ཕན་པ་དཔག་ཏུ་མེད་པ་ཐོགས་པར་གྱུར་ཅིག །ཐོས་བསམ་སྒོམ་གསུམ་གྱི་སྒོ་ནས་སེམས་ཅན་ཐམས་ཅད་ལ་ཕན་པ་དཔག་ཏུ་མེད་པ་ཐོགས་པར་གྱུར་ཅིག །འཆད་རྩོད་རྩོམ་གསུམ་གྱི་སྒོ་ནས་སེམས་ཅན་ཐམས་ཅད་ལ་ཕན་པ་དཔག་ཏུ་མེད་པ་ཐོགས་པར་གྱུར་ཅིག །ལམ་བསླབ་པ་གསུམ་གྱི་སྒོ་ནས་སེམས་ཅན་ཐམས་ཅད་ལ་ཕན་པ་དཔག་ཏུ་མེད་པ་ཐོགས་པར་གྱུར་ཅིག །ལུང་སྡེ་སྣོད་གསུམ་གྱ…

ཅད་ཀྱི་ལུས་ཀྱི་ན་ཚ་སེམས་ཀྱི་སྡུག་བསྔལ་གང་ཡོད་ཚད་ཐམས་ཅད་ཉེ་བར་ཞི་ནས། ལུས་ལ་བདེ་བ་སེམས་ལ་དགའ་བ་དཔག་ཏུ་མེད་པ་འཆར་བར་གྱུར་ཅིག །རང་ཉིད་མཐོང་ཐོས་དྲན་རེག་ཐམས་ཅད་གར་སོང་གི་ཡུལ་ལ་བཀྲ་ཤིས་ཤིང་། གང་བསམ་གྱི་དོན་ཐམས་ཅད་འགྲུབ་པར་གྱུར་ཅིག །གར་བསྡད་ཀྱི་ས་ལ་བྱིན་ཆགས་ཤིང་། གང་ཡོད་ཀྱི་ནོར་ལ་གཡང་འཁྱིལ་བར་གྱུར་ཅིག །གཞན་…

ཅིག །མདོར་ན་རང་ཉིད་མཐོང་ཐོས་དྲན་རེག་ཐམས་ཅད་གནས་སྐབས་སུ་བདེ་ཞིང་། མཐར་ཐུག་སངས་རྒྱས་ཀྱི་གོ་འཕང་བདེ་བླག་ཉིད་དུ་ཐོབ་པར་གྱུར་ཅིག །བླ་མ་རྒྱལ་ཀུན་ཚོགས་གཉིས་རླབས་པོ་ཆེ། །བདག་གཞན་འགྲོ་ཀུན་དུས་གསུམ་དགེ་བའི་ཚོགས། །ཡོངས་རྫོགས་བདག་གི་རྒྱུད་ལ་མྱུར་སྨིན་ནས། །བདག་ནི་མྱུར་བར་མྱུར་དུ་སངས་རྒྱས་ཤོག །ཕྱོགས་བཅུའི་རྒྱལ་བ་…

གསེར་འགྱུར་རྩི་མཆོག་གིས། །ལྕགས་ལ་རེག་བཞིན་སྣོད་རྣམས་དག་པའི་ཞིང་། །བཅུད་རྣམས་ལྷ་དང་ལྷ་མོར་འགྱུར་བར་ཤོག །མ་དག་གནས་ཀུན་དག་པའི་ཞིང་དུ་གྱུར། །འགྲོ་ཀུན་མཚན་དཔེས་བརྒྱན་པའི་ལྷར་གྱུར་ནས། །རིན་ཆེན་གསེར་གྱི་གླིང་ན་རྡོ་མེད་བཞིན། ཁམས་གསུམ་འཁོར་བའི་མིང་ཡང་མེད་པར་ཤོག །སེམས་ཅན་ཐམས་ཅད་གཅིག་མེད་གདུལ་བྱར་རྫོགས། །སངས་ར…

གིས་གང་འདོད་ཀུན་བྱིན་ནས། །སེམས་ཅན་ཀུན་གྱི་རེ་བ་ཡོངས་བསྐངས་ཤིང་། །མཆོད་སྤྲིན་བསམ་གྱིས་མི་ཁྱབ་ཀུན་ཕུལ་ནས། །སངས་རྒྱས་ཀུན་གྱི་ཐུགས་དགོངས་ཡོངས་རྫོགས་ཤོག །བདག་གི་ལྷག་བསམ་རྣམ་པར་དག་པའི་སྒོས། །སྨོན་ལམ་རྣམ་པར་དག་པ་བཏབ་པ་བཞིན། །བླ་མ་རྒྱལ་བ་སྲས་དང་བཅས་རྣམས་ཀྱིས། །གེགས་མེད་འགྲུབ་པར་བྱིན་གྱིས་བརླབ་ཏུ་གསོལ། །བླ་མ…

པའི་བདེན་པ་དང་། །བདག་གི་ལྷག་བསམ་དག་པའི་མཐུ་སྟོབས་ཀྱིས། །རྣམ་དག་སྨོན་པའི་གནས་ཀུན་མྱུར་འགྲུབ་ཤོག །ཤཱཀྱའི་དབང་པོ་འདྲེན་པ་འོད་དཔག་མེད། །མི་ཕམ་འཇམ་དབྱངས་གསང་བདག་སྤྱན་རས་གཟིགས། །བདེ་གཤེགས་འཁོར་བཅས་རྟེན་འབྲེལ་མི་བསླུ་བའི། །བདེན་པས་སྨོན་ལམ་ཅི་བཏབ་མྱུར་འགྲུབ་ཤོག །སངས་རྒྱས་སྐུ་གསུམ་བརྙེས་པའི་བྱིན་རླབས་དང་། །ཆ…

སྨོན་ལམ་གྱི་རིམ་པ་བདེ་སྐྱིད་ཉི་མ་རང་འཆར་ཞེས་བྱ་བ་འདི་ནི། དད་བརྩོན་ཤེས་རབ་སྙིང་རྗེ་དང་ལྡན་པའི་སྐལ་ལྡན་སྙིང་གི་སློབ་བུ་བློ་བཟང་ཤེསརབ་ཀྱིས་རྒས་ཁར་འགྲོ་ལ་ཕན་པའི་ཆོས་སྤྱོད་སྨོན་ལམ་འདི་ལྟ་བུ་ཞིག་དགོས་ཞེས་བསྐུལ་ངོར། ༧ཞབས་དཀར་པས་རང་གིས་རྒྱུན་དུ་བློ་ལ་འདོན་པ་རྣམས་དབེན་གནས་ཉམས་དགའ་རིག་པ་དྭངས་པའི་རྨ་འགྲམ་རི་ཁྲ…

༄༅། །བླ་མ་རྡོ་རྗེ་སེམས་དཔར་གུས་ཕྱག་འཚལ། །མཆོད་ཚོགས་ཀུན་འབུལ་སྡིག་ལྟུང་མཐོལ་ལོ་བཤགས། །མཛད་པར་ཡི་རང་བསྐུལ་ཞིང་གསོལ་བ་འདེབས། །དགེ་ཚོགས་མངོན་དགའི་ཞིང་དུ་སྐྱེ་ཕྱིར་བསྔོ། །བདག་ནི་ནམ་ཞིག་འཆི་བའི་དུས་སྐབས་སུ། །མདུན་དུ་རྡོ་རྗེ་སེམས་དཔའ་མངོན་སུམ་བྱོན། །འཛུམ་པའི་ཞལ་བསྟན་ཐུགས་རྗེའི་ཕྱག་བསྐྱངས་ནས། །མངོན་པར་དགའ་བ…

ཆེན་ལས་གྲུབ་དཔག་བསམ་ལྗོན་པའི་ཤིང་། །ལོ་མ་མེ་ཏོག་འབྲས་བུ་དར་དཔྱངས་མཛེས། །དེ་སྟེང་སྤུ་སྡུག་བྱ་ཚོགས་སྐད་སྙན་སྒྲོག །མངོན་པར་དགའ་བའི་ཞིང་དུ་སྐྱེ་བར་ཤོག །རླུང་གིས་བསྐྱོད་ཚེ་ལྗོན་ཤིང་ཐམས་ཅད་ལས། །སྣ་ཚོགས་མེ་ཏོག་ཆར་འབེབས་དྲི་ཞིམ་འཐུལ། །འདོད་ན་ཟས་གོས་རྒྱན་གྱི་ཆར་ཡང་འབེབས། །མངོན་པར་དགའ་བའི་ཞིང་དུ་སྐྱེ་བར་ཤོག །…

དལ་བའི་རླུང་། །འདོད་ན་ལྡང་ཞིང་མི་འདོད་ཚེ་ན་ཞི། །མངོན་པར་དགའ་བའི་ཞིང་དུ་སྐྱེ་བར་ཤོག །བྱ་དང་ལྗོན་ཤིང་སྙན་པའི་བ་དན་ལས། །ཐོས་པར་འདོད་ན་སྙན་པའི་ཆོས་སྒྲ་འབྱིན། །མི་འདོད་ཚེ་ན་གཅིག་ཀྱང་སྒྲ་མི་གྲགས། །མངོན་པར་དགའ་བའི་ཞིང་དུ་སྐྱེ་བར་ཤོག །གང་འདོད་ཡིད་ལ་དྲན་པ་ཙམ་གྱིས་འབྱུང་། །ནད་གདོན་དགྲ་དང་དབུལ་ཕོངས་འཐབ་རྩོད་སོ…

ལྡོག་པར་བྱེད། །མངོན་པར་དགའ་བའི་ཞིང་དུ་སྐྱེ་བར་ཤོག །མངོན་པར་དགའ་བའི་ཞིང་དུ་སྐྱེས་ནས་ཀྱང་། །ས་ལམ་ཡོན་ཏན་མ་ལུས་མཐར་ཕྱིན་ནས། །ཚེ་འདིའི་དྲིན་ཅན་ཕ་མས་ཐོག་དྲངས་པའི། །སྐྱེ་བོའི་ཚོགས་རྣམས་བདག་གིས་འདྲེན་པར་ཤོག །ཅེས་པ་འདི་ནི་སློབ་བུ་ཀུན་བཟང་གཞན་ཕན་གྱིས་བསྐུལ་ངོར། ༧བྱ་བཏང་ཚོགས་དྲུག་རང་གྲོལ་གྱིས་སར་གནས་དག་པ་མཁའ་…

༄༅། །སྨོན་ལམ་སངས་རྒྱས་ཞིང་ཁམས་གྲངས་མེད་ཀྱི་སྒོ་རྣམས་འབྱེད་པའི་ལྡེ་མིག་ཞེས་བྱ་བ་བཞུགས་སོ།།

༄༅། །ཕྱོགས་བཅུའི་ཞིང་ཁམས་རྣམས་ཡིད་ལ་བྱས་ནས་འདི་སྐད་དོ། །ཨེ་མ་ཧོ། འདི་ནས་ཤར་གྱི་ཕྱོགས་རོལ་ན། །མངོན་པར་དགའ་བའི་ཞིང་ཁམས་ཡོད། །ཞིང་ཁམས་དེ་ན་བཅོམ་ལྡན་འདས། །རྡོ་རྗེ་སེམས་དཔའ་ཞེས་བྱ་བཞུགས། །སྐྱེ་བ་འདི་ཡི་འོག་རོལ་ཏུ། །ཞིང་ཁམས་དེ་རུ་འགྲོ་བར་ཤོག །འདི་ནས་ལྷོ་ཡི་ཕྱོགས་རོལ་ན། །དཔལ་དང་ལྡན་པའི་ཞིང་ཁམས་ཡོད། །ཞིང་ཁམ…

ཤོག །འདི་ནས་ནུབ་ཀྱི་ཕྱོགས་རོལ་ན། །པདྨ་བརྩེགས་པའི་ཞིང་ཁམས་ཡོད། །ཞིང་ཁམས་དེ་ན་སྤྲུལ་པའི་སྐུ། །བཅོམ་ལྡན་སྣང་བ་མཐའ་ཡས་བཞུགས། །སྐྱེ་བ་འདི་ཡི་འོག་རོལ་ཏུ། །ཞིང་ཁམས་དེ་རུ་འགྲོ་བར་ཤོག །འདི་ནས་བྱང་གི་ཕྱོགས་རོལ་ན། །ལས་རབ་རྫོགས་པའི་ཞིང་ཁམས་ཡོད། །ཞིང་ཁམས་དེ་ན་སྤྲུལ་པའི་སྐུ། །བཅོམ་ལྡན་དོན་ཡོད་གྲུབ་པ་བཞུགས། །སྐྱེ་…

རྣམས་བཀོད་པ་ཞེས་བྱ་བའི། །ཞིང་ཁམས་ཤིན་ཏུ་ཡངས་པ་ཡོད། །ཞིང་ཁམས་དེ་ན་མཐུ་སྟོབས་ཀྱི། །བདག་པོ་ཕྱག་ན་རྡོ་རྗེ་བཞུགས། །སྐྱེ་བ་འདི་ཡི་འོག་རོལ་ཏུ། །ཞིང་ཁམས་དེ་རུ་འགྲོ་བར་ཤོག །འདི་ནས་ཤར་ལྷོའི་ཕྱོགས་རོལ་ན། །ཐུགས་རྗེས་བརྒྱན་པའི་ཞིང་ཁམས་ཡོད། །ཞིང་ཁམས་དེ་ན་བཅོམ་ལྡན་འདས། །སྤྱན་རས་གཟིགས་དབང་ཞེས་བྱ་བཞུགས། །སྐྱེ་བ་འདི་…

བྱ་བཞུགས། །སྐྱེ་བ་འདི་ཡི་འོག་རོལ་ཏུ། །ཞིང་ཁམས་དེ་རུ་འགྲོ་བར་ཤོག །འདི་ནས་འོག་གི་ཕྱོགས་རོལ་ན། །མི་གཡོ་ཞེས་བྱའི་ཞིང་ཁམས་ཡོད། །ཞིང་ཁམས་དེ་ན་བཅོམ་ལྡན་འདས། །འོད་སྲུངས་ཆེན་པོ་ཞེས་བྱ་བཞུགས། །སྐྱེ་བ་འདི་ཡི་འོག་རོལ་ཏུ། །ཞིང་ཁམས་དེ་རུ་འགྲོ་བར་ཤོག །ཕྱོགས་བཅུའི་ཞིང་ཁམས་དེ་རྣམས་ཀྱི། །དབུས་སུ་གཏོགས་པའི་བར་སྣང་ན། །…

བསམ་གྱིས་མི་ཁྱབ་སྤྲོས་ནས་ཀྱང་། །སངས་རྒྱས་འཁོར་བཅས་མཆོད་པར་ཤོག །དེ་ཚེ་སངས་རྒྱས་དེ་རྣམས་ཀྱིས། །ཕྱག་གཡས་བརྐྱངས་ནས་མགོ་ལ་བཞག །བྱང་ཆུབ་ལུང་བསྟན་ཐོབ་པར་ཤོག །ཟབ་དང་རྒྱ་ཆེའི་ཆོས་ཐོབ་ནས། །རང་རྒྱུད་སྨིན་ཅིང་གྲོལ་བར་ཤོག །ཉིན་རེ་བཞིན་དུ་ཕྱོགས་བཅུ་ཡི། །སངས་རྒྱས་ཞིང་ཁམས་གྲངས་མེད་དུ། །སངས་རྒྱས་མཆོད་དང་བལྟ་བའི་ཕྱིར…

རྫོགས་སངས་རྒྱས་ནས་ཕྱོགས་བཅུ་ཡི། །སངས་རྒྱས་ཀུན་གྱི་མཛད་པ་རྣམས། །གཅིག་ཏུ་བསྡུས་པ་ལས་ལྷག་པའི། །རླབས་ཆེན་མཛད་པས་འགྲོ་བ་ནི། །ཕྱོགས་བཅུའི་རྒྱལ་བས་མ་བསྒྲལ་བ། །དེ་དག་བདག་གིས་ཡོངས་བསྒྲལ་ཏེ། །འཁོར་བའི་རྒྱ་མཚོ་སྟོངས་ནས་ཀྱང་། །སངས་རྒྱས་ཞིང་ཁམས་འགེངས་པར་ཤོག །ཞལ་མཐོང་གསུང་ཐོས་བླ་མ་དང་། །ཕྱོགས་བཅུའི་སངས་རྒྱས་བྱང་ས…

ཡོད། །ཞིང་ཁམས་དེ་དག་ཐམས་ཅད་ན། །སངས་རྒྱས་བྱང་སེམས་གྲངས་མེད་བཞུགས། །སྐྱེ་བ་འདི་ཡི་འོག་རོལ་ཏུ། །བསོད་ནམས་སྟོབས་དང་རྫུ་འཕྲུལ་གྱིས། ། གྲངས་མེད་ཞིང་ཁམས་དེ་རྣམས་སུ། །ཐོགས་པ་མེད་པར་འགྲོ་བར་ཤོག །ཅེས་ཉིན་རེ་བཞིན་དུ་ཡང་ཡང་སྨོན་ལམ་གདབ། འདི་བྲིས་པའི་རྒྱུ་མཚན་ནི། རང་ཉིད་འཁྲུལ་པའི་རྨི་ལམ་དུ་རྩ་བའི་བླ་མས་ཁྱོད་ཀྱིས་…

༄༅། །རིགས་ལྔའི་ཞིང་སྦྱོང་སྨོན་ལམ་བཞུགས་སོ།།