མ་ལུང་གཉིས་ལ་མཇལ་ཞག་རེ་ཙམ་བསྡད་ནས་ཕྱག་མཆོད་སྐོར་བ་བྱས། ཚོགས་བཏང་བསྔོ་བ་སྨོན་ལམ་བཏབ། དེ་ནས་བསམ་ཡས་ལ་སོང་ཉི་མ་བཅོ་ལྔར་ཉིན་རེ་བཞིན་གྲྭ་བཙུན་ཐམས་ཅད་ཀྱིས་བརྐྱངས་ཕྱག་མང་པོ་འཚལ། མཆོད་འབུལ་བྱས། བསྟན་འགྲོར་ཕན་པའི་སྨོན་ལམ་ཡང་ཡང་བཏབ། མཆོད་རྟེན་དམར་པོའི་ཐག་ཉེའི་སྡེ་པ་ལྕམ་གཉིས་ཀྱིས་དེར་སྡོད་རིང་ལ་འཚོ་བ་ཞབས་ཏོག་བ…

ཡོན་བདག་ཕོ་མོ་མང་པོ་སླེབས་ནས། བླ་མ་གང་ཤར་གྱིས་དངུལ་རྡོ་ཚད་གཅིག་གིས་འགོ་བྱས་ཐམས་ཅད་ཀྱིས་དངུལ་སྲང་བརྒྱ་ཕུལ་ནས། དཔོན་པོས་མདོ་སྨད་དུ་ཕེབས་དགོས་ཚུལ་གྱི་རྒྱུ་མཚན་རྣམས་ངག་ནས་ཞུས། བུ་ཆེན་ཀུན་བཟང་རང་གྲོལ་གྱིས་ཞུ་ཤོག་འདི་ཕུལ་ལོ། །ཕུན་ཚོགས་ཚོགས་གཉིས་ལས་བསྐྲུན་མཚན་དཔེའི་སྐུ། །འགྲོ་ཚོགས་རེ་སྐོང་ཡན་ལག་དྲུག་ཅུའི་ག…

དབུས་གཙང་ཞིང་བྱོན་ནས། །ཆོས་པས་ས་སྟེང་བཀང་བ་ཉམས་དགའ་ཡང་། །ཆོས་མེད་ཕ་ཡུལ་གང་གིས་བློས་བཏང་འཕྲོ། །ཆོས་མིན་སྣ་ཚོགས་བྱེད་འདིར་ང་རེ་སྐྱོ། །སྔོན་དུས་རྒྱལ་དབང་མཚོ་སྐྱེས་རྡོ་རྗེ་ཡིས། །བོད་ཀྱི་རྗེ་འབངས་གྲོགས་རྣམས་བློས་བཏང་ནས། །མི་བསྲུན་སྲིན་པོའི་ཁ་གནོན་མཛད་ཕྱིར་དུ། །ལྷོ་ནུབ་རྔ་ཡབ་གླིང་དུ་བྱོན་པ་བཞིན། །འདི་ལོ་ས…

ཞིང་འདིར་གདན་འདྲེན་བྱེད། །རིས་མེད་བརྩེ་ལྡན་འགྲོ་མགོན་ཞབས་དྲུང་དུ། །ཉམས་མེད་ཁྲིམས་ལྡན་བླ་མ་དགེ་བཤེས་དང་། །འཛད་མེད་འབྱོར་ལྡན་ཡོན་བདག་ཕོ་མོ་རྣམས། །འབྲལ་མེད་རྒྱུན་ལྡན་ཚོགས་ནས་བསྐོར་བཞུགས་ཚེ། །ཆོས་མེད་སྤྲང་པོ་ཀུན་བཟང་རང་གྲོལ་ངས། །ནོར་མེད་སྟབས་ཀྱིས་ངག་ནས་ཞུ་མ་སྤོབས། །དྲི་མེད་ཤོག་གུར་ཞུ་ཚིག་རྣམས་བཀོད་ནས། །…

ལ་བསྟོད་པའི་མགུར་དབྱངས་འདི་བླངས་སོ། །།ཕ་བླ་མ་རྣམས་ལ་གསོལ་བ་འདེབས། །གནས་འདིར་འཚོགས་ཡོངས་ལ་ཐུགས་རྗེས་གཟིགས། །རྗེ་བཀའ་བརྒྱུད་གོང་མའི་གདན་སའི་མཐིལ། །ལྷ་ཞི་ཁྲོ་རབ་འབྱམས་བཞུགས་པའི་ཞིང་། །མ་མཁའ་འགྲོ་ཆོས་སྐྱོང་འདུ་བའི་ས། །གནས་ཁྱད་འཕགས་ཀུན་བཟང་ནགས་ཁྲོད་ཀྱི། །ཕྱི་རྒྱབ་རི་རྒྱལ་པོ་གདན་བཞུགས་འདྲ། །གཡས་བྲག་རི་རིན…

ཞེས་བསམ་པ་བཟང་པོའི་སྒོ་ནས། བླ་མ་དཀོན་མཆོག་ལ་ལོ་ལ་ཕན་པའི་ཆར་ཕོབ་ཅེས་གསོལ་བ་བཏབ། ཕྱོགས་བཅུའི་རྒྱལ་བའི་བྱིན་རླབས་བདག་གཞན་དུས་གསུམ་བསགས་པའི་དགེ་ཚོགས་ཐམས་ཅད་ནམ་མཁའི་ཁམས་ལ་སྤྲིན་གྱི་ཕུང་པོ་ཆེན་པོར་གྱུར་པའི་ནང་ནས་ཆར་ཕང་ལོ་ཙམ་འབབ་པའི་ཏིང་ངེ་འཛིན་ལ་བསྡད་པས། དགོང་མོ་འབྲུག་མེད་པའི་ཆར་ཐོག་ཆེན་པོ་བརྒྱབ་ནས་ཡོན་བད…

དགའ་ལ་སོགས་རིགས་ལྔ་ཡི། །ཞིང་དུ་རིགས་ཀྱི་བདག་པོ་དེ་དག་གི །དྲུང་དུ་སྲས་ཀྱི་ཐུ་བོ་རེ་རེར་གྱུར། །འབྲེལ་ཐོགས་གང་འདོད་ཞིང་དུ་འདྲེན་པར་འགྱུར། །འདས་དང་མ་འོངས་ད་ལྟ་དུས་གསུམ་དུ། །གང་ལ་གང་འདུལ་སྣ་ཚོགས་སྐུར་བསྟན་ནས། །བསྟན་དང་འགྲོ་དོན་མཛད་པའི་ཐུགས་རྗེ་ཅན། །སྐྱབས་མགོན་ཡིད་བཞིན་ནོར་བུར་གསོལ་བ་འདེབས། །ཕྱོགས་བཅུའི་ཞ…

བྱུང་། གནས་དེ་ནས་འགྲོ་ལ་ཉེ་དུས་གྲྭ་བཙུན་རྣམས་ཀྱིས་བསྡུས་ནས་ཚོགས་རྒྱ་ཆེན་པོ་བཏང་། སྐུ་གསུང་ཐུགས་རྟེན་གྱིས་འགོ་བྱས་བཀའ་དྲིན་གཏང་རག་གི་ཡོན་རང་རང་ལ་གང་ཡོད་རྣམས་ཕུལ་ནས། སྐྱེ་བ་ནས་ཚེ་རབས་ཐམས་ཅད་དུ་རྗེས་སུ་འཛིན་པའི་སྐྱབས་འཇུག་ཞུས་པའི་དུས་སུ། བདག་གིས་ཀྱང་དེ་ལུགས་ཀྱི་སྐྱབས་འཇུག་བསྔོ་སྨོན་རྒྱ་ཆེན་པོ་བྱས་པའི་མ…

རྟེན་འཁོར་བའི་ཆོས་རྣམས་ཀུན། །མི་རྟག་མི་བརྟན་སྙིང་པོ་མེད། །འདིར་འཚོགས་སྐལ་ལྡན་ཕོ་མོ་ཀུན། །འཆི་བ་ནམ་ཡོང་མི་ཤེས་པས། །ཚེ་འདིའི་བྱ་བ་བློས་ཐོངས་ལ། །ཐམས་ཅད་དམ་པའི་ལྷ་ཆོས་མཛོད། །རྣལ་འབྱོར་འགྲོ་ཁའི་སྙིང་གཏམ་འདི། །ཁྱེད་རྣམས་ཀུན་གྱིས་སྙིང་ལ་ཟུངས། །ཚེ་རིང་ནད་མེད་སྨོན་ལམ་འདེབས། །བདེ་ཞིང་སྐྱིད་པའི་བཀྲ་ཤིས་ཤོག །ཅེ…

ད་ལྟ་ན་སོ་རྒས་པའི་ཁར། །ན་དང་འཆི་བ་ནམ་ཡོང་མེད། །འོན་ཀྱང་མཆོག་གསུམ་ཐུགས་རྗེ་ཡིས། །གལ་ཏེ་མ་ཤི་ཚེ་རིང་ན། །ལན་ཅིག་ཕྲད་ཕྱིར་འོང་ཐུབ་ཀྱང་། །ཁྱེད་རྣམས་ནང་ནས་ཕལ་ཆེར་ཞིག །ན་སོ་རྒས་ནས་འཆི་བ་མང་། །གཞོན་ནུ་རྣམས་ཚོ་སྡོད་སྙམ་ཀྱང་། །དེང་སང་ཚེ་ལ་བར་ཆད་མང་། །གཞོན་རུང་སྡོད་པའི་ངེས་པ་མེད། །གང་གི་ས་ནས་བསམས་ན་ཡང་། །ཕྱིན་…

བར་ཤོག །ཡུལ་ཕྱོགས་ཀུན་ཏུ་ལོ་ལེགས་ཤིང་། །ཆོས་དང་བཀྲ་ཤིས་འཕེལ་བར་ཤོག །ཅེས་བླངས། གཞན་ཡང་འདི་ཕྱིར་ཕན་པའི་བསླབ་བྱ་མང་པོ་བྱས་ནས་སློབ་མ་རྣམས་ཀྱི་ནང་ནས་ཕལ་ཆེ་བ་ཡུལ་ཕྱོགས་གཞན་གྱི་རི་ཁྲོད་ལ་བཏང་བས། དེ་ཀུན་ངེད་དཔོན་སློབ་རྗེས་ན་གནས་པ་རྣམས་ལ་འཕྲེང་ནས་མིག་ནས་མཆི་མ་གཏོང་བཞིན་དུ་སོང་ངོ་། །དེ་ནས་བདག་ཀྱང་མདོ་སྨད་ལ་ཆས…

སྲས་བདེ་བར་ཕེབས། །ཡུལ་མདོ་སྨད་འཁོར་ནས་རིང་མིན་དུ། །སླར་དབུས་གཙང་ཡུལ་འདིར་མྱུར་བྱོན་ནས། །ཆོས་འཇིག་རྟེན་གསུང་གླེང་སྒྲོག་པའི་ཚེ། །ང་ཀུན་བཟང་གཙོ་བྱས་སློབ་བུ་རྣམས། །ཉམས་རྟོགས་པའི་ཡོན་ཏན་འབར་བཞིན་དུ། །མགོན་ཁྱོད་དང་ཞལ་མཇལ་སྨོན་ལམ་འཚལ། །སླར་བཀྲ་ཤིས་ཉི་མར་ཞལ་མཇལ་དུས། །བཀྲ་ཤིས་པས་ཕྱོགས་འདི་ཁྱབ་གྱུར་ཅིག །བཀྲ་ཤ…

པ་མེད་དང་གསུམ། །དེ་གསུམ་འཛོམ་པའི་དུས་ཚོད་ན། །ཕྱིན་ཆད་ཡང་ཡང་མཇལ་བ་དཀའ། །འོན་ཀྱང་ཚེ་མཇུག་འདི་ཉིད་ལ། །ཐུགས་ཡིད་འདྲེས་པའི་དཔོན་སློབ་རྣམས། །མཇལ་ན་འདོད་པའི་དུས་སྐབས་སུ། །དངོས་སུ་ཡང་ཡང་མཇལ་བར་ཤོག །དངོས་སུ་མཇལ་བར་མ་གྱུར་ན། །མཇལ་ན་འདོད་པའི་དུས་སྐབས་སུ། །ཉམས་དང་རྨི་ལམ་གནས་སྐབས་སུ། །ཡང་དང་ཡང་དུ་མཇལ་བར་ཤོག །གལ་…

ཆུ་ཡི་ཕ་ཁར་སོང་། རྩྭ་ཚང་དགའ་དང་། གཡུ་ཁང་མཁན་པོ་ཞི་བ་ཚེ་རིང་རྣམས་ཀྱི་ནང་དུ་སོང་། ཚེ་དབང་བསྐུར། སེམས་ཁྲིད་བྱས། ཚོགས་ཀྱི་དགའ་སྟོན་ཕུལ་ཏེ་གླུ་ཤེས་པ་རྣམས་ཀྱིས་གླུ་བླངས། ཞབས་བྲོ་བརྒྱབ། དེ་དུས་དད་ཅན་ཆོས་དྲུང་ཤེས་རབ་སྒྲོལ་མས་སྐྱབས་འཇུག་གི་མགུར་དབྱངས་འདི་ཕུལ་ལོ།། །སྐྱབས་མགོན་བཀའ་དྲིན་གྱི་འཁོར་མེད། །རྗེ་བཙུན་…

ཡི་འཆང་དང་། །ཐུགས་ཡིད་གཅིག་འདྲེས་སུ་གྱུར་ཏེ། །བདག་གཞན་དོན་གཉིས་ཀུན་ལྷུན་གྲུབ། །སྐྱབས་འཇུག་ཐུགས་རྗེ་ཡིས་གཟིགས་ཤིག །མདོར་ན་དེང་ནས་རང་བཟུང་སྟེ། །ཇི་སྲིད་ཚེ་རབས་ཀུན་འབྲལ་མེད། །དེ་སྲིད་སྐྱབས་མགོན་རྗེ་བླ་མའི། །ཐུགས་ཀྱི་སྲས་མཆོག་ཏུ་བདག་གྱུར། །གར་བཞུགས་དག་པ་ཡི་ཞིང་ཁམས། །ངོ་མཚར་གཞལ་མེད་ཀྱི་ཕོ་བྲང་། །བྱང་ཆུབ་…

མང་ཇ་འགྱེད་དང་ཚོགས་བཏང་། དེ་ནས་ཡར་སྡེ་པ་ཁང་གསར་ནང་དུ་སོང་། ཚེ་དབང་བསྐུར་ཆོས་བཤད་ནས་སྣང་བ་ཆོས་ལ་བསྒྱུར་བས། ཟས་ནོར་མང་པོ་བྱིན།། དེ་ནས་ལྷ་རྒྱ་རིར་སོང་། ཆོས་རྒྱལ་རིན་པོ་ཆེ་ཡབ་ཡུམ་སྲས་དང་བཅས་པ་ལ་མཇལ། ཆོས་འབྲེལ་བཞག དེ་ནས་ཆོས་རྒྱལ་རིན་པོ་ཆེས་གསེར་སྐུ་ལི་མ་བྱིན་ཅན་གཅིག སྐྱེས་རབས་སོ་བཞི་བའི་ཐང་ཀ་བཅུ་གསུམ། བད…

པ་བཞིན་དུ་འགྲུབ་པར་ཤོག །ཅེས་ཡང་ཡང་མཇལ་བའི་སྨོན་ལམ་བཏབ་ནས་རོང་མཆད་དཀར་ཆོས་སྡེར་འོང་། མཁན་རིན་པོ་ཆེར་མཇལ། ཕྱག་རྟེན་ཕུལ། དགོན་པར་འགྱེད་མང་ཇ་བཏང་། མཁན་རིན་པོ་ཆེ་ནས། འདུལ་བ་རྣམ་རྒྱལ་གསེར་མདོག་གི་ཕྱག་དཔེ་ཞིག་གནང་། ཐུགས་སྐྱོ་བའི་རྣམ་པ་མང་པོ་མཛད་པར་གདའ། བདག་ཀྱང་སེམས་འཕྲེང་བཞིན་འོང་། དེ་ནས་ཆོས་རྒྱལ་ལྷ་རྒྱ་རི…

སྔགས་སྔ་འགྱུར་བསྟན་པའི་འབྱུང་ཁུངས། ཆུ་འགོ་གངས་ལ་ཐུག་པ་ལྟ་བུའི་ཨོ་རྒྱན་སྨིན་གྲོལ་གླིང་གི་དགོན་པར་སོང་། ཁྲི་པ་གདུང་པ་རྗེ་བཙུན་མ་རྣམས་ལ་མཇལ། གསེར་དངུལ་གཡུ་བྱིར་གོས་དར་མང་པོའི་ཕྱག་རྟེན་ཕུལ། ཆོས་འབྲེལ་མང་པོ་ཞུས། དགེ་འདུན་པ་རྣམས་ལ་འགྱེད་མང་ཇ་བཏང་། ཞག་པོ་བདུན་བསྡད་ཕྱག་མཆོད་སྐོར་བ་བྱས། འགྲོ་ཁར་ཚུར་ལ་བྱིན་རྟ…

ཕྱིར་ཕན་པའི་བསླབ་བྱ་བྱས། འགྲོ་ཁར་ལྷ་སའི་ཕྱོགས་ཀྱི་དད་ཅན་ཡོངས་ལ་ཕན་ཕྱིར་ཞལ་གདམས་འདི་བྱིན་ནོ། །བླ་མ་དཀོན་མཆོག་གསུམ་ལ་གསོལ་བ་འདེབས། །བདག་གཞན་ཆོས་དང་མཐུན་པར་བྱིན་གྱིས་རློབས། །མཆོད་གནས་ཇོ་བོ་ཡིད་བཞིན་ནོར་བུ་གཉིས། །རྟག་ཏུ་མཆོད་བསྟོད་བཀུར་ཅིག་ལྷ་ས་པ། །གཏན་གྱི་སྐྱབས་གནས་རྒྱལ་བ་ཡབ་སྲས་གཉིས། །ཀུན་གྱི་གཙུག་ཏུ་…

མཉམ་པ་རྣམས་ལ་འགྲན་སེམས་མ་ཆེ་བར། །ཐམས་ཅད་མཐུན་པར་འགྲོགས་ཤིག་ལྷ་ས་པ། །མི་སེར་མེད་ན་དཔོན་པོ་སུ་ཡིས་བཀུར། །ཁྲལ་དང་འུ་ལག་མ་མང་ལྷ་ས་པ། །དཔོན་པོ་མེད་ན་མི་སེར་སུ་ཡིས་སྐྱོང་། །ཁྲེལ་མེད་ངོ་ལོག་མ་རྒྱག་ལྷ་ས་པ། །བླ་མ་མེད་ན་ཆོས་འཁོར་སུ་ཡིས་བསྐོར། །སློབ་མས་བླ་མ་བཀུར་ཅིག་ལྷ་ས་པ། །སློབ་མ་མེད་ན་ཆོས་འཁོར་སུ་ལ་བསྐོར། །…