སྐུ་སྐྱེས། དགེ་སློང་ཡེ་ཤེས་དར་རྒྱས་སོགས་ཚེ་བློས་བཏང་གི་སློབ་མ་མང་པོ་ལ། དྭགས་པོ་བཀའ་འབུམ་སོགས་བཀའ་བརྒྱུད་ཀྱི་ཆོས་སྐོར་མང་པོའི་ལུང་བྱས་ནས་མགོན་ཤུལ་དང་མགར་རྩེ། དཔྱི་ས། ཧོར་སོ་ནག་བོན་རྒྱ་དམེ་ཤུལ་སོགས་འབྲོག་ཕྱོགས་སུ་སོང་། དད་ཅན་རྣམས་ལ་ཆོས་བཤད། ཚེ་དབང་དང་ནོར་དབང་བསྐུར། འགྲོ་དོན་བྱས་པས་ཐམས་ཅད་དད་པའི་ངོས་ནས…

དཔོན་རྣམས། །མི་འབྲལ་སྤྱི་བོའི་རྒྱུན་དུ་བཞུགས། །མི་ངས་མི་རྟག་དབྱངས་སུ་ལེན། །མི་རྣམས་སྐྱོ་བའི་སེམས་ཀྱིས་ཉོན། །སྐྱེ་བ་ཐམས་ཅད་འཆི་བ་ཡིན། །མི་རྟག་འཆི་བའི་ཚུལ་སོམས་ལ། །མ་ཤི་གོང་དུ་ཕྱག་སྐོར་གྱིས། །ནམ་ཞིག་ཤི་རུང་འགྱོད་པ་མེད། །འདུས་པའི་ཐ་མ་འབྲལ་བ་ཡིན། །མི་རྟག་འབྲལ་བའི་ཚུལ་སོམས་ལ། །མ་བྲལ་གོང་དུ་མཐུན་པར་འགྲོགས…

སངས་རྒྱས་ཀྱི། །ཞིང་དུ་འགྲོ་བའི་སྨོན་ལམ་འདེབས། །ཞེས་བླངས་པས་ཀུན་གྱིས་ཕྱག་འཚལ་སྐོར་བ་བྱས་རང་རང་གི་ཡུལ་དུ་སོང་། ངེད་དཔོན་སློབ་རྣམས་མཐའ་སྨུག་ཏུ་འོངས་དུས། ནམ་ཟླ་སྟོན་གྱིས་གཏུགས་རྩི་ཤིང་སེར་པོར་སོང་ཚེ་སེམས་སྐྱོ་བའི་ཤུགས་ཀྱིས་དབེན་པ་དྲན་ནས་མགུར་དབྱངས་འདི་བླངས་སོ། །སྤང་ལྗོངས་མེ་ཏོག་གི་ཁྲོད་ན། །སྦྲང་མ་ཆེ་ཆུང…

དབེན་པའི་རི་ཁྲོད་རང་སྙོགས་ཤིག །ཅེས་བླངས་ནས་འབྲོང་ལུང་དུ་ཡོང་། རབ་བྱུང་སོགས་ཞབས་ཕྱི་བ་མང་པོས་ཟས་ནོར་ཕལ་ཆེར་ཁྱེར་ནས་རོང་བོ་བརྒྱུད་ནས་བཀྲ་ཤིས་འཁྱིལ་བར་སོང་། མར་གྱི་ནང་ནས་རྒྱལ་མར་ཆེ་ཆུང་བཅུ་གསུམ། ཕྱུར་བ་དོ་བོ་བཅུ་ཙམ་ཞིག་རོང་བོའི་དགོན་ཆེན་ལ་བཏང་། དེའི་འཕྲོ་རྣམས་དགོན་པ་ཆེ་ཆུང་མང་པོར་མང་ཇ་བཏིང་། མཚམས་པ་རི་…

མོང་དངོས་གྲུབ་ཆར་བཞིན་ཕོབ། །གཞན་དཀར་ཕྱོགས་སྐྱོང་བའི་ལྷ་ཀླུ་ཡིས། །ཆོས་སྒྲུབ་རྣམས་ཀྱི་སྡོངས་གྲོགས་མཛོད། །ཡུལ་བཀྲ་ཤིས་གཡང་ཆགས་ཧོར་གྱི་ཡུལ། །རི་ཕུན་ཚོགས་འབྲོང་ལུང་དཔལ་གྱི་རི། །རྒྱབ་བྲག་རིའི་རྩེ་མོ་མཁའ་ལ་བསྙེགས། །དེ་ཆོས་མཛད་ཚེ་སྲོག་སྲ་བའི་རྟགས། །སྟེང་ནམ་མཁའ་ཡངས་ཤིང་ཉི་ཟླ་འཆར། །དེ་ལྟ་སྒོམ་ཉམས་སུ་ལོན་པའི་ར…

མེད་པས་ཤིན་ཏུ་དབེན། །དེ་དགེ་སྦྱོར་ངང་གིས་འཕེལ་བའི་རྟགས། །ཆོས་དགའ་བའི་ལྷ་ཀླུ་ཡུལ་འདིར་མང་། །དེ་ཆོས་ཀྱི་མཐུན་རྐྱེན་འོང་བའི་རྟགས། །ས་ཕུན་ཚོགས་དགེ་ལེགས་འབྱུང་བའི་གནས། །གནས་འདི་འདྲ་ཡུལ་ཕྱོགས་གཞན་ན་དཀོན། །དོན་དེ་ཕྱིར་ཆོས་བྱེད་ཕོ་མོ་དང་། །སྒོས་བྱ་བཏང་སྒོམ་ཆེན་གནས་འདིར་བྱོན། །གནས་འདི་རུ་སྒྲུབ་ལ་གཞོལ་ནུས་ན། …

དཀར་པས་དགེ་བའི་གསལ་འདེབས་ཅུང་ཟད་ཞུ་བ། ཁྱེད་རྣམས་ཀྱིས་སྐབས་རེ་རང་ལ་དགེ་བསྐུལ་འདི་ལྟར་མཛོད། འི་བླ་མ་དཀོན་མཆོག་མཁྱེན་ཚེ་ཉི་མ་ནམ་ཚ་ཤོར་ཐལ། ནམ་ཞིག་ལ་ཤི་འགྲོ་ཅི་ཤེས། སང་གནངས་ཚོ་ཤི་འདྲ་སོང་ན་གང་དུ་འགྲོ་སྙམ་དུ་ནམ་འཆི་ཆ་མེད་སོམས་ལ། ཆོས་ལོ་སྔ་མ་ཕྱི་མ་གཉིས་ཀྱི་སྔ་མ། དེ་རིང་ནངས་པར་གཉིས་ཀྱི་དེ་རིང་ཙམ་ལའང་བྱེད་དག…

པོ་ཆེའི་གསུང་བྱིན་ཅན་བླ་མ་རྒྱངས་འབོད་འདི་ཐོན་དང་བཟང་། །མཆོག་གསུམ་ཀུན་འདུས་ཀྱི་ངོ་བོ། །རྩ་གསུམ་དཀྱིལ་འཁོར་གྱི་སྤྱི་དཔལ། །སྐུ་གསུམ་ལྷུན་གྲུབ་ཀྱི་བདག་ཉིད། །འགྲན་བྲལ་སངས་རྒྱས་རང་མཁྱེན་ནོ། །འེ་འི་བླ་མ། འོ་སངས་རྒྱས། བཀའ་བརྒྱུད་བླ་མ་ཡི་རྒྱལ་པོ། །ཟབ་དགུ་གདམས་མཆོག་གི་མཛོད་འཛིན། །སྨིན་གྲོལ་སྙིང་པོ་ཡི་དོན་སྟེར…

ཉིན་ཅིག་སེམས་ལ་ཤར་བ་ལྟར་རང་གི་སློབ་མ་མཚམས་པ་ཞབས་ཕྱི་མཐའ་བ་རྣམས་ལ་ཕན་ཕྱིར་ཞལ་གདམས་འདི་ཡང་བྱིན། ན་མོ་ཨརྱ་ལོ་ཀི་ཤྭ་ར་ཡ། བོད་ཀྱི་ལྷ་སྐལ་གངས་རིའི་མགོན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ཞིང་སྐྱབས་སུ་མཆིའོ། །ཐུགས་བརྩེ་བ་ཆེན་པོའི་སྒོ་ནས་བདག་གཞན་སེམས་ཅན་ཐམས་ཅད་ཀྱི་རྒྱུད་ལ་ཐེག་ཆེན་ཆོས་ཀྱི་རྩ་བ་སྙིང་ར…

གྱིས་ཉམ་ཐག་པ་རྣམས་ལ་སྙིང་རྗེ་སྒོམས་ལ། རྒྱུད་ལ་སྙིང་རྗེ་ཕྲག་ཕྲུག་རེ་སྐྱེ་བ་དང་། མྱུར་དུ་སངས་རྒྱས་ནས་མ་སེམས་ཅན་ཐམས་ཅད་ལ་ཕན་ཐོགས་པའི་བསྔོ་སྨོན་རྒྱ་གང་ཆེ་གྱིས་དང་། །འཕགས་པས་རྗེས་སུ་འཛིན་པར་འགྱུར་རོ། །ཨོཾ་མ་ཎི་པདྨེ་ཧཱུྃ། གསེར་སྦྱངས་བཙོ་མ་ལྟ་བུའི་སེམས་ཀྱི་དབྱིངས། །གསལ་བར་སྟོན་མཛད་བླ་མ་སྤྱི་བོས་མཆོད། །སེམས…

འོང་། །སྟོང་ཉིད་སྙིང་རྗེ་རྒྱུད་ལ་སྐྱེས་ཙ་ན། །རང་གཞན་དོན་གཉིས་ལྷུན་གྱིས་འགྲུབ་པར་འགྱུར། །ཆོས་ཀྱི་སྙིང་པོ་གླུ་རུ་བླངས་པ་འདི། །ཐོས་ཚད་རྣམས་ཀྱི་སེམས་ལ་ཕན་པར་ཤོག །སྟོང་ཉིད་སྙིང་རྗེ་གཉིས་པོ་འབྱོངས་པ་ཡི། །ཆོས་པས་ས་སྟེང་ཁྱབ་པའི་བཀྲ་ཤིས་ཤོག །ཅེས་བླངས་པས་ཀུན་གྱི་སེམས་ལ་ཕན་ཐོགས་རྒྱ་ཆེན་པོ་བྱུང་ངོ་། །ལོ་གསར་ཚེས…

པའི་ཞིང་ཞིག་མི་ཡུལ། །འཕོས་པ་ལྟ་བུ་བྱུང་སྣང་། །འདི་འདྲའི་སྐྱིད་པོ་བྱུང་བ། །བླ་མ་དཀོན་མཆོག་བཀའ་དྲིན། །དྲིན་ལན་སྒྲུབ་པའི་མཆོད་པ། །ནམ་འཚོའི་བར་དུ་འབུལ་ལོ། །ཕྱི་རབས་ཆོས་མཛད་རྣམས་ལ། །འདི་འདྲའི་སྐྱིད་པོ་ཤོག་ཅིག །ཅེས་དང་། ཡང་ཉམས་དགའ་བདེ་བའི་གླུ་འདི་བླངས། །ཨ་ཧོ་ཡེ། བླ་མ་ཞིག་ཞུ་ན་པདྨ་ཡི་རྒྱལ་པོ། །བྱིན་རླབས་གཞ…

མཆོག་གི་འབྲོང་ལུང་། །རི་ཁྲོད་གཞན་ལ་རེ་དགོས་ནི་མི་འདུག །ཨ་ཧོ་ཉམས་སང་གི་བདེ་བ། །ཞེས་པ་དང་། ཡང་གནས་གསུམ་མཁའ་འགྲོ་མཛའ་གྲོགས་སུ་འགུགས་པའི་རྡོ་རྗེའི་གླུ་དབྱངས་འདི་ཡང་བླངས་སོ། །དག་པ་མཁའ་སྤྱོད་ན་བཞུགས་པའི། །མཁའ་འགྲོ་མཛའ་གྲོགས་ལ་བྱོན་ཅིག །ཡུལ་ཆེན་ཉེར་བཞི་སོགས་གནས་གསུམ། །མཁའ་འགྲོ་མཛའ་གྲོགས་ལ་བྱོན་ཅིག །དངོས་ཉམ…

ཅིག །ཅེས་བླངས་ནས་བདེ་སྟོང་གི་ཉམས་བསྐྱང་ངོ་། །དེ་ནས་དད་ཅན་སློབ་བུ་སྙན་གྲགས། དབོན་པོ་དཀར་དྲིས། སྟག་ཡན་སྐལ་བཟང་། འབྲུག་རྩེ་ཡགས་སོགས་ཞབས་ཕྱི་བ་རྣམས་ལ། ད་ལོ་ཚོ་སྐལ་བ་བཟང་བཟང་གྱིས། གླུ་འདྲ་ཤེས་ན་ལོངས་བྱས་པས། ཀུན་གྱིས་དེ་རེད་ཟེར། དགའ་དགའ་སྤྲོ་སྤྲོ་བྱས་གླུ་ཁ་མཚར་འདི་འདྲ་ལེན་པར་གདའ། འི་སྟོད་ཀྱི་རི་འདི་གསེར་ག…

ལོ་ཡག་པོ་ཡོང་བའི་རྟེན་འབྲེལ་རེད། །བར་འཇིག་རྟེན་ཁམས་ན་ཟས་ནོར་འཛོམ། །ཀུན་བདེ་ཞིང་སྐྱིད་པའི་རྟེན་འབྲེལ་རེད། །འེ་སྐྱིད་ཀྱི་སྐྱིད་ལུང་གོང་མ་ན། །བླ་མ་བཟང་པོའི་དབོན་པོ་སྐྱིད། །དབོན་བྱམས་སེམས་ཆེ་ན་གྲྭ་བ་སྐྱིད། །སྐྱིད་ཀྱི་སྐྱིད་ལུང་བར་མ་ན། །དཔོན་པོ་བཟང་པོའི་བློན་པོ་སྐྱིད། །བློན་བྱམས་སེམས་ཆེ་ན་སྡེ་བ་སྐྱིད། །ས…

ཁོང་གི་ཐུགས་རྗེས་མདོ་ཁམས་སྐྱིད། །འེ་སྐྱིད་གཅིག་འདི་ཇོ་བོའི་མདུན་ན་ཡོད། །ཇོ་བོ་མཇལ་ཡུན་རིང་ན་སྐྱིད་གཅིག་རེད། །སྐྱིད་གཅིག་འདི་བླ་མའི་དྲུང་ན་ཡོད། །བླ་མ་སྐུ་ཚེ་རིང་ན་སྐྱིད་གཅིག་རེད། །སྐྱིད་གཅིག་འདི་ཕ་མའི་རྩེ་ན་ཡོད། །ཕ་མ་ཚེ་ཐག་རིང་ན་སྐྱིད་གཅིག་རེད། །འེ་སེར་པོ་གསེར་གྱི་ཁྲི་ཐོག་ན། །ཡོན་ཏན་ཅན་གྱི་བླ་མ་སྐྱིད…

མི་རྣམས་དགའ་བའི་གླུ་དབྱངས་ལོངས། །གཅེས་ཕྲུག་འཛུམ་རྒོད་འཆོར་ནི་ལོངས། །འི་ཡར་སྟེང་ནས་འབྲུག་ཅིག་གྲག་ནི་བོ། །དགུང་ཆར་སྐུ་འབབ་པའི་རྟེན་འབྲེལ་རེད། །མར་ས་ན་ཞིང་ཞིག་འདེབས་ནི་བོ། །ཟས་སྦྲང་དཀར་ཟ་བའི་རྟེན་འབྲེལ་རེད། །བར་འདི་ན་གླུ་ཞིག་ལེན་ནི་བོ། །ཁ་ཇ་ཆང་འཛོམ་པའི་རྟེན་འབྲེལ་རེད། །གླུ་ཤེས་ནི་མིན་ཏེ་རྩེ་འདོད་ཡིན། །…

གསལ་རེད། །བར་བོད་ཡུལ་བྱུར་དཀར་ཕྲེང་བ་འདྲ། །འདོན་མི་དགོས་མ་ཎི་རང་འགྲུབ་རེད། །འོ་བྱ་གཤོག་པ་ཅན་ལ་ནམ་མཁའ་བདེ། །ནམ་མཁའ་བདེ་ནི་མ་རེད་ཏ། །བྱ་རང་གི་གཤོག་པ་བདེ་ནི་རེད། རྟ་གོམ་པ་ཅན་ལ་ས་གཞི་བདེ། །ས་གཞི་བདེ་ནི་མ་རེད་ཏ། །རྟ་རང་གི་གོམ་པ་བདེ་ནི་རེད། །བུ་རིག་པ་ཅན་ལ་རྒྱལ་ཁམས་བདེ། །རྒྱལ་ཁམས་བདེ་ནི་མ་རེད་ཏ། །བུ་རང་གི་…

འེ་གསེར་བཟང་པོ་མངའ་རིས་སྟོད་ན་ཡོད། །ལག་གསེར་དང་མི་འབྲལ་བཀྲ་ཤིས་ཤོག །རྟ་བཟང་པོ་མདོ་ཁམས་སྨད་ན་ཡོད། །རྐང་རྟ་དང་མི་འབྲལ་བཀྲ་ཤིས་ཤོག །ནས་བཟང་པོ་དབུས་གཙང་ཞིང་ན་ཡོད། །ཁ་ཟས་དང་མི་འབྲལ་བཀྲ་ཤིས་ཤོག །ཅེས་པ་ལ་སོགས་པའི་གླུ་བླངས་པས། དེའི་ཉིན་པར་ཀུན་དགའ་ཞིང་སྤྲོ་བ་བྱུང་། དེས་ན་འཇིག་རྟེན་པའི་གླུ་འདི་རྣམས་ཆོས་པ་འཇིག…

པའི་ལན། །རྗེ་ཙོང་ཁ་བ་ཡིས་འཇམ་དབྱངས་ལ། །ཞུས་ནས་ཕུལ་བའི་ནང་ལྟར་མདོ་སྔགས་ཀྱི། །གནད་རྣམས་ཡོངས་རྫོགས་ཕྱོགས་གཅིག་དྲིལ་ནས་ནི། །སྔོན་དུས་རྒྱལ་བ་ཡབ་སྲས་བུ་རྒྱུད་ཀྱིས། །དབེན་པའི་གནས་སུ་ཉམས་སུ་བཞེས་པ་བཞིན། །དེང་སང་རྗེས་འཇུག་རྣམས་ཀྱིས་དཀའ་སྙམ་ཡང་། །འཇམ་མགོན་བླ་མ་བློ་བཟང་གྲགས་པ་ཡི། །བསྟན་པ་འཛིན་སྐྱོང་སྤེལ་ལ་ཟླ་བ…