མངོན་པར་བྱང་ཆུབ་སྐུ་དང་ཡེ་ཤེས་ཡོན་ཏན་རྟ་བདུན་དཀྱིལ་འཁོར་རབ་རྒྱས་འཕྲིན་ལས་འོད་ཟེར་སྟོང་འཕྲོས་པས། །

མཁའ་མཉམ་འགྲོ་ལ་ཐར་བའི་ལམ་བཟང་གསལ་བར་མཛད་དེ་ཐོག་མ་མེད་པའི་དུས་ནས་ཀུན་གྱི་དཔལ་དུ་ཤར། །

དགེ་ལེགས་ཉིན་མོར་བྱེད་དེ་བདག་བློའི་པད་དཀར་འདབ་སྟོང་དད་པའི་རླུང་གིས་ཕང་ཕུང་གཡོ་བའི་གཙུག་གིས་མཆོད། །

མཁའ་མཉམ་འགྲོ་ཀུན་ཀུན་གྱིས་དུས་གཅིག་ཐེ་ཚོམ་ཞུས་ཀྱང་རེ་རེའི་མདུན་དུ་སྐུ་མཆོག་མཆོག་དེ་བསྟན་ནས་ཀྱང་། །སྙན་པའི་གསུང་དབྱངས་དབྱངས་ཀྱིས་གྲངས་མེད་འགྲོ་བ་དེ་དག་ཐེ་ཚོམ་རང་རང་སྒྲ་སྐད་སྐད་དུ་དུས་གཅིག་གཅོད། །ཐུགས་ནི་ཆོས་དབྱིངས་དབྱིངས་ལས་གཡོ་བ་མེད་བཞིན་འཁོར་འདས་གཉིས་ཀྱི་ལེགས་དང་ཉེས་ཀུན་ཀུན་ཀྱང་ས་ལེར་མཁྱེན། །ལུས་ཅན…

དེ་ཡང་འཛམ་བུའི་གླིང་གི་ཚེ་ལོ་བརྒྱ་བའི་དུས་སུ་དཔལ་ཀུན་ཏུ་བཟང་བོ་རྡོ་རྗེ་འཆང་གི་སྐུར་བཞེངས་ཏེ། གསང་སྔགས་རྡོ་རྗེ་ཐེག་པའི་ཆོས་ཀྱི་འཁོར་ལོ་བསྐོར་བ་དང་། དེ་ཉིད་ཐུན་མོང་གི་གདུལ་བྱ་ལ་ཤཱཀྱ་ཐུབ་པའི་སྐུར་བཞེངས་ཏེ། རྒྱུ་མཚན་ཉིད་ཀྱི་ཆོས་ཀྱི་འཁོར་ལོ་བསྐོར་ནས་ཞི་བའི་དབྱིངས་སུ་མཉམ་པར་བཞག་པའི་རྗེས་སུ་སངས་རྒྱས་ཀྱི་

སྤྲུལ་བ་བླ་མ་དགེ་བའི་བཤེས་གཉེན་མཁས་ཤིང་གྲུབ་པ་བརྙེས་པ་རྒྱ་གར་ཆུ་བོ་གང་གཱ་ཕན་ཆད་དུ་གྲུབ་ཐོབ་བརྒྱད་ཅུ་ལ་སོགས་དཔག་ཏུ་མེད་པ་བྱོན་པ་རྣམས་ཀྱིས་གདུལ་བྱའི་དོན་དུ་རྡོ་རྗེའི་མགུར་དཔག་ཏུ་མེད་པ་བཞེངས་ཤིང་། ཁྱད་པར་དཔལ་ས་ར་ཧ་ཆེན་པོས་དོ་ཧ་རྡོ་རྗེའི་གླུ་མཛད་པ་དང་། བོད་ཡུལ་གངས་ཅན་གྱི་ལྗོངས་འདིར་ཡང་བསྟན་པ་སྔ་དར་གྱི་ད…

ཆོས་རྒྱལ་མཆོག་གི་ཞབས་པད་བསྟེན་དུས་རྩེ་གཞུང་སོགས་ངེས་མེད་དབེན་པར་བཞེངས་པའི་སྐོར། ན་མོ་གུ་རུ། འདི་ཕྱིའི་སྐྱབས་ནས་བླ་མ་རྗེ། །དངོས་གྲུབ་སྩོལ་མཛད་ཡི་དམ་ལྷ། །མཁའ་འགྲོ་ཆོས་སྐྱོང་སྐྱབས་གྱུར་རྣམས། །སྤྱི་གཙུག་འཁོར་ལོའི་རྒྱན་དུ་བཞུགས། །བདག་དང་མཐའ་ཡས་སེམས་ཅན་རྣམས། །ལུས་ངག་ཡིད་གསུམ་གུས་ཕྱག་འཚལ། །བརྩེ་བ་ཆེན་པོས་བ…

འདར་གསོལ་བ་འདེབས། །བསླུ་མེད་སྐྱབས་གནས་ཁྱེད་རྣམས་དང་། །ནམ་ཡང་འབྲལ་མེད་མཛད་དུ་གསོལ། །དུས་གསུམ་བསགས་པའི་དགེ་བ་རྣམས། །མ་གྱུར་འགྲོ་ཀུན་དོན་དུ་བསྔོ། །འགྲོ་ལ་བདག་དགེ་མྱུར་སྨིན་ནས། །བྱང་ཆུབ་ཐོབ་པར་མཛད་དུ་གསོལ། །ཞེས་ཡན་ལག་བདུན་པ་འདི་ནི་བྱ་བཏང་ཚོགས་དྲུག་རང་གྲོལ་གྱིས་སྨྲས་པའོ། །བརྒྱུད་གསུམ་རྩ་བརྒྱུད་བླ་མ་དང་། …

རྒྱུད་ཆོས་ལ་བསྐུལ་བའི་ཕྱིར། །རྡོ་རྗེའི་གླུ་དབྱངས་ལེན་པ་ཡིན། །དེ་ཚེ་རྡོ་རྗེའི་གླུ་དབྱངས་རྣམས། །རང་གིས་ཤེས་ན་དེ་ཉིད་ལེན། །མི་ཤེས་སྐྱེས་ཆེན་གོང་མ་ཡིས། །གསུངས་པའི་རྡོ་རྗེའི་གླུ་ལེན་ནོ། །འདིར་འབད་ལས་བྱུང་དགེ་བ་རྣམས། །རྣམ་དག་སེམས་གྱིས་མཁའ་མཉམ་མའི། །མ་རིག་སྒྲིབ་དག་ཚོགས་གཉིས་རྫོགས། །རྫོགས་པའི་སངས་རྒྱས་ཐོབ་ཕ…

བརྐྱངས་གཡས་བསྐུམས་ལ་སོགས་བསྒྱུར། །ལག་གཉིས་ལྷ་ཡི་ཕྱག་རྒྱའི་གར། །གང་མཛེས་ལེགས་པར་འཆའ་བ་ཡིན། །ངག་གིས་གཞན་ཡིད་འཕྲོག་པ་ཡི། །འདྲེན་འགུགས་ལེགས་པའི་སྐད་སྙན་གྱིས། །དང་པོའི་དུས་སུ་དབྱངས་གསལ་བྱེད། །ཡེ་གེ་རིང་བོ་ཐུང་ངུ་དང་། །འཁྱོག་པོར་སྐད་གདངས་སྙན་པོས་བརྗོད། །དེ་ནས་ཨོ་དང་ཨེ་དང་ཧཱུྃ། །ཧེ་ལ་སོགས་པས་སྣ་དྲངས་ནས། །ཚ…

བ་ཐམས་ཅད་ཀུན། །ཀུན་མཁྱེན་གོ་འཕང་ཐོབ་ཕྱིར་བསྔོ། །ཞེས་རྡོ་རྗེའི་གླུ་ཡི་ལེན་ལུགས་འདི་ནི་ཚོགས་དྲུག་རང་གྲོལ་གྱིས་སྨྲས་པའོ། །རྩོད་ལྡན་བསྟན་པའི་སྙིགས་མ་ལ། །སྐལ་ལྡན་འགའ་ཡི་དོན་གཟིགས་ནས།།བདེ་ལྡན་ཞིང་ནས་བྱོན་པ་ཡི། །དཔལ་ལྡན་བླ་མའི་ཞབས་ལ་འདུད། །འདྲེན་མཆོག་མཆོག་གྱུར་འགྲོ་བའི་མགོན། །མགོན་ཁྱོད་ཁྱོད་ཀྱིས་ཉམ་ཐག་ང་། …

སྐབས་རྡོ་རྗེའི་གླུ་དབྱངས་འཐེན། །དགེ་འདིས་རང་གཞན་འགྲོ་བ་ཀུན། །ཀུན་གྱི་དོན་གཉིས་ལྷུན་གྱིས་གྲུབ། །གྲུབ་དབང་མི་ལ་ཇི་བཞིན་དུ། །དུ་མས་གླུ་དབྱངས་ལེན་པར་ཤོག །ཅེས་རྡོ་རྗེའི་གླུ་བླངས་པའི་ཕན་ཡོན་འདི་ནི་ཚོགས་དྲུག་རང་གྲོལ་གྱིས་སྨྲས་པའོ། །འདི་ཡང་རང་བཟོ་མ་ཡིན་པར་རྒྱུད་ཉི་ཟླ་ཁ་སྦྱོར་དང་། ཀུན་མཁྱེན་ཀློང་ཆེན་རབ་འབྱམས…

རྒྱལ་ལྷུན་པོ་བས་ཀྱང་མཐོ། །ལྕགས་ཀྱི་ས་གཞིར་མེ་ལྕེ་འབར་ཞིང་བསྲེགས། །ལུས་ལ་མཚོན་ཆར་འབེབས་དང་ཟངས་ཆུ་ལྟུད། །གངས་རི་འཁྱགས་པའི་སྦུབས་ཆུད་བུ་ཡུག་འཚུབ། །ཚ་གྲངས་དམྱལ་བར་བཟོད་དམ་བསམ་མནོ་ཐོངས། །མདོར་ན་མཐའ་མེད་ནམ་མཁའི་མཐས་ཁྱབ་པའི། །སྟེང་འོག་ཕྱོགས་བཞི་མཚམས་བརྒྱད་གང་ན་ཡང་། །མཐའ་གཞལ་མེད་པའི་ས་དང་ནམ་མཁའ་རུ། །འཆི་འཕོ…

བུ་ཁྱོད་དེས་ན་བར་གཅོད་ཡོངས་མི་འཚེ། །བུ་ཁྱོད་དེས་ན་ལུས་འདི་དོན་དང་ལྡན། །བསོད་ནམས་ཡེ་ཤེས་ཚོགས་ནི་འདི་ཡིན་ནོ། །དེ་ལྟ་བས་ན་རང་གཞན་ཐམས་ཅད་ལ། །སེམས་བསྐྱེད་སྨོན་ལམ་གཉིས་ཀྱིས་མཚམས་སྦྱོར་མཛོད། །ཅེས་པ་འདི་ཡང་དད་ལྡན་དམ་ཚིག་གཙང་ཞིང་སྙིང་དང་འདྲ་བའི་སློབ་མ་ཚོགས་དྲུག་རང་གྲོལ་གྱིས་འཁོར་བ་ལ་སྐྱོ་ཤས་སྐྱེ་བའི་ཞལ་གདམས་…

དྲིན་ཅན་བླ་མ་གཙུག་ཏུ་བསྟེན། །ཟ་མ་ལ་སོགས་དུས་ཀུན་དོན་ལྡན་དུ། །འ་འུར་འདུ་འཛིའི་གནས་ལས་དབེན་པ་རུ། །ཡ་མཚན་སྙིང་བོ་ལོངས་ཤིག་སྙིང་གི་བུ། །རྭ་ལྟར་གྱོང་བའི་སེམས་འདི་རབ་བཏུལ་ནས། །ལ་ལ་ཙམ་མིན་མཁའ་ཁྱབ་འགྲོ་དོན་དུ། །ཤ་རུས་གཏིང་ནས་དཀའ་ཐུབ་བསྟེན་བྱས་ནས། །ས་ལམ་མ་ལུས་ཐོབ་པའི་དམ་ཆོས་མཛོད། །ཧ་ཅང་མང་བོའི་ཚིག་གིས་དགོས་པ…

འབོད། །པ་སངས་ལྟར་དཀར་གཞན་ཕན་སེམས་བསྐྱེད་ནས། །ཕ་རྒོད་བླ་མའི་ཞབས་པད་ཚུལ་བཞིན་བསྟེན། །བ་ལང་ལྟ་བུར་རྨོངས་པའི་དྲ་བ་ཀུན། །མ་ལུས་བླ་མའི་གདམས་ངག་སྤུ་གྲིས་ཆོད། །ཙཱ་རི་ལ་སོགས་དབེན་པ་མ་བསྟེན་ཡང་། །ཚ་ཟེར་བདག་པོ་འདྲ་བའི་ཆོས་རྒྱལ་དྲུང་། །ཛ་ལང་གཟུང་འཛིན་སྒྲོལ་བའི་ཐབས་མཁས་ལམ། །ཝ་ལེར་འཆར་བ་དེ་ལས་དབེན་གནས་གང་། །ཞྭ་ཡི…

ཆོས་རྒྱལ་ཞབས་པད་སྟེན། །ཏ་ཐཱ་ག་ཏའི་བསྟན་ལ་ཞུགས་དུས་འདིར། །ཐ་སྙད་ཚིག་ལ་མ་དགའ་ཉམས་ལེན་གྱིས། །ད་ནས་ཚེ་འདི་བློས་ཐོངས་གཏན་འདུན་བསྒྲུབས། །ན་རྒ་འཆི་བས་གཏུགས་ཚེ་འགྱོད་མེད་གྱིས། །པ་ཏྲ་ལྟ་བུའི་རྣམ་རྟོག་མ་མང་བར། །ཕ་ཡུལ་བདུད་ཀྱི་བཙོན་རའི་ཞེན་པ་ཆོད། །བ་ཚོགས་འོ་རྒྱུན་བེའུས་བཏུང་བ་བཞིན། །མ་ནོར་ལམ་སྟོན་བླ་མའི་གདམས་ང…

ཧ་ཅང་མ་ཆགས་ཉོན་མོངས་འཕེལ། །ཡེ་ཤེས་ཕྱག་རྒྱས་བདེ་ཆེན་ངང་གིས་འདྲེན། །གོས་ལ་ཧ་ཅང་མ་ཆགས་ཧྲལ་ཧྲུལ་རྒྱུ། །གཏུམ་མོའི་གོས་བཟང་གྱོན་ན་བདེ་དྲོད་འབར། །ཟས་ལ་ཧ་ཅང་མ་ཆགས་མི་གཙང་རྒྱུ། །བསམ་གཏན་ཟས་ཀྱི་འཚོ་བ་འཛད་མེད་ཟས། །ནོར་ལ་ཧ་ཅང་ཆགས་ན་ཡི་དྭགས་རྒྱུ། །ཆོག་ཤེས་ནོར་ཚོལ་ནོར་གཞན་ཚོགས་སུ་སྔོས། །གཉེན་ལ་ཧ་ཅང་མ་ཆོགས་འཆིང་བྱ…

ཆོས་གོས་རྒྱུ་གཙང་འབུལ་ལོ་བཞེས། །སྒྱུ་མའི་ནོར་རྫས་ཕུན་ཚོགས་ཀྱང་། །སྒྱུ་མ་ལྟ་བུར་མཐོང་བ་ལ། །སྒྱུ་མའི་ནོར་གྱིས་དགོས་པ་ཅི། །སྒྱུ་མར་འབྲས་བུ་བསྐྱེད་པའི་ཕྱིར། །གདམས་ངག་ཞུ་བའི་ཕྱག་རྟེན་དུ། །ལྷ་རྫས་ཁ་ཤས་ཚེས་ལ་ཕུལ། །ཞེས་པ་འདི་ཡང་པདྨ་བཞད་པའི་རྡོ་རྗེས་སྨྲས་པའོ། །རྒྱལ་ཀུན་སྤྱི་གཟུགས་པད་འབྱུང་དང་། །དབྱེར་མེད་ཆོས…

འགྲོ་འོང་བདེ་སྡུག་ཀུན་གྱི་གཞི། །སེམས་ཞེས་གྲགས་པའི་མཚང་ཕྱུང་བས། །ངོ་བོ་ངོས་གཟུང་བྲལ་བ་ལས། །བཙལ་ཀྱང་ཁྱོད་ཀྱིས་རྙེད་མི་འགྱུར། །བླ་མའི་བྱིན་རླབས་ཞུགས་པ་དང་། །སྔོན་སྦྱངས་ལས་འཕྲོ་སད་པའི་རྟགས། །དེ་ལྟའི་སེམས་ཀྱི་གནས་ལུགས་དང་། །ཆོས་རྣམས་རང་བཞིན་མཉམ་ཉིད་ངང་། །གཟུང་འཛིན་ཞེན་མེད་གཡོ་མེད་པར། །རྟོག་མེད་ཏིང་འཛིན་ཁ…