རང་ཉིད་རིགས་དང་དཀྱིལ་འཁོར་ཀུན་གྱི་བདག་པོ་རྒྱལ་བ་ཁྱབ་བདག་རྡོ་རྗེ་འཆང་གི་སྐུར་བསྒོམས་ནས། །ཏིང་ངེ་འཛིན་གྱི་དབང་བཞི་བསྐུར་ནས་རྒྱུད་བྱིན་གྱིས་བརླབས་ཏེ། དེ་ནས་ངོ་སྤྲོད་ཀྱི་གདམས་པ་དངོས་ནི། རྗེ་བཙུན་གྲོལ་མཆོག་པའི་ཞལ་ནས། སེམས་རང་ལུགས་སུ་ལྷོད་བཞག་པས། རྟོག་པ་རང་སར་ཉལ་ཞི་ནས་ངོས་བཟུང་མེད་པའི་ཤེས་པ་གསལ་སེང་ངེ་རང་…

སྟོང་གསལ་རིག་པའི་ངོ་བོ་སེང་ངེ་ཡེ་རེ་བ་དེ་ངོ་བོ་ཡིན་ནོ། །དེ་ལ་ངོ་ཤེས་པ་ཅིག་མཛོད། སེམས་ཉིད་ལྷན་ཅིག་སྐྱེས་པར་ངོ་སྤྲད་པའོ། །ཞེས་དང་། རྒྱལ་སྲས་ཐོགས་མེད་རིན་པོ་ཆེས། སློབ་དཔོན་སྐྱོབ་པ་ལ་གདམས་པ། སེམས་རྟོག་མེད་ཀྱི་ངང་ལས་གསལ་སེང་ངེ་པ་དེའི་ངོ་བོ་ལ་བལྟས་ནས་ཅིར་ཡང་མ་གྲུབ་པར་སྟོང་སེང་ངེ་གནས་པ་དེ་ལ། རིག་པ་གསལ་སྟོང…

ཅད་རྦད་ཀྱིས་བཅད་ལ། དོན་དམ་པར་སེམས་ལ་སྐྱེ་འཆི་མེད་པར་ཐག་བཅད། ཕྱག་རྒྱ་ཆེན་པོ་ལ་སྒོམ་དུ་མེད་པར་ཐག་བཅད། བསྒོམ་མེད་ཀྱི་དོན་ལ་མ་ཡེངས་པར་བཞག་པས་བར་དོ་མེད་པར་འཚང་རྒྱའོ། །ཞེས་གསུངས་པ་ལྟར་འཆི་ཁར་ལམ་སྣ་ཟིན་པ་ཁ་ཤས་བྱུང་ངོ་། །ཡང་དད་གཏོང་བློ་གྲོས་ཆེ་བའི་བདེ་ཆེན་མཚམས་པ་དང་། དད་ཅན་རིག་གྲོལ་ལ་སོགས་པའི་སྐལ་ལྡན་གྱི་སླ…

རང་རྒྱུད་ཀྱི་ཡེ་ཤེས་མ་རྟོགས་པར་འཁོར་བའི་སྡུག་བསྔལ་ལ་སྤྱོད་པས་དུ་བ་ཡིན། རྟོགས་ན་ད་ལྟ་ཉིད་དུ་སངས་རྒྱས་པ་ཡིན་པས་དགོད་པ་ཡིན་གསུངས་ནས། རྡོ་རྗེ་རྣལ་འབྱོར་མའི་དབང་ཚེགས་ཆུང་ལ་དོན་ཆེ་བ་བྱིན་རླབས་ཀྱི་ལུགས་བྱ་བས་དབང་བསྐུར་ནས་རྣལ་འབྱོར་མའི་ཞལ་ཇི་ལྟ་བ་བཞིན་གཟིགས། གདམས་ངག་མ་ལུས་པར་ཞུས་ཞེས་ཆོས་འབྱུང་མཁས་པའི་དགའ་སྟ…

གསུངས། གཞན་དུའང་། མིག་མ་བཙུམས་པའི་རྣལ་འབྱོར་པ། །རྣལ་འབྱོར་ཀུན་ལས་ཁྱད་པར་འཕགས། །ཞེས་དང་། མུ་སྟེགས་ཚངས་པ་གྱེན་དུ་བལྟ། །ཉན་ཐོས་ཞི་བ་ཐུར་དུ་བལྟ། །རྡོ་རྗེའི་མིག་ནི་ཐད་ཀར་བལྟ། །ཞེས་གསུངས་པ་ལྟར་ཐད་ཀར་བལྟ། སྐབས་དེར་ཤེས་པས་ཅིར་ཡང་མི་འཛིན། ཅིར་ཡང་མི་རྟོག དྲན་པ་དང་ཡིད་ལ་བྱེད་པ་ཐམས་ཅད་སྤངས་ཏེ། ཤེས་པ་རང་སར་ལྷོད་…

མ་གྱུར་གྱི་བར་དུ་སྐྱོང་བ་ནི་གདམས་ངག་བླ་ན་མེད་པའོ། །ཞེས་གདམས་པས། ཐམས་ཅད་ཀྱིས་དེ་ལྟར་ཉམས་སུ་བླངས་པས། བདག་འཛིན་ཉོན་མོངས་ཐམས་ཅད་རང་སར་སངས། རྟོགས་པ་ནམ་མཁའ་དང་མཉམ་པ་རྒྱས། ནམ་ཞིག་འཆི་བ་ཆོས་སྐུ་རུ་གྲོལ་བའི་བློ་གདེང་རྙེད་པ་མང་པོ་བྱུང་ངོ་། །ཡང་བློ་ལྡན་འཇིགས་མེད་སོགས་སྐལ་ལྡན་སློབ་མ་འགའ་རེས། བླ་མ་རིན་པོ་ཆེ། བཀའ…

ལ་ངོ་སྤྲོད་ཅིག་བྱ་གསུངས། ད་ཁྱོད་རང་གི་ཤེས་པ་གསལ་སེང་ངེ་བ་དེ་ཆོས་སྐུ་ཡིན། ལོགས་ན་མེད། ད་ལྟ་འདི་ནས་ལངས་ལ་ཕ་གིར་བསྡད་ཙ་ན་ཡང་། ཤེས་པ་ལ་བལྟས། གསལ་སེང་ངེ་འདུག་པ་དེ་ཁོ་ན་ཆོས་ཀྱི་སྐུ་ཡིན། དེ་ནས་ཡང་ཁྱིམ་དུ་ཕྱིན་ནས་མལ་དུ་བསྡད་དེ། སེམས་ལ་བལྟས། གསལ་སེང་ངེ་བ་ངོས་བཟུང་དང་བྲལ་བ་འདུག་ན། དེ་ཁོ་ན་ཆོས་སྐུ་ཡིན། དེ་ལ་གན…

ན་འདི་ཡིན་མེད་པའི་གསལ་ཞིང་དྭངས་པ། སྨྲ་རྒྱུ་མེད་པའི་ཉམས་སུ་མྱོང་རྒྱུ་ཞིག་འདུག་པ་དེ་ཀ་ལྟར་ཡེ་གདོད་མ་ནས་གནས་པ་ཡིན་ཏེ། གནས་སྐབས་སུ་གློ་བུར་གྱི་རྟོག་པ་སྣ་ཚོགས་སུ་ཤར་བ་ཡིན་པས། ད་ནི་དུས་དེ་རིང་ནས་བཟུང་སྟེ་སངས་རྒྱས་ལག་ཏུ་གཏད་པ་ཡིན་པས། ད་ཕན་ཆད་གནས་ལུགས་འདི་དང་མ་བྲལ་བར་འདི་ཀ་ལྟར་དུ་ཉམས་སུ་ལོངས་ཤིག་དང་། ཚེ་གཅི…

གསེར་བྱེ་བརྡལ་བའི་ཀློང་། །མ་དད་ལོག་ལྟ་ས་རྡོའི་མིང་ཡང་མེད། །སེམས་ཉིད་ཀུན་ཁྱབ་ལྟ་བའི་ཀློང་ན་བདེ། །འཛིན་མེད་ཟང་ཐལ་སྒོམ་པའི་ཀློང་ན་བདེ། །བློ་ཚིག་ཡུལ་འདས་སྤྱོད་པའི་ཀློང་ན་བདེ། །སྐུ་གསུམ་ཡེ་གྲོལ་འབྲས་བུའི་ཀློང་ན་བདེ། །དེ་ལྟར་བདེ་བའི་བྱ་བྲལ་རྣལ་འབྱོར་ང་། །རྒྱལ་བ་ཀློང་ཆེན་པ་ཡི་བུ་རྒྱུད་ཡིན། །བླ་མ་ཞབས་དཀར་པ་…

སྟེ་ལྷུན་གྱིས་གྲུབ། །འབྲས་བུ་དག་པའི་ཚལ་དུ་ཕྱིན། །འདུན་མ་རྩེ་མོར་ཕྱིན་པ་ལགས། །གསུངས་པ་དང་མཐུན་པ་བྱུང་། ད་ནི་མདོ་འགག་ཅིག་བཤད་ན་འདི་ཡིན་ཏེ། ཨེ་མ་སྐལ་ལྡན་སློབ་བུ་ལགས། །གཟའ་གཏད་ཡོད་ན་ལྟ་བ་མིན། །བྱིང་རྒོད་ཡོད་ན་སྒོམ་པ་མིན། །བླང་དོར་ཡོད་ན་སྤྱོད་པ་མིན། །རེ་དོགས་ཡོད་ན་འབྲས་བུ་མིན། །འོ་ན་ཅི་འདྲ་ཟེར་ཙ་ན། །གཟའ་…

འདོད་ཡོན་མ་སྤངས་རྒྱན་དུ་རོལ་པ་རྣམས་ལ་ཁས་གཏོང་མི་རུང་སྟེ། བདེ་མཆོག་ར་ལའི་རྒྱུད་ལས། བུམ་པའི་དབང་ཐོབ་དགེ་བསྙེན་ཏེ། །གསང་བའི་དབང་ཐོབ་དགེ་ཚུལ་ཡིན། །ཤེས་རབ་ཡེ་ཤེས་དགེ་སློང་སྟེ། །རྫོགས་པ་དགེ་སློང་ཆེན་པོ་ཡིན། །གསུངས། དེ་ལ་དགོངས་ནས་གྲུབ་ཐོབ་ཀྱི་འཁོར་ལོས་བསྒྱུར་བ་ས་ར་ཧ་ཆེན་པོས་མདའ་མཁན་གྱི་བུ་མོ་ཕྱག་རྒྱུར་བཞེས…

ཐོག་དྲངས་པའི། །ས་སྟེང་སེམས་དཔའ་བཅུ་གསུམ་བཀྲོངས། །དམྱལ་བར་སོང་ཡང་འགྱོད་པ་མེད། །གསུངས་སྐད། དེས་ན་དེ་ལྟ་བུའི་སྔགས་ཀྱི་བསྐྱེད་རྫོགས་མཐར་ཕྱིན་པའི་རྣལ་འབྱོར་པས་གཞན་བསད་པ་གསོ་ནུས། གསང་བ་གོ་ནུས། རྫུ་འཕྲུལ་སྣ་ཚོགས་པ་སྟོན་ནུས་པའི་ཞིང་བཅུ་ཚང་བའི་བསྟན་དགྲ་བསྒྲལ་ཀྱང་། སྐྱོན་གྱིས་མི་གོས་པར་མ་ཟད་འཚེངས་པ་གསུམ་ཡང་འབ…

རིང་པོ་ཞིག་དང་བཅས་གནང་འདུག འདི་ནས་སྤྲུལ་སྐུ་རིན་པོ་ཆེ་སྐུ་ཚེ་རྒྱལ་མཚན་ཡུན་རིང་བརྟན་ཅིང་། རྣམ་དཀར་མཛད་འཕྲིན་ཕྱོགས་བཅུར་རྒྱས་པའི་ཕྱིར། བླ་མ་དཀོན་མཆོག་ལ་གསོལ་བ་འདེབས། མཁའ་འགྲོ་ཆོས་སྐྱོང་ལ་འཕྲིན་བཅོལ། ་བསྔོ་བ་སྨོན་ལམ་གྱི་མཚམས་སྦྱོར་ཡང་དག་བྱས། སྤྲུལ་སྐུ་རིན་པོ་ཆེ་རོང་བོའི་དགོན་པར་ཕེབས་པའི་ཉིན་པར། ཆིབས་བས…

རེབ་གོང་ལ་ཉི་མ་ཤར་སོང་བ་ཡིན་ཟེར། སྐལ་བ་བཟང་བཟང་བྱེད་པ་བྱུང་ངོ་། །ཡང་ཉིན་ཅིག་སློབ་བུ་ཡེ་ཤེས་དར་རྒྱས་ཀྱིས་ཡན་ལག་བདུན་པ་དང་བཅས་པའི་ཞུ་ཡིག་འདི་ཕུལ་བ། རབ་འབྱམས་རྒྱལ་བ་མ་ལུས་པའི། །གསང་གསུམ་བཀོད་པ་གཅིག་བསྡུས་པ། །ཁམས་གསུམ་འགྲོ་བའི་གཉེན་གཅིག་པུ། །བཀའ་དྲིན་མཚུངས་མིན་ཞབས་ལ་འདུད། །འགྱུར་མེད་ཆོས་སྐུའི་ནམ་མཁའ་ལ། …

བདག་དང་མཁའ་མཉམ་སེམས་ཅན་གྱིས། །དུག་གསུམ་སྒོ་ནས་ལས་བགྱིས་པ། །དེ་དག་ཐམས་ཅད་མགོན་ཁྱོད་ཀྱི། །སྤྱན་སྔར་བསམ་པ་ཐག་པས་བཤགས། །སྐུ་གསུམ་ཐུགས་ཡོན་འཕྲིན་ལས་ཀྱི། །གསང་བ་བསམ་གྱིས་མི་ཁྱབ་པ། །ཇི་སྙེད་མཆིས་པ་ཐམས་ཅད་ལ། །རབ་ཏུ་དགའ་བས་ཡི་རང་ངོ་། །འགྲོ་ཀུན་སྡུག་བསྔལ་རྒྱ་མཚོ་ལས། །མྱུར་དུ་སྒྲོལ་བར་བྱ་བའི་ཕྱིར། །ཐེག་པ་བླ་ན་…

བླངས་པས། །ཉམས་ཀྱི་སྐྱེས་ལུགས་ཅུང་ཟད་འདི། །མགོན་ཁྱོད་མཉེས་པའི་མཆོད་པར་འབུལ། །རྗེ་ལ་རྩེ་གཅིག་གསོལ་བཏབ་ནས། །རྟོག་མེད་སེམས་འཛིན་བྱས་པའི་ཚེ། །ལུས་སེམས་ཤིན་ཏུ་སྦྱངས་པ་དང་། །ལྡན་པའི་གཡོ་མེད་ཏིང་འཛིན་རྙེད། །དེ་ཡི་ངང་ལ་སོར་རྟོག་གིས། །སེམས་དང་བདག་ལ་དཔྱད་པ་ན། །སེམས་ཉིད་སྐྱེ་བ་མེད་པ་དང་། །བདག་མ་རྙེད་པས་རབ་ཏུ་འཇ…

ཡིན་འདི་མིན་ངེས་བཟུང་བྲལ། །རྗེས་ཐོབ་དུས་སུ་གང་སྣང་གི །ཆོས་ཀུན་སྒྱུ་མ་ལྟ་བུར་གོ །དེ་ལ་འཛིན་པས་མི་འཆིང་བར། །རང་སར་སྣང་བ་ཙམ་དུ་འདུག །དེ་ལྟར་མཉམ་པར་བཞག་པ་ལས། །འཐོབ་བྱ་ཐོབ་བྱེད་ལས་འདས་ཀྱང་། །རྟོགས་པར་རིམ་གྱིས་ནར་སོན་ཏེ། །ཆོས་ཀྱི་སྐུ་དང་མཇལ་བར་ཤོག །མགོན་པོ་ཁྱོད་ལ་དད་པ་དང་། །ཡིད་ནི་དགའ་བས་གང་བ་དང་། །ཚེ་ལྷག…

ཅེས་ཕུལ་བའི་ལན་དུ། ཀྱེ་སྐལ་ལྡན་རིགས་ཀྱི་བུ། ཁྱོད་ཀྱིས་ཞི་གནས་ཀྱི་ངང་ནས་དཔྱད་བསྒོམ་འཇོག་བསྒོམ་ཡང་ཡང་བྱས་པས་བླ་མའི་བྱིན་རླབས་ཀྱིས། སེམས་ཀྱི་ངོ་བོ་ཉིད་རང་བཞིན་གྱི་འོད་གསལ་བ། སྟོན་ཀའི་ཉི་མ་གུང་གི་ནམ་མཁའ་སྤྲིན་མེད་པའི་དཀྱིལ་ལྟ་བུ་དག་པ། དམིགས་པ་མེད་ཅིང་། སྣང་བ་མེད་པ་ཉིད། མཐོང་མེད་ཚུལ་དུ་རང་གིས་མཐོང་ལ། ངེས…

ཏོ།། ཡང་སྐལ་ལྡན་སློབ་མ་མང་པོ་ཡོད་པའི་དུས་ཤིག་ལ། ཐུགས་རྗེ་ཆེན་པོའི་རྣལ་འབྱོར་པ་དགེ་སློང་ཡོན་ཏན་གྱིས། སྐྱབས་མགོན་རིན་པོ་ཆེ། སྔར་བོད་ཀྱི་མཁས་གྲུབ་ཐམས་ཅད་ཀྱི་ནང་ནས་བཤད་སྒྲུབ་ཀྱི་བསྟན་པ་ལ་བྱ་བ་རྒྱ་ཆེན་པོ་སུས་བྱས་འདུག་ལགས་ཞུས་པས། དེའི་ལན་དུ་འདི་སྐད་སྨྲས། ཕན་བདེ་འབྱུང་གནས་སངས་རྒྱས་ཀྱི་བསྟན་པ་རིན་པོ་ཆེ་ལ་རྗ…

ཙམ་འཚོགས་པ་བྱུང་། དེ་ཀུན་གྱིས་སྨོན་ལམ་རྒྱ་ཆེན་པོ་གསུངས། ཁོང་གི་ཐུགས་བསྐྱེད་སྨོན་ལམ་གྱི་མཐུས་སྟོད་ཛ་ཏི་དབྱུག་གུས་བརྡུངས་ས་མན་ཆད་ནས། སྨད་རྒྱ་མོ་ཆུ་ལ་དར་འཐག་ས་ཡན་ཆད་རྒྱལ་བའི་བསྟན་པ་ཕྱོགས་རེ་ཙམ་དུ་མ་སོང་བར། མདོ་སྔགས་ཟུང་དུ་འབྲེལ་བའི་ཟབ་པ་དང་རྒྱ་ཆེ་བའི་སངས་རྒྱས་ཀྱི་བསྟན་པ་རིན་པོ་ཆེ་གསེར་སྦྱངས་བཙོ་མ་ལྟ་བུ…