ཤིས་དཔལ་བརྩེགས་ཞེས་བྱ་ལས། །ལྕགས་མོ་གླང་གི་ལོ་ལ་སྐྱེས་པའི་ཚེ། །དཔོན་གྱིས་མིང་ལ་ངག་དབང་བཀྲ་ཤིས་བཏགས། །རྗེས་སུ་སྲིང་མོ་གཉིས་ཀྱང་སྐྱེས་པའི་མིང་། །ཀླུ་མོ་བྱམས་དང་ཀླུ་མོ་སྐྱིད་ཅེས་ཟེར། །ཆེར་སོང་ཀླུ་མོ་བྱམས་ནི་མི་ལ་བྱིན། །ཀླུ་མོ་སྐྱིད་ཀྱིས་རང་གི་ཕ་ཡུལ་བཟུང་། །རང་ཉིད་སྐྱེས་པའི་ལོ་དེར་ཡུལ་ཁམས་ལ། །ལོ་ཕྱུགས་ལེ…

ཞབས་དྲུང་ནས། །རྫོགས་ཆེན་ཨ་ཏི་ཟབ་དོན་དབང་ཁྲིད་སོགས། །ཉན་དུས་སེམས་ཀྱི་གནས་ལུགས་ཤེས་པ་བྱུང་། །བླ་མ་མཆེད་གྲོགས་འགའ་རེས་སྔོན་སྦྱངས་ཀྱི། །ལས་འཕྲོ་ཅན་ཞིག་ཡིན་པར་འདུག་ཅེས་གླེང་། །དེ་ནས་བཟུང་སྟེ་ཤེས་རྒྱུད་འཇམ་དུ་སོང་། །སུ་དང་འགྲོགས་ཀྱང་ཀུན་དང་མཐུན་པ་བྱུང་། །ལོ་གཅིག་བཛྲ་གུ་རུའི་བསྙེན་པ་བཏང་། །བར་ཆད་མེད་པར་བསམ…

རབ་ཏུ་བྱུང་ཚུལ། གཉིས་པ་འཇིག་རྟེན་འཁོར་བའི་ཆོས་ལ་སྙིང་པོ་མེད་པར་བསམས་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བའི་ཚུལ་ནི། ཉིན་གཅིག་རྩ་བའི་བླ་མ་འཇམ་དབྱངས་རིན་པོ་ཆེའི་སྐུ་མདུན་དུ་སོང་ཚེ། ཁྱོད་ཀྱིས་ཅི་འདོད་ཆུང་མ་ཞིག་ལེན་རྒྱུ་མ་ཡིན་ནམ་གསུངས་པའི་ལན་དུ་བདག་གིས་འདི་སྐད་ཅེས་ཞུས། འཇིག་རྟེན་འཁོར་བ་འདིའི་ནང་དུ་མི་སྐྱེ…

མི་བརྟན་ཅིང་སྡུག་བསྔལ་གྱི་རང་བཞིན་དུ་སྣང་། སྒོས་སུ་འཇིག་རྟེན་ཁྱིམ་ཐབ་འདི་མེའི་འོབས། སྲིན་མོའི་གླིང་། དུག་སྦྲུལ་གྱི་ཚང་ལྟ་བུ་ཡིན་ལ། །འཁོར་བའི་ཕུན་ཚོགས་ནོར་ལོངས་སྤྱོད་འཛོམ་པོ་རྣམས་ཀྱང་དུག་དང་འདྲེས་པའི་ཁ་ཟས། སྤུ་གྲིའི་ཁ་ཡི་སྦྲང་རྩི། དུག་སྦྲུལ་མགོ་ཡི་ནོར་བུ་ལྟར་རེག་ན་ཡང་ཕུང་ན། དེ་ཉིད་བསྟེན་པ་སྨོས་ཅི་དགོ…

ཞིང་། རི་ཁྲོད་དབེན་པའི་བསིལ་གྲིབ་ཏུ་འཁོད་ནས་འདི་ལྟར་བསྡད་ཡོད་མོད་ཅེས། སྐུ་དྲང་བོར་བསྲང་། སྤྱན་མི་བཙུམ་པར་ཧ་རེ་བྱས་ཏེ་ཅུང་ཟད་ཅིག་གནས་ལུགས་ཀྱི་ངང་ལ་མཉམ་པར་བཞག་ནས་ཅིག་བཞད་པར་གདའ། དེ་ད་ལྟ་བསམ་ན་ལུང་བསྟན་དུ་འདུག རྗེས་ནས་ཁོང་གིས་གསུངས་པ་ནང་ལྟར་རི་ཁྲོད་ནས་སྒོམ་སྒྲུབ་བྱེད་རྒྱུའི་སྐལ་བ་བྱུང་། དེ་དུས་ཡུལ་གྱི་…

ཉལ་སྡོད་པ་ཞིག་གིས་ཅི་བྱ་སྨྲས་པས། མི་འགའ་རེ་རྒོད་ཅིང་འཛུམ། ཤ་ཉེ་ཞིག་ན་རེ། ཁྱོད་ཀྱིས་འདོད་པ་ལྟར་བུད་མེད་བཟང་མོ་ཅི་འདྲ་ཞིག་ལེན་དགོས་རུང་། ངེད་རྣམས་ཀྱིས་རྒྱུ་སྣོན་ཟས་སྣོན་བྱས་ནས་ལེན་ཟེར་བ་ལ། འོ་ངས་ཁྱེད་རྣམས་ལ་རྩེད་མོ་བྱས་པ་ཡིན། འཇིག་རྟེན་གྱི་ཁམས་འདི་ན་ཕ་ཕྱུག་གི་བུ་མོ་གཟུགས་མཛེས་པ། སྐད་སྙན་པ། སེམས་བཟང་བ།…

བ་ཞིག་བླངས་ན་ཡང་འདོད་པ་མི་སྐྱེ་བར། དེང་སང་གཞོན་དུས་འདིར་དམ་པ་གོང་མའི་རྣམ་ཐར་བཞིན་ཆོས་ཤིག་བྱས་ནས། ཕྱི་མར་འཁོར་བའི་ནང་འདིར་མི་སྐྱེ་བར་བདེ་ཆེན་དག་པའི་ཞིང་དུ་སྐྱེས་ནས། སྐྱེ་འཆི་འདུ་འབྲལ་མེད་པའི་འཁོར་དང་འགྲོགས་ཏེ་དམ་པའི་ཆོས་ཀྱི་དགའ་སྟོན་ལ་ལོངས་སྤྱོད་པའི་སྨོན་ལམ་ཐོབས་སྙམ་པ་བྱུང་ཞེས་སླར་ཡང་ཚིགས་སུ་བཅད་ནས་ས…

བླངས། སྔར་བདག་པོ་གྱིས་ཟེར་བའི་བུད་མེད་གཞོན་ནུ་མ་དེ་ལ་ཡང་བདག་པོ་མ་བྱས་པས། ཤ་ཉེ་ཞིག་གི་བུས་བདག་བྱས་པས་མོ་ཡང་དགའ་ཞིང་། ངས་ཀྱང་ཆོས་བསྒྲུབ་པའི་གྲོགས་སུ་སོང་། སྐབས་ཤིག་ཨ་མ་དང་། མཆེད་གྲོགས་ཤ་ཉེ་བརྗེ་ཟེར་བ་གཉིས་འཁོན་དུས། ངས་བར་བཤོལ་ནས་དམ་ཚིག་མ་དཀྲུགས། ཕྱི་ནས་ཁོའི་ཁྲོ་བ་ཞི་དུས་ང་ཡང་ཁྱིམ་དུ་བོས་ནས་ངེད་གཉིས་ཀྱ…

ཤེས་ཚད་ཀྱི་དོན་བཤད་ནས་རྒན་རྒོན་རྣམས་ཀྱི་བློ་ཁ་ཆོས་ལ་བསྒྱུར། གསུང་མགུར་ནང་ན། ཁྱེད་དབེན་པའི་རི་ལ་ཡིད་སྤྲོ་ན། །རི་ན་བུན་ཅན་གྱི་སྐྱིབས་ཤེད་ན། །གཡའ་རྫ་བྲག་གི་ཕུག་པ་རང་བྱུང་ཡོད། །གནས་དེ་འདྲ་བསྟེན་ན་འཕྲལ་ཕུགས་སྐྱིད། །ཅེས་པ་ལ་སོགས་པའི་རི་ཁྲོད་དབེན་པའི་བསྔགས་བརྗོད་ཀྱི་སྐོར་རྣམས་འདོན་པའི་ཚེ། གནས་དབེན་པ་འདི་འད…

པས། ཨ་མས་ཡང་མཆི་མ་འབྱིན་ཞིང་ངའི་སེམས་གསོ་བའི་ཕྱིར་དུ། མ་ཡིས་ཆུང་ནས་བསྐྱངས་པའི་བུ་གཅིག་པོ། །མྱ་ངན་མ་བྱེད་ཨ་མའི་གཏམ་ལ་ཉོན། །སྐུ་དྲིན་ཁྱོད་ལ་ཆེ་བ་ཕར་ལ་ཞོག །ངར་ཡང་ཆོས་འབྲེལ་ཆེ་བའི་བླ་མ་ཡིན། །གློ་བུར་བླ་མ་གཤེགས་ལ་སེམས་སྐྱོ་ཡང་། །ཤུལ་ནས་མྱ་ངན་བྱས་པས་ཅི་ལ་ཕན། །བླ་མའི་ཐུགས་དགོངས་ཡོངས་སུ་རྫོགས་པའི་ཕྱིར། །ཅི་…

སངས་རྒྱས་བརྒྱ་མཆོད་སྟོང་མཆོད་ལས། །བླ་མའི་བ་སྤུ་གཅིག་མཆོད་ལྷག །དུས་གསུམ་རྒྱལ་བས་མགྲིན་གཅིག་གསུངས། །ཞེས་སྨྲས་པས། ཤ་ཉེ་ན་རེ། ཁྱེད་མ་བུ་ཚོའི་ཁ་མི་སོས་སྙམ་ནས་བསམ་པ་དཀར་པོའི་ངོས་ནས་བཤད་པ་ཡིན།.ཁ་ལ་མི་ཉན་ན་ངས་དགེ་བའི་ཁ་འགགས་བྱེད་དོན་མེད་ཟེར་ནས་སོང་ངོ་། །ངས་མཛོ་མོ་ཁྲིད་དེ་གདུང་མཆོད་ཀྱི་ཐེབས་སུ་ཕུལ་ནས་ཐུགས་དག…

སྐྱེས་སོ། །རྟགས་དེ་རྣམས་ལ་བལྟས་ན་རེ་ཞིག་མངོན་དགའི་ཞིང་དུ་གཤེགས་པ་ཡིན་ནམ་སྙམ་པ་བྱུང་། དེ་ནས་བླ་མ་ཞིང་གཞན་དུ་གཤེགས་པ་ལ་སེམས་སྐྱོ་ཞིང་ཕ་ཡུལ་དུ་བག་ཕེབས་པོ་ཞིག་མ་བྱུང་བར་བརྟེན། ཆོས་གྲོགས་མཐོང་སའི་མཚམས་པ་དང། སྟོབས་ཚང་བླ་མ་སོགས་མཆེད་གྲོགས་འགའ་དང་འགྲོགས་ནས། གནས་ཆེན་ཏན་ཏིག་ཡང་ཏིག་དང་། བྱམས་པ་འབུམ་གླིང་། ལོ་ར…

འཛིན་རིན་པོ་ཆེའི་དྲུང་ནས། གཤིན་རྗེ་དྲེགས་པ་འཇོམས་བྱེད་ཀྱི་དབང་དང་། གསང་བདག་དྲེགས་པ་ཀུན་འདུལ་གྱི་དབང་། སྡེ་བརྒྱད་སྲོག་དབང་དང་། ཆོ་གའི་ལུང་ཡང་མང་པོ་ཐོབ། མཁས་གྲུབ་གཉིས་འཛོམས་བེའུ་ཐང་དཔལ་ལྡན་རིན་པོ་ཆེའི་མདུན་ནས། ཐུགས་རྗེ་ཆེན་པོ་བཅུ་གཅིག་ཞལ་གྱི་དབང་དང་། སྨྱུང་གནས་ཆོ་གའི་ལུང་ཐོབ། གྲུབ་དབང་ཚོ་འདུའི་མཁན་ཆེན…

ཆོས་རྣམ་དག་ཅིག་བྱ་དགོས་པས་མི་ཚད་འཕྱིས་སོང་སྙམ་པ་དང་། སྐྱོ་བ་ཚད་ལས་འདས་པ་ཞིག་སྐྱེས་ནས་མ་ལ་འདི་སྐད་སྨྲས། ཨ་མ་སྤྱིར་འཆི་བ་མྱུར་དུ་འོང་ཞིང་། སྒོས་སུ་ནམ་འོང་ཆ་མི་འདུག་པས། ད་ངས་ཆོས་རྣམ་དག་ཅིག་བྱ་རྒྱུ་ཡིན། ཆོས་རྣམ་དག་ཅིག་བྱེད་པ་ལ། དེ་ཡང་མདོ་ལས། འཁོར་བ་ཁབ་ཀྱི་རྩེ་མོ་ན། །བདེ་བ་ནམ་ཡང་ཡོད་མ་ཡིན། །གསུངས་པ་ལྟར། …

ཏུ་བྱུང་ནས་སུ། །མ་བུའི་གཏན་བདེའི་བཙན་ས་ཟིན་པའི་ཕྱིར། །ཚེ་འདིར་དམ་པའི་ལྷ་ཆོས་བྱེད་པ་ལ། །མ་ཡིས་ཅིས་ཀྱང་བརྩེ་བའི་གནང་བ་ཞུ། །ཞེས་སྨྲས་པས། ཨ་མ་ན་རེ། བུ་ཁྱོད་ལ་གནང་བ་མ་བྱིན་ན་ཆོས་ཀྱི་བར་ཆད་དུ་འགྲོ། བྱིན་ན་མ་ང་རྗེས་ནས་དཀའ་རྒྱུ་རེད་མོད་ཀྱང་། ད་དཀའ་རུང་གནང་བ་བྱིན་པ་ཡིན། ཆོས་མགོ་མཐར་ཐོན་པའི་སྨོན་ལམ་ཐོབས་ཟེར་ན…

མཁན་ཆེན་རིན་པོ་ཆེས་ང་ལ། ཁྱོད་ལ་གཟན་ཤམ་གྱི་རྒྱུ་ཨེ་ཡོད་གསུངས། བདག་གིས་མེད་དེ་ད་ཐབས་ཤིག་བྱེད་དགོས་རྒྱུ་རེད་ཞུས་པས། ད་གཞན་ལ་བཙལ་དུ་འགྲོ་མི་དགོས་གཟན་ཤམ་ངས་སྟེར། ཆོས་ཅི་འདྲ་ཞིག་བྱེད་ཁྱོད་ལ་གསལ་གསུངས། དེ་དུས་སླར་ཡང་ཡུལ་དུ་འོངས་ནས་ཨ་མ་དང་། ཤ་ཉེ་སྟོབས་ཚང་བརྗེ་ཟེར་བའི་དྲིན་ཅན་ཞིག་ཡོད་པ་དེ་གཉིས་ཀྱི་དྲིན་གཟོ་ར…

འདུན་བསྟན་པའི་ཉི་མ་རིན་པོ་ཆེས་གསང་སྟོན་མཛད་དེ། དགེ་འདུན་གྲངས་ཚང་བའི་དབུས་སུ། ལ་ཁོ་སྤྲུལ་སྐུ་རིན་པོ་ཆེ་ལ་སོགས་པའི་རབ་བྱུང་བསྙེན་རྫོགས་པ་མང་པོ་དང་ལྷན་དུ། བསྟན་པའི་གོ་རིམ་བཞིན་རབ་བྱུང་དགེ་ཚུལ་བསྙེན་རྫོགས་ཀྱི་སྡོམ་པ་ཡང་དག་པར་ནོས། མིང་ལ་བྱམས་པ་ཆོས་དར་དུ་བཏགས། མཁན་པོའི་ཞལ་ནས། བསྟན་འགྲོ་ལ་ཕན་ཐོགས་ཆེན་པོ་ཡོ…

ནས་ནི། །ལེགས་པའི་འགོ་བོ་ད་ནས་ཚུགས་པ་ཡིན། །འཁོར་བའི་གནས་ན་བདེ་བ་མེད་བཞིན་དུ། །ཞེན་ཅིང་ཆགས་པ་རྣམས་ཀྱི་བྱ་བ་བཙོག །འཁོར་བར་འཆིང་བྱེད་ཕ་མ་ཆུང་མར་ཆགས། །ཕ་ཡུལ་བཙོན་རར་ལྷུང་བའི་བྱ་བ་བཙོག །ཁྱིམ་ཚང་བཟའ་མིའི་ལྟོ་རྒྱབ་གཉིས་ཀྱི་ཕྱིར། །མི་དགེ་སྡིག་ལས་བྱེད་པའི་བྱ་བ་བཙོག །མི་ཚེ་ཡད་མ་ཡུད་ཀྱི་ངང་ལ་ཤོར། །ཆོས་མེད་ཕ་རོལ…

སྲིང་མོ་གཉིས་ཀྱིས་མཐོང་ནས་སེམས་ཤིན་ཏུ་དགའ་བར་གྱུར་ཏོ། །སྨྲས་པ། རྒྱལ་སྲིད་སྤངས་ནས་རབ་བྱུང་དཀའ་ཐུབ་མཛད། །རྒྱལ་བའི་གོ་འཕང་བརྙེས་ནས་ཆོས་འཁོར་བསྐོར། །རྒྱལ་བ་ཤཱཀྱ་ཐུབ་པར་གསོལ་བ་འདེབས། །རྒྱལ་ཁམས་བདེ་ཞིང་སྐྱིད་པར་བྱིན་གྱིས་རློབས། །བླ་མའི་རྣམ་ཐར་སྐྱོང་བར་འདོད་པ་ཡི། །རྗེས་འཇུག་དད་ཅན་ཡོངས་ལ་ཕན་པའི་ཕྱིར། །རང་ཉི…

དང་མཇལ། །དབེན་པ་བསྟེན་རྒྱུའི་སྐལ་བ་ཡོད་ཚུལ་གྱི། །ལུང་བསྟན་ཞུ་ཡང་མ་དགོས་ཤུགས་ཀྱིས་གསུངས། །རྗེས་སུ་བསམ་ཚེ་དད་གུས་ལྷག་པར་སྐྱེས། །དེ་དུས་ཀུན་གྱིས་ཆུང་མ་ལེན་དགོས་ཟེར། །དེ་དག་རྣམས་ཀྱི་ཁ་ལ་མ་ཉན་པར། །རབ་ཏུ་བྱུང་དགོས་སྙམ་པ་ཡིད་ལ་བཅང་། །ཁ་ནས་རྩེད་མོ་རྣམ་པ་སྣ་ཚོགས་བྱས། །དེ་ནས་རྟག་འཛིན་ཅན་རྣམས་དགེར་བསྐུལ་ཕྱིར། …