ཚེ་རིང་པོ་འོང་བའི་འདུན་པ་བྱེད་གསུངས། གྲུབ་དབང་ནམ་མཁའ་རིན་པོ་ཆེས་ནན་གྱིས་གསོལ་བས། བརྒྱ་དང་བཅུ་གཅིག་བར་དུ་བཞུགས་པར་ཞལ་གྱིས་བཞེས་པ་ཡིན་ནོ་ཞེས་གསུངས་མོད། དེ་ནི་དགོངས་པ་ཅན་ཞིག་སྟེ། དེའི་ཕྱི་དྲོ་སྐུ་མདུན་དུ་ཡོད་པ་འགའ་ལ་སྐྱེ་འཆི་འཁོར་བའི་ཉེས་དམིགས་དང་། སྙིགས་དུས་ཚེ་ཐུང་ནམ་འཆི་ཆ་མེད་ཚུལ་སོགས་གསུང་ཞིང་ལར་མངོ…

དཔྱོད་ལྡན་ཀུན་གྱིས་སྔར་འདི་འདྲ་མི་མཛད་པ་ལ་ད་ལོའི་འདི་ཐེ་ཚོམ་གྱི་གནས་སོ། །ཞེས་པ་ལས་ཅང་ཞུ་མ་སྤོབས་ཀྱང་རྗེས་སུ་བསམས་ན་ཞིང་འདིའི་མཛད་པ་རེ་ཞིག་བསྡུ་བའི་རྟགས་སུ་མངོན་ནོ། །དེ་ནས་ལྕགས་ཕག་གི་གནམ་ལོ་གསར་ཚེས་ལ་དགའ་སྟོན་རྒྱས་པར་བཏང་། དྲུང་ན་གནས་པ་རྣམས་དང་། ཕྱོགས་ཕྱོགས་ཀྱི་མཇལ་བ་སྐྱ་སེར་ཕོ་མོ་བསམ་གྱིས་མི་ཁྱབ་པ་བ…

དུ་ཕེབས་ཀྱང་ཅང་ཞུ་བ་ནི་མ་སྤོབས། དམར་ཕྱོགས་ཀྱི་ཚེས་བཅུའི་ཚོགས་འཁོར་ཕུལ་བའི་མཐར། དགུ་རོང་སྤྲུལ་སྐུ་དང་སངས་རྒྱས་རིན་ཆེན་གཉིས་ལ་སྐུ་ཚེ་སྨད་ཀྱི་རྣམ་ཐར་ལྗགས་རྩོམ་གནང་བ་མགོ་ཐོག་ཏུ་བཞག་སྟེ་བྱིན་རླབས་གནང་མཐར། ཁྱོད་གཉིས་ཆོས་འདིའི་བདག་པོར་མངའ་གསོལ་བ་ཡིན་པས་དག་པོ་གྱིས་ལ་བྲིས་ཞིབ་ཏུ་ལྟོས་ལ་དོགས་པ་འདྲ་ཡོད་ན་ཆོད་ད…

གདམས། བཀྲ་ཤིས་འཁྱིལ་བ་དང་། དགེ་འཕེལ། འབྲོང་ལུང་དགོན་པ་སོགས་ཀྱི་དོ་དམ་བྱེད་ཚུལ། གསུང་འབུམ་པར་དུ་མ་འཁོད་པ་རྣམས་ཀྱང་སློབ་མ་ཡོན་བདག་རྣམས་ལ་བསྐུལ་ནས་པར་ལ་འཕུད་དགོས་ཚུལ་སོགས་གསུངས་ནས། ཁོ་བོ་འགྲོ་དོན་ལ་ཕྱོགས་གཞན་དུ་འགྲོ་བའམ། མ་སོང་ཡང་མཚམས་འདྲ་བྱས་བསྡད་ན། ཁྱོད་རང་རྣམས་ཀྱིས་ཞབས་ཕྱི་སྔར་ལྟར་ལེ་ལོར་མ་སོང་བ་བྱས…

ཤར། དེ་སྐབས་རྒྱ་ནག་རྒྱལ་པོའི་དབུ་བླ་ལྕང་སྐྱ་ཐམས་ཅད་མཁྱེན་པའི་ཡང་སྤྲུལ་གྱི་ཞབས་བརྟན་གྱི་ཆེད་དུ་གོས་ཆེན་རྒྱན་བཞི་མ་གཅིག་དང་། དངུལ་སྲང་སུམ་ཅུ་རྩ་གྲངས་ཝ་ནག་གྲི་མེ་ཆ་སོགས་དང་། ཞུ་ཡིག་བཅས་ཕུལ་ནས། སྤྲུལ་སྐུའི་ཞབས་བརྟན་དུ་ཚེ་སྒྲུབ་སྲུང་བཟློག་གི་འཕྲིན་ལས་གང་འོས་ཐུགས་ཉམས་སུ་བཞེས་དགོས་ཚུལ་ཞུས་པ་ལྟར། ངེད་དཔོན་ས…

པའི་དབང་རྗེས་གནང་རིགས་གཏད་སོགས་གནང་ནས། ཕྱི་དྲོའི་ཆ་ལ་ལུང་ཁྲིད་ཟབ་རྒྱས་སྣ་ཚོགས་སྩལ་ཅིང་། ཚེས་བདུན་གྱི་སྔ་དྲོའི་ཆ་ལ་སྨན་བླ་མཆེད་བརྒྱད་ཀྱི་རྗེས་གནང་གྲུབ་རྗེས་བཀའ་ལས། དེ་རིང་ཕྱི་དྲོའི་ཆ་ལ་ཁ་བརྡ་འདྲ་བྱེད། ཁྱེད་རྣམས་ཀྱིས་གུང་ཚིགས་དལ་མོ་གྱིས་ལ་ཤོག་དེ་རིང་བཀའ་ཆོས་གནང་རྒྱུ་མིན་ཞེས་ཕེབས། དེ་ནས་སླར་འདུས་པ་ན་རྗ…

ཉན་གང་ཡིན་རུང་ཁ་ཁྲལ་ཕུད་ཚར་ནི་ཡིན། དེང་ཕྱིན་ཆད་འདི་ལྟར་འཚོགས་རྒྱུ་ཨེ་ཡོང་མི་ཤེས། འཇིག་རྟེན་ཁ་གཏམ་ལ། ཡང་ཡང་ཁྲོམ་པ་སྒང་ལ་མི་འཚོགས། ཡང་ཡང་གྱི་ལིང་ལ་སྒྲ་མི་བསྟོད་ཟེར་བ་ལྟར་མི་དགའ་བ་འཚོགས་པ་ད་ལན་ཙམ་ཡིན། ཁོ་བོ་ལོ་ན་ཚོད་ཀྱིས་གཏུགས། ལོ་ལྔ་བཅུ་ལོན་ན་ཚེ་མེད། བྱ་ཕོ་འགོ་མ་གྲག་ན་ནམ་མེད་ཟེར་བ་ལྟར། ལྔ་བཅུ་མ་ཟད་བདུ…

ད་རེས་ཀྱི་མི་ཚེ་དམ་པའི་ཆོས་ཀྱི་སྒོ་ནས་དལ་འབྱོར་ལ་སྙིང་པོ་ལེན་ཅི་ཐུབ་གྱིས། ཟབ་པ་དང་རྒྱ་ཆེ་བའི་གདམས་པ་ངས་བསྟན་པ་རྣམས་ཀྱི་ནང་ནས་རང་ཉིད་གང་མོས་དེ་ཉམས་སུ་ལོངས། གཞན་ཆོས་ལུགས་གྲུབ་མཐའ་ཡོངས་ལ་དག་སྣང་སྦྱོངས་ལ་ཁས་མ་གཏོང་། ཉམས་ལེན་བྱས་པའི་ལག་རྗེས་ལ་ཆོས་པ་རབ་ལ་ཉིན་བསྐྱེད། འབྲིང་ལ་ཟླ་བསྐྱེད། ཐ་མ་ལོ་བསྐྱེད་ཐོན་དག…

ཀྱིས་དུས་འདའ་བ་ཞིག་གྱིས། གཅིག་ལ་བཤད་པས་ཀུན་གྱིས་གོ་བ་གཅིག་དགོས་པས། ཁྱེད་གྲྭ་ས་སྒྲུབ་སྡེའི་དགེ་འདུན་པ་རྣམས་ཀྱིས་གྲྭ་སའི་འགྲིག་ལམ་ཀུན་སྤྱོད་རྣམས་ཡར་ལྡན་ངོས། ལམ་བསླབ་པ་གསུམ་གྱི་ཉམས་ལེན། ལུང་སྡེ་སྣོད་གསུམ་གྱི་འཆད་ཉན་རྣམས་ཁྲལ་ཆོས་སུ་མ་སོང་བར་ནམ་བཞག་གཏན་གྱི་སོ་ནམ་དུ་འགྲོ་བ་ཞིག་གྱིས། སྔགས་པ་རྣམས་ཀྱིས་ལོ་མཚ…

མ་སོང་བའི་གང་ཟག་གིས་མཐུ་གཏད་ངན་སྔགས་བྱེད་པ་འདི་མེ་ཕར་བུས་ན་སྨ་ར་ཚུར་འཚིག་པའི་དཔེར་འདུག་གཤིས། ཆོས་ཆེན་པོ་མ་ནུས་ཀྱང་དུས་རྒྱུན་དུ་བསམ་པ་བཟང་པོའི་སྒོས། ཚེས་བཅུ་དང་ཆོས་ཐོག་གང་ཡོད་མ་ཆག་པ་གྱིས། བཅའ་ཡིག་གི་ནང་ལྟར་འགྲིག་ལམ་གང་ཞིབ་ཞིབ་གྱིས། ཡོན་བདག་རྣམས་ཀྱིས་རྐུས་དང་ཇག་མ་བྱེད། དོན་མེད་པའི་ཁ་མཆུའི་ཁ་འགོ་མ་བྱེད…

ལ་ཞུགས། འཇིག་རྟེན་པའི་ཁ་དཔེ་ལ། མི་ལ་རྟོག་དཔྱོད་མེད་ན་དུད་འགྲོ་ཡིན། རྟ་ལ་གོམ་འགྲོས་མེད་ན་བོང་བུ་ཡིན་ཟེར་བ་ལྟར། རྟོག་དཔྱོད་མེད་པའི་མི་ལ་མཚང་དེ་ལས་ཆེ་བ་མེད། མདོར་ན་མང་དུ་སྨོས་ཅི་དགོས། རྒྱལ་བ་གོང་མའི་གཤེགས་ཤུལ་མི་ཟིན་རུང་། ངའི་རྗེས་སུ་ཁ་མིག་ཡར་བལྟ་གྱིས་ལ། རྒྱལ་བའི་གསུང་རབ་དགོངས་འགྲེལ་དང་རྒྱ་བོད་ཀྱི་མཁས་…

འཇོག་རྒྱུ་མེད། སྤོང་ལེན་གྱི་ཆོས་ཅན་ཆོས་ཉིད་དུ་སངས་པས། སྤྲུལ་སྐུའི་རེ་བ་ཡང་མེད། གདུལ་བྱའི་མོས་པ་ལ་རག་ལས། ཁོ་བོའི་ཡོངས་འཛིན་ཨ་རིག་དགེ་བཤེས་རིན་པོ་ཆེའི་རྣམ་པར་ཐར་པ་དེ་བཞིན་བྱས་པ་ཡིན་ལ་སོགས་པའི་ཞིང་ཁམས་གཞན་དུ་དགོངས་པ་ཡོལ་བའི་གསུང་ཉིན་ཐོག་ཐག་གསུངས་པས། ཐམས་ཅད་ཀྱི་ཡིད་བློང་བློང་བོར་གྱུར་ཀྱང་ཐབས་གཞན་ནི་མ་རྙ…

བྱང་ཆུབ་སེམས་དཔའ་མང་པོ་ཞིང་ཁམས་གཞན་ལ་ཕེབས་ཚུལ་བསམ་ན། སེམས་ཀྱང་དབང་མེད་དུ་སྐྱོ་ཚུལ་སོགས་ཐུགས་སྐྱོ་བའི་ཞལ་གསུང་མང་དུ་གནང་ཞིང་སྤྱན་ཆབ་བསིལ་བས། ཚོགས་པ་སྟོང་ཕྲག་མང་པོ་འཚོགས་པ་རྣམས་ཀྱང་མཆི་མའི་ཉེ་རག་བྱེད་པར་ཐུག་གོ །སྔར་གཏེར་སྟོན་རིག་འཛིན་ཆེན་པོ་བདེ་རྒྱལ་ཆེན་པོའི་གཏེར་ཆོས་རྣམས་བཀའ་དམ་པོ་གནང་ནས་ཅི་ཐོད་ཐོད་ད…

ཟང་ཐལ་ཁྱབ་གདལ་ཀློང་ཡངས་སྤྲོས་བྲལ་ནམ་མཁའ་ལྟ་བུར་རྒྱུ་བསྐྱེད་དཔངས་བསྟོད་ཕྱལ་ཡས་སུ་བཏང་ལྷོད་ཀྱིས་གློད་ནས་བཞག་པས། དཔེར་ན་རོང་ཁུང་དོག་ས་ནས་ལ་ཁ་མཐོན་པོར་བུད་པ་དང་། རི་མཐོན་པོའི་རྩེ་ནས་གནམ་ཁ་ཞེང་ཆེ་སར་བལྟས་པ་ལྟར། གུ་ཡངས་ལ་བློ་བདེ་བ། ཟང་ཐལ་ལ་ཕྱམ་བརྡལ་བ། སེམས་ཉིད་རང་བཞིན་གྱིས་འོད་གསལ་བ་ཆོས་སྐུ་འགྱུར་བ་མེད་པའ…

ཆོས་གང་ཉམས་སུ་ལེན་ཀྱང་། སྦྱོར་བ་གནས་ཁང་བྱི་དོར་བྱ་ཞིང་སྐུ་གསུང་ཐུགས་རྟེན་བཀྲམ་པ་སོགས་སྦྱོར་བའི་ཆོས་དྲུག་སྔོན་དུ་བཏང་། དངོས་གཞི་མདོ་སྔགས་ཀྱི་ཆོས་ཀྱི་སྙིང་ཁུ་ལམ་རིམ་བློ་སྦྱོང་བསྐྱེད་རྫོགས། རྫོགས་ཆེན་སོགས་ཉམས་སུ་ལོངས། རྗེས་སུ་བསྔོ་བ་སྨོན་ལམ་རྒྱ་ཆེན་པོ་བྱ། ཐུན་མཚམས་རྣམས་སུ་ཕྱག་མཆོད་སྐོར་བ་སོགས་ཚོགས་གསོག…

སྔར་རྒྱུན་ལྟར་བཞག་པས་རང་སར་གྲོལ་བར་འགྱུར་བས། །དེས་ན་རིག་པའི་ངོ་བོ་སྟོང་གསལ་འཛིན་མེད་བར་སྣང་དྭངས་པའི་དཀྱིལ་ལྟ་བུ་འདི་གཅིག་པུ་ངོ་ཤེས་པས། ཉོན་མོངས་པ་ཀུན་རྒྱ་གྲོལ་ལ་འགྲོ་བའི་གནད་ཀྱི་གདམས་པ་འདི་ཡིན་ཏེ། སྙིང་ཐིག་ལས། དྲི་མེད་དག་པའི་སངས་རྒྱས་ནི། །རང་རིག་ཆོས་སྐུར་འགྱུར་བ་མེད། །གསལ་ལེ་སེང་ངེ་ཝལ་ལེ་བ། །སྤྲིན་མ…

ཚིགས་ཀྱི་དུས་སྐུ་མདུན་དུ་མཁན་ཆེན་དགེ་བའི་བཤེས་གཉེན་དང་། ཀུན་དགའ་དོན་གྲུབ་གཉིས་ལ་མགར་རྩེའི་བྱམས་ཁང་གསར་བསྐྲུན་གྱི་ནང་རྟེན་འདི་ལྟར་བཞེང་དགོས་ཀྱི་ཞལ་བཀོད་ཞིབ་རྒྱས་སྩལ། བཅོ་ལྔ་ལ་སྐྱ་སེར་ཕོ་མོ་སྟོང་ཕྲག་མང་པོས་སྨྱུང་གནས་བསྲུང་བའི་ཡོན་བདག་རིན་ཆེན་རྒྱལ་མ་བུ་གཉིས་ཀྱིས་བྱས། གཞན་སྟོད་སྨད་བར་གསུམ་གྱི་ཞལ་འདེབས་བ…

འདུམ་པའི་ཆེད་དང་། ཐ་མའི་གདུལ་བྱར་གྱུར་པ་རྣམས་འདུལ་བར་དགོངས་ཏེ་མ་གནང་བར་ལྗོངས་རྒྱུ་བ་ལ་ཕྱོགས་པར་གྱུར་ཏོ། །སྨྲས་པ། ཐོག་མའི་མགོན་པོ་ཀུན་ཏུ་བཟང་པོ་དང་། །རིགས་ཀུན་ཁྱབ་བདག་དཔལ་ལྡན་རྡོ་རྗེ་སེམས། །འཆི་མེད་རིག་འཛིན་སྤྲུལ་སྐུ་པདྨ་འབྱུང་། །རྣམ་གསུམ་དབྱེར་མེད་དྲིན་ཅན་བླ་མར་འདུད། །བདག་སོགས་སྐལ་ལྡན་སློབ་མའི་ཚོགས་…

གུས་འབྱུང་བའི་ཕྱིར། །རྣམ་ཐར་མདོར་བསྡུས་ཙམ་གྱིས་ཐོགས་དྲངས་ནས། །ཞིང་ཁམས་གཞན་དུ་གཟིགས་པ་ཡོལ་བའི་ཚུལ། །ཐ་མའི་རྣམ་ཐར་ཡི་གེའི་རིས་སུ་བཀོད། །དམ་པ་མཆོག་ཉིད་ཆུང་ངུའི་དུས་ནས་བཟུང་། །ཆགས་སྡང་ཀུན་བྲལ་དམན་ལ་ལྷག་པར་བརྩེ། །གཞོན་ནུའི་དུས་ནས་མཚན་ལྡན་བླ་མ་བསྟེན། །མདོ་སྔགས་གཞུང་ལ་ཐོས་བསམ་བྱས་ཚུལ་སོགས། །བཀའ་ཡི་གླེགས་བུ…

ལོ་རྒྱུན་ཆད་མེད་པར་བསྐོར། །བཅོ་ལྔར་དད་ཅན་སློབ་བུས་ཡོན་སྦྱར་ནས། །སྨྱུང་གནས་སྟོང་ཕྲག་མང་པོ་བསྲུང་ཐུབ་བྱུང་། །དེ་ནས་རིམ་བཞིན་ཞོ་འོང་དཔྱིས་བརྒྱུད་ནས། །ཇ་སྒྲོན་གྲུབ་ཁང་ཤེལ་དགོན་གྲུབ་གནས་དང་། །ལུག་ར་དགོན་གསར་གནས་ལ་བྱིན་རླབས་གནང་། །སྐུ་སུང་ཐུགས་རྟེན་ཀུན་ལ་རབ་གནས་འཐོབ། །དེ་ནས་རིམ་བཞིན་མགར་རྩེ་དགེ་འཕེལ་དགོན།…