རྣལ་འབྱོར་པ། །འདིའི་ངང་ལ། །ཁ་རོག་པ། །གློད་ལ་ཐོངས། །ཡན་པར་ཞོག །ཆོས་སྐུ་འཐོབ། །གཟུགས་སྐུ་འབྱུང་། །ཕཊ་ཨ་ཨ། ཞེས་བླངས་ནས་མཉམ་བཞག་ནམ་མཁའ་ལྟ་བུའི་སྟོང་པ་ཉིད་ལ་རྩེ་གཅིག་ཏུ་མཉམ་པར་བཞག་པས། བྱིང་རྒོད་ཕྲ་རགས་ཐམས་ཅད་ནམ་མཁའ་ལ་སྤྲིན་དྭངས་པ་བཞིན་རང་སར་ཡལ་ནས། སྟོན་གནམ་གཡའ་དག་པ་ལ་ཉི་མ་ཤར་བ་བཞིན། སེམས་ཀྱི་གནས་ལུགས་སྟོ…

ཡིད་ལ་དྲན་དྲགས་ནས་བླ་མ་དྲན་པའི་གདུངས་དབྱངས་འདི་བླངས་སོ། །རྩལ་ལྡན་བྱ་རྒྱལ་རྒོད་གཉིས་སྔ་ཕྱི་བྱས། །བླ་མའི་གདན་སའི་ཕྱོགས་སུ་འགྲོ་བ་མཐོང་། །ས་ཕྱོགས་བླ་མ་གྲོགས་རྣམས་ཏུར་གྱིས་དྲན། །དང་པོའི་མཛད་སྤྱོད་ཀུན་བསམ་མཆི་མ་ཤོར། །ཨུ་ཤུ་ད་ལྟའི་དུས་འདིར་ཞལ་བཞུགས་ན། །མཇལ་ན་སྙམ་པའི་འདོད་གདུངས་མེ་བཞིན་འབར། །བླ་མའི་ཡོན་ཏན་…

ནས་ཐོས། །བསམ་ཞིང་བསམ་ཞིང་འགྱོད་པ་གཏིང་ནས་སྐྱེས། །ཀྱེ་ཧུད་རྗེ་བཙུན་འཛམ་གླིང་ཉི་མ་ཡིས། །ལྷོ་རྒྱལ་འཛམ་བུ་གླིང་པ་སྨྲག་ཏུ་བཏང་། །མི་མངོན་ཆོས་དབྱིངས་ནུབ་རིར་འཐེན་ནས་སོང་། །བདག་སེམས་ནམ་མཁར་སྡུག་བསྔལ་སྤྲིན་ནག་འཁྲིགས། །སྨྲེ་སྔགས་ཨུ་ཤུ་སྔམ་པའི་གཡུ་འབྲུག་ལྡིར། །མཆི་མའི་ཆར་བ་བཞིན་རས་ས་གཞིར་ལྷུང་། །ལུས་ཀྱི་ས་འགུ…

གཏམ་གསུམ་ལ་བཏང་། མི་མེད་པའི་གངས་དང་རི་སུལ་རྣམས་འགྲིམས་ནས། ཅི་ནུས་ཀྱི་སྒོམ་སྒྲུབ་བྱེད་དུས་ཨ་མ་ཆེན་པོ་མི་དྲན་ལ། དྲན་ཀྱང་གཉེན་པོ་བསྟེན་ཚེ་ཞི་འགྲོ་བ་ཡིན་ཀྱང་། རི་བོ་རྨ་ཆེན་གྱི་མགུལ་ན་ཡོད་དུས་མ་འཆི་བ་སེམས་ཀྱིས་ཤེས་པ་འདྲ། ཟླ་བ་བརྒྱད་ལྷག་ངོ་མཐོང་དགུ་སོང་བའི་དུས་བྲོ་ཁ་ཡང་ཚར། དགོང་མོ་གཅིག་ལ་མ་ཡང་དྲན་ནས་ལན་ཅི…

ལ་ཕན་པའི་ཕྱིར། །རང་གི་རྣམ་ཐར་ཡང་ཡང་བརྗོད་ལ་སྤྲོ། །རྨ་ཆེན་གངས་ལ་སྒྲུབ་པ་བྱས་པའི་ཚུལ། །སླར་ཡང་གླུ་རུ་ལེན་གྱིས་དགའ་བས་ཉོན། །དར་དཀར་ལྷ་ལམ་བརྒྱུད་ནས་འོང་བའི་ཚེ། །རྐང་བ་ལྷམ་གྱིས་བ ཤུས་ཚེ་མཚོ་སྨན་གྱིས། །རས་ཞིག་གནང་བ་རླུང་གིས་ཁྱེར་ནས་འོང་། །དེ་ཉིད་མཐོང་བས་ཐམས་ཅད་ཡ་མཚན་སྐྱེས། །མཚོ་ཡི་ཕྱི་རོལ་ཐོན་ནས་གཡས་སྐོར་…

ཤིག་ནས་རང་ཤོང་རྡོ་ཁང་བརྩིགས། །སྐྱེལ་མི་གཉིས་དང་ཁལ་མ་ཕྱིར་ལ་ལོག །རང་ཉིད་གཅིག་པུར་ཉམས་དགའི་མགུར་དབྱངས་བླངས། །རྩེ་གཅིག་སྒོམ་ལ་གཞོལ་ནས་ཉིན་ཞིག་དུས། །གནས་བསྟོད་མགུར་དབྱངས་བླངས་པའི་མཚན་མོ་ཡི། །ཐོ་རངས་ཉམས་ལ་ཨ་མྱེས་རྨ་ཆེན་གྱིས། །བོས་ནས་རིན་ཆེན་གསེར་གྱི་ཁྲི་ལ་བཞག །གསེར་མདོག་པཎ་ཞུ་བསྐོན་ནས་མིང་ཡང་བཏགས། །བསྟན་…

རྣམས་སྙིང་རྗེ་ནས། །མཚོ་ཆེན་ནང་བསྐྱལ་བསྔོ་སྨོན་མཚམས་སྦྱོར་བྱས། །འུག་པ་འཁུན་པར་རྡོ་བརྒྱབ་དགོད་ཁ་ཤོར། །རང་ལ་ཁྲེལ་བདས་འུག་པར་སྙིང་རྗེ་སྐྱེས། །ཐུབ་པའི་དབང་པོས་གཙོ་བྱས་ཕྱོགས་བཅུ་ཡི། །སངས་རྒྱས་བྱང་སེམས་མང་པོའི་ཞལ་གཟིགས་དུས། །ཐུགས་ཀའི་འོད་བྱུང་རྒྱལ་མཚན་ཞིག་ཏུ་གྱུར། །དེ་ཉིད་རང་ལ་གཏད་པའི་ཉམས་སྣང་ཤར། །འཇམ་དབྱང…

བྲག་དཀར་སྤྲེལ་རྫོང་ཐུགས་རྗེ་ཆེན་པོའི་གནས་ནས་སྒྲུབ་པ་བྱས་ཚུལ། བརྒྱད་པ་བྱིན་རླབས་དངོས་གྲུབ་ཀྱི་འབྱུང་གནས་བྲག་དཀར་སྤྲེལ་རྫོང་ཐུགས་རྗེ་ཆེན་པོའི་གནས་སུ་སོང་ནས་སྒྲུབ་པ་བྱས་ཚུལ་ནི། དེ་ནས་ཕར་བལྟས་དཔོན་མེད་ཚུར་བལྟས་གཡོག་མེད། བསྡད་ལས་རྒྱུ་འགྲོ་ན་ལུས་རྒྱུ་མེད་པར་གང་བདེ་སྟབས་བདེ་རང་བྱེད་པའི་རྣལ་འབྱོར་པ་ངས་གནས་མ…

ཡར་ལངས་ཏེ་རྔ་གཟེངས་སྣ་ཤུགས་དུས་གཅིག་ལ་བྱས་ནས། ཚུར་ངའི་སྟེང་དུ་ཐོག་ལྟར་བརྒྱུགས་བྱུང་བས་སྡུན་དུ་ང་ཡང་ཕར་བརྒྱུགས་པས། འབྲོང་གི་མགོ་བོ་དགྱེ་ནས་ཡོང་བ་དང་ཐག་ཉེར་བཏུད་དུས་མགོ་བསྒྱུར་ནས་བྱུང་ཚེ། གོམ་གང་ཙམ་ནས་ང་ཕར་མཆོངས་པས་རྭ་གཉིས་ཀྱི་བར་དུ་སླེབས་པ་དང་འབྲོང་གི་རྭ་ཡར་གཡུག་པའི་ཤུགས་ཀྱིས་གཉའ་སྟེང་དུ་སོན་ཚེ། གཉའ་…

བཞུགས། །འབྲོང་གཡག་བཙན་པོ་ཁ་ཕྱིར་ཕྱོགས། །རྣལ་འབྱོར་བདག་གི་གླུ་འདིར་ཉོན། །དང་པོ་ཉེས་མེད་རྣལ་འབྱོར་ང་། །གསོད་སྙམ་ཐོག་བཞིན་རྒྱུག་དུས་དཔའ། །རྣལ་འབྱོར་ང་ཡང་འཇིགས་པར་གྱུར། །བར་དུ་རྡུང་ཁར་རྣལ་འབྱོར་ང་། །སྟེང་དུ་ཞོན་ནས་གནོད་མ་འཁྱོལ། །སེམས་ཀྱི་དཔའ་ཞུམ་སྐྲག་པ་སྐྱེས། །ཐ་མར་ཁྱི་རྐུན་བཏང་བ་བཞིན། །ཕྱི་མིག་ཙམ་ཡང་མི…

བདག་གི་ཁུར་བོ་ཁུར་ནས་ཚུར་ལ་འོང་བའི་ལམ་བར་དུ། རང་གིས་རང་ལ་འདི་སྐད་ཅེས་སྨྲས་སོ། །ད་ནམ་འཆི་ལ་ངེས་པ་ནི་མི་འདུག འཆི་ན་ཁྱོད་ཀྱི་སློབ་མ་ཡོན་བདག་ཚོ་ལ་ཁ་ཆེམས་ཤིག་འཇོག་ལོས་དགོས། ཁ་ཆེམས་འཇོག་རྒྱུ་ཡིན་ན་ཅི་འདྲ་ཞིག་འཇོག་རྒྱུ་ཡིན་ཞོག་དང་ཞེས་རྣལ་འབྱོར་ཁ་ཆེམས་ཀྱི་གླུ་འདི་ལྟར་བླངས་སོ། །འཆི་བའི་འཇིགས་པ་ལས་གྲོལ་རྒྱལ་ར…

མངོན་དགའི་ཞིང་དུ་འགྲོ །ཞེས་པའང་རྩེ་མཚར་དུ་བླངས་སོ། །དེ་ནས་ཚུར་འོང་བས་སྟོན་ཀ་རི་མགོ་ཐམས་ཅད་ཁ་བས་ནོན་ཚེ་འབྲོང་དང་རི་དྭགས་ཐམས་ཅད་ཤོད་དུ་བབས་ནས། འབྲོང་གཡག་བཙན་པོ་མང་པོས་ལམ་བཀག་ནས། ཉལ་འདུག་པ་རྣམས་ལ་སྐོར་གྱིན་འོང་། དགོང་ཞིག་ལུང་སྟོང་ཞིག་ཏུ་བསྡད་ཚེ་ཕུ་ན་ཤ་བ་ངུ་ཞིང་། མདོ་ན་ཝ་མོ་བརྒྱལ་བ། བར་ན་འུག་པ་འཁུན་པ་སོ…

སར་ལྷུང་གིས་དོགས་པ་མེད། །དུས་ད་ལྟ་བྲག་དམར་ཐེམ་ན་གནས། །མིང་འདབ་བཟང་བྱ་རྒྱལ་རྒོད་པོ་ཟེར། །སྤྲང་ཆུང་ངུའི་དུས་སུ་ཡུལ་ནས་བསྡད། །ལོ་གཞོན་དུས་བླ་མའི་ཞབས་པད་བསྟེན། །ཡར་ཆོས་སྒོར་ཞུགས་ནས་སེམས་རྩལ་སྦྱངས། །མར་ངན་འགྲོར་ལྟུང་གིས་དོགས་པ་མེད། །དུས་ད་ལྟ་དབེན་པའི་རི་ན་གནས། །མིང་བྱ་བཏང་ཚོགས་དྲུག་རང་གྲོལ་ཟེར། །ཞེས་བླངས…

ཟེར། ཡང་ཡོན་བདག་གཅིག་ན་རེ། ཁྱེད་ཀྱི་མ་ལོ་དུ་ཡིན་ཟེར་བས། ལོ་ལྔ་བཅུ་ང་གཉིས་ཡིན། ལོ་རྗེས་མ་ལོན་ན་ང་གསུམ་དུ་ཐོན་རྒྱུ་ཡིན་བྱས་པས། ཨ་མ་ལོ་ལོན་མ་རེད། ཁྱེད་ཀྱིས་ངེད་ཚོ་འཇིག་རྟེན་པའི་ལད་མོ་མ་བྱེད། ཐུགས་ལྷོད་ལྷོད་གྱིས་ལ་བཞུགས་དང་ངེད་ཚོས་མཐུན་རྐྱེན་ཁྱེར་འོང་ཟེར་ནས། ཀུན་གྱིས་བཤོལ་བཏབ་པའི་ངོ་མ་ཆོག་པར་ཁ་ལ་ཉན་ནས་ས…

སྐྱོ་ཤས་ཤར་ལགས་སམ། །བྱམས་དང་སྙིང་རྗེ་བསྐྱེད་ལགས་སམ། །བདག་གཞན་མཉམ་བརྗེས་བསྒོམས་ལགས་སམ། །བཟོད་པའི་གོ་ཆ་གྱོན་ལགས་སམ། །སྣང་བ་སེམས་སུ་ཤར་ལགས་སམ། །སྒྱུ་མའི་ཆོ་འཕྲུལ་གོ་ལགས་སམ། །འཁོར་བའི་ཆོས་ལ་སྐྱོ་ལགས་སམ། །ཐར་པའི་ཡོན་ཏན་དྲན་ལགས་སམ། །དགྲ་གཉེན་དབྱེར་མེད་གོ་ལགས་སམ། །ཆོས་དང་རྐྱེན་གཉིས་བསྡུར་ལགས་སམ། །ཆོས་ལ་རྒྱ…

ཅན་དེ་ཡི་ཐུགས་རྗེ་ཡིས། །དཀའ་ལས་ངལ་དུབ་མེད་པར་སླེབས། །དེང་དུས་མཚོ་མཇུག་རི་བོ་ན། །བློ་ཕབ་བདེ་བར་གནས་པའི་སྐབས། །ཨ་མའི་ན་བཟའ་གསོལ་ཙ་ན། །གནས་དེར་མཇལ་དུ་འགྲོ་འདོད་ཡོད། །ཨ་མའི་ཕོ་བྲང་ཉམས་བདེ་ན། །ཁོ་བོ་དེ་རུ་འདུག་འདོད་ཡོད། །བུ་ཁྱོད་སེམས་ན་ཇི་ལྟར་མཆིས། །དངོས་མཇལ་བགྲོས་སོགས་ཐུབ་ན་རབ། །མིན་ཀྱང་གང་དགོངས་གསལ་བོར…

གདེང་རྙེད་བདེ། །ངེད་ཕ་བུ་མ་ཤི་བདེ་བ་ལེགས། །ཆོས་འཇིག་རྟེན་ཁ་ཏ་རིམ་པས་བྱ། །བུས་བདེ་ཚུལ་ཕ་ལ་ཞུས་པའི་མཐུས། །མ་འགྲོ་ཀུན་བདེ་ཞིང་སྐྱིད་པར་ཤོག །ཨེ་མ་རྗེ་བཙུན་རིན་པོ་ཆེ། །བྱང་ཆུབ་བར་དུ་བདག་ཅག་སྐྱོངས། །བདག་ནི་རབ་དཀར་གངས་ཁྲོད་དུ། །སོང་ཚུལ་བསྡད་ཚུལ་རྒྱས་པར་ཞུ། །མཚོ་སྙིང་དབེན་པའི་དགའ་ཚལ་དུ། །རྣམ་གཡེང་འདུ་འཛི་ཇེ…

གངས་རིའི་ནང་ནས་གདངས་སྙན་གྱི། །ངོ་མཚར་སྒྲ་ཞིག་འབྲུག་བཞིན་ལྡིར། །རང་ཉིད་དགའ་ཞིང་སྤྲོ་བ་འཕེལ། །དེ་ནས་ཟླ་གཅིག་བསྡད་པའི་འཕྲོར། །ཉིན་ཞིག་མཉམ་བཞག་ཅིག་གི་དུས། །ཉམས་ལ་མི་དཀར་ཞིག་གིས་བོས། །གུར་དཀར་བརྒྱ་ཕྲག་དུ་མའི་དབུས། །ཤིན་ཏུ་མཛེས་པའི་གུར་ནང་སོང་། །རབ་ཏུ་མཐོ་བའི་ཁྲི་ཞིག་ན། །རྒྱལ་པོ་ཆེན་པོ་ཞིག་བཞུགས་སྣང་། །གཡ…

ཕྱིན་ཆད་འགྲོ་ལ་མི་གནོད་པའི། །མནའ་བླངས་འོག་སྒོར་མར་ལ་བཏང་། །ཕྱི་ཉིན་ཁོག་པའི་ནང་རྣམས་ཀུན། །ཅུང་ཟད་མི་བདེ་བ་ཞིག་བྱུང་། །རྡོར་སེམས་བསྒོམ་བཟླས་བྱས་པས་བདེ། །དེ་ནས་ཟླ་བ་བཞིའི་ནང་ལ། །མགོ་ལོག་ཇག་པ་མི་འགའ་བྱུང་། །བྲོ་ཁའི་ཕྱེད་ཀ་ཁྱེར་ནས་སོང་། །འགྲོ་ཀུན་ཕ་མ་ཡིན་ཚུལ་བསམ། །བྱམས་དང་སྙིང་རྗེ་ཡང་ཡང་བསྒོམས། །ཁེ་དང་རྒ…

བྱུང་། །དེ་ནས་ཟླ་བ་བརྒྱད་སོང་ཚེ། །བྲོ་ཆད་ཚུར་ལ་ཡོང་དགོས་ཤར། །ལམ་ནས་ཉིན་ཞིག་ཉིན་གུང་ལ། །དྲེད་མོང་མ་བུ་གཉིས་ཙམ་མཐོང་། །འཇིགས་པས་ལྟ་བའི་བོགས་འདོན་བྱས། །ཉིན་ཞིག་ཕྱི་དྲོ་སྡུན་ཚོ་ནས། །འབྲོང་གཡག་བཙན་པོ་ཞིག་ཡར་ལངས། །རྔ་ཟིང་སྣ་ཤུགས་དུས་གཅིག་བྱས། །ཚུར་ལ་ནམ་མཁའི་ཐོག་ལྟར་བྱུང་། །སྟབས་ཁ་ཡག་པ་ཞིག་འཕྲོད་ནས། །འབྲོང…