བརྙན་དུ་བཞེངས་པ་དུས་གསུམ་གྱི་བདེ་བར་གཤེགས་པ་ཐམས་ཅད་འདུས་པའི་སྤྱི་གཟུགས་བཅོམ་ལྡན་འདས་དཔལ་རྟ་མགྲིན་དབང་གི་རྒྱལ་པོ། དེ་ཡང་འདོད་ཆགས་རྣམ་པར་དག་པ་བདེ་ཆེན་འགག་མེད་ཀྱི་ཆོ་འཕྲུལ་ལས་རང་བྱུང་ཞིང་ཆགས་པ་ཆེན་པོས་འགྲོ་བ་རྣམས་དབང་དུ་སྡུད་ཅིང་འདུལ་བའི་བརྡར་སྐུ་མདོག་དམར་པོ། ཆོས་དབྱིངས་ཀུན་ཏུ་བཟང་པོའི་དགོངས་པ་མངོན་དུ་…

བ་དང་། ཕུར་པ་འཛིན་པ། ཟུང་འཇུག་རྡོ་རྗེའི་ཏིང་ངེ་འཛིན་ལ་ནམ་ཡང་འགྱུར་བ་མེད་པའི་བརྡར་ཞབས་རྡོ་རྗེའི་སྐྱིལ་ཀྲུང་དུ་བཞུགས་པ། གཟུང་འཛིན་གྱི་རྟོག་ཚོགས་དབྱིངས་སུ་གྲོལ་ནས་མྱང་འདས་ཀྱི་གོ་འཕང་མཐར་ཕྱིན་པའི་བརྡར་དབུ་སྐྲ་ཁམས་སེར་གྱེན་དུ་གཡེང་བ། སྲིད་གསུམ་ཟིལ་གྱིས་གནོན་པའི་བརྡར་རྟ་མགོ་ལྗང་ནག་ཧཱུཾ་སྒྲ་ལྡིར་བ། ཡེ་ཤེས་…

ཆེ་བའི་ཡོན་ཏན་གྱི་ཡེ་ཤེས་མ་འགགས་པའི་བརྡར་ཡུམ་རྡོ་རྗེ་ཕག་མོ་སྐུ་མདོག་སྔོ་དམར། མཚན་འཛིན་གྱི་སྒྲིབ་གཡོགས་བྲལ་བའི་ཕྱིར་གཅེར་བུ། དགའ་བ་བཅུ་དྲུག་མཐར་ཕྱིན་པའི་བརྡར་བཅུ་དྲུག་ལོན་པའི་ལང་ཚོ་རྒྱས་པ། དབྱིངས་ལས་ཡེ་ཤེས་ཕྱོགས་མེད་དུ་རྒྱས་པའི་བརྡར་སྐྲ་གྲོལ་ཞིང་མི་རུས་ལས་གྲུབ་པའི་དབུ་རྒྱན་ཆོས་དབྱིངས་ཡེ་ཤེས་ཀྱི་རང་བཞ…

དགའ་བཞིའི་བདེ་བ་ཆེན་པོར་རྟག་ཏུ་སྤྱོད་པའི་བརྡར་རྡོ་རྗེ་པདྨར་རོལ་པ། འགྲོ་བ་སོ་སོའི་སྐད་དུ་ཆོས་སྒྲ་སྒྲོགས་པའི་བརྡར་སྤྱི་བོར་ཕག་གདོང་མཐིང་གས་ཕེཾ་སྒྲ་སྒྲོག་པའོ། ཡབ་ཡུམ་གཉིས་ཀྱི་མདུན་དུ་པདྨ་ཉི་ཟླའི་གདན་ལ་སྲས་མཆོག་སྐུ་མདོག་དམར་པོ་མགྲིན་པ་ཡན་ཆད་རྟ་མགོ་ལྗང་ནག །ཞུ་དཀར་པོ། ཁྲུམ་ཁྲུམ་སེར་པོ། རྔོག་མ་དམར་པོ་སྟེ་ར…

སེམས་ཉིད་རང་བྱུང་གི་ཡེ་ཤེས་འགག་མེད་སྒྱུ་འཕྲུལ་གྱི་རོལ་པར་འཆར་བའི་ཡེ་ཤེས་ཀྱི་སྣང་བརྙན་ཉིད་ད་རེས་མཚན་མའི་རྟེན་འདིས་མཚོན་ཏེ་བཅོམ་ལྡན་འདས་དཔལ་ཆེན་རྟ་ཕག་ཡབ་ཡུམ་གྱི་དཀྱིལ་འཁོར་མངོན་སུམ་བཞིན་དུ་མཐོང་བར་འགྱུར་སྙམ་པའི་མོས་པ་མཛོད། དེ་དག་ནི་ལྷ་དང་སྐལ་བ་མཉམ་པའི་ཕྱིར་དུ་འཇུག་པའི་ཆོས་རྣམས་སོང་ནས་ཞུགས་པའི་དཀྱིལ་འཁ…

ཁམས་བདེ་བར་གཤེགས་པའི་སྙིང་པོ་རང་བཞིན་གྱིས་རྣམ་པར་དག་པས་ཡེ་ནས་འཁོར་འདས་མཉམ་པ་ཉིད་དུ་བཞུགས་པ་ནི་སྦྱང་གཞི། དེ་མ་རྟོགས་པའི་གློ་བུར་འཁྲུལ་རྟོག་གི་དབང་གིས་འཁོར་བར་སྣང་ཞིང་ཞེན་པ་འདི་དག་སྦྱང་བྱ། དེ་ཉིད་དྲི་མ་ཡིན་པའི་ཕྱིར་སྦྱང་དགོས་ལ། སྦྱོང་བྱེད་སྨིན་གྲོལ་གྱི་ལམ་ཟབ་མོ་བཞི་དང་རྗེས་སུ་མཐུན་པར་རྟོགས་གོམས་ཀྱི་སྦ…

སུ་པདྨ་ཉི་མ་ཟླ་བའི་གདན་ལ་ཁྱེད་རང་རྣམས་རྟ་ཕག་ཡབ་ཡུམ་གྱི་རྣམ་པས་འཁོད་པའི་མོས་པ་མཛོད། བླ་མ་དང་གཉིས་སུ་མེད་པའི་དཀྱིལ་འཁོར་གྱི་གཙོ་བོའི་གནས་གསུམ་ནས་འོད་ཟེར་ལྕགས་ཀྱུ་ལྟ་བུ་འཕྲོས་པས་གདན་གསུམ་ཚང་བའི་དབང་གི་ལྷ་ཚོགས་ཐམས་ཅད་མདུན་གྱི་ནམ་མཁར་བཛྲ་ས་མཱ་ཛཿས་སྤྱན་དྲངས། ཨོཾ་བཛྲ་ཨརྒྷཾ་སོགས་ཆུ་གཉིས་ཉེར་སྤྱོད་རོལ་མོར་བཅ…

དག །ཕུང་པོ་ལྔ་རིགས་ལྔར་གནས་བསྒྱུར། ཡེ་ཤེས་ལྔ་མངོན་དུ་བྱས་པའི་མོས་པ་མཛོད་ཅིག ཧྲཱིཿ དག་བྱེད་ཡེ་ཤེས་བདུད་རྩི་ལྷ་ཡི་ཆུ༔ བདེ་གཤེགས་དབང་ཆེན་འདུས་པའི་བུམ་པ་ཡིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ ཕུང་ཁམས་ལྷ་ཡི་སྐུ་རུ་གྲོལ་བར་ཤོག༔ ཧྲཱིཿ པདྨ་ཀྲོ་དྷ་ཧ་ཡ་གྲཱྀ་ཝ་ཧཱུྃ་ཕཊཿ༔ ཧྲཱིཿམ་ཧ་རི་ནི་ས་ར་ཙ་ཧྲཱི་ཡ་ཨ་བྷི་ཥིཉྩ…

ལུས་ལ་བསྐོན་པས་དཔལ་ཧེ་རུ་ཀའི་གནས་ཐོབ་སྟེ་མ་མོ་དང་མཁའ་འགྲོ་ཡོངས་ཀྱི་རྗེ་བོར་མངའ་དབང་བསྒྱུར་བ་ཡིན་ནོ། །ཕྱག་མཚན་ཐོགས་ལ། ཧྲཱིཿ གདུག་པ་ཚར་གཅོད་རྡོ་རྗེ་ཐོ་བ་དང་༔ དངོས་གྲུབ་རྩོལ་བྱེད་ཐོད་ཁྲག་ཕུར་བུ་རྣམས༔ སྐལ་ལྡན་རིགས་ཀྱི་བུ་ཡི་ལག་ཏུ་གཏདཿ༔ དབང་བསྒྱུར་བརྟུལ་ཞུགས་ནུས་རྩལ་རྫོགས་པར་ཤོག༔ ཧྲཱིཿ པདྨ་ཙཎྜ་ཧ་ཡ་གྲྀ་ཝ་…

ཅན་དུ་བྱས་པ་ཡིན་ནོ། །གཉིས་པ་གསང་བའི་དབང་ནི། སླར་ཡང་ཁྱེད་རང་རྣམས་དཀྱིལ་འཁོར་གྱི་ལྷོ་ཕྱོགས་སུ་འཁོད་པར་མོས་ཏེ། སློབ་དཔོན་གསུང་རྡོ་རྗེའི་བདག་ཉིད་དུ་བཞུགས་པ་ལ། དཀྱིལ་འཁོར་གྱི་གཙོ་བོ་ཡབ་ཡུམ་དུ་གསལ་བའི་སྐུ་ལ་ཞི་ཁྲོའི་ལྷ་ཚོགས་ཡབ་ཡུམ་ཏིལ་གྱི་གོང་བུ་བཞིན་གང་བར་བཞུགས་པའི་ཡབ་ཀྱི་གསང་གནས་ཧཱུཾ་ལ་རྡོ་རྗེ་ནོར་བུའི་…

དབུ་མར་ཐིམ། ཐིག་ལེའི་འཕོ་བ་ཟག་མེད་བདེ་བ་ཆེན་པོའི་རང་བཞིན་དུ་བརྟན་པར་བྱས་པར་མོས་ལ། བྷནྡྷ་བདུད་རྩིས་གང་བ་ཐོགས་ཏེ། ཧཱུྃ། ཆོས་སྐུ་སྣང་མཐའི་ངང་ལས་མ་གཡོས་ཀྱང་༔ ལོངས་སྤྱོད་རྫོགས་སྐུའི་སྣང་ཚུལ་ཅིར་ཡང་སྟོན༔ སྤྲུལ་སྐུ་ཁྲོ་རྒྱལ་དབང་ཆེན་ཡབ་ཡུམ་གྱིས༔ ཀུན་འདུས་བྱང་སེམས་བདུད་རྩིའི་དབང་ཐོབ་ཤོག༔ ཧྲཱིཿ པདྨ་ཙཎྜ་ཧ་ཡ་གྲ…

ཞལ་ནས་ཐོན། ཁྱེད་རང་རྣམས་རྟ་ཕག་ཡབ་ཡུམ་དུ་གསལ་བའི་ཞལ་དུ་བཞུགས། ཐུགས་ཀར་ཟླ་སྟེང་རྡོ་རྗེ་རྩེ་ལྔ་པའི་ལྟེ་བར་ཉི་ཟླའི་གའུ་ཁ་སྦྱོར་གྱི་ནང་དུ་ཐུགས་སྲོག་ཧྲཱིཿཡིག་སྔོ་དམར་འོད་ཟེར་འབར་བའི་མཐར་འཁོད་པ་ལས་འོད་ཟེར་འཕྲོས། སྲས་བཅས་རྒྱལ་བ་མཆོད་པས་མཉེས། སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་འོད་ཟེར་སྣ་ལྔ་འཇ…

ཐོགས་ལ། ཨཱཿ སྐྱེ་མེད་གསལ་དྭངས་དྲན་འཛིན་ཞིག༔ སྔགས་བཟླས་ཆུ་བོའི་གཞུང་བཞིན་མཚུངས༔ གསལ་ཆ་མ་འགགས་ལྷ་སྔགས་དབང་༔ སྐལ་ལྡན་བུ་ཡིས་ཐོབ་པར་ཤོག༔ གོང་གི་རྩ་སྔགས་ཀྱི་ཤམ་བུར་དབྱངས་གསལ་རྟེན་སྙིང་སྦྲེལ་བ་བཟླ་བཞིན་དུ་ལག་ཏུ་གཏད། དེ་ལྟར་ནང་ལུས་ཀྱི་དཀྱིལ་འཁོར་ལ་བརྟེན་ནས་གསང་བའི་དབང་བསྐུར་བ་ཐོབ། ངག་རླུང་གི་སྒྲིབ་པ་དག །ཉོ…

དབང་གི་རྒྱལ་པོ་ཡབ་དང་། ཕྱག་རྒྱ་མ་རྡོ་རྗེ་ཕག་མོ་ཡུམ་དུ་གསལ་བས་གཉིས་ཀའི་ལུས་ཀྱི་རྩ་འཁོར་ལྔ་ལ་རང་འདྲའི་ལྷ་ཡབ་ལ་ཡབ་དང་། ཡུམ་ལ་ཡུམ་རྣམས་སོ་སོར་བསྐྱེད་པ་ལྷའི་འདུ་ཤེས། ཡབ་ཀྱི་གསང་གནས་ཧཱུཾ་ལས་རྡོ་རྗེ་ནོར་བུའི་བུ་གར་ཨོཾ། ཡུམ་གྱི་གསང་གནས་ཨཱཿལས་པདྨ་འདབ་བརྒྱད་འོད་ཟེར་འབར་བའི་ཟེའུ་འབྲུར་ཧྲཱིཿཡིག་གིས་མཚན་པར་མོས་པ…

ཆེན་མཆོག་ཏུ་མི་འགྱུར་བའི་ངོ་བོར་ཆོས་ཐམས་ཅད་རོ་མཉམ་པར་བལྟ་བ་མོས་ལ། མེ་ལོང་གཡའ་བྲལ་ཐོགས་ཏེ། རེག་བྱའི་བདེ་བ་འཇམ་ཞིང་ཡིད་དུ་འོང་༔ སྟོང་གསལ་ཉམས་དབྱངས་ཡེ་ཤེས་གསལ་སྒྲིབ་མེད༔ སྣ་ཚོགས་འབར་བའི་ཤེས་རབ་ཡེ་ཤེས་དབང་༔ སྐལ་ལྡན་གསང་སྔགས་དམ་པར་དབང་བསྐུར་རོ༔ རྩ་སྔགས་མཐར། ཀརྨ་མུ་དྲ་ཙིཏྟ་ཨ་བྷི་ཥིཉྩ་ཧཱུཾ། ཞེས་སྙིང་གར་བཞག…

བཞུགས་པར་བསམ་པར་མཛོད་ལ། དབང་གཏོར་ཐོགས་ཏེ། དཔལ་གྱི་གཏོར་མ་ཕྱི་སྣོད་དབང་ཆེན་ཟླ་གམ་འབར་བ་དང་འོག་མིན་མཁའ་ལ་སྤྱོད་པའི་ཞིང་ཁམས་ཐ་མི་དད་པ་ཆོས་དབྱིངས་བརྡལ་བ་ཆེན་པོའི་ཕོ་བྲང་གཞལ་མེད་ཁང་འཇའ་ཟེར་ཐིག་ལེ་འོད་ལྔའི་དྲྭ་བ་འཁྱིལ་བའི་ཀློང་དུ། གཏོར་མ་ཉིད་སྣང་ཆ་དབང་ཆེན་རྟ་མཆོག་རོལ་པ་རྩལ་དང་། སྟོང་ཆ་ཡུམ་རྡོ་རྗེ་ཕག་མོ་གཉ…

རང་གསལ་རྟོགས་པར་ཤོག༔ རྩ་སྔགས་མཐར། ཏི་ལ་ཀ་ཛྙཱ་ན་བ་ལིངྷ་ཨ་བྷི་ཥིཉྩ་ཧཱུྃ༔ ཞེས་གཏོར་མ་གནས་བཞིར་གཏད་དོ། དངོས་གཞི་དཔེ་ཚིག་ལ་བརྟེན་ནས་རིག་པ་རྩལ་གྱི་དབང་བསྐུར་བ་ནི། སློབ་དཔོན་གྱིས་མན་ཤེལ་མིག་ལམ་དུ་བསྟན་ཏེ། འདི་ནི་རང་བྱུང་བློ་བྲལ་རིག་པའི་ཡེ་ཤེས་བཅོས་སླད་མེད་པ་དཔེ་འདིས་མཚོན་ནས་རྟོག་པའི་འཕྲང་བསལ། མི་རྟོག་པའི་ས…

བསྐུར་དང་བསྐུར་བའི་བརྗོད་ཚིག་རྣམས༔ བློ་འདས་སྤྲོས་བྲལ་བརྗོད་མེད་དུ༔ ཐམས་ཅད་རིག་པའི་ཆོ་འཕྲུལ་ཆེ༔ སེམས་རིག་བསམ་བརྗོད་བྲལ་བའི་ངང་༔ འདི་ནི་མཉམ་རྫོགས་ཆེན་མོའི་དབང་༔ རྗེས་སུ་སྐྱོངས་ཤིག་སྐལ་ལྡན་རྣམས༔ བསྐྱང་བྱ་སྐྱོང་བྱེད་བཟོ་བཅོས་བྲལ༔ བློ་བྲལ་རིག་པའི་ཡེ་ཤེས་འདི༔ ཁྱོད་ཀྱིས་ད་ལྟ་རྟོགས་གྱུར་ཅིག༔ རང་རིག་རྗེན་པ་འ…

སྐལ་བ་ཅན་དུ་བྱས་པ་ཡིན་ནོ། དེ་ལྟར་ཁྱེད་རང་རྣམས་ཀྱི་ལུས་ངག་ཡིད་གསུམ་བཅོམ་ལྡན་འདས་དཔལ་རྟ་ཕག་ཡབ་ཡུམ་གྱི་གསང་བ་གསུམ་དབྱེར་མི་ཕྱེད་པར་གྱུར་པ་ནས། སྐུ་གསུང་ཐུགས་ཡོན་ཏན་ཕྲིན་ལས་རྒྱ་མཚོར་དབང་འབྱོར་བ་ལ་སློབ་དཔོན་མདུན་བསྐྱེད་དང་བཅས་པས་མེ་ཏོག་གི་ཆར་འབེབས་ཤིང་ཤིས་པ་བརྗོད་པའི་ཚིགས་སུ་བཅད་པས་མངའ་གསོལ་བར་མོས་མཛོད། ཅ…

བྱིན་རླབས་བཀའ་བབ་མ་ཆད་པའི༔ རིག་འཛིན་རྩ་བརྒྱུད་བླ་མ་ལ༔ གསོལ་བ་རྒྱུན་ཆད་མེད་པར་ཐོབ༔ དབང་བཞིའི་བཀའ་བབ་མ་ཆད་པའི༔ བསྐྱེད་རྫོགས་ཆུ་བོའི་རྒྱུན་བཞིན་སྒོམས༔ དངོས་གྲུབ་བཀའ་བབ་མ་ཆད་པའི༔ ཚོགས་གཏོར་མེ་མཆོད་རྒྱུན་དུ་བྱ༔ ནུས་པའི་བཀའ་བབ་མ་ཆད་པའི༔ ཐིག་ལེ་རང་གི་སྲོག་ལྟར་གཅེས༔ དམ་ཚིག་བཀའ་བབ་མ་ཆད་པའི༔ འཁྲི་བ་བཅད་ཅིང་ཞེ…