བཟང་གི། སྤྱོད་པ་ལ་འགྲན་བསྒྲུབས་མཛད་ཅེས། །སྙན་པ་ཚངས་གནས་བར་དུ་ཁྱབ། །ཕལ་ཆེར་བརྐམ་ཆགས་འཇུར་འགེགས་ཀྱི། །མདུད་པས་དམ་བཅིངས་ཤི་སྤར་འཐམས། །སྡིག་སྡུག་གཏམ་ངན་ཁྱད་བསད་ནས། །ཟང་ཟིང་ཆེད་དུ་སྲོག་ཀྱང་གཏོང་། །གང་ཁྱོད་ལེགས་བྱས་ཚུལ་འདི་ཡིས། །དཔྱོད་ལྡན་ཀུན་ལ་ཡི་རང་གི ། དཔལ་ཡོན་སྟེར་མོད་འགའ་ཞིག་ལ། །སྡུག་བསྔལ་ཟུག་རྔུའང་ས…

ཀུན། །ཡན་ལག་དྲུག་ལྡན་རྡོ་རྗེ་རྣལ་འབྱོར་གྱིས། །འཛིན་མེད་རང་སར་མཉམ་ཉིད་ཀློང་ཡངས་སུ། །གྲོལ་བའི་ཏིང་འཛིན་སྒོ་བརྒྱར་སྙོམས་འཇུག་ཅིང་། །བཟང་ངན་ཕྱོགས་རེར་ཞེན་པའི་ལྟ་གྲུབ་ཀྱིས། །ཨ་འཐས་ཁ་འཛིན་རང་རང་རྒྱལ་བསྟན་དུ། །རློམ་པའི་སྤྱོད་ཚུལ་སྤྲིན་གྱིས་དོན་དམ་ཉི། །བསྒྲིབས་གྱུར་ཡང་དག་ལམ་ལས་གཞན་དུ་རིང་། །གང་ཁྱོད་རིས་མེད་…

གཟིགས་ངོར་དགྱེས་པ་བསྐྱེད་ནུས་པའི། །བདག་འདྲར་ལེགས་བྱས་ཡོན་ཏན་ཆ་ཙམ་ཡང་། །མ་མཆིས་དེ་ཕྱིར་དབྱིངས་ཁྲེལ་མི་འཚལ་ལོ། །དཀའ་ཐུབ་ཚོགས་བཅས་རིང་པོས་ངལ་བ་ལ། །བལྟོས་མིན་མྱུར་ལམ་ཆོས་ཀྱི་རྐང་མགྱོགས་ཀྱི། །བཙན་ཐབས་སྦྱོར་བས་འཕོ་མེད་བདེ་བ་ཆེའི། །གོ་འཕང་བགྲོད་ལ་བདག་ཀྱང་སྨོན་ལགས་ནའང་། །དམ་སྡོམ་ལྷོད་ཅིང་བརྩོན་པ་ཆེས་དམན་ཕྱི…

བའི་ཟློས་གར་འདི་ན་བསྒྱུར། །རབ་དཀར་ལྷ་ཡི་གོས་བཟང་དང་། །རྒྱས་པའི་མདངས་ཆགས་བཀྲ་ཤིས་པའི། །རྟགས་ཀྱི་རས་ཁ་མངོན་པར་བཀྲ། །རྣམ་ཐར་ངོ་མཚར་པུ་སྟ་ཀར། །མི་ཕྱེད་ཕྱག་རྒྱས་ཉེར་བཏབ་པ། །རྒྱལ་ཟླའི་དཀར་པོའི་ཚེས་བཟང་པོར། །ཡིད་ཀྱིས་སྤྲུལ་པའི་ཕོ་ཉ་ནི། །སྐད་ཅིག་གློག་ལྟར་འཁྱུག་སྟེ་སོང་། །ཞེས་དྲང་སྲོང་གྲུབ་པའི་བསྟི་གནས་དཀའ་ཐ…

སོང་། ད་སྔ་ཡན་ཆད་ལ་ཉམས་ལེན་ཅི་འདྲ་བྱས། ཉམས་རྟོགས་ཅི་ཙམ་ཤར་ཤོད་དང་། རང་གི་སེམས་ལ་འཛིན་རྒྱུ། གཞན་གྱི་མི་ལ་བཤད་རྒྱུ་གཉིས་ཀ་མེད་རུང་། རང་གི་སེམས་ལ་འཛིན་རྒྱུ་ཞིག་ཡོད་དགོས། ཆོས་ཀྱི་ནང་ན། ཆོས་པ་རབ་ལ་ཞག་བསྐྱེད། འབྲིང་ལ་ཟླ་བསྐྱེད། ཐ་མ་ལ་ཡང་ལོ་བསྐྱེད་ཐོན་ཡོང་གསུངས་ན། ཁྱོད་ལ་ཞག་བསྐྱེད་ཡོང་གིན་འདུག་གམ། ཟླ་བསྐྱེ…

པའི་དཀོར་གཤིན་ཟས་དད་ཟས་ཀྱི་མེ་མ་མུར་ཐམས་ཅད་ཕྱོགས་ཕྱོགས་ནས་བསྡུས་ཏེ་རང་གི་ཁ་ལ་བརྒྱབ་པས་མི་ཆོག གཉེན་ཉེ་བ་ཐམས་ཅད་ཀྱི་ཁ་ནང་དུ་བརྒྱབ་ནས་རང་གཞན་ཐམས་ཅད་ཀྱི་རྒྱུད་བསྲེག་ཕོད་དམ། སངས་རྒྱས་ཀྱི་བཀའ་ལས། དཀོར་ཟས་འདི་ལྕགས་གོང་མེ་འབར་བ་ཁར་བཅུག་པ་ལས་ཉེས་པ་ཆེ་བར་གསུངས་པས། ཁྱོད་ལ་སངས་རྒྱས་ཀྱི་གསུང་དེ་མི་བདེན་པའི་ཁུངས་…

ཀྱང་ཆོས་ཅི་བྱེད་ནའང་ཉོན་མོངས་པ་ཅི་ཐུལ་གྱིས་ཞེས་ཅི་ཙམ་ཞིག་གསུངས། གྲོགས་ཀྱང་བཟང་པོ་འགའ་རེས་ཅི་ཙམ་ཞིག་བཤད་དེ་རྣམས་ཀྱི་ཚིག་ལ་ཡང་བརྩི་འཇོག་མེད་པར། ད་ནི་ཞེ་སྡང་གི་མེ་འབར། འདོད་ཆགས་ཀྱི་ཆུ་འཁྲུགས། གཏི་མུག་གི་མུན་པ་འཐིབས། ང་རྒྱལ་གྱི་རི་གཟེངས། ཕྲག་དོག་གི་རླུང་འཚུབ། སེར་སྣའི་མདུད་པ་དམ་དུ་དམ་དུ་སོང་ཡོད་པ་འདི་ལ་…

རེ་བ་ཁྱོད་ཀྱི་ཧམ་པ་ལ་ལྟོས་དང་ཧེ་ཧེ། ཁྱོད་ལ་ཆོས་ཀྱི་དྲི་མས་མ་གོས་ཚར་འདུག སྙིང་ནས་ཆོས་ཤིག་བྱེད་ན། ཟ་དགའ་འཐུང་སྐྱིད། རྣམ་གཡེང་ལེ་ལོ་བྱེད་ལ་མི་དགའ་བར། །ཉིན་པར་གྱི་ལྟོ་དང་མཚན་མོའི་གཉིད་ཆོག་ལ་ཉམས་ལེན་ལ་རེམ་ཞིག ཡང་གསང་སྔགས་ཀྱི་སྒོར་ཞུགས་ནས་ཉམས་སུ་བླངས་ན་རབ་ཚེ་གཅིག་ལུས་གཅིག་ལ་སངས་རྒྱས། འབྲིང་འཆི་ཁ་བར་དོར་གྲ…

ཡིན་ནམ། ཡང་ན་རྡོ་རྗེ་འཆང་གི་གསུང་མི་བརྩི་བ་དེ། ཁྱོད་རྡོ་རྗེ་འཆང་ལས་ས་ཚོད་མཐོ་བ་ཞིག་ཡིན་ནམ། ཡང་ན་ཕོ་ཚོད་ཆེ་བ་ཞིག་ཡིན་ནམ། ཡང་ན་གདོན་གྱིས་ཟིན་ནས་སྙིང་ཁོག་ན་མེད་པ་ཞིག་ཡིན་ནམ། དེ་རྣམས་གང་རུང་ཞིག་ལས་མ་འདས་ད་ཁྱོད་དམྱལ་བར་འགྲོ་ཡང་། འགྲོ་ཞོར་ལ་ལུང་བ་གཅིག་གི་ཆུ་འཐུང་ཚད་པོ་དམྱལ་བར་ཁྲིད་ནས་མ་འགྲོ་བར་འཇོག་རོགས་ག…

བརྩེག་གམ། ཡང་ན་དཔྲལ་ཀོ་ཤིན་ཏུ་མཐུག་པ་ཞིག་ཡིན་ན་མ་གཏོགས་ངོ་མི་ཚའམ། འོ་ད་ནི་མི་ལ་ངོ་ཚ་ཡོད་སྙིང་ལ་རུས་པ་ཡོད། མགོ་ན་ཀླད་པ་ཡོད། རང་གི་རང་ལ་ཤ་ཚ་ཡོད་པ་ཞིག་ཡིན་ན། སྔར་སྤྱོད་ལ་འགྱོད་པ་སྐྱེ་རན་འདུག་གོ །ད་སྤྱོད་ལ་ཡར་བསྐྱེད་འདོན་རན་འདུག་གོ །རན་པར་མ་ཟད་འ ཕྱིས་གྲབས་འདུག་གོ །སྐྱེས་པ་ཐམས་ཅད་འཆི་ལུགས་ལ་ལྟོས་ཤིག་བསགས…

ན་ཁྱོད་ཀྱི་སྔར་གྱི་བྱ་སྤྱོད་ཉེས་ཚར་འདུག་པས། ད་ཕྱིན་ཆད་བླ་མའི་བཀའ་བཞིན་ཆོས་བཞིན་འདུལ་བ་བཞིན་གྱིས་ཤིག མི་མངོན་དབྱིངས་ནས་བླ་མ་ཡིས། །མི་ངན་བདག་ལ་གཟིགས་སུ་གསོལ། །ཤིག་ལ་མཛུབ་མོ་འཛུགས་པ་བཞིན། །རང་གི་སྐྱོན་ལ་མཛུབ་མོ་འཛུགས། །རྐང་བའི་ཚེར་མ་འདོན་པ་བཞིན། །རང་སྐྱོན་སྒོ་རུ་འདོན་པར་བྱ། །ཁྱོད་ནི་དལ་འབྱོར་མི་ལུས་ཐོབ…

དག་སྣང་མེད་པའི་ཁྲེལ་མེད་པོ། །སྙིང་རྗེ་མེད་པའི་སྙིང་རུལ་པོ། །ཉམས་ལེན་མེད་པའི་སྙོམ་ལས་པོ། །རང་སྐྱོན་མི་མཐོང་དམུས་ལོང་བ། །གཞན་སྐྱོན་བརྗོད་པའི་ལྕེ་བདེ་བོ། །དམྱལ་བའི་གཏིང་རྡོ་འགུལ་མེད་པོ། །ཆོས་མེད་སྡིག་པའི་ལས་གསོག་པའི། །ལས་ངན་འཚབ་ཅན་ཁྱོད་འདྲ་ཞིག །བླ་མ་དུས་གསུམ་སངས་རྒྱས་ཀྱི། །ཞབས་འདྲེན་བྱེད་པ་ཁྱོད་འདྲ་ཞིག…

མེད་པའི་ཁྱི་རྒན་ཁྱོད། །ད་ནི་ཁྱི་ཡི་གྲལ་དུ་སོང་། །ཡ་སོ་ཅན་གྱི་བ་གླང་ཁྱོད། །ཡང་ན་དུད་འགྲོའི་ཁྱུ་ཞིག་སྙོགས། །གལ་ཏེ་མི་འགྲོ་འདུག་འདོད་ན། །སྔར་གྱི་དེ་འདྲ་བྱེད་ཕོད་དམ། །ད་ནི་མི་ལ་ངོ་ཚ་ཡོད། །ཁོག་པའི་ནང་ན་སྙིང་ཞིག་ཡོད། །མགོ་བོའི་ནང་ན་ཀླད་པ་ཡོད། །རང་ལ་ཤ་ཚ་ཞིག་ཡོད་ན། །སྔར་བྱས་རྣམས་ལ་འགྱོད་པ་སྐྱེད། །ད་སྤྱོད་རྣ…

རིང་པོར་མ་ལོན་པར། རི་ཁྲོད་དབེན་པའི་དགའ་ཚལ་ནས་ཆོས་མཐུན་གྱི་ཞབས་བྲོ་རྒྱག་ནུས་པ་བྱུང་ངོ་། །དེ་དུས་ཕྱག་མཛོད་སྡེ་པ་དབང་པོས་དབུས་གཙང་ནས། ཆོས་ལྡན་གྱི་བྱ་བ་མང་པོ་བསྒྲུབས་ནས་ཡར་འོང་མཇལ་ཏེ་གཏམ་སྙན་མང་པོ་བཤད་པས་དགའ་སྤྲོ་ཚད་ལས་འདས་པ་བྱུང་། རེ་ཞིག་ངལ་གསོས་ཏེ་བསྡད། དེ་ནས་བདག་གི་མཚམས་གྲོལ་ནས། བུ་ཆེན་འཇམ་དབྱངས་རང་ག…

སྙིང་ནས་ལྟོ་གོས་བྱིན་ཅིག་སྐྱིད་གྲོང་པ། །ཚོང་བ་རྣམས་ཀྱིས་འབྲོག་ནས་ར་ལུག་ཉོས། །མོན་པར་དམར་འཚོང་མ་རྒྱག་སྐྱིད་གྲོང་པ། །བླ་མ་རྣམས་ཀྱིས་ཆོས་ལ་བཟང་ངན་ཕྱེས། །གྲུབ་མཐའི་ཕྱོགས་རིས་མ་བྱེད་སྐྱིད་གྲོང་པ། །གྲྭ་བཙུན་རྣམས་ཀྱིས་ཆོལ་ལེ་ཆོལ་ལེ་བྱས། །བླ་མའི་ཞབས་འདྲེན་མ་བྱེད་སྐྱིད་གྲོང་པ། །རྫོང་དཔོན་རྣམས་ཀྱིས་མི་སེར་ཐམས…

ཟ་ཞིང་ཉལ་ལ་མ་དགའ་སྐྱིད་གྲོང་པ། །ཟ་འདོད་འཐུང་འདོད་ཁྱི་ལས་ལྟོགས་པ་མེད། །ནོར་ལ་ཧམ་པ་མ་ཆེ་སྐྱིད་གྲོང་པ། །བསོད་ནམས་མེད་ན་བརྒྱ་བསམ་གཅིག་མི་འགྲུབ། །འགྲུབ་མེད་བློ་སྣ་མ་མང་སྐྱིད་གྲོང་པ། །སྔོན་གྱི་ལས་གསལ་བླ་མ་དཀོན་མཆོག་མཁྱེན། །སོམས་དང་དོན་ཡང་འགྲུབ་བོ་སྐྱིད་གྲོང་པ། །རྣམ་རྟོག་ཅན་གྱི་ཁྱིམ་ན་ལྷ་འདྲེ་མང་། །དོན་མེད…

གཞིས་ཀ་རྩེའི་སྤྲང་ཕྲུག་མང་པོ་ལ་ངའི་ལུང་བ་དེ་སྐྱིད་པས་མིང་ལ་སྐྱིད་གྲོང་ཟེར། དེར་སོང་ན་སྐྱིད་ཅེས་མགོ་བསྐོར་ནས་སྔ་ཕྱི་བྱས་སྤྲང་ཕྲུག་མང་པོ་ཁྲིད་འོངས་ནས། བཅུ་གསུམ་ཙམ་རོང་མོན་པའི་གཡོག་ལ་བཙོངས་སྡུག་མྱོང་དུ་བཅུག དེའི་རིན་བླངས་ནས་ཟོས་ང་སོང་དུས་སྤྲང་ཕྲུག་གཅིག་ཁྱེར་འོང་བ་དེས། བཙོང་རྒྱུ་ཡིན་པ་ཤེས་ནས་ང་ཡོད་སར་བྲ…

ཞེས་སོགས་དང་ཞབས་བྲོ་མང་པོ་བརྒྱབ་པའི་རྗེས་སུ། བཀྲ་ཤིས་པར་ཤོག གཡང་ཆགས་པར་ཤོག་ཟེར། ཡང་རྗེ་བཙུན་ཆོས་ཀྱི་དབང་ཕྱུག་གིས་སྐྲ་བཅད། ཇོ་མོ་འགའ་རེས་ཁོང་གི་གསུང་གི་བཀྲ་ཤིས་ཆོས་བྲོ་འདི་འདྲ་རྒྱག་པར་གདའ། བཀྲ་ཤིས་དགེ་མཚན་འབར་བའི། །བཀྲ་ཤིས་ཡར་ངོའི་ཟླ་ལྟར། །བཀྲ་ཤིས་ཕུན་སུམ་ཚོགས་པའི། །བཀྲ་ཤིས་གླུ་དབྱངས་ལེན་ནོ། །བཀྲ་ཤིས…

རྫོང་གཉིས་ལ་མཇལ། གནས་འབྲེལ་བཞག དེ་ནས་གྲོ་ཐང་གི་ཡོན་བདག་ཚོ་ཡོད་སར་སོང་། ཆོས་དང་ཟང་ཟིང་གི་འབྲེལ་བ་ཟབ་མོ་བཞག དབེན་གནས་བྲག་དཀར་རྟ་སོར་སོང་། མཁས་གྲུབ་ཉིས་འཛོམ་རྗེ་བཙུན་ཆོས་ཀྱི་དབང་ཕྱུག་དང་མཇལ། ཞག་མ་ཁ་ཤས་བསྡད། མདུན་ནས་ཁྲིད་བརྒྱ་དང་། དཀོན་མཆོག་སྤྱི་འདུས། བླ་མའི་རྣལ་འབྱོར་རྣམས་ཀྱི་ལུང་ཞུས། འབུལ་བ་ཁ་བཏགས་དྲི…

ཞག་གིས་བསྡད་པས་འཚོ་བ་ཞབས་ཏོག་ཡག་པོ་ཞིག་བྱས། དེ་ནས་ཕྱག་མཛོད་སྡེ་པ་དབང་པོ་དཔོན་གཡོག་འགའ་ཞིག་དཔལ་ཁུད་ཐང་སྤོང་རོང་བརྒྱུད་ནས་དབུས་སུ་སོང་། བདག་ཅག་རྣམས་ཀྱིས་བྱ་མང་པོའི་ཡོན་བདག་ཚོར་ཆོས་བཤད་མགུར་དབྱངས་བླངས། བསྔོ་སྨོན་བཀྲ་ཤིས་བརྗོད་ནས་ལ་ཕྱིའི་ཕྱོགས་ལ་ཆས་སོ། །སྨྲས་པ། ས་སྟེང་འདི་ན་འགྲན་ཟླ་མ་མཆིས་པའི། །ས་ལམ་སྟོ…