བདག་རྣམས། །དགེ་བ་གང་བྱས་མཇུག་ཏུ་བསྔོ་སྨོན་མཛོད། །མྱུར་དུ་སངས་རྒྱས་འཐོབ་བོ་ཡོན་བདག་རྣམས། །ལྷ་ཆོས་བྱེད་ན་ཞལ་གདམས་མང་མི་དགོས། །དེ་རྣམས་ཡིད་ལ་ཟུངས་ཤིག་ཡོན་བདག་རྣམས། །གླུ་འདི་ཐོས་ཚད་ཡོན་བདག་ཕོ་མོ་ཡི། །བློ་ཁ་དམ་པའི་ཆོས་ལ་འགྱུར་བར་ཤོག །ཡུལ་ཕྱོགས་ཀུན་ཏུ་བཀྲ་ཤིས་གཡང་ཆགས་ཤིང་། །བཀྲ་ཤིས་ཆེན་པོས་ཕྱོགས་ཀུན་ཁྱབ་ག…

ཐུགས་སྤྲོ་བའི་ཕྱིར། ཝ་གྲུ་རྒྱག་པ་འདི་དང་མཐུན་པའི་མགུར་དབྱངས་སྙན་མོ་ཞིག་ལེན་དགོས་ཞེས་བསྐུལ་ངོར་གླུ་དབྱངས་འདི་བླངས་སོ། །བསམ་བཟང་རྭ་རྒྱའི་གྲུ་པ་ཡིས། །ཉིན་རེ་བཞིན་དུ་རྨ་ཆུ་ལ། །ཤིང་གི་ཝ་གསུམ་བ ཤིབས་ནས་བཏང་། །མགྲོན་པོ་མང་པོ་སྒྲོལ་བ་བཞིན། །རྣལ་འབྱོར་ཚོགས་དྲུག་རང་གྲོལ་ངས། །འཁོར་བའི་ཆུ་ལས་སྒྲོལ་བའི་ཕྱིར། །མི…

རྒྱ་མཚོ་དང་། །མགོན་ཡོངས་འཛིན་དགེ་བཤེས་ཆེན་མོ་སོགས། །གནས་འདིར་བཞུགས་བླ་མ་ཐམས་ཅད་ལ། །བདག་གསོལ་བ་འདེབས་སོ་བྱིན་གྱིས་རློབས། །མགོན་ཐུབ་པའི་དབང་པོའི་ལུང་བསྟན་ལས། །མཚན་ཆུ་བོ་གོ་མི་ཞེས་བྱར་གསུངས། །མིང་ཡོངས་གྲགས་རྨ་ཆུ་ཆེན་མོ་ཡི། །ཆུ་དཀར་མོ་གཡས་སུ་འཁྱིལ་བའི་འགྲམ། །གནམ་འཁོར་ལོ་རྩིབས་བརྒྱད་ཕུབ་པའི་འོག །ས་པདྨ་འད…

ཡུམ། །སླར་ངུར་སྨྲིག་གར་གྱི་རྣམ་རོལ་བ། །རྗེ་ཤིང་བཟའ་ཐམས་ཅད་མཁྱེན་པ་ཡིས། །དགོན་འདི་ཉིད་འཛིན་སྐྱོང་སྤེལ་གསུམ་བྱས། །ཁོང་དགེ་འདུན་སྟོང་ཕྲག་ལྷག་ཙམ་འདུས། །ལྷ་བཅུ་གསུམ་དཀྱིལ་འཁོར་སྒྲུབ་ཆོད་བཙུགས། །རྒྱུ་རིན་ཆེན་དུ་མ་ལས་གྲུབ་པའི། །ལྷའི་སྐུ་གཟུགས་གསུང་རབ་ལྷ་ཁང་བཞེངས། །ཆོས་བཀའ་འགྱུར་ཡོངས་རྫོགས་པར་དུ་བརྐོས། །མགོ…

བསྡད་ནས། དགེ་སྦྱོར་དང་མཉམ་གཞག་གཙོ་བོར་བྱས་པས། ཉིན་ཅིག་མཉམ་གཞག་གི་ངང་ནས་ཕྱོགས་བཅུའི་སངས་རྒྱས་ཀྱི་ཞིང་ཁམས་དང་འཇིག་རྟེན་ཁམས་མང་པོ་ན། སངས་རྒྱས་དང་སེམས་ཅན་མང་པོ་མཐོང་བ་ལ་རང་ལུས་གྲངས་མེད་སྤྲུལ་ནས་མཆོད་པ་འབུལ་བ་དང་། སྦྱིན་པ་གཏོང་བ་སོགས་ཀྱི་ཉམས་སྣང་སྣ་ཚོགས་པ་བྱུང་། དེའི་མཚན་མོ་རྨི་ལམ་ལ་ཡང་ཕྱོགས་བཅུར་སྤྲུལ་པ…

སུ་དང་འགྲོགས་ཀྱང་ཉམས་རེ་དགའ། །ལྟད་མོ་སྣ་ཚོགས་མཐོང་བ་འདི། །དཔལ་ལྡན་བླ་མའི་བཀའ་དྲིན་ཡིན། །བཀའ་བཞིན་སྒྲུབ་པའི་མཆོད་པ་འབུལ། །བླ་མ་སྒྲུབ་པས་མཉེས་པར་ཤོག །ཅེས་བླངས་ནས་རབ་ཏུ་དགའ་ཞིང་སྤྲོ་བཞིན་པའི་ངང་ནས་ཡོད་དུས། ཐག་ཉེའི་ཡོན་བདག་འགའ་རེས་གནས་འདིར་ཐུགས་སྤྲོ་བོ་ཨེ་བྱུང་ཟེར་བའི་ལན་དུ། གནས་བསྟོད་དག་སྣང་མ་ཞེས་བྱ་བའ…

སྐོར་བ་བྱེད། །རིའི་རྐེད་ན་བྱ་བཏང་སྒོམ་ཆེན་ཚོགས། །ནང་ཏིང་འཛིན་སྒོ་བརྒྱ་འབྱེད་ལ་བརྩོན། །རིའི་རྩ་བར་ཁྲིམས་ལྡན་མཁས་མང་ཚོགས། །ཆོས་མདོ་སྔགས་གཞུང་ལ་ཐོས་བསམ་མཛད། །ཕྱོགས་ཀུན་ན་ལྷ་ཀླུ་བྱེ་བ་གནས། །ཆོས་སྒྲུབ་མཁན་རྣམས་ཀྱི་སྡོངས་གྲོགས་བྱེད། །སྟེང་མཁའ་ན་ལྷ་ཡིས་ཁྲུས་གསོལ་བཞིན། །བྲག་མཐོན་པོའི་ཁ་ནས་ཆུ་གཙང་འབབ། །འོག་མ…

དགའ་ཞིང་སྤྲོ་བའི་སྒོ་ནས། གནས་དེར་སྡོད་པའི་རིང་ལ་འོ་མ་དང་མེ་ཤིང་ལ་སོགས་པའི་མཐུན་རྐྱེན་གང་དགོས་ཐམས་ཅད་བསྒྲུབ་པ་བྱུང་། དེའི་ལོ་གསར་དགའ་སྟོན་གྱི་ཉིན་པར་དབོན་པོ་དཀར་དྲིས་དང་། བློ་ལྡན་སྟག་ཡན་ལ་སོགས་པའི་ཞབས་ཕྱི་བ་འགའ་རེས། ཁྱེད་ཀྱིས་དེ་རིང་ཚོ་སྐལ་བ་བཟང་བཟང་བྱས་མགུར་དབྱངས་ཤིག་ལེན་དགོས་ཞེས་བསྐུལ་ངོར། ངས་སྐལ་བ…

རིས་གཙོ་བྱས་པའི། །ངས་དབེན་གནས་བརྒྱ་དང་རྩ་བརྒྱད་བསྟེན། །དེའི་ནང་ན་བྱིན་ཅན་གནས་ཆེན་མང་། །འདི་བསམ་ན་སྐལ་བ་བཟང་པོ་བྱུང་། །ཡུལ་དབུས་གཙང་བལ་བོས་གཙོ་བྱས་པའི། །ངས་རྒྱལ་ཁམས་བརྒྱ་དང་རྩ་བརྒྱུད་འགྲིམས། །བསྟན་འགྲོ་བ་གང་ལ་གང་ཕན་བྱས། །འདི་བསམ་ན་སྐལ་བ་བཟང་པོ་བྱུང་། །སྨད་མདོ་ཁམས་དགོན་དང་གྲོང་ཡུལ་དུ། །ངས་ལྷ་ཁང་བརྒྱ་ད…

མེད་ཀྱི། །ཚེ་ཡི་དངོས་གྲུབ་སྩལ་དུ་གསོལ། །ཕྱོགས་བཅུ་དུས་གསུམ་སངས་རྒྱས་ཀྱི། །ཐུགས་ཀྱི་སྤྲུལ་པ་ཨོ་རྒྱན་རྗེ། །སླར་ཡང་མཁས་གྲུབ་གཉིས་འཛོམ་ཚུལ། །འཛིན་པའི་སྐྱེས་མཆོག་བདག་ལ་དགོངས། །མགོན་ཁྱོད་སྔོན་ནས་སངས་རྒྱས་ཀྱང་། །ཕྱི་རབས་རྗེས་འཇུག་གདུལ་བྱ་ལ། །སངས་རྒྱས་འདི་ལྟར་སྒྲུབ་དགོས་ཞེས། །རྣམ་ཐར་ཁོ་ནས་སྟོན་པའི་ཕྱིར། །དང…

ཐམས་ཅད་ལས། །བརྒྱུད་པའི་ཕྱག་ལེན་ཉམས་མྱོང་ཁྲིད། །མཁས་པའི་བཞེད་ཚུལ་བཤད་པའི་རྒྱུན། །མདོ་སྔགས་ཐེག་པའི་གཞི་ལམ་འབྲས། །ལྟ་སྒོམ་སྤྱོད་གསུམ་སྡོམ་པ་གསུམ། །རིག་པའི་གནས་ལྔ་ཆེ་ཆུང་དང་། །ཐེག་པ་མཐའ་དག་དོན་གསལ་བ། །ཚང་ལ་མ་ནོར་ལེགས་བཤད་གཏེར། །ནོར་བུའི་བང་མཛོད་ལྟ་བུ་ཡི། །མདོ་རྒྱུད་རིན་པོ་ཆེ་ཡི་མཛོད། །བསྟན་འགྲོ་སྤྱི་ཡི་…

པའི་དུས། །ཡང་ཡང་མཇལ་བའི་བཀྲ་ཤིས་ཤོག །ཀུན་ཀྱང་སྐྱིད་དགའ་ལོངས་སྤྱོད་བཞིན། །ཆོས་ལ་སྤྱོད་པའི་བཀྲ་ཤིས་ཤོག །ཅེས་ཡིག་རྟེན་དུ་ཚེ་སྒྲུབ་བྱས་པའི་རིལ་བུ་ཚེ་སྐུ་ཅན་གྱི་ལྷ་རྫས་བཅས་ཕུལ་བའི་ལན་དུ་གསུངས་འདི་འདུག ། ཚེ་དང་བསོད་ནམས་གཟི་བརྗིད་དཔག་མེད་མགོན། །ཚེ་ཡི་དངོས་གྲུབ་ཆར་ཆེན་འབེབས་པ་ཉིད། །ཚེ་ལ་དབང་བའི་རིག་འཛིན་སྐུ…

པས་འཆི་མེད་དཔལ་སྟེར་དང་། །ཚེ་ཆང་བཏུང་བས་གཡུང་དྲུང་ཚེ་འགྲུབ་པ། །ཚེ་རྫས་སྤྲིན་ཆེན་གཏིབས་འདྲའི་ཆར་འབེབས་པའི། །ཚེ་དམིགས་མཛད་པའི་བདེན་པ་བསླུ་མེད་མཐུས། །ཚེ་ཡི་དངོས་གྲུབ་སྩོལ་མཛད་མགོན་ཁྱོད་དང་། །ཚེ་ཡི་དངོས་གྲུབ་སྩོལ་ཡུལ་རྣལ་འབྱོར་ང་། །ཚེ་འདིར་ལྟོས་བཅས་གྲྭ་སློབ་ཡོན་བདག་ཀུན། །ཚེ་དཔལ་སྟོབས་འབྱོར་མཆོག་ཏུ་འཕེལ་…

ལེགས་རྟག་འབབ་ཤོག །ཅེས་དྲི་མེད་ལྷ་དར་རིང་པོ་མར་ཞིག་དང་བཅས་གནང་བྱུང་། ཡང་དེ་དུས་སྐྱབས་མགོན་གསེར་ཁང་རྡོ་རྗེ་འཆང་གི་ཐུགས་སྲས་བྱང་ཆུབ་ཀྱི་སེམས་མངའ་བའི་མཁས་པའི་དབང་པོ་ཁམས་རྡོ་སྨད་བླ་མ་འཇམ་དཔལ་བསྟན་འཛིན་གྱིས། ངོ་མཚར་བའི་སྐྱེས་ཀྱི་མཆོག་ཏུ་ལེགས་བཤད་ཀྱི་དགའ་སྟོན་འདི་གནང་འདུག ། ནང་གསལ་སྤྲོས་བྲལ་གཞོན་ནུ་བུམ་སྐུ…

འཛུམ་པའི་རླབས་ཀྱིས་ཡོངས་བསུས་ཏེ། །ཕེབས་པར་སྨྲ་བའི་གཏམ་གྱིས་བྲིད་པ་བཞིན། །དེ་ལྟ་ནའང་མ་འདྲིས་བཤེས་ཁྱོད་ཞལ། །མ་མཐོང་ཚུལ་འདི་བསམ་གྱིན་སེམས་པ་སྐྱོ། །ནུབ་ཕྱོགས་བདེ་ལྡན་ཞིང་གི་མགོན་པོ་དེས། །བསམ་བཞིན་མཛམ་གླིང་འདི་རུ་བསྒྱུར་བའི་གར། །རྔ་ཡབ་གླིང་པ་སྲས་བཅས་རྒྱལ་བའི་ཚབ། །ཁྱོད་ལས་སྙིགས་དུས་འདི་ན་གཞན་སུ་ཞིག །སྨིན་…

མཐུས་མགོན་པོ་ཁྱོད། །རྡོ་རྗེའི་ཁྲི་ལ་ཀཱ་ཡ་ཨུ་ཏིཥ། །ཉེས་བརྒྱའི་འབྱུང་གནས་འཁོར་བ་དུག་ཅན་མཚོར། །རང་བྱས་ལས་ཀྱི་གཞན་དབང་གིས་བྱིང་བདག །རང་དང་སྐལ་བ་མཉམ་པའི་ལུས་ཅན་གྱི། །སྡུག་བསྔལ་མ་ལུས་བདག་ལ་སྨིན་པ་དང་། །བསགས་དང་གསོག་འགྱུར་བཟང་པོའི་ལེགས་བྱས་འབྲས། །སྲིད་འདིའི་དཔལ་དུ་སྨིན་པ་ཁོ་ན་ལ། །སྨོན་པའི་སྙིང་པོ་བགྱིད་དེ་…

ལྷག་བསམ་དཀར་མུ་ནས། །འགྲོ་ཕན་ཆོ་གར་སྙད་བཏགས་ཟང་ཟིང་གི །ཟིན་མེད་འདུ་འགོད་བྱ་བས་ཅི་ཡང་བྲེལ། །འོན་ཀྱང་བདོག་པའི་དངོས་པོ་བྱུང་ངོ་ཅོག །དཀོན་མཆོག་མཆོད་དང་རྟེན་བཞེངས་དགེ་འདུན་སྡེར། །ཞབས་ཏོག་སྦྱིན་གཏོང་དགེ་རྩ་གང་བསྒྲུབ་ཚོགས། །རྫོགས་བྱང་བསྔོ་བ་ཁོ་བོའི་གནས་ཚུལ་ལགས། །རེ་འགའ་བཀའ་བརྒྱུད་གོང་མའི་རྣམ་ཐར་བཞིན། །གཡའ་ད…

རྒྱལ་གསུང་དམ་ཆོས་སྦྲང་རྩི་མངར་བའི་རོ། །ཐར་པའི་སྲོག་ཟུངས་གསོ་བའི་བཅུད་ལེན་སྨན། །མཁའ་ཁྱབ་ཡོངས་ལ་འཆད་མེད་སྤྲོ་དབྱིངས་ནས། །འདིར་ཡང་ཕེབས་ཚོགས་གངྒཱའི་རྒྱུན་བཞིན་ཞུ། །དེ་ལྟའི་ཞུ་མཆིད་སྐལ་བཟང་མིག་ཡངས་མ། །ལྷ་རེག་དར་གྱི་སྟོད་གཡོགས་གཡོ་བ་ཅན། །སྡེབ་ལེགས་ཚིག་གི་ལང་ཚོ་ངོམ་བཞིན་དུ། །ཁྱོད་དྲུང་འཆི་མེད་དགའ་ས །བའི་ཚལ…

ལེན་བྱས། ཨ་ཞང་གིས་གནས་མཇལ་བྱས་ལྷོ་ཁ་བརྒྱུད་ནས་མར་འོངས། ཀུན་དགས་དབུས་གཙང་གི་སློབ་མ་ཡོན་བདག་རྣམས་ཀྱི་འབྱོར་ལན་རྣམས་བླངས་ནས། མར་འོང་མཁན་གྱི་མགར་རྩེའི་ནུ་བྱིས་སྔོན་ལ་བསྐུར། སྟོད་ཕྱོགས་ཀྱི་མཚམས་ཞུས་ཡི་གེ་རྣམས་ཁྱེར་ནས་སློབ་མ་ཡོན་བདག་སོ་སོར་སྤྲད། འགྲོ་མགོན་སྦྱིན་པ་ནོར་བུ་རིན་པོ་ཆེ་ལ་མཇལ་མཚམས་ཞུ་ཕུལ་བས་ཐུགས…

པ་སོགས་བླ་མ་རྣམས་ལ་མཇལ་རྟེན་ཕུལ་བ་ལགས། དེ་ནས་གནས་དེར་མཚམས་ཁང་ཁ་ཤས་རྒྱག་ཏུ་བཅུག རྩ་རང་ཨ་ལགས་དང་སྨན་ཤུལ་སྤྲུལ་སྐུ་སོགས་མཚམས་པ་འགའ་སྡོད་རྒྱུ་བྱས། མང་ཇའི་ཐེབས་སུ་གསེར་ཞོ་གང་ཕུལ། ཡར་གྱི་བྲག་ངོས་ལ་མང་རའི་ལྷ་བཟོ་ཡེ་ཤེས་དང་དཀར་དྲིས་གཉིས་ལ་སངས་རྒྱས་ཀྱི་སྐུ་འདྲ་ཁ་ཤས་འབྲི་རུ་བཅུག བཀའ་གདམས་མཆོད་རྟེན་ཆུང་ཆུང་ཞིག…