རྣམས་ཀྱིས་འདི་བྱས་བསྡད་ན་བདེ་འདོད་ཀྱང་དེ་མི་བདེ། དེ་བས་བདེ་གསལ་མི་རྟོག་པའི་ངང་ལ་མཉམ་བཞག་བསྡད་ན་བདེ་བས་ཁ་རོག་སྡོད་གསུངས། ཇི་ཞིག་ན་སྤྱན་ནམ་མཁའ་ལ་ཅེར་རེ་གཟིགས་ཏེ། དེ་རིང་གཞན་དང་མི་འདྲ་བའི་ཁམས་དྭངས། གྲོང་ཡུལ་དང་དགོན་པ་ལས་ཐག་བསྲིངས་པས་སྐྱེ་བོའི་ཅ་ཅོ་མེད། བས་མཐའ་འདི་ཤིན་ཏུ་དབེན་ཅིང་ནམ་དུས་ཀྱི་སྟབས་ས་གཞི་ཡ…

པས། མཁན་ཆེན་པས་དེ་ལྟར་ལགས། དེ་རིང་སྐུ་ངལ་ཞིག་གསོས་ན་སྐུ་མི་འཁྲུག་པས་དེ་ལྟར་མཛད་པར་ཞུ་ཞེས་ཞུས་པས། དེ་ག་ལྟར་བྱའོ་འདིར་མི་མང་པོ་སྡོད་མི་དགོས་པས་སང་བསུ་མ་ལ་ཤོག་ཅིག དེ་རང་ཁྱེད་རྣམས་བཀྲ་ཤིས་འཁྱིལ་བར་སོང་ཞིག་གསུངས་པས། ཐམས་ཅད་ཀྱིས་ད་ནི་ངེས་པར་སྙན་དྭངས་པར་ངེས་སོ་སྙམ་སྟེ་བཀྲ་ཤིས་འཁྱིལ་བའི་དགེ་འདུན་པ་སོགས་གྲྭ་…

བས། གནས་སྤང་བླང་དང་ཞེན་འཛིན་གྲོལ་བའི་མངོན་རྟགས་ངོམ་པ་དང་། གདུལ་བྱའི་དབང་ལས་རབ་ཀྱི་འདའ་ལུགས་བཞི་མངོན་དུ་མ་གྱུར་པའི་ཚུལ་མཛད་ནས། ཡུལ་གྱི་མངོན་ཞེན་ལོག་སྟེ་གང་ལའང་འཇིགས་པ་དང་བྲལ་བའི་རྟགས་གསལ་བ་དང་། བས་མཐའ་དེ་ཉིད་ཀྱང་སྐྱེ་རྒུའི་བསོད་ནམས་གསོག་པའི་ཞིང་དུ་བྱིན་གྱིས་བརླབས་པ་དང་། ཆོས་མཐུན་གྱི་གསུང་སྐྱེས་རྣམས་ཀ…

ངོའི་ཚེས་བཅུ། ཧོར་ལུགས་ཀྱི་སྣོན་ཟླའི་དམར་ཕྱོགས་ཉེར་དྲུག་ཡོས་བུའི་ཉིན། རེས་གཟའ་མིག་དམར། ཟླ་སྐར་ནམ་གྲུ། ཉི་སྐར་མགོ། དུས་ཚོད་སྦྲུལ་དུས་ཀྱི་དབྱུ་གུ་བཅུ་གཉིས་རྫོགས་མཚམས་སུ་སླེབ་པ་ན། འགྲོ་བ་ལྷ་དང་བཅས་པའི་སྐྱབས་མཆོག་གང་དེས་ཞིང་ཁམས་བྱེ་བ་ཕྲག་བརྒྱར་སྤྲུལ་པ་བྱེ་བ་ཕྲག་བརྒྱ་བཀྱེས་ནས་འགྲོ་བའི་དོན་མཛད་པའི་བརྡར། ས…

བླངས། ཐ་མ་བསྒྲུབ་འབྲས་ཀྱིས་བསྟན་འགྲོ་ཡོངས་ལ་གང་ལ་གང་ཕན་བྱས། ཐ་ན་སྤྲང་པོ་ཉམ་ཐག་འཆི་ལ་ཉེ་བ་བརྒྱ་ཕྲག་མང་པོའི་ཚེ་ཐར་པར་བྱས་ཤིང་ཆོས་ལྡན་གྱི་བྱ་བ་ཐམས་ཅད་མཐར་ཕྱིན་ནས། ད་ནི་རེ་ཞིག་འདོད་ལྡན་པདྨའི་ཚལ་ལ་འཇུག་པའམ། བུ་ཕ་ཁྱིམ་དང་བུ་མོ་མ་ཁྱིམ་དུ་འགྲོ་བ་ལྟར། ཤར་ཕྱོགས་མངོན་པར་དགའ་བ་སོགས་དག་པའི་ཞིང་ཁམས་རྣམས་སུ་སོང་ནས…

པའི་དཔའ་བོ་དང་ཌཱཀྐིའི་ཚོགས་ཀྱིས་གདུགས་རྒྱལ་མཚན་བ་དན་རོལ་མོ་སྣ་ཚོགས་པས་མངོན་པར་བསུས་ཏེ། དོན་མཐུན་གྱི་མགྲོན་པོ་རྒྱ་མཚོའི་གླིང་ནས་ཁྱིམ་དུ་སོན་པ་ལྟར། ལས་དང་སྐལ་བར་ལྡན་པའི་འབྲེལ་ཚད་ཀྱི་གདུལ་བྱ་ཕོ་མོ་བྱེ་བ་ཐེར་འབུམ་བསམ་ལས་འདས་པ་དང་བཅས་དྲངས་ཏེ་དཔའ་བོ་ཌཱཀྐིའི་ཚོགས་ཀྱིས་མཛེས་པའི་གར་སྟབས་སྣ་ཚོགས་བསྒྱུར་ཞིང་། …

པས་གང་བ་སྐྱེ་བོ་ཀུན་ལ་མིག་གི་བདུད་རྩིར་སྦྱིན་པར་བྱས་པས། ཧོར་ཚང་ནས་སྣང་ར་ཚུན་གྱི་རྟོགས་དཔྱོད་དང་ལྡན་པ་དག་འདི་ཅིའི་ལྟས་ཞེས་ནེམ་ནུར་གྱི་གནས་ལ་བཀོད་ཅིང་། བས་མཐའ་དེ་དང་ཐག་མི་རིང་བའི་ཤར་ཕྱོགས་ནས་ཆར་སྤྲིན་འཐིབས་པའི་ནང་ནས་ཆར་རྒྱུན་བབས་ཤིང་། ས་གཞི་ཀུན་ཀྱང་འདར་ཡེད་ཡིད་བྱེད་པའི་འབྲུག་སྟོང་དུས་གཅིག་ལ་ལྡིར་བ་ལྟ་…

ལས་ནི་སངས་རྒྱས་སོ། །འོད་ནི་རྩིབས་ལས་སྣང་གྱུར་ན། །འདི་ནི་བར་དོ་ཐ་མ་ལ། །མངོན་པར་བྱང་ཆུབ་ཉིད་རྙེད་དོ། །ཅེས་དང་། ཡང་དེ་ཉིད་ལས། གང་དུ་འདས་པའི་གནས་ཁང་གི། ཤར་གྱི་ཕྱོགས་ནས་ཉེ་བའི་སར། །སྒྲ་ནི་རབ་ཏུ་གྲགས་པ་ན། །འདི་ནི་རྡོ་རྗེའི་རིགས་སུ་འགྱུར། །དེ་བཞིན་ལྷོ་ཡི་ཕྱོགས་སུ་ཡང་། །སྒྲས་ནི་རིན་ཆེན་རིགས་སུ་སྣང་། །ནུབ་ཏུ…

འཛིན་པའི་ཟློས་གར་བསྒྱུར་བ་ཆོས་དབྱིངས་གདོད་མའི་ཀློང་དུ་མནལ་བར་གྱུར་ཏོ། །རྗེ་དུས་གསུམ་གྱི་རྒྱལ་བ་ཀུན་གྱི་དངོས། །ཕ་མཚན་ལྡན་གྱི་བླ་མ་རིན་པོ་ཆེ། །བདག་ཉམ་ཐག་ཡོངས་ལ་སྤྱན་གྱིས་གཟིགས། །ཐུགས་བརྩེ་བས་དོར་རམ་སྐྱབས་མགོན་རྗེ། །སྔོན་བསྐལ་པ་དཔག་མེད་གོང་རོལ་ནས། །མ་འགྲོ་ཀུན་སྒྲོལ་བར་ཐུགས་བསྐྱེད་ནས། །དཔལ་ཡང་དག་རྫོགས་ས…

ཁྱེར། །ཀླུ་དབང་ཚོ་ཉེར་འཚོ་སུ་ཡིས་བྱེད། །ཕས་མི་མངོན་དབྱིངས་ནས་ཐུགས་རྗེས་གཟིགས། །བུའི་གདུང་བ་སོལ་ཅིག་རིན་པོ་ཆེ། །ཐུབ་མཆོག་གི་ལུང་དང་བསྟན་པ་ཡི། །གསལ་བྱེད་དུ་བསམ་བཞིན་བྱོན་གྱུར་ཀྱང་། །རིང་མིན་དུ་དག་ཞིང་བྱོན་པ་འདི། །བརྩོན་འགྲུས་ཀྱི་གོ་ཆ་དོར་རམ་ཅི། །གདུལ་དཀའ་འགྲོའི་དོན་དུ་མི་བཞུགས་པར། །ཞི་བདེ་ཡི་ཁང་བཟང་ལ་…

མི་མཛད་ཀྱང་། །བསླབ་གསུམ་དང་རིམ་གཉིས་རྣལ་འབྱོར་མཐུས། །རྒོལ་ངན་ཀུན་རང་སར་ཞི་བ་ལ། །མཐུ་ནུས་རྩལ་ཟླ་བྲལ་དྲིན་ཅན་རྗེ། །ཕས་མི་མངོན་དབྱིངས་ནས་ཐུགས་རྗེས་གཟིགས། །བུའི་གདུང་བ་སོལ་ཅིག་རིན་པོ་ཆེ། །ཞིང་དག་པ་རབ་འབྱམས་ན་བཞུགས་པའི། །དཔལ་སངས་རྒྱས་བྱང་སེམས་སྲས་བཅས་ཀྱིས། །མགོན་དམ་པའི་ཞབས་པད་ཡུན་བརྟན་པའི། །བྱིན་རླབས་ཀྱི…

ལེགས་དགོངས་ནས། །སྣ་ཚོགས་པའི་བརྫུ་བག་མི་མཛད་པར། །འགྲོ་འདུལ་གྱི་ཡང་སྤྲུལ་གསལ་བོ་ཡི། །དགྱེས་འཛུམ་ཞལ་རིང་མིན་མྱུར་མཇལ་སྩོལ། །མཆོག་གསུམ་དང་རྩ་གསུམ་སྲུང་མའི་ཚོགས། །རང་གཞན་གྱི་དགེ་ཚོགས་ཟབ་མོའི་མཐུས། །འགྲོ་མགོན་གྱི་ཡང་སྤྲུལ་འཁྲུལ་མེད་ཀྱིས། །མྱུར་མྱུར་དུ་རྗེས་སུ་འཛིན་གྱུར་ཅིག །ཅེས་སྨྲེ་སྔགས་གདུངས་དབྱངས་ཚིགས་…

བ་མི་མངའ་ཕྱིར་ཐུགས་དམ་གསལ་འདེབས་སོགས་ཀྱི་དགོས་པ་མ་མཆིས་ཀྱང་། བདག་ཅག་རྣམས་ནས་སྣང་མཆེད་ཐོབ་པའི་ཡེ་ཤེས་སྒྲིབ་རྐྱེན་དང་བྲལ་བའི་སྟོང་པ་གསུམ་གྱི་འོད་གསལ་གྱི་མཐར་ཐུག་དག་པ་གཉིས་ལྡན་གྱི་ཆོས་སྐུའི་འོད་གསལ་མངོན་དུ་མཛད་དེ། གཡོ་བ་མེད་པར་རེ་ཞིག་བདག་ཅག་ལ་བརྩེ་བར་དགོངས་ཏེ་བཞུགས་པ་དང་། རིམ་གྱིས་མི་ཤིགས་ཟུང་འཇུག་ཁ་སྦ…

འདེབས་ནན་ཏན་དུ་ཞུས། ཐག་ཉེ་བའི་ཕྱོགས་ཕྱོགས་ནས་དད་ཅན་གྱི་སྐྱ་སེར་ཕོ་མོ་བསམ་གྱིས་མི་ཁྱབ་པ་ཐོན་ནས། གདུངས་པའི་སྨྲེ་སྔགས་བཏོན་ནས་ངུ་འབོད་རྒྱུན་མི་འཆད་དུ་བསྒྲགས་པས། མི་སྙན་པའི་སྒྲས་སྲིད་པའི་ཁྱོན་ཀུན་གོང་སྙམ་པ་བྱུང་། དེ་ནས་གཉེར་བ་རབ་བྱུང་དང་། ཞབས་ཕྱི་སྟག་ཡན། ཀུན་དགའ་དོན་གྲུབ་སོགས་ཀྱིས་བརྡ་སྤྲད་ནས། མགར་རྩེ་ད…

ཅུང་ཟད་ཉམས་ཤིང་ཚུལ་ཁྲིམས་ཀྱི་ངད་ཆུང་དུ་སོང་སྙམ་པ་སོགས་མཚན་མ་གསལ་བར་མཛད་དོ། །ངེད་དང་། སྒོ་དམར་རི་ཁྲོད་པ། ཡེ་ཤེས་དར་རྒྱས། འཇིགས་མེད་ཚུལ་ཁྲིམས། བློ་བཟང་མཁས་མཆོག་རྣམས་རྒྱུན་པར་གདུང་མདུན་ནས་སྲིད་ཞིའི་ཆེད་དུ་བསྡད་ནས། སྤོས་མར་མེ། ཞལ་ཟས། ཡོན་ཆབ་སོགས་དངོས་པོ་ཅི་འབྱོར་བའི་མཆོད་པ་རྒྱུན་ཆད་མེད་པར་ཕུལ། དེའི་ཞོར་…

ཐག་འདི་ལྟར་ཐོར་པོ་ལ་རྒྱབ་ཀྱིས་བདེ་བདེ་འགྲོ་མིའི་ལུས་ལ་བརྟེན་ནས་ངན་སོང་གསུམ་གྱི་གཡང་ཁ་འགྲིམ་དུ་ཉེ་བ་རེ་གཉིས་ཙམ་ལས། སྟོད་ཛ་ཏིའི་རྐང་འཐུང་འཁྲིགས་པ་ནས། སྨད་རྒྱ་མཚོའི་མཐའ་ལ་ཐུག་གི་བར་གྱི་སྐྱེ་འགྲོ་རྣམས་གང་གི་སྐུ་གསུང་ཐུགས་ཀྱི་མཛད་པའི་གདུལ་ཞིང་དུ་མ་གྱུར་པ་འགའ་ཡང་མེད་གཤིས། གནས་ཀྱིས་རིང་དུ་བརྒལ་བ་དག་མ་གཏོགས…

ནི་མཆོད་པ་འབུལ། ལ་ལས་ནི་སྡིག་པ་བཤགས། ལ་ལས་ནི་གསོལ་འདེབས་དང་སྐོར་བ་བྱེད་པ་སོགས་ལ་བརྩོན་པ་སོགས་རང་མཁོས་དང་བསྟུན་པའི་ཐུགས་དགོངས་རྫོགས་ཐབས་དང་ཚོགས་གསོག་སྒྲིབ་སྦྱོང་ལ་བརྩོན་པར་བྱས། བདག་ཉིད་ཆེན་པོ་འདི་ལ་བོད་དང་བོད་ཆེན་པོའི་རྒྱལ་ཁམས་སྤྱི་དང་བྱེ་བྲག་ཏུ་མདོ་སྨད་ཡུལ་ནས། དབུས་གཙང་མངའ་རིས་ཚུན་གྱི་དད་ལྡན་རྣམས་ཀྱ…

ལྟར་བླ་དཔོན་སེར་སྐྱ་མཆོག་དམན་ཐམས་ཅད་ནས་མཆོད་པའི་ཡོ་བྱད་དུ་རྟ་དྲེའུ། མཛོ་མཛོ་མོ་འབྲི་གཡག ར་ལུག་ཇ་མར་རས་དཱ་བུ་དཀར་དམར་གོས་ཕྲུག་ཧ་སག་དངུལ་བྱུ་རུ། ནས་རྩམ་པ་གྲོ་མ་ཁུར་བ། ཕྱེ་འཕྱུར་བ། ཇ་ནག་དོང་ཙེ་སོགས་བསམ་ལས་འདས་པ་ཁྱེར་བྱུང་བ་དང་། དབུས་གཙང་ནས་འོངས་པའི་གྲྭ་བཙུན་རྣམས་དང་། རི་ཁྲོད་པ་རྣམས་ཀྱིས་རང་རང་གི་དངོས་པ…

འཁོར་གྱི་གཙོ་བོ་ཉིད་དུ་སྒྲུབ་ཅིང་མཆོད་པ་དང་། བསྙེན་ཅིང་གསོལ་བ་འདེབས་པ། སྤྱན་འདྲེན་ཁྲུས་གསོལ། ཡང་སྤྲུལ་གསལ་བ་མྱུར་འབྱོན་གྱི་གསོལ་འདེབས་སོགས་གདུང་ཤུགས་དྲག་པོས་གནད་སྨིན་དུ་བསྐྱངས། གྲུབ་དབང་ནམ་མཁའ་རྒྱ་མཚོ་དང་། མཁན་ཆེན་ཞི་བ་འཚོ། ཚོ་འདུ་མཁན་པོ། དགུ་རོང་སྤྲུལ་སྐུ། ཨ་དར་སྤྲུལ་སྐུ། རི་རྩའི་སྐུ་སྐྱེས། པདྨ་རང་…

བཞིན་ཇ་ཐུག་བཞི་རེ་བཏང་། བདེ་བ་ཅན་གྱི་ལྷ་ཁང་གི་མདུན་ངོས་ས་ཁོད་ཡངས་པ་དེར་ཉང་གི་མཚམས་པ་དང་། སྒོ་དམར་རི་ཁྲོད་པ་ནས་ས་བརྟགས་སྦྱངས་འདུལ་བ་ལྟོ་འཕྱེ་མཆོད་པའི་རིམ་པ་རྣམས་བྱས། དགུ་རོང་སྤྲུལ་སྐུ་མཆོག་གིས་ཁ་འགོ་གནང་ནས་གྲྭ་བཙུན་རྣམས་ཀྱིས་རྡོ་དང་གྱོ་མོག་ལས་པུར་ཁང་མཆོད་རྟེན་གྱི་དབྱིབས་ཅན་ཆ་ཚད་སོགས་ལུང་དང་མཐུན་པར་བར…