ཉམས་སུ་ལོངས། དེའི་ཐོག་ཏུ་ངས་བཤད་པའི་དོན་དམ་བྱང་ཆུབ་སེམས་ཀྱི་ངོ་བོ་སྟོང་གསལ་འཛིན་མེད་ཟང་ཐལ་ཁྱབ་གདལ་ཀློང་ཡངས་སྤྲོས་བྲལ་ནམ་མཁའ་ལྟ་བུའི་ངང་ལ་མཉམ་པར་ཞོག སེམས་ཁ་ཡངས་པོ་གྱིས། སྡུག་བ ཙིར་མ་བྱེད་དང་བཟང་། དེ་ལྟར་མ་རྟོགས་པའི་སེམས་ཅན་ཐམས་ཅད་ལ་སྙིང་རྗེ་སྒོམས་ལ་ཕན་པའི་སྨོན་ལམ་ཐོབ་དང་། རང་གཞན་ཡོངས་ལ་ཚེ་འདི་ཕྱིར་བད…

ཅང་མེད་པ་རྣམས་ཚོས་ཆུ་ཤིང་རེས། །གཞན་ལོ་ལོན་ནད་པར་ཕན་ཐོགས་གྱིས། །ཁྱེད་ཐམས་ཅད་བསམ་པ་མཐུན་པོ་མཛོད། །སྤྲོ་མ་ལྡང་ལྐོག་ལབ་མ་རྒྱག་ཅིག །སྡོམ་དམ་ཚིག་ངོ་ལྐོག་མེད་པར་སྲུངས། །སྔར་རང་གིས་གང་ཤེས་ཁ་ཏོན་གྱིས། །གཞན་བླ་མས་གང་གསུངས་ཉམས་སུ་ལོངས། །དེའི་ཐོག་ཏུ་ང་ཡིས་བཤད་པ་ཡི། །སེམས་སྟོང་གསལ་འཛིན་མེད་ཆོས་ཀྱི་དབྱིངས། །དཔེ་ན…

གདམས་ཟབ་མོ་ཞིག་དགོས་ཞེས་བསྐུལ་ངོར་འདི་སྐད་ཅེས་སྨྲས་སོ། །ཁྱེད་རྣམས་ཀྱིས་ཚེ་བློས་ཐོངས་ལ་མི་མེད་པའི་ལུང་སྟོང་བྲག་ཕུག་རྣམས་འགྲིམས་ལ། རྟོགས་ལྡན་འཁྲུལ་ཞིག་ནམ་མཁའི་རྣལ་འབྱོར་པ་རེ་གྱིས། དེ་ཡི་གདམས་པ་ཁོ་བོས་བཤད་ཀྱིས་ཡིད་ལ་ཟུངས། དེ་ཡང་བཀའ་བརྒྱུད་བླ་མ་གོང་མ་རྣམས་ཀྱིས་ཆུ་མ་རྙོག་ན་དྭངས། སེམས་མ་བཅོས་ན་གསལ་གསུངས། …

གཞོན་ནུ་མ་བདེ་བས་མྱོས་པ་ལྟ་བུའི་ལུས་བདེ་ཉམས་ཡོང་། དེ་ནས་སེམས་དྭངས་སྙིགས་ཕྱེ་ནས་སྟོན་གནམ་གཡའ་དག་པ་ལྟ་བུའི་གསལ་ཉམས་ཡོང་། དེ་ནས་རོང་ཁུང་དམའ་ས་ནས་རི་མཐོན་པོའི་རྩེ་ལ་བུད་པ་ལྟར་སྣང་བ་ཡངས་པོ་ཡོང་། དེའི་ངང་ལ་ཁར་ཡངས་ཁོར་ཡངས་གུ་ཡངས་བློ་བདེར་བཞག་པས། སྐབས་ཤིག་རྟོགས་པ་ནམ་མཁའ་དང་མཉམ་སྟེ་དགྲ་དང་གཉེན་ལ་ཁྱད་མེད། གསེ…

སྨྲས་པ། འཁོར་འདས་ཆོས་རྣམས་ཐམས་ཅད་པོ། །སྣང་སྟོང་སྒྱུ་མ་རྨི་ལམ་བཞིན། །སེམས་སུ་སྣང་ཞིང་སེམས་ཉིད་ཀྱི། །ངོ་བོ་སྟོང་གསལ་ནམ་མཁའ་ལྟར། །རྟོགས་པའི་ངང་ལ་འཇོག་པའི་ཚེ། །སྒོམ་གསུམ་རང་བབས་ཉིད་དུ་ཞོག །དེ་ལྟར་མཉམ་པར་བཞག་ཙ་ན། །རྟོག་མེད་མི་རོ་ལྟ་བུ་ཡི། །ཉམས་ཤིག་ཐོག་མར་འབྱུང་བར་འགྱུར། །དེ་ནས་མཉམ་པར་བཞག་ཙ་ན། །ན་ཆུང་བདེ་…

སུ་བླངས་པས། སེམས་ཁ་གཞན་ལས་ཡངས་པའི་དཔལ་ནམ་མཁའ་ལྟ་བུའི་རྣལ་འབྱོར་པ་དང་རྣལ་འབྱོར་མ་མང་པོ་བྱུང་ངོ་། །ཡང་གྲུབ་དབང་ནམ་མཁའ་ཚང་དང་སྔགས་འཆང་མང་པོས་ངའི་ཞབས་བརྟན་དུ་སྦྱིན་སྲེག་བྱས་པའི་ཚེ། དད་ཅན་སྔགས་བྱིས་འགའ་རེས་ཁྱེད་ཀྱིས་སྦྱིན་སྲེག་འདྲ་ཨེ་གནང་ཟེར་བའི་ལན་དུ། ངས་ཀྱང་བྱེད་ལ་ཞེས་རྩེ་མཚར་དུ་མགུར་དབྱངས་འདི་བླངས་སོ།…

ཁུ་རྫས་ཆེན་རྣམས། །རིམ་པ་བཞིན་དུ་བླུགས་པའི་མོད། །ཉམས་རྟོགས་མེ་དཔུང་ཆེས་ཆེར་འབར། །སྒྲིབ་གཉིས་ཚང་ཚིང་ལྷག་མེད་བསྲེགས། །ཟག་མེད་ཡེ་ཤེས་མེ་མཆོད་ཀྱིས། །སེམས་ཉིད་འོད་གསལ་ཆོས་སྐུ་ཡི། །རྣམ་རོལ་མེ་ལྷའི་ལྷ་ཚོགས་མཆོད། །དེ་ལྟར་མཆོད་པས་ལྷ་རྣམས་མཉེས། །བདག་ལ་ཅི་འདོད་དངོས་གྲུབ་བྱིན། །ཁྱེད་རྣམས་དེ་འདྲའི་སྦྱིན་བསྲེག་གྱི…

གར་མཁན་འཆི་མེད་ཐང་སྟོང་རྗེ། །ཚེ་ལྷ་རྒྱ་མཚོས་རྡོ་རྗེའི་སྲོག་རྩ་སྒྲུབས། །སྲིད་པའི་དངོས་བརྒྱ་མཆིལ་མའི་ཐལ་བ་བཞིན། །སྤངས་དང་ལྷན་ཅིག་མཁས་རྟགས་རིག་གནས་དོར། །རང་རིག་འོད་གསལ་གཅིག་ཏུ་ཉེར་གཞོལ་བའི། །ཀུན་མཁྱེན་སར་སླེབས་གྲུབ་དབང་མཆོག་དེའི་དྲུང་། །ཆེན་པོའི་མིང་བཟུང་རྩོད་པའི་གྲལ་དུ་ཞུགས། །རིགས་བྱེད་མང་ཐོས་བསྟན་འགྲ…

ཏེ་ཚེ་སྒྲུབ་གྱིས་ཤིག་པར། །བཀའ་སྩལ་ཇི་བཞིན་ཚེ་ཆུ་རིལ་བུ་ཕུལ། །སྙིགས་མ་ལྔ་བདོའི་ཚུལ་ལ་མི་སྐྱོ་བར། །དཔག་མེད་བསྐལ་པར་བཞུགས་པ་པད་འབྱུང་བཞིན། །ལྷོ་ནུབ་མི་བཞུད་སྲིན་པོའི་ཡུལ་འདི་སྐྱོངས། །སྐལ་ལྡན་མང་ཕྱིར་བཞུགས་འདུན་མི་བསྐྱུར་ཞུ། །རྒྱལ་རྣམས་ཆོས་སྐུར་རང་སེམས་རོ་གཅིག་ཀྱང་།རྣམ་སྨིན་ལུས་རྒྱས་སྣང་ཞེན་དབྱེན་སྤྱོས་…

ཁ་གཡང་བརྗོད་པས་ཐམས་ཅད་དགའ་བ་བྱུང་། ཡང་སློབ་མ་སྐལ་བཟང་འགའ་རེས། སྐྱབས་མགོན་རིན་པོ་ཆེ། སྙིགས་དུས་འདིར་ཚེ་གཅིག་ལུས་གཅིག་ལ་སངས་རྒྱས་སྒྲུབ་པའི་གང་ཟག་དེ་ཇི་ལྟ་བུ་ཞིག་དགོས་ཟེར་བ་ལ། འོ་དེ་ལ་ཚེ་འདི་ལ་འདོད་པ་ཏིལ་འབྲུ་ཙམ་ཞིག་མེད་པ་ཞིག་དགོས་ཏེ། རྗེ་དྭགས་པོ་ལྷ་རྗེས། དགེ་བཤེས་སྙུག་རུམ་པ་ལ། ཚེ་གཅིག་ལུས་གཅིག་ལ་སངས་ར…

ནམ་འཆི་ཆ་མེད་ལ་དེ་རྣམས་ལ་ཐོས་བསམ་སྒོམ་གསུམ་བྱེད་ཁོམ་མི་འདུག གསང་སྔགས་ཀྱི་ཉེ་ལམ་བསྒྲུབ་དགོས་སྙམ་མཚན་ལྡན་གྱི་བླ་མ་བསྟེན་ནས། ཐོག་མར་རྒྱུ་ཕ་རོལ་ཏུ་ཕྱིན་པའི་ཐེག་པས་རྒྱུད་སྦྱངས། དེ་ནས་གསང་སྔགས་བླ་མེད་ཀྱི་སྨིན་བྱེད་དབང་དང་གྲོལ་བྱེད་ཀྱི་ཁྲིད་ཞུས་ནས། མི་མེད་པའི་གངས་དང་རི་སུལ་རྣམས་ནས་གཅིག་པུར་དྲང་སྲོང་གི་སྤྱོ…

སྐྱབས་མགོན་རྗེ། །མཚན་ཉིད་ཀུན་ལྡན་བླ་མ་ལ། །དད་བརྩོན་ཤེས་རབ་སྙིང་རྗེ་དང་། །ལྡན་པའི་སྣོད་ལྡན་སློབ་མ་ཡིས། །རབ་ཏུ་དད་ཅིང་གུས་པའི་སྒོས། །མཆོད་པ་གསུམ་གྱིས་མཉེས་པར་བྱས། །བླ་མ་དེས་ཀྱང་བརྩེ་བའི་སྒོས། །རྗེས་སུ་བཟུང་ནས་ཐུན་མོང་བ། །ལམ་གྱི་རིམ་པས་རྒྱུད་སྦྱངས་ནས། །གསང་སྔགས་རྡོ་རྗེ་ཐེག་པ་ཡི། །དབང་བསྐུར་བསྐྱེད་རྫོགས…

པས་གཏན་གྱི་ལམ་སྣ་ཟིན་པ་མང་པོ་བྱུང་ངོ་། །ཡང་ཉིན་ཅིག་དད་ཅན་སློབ་མ་པར་ཡིག་འབྲི་མཁན་ལྷ་ཁང་དབུ་མཛད་དང་། པར་དཔོན་སྐྱིའི་བླ་མ། ཧོར་ནག་བསམ་འགྲུབ་སོགས་པར་བརྐོ་མཁན་རྣམས་ལ་བརྩོན་འགྲུས་ཀྱི་ལྕག་འདེབས་སུ། དེ་ཡང་ཇི་སྐད་དུ་མདོ་ལས། གང་ལ་ལེ་ལོ་གཅིག་ཡོད་པ། །དེ་ལ་ཆོས་ཀུན་མེད་པ་ཡིན། །ཞེས་གསུངས་པ་བཞིན། ཡི་གེ་འབྲི་བ་བརྐོ་…

གཞན་ལ་ཞལ་གདམས་མང་པོ་གནང་བར་གདའ། ཁོང་ཚོར་ཡང་ཞལ་གདམས་ཤིག་གནང་དགོས་ཞེས་བསྐུལ་བ་ལ། འོ་ཞལ་གདམས་ནང་བཞིན་བྱེད་ན་སྟེར་ཞེས་འདི་བྱིན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ། །ཞེས་བརྗོད་ན་བསྐལ་པ་བྱེ་བ་ཕྲག་བརྒྱད་ཁྲིའི་སྡིག་པ་འདག་གོ །དེ་བཞིན་གཤེགས་པ་ཟླ་བའི་དཀྱ…

ཨོཾ་མ་ཎི་པདྨེ་ཧཱུྃ། ཞེས་བརྗོད་པས་སངས་རྒྱས་པར་གསུངས། ཨོ་ཧི པདྨ་ནིར་ཏི་ཤྭ་རི་ཧཱུྃ། གཟུངས་འདི་ལན་ཅིག་བརྗོད་པའི་ཕན་ཡོན་ནི། མ་ཎི་དུང་ཕྱུར་སུམ་ཅུ་རྩ་གསུམ་བཏོན་པ་དང་མཉམ་པར་པདྨ་དྲ་བའི་རྒྱུད་ལས་གསུངས། ལོ་ལོན་དང་ལེ་ལོ་ཅན་སོགས་མ་ཎི་དུང་ཕྱུར་འདོན་མི་ཐུབ་པ་རྣམས་ཀྱིས་མ་ཎིའི་མཇུག་ཏུ་གཟུངས་འདི་ཡང་ཁ་ཤས་བཏོན་ན་བཟང་། …

བར་དུ་བཞག་ནས་ཁ་ཏོན་འགྲུབ་པ་དང་དཔེ་ཆ་མགོ་ཐོག་ཏུ་བཞག་ན་བཟང་ངོ་། །རིན་ཆེན་གླིང་དུ་ཕྱིན་ནས་ནོར་བུའི་རིགས། །ཆེ་ཆུང་གང་ཡང་བླངས་ན་འཚེངས་པ་ལྟར། །ཆོས་ཀྱི་ཡུལ་དབུས་སྐྱེས་ནས་དམ་ཆོས་རིགས། །ཆེ་ཆུང་གང་ཞིག་བྱས་ཀྱང་འཚེངས་པར་འགྱུར། །ཞེས་སྨྲས་པས་ཀུན་གྱིས་དེ་བཞིན་བསྒྲུབ་རྒྱུའི་སྐལ་བ་བྱུང་ངོ་། །ཡང་སྔོན་སྦྱངས་བག་ཆགས་སད་…

དབེན་པར་ཉམས་སུ་ལེན་ནུས་ན། །བཀའ་གདམས་གོང་མའི་རྣམ་ཐར་ཟིན་པར་འགྱུར། །ཞེས་སྨྲས་པ་བཞིན་སྒྲུབ་པའི་བཀའ་གདམས་གོང་མའི་རྣམ་ཐར་དང་མཐུན་པའི་ཚེ་བློས་བཏང་གི་ཆོས་པ་བཟང་པོ་ཞིག་བྱུང་ངོ་། །ཡང་སྟོད་གངས་རི་མན་ཆད་ཀྱི་དབེན་གནས་རྣམས་སུ་སོང་ནས་གནས་འབྲེལ་བཞག་ནས་འོངས་པའི་བེའུ་ཐང་མཚམས་པ་དང་། ལྷ་ཁང་མཚམས་པ་གཉིས་ལ་དྭགས་པོ་བཀའ་འབ…

སྨྲས་པ་བཞིན་བྱས་པས་བཀའ་བརྒྱུད་གོང་མའི་རྣམ་ཐར་ཟིན་པའི་རྟོགས་ལྡན་འཁྲུལ་ཞིག་ནམ་མཁའ་ལྟ་བུའི་རྣལ་འབྱོར་བཟང་པོ་གཉིས་བྱུང་། ཡང་བཀའ་བརྒྱུད་ཀྱི་བདེ་མཆོག་གི་དབང་དང་སྙན་བརྒྱུད་བརྡ་ཡི་དབང་བཞི་བསྐུར་དུས་དབང་བཤད་འདི་འདྲ་བྱས། འོ་དེ་ཡང་བླ་མས་དབང་བསྐུར་བའི་ཕན་ཡོན་ནི་གསང་བ་མཛོད་ཀྱི་རྒྱུད་ལས། དབང་བསྐུར་ཡང་དག་སྦྱིན་ལྡན…

སངས་རྒྱས། །ཞེས་དང་། ཕྱག་ཆེན་ཐིག་ལེ་ལས། དང་པོ་རེ་ཞིག་གང་ཚེ་སློབ། །ལན་ཅིག་དབང་རྣམས་ཀྱི་ནི་བསྐུར། །དེ་ཚེ་གསང་སྔགས་བཤད་པ་ཡི། །ངེས་པར་སྣོད་དུ་གྱུར་པའོ། །ཞེས་དང་། ལུང་གཞན་ལས། གསང་སྔགས་དབང་དང་ལྡན་པའི་སྐྱེས་བུ་གང་། །ངེས་པའི་དོན་གྱི་ཆོས་ལ་སྤྱོད་དབང་ཞིང་། །ཕ་ནོར་བུ་ལ་ཐོབ་པ་ཇི་བཞིན་ནོ། །གསུངས། དབང་མ་ཐོབ་པའི་ཉེ…

དཔེར་ན་ཞིང་ས་གཤིན་པོ་ལ། །སོ་ནམ་རིམ་པར་མ་བྱས་ན། །འབྲས་བུ་སྨིན་པར་མི་འགྱུར་ལྟར། །སེམས་ལ་ཆོས་ཉིད་གནས་གྱུར་ཀྱང་། །དབང་གིས་སྨིན་པར་མ་བྱས་ན། །རྣལ་འབྱོར་དངོས་གྲུབ་ག་ལ་ཐོབ། །དབང་མེད་འཁོར་བའི་མཐའ་བསྙེགས་ཏེ། །འདི་ཕྱིའི་བདེ་བ་ཐོབ་པ་མེད། །ཅེས་དང་། ལུང་གཞན་ལས། གསང་སྔགས་དབང་ལ་མ་བརྟེན་འགྲུབ་པར་ག་ལ་འགྱུར། །དཔེར་ན་མ…