྨོན་ལམ་དག་པའི་མཐུས། །ངེད་དཔོན་སློབ་དབུས་གཙང་ཞིང་ནས་མཇལ། །ལོ་བཅོ་བརྒྱད་བར་དུ་རང་དོན་དང་། །གཞན་བསྟན་དང་འགྲོ་བའི་དོན་ཆེན་བསྒྲུབས། །སླར་མདོ་སྨད་ས་ཆ་འདི་རུ་ཡོང་། །ཁོང་ཡོན་བདག་རྣམས་ཀྱིས་ལྷ་བཞིན་བཀུར། །ནོར་ཡོད་དགུ་ཕུལ་ནས་སྐྱབས་འཇུག་ཞུས། །ངེད་རྣམས་ཀྱིས་གསོག་འཇོག་མ་བྱས་པར། །བསྟན་འགྲོ་བ་ཡོངས་ཀྱི་བདེ་ཐབས་ས…

དུ་འགྲོ། །ད་ཁྱེད་རྣམས་སྐུ་ཁམས་བདེ་བར་བཞུད། །བགེགས་བར་ཆད་མེད་པའི་སྐྱབས་འཇུག་བྱ། །ས་མདོ་དབུས་བར་ཐག་རིང་ན་ཡང་། །དུས་ད་དུང་མཇལ་བའི་སྨོན་ལམ་འདེབས། །ཚེ་ཕྱི་མར་མངོན་དགའི་ཞིང་ཁམས་སུ། །ངེད་དཔོན་སློབ་ཐམས་ཅད་མཇལ་བར་ཤོག ། ཅེས་དབྱངས་དལ་བོ་བྱས་བླངས་པའི་རྗེས་སུ་སློབ་བུ་གྲུབ་ཆེན་གྱིས་བུང་བ་རྒྱང་རིང་དུ་འཕུར་བ་ལྟར། ད…

ཅག་དབུས་སུ་འགྲོ་བ་ལ། །ནོར་རྫས་འཁྱེར་རྒྱུ་ཆེར་མེད་རུང་། །འཕགས་པའི་ནོར་བདུན་འཁྱེར་ལ་འགྲོ། །ཐ་མལ་ནོར་གྱིས་ཅི་ཞིག་བྱ། །ས་འདིར་འོངས་པའི་དགོས་པ་ནི། །སྐྱབས་མགོན་འགྲོ་དོན་མཛད་པའི་མཐར། །ཡར་ལ་གདན་འདྲེན་བྱེད་སྙམ་འོངས། །ད་རེ་གདན་འདྲེན་མ་ནུས་པར། །སོང་ན་མཆེད་ལྕམ་ཡོན་བདག་ལ། །འཕྲད་པའི་དུས་སུ་ཅི་བཤད་སྙམ། །ཤིན་ཏུ་ངོ་…

སྐྱེས། །ཕྱིས་དབུས་སུ་ལན་ཅིག་སླེབས་ན་ཡང་། །གྲྭ་བུ་སློབ་ཡོན་བདག་རྒན་པ་མང་། །ཕལ་ཆེ་བ་འདས་ནས་མི་ཐུག་སྙམ། ་།ངས་བསམ་ཞིང་སྐྱོ་བ་ནང་ནས་སྐྱེས། །ཚེ་ཕྱི་མའི་ཡུལ་དུ་སོང་ན་ཡང་། །ལས་བཟང་ངན་དབང་གིས་སོ་སོར་འགྲོ། །ཀུན་མཇལ་ལམ་མི་མཇལ་ཅི་ཤེས་སྙམ། །ངས་བསམ་ཞིང་སྐྱོ་བ་ནང་ནས་སྐྱེས། །སྤྱིར་འདུས་པའི་ཐ་མ་འབྲལ་བ་འདི། །ལར་འཁོར་…

རླབས་བྱས་མཇལ་དར་ཁོང་རྣམས་ཀྱི་མགུལ་ལ་གཡོགས་ནས་འགྲོ་ཁའི་ཞལ་གདམས་མགུར་དབྱངས་འདི་བླངས་སོ། །གནས་སྤྱི་གཙུག་འཇའ་འོད་གུར་ཁང་ནས། །གདན་པདྨ་ཉི་ཟླའི་སྟེང་བཞུགས་པའི། །མགོན་ཆོས་རྒྱལ་ངག་གི་དབང་པོ་ལ། །བདག་གསོལ་བ་འདེབས་སོ་བྱིན་གྱིས་རློབས། །ངེད་དཔོན་སློབ་ཡུལ་ཕྱོགས་མི་གཅིག་རུང་། །ལས་སྨོན་ལམ་དབང་གིས་ཕྱོགས་ཕྱོགས་ནས། །ས་…

ཅེས་བླངས་པའི་ཚེ་སློབ་བུ་གྲུབ་ཆེན་གྱིས་ངའི་ཞབས་སྤྱི་བོར་བླངས་ནས། ཏིང་ངེ་འཛིན་གྱི་དབང་བཞི་བླངས་པའི་མ ཐར་འབྲལ་མ་ཕོད་པར་ཡུན་རིང་པོ་ཞིག་གི་བར་དུ་ངུས་པས། ངས་ད་མང་པོ་ངུ་མི་དགོས་ད་དུང་ཚེ་འདི་དང་མ་འོངས་པའི་སྐྱེ་བ་ནས་ཚེ་རབས་ཐམས་ཅད་དུ་མཇལ་ཡོང་ཞེས་བཤད་ཀྱང་ད་དུང་ངུ་བ་བྱུང་། དེ་ཕྱིས་མི་མཇལ་བ་སེམས་ཀྱིས་ཚོར་བ་ཡིན་ན…

ཏུ་དགའ་ཞིང་སྤྲོ་བས་ཉོན། །ཆོས་དགེ་བ་རང་གིས་བྱས་པ་དང་། །གཞན་རྣམས་ལ་བྱེད་དུ་འཇུག་པ་དང་། །དགེ་གང་བྱས་རྗེས་སུ་ཡི་རང་རེ། །སུས་བྱས་ཀྱང་ཕན་ཡོན་མཉམ་པར་གསུངས། །དོན་དེ་ཕྱིར་ལམ་ཁའི་ཡོན་བདག་ཚོ། །ཡར་འགྲོ་མཁན་རྣམས་ལ་ཕན་ཐོགས་དང་། །ཁྱེད་རྣམས་ཀྱིས་དབུས་ལ་མཇལ་བ་དང་། །ཁྱད་མེད་པའི་ཕན་ཡོན་འཐོབ་པར་འགྱུར། །དབུས་འགྲོ་མཁན་ཕལ…

དེ་མིན་ཀྱང་འཕྲོག་བཅོམ་མི་བྱེད་པར། །ལམ་བསྟན་ནས་བདེ་བར་འགྲོ་གྱུར་ཅིག །ཅེས་པ་ཁོ་རང་རྣམས་ཀྱིས་ཁྱེར་ནས་ཀུན་ལ་བསྟན་པས་དད་ཅན་རྣམས་ཀྱིས་ཟས་གོས་སོགས་ཀྱིས་ཕན་ཐོགས་བྱས་པས་ཀུན་སྐྱིད་པོ་བྱུང་ངོ་། །ཆུ་བཟང་ནས་འགྲོ་ཁར་དགེ་འདུན་པ་རྣམས་འཚོགས་སུ་བཅུག་ནས་མང་ཇ་བཏང་། འོ་ཁྱེད་རྣམས་ཀྱིས་སྤྱིར་ཆོས་བཞིན་འདུལ་བ་བཞིན་གྱིས། ཁྱད…

གྱིས་མྱ་ངན་སེམས་ཁྲལ་མ་བྱེད་ཅེས་སེམས་གསོ་བྱས། རྗེས་སུ་སྤྲུལ་སྐུ་ཨ་ལགས་མཁའ་འགྲོ་ཚང་གི་ནང་དུ་འཁྲུངས། བསྟན་འགྲོ་ཡོངས་ལ་ཕན་ཐོགས་པ་ཞིག་བྱུང་། དེའི་དབྱར་ཀ་འཁྱམས་རུ་དང་རྐང་ཚ་སོགས་ཕྱོགས་དེའི་ཡོན་བདག་རྣམས་ཀྱིས་གདན་འདྲེན་བྱས། ཡོན་བདག་ཕལ་ཆེ་བའི་ནང་དུ་སོང་ཚེ་སྒྲུབ་ནོར་སྒྲུབ་གཡང་འབོད་བཀྲ་ཤིས་བྱས། ཐམས་ཅད་ལ་མ་ཎིའི་…

སྡོད་པའི་དུས། །མི་ཀུན་གྱི་གྲལ་གྱི་མགོ་རུ་བསྡད། །ང་ན་སོ་ཅུང་ཞིག་རྒས་ནས་གདའ། །ཆོས་བྱེད་ན་དཀའ་སྤྱད་མི་ནུས་སྙམ། །དེའི་རྗེས་སུ་ཡུལ་ན་སྡོད་པའི་དུས། །ནང་ཁྱིམ་ཚང་བཟའ་བའི་གྲལ་མགོར་བསྡད། །ང་ན་སོ་ཡར་ལ་རྒས་ནས་གདའ། །ཆོས་ཆུང་ངུའི་དུས་ན་བྱེད་སྙམ་ཡང་། །ལོ་རྗེས་མའི་རྗེས་མར་བྱས་ན་སྙམ། །དེའི་ངང་ལ་མི་ཚེ་ཤོར་ནས་འགྲོ། །ད…

ཀྱིས་གདན་དྲངས་རབ་གནས་བྱིན་འབེབས་བཀྲ་ཤིས་བྱས། འབུལ་བ་རྟ་ནོར་མང་པོ་ཕུལ། གྲྭ་བཙུན་མང་པོར་གསོལ་རས་བྱིན་ནས་བཀྲ་ཤིས་འཁྱིལ་བར་བརྫངས། ངེད་དཔོན་སློབ་ཉུང་འདུས་བྱས་གཡེར་གཤོང་སུ་རུག་སོགས་ཕྱོགས་དེའི་ཡོན་བདག་རྣམས་ཀྱིས་གདན་དྲངས། ཀུན་ལ་ཚེ་དབང་ནོར་དབང་བྱས་ཆོས་བ ཤད་བསྔོ་སྨོན་བཀྲ་ཤིས་བརྗོད་མགུར་དབྱངས་འདི་བླངས་སོ།། སྐྱ…