བོ་ཆེ་འདི་དོན་ཡོད་པར་བྱ་སྙམ་དུ་སྒོ་གསུམ་གྱི་སྡིག་པ་མི་དགེ་བའི་ལས་སྲོག་ལ་བབས་ཀྱང་མི་བྱེད་པར་དམ་བཅས་སྟེ། བརྩོན་འགྲུས་དྲག་པོས་དགེ་བའི་ལས་ལ་འབད་ཅིང་། ཚེ་འདི་ཉིད་ལ་གཏན་གྱི་ལམ་སྣ་ཟིན་པ་ཞིག་བྱའོ། །སྙམ་པའི་ཞེ་དམ་ཡང་ཡང་བྱའོ། །དེ་ལྟར་འཁོར་བའི་ཉེས་དམིགས་ལེགས་པར་བསམ་ནས་ངེས་པར་ཐར་འདོད་ཀྱི་བློ་བཅོས་མིན་བསྐྱེད་ནས།…

དབུས་སུ་རང་ཉིད་ཐ་མལ་དུ་གནས་པའི། མདུན་གྱི་ནམ་མཁར་འཇའ་འོད་ཀྱི་གུར་ཁང་མཐའ་དབུས་མེད་པར་བྲལ་བའི་དབུས་སུ། འོད་སྣང་ལས་སྣ་ཚོགས་པདྨ་འབུམ་ཕྲག་དང་། ཉི་ཟླ་བརྩེགས་པའི་གདན་རྒྱ་ཆེའི་དབུས་སུ། ངོ་བོ་དྲིན་ཅན་རྩ་བའི་བླ་མ་ལ་རྣམ་པ་ཆོས་སྐུ་ཀུན་ཏུ་བཟང་པོ་གཅེར་བུ་སྐུ་མདོག་མཐིང་ཞུན་ལྟར་འཚེར་བ་ཞལ་གཅིག་ཕྱག་གཉིས། ཞབས་རྡོ་རྗེ་ས…

ཅན་ལ་སྔགས་འཆང་གྲུབ་ཐོབ་རྒྱ་མཚོའི་བསྐོར་བ། མདུན་དུ་ཐུགས་རྗེ་ཆེན་པོ་ཞལ་གཅིག་ཕྱག་གཉིས་སྐུ་མདོག་དམར་པོ། ཕྱག་གཡས་པད་རག་གི་འཕྲེང་བ། གཡོན་མེ་ཏོག་ཨུཏྤལའི་སྡོང་པུ་འཛིན་པ། ཡུམ་གསང་བ་ཡེ་ཤེས་དང་སྙོམས་པར་བཞུགས་པའི་མཐའ་བསྐོར་དུ་གསང་སྔགས་ཕྱི་ནང་གི་རྒྱུད་སྡེའི་ལྷ་ཚོགས་དཀྱིལ་འཁོར་གྱི་བཀྲ་བ། རྒྱབ་ཏུ་འོད་སྣང་འཇའ་ཕུང་ག…

དེ་སྲིད་དུ་རེ་ས་ལྟོས་ས་སྐྱབས་གནས་དམ་པ་ཁྱེད་རྣམས་མ་གཏོགས་གཞན་ན་མེད་སྙམ་དུ་བློ་སྙིང་བྲང་གསུམ་དཀོན་མཆོག་གསུམ་ལ་ལིང་གི་བཀལ་ཏེ་གདུངས་ཤུགས་དྲག་པོས་སྐྱབས་འགྲོ་བྱེད་པར་བསམ་ཞིང་། ཁྱད་པར་སེམས་ཅན་ཐམས་ཅད་ལ་སྙིང་རྗེ་ཆེན་པོས་ཀུན་ནས་བསླང་ཏེ། འདི་རྣམས་འཇིགས་རུང་འཁོར་བའི་སྡུག་བསྔལ་ལས་སྐྱོབས་དུ་གསོལ་སྙམ་པས་ངག་ཏུ། ན་མ…

ལ་སྐྱབས་བཅོལ་བ་དང་ཕྱག་མི་འཚལ། སངས་རྒྱས་བརྟེན་སཙྪ་དུམ་ཙམ་ལ་གུས་པས་མཆོད། ཆོས་ལ་སྐྱབས་སུ་སོང་ནས་ཡི་གེ་ཚིག་ཟུར་ཙམ་ལ་གུས་པས་མཆོད་ཅིང་སེམས་ཅན་འཚེ་བ་ཅུང་ཟད་ཙམ་མི་བྱ། དགེ་འདུན་ལ་སྐྱབས་སུ་སོང་ནས་དགེ་འདུན་གྱི་རྟགས་སྤུ་ཙམ་ལ་གུས་པར་བྱ་ཞིང་གྲོགས་མུ་སྟེགས་ཅན་དང་བླ་གབ་གཅིག་པར་མི་འགྲོགས། བླ་མ་ལ་སྐྱབས་སུ་སོང་ནས་མཛད་…

མེད་པར་ཐམས་ཅད་རིགས་དྲུག་གི་སེམས་ཅན་གོ་མཚམས་མེད་པར་ཁྱབ། སེམས་ཅན་དེ་ཐམས་ཅད་ཀྱང་བདག་གི་ཕ་མ་མ་བྱས་པ་ནི་གཅིག་ཀྱང་མེད། ལན་གྲངས་དཔག་ཏུ་མེད་པ་ཞིག་བྱས་ནས་ཕན་ཚད་མེད་བཏགས་ཤིང་གནོད་པ་ཚད་མེད་པ་ལས་སྐྱོབ་པའི་དྲིན་ཅན་ཤ་སྟག་ཡིན། དེ་ཐམས་ཅད་འདོད་པ་བདེ་བ་འདོད་ཀྱང་ཐབས་མི་ཁས་པས་སྒྲུབ་པ་སྡུག་བསྔལ་ཁོ་ན་སྒྲུབ་ཏེ་ཞེས་འདོད་དང…

རོ། བརྒྱ་སྟོང་ལ་སོགས་པར་སྙིང་ཐག་པ་ནས་བརྗོད་ཅིང་། དབུགས་འབྱུང་འཇུག་དང་སྦྱར་ནས་སེམས་ཅན་ཐམས་ཅད་ཀྱི་སྡིག་པ་དང་སྡུག་བསྔལ་ཐམས་ཅད་བདག་ལ་སྨིན་པར་གྱུར་ཅིག །བདག་གི་བདེ་བ་དང་དགེ་བ་ཐམས་ཅད་སེམས་ཅན་ལ་སྨིན་པར་གྱུར་ཅིག །ཅེས་སྨོན་ལམ་རྒྱ་ཆེར་གདབ་སྟེ་སྙིང་རྗེའི་རྩལ་འདོན་ནོ། །དེ་ལྟར་བྱམས་སྙིང་རྗེ་བྱང་ཆུབ་ཀྱི་སེམས་དཔར་ད…

ཟླ་བའི་དཀྱིལ་འཁོར་གྱི་སྟེང་དུ་ཤེལ་གྱི་རྡོ་རྗེ་ནས་འབྲུ་ཙམ་རྩེ་ལྔ་བགྲེངས་སྟབས་སུ་ཡོད་པའི་ལྟེ་བར་ཧཱུཾ་ཡིག་དཀར་པོ་ཡུངས་འབྲུ་ཙམ་གྱི་མཐའ་བསྐོར་དུ་རྒྱས་པར་ཡི་གེ་བརྒྱ་པ། བསྡུ་ན་འབྲུ་དྲུག་སྤུ་ཤད་ཀྱི་བྲིས་པ་ལྟ་བུ་འོ་མའི་མདོག་ལྟར་ནར་ནར་གཡས་སུ་རང་སྒྲས་འཁོད་པར་བསམ་ལ། སྐྱེ་བ་ཚེ་རབས་ཐོག་མེད་ཏུ་བསགས་པའི་སྡིག་སྒྲིབ་…

བདུད་རྩིའི་རྒྱུན་འོ་མའི་ཁ་དོག་ལྟ་བུ་སྐྱ་ཆིལ་ལི་ལི་བབས་སྟེ། རང་གི་སྤྱི་བོར་ཚངས་པའི་བུག་ག་ནས་ཞུགས་པའི་ཕུ་ཆུ་དྲག་པོས་ཐལ་བ་བདས་པ་ལྟར་ནད་གདོན་སྡིག་སྒྲིབ་ཐམས་ཅད་དུད་ཁུ་དང་། སྣག་ཁྲག་དང་། སྲོག་ཆགས་ཕྲ་མོའི་རྣམ་པར། བཤང་ལམ་དང་། བ་སྤུའི་བུ་ག་ཐམས་ཅད་ནས་ནག་ཉི་ལི་ལི་ཐོན་པར་བསམ། བརྒྱ་སྟོང་ལ་སོགས་པར་ཅི་ནུས་བཟླས་པའི་…

ཆེན་པོས། གཞན་དུ་གཡེངས་པར་གྱུར་ན་ནི། སྐལ་པར་བཟླས་ཀྱང་འབྲས་མི་འབྱིན། ཞེས་གསུངས་པའི་དམིགས་པ་བཅུན་ལ་མ་ཡེངས་པ་གལ་ཆེའོ། །སྒྲིབ་པ་དག་པའི་རྟགས་སྤྱི་དང་མཐུན། ༈ མཎྜལ་གྱི་འཁྲིད་ནི། རང་གི་མདུན་གྱི་ནམ་མཁར་བླ་མ་ཡི་དམ་སངས་རྒྱས་ཆོས་དང་དགེ་འདུན་མཁའ་འགྲོ་ཆོས་སྐྱོང་རྣམས་སྐྱབས་ཡུལ་གྱི་སྐབས་ལྟར་གསལ་གདབ་ནས་དངོས་སུ་འབྱོར་…

མེད་དུ་འབུལ་བ་ནང་གི་མཎྜལ། རང་གི་ལུས་འདི་རིན་པོ་ཆེ་སྣ་ཚོགས་ཀྱི་འབྱུང་གནས་སུ་དམིགས་སྟེ་ཞེན་པ་མེད་པར་འབུལ་བ་གསང་བའི་མཎྜལ། དེ་ཐམས་ཅད་ཀྱང་འཁོར་གསུམ་ཡོངས་དག་བདེ་བ་ཆེན་པོའི་ངང་ལས་མི་འདའ་བའི་ཤེས་རབ་ཀྱི་ཟིན་པར་བྱས་ལ་ངག་ཏུ། ཆོས་དབྱིངས་རང་བྱུང་སོགས་གཞུང་ལྟར་ལ། བརྒྱ་སྟོང་ལ་སོགས་པ་སྙིང་ཐག་པ་ནས་ཕུལ་ལ་མྱུར་དུ་སངས་…

དམ་དཀྱིལ་འཁོར་གྱི་ལྷ་ཚོགས། སངས་རྒྱས་དང་བྱང་ཆུབ་སེམས་དཔའ། འཕགས་པ་ཉན་ཐོས་དང་རང་སངས་རྒྱས། ཆོས་སྐྱོང་སྲུང་མའི་ཚོགས་ཐམས་ཅད་མངོན་སུམ་ལྟ་བུར་བཀྲ་ལམ་གྱི་བཞུགས་པར་བསམ་མོ། །བླ་མ་ནི་ཕྱོགས་བཅུ་དུས་གསུམ་གྱི་སངས་རྒྱས་འདུས་པའི་ངོ་བོ། སྐུ་དགེ་འདུན། གསུང་དམ་ཆོས། ཐུགས་སངས་རྒྱས་ཀུན་གྱི་རང་བཞིན་ཅན་ཡིན་པར་མ་ཟད། བདག་ལ་སང…

མཛད་པ་ལ་ཡི་རང་བ། གཟུགས་སྐུ་མྱ་ངན་ལས་མི་འདའ་བར་གསོལ་བ་འདེབས་པ། ཆོས་འཁོར་བསྐོར་བར་བསྐུལ་བ། འདིས་མཚོན་པའི་བདག་གཞན་གྱི་དགེ་བ་ཐམས་ཅད་བླ་མེད་བྱང་ཆུབ་ཏུ་བསྔོ་བ་བཅས་དོན་བསམ་བཞིན། བླ་མ་སངས་རྒྱས་སུ་ཤེས་པའི་ཡོན་ཏན་དང་བཀའ་དྲིན་དྲན་པས་བློ་སྣ་མོས་གུས་གྱི་འཕྲོག་པའི་གདུངས་ཤུགས་སྙིང་གི་དཀྱིལ་རྐང་གི་ཁོང་རུས་པའི་གཏིངས…

ལས་འདས་པ་འཕྲོས། རང་གི་དཔྲལ་བར་ཐིམ་པས། ལུས་ཀྱི་སྡིག་སྒྲིབ་ཐམས་ཅད་སྦྱངས། དུས་གསུམ་སངས་རྒྱས་ཐམས་ཅད་ཀྱི་སྐུ་འཇའ་ལུས་ཟང་ཐལ་བུམ་པའི་དབང་ཐོབ། ལམ་མ་ཧཱ་ཡོ་ག་ལྷ་སྐུ་བསྐྱེད་རིམ་བསྒོམ་པ་ལ་དབང་། འབྲས་བུ་སྤྲུལ་སྐུའི་གོ་འཕང་ཐོབ་པར་བྱས། ཨཱཿལས་འོད་ཟེར་དམར་པོ་དང་། གསང་སྔགས་ཡིག་འབྲུ་ཨ་ལི་ཀ་ལིའི་རྣམ་པར་རང་སྒྲ་དང་བཅས་ཉི…

ཀྱི་འབྲས་བུ་ཆོས་སྐའི་གོ་འཕང་ཐོབ་པར་བྱས། སླར་ཡང་གནས་གསུམ་ལས་འོད་ཟེར་དཀར་དམར་མཐིང་གསུམ་ཐིག་ལེ་ཐིག་ཕྲན་དང་སྐུ་ཆེ་ཆུང་ངེས་མེད་བུ་ཡུག་འཚུབ་པ་ལྟར་རང་གི་གནས་གསུམ་དུ་ཐིམ་པས། སྒོ་གསུམ་གྱི་སྡིག་སྒྲིབ་བག་ཆགས་དང་བཅས་པ་སྦྱངས། དུས་གསུམ་སངས་རྒྱས་ཐམས་ཅད་ཀྱི་དབང་བཞི་ཚིག་དབང་རིན་པོ་ཆེ་ཐོབ། ལམ་འོད་གསལ་རྫོགས་པ་ཆེན་པོ་ཁ…

གྱི་སྔོན་འགྲོ་དང་། རྣལ་དུ་དབབས་པའོ། དགོངས་གཏེར་ལས། ཕྱི་འཁོར་འདས་རུ་ཤན་དབྱེ་བ། ནང་འཁོར་འདས་རུ་ཤན་དབྱེ་བའོ། །གསུངས་པ་ལྟར་དང་པོ་ནི། རི་ངོག་ལུང་སྟོང་སོགས། མིའི་རྒྱུ་འགྲུལ་མེད་པའི་གནས་དབེན་པར་སོར་སྟེ། གཞི་བདག་ལ་དཀར་གཏོར་སྦྱིན་ཞིང་འཕྲིན་ལས་བཅོལ་ལ། དགོངས་གཏེར་ལས། དེ་ཡང་ཆོས་ཉིད་ཀྱི་གནས་ལུགས་གདོད་ནས་རང་ལ་ཡོད…

ངལ་གསོ། དེ་ནས་ཡང་ལུས་ཀྱིས་བདེ་གཤེགས་ཞི་ཁྲོའི་རྣམ་འགྱུར་བྱ། དགོས་པ་ནི་སྒོ་གསུམ་གྱི་སྡིག་སྒྲིབ་དག་བར་ཆད་ཞི་མངོན་ཞེན་ལྡོག་རྡོ་རྗེ་གསུམ་གྱི་གོ་ཕང་འགྲུབ་པར་བྱེད་དོ། ༈ གཉིས་པ་ནང་འཁོར་འདས་རུ་ཤན་དབྱེ་བར་བྱ་སྟེ། ཀློང་གསལ་ལས། ནང་གི་འཕྲུལ་རྒྱུ་ཟད་བྱའི་ཕྱིར། །འཁོར་འདས་རུ་ཤན་ནང་ལྟར་དབྱེ། །ཞེས་གསུངས་པས་སྦྱངས་གཞི་…

རྒྱུ་འབྲས་དྲུང་ནས་བྱུང་སྟེ། ལུས་ཤེལ་གོང་གཡའ་བྲལ་ལྟ་བུར་བསྒོམ། འབྲུ་གསུམ་གྱི་བསྙེན་པ་འབུམ་ཕྲག་བདུན་བྱའོ། །དགོས་པ་ནི། ཐལ་འགྱུར་ལས། །འོད་གསལ་དགོངས་པ་རྣམ་པ་གཉིས། །མཐུན་མོང་མཆོག་གི་དབྱེ་བས་བསྟན། །ཞེས་གསུངས་སོ། ༈ གཉིས་པ་སྒོ་གསུམ་གྱི་སྔོན་འགྲོ་ནི། དགོངས་གཏེར་ལས། །ལུས་རྡོ་རྗེའི་འདུག་སྟངས་བྱ་ཞིང་། ངག་རླུང་ཤེ…

ངོ་སྐྱང་ངོ་། ༈ གཉིས་པ་ངག་གི་སྔོན་འགྲོ་ཧཱུཾ་སྦྱངས་ལ། ཕྱི་སྣང་བ་ལ་རྒྱས་གདབ་པ་དང་། ནང་ཕུང་པོ་ལ་རྒྱས་གདབ་པའོ། །དང་པོ་ནི། གནས་དབེན་པར་ལུས་རྣམ་སྣང་གི་ཆོས་བདུན་བྱས་སྟེ་སྙིང་གར་ཧཱུཾ་སྔོན་པོ་ཞིག་བསྒོམ། དེ་ཉིད་གསལ་སྣང་ཐོན་པ་དང་། སོ་དང་ཆུ་མ་རེག་ཙམ་དུ་རླུང་དང་ཤེས་པ་ཧཱུཾ་གསུམ་གཅིག་ཏུ་བསྲེས་ནས། ཧཱུྃ་གི་གླུ་སྙན་ལ་…

རང་ལུས་སྣང་སྟོང་བར་སྣང་ལ་ཡོམ་ཡོམ་འདུག་པར་བསམ་ལ། རླུང་བུམ་པ་ཅན་བཟུང་དེ་ཆད་པ་དང་ཕཊ༔ ཅེས་བརྗོད་པའི་རང་བབས་སུ་བཞག །དེས་ཕུང་པོ་རང་བཞིན་མེད་པར་གྲོལ་བའི་དགོས་པ་ཡོད་དོ། ༈ །གཉིས་པ་རྩལ་སྦྱངས་བ་ལ་གཉིས་ལས། དང་པོ། ཕྱི་སྣང་བ་ལ་རྩལ་སྦྱངས་ནི། ཧཱུཾ་དྲག་པོ་ངར་དང་ལྡན་པ་བརྗོད་པས། སྙིང་གི་ཧཱུཾ་མཐིང་ནག་དྲག་ལ་རྩུབ་པ་ཤུགས་…