ཤིན་ཏུ་ཁྲོས་པ་མ་མགལ་ལ་སོ་བཏབ་པ་ཞིག་ཏུ་གྱུར་ཏེ་གྲི་ཐུང་ཁ་གཉིས་ཡོད་པའི་མདུང་འདྲ་བ་ཞིག་འཕྱུར་ནས། ང་ད་སྔ་ཡན་ཆད་སུའི་དྲུང་དུའང་སོང་སྟེ་མཆིལ་མ་འདེབས་མ་མྱོང་། ད་རེ་རྣལ་འབྱོར་པ་སྐྱུགས་བྲོ་ཁྱོད་ཀྱིས་མཆིལ་མ་བཏབ་པའི་ལན་ལ། ང་ཁྱོད་ཀྱི་ཁོག་ཏུ་ཞུགས་ནས་སྙིང་ལ་གྲི་བརྒྱབ་སྟེ་མ་བསད་ན་ང་བུ་མིན་ཟེར་ནས། སྐད་ཅིག་ལ་གནས་འགྱ…

ཞིག་གིས་ད་ང་སྙིང་མི་རྗེ་བ་ཡིན་ནམ། ད་རེས་མ་སྲེག་པར་ཐོངས་དང་། ཕྱིན་ཆད་གཞན་ལ་གནོད་མི་སྐྱེལ་བའི་མནའ་སྐྱེལ་ཟེར་བས། ངས་འོ་ན་ད་ཕྱིན་ཆད་གནས་འདིར་འོང་བ་དང་། ཕྱོགས་འདི་ན་འདུག་པའི་ཡོན་བདག་རྣམས་ལ་གནོད་པ་མི་སྐྱེལ་བའི་མནའ་སྐྱོལ་བྱས་པས། དེར་ཁོས་མནའ་མང་པོ་བསྐྱལ་བའི་མཐར། ད་ཕྱིར་གཏོང་ན་ད་སྔ་ཡན་ཆད་ལ་རྣལ་འབྱོར་པ་ང་ས་གང…

ཞུགས་པ་བཟོད་པར་གསོལ། ཕྱིན་ཆད་ཁོ་ཡང་ཁྱེད་ཀྱིས་ཐུགས་དམ་སྐྱབས་འོག་ནས་མ་འདོར་ཞེས་ཟེར་བའི་སྣང་བ་ཤར། ཡང་དེ་དུས་ངའི་མདུན་ཕྱོགས་ཀྱི་གཡོས་གཡོན་གཉིས་ན་མཚོ་ཆེ་ཆུང་གཉིས་ཡོད་པའི་ཁ་ན། དུས་རྒྱུན་ངང་པ་སེར་པོ་གཉིས་བསྡད་ཡོད་པ་ཉིན་ཞིག་ཕྱི་དྲོ་ངང་པ་གཅིག་གླག་གིས་བསད། གཅིག་པོ་དེ་ཡང་སྐྲག་སྟེ་བྲོས་སོང་བའི་ཚེ། ཡུན་རིང་འགྲོག…

གློ་བུར་སྡིག་ཅན་གླག་གིས་བསད། །ཀྱི་ཧུད་མཚོ་ཡི་རྒྱན་གཅིག་སྟོར། །རྒྱུན་མེད་ཟངས་ནང་ཆུ་བཞིན་གྱུར། །རྣལ་འབྱོར་བདག་གི་གྲོགས་དང་བྲལ། །གྲོགས་མེད་ཕོ་ཡུགས་བཞིན་དུ་གྱུར། །གཅིག་པུར་སྐྱོ་སྣང་དྲག་པོ་ཤར། །ཡུན་རིང་འགྲོགས་པའི་ངང་བ་ལ། །མཆི་མ་གཡོ་བའི་སྙིང་རྗེ་སྐྱེས། །ཁ་ནས་སྨོན་ལམ་ཚིག་འདི་ཤོར། །འཁོར་བའི་གནས་ན་བདེ་བ་མེད།…

འགའ་རེ་བྱུང་ནས་ངའི་བྲོ་ཁ་ཚོར་བལྟས་ཚེ། ངའི་བྲོ་ཁར་བལྟ་མི་དགོས་ང་ལ་ཡོད་ཁྱེད་ཚོའི་གཅིག་གིས་ངའི་གུང་ཚིགས་ཀྱི་ཇ་སྐོལ་དང་ངེད་རྣམས་ཀྱིས་འཐུངས་ནས། བྲོ་དགོས་ན་གྲོས་མཐུན་གྱི་སྒོ་ནས་ཁྱེར་ཆོག་ཅེས་ཇ་འཐུང་ཁ་བརྡ་འདྲ་བྱས། དེ་ནས་བྲོ་ཁ་གང་ཡོད་རྣམས་བསྟན་ནས་བགོས་ཏེ། ཕྱེད་དེ་རྣམས་ལ་བྱིན་ནས་མགུར་དབྱངས་འདི་བླངས་སོ། །འདོད་…

ཐ་མ་རང་ཉིད་གྲི་རུ་འཆི། །འཚོ་ན་རང་གི་སྲོག་འདི་འཚོས། །འདོད་ཆུང་ཆོག་ཤེས་སྟེན་ཅིག་ཨང་། །ཁྱེད་རྣམས་བདག་ལ་དེ་རིང་བཟང་། །སྦྱིན་དང་བཟོད་པའི་ལག་ལེན་བྱས། །ཐ་མལ་ནོར་ཀྱང་མཆོག་ཏུ་གྱུར། །ཨེ་མ་རྣལ་འབྱོར་སྐལ་བ་བཟང་། །མཐུ་དང་ངན་སྔགས་ངས་མི་ཤེས། །ཤེས་ཀྱང་བྱེད་ན་དཀོན་མཆོག་གསུམ། །ཕྱིན་ཆད་ན་ཚ་གོད་ཁ་འདྲ། །བྱུང་ན་ངའི་མཐུ་ཡ…

མེད། །ཐམས་ཅད་ཤིན་ཏུ་བདེ་ཞིང་སྐྱིད། །དེ་རིང་དུས་ཀྱི་ཉིན་གུང་ལ། །མགོ་ལོག་ཕྱོགས་ནས་ཡིན་ཟེར་བའི། །བསམ་ལོག་ཇག་པ་མི་སྐྱ་བརྒྱད། །ལུང་ལོག་བརྒྱུད་ནས་གློ་བུར་སླེབས། །དུས་ལོག་རི་པ་རྣམས་ལ་བྱུང་། །རྐྱང་འབྲོང་བྲོས་ནས་ཡར་མར་སོང་། །བྱ་རྣམས་འཕུར་ནས་གཞན་དུ་སོང་། །སྒོ་ཡི་མེ་ཏོག་རྟ་ཡིས་བཅག །ནང་གི་ཟས་རྣམས་ཇག་པས་བརྒྱབ། །…

དམིགས་དང་། །འགྲོ་ཀུན་ཕ་མ་ཡིན་པར་ཤེས། །འགྲོ་བའི་དོན་དུ་སངས་རྒྱས་ཀྱི། །གོ་འཕང་འཐོབ་འདོད་གཏིང་ནས་སྐྱེས། །འཐོབ་ཐབས་སྒོམ་སྒྲུབ་བྱེད་སྙམ་ནས། །ཚེ་འདིའི་བྱ་བ་བློ་ཡིས་བཏང་། །རི་ཁྲོད་འགྲིམས་ནས་ལོ་འགའ་སོང་། །མཚོ་སྙིང་རི་ནས་ལོ་གསུམ་བསྡད། །དེ་ནས་གནས་འདིར་འོང་བ་ལགས། །།རྣལ་འབྱོར་ཡིན་ཚུལ་དེ་ཙམ་གདའ། །ཁྱེད་རྣམས་བདག་ལ…

མི་བཟང་ཟེར་བཞིན་སོང་བའི་ཤུལ་ནས་ཡང་གླུ་འདི་བླངས་སོ། །བླ་མ་ཡི་དམ་མཁའ་འགྲོ་ལ། །གསོལ་བ་འདེབས་སོ་བྱིན་གྱིས་རློབས། །ཁ་སང་དུས་ཀྱི་ཉིན་གུང་ལ། །དད་མེད་ཇག་པས་བྲོ་ཁ་བླངས། །དེ་རིང་དུས་ཀྱི་སྔ་དྲོ་ལ། །དད་ཅན་ཇག་པས་བྲོ་སྣོན་བྱིན། །སྐྱིད་སྡུག་ལམ་ཆེན་མགྲོན་པོ་རེད། །ད་ལྟ་མེད་ཀྱང་ད་ལྟ་བྱུང་། །སྔ་སོར་རང་གིས་ཆེར་མ་ཟོས། །…

དུས་འབུ་བྱེ་བ་དུང་ཕྱུར་མང་པོ་ཞིག་ཚེ་ཐར་རམ་སྙམ་པ་བྱུང་། འབུ་ཁ་ཤས་ཤི་སོང་བ་ལ་ཕན་པའི་བསྔོ་སྨོན་གྱི་རྒྱུས་འདི་ལྟར་བཏབ། འདིས་མཚོན་བདག་གི་དགེ་བའི་མཐུས། །སྲིན་བུ་ཤི་ཚད་མ་ལུས་པ། །ཕྱི་མར་ལྷ་མིའི་ལུས་ཐོབ་ནས། །ལྷ་ཆོས་བྱས་ནས་སངས་རྒྱས་ཤོག །ཅེས་སོ། །ཡང་གནས་དེར་དགོང་མའི་གྲངས་ཀྱི་འུག་པ་ཞིག་འོང་སྟེ་ངའི་བྲག་སྟེང་ནས་འ…

དུ་བསྡད་དེ་གཞན་ལ་གོ་ནས་ཆ་སྟེ། འདི་ན་གནས་སྲུང་འུག་པ་ཞིག་ཡོད་པ་འདིས་སྐད་ངན་འགའ་བརྒྱབ་པ་ཡང་མ་བཟོད་པར་དོ་ནུབ་འཁྲུག་པ་ཤོར་བས་བྱ་བ་བཙོག་པ་འདི་ལ་ལྟོས་དང་། ད་དུང་ཁྱོད་ཀྱི་རྒྱུད་ལ་སྟོང་ཉིད་སྙིང་རྗེ་ལ་སོགས་པའི་ཡོན་ཏན་གང་ཡང་མ་སྐྱེས་པའི་རྟགས་དོ་ནུབ་བསྟན་སོང་ཞེས་རང་གིས་རང་ལ་ཁྲེལ་བདས་མང་བོ་བྱེད་བཞིན་ནང་དུ་འོང་། ད…

མཚན་ཆེན་པོ་ཞིག་ཏུ་གྱུར་པ་རང་གི་ལག་ཏུ་གཏད་པའི་སྣང་བ་བྱུང་བ་ཕྱི་ཉིན་རྒྱལ་བ་རྒྱལ་སྲས་བཞད་པའི་གླུ་དབྱངས་འདི་བླངས་སོ།། །།འོ་འོ་བཟའ་ཚང་ཐ་མ་འབྲལ་སྙམ། །ཨའུ་མཚན་ལྡན་བླ་མ་བཙལ་ན། །ཁོ་རེ་རྒྱལ་བ་རྒྱལ་སྲས་བཞད་ནས། །ཧེ་ཧེ་རྒྱལ་བསྟན་རྒྱལ་མཚན་གཏད་ཡ། །ཡ་ཡི་ཡ་ཡི། །འོ་འོ་དལ་བརྒྱད་ཚང་ལ་དགའ་ནས། །ཨའུ་རྣམས་དཀར་ལས་ལ་འབད་ན། །…

གཏད་ཡ། །ཡ་ཡི་ཡ་ཡི། །འོ་འོ་ཡན་ལག་མ་ཚང་ལམ་སྤངས། །ཨའུ་ལམ་བཟང་ཆ་ཚང་བསླབས་ན། །ཁོ་རེ་རྒྱལ་བ་རྒྱལ་སྲས་བཞད་ནས། །ཧེ་ཧེ་རྒྱལ་བསྟན་རྒྱལ་མཚན་གཏད་ཡ། །ཡ་ཡི་ཡ་ཡི། །འོ་འོ་བཟང་བཟང་ཆ་ཚང་ལམ་ལ། །ཨའུ་ཡང་ཡང་བག་ཆགས་བཞག་ན། །ཁོ་རེ་རྒྱལ་བ་རྒྱལ་སྲས་བཞད་ནས། །ཧེ་ཧེ་རྒྱལ་བསྟན་རྒྱལ་མཚན་གཏད་ཡ། །ཡ་ཡི་ཡ་ཡི། །འོ་འོ་གཞན་ལ་བསམ་པ་མ་གནག …

པ་མེ་ཏོག་ཅོད་པཎ་སྨན་སྣ་འདྲ་བ་གཞན་ཡང་མིང་མི་ཐོགས་པའི་ཁྲ་ཁྲ་ཤིག་ཤིག་ལེགས་ལེགས་མང་པོ་ཆར་ལྟར་བབས་པ་རང་གི་ལུས་ལ་སིབ་སིབ་ཐིམ་པས་བདེ་སྟོང་གི་རྟོགས་པ་བསམ་གྱིས་མི་ཁྱབ་པ་འཕེལ་ནས། ལུས་བན་བུན་ལང་ལོང་ཤག་ཤིག་ཏུ་གྱུར་པ་ཞིག་བྱུང་བས་ཕྱི་ཉིན་བླ་མ་འཇམ་དབྱངས་དང་དབྱངས་ཅན་མ་གཉིས་ཀྱང་བཞད་པའི་གླུ་དབྱངས་འདི་བླངས་སོ། །འོ་འོ་…

ཨའུ་བདེ་སྟེར་བཤེས་གཉེན་དེ་བསྟེན། །ཁོ་རེ་དབྱངས་ཅན་མ་ཡང་བཞད་ནས། །ཧེ་ཧེ་ཡ་མཚན་གང་བཟང་གནང་ཡ། །ཡ་ཡི་ཡ་ཡི། །འོ་འོ་བདེ་གཤེགས་མཉེས་བྱེད་སེམས་བསྐྱེད། །ཨའུ་བདེ་ལེགས་ཁེ་ཆེ་དགེ་རེམ། །ཁོ་རེ་དབྱངས་ཅན་མ་ཡང་བཞད་ནས། །ཧེ་ཧེ་ཡ་མཚན་གང་བཟང་གནང་ཡ། །ཡ་ཡི་ཡ་ཡི། འོ་འོ་སྡིག་སྒྲིབ་སྤྲིན་འདི་བ ཤིག་ཕྱིན། །ཨའུ་སྐྱིད་ཀྱི་ཉི་འདི་ར…

བརྩེ་བ་ཆེན་པོའི་སྒོ་ནས་ཕྱག་གཉིས་བདག་གི་མགོ་ཐོག་ཏུ་བཞག་སྟེ་ལྔགས་མཆིལ་བཏབ་ནས་མགོ་ལ་བྱུགས་པ་ཞིག་གནང་ཚེ། འཁྲུལ་བའི་བློ་སྣ་མཐའ་དག་འགགས་ནས། བདེ་གསལ་མི་རྟོག་པས་བརྒྱན་པའི་རྣམ་པར་མི་རྟོག་པའི་འོད་གསལ་ཕྱག་རྒྱ་ཆེན་པོའི་ངང་ལ་ལྷན་ལྷན་གནས་པ་ཞིག་རྨིས་པའི་ཕྱི་ཉིན་ཡང་། མི་ལ་ཡབ་སྲས་བཞད་པའི་གླུ་དབྱངས་འདི་ཡང་བླངས་སོ། །འ…

འབྲལ་ཡབ་ལྟར་བྱམས་ཡ། །ཡ་ཡི་ཡ་ཡི། །འོ་འོ་གང་ལའང་ཆགས་སྡང་མ་བྱས། །ཨའུ་གང་ཕན་གཞན་ལ་བྱས་ན། །ཁོ་རེ་མི་ལ་ཡབ་སྲས་བཞད་ནས། །ཧེ་ཧེ་མི་འབྲལ་ཡབ་ལྟར་བྱམས་ཡ། །ཡ་ཡི་ཡ་ཡི། །འོ་འོ་གནས་ངན་ཐམས་ཅད་སྤངས་ནས། །ཨའུ་གནས་བཟང་རྣམས་ལ་བསྡད་ན། །ཁོ་རེ་མི་ལ་ཡབ་སྲས་བཞད་ནས། །ཧེ་ཧེ་མི་འབྲལ་ཡབ་ལྟར་བྱམས་ཡ། །ཡ་ཡི་ཡ་ཡི། །འོ་འོ་ལག་གཡས་འགྲམ་…

ཡ་ཡི་ཡ་ཡི། །ཞེས་དབྱངས་སྙན་ལ་རིང་བ་བྱས་ནས་བླངས་སོ། །ཡང་མཚན་མོ་ཞིག་ལྷ་ཚངས་པ་ཡིན་ཟེར་བའི་མི་འདྲ་བ་ཞིག་གིས། འཛུམ་ཞིང་བཞད་བཞིན་གོས་ཀྱི་སྨན་ཁུག་འདྲ་བ་ཤིན་ཏུ་མཛེས་པ་ཞིག་ན་ཨ་རུ་ར་ལ་སོགས་པའི་སྨན་སྣ་དུ་མས་བཀང་བ་ཞིག་བདག་ལ་བྱིན་ནས། ཁྱེད་ཀྱིས་སྨན་འདི་ཀུན་ལ་བྱིན་དང་ཕན་ཐོགས་ཆེན་པོ་ཡོང་ངེས་ཟེར་བ་ཞིག་རྨིས་པའི་ཕྱི་ཉི…

ལྡན་རྒྱ་མཚོའི་གསུང་མགུར་དབྱངས་ཀྱི་ལད་མོ་བྱས་བྱ་དཀའ་བའི་ཚིག་དང་སྦྱར་ནས་རང་གཞན་ཡོངས་ལ་ཕན་པའི་ལྷག་བསམ་གྱི་ངང་ནས་བླངས་པའོ། །དེ་ལྟར་ཉམས་སྣང་སྣ་ཚོགས་ཤར་བ་ལ་སེམས་སྤྲོ་བའི་ཤུགས་ཀྱིས་འདི་སྐད་ཅེས་སྨྲས་སོ། །ཆོས་ཀྱི་རྒྱལ་པའི་ཞབས་ལ་འདུད། །ཨེ་མ་སྐལ་ལྡན་སློབ་བུ་ཚོ། །འཁོར་འདས་གཉིས་ཀའི་གནས་བཅས་ནས། །བདེ་སྡུག་སྣ་ཚོགས་…

ལྟད་མོ་བལྟ་ནུས་པར། །ཆོས་ཀྱི་རྒྱལ་པོས་བྱིན་གྱིས་རློབས། །འདི་ཐོས་སློབ་བུར་ཕན་པར་ཤོག །ཅེས་སློབ་མ་ཡོངས་ལ་ཕན་ཕྱིར་གདམས་པའོ། །དེ་ནས་ཉིན་ཞིག་རི་བོ་རྨ་ཆེན་གྱི་རི་རྩེ་ཞིག་ཏུ་ཁམས་བསངས་སུ་སོང་ནས། སེམས་ཁ་ཡངས་པོ་བྱས་ཕྱོགས་ཀུན་ཏུ་མིག་གིས་བལྟས་ནས་ཁམས་སངས་པ་དང་། ལུས་གནད་དྲང་པོར་བསྲང་མིག་གིས་ནམ་མཁའ་ཡངས་པའི་ཀློང་ལ་ཧ་…