འདི་དཔེར་ན་ལོང་བས་ནོར་བུ་རྙེད་པ་ལས་ཀྱང་ངོ་མཚར་ཆེ་སྟེ། །དལ་འབྱོར་བསྟན་པའི་མདོ་ལས། འདི་ལྟ་སྟེ། དཔེར་ན་ལོང་བ་ཞིག་གིས་ནོར་བུ་རིན་པོ་ཆེ་བཞི་མདོ་ནས་རྙེད་པ་ལྟར། འཁོར་བན་རྒྱུ་བའི་སེམས་ཅན་མ་རིག་པའི་ལིང་ཏོག་གིས་ལོང་བ་དག་གིས་མི་ཉིད་ཀྱི་དངོས་པོ་རྙེད་པ་ནི་མཆོག་ཏུ་དཀའ་སྟེ། ཁྱེད་ཀྱིས་རྟག་ཏུ་ལེགས་པའི་ཆོས་སྒྲུབ་པར་བ…

ཆོས་གནས་པ་དང་། གཞན་དག་ཀྱང་དེ་ལ་སྤྱོད་པ་དང་། ཆོས་བྱེད་པ་ལ་གཞན་བརྩེ་བ་སྟེ་ལྔ་ནི་གཞན་ཕུན་སུམ་ཚོགས་པ་ཡིན་ནོ། །ཞེས་གསུངས། དེ་ལྟ་བུའི་དལ་འབྱོར་གྱི་ཆོས་བཅོ་བརྒྱད་ཚང་བའི་མི་ལུས་རིན་པོ་ཆེ་ཤིན་ཏུ་རྙེད་པར་དཀའ་སྟེ། འཕགས་པ་ཐུགས་རྗེ་ཆེན་པོའི་ཞལ་ནས། དལ་འབྱོར་འདི་ནི་ཤིན་ཏུ་རྙེད་པར་དཀའ། །ཞེས་གསུངས་སོ། །ཨོ་རྒྱན་རིན་པ…

བཟུང་། སྦྱིན་སོགས་ཕ་རོལ་ཏུ་ཕྱིན་པ་དྲུག་གིས་གྲོགས་བྱས། སྨོན་ལམ་དྲི་མ་མེད་བས་མཚམས་སྦྱར་ནས་ཐོབ་དགོས། རྒྱུ་དེ་ལྟ་བུ་སྒྲུབ་པ་ཤིན་ཏུ་དཀོན་པའི་ཕྱིར་རྙེད་པར་དཀའ། ༈ །དཔེའི་སྒོ་ནས་ཀྱང་རྙེད་པར་དཀའ་བ་ནི། སྤྱོད་འཇུག་ལས། རྒྱ་མཚོ་ཆེར་གཡེང་གཉའ་ཤིང་གི །བུ་གར་རུས་སྦལ་མགྲིན་ཆུད་ལྟར། །མི་ཉིད་ཤིན་ཏུ་ཐོབ་དཀའ་གསུངས། །ཞེས་…

དང་ཚོད་མཉམ་སྟེ། ཀུན་མཁྱེན་ཆེན་པོའི་ཞལ་ནས། འདི་ལྟར་སེམས་ཅན་ཙམ་གྱི་ལུས་མཐོང་ན། །མི་ལུས་ཐོབ་པ་འཁོར་ལོ་སྒྱུར་རྙེད་འདྲ། །ཞེས་གསུངས། དེ་ལྟར་རྙེད་དཀའ་བ་ཙམ་དུ་མ་ཟད། དོན་ཆེ་སྟེ། ད་རེས་བླང་དོར་མ་ནོར་བའི་མདུན་མ་ཞིག་བྱས་ན། མངོན་མཐོ་ལྷ་མིའི་གོ་འཕང་ཐོབ་ནུས། ཉན་ཐོས་དང་རང་སངས་རྒྱས་ཀྱང་ཐོབ་ནུས། རྫོགས་པའི་སངས་རྒྱས་ཀྱ…

གི་སྡུག་བསྔལ་གྱི་མནར་ཏེ་ངུ་ཙི་དི་རི་བ། དེའི་དཀྱིལ་དུ་བྲག་རི་ཤིན་ཏུ་མཐོ་བ་གཅིག་གི་སྟེང་ན་རང་གཅིག་པུ་གྲོགས་མེད་པར་མི་ལུས་ཐོབ་ནས་ཡོད་པ་དེ་ཉིད་མར་ལྷུང་ལ་ཁད་ཡོད་པ་ལ། འདི་སྙམ་དུ། ཨ་ཙ་མ། དམྱལ་བ་ཡི་དྭགས་དུད་འགྲོ་དཔག་ཏུ་མེད་པ་འདི་ལྟ་བུའི་ནང་ནས། རང་གཅིག་པུར་མི་ལུས་ཐོབ་པ་སྔོན་དགེ་བའི་མཐུ་གཅིག་ལ་བརྟེན་ནས་སྟབས་ཀ…

སྐྱབས་སྦྱིན་གྱི་ཕྱག་རྒྱ་དང་བཅས་པ་བྱུང་སྟེ། འདི་སྐད་གསུངས་བར་བསྒོམ་ལ། ཀྱཻ་མ་དལ་འབྱོར་རྙེད་དཀའ་ཐོབ་པ་ད་རེས་ཙམ། མྱུར་དུ་ངན་འགྲོའི་གནས་སུ་ལྷུང་ལ་ཁད། །ད་རེས་འདི་ལ་དོན་ཆེན་མ་སྒྲུབ་ན། །ཕྱིས་ནི་མི་ལུས་ཤིན་ཏུ་རྙེད་པར་དཀའ། །ཞེས་གསུང་མ་ཐག་ཏུ་རང་གི་བསམ་པ་ལ། ད་ལན་འཁོར་བའི་སྡུག་བསྔལ་ལས་གྲོལ་བར་བྱས་ནས། མ་ཀི་སེམས་ཅ…

རྗེ་རིན་པོ་ཆེའི་ཞལ་ནས། འཆི་བ་བསམ་ན་ཕྱི་མར་འགྲོ་གྲབ་བྱེད། །ཅེས་གསུངས། དེས་ན་འདི་ལྟར་བསམ་པར་བྱས་ཏེ། དེ་ཡང་རྙེད་པར་དཀའ་བའི་དལ་འབྱོར་གྱི་མི་ལུས་ཐོབ་ཀྱང་། གཏན་དུ་སྡོད་དབང་མེད་པར་མྱུར་དུ་འཆི་དགོས་ཏེ། ཆོས་སྒྲུབ་པ་ལ་ག་ལེ་སོས་དལ་གྱི་ལོང་མེད་པའི་མྱུར་དུ་དལ་འབྱོར་ལ་སྙིང་པོ་ལེན་དགོས་ཏེ། ཨོ་རྒྱན་རིན་པོ་ཆེའི་ཞལ་ན…

ནད་ཀྱིས་འཕྲོག །འཚོ་བའི་ཚེ་ཡང་འཆི་བས་འཕྲོག །རྟག་པའི་ཆོས་ནི་གང་ཡང་མེད། །ཅེས་གསུངས། ངེས་པར་འཆི་དགོས། ནམ་འཆི་ལ་ངེས་པ་མེད་དེ། ཚོམས་ལས། སང་དང་འཇིག་རྟེན་ཕྱི་མ་གཉིས། །སྔོན་དུ་གང་འོང་གཏོད་མེད་པའི། །སང་གི་ཚེས་ལ་མི་འབད་པར། །ཕྱི་མའི་དོན་ལ་འབད་པར་རིགས། །ཞེས་གསུངས། འཆི་བའི་ཚེ་ལུས་ལོངས་སྤྱོད་གཉེན་མཛའ་བཤེས་ཀུན་དང་བ…

བས། དེས་ན་འཆི་བ་བསམ་པ་ལ་འབད་པར་བྱའོ། །དེ་ནས་འཆི་བ་མི་རྟག་པ་འདི་ལྟར་བསམ་ནས་ཀྱང་ཆོས་ལ་བསྐུལ་བར་བྱ་སྟེ། ཀུན་བཟང་སྙིང་ཐིག་ལས། ལུས་གནད་གོང་ལྟར་རམ། །སྐྱིལ་ཀྲུང་བཅས་ལ་དམིགས་པ་ནི། བདག་གང་ནས་ཡོང་ཕྱིན་ཆ་མེད་པའི་ལུང་པ་དེ་ནི་ཁ་བྱང་དུ་བསྟན་པ། ཁ་དོག་ནག་པ་གྱང་སྟོང་དམར་སང་སང་བ། མིའི་རྒྱུ་འགྲུལ་མེད་པ། རྫ་རི་སྔོ་དཔུང…

ཐོམ་ཕྱིན་པ་ལས། ནམ་ཞིག་ཙ་ན་བྲག་རོང་ཞིག་ཏུ་གློ་བུར་དུ་ལྷུང་ཞིང་། ལག་པ་གཡས་པས་བྲག་གི་དཀྱིལ་དེར་རྩ་ཕོན་གཅིག་འདུག་པ་དེ་ལ་ཟིན་ཏེ། དམ་དུ་བཅིངས་ཤིང་འདར་ཁྲི་ལི་ལི་ཡོད་པ་ལ། མར་ལ་བལྟས་པས་ནི་གཏིང་ཟབ་མི་མངོན་པ། ཡར་ལ་བལྟས་པས་གནམ་ལ་རེག་པ། མེ་ལོང་གི་ངོས་ལྟར་འདྲེད་ཅིང་རྒྱ་ཆེ་བ། རླུང་འུ་རུ་རུ་ཟེར་བ་གཅིག་ཏུ་ལྷུང་བ་ལས།…

ནི་མ་བྱས། ནོར་བསགས་པ་ནི་ཤུལ་དུ་ལུས། སྔོན་ཆད་འགྲོ་མ་མྱོང་བའི་གཤིན་ཡུལ་མུན་ནག་ཐག་རིང་དུ་གྲོགས་མེད་གཅིག་བུར་འགྲོ་བ། ཨ་རྫི་འཇིགས་པ་ལ་འདི་ལས་ཐར་བའི་ཐབས་ཅི་དྲག་གམ་གང་ན་ཡོད། ཅི་ཙུག་བྱེད། ཨ་ཙ་མ་འདི་ལས་ཇི་ལྟར་བྱས་ན་ཐར། ཞེས་སྨྲེ་སྔགས་ལྷང་ལྷང་ཡོད་པའི་ཚེ། སྟེང་གི་ནམ་མཁའ་ལ་རྩ་བའི་བླ་མ་དེ་ཉིད་པད་ཟླའི་སྟེང་ན་སྐུ་ལ…

རྗེ་ཡོད་ན་བདག་འཁོར་བའི་གཡང་ས་ཆེན་པོ་འདི་ལས་བསྒྲལ་ན་ཅི་མ་རུང་བསམ་ཞིང་། བླ་མ་དཀོན་མཆོག་མཁྱེན་ཅེས་སྙིང་ཐག་པ་ནས་མོས་གུས་དྲག་པོ་བྱས་པ་ཙམ་གྱིས། བླ་མའི་ཐུགས་ཀ་ནས་འོད་ཟེར་གྱི་སྙིང་པོ་ཞིག་བདག་ལ་ཟུག་པ་དང་། རྩ་ཕོན་ཆད་པ་དུས་མཚུངས་ཏེ། རང་འོད་ཟེར་དེས་གཡང་ལས་བཏེགས་ཏེ། བདེ་ཆེན་གྱི་ཞིང་དུ་སླེབ་བྱུང་སྙམ་པ་དང་། བདག་གི…

དང་། །དེ་བཞིན་ངན་འགྲོ་ཐམས་ཅད་དོ། །ཞེས་དང་། ཨོ་རྒྱན་རིན་པོ་ཆེའི་ཞལ་ནས། ཚེ་རབས་མང་པོར་སྡུག་བསྔལ་རྒྱུར་འགྱུར་བའི། །སྡིག་པས་ཚེ་འདིར་བདེ་བའི་ཅི་ཞིག་བྱ། །ཚེ་འདི་ཡུན་ཐུང་ལོ་ཟླ་འགའ་ཞིག་ཡིན། །འཇིག་རྟེན་ཕྱི་མ་ཚད་བཟུང་མེད་པའི་ཕྱིར། །སྐྱེ་བ་གཞན་དུ་སྡུག་བསྔལ་མི་འབྱུང་ཞིང་། །བདེ་བའི་ཐབས་སུ་དགེ་སྡིག་བླང་དོར་བྱ། །ཞ…

དངོས་སུ་འཕྲོག་པ་དང་། འཇབ་བུས་བརྐུ་བ་གཉིས། འདི་ལ་དབྱེ་ན་གཡར་པོ་དང་བཅོལ་པོ་སྣ་ཚོགས་གཡོ་ཐབས་ཀྱིས་བླངས་པ་དང་། སྐྱིན་པ་མི་འཇལ་བ་དང་། བྲེ་སྲང་ལ་གཡོ་རྒྱུ་བྱས་ནས་བརྐུ་བ་སོགས་སྤོང་བའོ། །གསུམ་པ་ལོག་གཡེམ་ནི། སྐྱེས་པ་དང་བུད་མེད་སོགས་ཀྱི་སྐུ་གསུང་ཐུགས་རྟེན་གྱི་མདུན་དུ་མི་ཚངས་པར་སྤྱད་པ་དང་། རང་དང་གཞན་གྱིས་སྦྱོར་བ…

ནི། བླ་མ་དང་སློབ་མ་སོགས་གང་ཟག་ཡིན་ཚད་མཐུན་པ་མི་མཐུན་པར་བཅོས་པ་ཐམས་ཅད་སྤོང་བའོ། །ངག་ལས་གསུམ་པ་ཚིག་རྩུབ་ནི། རབ་བྱུང་དང་། སྐྱེས་པ་ཕོ་མོ་སོགས་ལ་མི་སྙན་པའི་མིང་སྣ་ཚོགས་ཀྱིས་དམ་ཉམས་ཟེར་བ་དང་། སྤྲེའུ་དང་། སེངྒེ། བདུད་མོ་ཟེར་བ་སོགས་ཚིག་ངན་སྨྲ་བ་ནི། བསོད་ནམས་ཉམས་པའི་རྒྱུ་དང་སྡུག་བསྔལ་ཡུན་རིང་དུ་མྱོང་དགོས་པའི…

བུ་བྱུང་ན་ཅི་མ་རུང་སྙམ་པ་ཐམས་ཅད་སྤོང་བའོ། །ཡིད་ལས་གསུམ་པ་ལོག་ལྟ་ནི། ཕྱག་བསྐོར་བ་ཁ་ཏོན་སོགས་རྣམ་དཀར་ལ་བརྩོན་པོ་བྱས་ཀྱང་། ཚེ་བསོད་ནམས་དབང་ཐང་མི་རྒྱས་ཤིང་། འབྲས་བུ་བདེ་བ་མི་འབྱུང་ཟེར་བ་དང་། སྲོག་གཅོད་སོགས་མི་དགེ་བ་བཅུ་རྒྱུན་དུ་བྱས་ཀྱང་འབྲས་བུ་སྡུག་བསྔལ་མི་འབྱུང་ཟེར་བ་སོགས་ཏེ། རྒྱས་པར་གཞུང་གཞན་ལམ་རིམ་སོ…

པས་རེ་བ་འགྲུབ་པ་སྟེ། །གནོད་སེམས་སྤངས་པས་ཡིད་འོང་མཐོང་ན་ཞི། །ལོག་པར་ལྟ་སྤངས་ལྟ་བ་བཟང་པོ་སྟེ། །མཐོ་རིས་བགྲོད་པའི་ཤིང་རྟ་དགེ་བ་བཅུ། །མངོན་མཐོ་བདེ་འདོད་རྣམས་ཀྱིས་དང་དུ་བླངས། །ཞེས་གསུངས་སོ། །བདག་པོ་འམ་དབང་གི་འབྲས་བུ་ཡུལ་ལ་སྨིན་ཏེ། དེ་ལ་སྲོག་གཅོད་པ་སྤངས་པས་ནི། ཡུལ་བཟང་ལ་ཉམས་དགའ་བར་སྐྱེ་བའོ། །མ་བྱིན་པ་ལེན་…

ས་ཕྱོགས་མེ་ཏོག་དང་། འབྲས་བུ་དང་། ལོ་ཐོག་བཟང་དགུ་འཕེལ་བ་མཐོང་སར་སྐྱེའོ། །གནོད་སེམས་སྤངས་པས་ལོ་མ་དང་། འབྲས་བུ་མང་ཞིང་རོ་ཞིམ་པར་སྐྱེའོ། །ལོག་པར་ལྟ་བ་སྤངས་པས་འབྲས་བུ་དང་རིན་པོ་ཆེ་ལ་སོགས་པའི་འབྱུང་ཁུངས་བཟང་ཞིང་། མགོན་སྐྱབས་དང་དཔུང་གཉེན་ཕུན་སུམ་ཚོགས་པར་སྐྱེའོ། །ཞེས་དགེ་བ་བཅུའི་མདོ་ལས་གསུངས་སོ། །དེས་ན་དགེ་…

གནོད་སེམས་སེམས་ཅན་ལ་སྡང་བ། །དགེ་དང་མི་དགེ་མི་ལྟ་བར། །ལོག་པར་ལྟ་བ་ཡིན་འདི་ལ། །ཞེས་གསུངས་པ་བཞིན་ནོ། །དེ་ལྟ་བུའི་མི་དགེ་བ་ཆུང་ངུ་སྤྱད་པས་དུད་འགྲོ་འབྲིང་གིས་ཡི་དྭགས། ཆེན་པོས་དམྱལ་བ་མྱོང་བ་ནི། རྣམ་སྨིན་གྱི་འབྲས་བུའོ། །རྒྱུ་མཐུན་གྱི་འབྲས་བུ་ནི། རྣམ་སྨིན་སྲབ་ནས་ངན་སོང་ལས་ཐར་ཏེ་རྒྱ་ལམ་ཞིག་ན་མཐོ་རིས་ཐོབ་ཀྱང་…

རོ། །ཚིག་རྩུབ་མོ་ཉིད་ཀྱིས་མི་སྙན་པ་དང་འཐབ་མོའི་ཚིག་ཏུ་འགྱུར་རོ། །ཀྱལ་པ་ཉིད་ཀྱིས་ཚིག་བཟུང་བར་མི་འོས་ཤིང་སྤོབས་པ་མ་ངེས་པར་འགྱུར་རོ། །བརྣབ་སེམས་ཉིད་ཀྱིས་འདོད་པ་ཆེ་ཞིང་ཆོག་མི་ཤེས་པར་འགྱུར་རོ། །གནོད་སེམས་ཉིད་ཀྱིས་ཕན་པ་མི་འཚོལ་ཞིང་གནོད་པ་བསྒྲུབ་པའི་གཞིར་འགྱུར་རོ། །ལོག་པར་ལྟ་བ་ཉིད་ཀྱིས་ལྟ་བ་ངན་པ་དང་གཡོ་རྒྱ…