༄༅། །ཛམ་ནག་གི་མངོན་རྟོགས་འདོད་དགུའི་ཆར་འབེབས་ཞེས་བྱ་བ་བཞུགས་སོ།།

ན་མོ་ཨཱརྱ་ཛམ་བྷ་ལ་ཡེ། འདིར་འདོད་དགུའི་ནོར་གྱི་ཆར་འབེབས་པའི་ནོར་བདག་ཛམ་ནག་གི་མངོན་རྟོགས་བསྒོམ་པར་འདོད་པས། ཐོག་མར་གནས་ཁང་བྱི་དོར་བྱ། ཛམ་ནག་གི་སྐུ་སོགས་རྟེན་གང་ཡོད་བཀྲམ། མཆོད་པ་ཅི་འབྱོར་བཤམས། བདེ་བའི་སྟན་ལ་ལུས་གནད་དྲང་པོར་བསྲངས། དགེ་སེམས་ཁྱད་པར་ཅན་གྱི་ངོས་ནས་སྐྱབས་འགྲོ་སེམས་སྐྱེད་ཚད་མེད་བཞི་བསྒོམ་པ་སྔོ…

མཚན་མ་གྱེན་དུ་བསྒྲེངས་པ། དམར་ལ་ཟླུམ་པའི་སྤྱན་གསུམ་སྡང་མིག་ཏུ་བགྲད་ཅིང་། ཞལ་གདངས་ཤིང་མཆེ་བ་རྣོན་པོ་བཞི་གཙིགས་པ། ཕྱག་གཡས་པས་ཁམས་གསུམ་གྱི་སྙིང་ཁྲག་ཐམས་ཅད་བསྡུས་པའི་ཁྲག་གིས་བཀང་པའི་ཐོད་པ་ཐུགས་ཀར་འཛིན་ཅིང་། གཡོན་པས་འདོད་དགུའི་ནོར་སྐྱུགས་པའི་གཏེར་གྱི་ནེའུ་ལེ་བརླ་གཡོན་པ་ལ་བརྟེན་པའི་ཚུལ་གྱིས་འཛིན་པ། ཞབས་གཡས…

པདྨ་དང་ཟླ་བའི་གདན་ལ་གནོད་སྦྱིན་རྣམ་ཐོས་བུའི་གཟུགས་ཅན་ནོར་བུ་སྐྱུགས་པའི་སྟེང་ན་འགྱིང་བ། ཕྱག་གི་ནེའུ་ལེ་དང་ཞབས་ཀྱི་གནོད་སྦྱིན་གྱི་ཁ་དང་ཡན་ལག་རྣམས་ཀླུ་ཆེན་བརྒྱད་སྦྲུལ་གྱི་རྣམ་པས་བརྒྱན་པའི་གདེངས་ཀ་ནོར་བུ་འོད་འབར་བ་དང་། སྤྱི་བོའི་རྒྱལ་བ་མི་བསྐྱོད་པའི་ཕྱག་གི་ནོར་བུ་རྣམས་ལས་གསེར་དངུལ་ཟངས་ལྕགས་འབྲུ་སྨན་ནོར་…

ཟེར་ཉི་མ་འབུམ་ཕྲག་དུས་གཅིག་ལ་ཤར་བ་ལས་ཀྱང་ཆེས་ཆེར་དཔག་ཏུ་མེད་པ་ཕྱོགས་བཅུར་འཕྲོས་པས་སྟེང་ཕྱོགས་ལྷའི་ཡུལ་གྱི་ལྷའི་པཉྩ་ལི་ཀའི་གོས་ལ་སོགས་གོས་ཀྱི་རིགས་དང་། རོ་བརྒྱ་ལྡན་པའི་ཟས་ལ་སོགས་པའི་ཟས་ཀྱི་རིགས་དང་། འཆི་མེད་ཚེ་ཡི་བཏུང་བ་ལ་སོགས་པའི་བཏུང་བའི་རིགས་དང་། འོག་ཕྱོགས་ཀླུའི་ཡུལ་གྱི་ཡིད་བཞིན་གྱི་ནོར་བུ་ལ་སོགས་…

ནམ་ཡང་འཛད་པ་མེད་པའི་གཏེར་དང་ནམ་མཁའ་མཛོད་ལ་མངའ་དབང་བསྒྱར་ནས་རྫོགས་ལྡན་གྱི་དུས་བཞིན་བདེ་སྐྱིད་ཀྱི་དཔལ་ལ་ཉིན་མཚན་འཁོར་མོ་ཡུག་ཏུ་སྤྱོད་པའི་སྐལ་པ་དང་ལྡན་པར་གྱུར་ཅིག །ཨོཾ་ཛམ་བྷ་ལ་ཛ་ལེནྟྲ་ཡེ་སྭཱ་ཧཱ། ཅི་མང་བཟླ། མཇུག་ཏུ། ཨོཾ་ཨཱརྱ་ཛམ་བྷ་ལ་ས་པ་རི་ཝཱ་ར་ཨརྒྷཾ་ནས་ཤབྡའི་བར་གྱིས་མཆོད། ནོར་གྱི་དབང་ཕྱུག་རིན་ཆེན་གཏེར་…

༄༅། །བླ་མ་ཡིད་བཞིན་ནོར་བུ་དང་། །དབྱེར་མེད་ནོར་བདག་ཛམ་ནག་ལ། །བདག་ནི་གུས་པས་གསོལ་བ་འདེབས། །ཅི་འདོད་དངོས་གྲུབ་སྩལ་དུ་གསོལ། སྔགས་ཅི་མང་བརྗོད། ཨོཾ་ཛམྦྷ་ལ་ཛ་ལེནྟྲ་ཡེ་སྭཱ་ཧཱ། བདག་གིས་ནོར་བདག་ཛམ་ནག་བཞིན། །འགྲོ་ཀུན་དབུལ་ཕོངས་ཀུན་བསལ་ནས། །སེམས་ཅན་ཐམས་ཅད་ཛམ་བྷ་ལྷའི། །གོ་འཕང་མཆོག་ལ་འགོད་པར་ཤོག །བཅོམ་ལྡན་ནོར་བདག…

༄༅། །གཏོར་བསྔོ་མདོར་བསྡུས་བཞུགས་སོ།།

ན་མོ་གུ་རུ། གཏོར་བསྔོས་བྱེད་པར་འདོད་པས། ཐོག་མར་རང་ཡི་དམ་གྱི་ལྷ་གང་ཡིན་པའི་སྐུར་མོས་ལ། ངག་ཏུ། རང་ཉིད་སྐད་ཅིག་ཉིད་ལ་ཡི་དམ་ལྷའི་སྐུར་བཞེངས་པར་གྱུར། ༀ་བཛྲ་ཨ་མྲྀ་ཏ༴ སྭ་བྷ་ཝ༴ སྟོང་པའི་ངང་ལས་ཨཱཿལས་བྱུང་བའི་ཐོད་པ་དཀར་པོ་ཡངས་ཤིང་རྒྱ་ཆེ་བའི་ནང་དུ་ཤ་ལྔ་བདུད་རྩི་ལྔ་ཡི་གེ་གསུམ་གྱིས་སྦྱངས་རྟོག་སྦར་གསུམ་བྱས་པ་ལས། …

ཕྱོགས་བཅུའི་ཞིང་ནས་བླ་མ་ཡི་དམ་ལྷ། །མཁའ་འགྲོ་ཆོས་སྐྱོང་ཡུལ་ལྷ་སྤྱན་དྲངས་ཏེ། །མདུན་གྱི་ནམ་མཁའ་ཡངས་པར་བཞུགས་པར་གྱུར། །དབང་བསྐུར་རྒྱུད་བཤད་མན་ངག་གནང་བ་ཡི། །རྩ་བརྒྱུད་བླ་མ་རྣམས་ལ་མཆོད་གཏོར་འབུལ། །བཞེས་ནས་བདག་ཅག་དཔོན་སློབ་འཁོར་བཅས་ཀྱི། །ཤེས་རྒྱུད་སྨིན་ཅིང་གྲོལ་བར་བྱིན་གྱིས་རློབས། །ཅི་འདོད་དངོས་གྲུབ་མ་ལུས་…

ཅི་འདོད་དངོས་གྲུབ་མ་ལུས་སྩལ་དུ་གསོལ། །ཕྱི་ནང་གསང་བའི་བར་ཆད་ཀུན་སེལ་བའི། །དཔའ་བོ་མཁའ་འགྲོ་རྣམས་ལ་གཏོར་མཆོད་འབུལ། །བཞེས་ནས་བདག་ཅག་དཔོན་སློབ་འཁོར་བཅས་ཀྱི། །འགལ་རྐྱེན་བར་ཆད་ཐམས་ཅད་ཞི་བར་མཛོད། །རྒྱལ་བའི་བསྟན་དང་བསྟན་འཛིན་བུ་བཞིན་དུ། །སྐྱོང་བའི་ཆོས་སྐྱོང་རྣམས་ལ་གཏོར་མཆོད་འབུལ། བཞེས་ནས་བདག་ཅག་དཔོན་སློབ་འཁོ…

འདུལ་མཛད་བསྟན་སྲུང་མཆོག །ཡེ་ཤེས་མགོན་པོ་དམ་ཅན་ཆོས་རྒྱལ་དང་། །ནོར་བདག་རྣམ་སྲས་དྲེགས་པ་ལྕམ་སྲིང་དང་། །དཔལ་ལྡན་ལྷ་མོ་ཚེ་རིང་མཆེད་ལྔ་སོགས། །ཆོས་སྐྱོང་ཕོ་རྒྱུད་མོ་རྒྱུད་འཁོར་བཅས་རྣམས། །གར་བཞུགས་དག་པའི་ཞིང་ཁམས་སོ་སོ་ནས། །ངོ་མཚར་རྫུ་འཕྲུལ་སྣ་ཚོགས་སྟོན་བཞིན་དུ། །ཐོགས་པ་མེད་པར་གནས་འདིར་གཤེགས་སུ་གསོལ། །རང་རང་…

མོ་ཨེ་ཀ་ཛཱ་ཏི་དང་། །དགྲ་སྲོག་མྱུར་གཅོད་གཟའ་བདུད་རཱ་ཧུ་ལ། །འཕྲིན་ལས་མྱུར་སྒྲུབ་དམ་ཅན་རྡོ་རྗེ་ལེགས། །བོད་ཁམས་སྐྱོང་བའི་ཚེ་རིང་མཆེད་ལྔ་དང་། །བསྟན་མ་བཅུ་གཉིས་བདུད་བཙན་ཀླུ་གསུམ་སོགས། །ཆོས་སྐྱོང་ཕོ་རྒྱུད་མོ་རྒྱུད་འཁོར་བཅས་རྣམས། །གར་བཞུགས་དག་པའི་ཞིང་ཁམས་སོ་སོ་ནས། །ངོ་མཚར་རྫུ་འཕྲུལ་སྣ་ཚོགས་སྟོན་བཞིན་དུ། ། ཐ…

༄༅། །གཏོར་མ་བརྒྱ་རྩ་བསྡུས་པ་བཞུགས་སོ།།

ན་མོ་ལོ་ཀི་ཤྭ་ར་ཡ། གཏོར་མ་བརྒྱ་རྩ་གཏོང་བར་འདོད་པས། སྐྱབས་འགྲོ་སེམས་བསྐྱེད་ཚད་མེད་བཞི་བསྒོམ་པ་སྔོན་དུ་བཏང་། རིལ་བུ་རྣམས་སྣོད་གཅིག་ཏུ་བཤམས། ཆུ་གཙང་མས་བཀང་ལ། དེ་ནས། རང་ཉིད་སྐད་ཅིག་གི་འཕགས་པ་ཐུགས་རྗེ་ཆེན་པོའི་སྐུར་༼ཞལ་གཅིག་ཕྱག་གཉིས་སམ་ཕྱག་བཞི་པ་གང་རུང་བསྐྱེད་མཆན་༽བཞེངས་པར་གྱུར། མ་ཎི་བརྒྱ་རྩ་བརྗོད། ཨོཾ་བ…

རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུཾ། ལན་གསུམ་བརྗོད། མཆོག་དམན་བར་མའི་མགྲོན་རྣམས་མ་ལུས་པ། །མཆོད་སྦྱིན་གནས་འདིར་གཤེགས་བཞུགས་དགྱེས་པར་རོལ། ཨོཾ་བཛྲ་ཨརྒྷཾ་ནས། ཤབྡའི་བར་བརྗོད། སམྦྷ་རའི་སྔགས་བརྗོད་པའི་རྗེས་སུ་དེ་བཞིན་གཤེགས་པ་བཞིའི་མཚན་བརྗོད། རིན་ཆེན་སྣོད་དུ་བཟའ་བ་རི་རབ་ཙམ། །གཏུང་བ་རྒྱ་མཚོ་ཙམ་དུ་རབ་སྤྲུལ…

ལ་འབུལ། །ཞི་རྒྱས་དབང་དྲག་ཕྲིན་ལས་འགྲུབ་པར་མཛོད། །ཕན་མཛད་དྲང་སྲོང་བདེན་ཚིག་འགྲུབ་ལ་འབུལ། །བསྟན་འགྲོར་ཕན་པའི་སྨོན་ལམ་འགྲུབ་ཏུ་གསོལ། །ནོར་ལྷ་གཏེར་གྱི་བདག་པོ་རྣམས་ལ་འབུལ། །འདོད་དགུའི་ལོངས་སྤྱོད་ཆར་བཞིན་དབབ་ཏུ་གསོལ། །ཡུལ་ལྷ་གཞི་བདག་དཀར་ཕྱོགས་ལྷ་ལ་འབུལ། །འགལ་རྐྱེན་ཀུན་སོལ་མཐུན་རྐྱེན་སྒྲུབ་པར་མཛོད། །མི་མིན…

དགུའི་ཆར་གྱིས་ཐམས་ཅད་ཚིམས་གྱུར་ཅིག ༈ །འཆི་བསླུ་གཏོང་བར་སྤྲོ་ན་གཏོར་ཁ་གསོས་ལ། ཨོཾ་བཛྲ་ཨ་མྲྀ་ཏ་སོགས་གོང་བཞིན་བསང་སྦྱང་བརླབས་ནས། སམ་བྷ་ར་འོས་ཙམ་གྱིས་བསྔོས་ལ་དེ་བཞིན་གཤེགས་པ་བཞིའི་མཚན་བརྗོད་དེ། མཆོད་སྦྱིན་གྱི་གཏོར་མ་རྒྱ་ཆེན་པོ་འདིས་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་རྣམས་ཀྱི་གཙོས་སེམས་ཅན་ཐམས་ཅད་ཚེ་…