འཛིན་བཟང་མོ་དང་། །དོན་འགྲུབ་སྒྲོལ་མ་རྣམ་གཉིས་ལ། །བྱ་བཏང་ཚོགས་དྲུག་རང་གྲོལ་གྱིས། །ཞལ་གདམས་ཚིག་འགའ་བཤད་ཀྱིས་ཉོན། །མཚན་ལྡན་བླ་མ་གུས་པས་སྟེན། །ཆོས་མཐུན་བརྩེ་བའི་གྲོགས་དང་འགྲོགས། །ངོ་ལྐོག་མེད་པར་སྡོམ་པ་སྲུངས། །བཟོད་པ་ཚིག་ངན་བྱུང་དུས་སྒོམས། །སྦྱིན་པ་ཟས་ནོར་ཡོད་དུས་ཐོངས། །ཕྱག་སྐོར་སྒྱུ་ལུས་བདེ་དུས་གྱིས། །ག…

ཆོས་རྣམས་ཐམས་ཅད་དེ་བཞིན་ཤེས་པར་གྱིས། །ཇི་ལྟར་ནམ་མཁའ་དྭངས་པར་ཟླ་ཤར་ན། །དེ་ཡི་གཟུགས་བརྙན་དྭངས་པའི་མཚོར་སྣང་སྟེ། །ཟླ་བ་ཆུ་ཡི་ནང་དུ་འཕོས་པ་མེད། །ཆོས་རྣམས་ཐམས་ཅད་དེ་བཞིན་ཤེས་པར་གྱིས། །ཇི་ལྟར་མི་རྣམས་བྲག་རིའི་ཁྲོད་འདུག་ནས། །གླུ་ལེན་སྨྲ་དང་དགོད་དང་ངུ་བ་དང་། །བྲག་ཆ་ཐོས་ཀྱང་སྣང་བ་མེད་པ་ལྟར། །ཆོས་རྣམས་ཐམས་ཅད་…

འགྲོ་བ་ཡི། །སྨིག་རྒྱུ་དག་ལ་ཆུ་ཡི་ཕུང་པོར་མཐོང་། །ཆོས་རྣམས་ཐམས་ཅད་དེ་བཞིན་ཤེས་པར་གྱིས། །སྨིག་རྒྱུ་ལ་ཡང་ཆུ་ནི་ཡོད་མེད་ན། །སེམས་ཅན་རྨོངས་པ་དེ་ལ་འཐུང་འདོད་དེ། །མི་བདེན་ཆུ་ནི་བཏུང་བར་འོངས་མི་ནུས། །ཆོས་རྣམས་ཐམས་ཅད་དེ་བཞིན་ཤེས་པར་གྱིས། །ཇི་ལྟར་ཆུ་ཤིང་རློན་པའི་སྡོང་པོ་ལ། །སྙིང་པོ་འདོད་ཕྱིར་སྐྱེ་བུས་དེ་གཤགས་…

བཅད་ལྷུག་སྤེལ་མར་བཤད་པ་འཇམ་དབྱངས་སྤྲུལ་པའི་གླེགས་བམ་གཉིས་ཀྱི་ལུང་ཁྲིད་ཉི་མ་མང་པོའི་བར་དུ་བྱས་པའི་དུས་སུ། ནམ་མཁའི་ཁམས་ལ་འཇའ་འོད་ཀྱི་གུར། མེ་ཏོག་གི་ཆར། ངོ་མཚར་གྱི་དྲི་བཟང་པོ་འཐུལ་བ་དང་ནམ་མཁའ་ལྷའི་ཆོས་ཉན་གྱིས་གང་ཡོད་སྙམ་པ་བྱུང་། དེ་ལྟར་བཤད་པས་སྐལ་ལྡན་དབང་བོ་ཡང་རབ་རྣམས་ཀྱིས་རྒྱལ་བའི་གསུང་རབ་ཀུན་གྱི་གནད་…

གདམས་བསྟན་པའི་མེས་པོ་མཉམ་མེད་ཇོ་བོ་རྗེ་དང་། འབྲོམ་སྟོན་པ་ཡབ་སྲས་རྣམས་ཀྱིས་ཆོས་ཕུང་བརྒྱད་ཁྲི་བཞི་སྟོང་གི་ཉིང་ཁུ་རྣམས་སྐྱེས་བུ་གསུམ་གྱི་རིམ་པར་དྲིལ་ནས། ཉམས་སུ་བླངས་ཆོག་ཆོག་བྱས་ཡོད་པའི་གླེགས་བམ་རྣམས་ཀྱི་ནང་ནས། གསུང་བགྲོས་དང་གཏམ་རྒྱུད་རྣམས་བདག་གིས་ཚུར་བླངས་ནས་མགོ་མཇུག་བསྒྲིགས་ཏེ་གླེགས་བམ་དུ་བྱས་པ་ཡིན་པས…

སྤྲུལ་པའི་གླེགས་བམ་ཡང་རྒྱལ་བའི་གསུང་རབ་རྒྱ་བོད་ཀྱི་མཁས་གྲུབ་རྣམས་ཀྱི་གསུང་འབུམ་ལས་གཏམ་རྒྱུད་རྣམས་བསྡུས་ནས་བརྩམས་པ་ཡིན་པས་ན། དེ་སྐད་ཅེས་བཏགས་པ་ཡིན་པས། དེ་ལ་སོགས་པའི་བདག་གིས་བརྩམས་པའི་གླེགས་བམ་རྣམས་ཀྱི་མཚན་མ་འོངས་པའི་གདུལ་བྱ་རྣམས་ལ་ཕན་པའི་བྱིན་རླབས་དུས་གསུམ་སངས་རྒྱས་རྣམས་ཀྱིས་མཛད་ཡོད་པས། ཀུན་གྱིས་ཉམས་…

ཁང་ཆེན་པོ་རྒྱུ་རིན་པོ་ཆེ་སྣ་ཚོགས་ལས་གྲུབ་པ་ཞིག་གི་དབུས་ན་ཤེལ་གྱི་མཆོད་རྟེན་ཆེན་པོ་དྲི་མ་མེད་པ། ཕྱི་ནས་བལྟས་ན་ནང་གསལ་བ། ནང་ནས་བལྟས་ན་ཕྱི་གསལ་བ་དྭངས་གསལ་འོད་ཀྱི་རང་བཞིན་ཅན་ཞིག་གི་ནང་ན་ཡི་དམ་བདེ་མཆོག་འཁོར་ལོའི་གཙོ་བྱས་པའི། རྒྱུད་སྡེ་བཞིའི་ལྷ་ཚོགས་མ་ལུས་པ་མེ་ལོང་ལ་གཟུགས་བརྙན་ཤར་བ་ལྟར་སོ་སོར་མ་འདྲེས་པར་ཁ…

ཀྱིས་ཁོང་རྣམས་གནས་པའི་ས་ཕྱོགས་དེར་སོང་ནས་བྱིན་གྱིས་བརླབས་པའི་དམིགས་པ་ཡང་ཡང་བྱས་པའི་རྟེན་འབྲེལ་ལ་བརྟེན་ནས། ཉིན་གཅིག་ལས་སྣང་དག་པའི་ཤིང་འཐུན་དང་ཕྱུགས་རྫི་འགའ་ཞིག་གི་མཐོང་སྣང་ལ། གངས་ཏེ་སེའི་ཕྱོགས་ཀྱི་ནམ་མཁའི་ཁམས་ནས་ངའི་ལག་པ་གཉིས་སུ་དར་ལྕོག་དཀར་པོ་རེ་བཟུང་སྟེ་འཕུར་ནས་འོངས། ཤེལ་མོ་གངས་ཀྱི་རྩེར་བབས་ནས་དར་ལ…

རྣམས་ཀྱི་དད་མོས། བདག་གི་ལྷག་བསམ་དག་པའི་མཐུས། ཡུལ་ཕྱོགས་ཐམས་ཅད་ལ་བཀྲ་ཤིས་ཤིང་ལོ་ཕྱུགས་ལེགས། གསེར་ཁ་བརྡོལ་བ་ལ་སོགས་པ་སྔར་མེད་པའི་བདེ་སྐྱིད་ཀྱི་ཉི་མ་གསར་དུ་ཤར་བས། ཕྱོགས་དེའི་སྐྱ་སེར་ཕོ་མོ་རྣམས་ཀྱིས་བླ་མ་དཀོན་མཆོག་གི་བཀའ་དྲིན་དུ་གོ་ནས་དད་པ་ཆེན་པོའི་སྒོས་དམ་པའི་ཆོས་ལ་ལོངས་སྤྱོད་པའི་སྐལ་བ་བཟང་བོ་བྱུང་། ལར…

ཐོག་དྲངས། རང་རང་ལ་གང་ཡོད་ནོར་གྱིས་འབྲེལ་བ་སྣ་རེ་ཕུལ་ཏེ། རབ་ཏུ་གུས་པའི་སྒོ་ནས། བླ་མ་རིན་པོ་ཆེ་ཁྱེད་ཀྱིས་ད་ལོ་ལྟོ་གོས་ཆོས་གསུམ་གྱི་སྒོ་ནས་བསྐྱངས་པས་བཀའ་དྲིན་ཤིན་ཏུ་ཆེ། ད་ནི་གནས་ངེས་མེད་འགྲིམས་ནས་འགྲོ་ན་ཇི་ལྟར་བྱ་དགོས་ཀྱི་ཞལ་གདམས་ཤིག་ཐུགས་བརྩེ་བས་གཟིགས་ཞེས་ཞུ་དོན་གླུ་རུ་ཕུལ་བ། སྐུ་སངས་རྒྱས་ཀུན་གྱི་ངོ་བ…

ཕྱིར་སྒྲུབ་པའི་མཆོད་པ་འབུལ། །སྤྲང་ཕྱོགས་མེད་རྒྱལ་ཁམས་འགྲིམས་པའི་ཚེ། །ནང་སེམས་ལ་ཕན་པའི་ཞལ་གདམས་ཞུ། །རྗེ་རྩ་བའི་བླ་མ་རྡོ་རྗེ་འཆང་། །ཚེ་བློ་ཡིས་ཐོངས་པར་བྱིན་གྱིས་རློབས། །ཞེས་སྨྲས་པའི་ལན་དུ། འོ་བུ་ཀུན་སྤྱིར་སྐྱེ་འཆི་འཁོར་བའི་ཉེས་དམིགས་བསམས་ནས་ཚེ་བློས་བཏང་སྟེ་ཡར་ཐར་པ་དང་ཐམས་ཅད་མཁྱེན་པའི་གོ་འཕང་འཐོབ་འདོད་…

ཕྱོགས་མེད་ཀྱི་རྒྱལ་ཁམས་འགྲིམ་དུས་འདི་ལྟར་གྱིས་ཞེས་གླུ་འདི་བླངས་སོ། །ཕྱོགས་མེད་རྒྱལ་ཁམས་འགྲིམ་པའི་ཚེ། །སྤྱི་བོར་རྩ་བའི་བླ་མ་སྒོམས། །སྐྱིད་རུང་སྡུག་རུང་གསོལ་བ་ཐོབ། །ལྟོ་གོས་ཆོས་གསུམ་འཛོམས་ནས་འོངས། །སྐྱིད་ན་བླ་མའི་ཐུགས་རྗེ་ཡིན། །སྡུག་ན་སྤྲང་པོའི་ལས་འཕྲོ་ཡིན། །ལྟོ་གོས་གཉིས་ཀྱིས་ཕོངས་ན་ཡང་། །མི་ངན་ཁྲེལ་མ…

ན་བསམ་བློ་མ་མང་བར། །བླ་མའི་གདམས་ངག་ཉམས་སུ་ལོངས། །ལེ་ལོ་སྙོམས་ལས་མ་བྱེད་ཅིག །བརྩོན་འགྲུས་ཤིན་ཏུ་མྱུར་བ་གཅེས། །ཞེས་སྨྲས་ནས་ཁོང་རྣམས་ལ་ཅོག་པུ་ཟས་གོས་སོགས་མཁོ་བའི་ཡོ་བྱད་རྣམས་སྤྲད་པས། མཆེད་གྲོགས་རྣམས་ཀྱི་ནང་དུ་བོས་ནས་ཇ་དྲངས་སྙིང་གཏམ་བྱས་ཏེ་ཁ་བཏགས་གཡོགས་ནས། འགྲོ་བའི་ཉིན་ཚོགས་ཀྱི་འཁོར་ལོ་རྒྱ་ཆེན་པོ་བསྐོར།…

འཆི་བ་རང་དྲན་བྱུང་། །འདི་དང་འདི་འདྲ་ཡི་ཚུལ་ལ། །བསམ་བློ་ཞིབ་ཏུ་རང་བཏང་ཚེ། །སྙིང་པོ་གང་ལ་ཡང་མི་འདུག །སྙིང་པོའི་ལྷ་ཆོས་ཤིག་མཛད་ན། །ཀུན་སྤངས་གཙང་མ་ཞིག་བྱས་ནས། །རི་ཁྲོད་དབེན་པ་ཡི་གནས་སུ། །རྩེ་གཅིག་ཉམས་ལེན་ལ་འབུངས་དང་། །རང་རེ་དཔོན་སློབ་ཀྱི་ཚོགས་རྣམས། །ད་ནི་མི་མཇལ་བར་གྱུར་ཀྱང་། །ཕྱི་མར་དག་ཞིང་དུ་མཇལ་བའི། །…

ནས་མཆེད་གྲོགས་རྣམས་ཀྱིས་སྐྱེལ་ཐུང་བྱས་ཏེ། བལ་ཡུལ་སོགས་གནས་ངེས་མེད་འགྲིམ་དུ་སོང་ངོ་། །ཡང་གནས་ཆེན་དེར་ལོ་གཉིས་ལྷག་ཙམ་སོང་ཚེ་སློབ་མ་རྣམས་ལ་རང་ཉིད་འགྲོ་བའི་གཏམ་མང་པོ་བྱས་ཉིན་གཅིག་གླུ་དབྱངས་འདི་འདྲ་བླངས་ཁུ་བྱུག་ལྕང་གླིང་གྲུ་བཞིར། །རྒྱུ་བ་དགའ་མོ་འདུག་སྟེ། །ཐག་རྙི་ཕྲ་མོས་ནམ་ཟིན། །མི་ཤེས་པ་དེ་སྐྱོ་བྱུང་། །ལ…

ཉི་མ། །གླིང་བཞིའི་མུན་པ་སེལ་ཕྱིར། །འགྲོ་བ་དགའ་མོ་འདུག་སྟེ། །འབྲལ་བའི་སྐྱོ་བ་ལྡུམ་རའི། །མེ་ཏོག་ངེད་ལ་འོང་བས། །ད་དུང་འོད་ཟེར་སྤྲོ་བཞིན། །དགུང་སྔོན་འདི་རུ་བཞུགས་ཤིག །འཁྲུངས་ས་གངས་རི་མཐོན་པོར། །འཁྲུངས་པའི་དར་སེང་དཀར་མོ། །གཅན་གཟན་ཁྲིམས་ལ་འགོད་ཕྱིར། །འགྲོ་བ་དགའ་མོ་འདུག་སྟེ། །འབྲལ་བའི་སྐྱོ་བ་ནགས་ཀྱི། །རི་ད…

འགྲིམས་པའི། །བྱ་བཏང་རྣལ་འབྱོར་སེམས་པ། །དབེན་པའི་རི་ལ་ཤོར་ཡང་། །རྒྱལ་ཁམས་འགྲིམས་པ་བཞག་ནས། །རྣལ་འབྱོར་སྒོམ་སྒྲུབ་བྱེད་ས། །གནས་ཆེན་འདི་རུ་བྱས་ཡོང་། །ཞེས་སྨྲས་པས། བུ་སློབ་ཐམས་ཅད་དགའ་ཞིང་སྤྲོ་བཞིན་བདག་ལ་འབུལ་བ་དང་ཚོགས་ཀྱི་དགའ་སྟོན་བཟང་བོ་བྱས། ཀུན་གྱིས་སྐྱིད་པའི་གླུ་དབྱངས་འདི་བླངས་སོ། །དྲི་ལྡན་མེ་ཏོག་པདྨོ…

སེམས་ལ་ཕན་པའི་མགུར་ཞིག་དང་། གནས་ཆེན་གངས་མཚོ་གཉིས་ལ་བསྟོད་པ་ཉུང་འདུས་ཤིག་དགོས་ཞེས་བསྐུལ་ངོར་གླུ་དབྱངས་འདི་རྣམས་བླངས་སོ།། །།ཆུ་བོ་ཆེན་པོ་རྣམ་བཞི། །འོངས་པའི་ཆུ་ཡི་འགོ་བོ། །མཚོ་ཆེན་མ་ཕམ་གཡུ་མཚོ། །དེ་ན་བཞུགས་པའི་ཀླུ་དབང་། །ས་འདིར་བཀྲ་ཤིས་དགེ་ལེགས། །སྩོལ་བའི་བདག་པོ་ལོས་ཡིན། །མི་རིགས་མི་གཅིག་རྣམ་བཞི། །རྒྱུ…

ཚ་ཡང་། །ངང་བའི་གྲོགས་སུ་ཤར་སོང་། །དབྱངས་སྙན་སྒྲོག་བཞིན་པད་མཚོར། །འཇུག་ལ་དགའ་སྤྲོ་ཡོད་དྲག །སྐྱེད་མོས་ཚལ་ན་ཟློས་གར། །རྩེ་ལ་ལྟད་མོ་ལྟོས་དང་། །མི་འདོད་རྐྱེན་ངན་བྱུང་ཀྱང་། །ཆོས་པའི་གྲོགས་སུ་ཤར་སོང་། །བྱང་སེམས་སྒོམ་བཞིན་ས་ལམ། །བགྲོད་ལ་དགའ་སྤྲོ་ཡོད་དྲག །དབེན་པའི་གནས་སུ་བློ་སྦྱོང་། །སྒོམས་ལ་ལྟད་མོ་ལྟོས་དང་།…

མ་རྣམས་ཀྱིས་ཀྱང་། གནས་རེར་ལོ་རེ་གཉིས་ལས་མི་བཞུགས་པར་ཕེབས་པ་དེ། བཞུགས་མ་ཚུགས་པ་མ་ཡིན། དེ་ལ་རང་གཞན་ལ་ཕན་པའི་དགོས་པ་ཆེན་པོ་ཡོད་པ་ལྟར། བདག་ཀྱང་གནས་བཟང་བོ་འདིར་སླེབས་ནས་ལོ་གསུམ་ཙམ་འགྲོ་བར་གདའ། དེའི་བར་ལ་ཁྱེད་རྣམས་ལ་རང་གིས་གང་ཤེས་ཀྱི་གདམས་པ་རྣམས་སྦ་གསང་མེད་པར་བསྟན་སོང་། ཉམས་སུ་ལེན་ན་ཁྱེད་རྣམས་ཀྱི་དོན་ཀྱང་…