རྨོས། །སོ་ནམ་བྱེད་ན་འདི་ལྟར་གྱིས། །ས་བོན་འདེབས་ན་འདི་ལྟར་ཐོབས། །འདི་ནི་བྱ་བཏང་རྣལ་འབྱོར་ངས། །ཐར་པའི་སོ་ནམ་བྱས་ཚུལ་ཡིན། །ཞེས་སྨྲས་སོ། །ཡང་མི་སྐྱ་ཞིག་གིས་རེབ་གོང་གི་མི་རྣམས་གདུག་རྩུབ་ཆེ་རབ་ཡོད། ཁྱེད་ཕ་ཡུལ་ན་ཡོད་དུས་དགྲ་ལ་འཐབ་ཡ་བྱས་པ་ཨེ་ཡོད་ཟེར་བའི་ལན་དུ་གཏམ་དྲང་པོར་བཤད་ནས། གླུ་འདི་དེ་དུས་ཡིད་ལ་ཤར་བ་ལྟ…

བླངས་པས། མི་སྐྱ་དེས་དོན་མ་གོ་ཡང་འཕྲལ་དུ་ཉམས་དགའ་བར་གྱུར་ཏོ། །སྨྲས་པ། སྐུ་ལ་མཚན་དང་དཔེ་བྱད་རྒྱན་གྱིས་སྤྲས། །སྐུ་མདོག་གསེར་ལྟར་མཛེས་པའི་སངས་རྒྱས་ཀྱི། །སྐུ་མཆོག་འབྲལ་མེད་སྤྱི་བོའི་རྒྱན་དུ་བཞུགས། །སྐུ་གསུང་ཐུགས་ཀྱི་སྒོ་ནས་བྱིན་གྱིས་རློབས། །བླ་མའི་རྣམ་ཐར་བཞིན་དུ་ཆོས་བསྒྲུབ་པའི། །སྐལ་བཟང་གདུལ་བྱ་ཡོངས་ལ་ཕན…

ཉིན་ཅིག་ཆོས་རྒྱལ་ངག་གི་དབང་པོ་ཡི། །དྲུང་དུ་སོང་ནས་ཉམས་ལེན་བྱས་ཚུལ་དང་། །ཉམས་རྟོགས་སྐྱེས་ཚུལ་རིམ་གྱིས་ཞུས་པའི་ཚེ། །ཁོང་གི་ཐུགས་དགྱེས་ཞལ་རས་འཛུམ་བཞིན་དུ། །བུ་ཁྱོད་སྙིང་རུས་གཞན་ལས་ཆེ་བ་བྱུང་། །སྤྱིར་ནི་ཉམས་རྟོགས་བཟང་པོ་སྐྱེས་པར་གདའ། །ཁྱད་པར་རྫོགས་ཆེན་ཁྲེགས་ཆོད་ལྟ་བ་རྟོགས། །ཐོད་རྒལ་བསྒོམས་པས་ཉམས་སྣང་གོང…

སྲིང་དགྱེས། །གཏེར་སྟོན་བསོད་ནམས་སྙན་གྲགས་རིན་པོ་ཆེ། །གནས་དེར་ཕེབས་དུས་རྫོགས་ཆེན་དཀའ་གནད་རྣམས། །འདི་འདྲ་ཡིན་ནམ་མ་ཡིན་དྲིས་པའི་ཚེ། །ཐུགས་དགྱེས་ལན་དུ་ཞལ་གསུང་མང་པོ་བྱོན། །སྙིགས་མའི་དུས་འདིར་རྫོགས་ཆེན་རྣལ་འབྱོར་པ། །ཁྱོད་འདྲ་ཡོད་པ་ཤིན་ཏུ་ངོ་མཚར་གསུངས། །ཕེབས་ཁར་ཀུན་ལ་ཐུན་མོང་བཀའ་ཆོས་གནང་། །དད་རྟེན་ཞུས་པས་…

དབེན་གནས་སྟག་མོ་རྫོང་དང་། རྒོད་པོ་རྫོང་། གེ་ཐོ་རྣམས་སུ་སོང་ནས་སྒྲུབ་པ་བྱས་ཚུལ། ལྔ་བ་གནས་དེ་དང་ཐག་ཉེ་བའི་དབེན་གནས་སྟག་མོ་རྫོང་དང་། རྒོད་པོ་རྫོང་། གེ་ཐོ་རྣམས་སུ་སོང་ནས་སྒྲུབ་པ་བྱས་ཚུལ་ནི། སྔར་སྒྲུབ་པའི་རྐང་ཚུགས་པའི་དབེན་གནས་ཁྱད་པར་ཅན་དེར་མཚམས་སྒྲུབ་བྱེད་མི་མང་བའི་སྟབས་ཀྱིས། མི་མང་པོ་འདུས་ནས་འདུ་འཛི་ཆེ…

ཁྲིད་མན་ངག་གནང་བ་དང་། །འཚོ་བའི་ཡོ་བྱད་ལྟོ་རྒྱབ་གཉིས་ལ་སོགས། །ལུགས་གཉིས་ཀྱིས་བསྐྱངས་བཀའ་དྲིན་ཐུགས་རྗེ་ནི། །སྟོང་གསུམ་གསེར་གྱིས་བཀང་ཡང་གཞལ་བར་དཀའ། །ད་ནི་དྲིན་ལན་སྒྲུབ་པས་འཇལ་བའི་ཕྱིར། །ཕྱོགས་མེད་རི་ཁྲོད་འགྲིམས་ཤིང་ཚེ་མཇུག་འདིར། །ཚེ་དང་སྒྲུབ་པ་སྙོམས་པའི་མཆོད་པ་འདི། །ཕ་ཁྱེད་ཐུགས་མཉེས་ཕྱིར་དུ་འབུལ་བར་ཞུ།…

ཕ་ཡུལ་བདུད་ཀྱི་བཙོན་རར་ཤེས་བཞིན་དུ། །ཕྱོགས་མེད་རི་ཁྲོད་འགྲིམས་ཤིག་སྙིང་གི་བུ། །ཤ་ཚའི་གཏམ་ཡིན་ཁྱོད་ཀྱིས་སེམས་ལ་ཆོངས། །འདོད་ཡོན་ལོངས་སྤྱོད་དགྲ་བོའི་དངས་མ་ཡིན། །ཉེ་འབྲེལ་འཁོར་བར་འཆིང་བའི་ཞགས་པ་འདྲ། །གཉེན་གཞི་རྩ་ལག་སྤོངས་ཤིག་སྙིང་གི་བུ། །ཤ་ཚའི་གཏམ་ཡིན་ཁྱོད་ཀྱིས་སེམས་ལ་ཆོངས། །འཁོར་དང་གཡོག་ནི་ཆགས་སྡང་གསོག…

ལྟོགས་གྲིར་ཤི་ལ་གཏོད་པ་དང་། །ཤི་ཕུགས་བྲག་ལ་གཏོད་ཅིག་སྙིང་གི་བུ། །ཤ་ཚའི་གཏམ་ཡིན་ཁྱོད་ཀྱིས་སེམས་ལ་ཆོངས། །འཇིག་རྟེན་མི་ཡི་ཁྱུ་ནས་རོ་ལྟར་བུད། །ཁྱི་གྲལ་སྙོགས་དང་ལྷ་གྲལ་ངང་གིས་འཐོབ། །བུད་སྙེག་ཐོབ་གསུམ་མཛོད་ཅིག་སྙིང་གི་བུ། །ཤ་ཚའི་གཏམ་ཡིན་ཁྱོད་ཀྱིས་སེམས་ལ་ཆོངས། །སྒོམ་ཆེན་འཁྱགས་སམ་བཀྲེས་ནས་ཤི་བའི་གཏམ། །སྔོན་…

བཞུགས་པའི། །བདེ་ལེགས་ཀུན་སྩོལ་ཆོས་རྒྱལ་ནི་ཡབ་ཡུམ། །བདེ་བར་བཞུགས་ལ་དད་ལྡན་གྱི་བུ་ང་། །བདེ་གསལ་ཐུགས་ནས་མི་འདོར་བར་ཞུ་ལགས། །བདེ་གཤེགས་ཀུན་འདུས་བླ་མ་ཡི་གསུང་བཞིན། །བདེ་བར་དབེན་གནས་གང་བཟང་ལ་ཆས་འགྲོ། །བདེ་བའི་བློ་གདེང་ཉམས་རྟོགས་ཁོ་སྐྱེས་ཚེ། །བདེ་ཞུས་ཕྱིར་དུ་འོངས་པ་ཡིན་ཞུ་ལགས། །བདེ་མེད་འཁོར་བའི་བྱ་བ་རྣམས་ས…

བར་ཆད་ཀུན་སེལ་དཔའ་བོ་མཁའ་འགྲོ་མ། །འཕྲིན་ལས་ཀུན་སྒྲུབ་ཆོས་སྐྱོང་ཚོགས་རྣམས་ཀྱིས། །ཕ་ཡི་སྐུ་ཚེ་བསྐལ་བརྒྱར་བརྟན་པ་དང་། །བུ་ཡི་ཉམས་རྟོགས་ཡོན་ཏན་གོང་འཕེལ་ནས། །མྱུར་དུ་དཔོན་སློབ་ལྷན་ཅིག་འཛོམས་ནས་ཀྱང་། །འབྲལ་མེད་རྒྱུན་དུ་གནས་པའི་དགེ་ལེགས་སྩོལ། །ཅེས་ཞུས་པས་ཐུགས་མཉེས་པའི་གསུང་མང་པོ་གནང་བའི་མཐར། ང་དབེན་གནས་ཐཱ་…

གྲོགས་རྣམས། །འཆི་ཚེ་ཟས་ནོར་ལོངས་སྤྱོད་ཤུལ་དུ་འཇོག །ནོར་ལ་སེར་སྣ་མ་བྱེད་མཆེད་གྲོགས་རྣམས། །བར་དོའི་འཕྲང་ལ་གཅིག་པུར་འགྲོ་དགོས་པས། །གཉེན་ལ་གདུང་སེམས་མ་ཆེ་མཆེད་གྲོགས་རྣམས། །འགྲོ་ཀུན་ཕ་མར་མ་གྱུར་གཅིག་ཀྱང་མེད། །དགྲ་ལ་ཞེ་སྡང་མ་ཆེ་མཆེད་གྲོགས་རྣམས། །ནང་འདྲེ་རང་སེམས་ཐུལ་ན་ཕྱི་དགྲ་མེད། །རང་སེམས་གྱོང་པོ་ཐུལ་ཅིག་…

བྱང་ཆུབ་སེམས་མཆོག་སྒོམས་ཤིག་མཆེད་གྲོགས་རྣམས། །སྡིག་སྒྲིབ་སྦྱངས་པའི་གཙོ་བོ་སྟོབས་བཞི་ཡིན། །རྡོར་སེམས་བསྒོམ་བཟླས་མཛོད་ཅིག་མཆེད་གྲོགས་རྣམས། །ཚོགས་བསགས་བསོད་ནམས་མཆོག་ནི་མཎྜལ་ཡིན། །རྒྱུན་འཆད་མེད་པར་ཕུལ་ཅིག་མཆེད་གྲོགས་རྣམས། །བྱིན་རླབས་མྱུར་འཇུག་བླ་མའི་རྣལ་འབྱོར་ཡིན། །རྟག་ཏུ་གསོལ་བ་ཐོབས་ཤིག་མཆེད་གྲོགས་རྣམས…

དེ་དུས་སྔོན་སྦྱངས་ལས་འཕྲོ་ཅན་གྱི་བུ་ཆེན་སེང་བཟང་རྒྱ་མཚོ་འམ། རིག་འཛིན་ཟླ་བ། མཚན་ཡོངས་གྲགས་བླ་མ་པདྨ་རང་གྲོལ་མཆོག་ལ། ཆོས་རྒྱལ་རིན་པོ་ཆེས་དབང་དང་གདམས་པ་གནང་བའི་ཁར། བདག་གིས་གསལ་བའི་ཐོག་ཏུ་སྒྲོན་མེ་ལྟ་བུར། ལུང་ཁྲིད་མང་པོ་བྱས། ཞལ་གདམས་ཀྱང་བྱིན་ནས་དབུས་གཙང་གཉིས་པ་བླ་བྲང་བཀྲ་ཤིས་འཁྱིལ་བའི་དགོན་ཆེན་བརྒྱུད་ནས།…

མི་ང་ནི་ཆོས་ཀྱི་རྒྱལ་པོའི་བུ། །དང་པོ་རྗེས་བཟུང་གདམས་ངག་གནང་། །བར་དུ་རི་ལ་བསྒོམ་དུ་བཅུག །ད་ལྟ་ཉམས་རྟོགས་ཡོན་ཏན་སྐྱེས། །སྤྲང་རི་ཁྲོད་ཐུབ་པ་བླ་མའི་དྲིན། །ད་མི་སྡོད་རི་ཁྲོད་འགྲིམ་དུ་འགྲོ ། །གནས་དབེན་པ་བྱ་བཏང་འདུག་ས་ཡིན། །ཞེས་བླངས་ནས་གཙང་དགོན་པར་སོང་། གྲྭ་པ་ཞིག་གི་ནང་གཡར་ནས་ཞག་པོ་བདུན་ཙམ་ཞིག་བསྡད། སྐུ་གཞ…

པའི་ཆུང་བའི་ནང་དུ་མལ་ས་བཅས་རྩྭ་གདན་བཏིངས་ནས་བསྡད་པས། ཉི་མ་གཅིག་སོང་བའི་ཕྱི་ཉིན་དགོང་མོ་གཉིད་མ་གཉིད་ཀྱི་མཚམས་ཤིག་ལ། ས་གཡོ་བ་ལྟ་བུའི་འུར་སྒྲ་དང་། སྐར་མ་ལྟ་བུའི་འོད་ཁྲ་ཆེམ་ཆེམ་པ་ཞིག་གིས་ནང་ཐམས་ཅད་གང་ནས་རང་གི་ལུས་ཀྱི་མགོ་ནས་མཇུག་གི་བར་བལ་གསེད་གསེད་བྱས་བན་བུན་ལང་ལོང་ཤག་ཤིག་ལ་བཏང་ནས་རེ་ཞིག་བསྡད། ཡང་སྒྲ་འོ…

གིས་ཟ་བ་རྟེན་འབྲེལ་བཙོག་པ་སྙམ་མ་ཟོས་པར་ས་ལ་འཕངས་ཚེ། དེ་ཡང་མི་ནག་པོ་དེས་བླངས་ནས་ཟོས་པ་དང་། བདག་གིས་འདི་རྣམས་ཤིན་ཏུ་ལྟོགས་འདུག་སྙམ། བེམ་པོ་མ་ལུས་པ་དུམ་བུར་གཏུབས་ནས་བྱིན་པས། གསུམ་པོ་ངོམས་ཤིང་ཚིམས་ནས་དགའ་དི་རི་རི་སོང་བ་ཞིག་རྨིས། དེ་ནས་བཟུང་སྟེ་འཚུབ་དེ་མེད་སོང་། བདག་གི་བསམ་པ་ལ། བདག་འཛིན་བློས་གཏོང་རྒྱུ་ཡི…

རྒྱབ་བྲག་རི་ལྷ་ཤིང་ཤུག་པས་བརྒྱན། །དྲི་ཞིམ་པའི་དྲི་བཟང་ཐུ་ལུ་ལུ། །མདུན་སྤང་རི་མེ་ཏོག་མང་པོའི་རྩེ། །རྐང་དྲུག་ལྡན་བུང་བ་དི་རི་རི། །མདོ་ཆུ་རྒྱུན་གཙང་མ་བབས་པ་ལས། །སྐད་སྙན་པའི་ལྷུང་སྒྲ་སི་ལི་ལི། །ངོས་ཀུན་ན་རི་དྭགས་བག་ཕེབས་རྒྱུ། །ཀུན་རྩེ་ཞིང་བང་རྩལ་ཤ་ར་ར། །ཤིང་ལྗོན་ཤིང་ཡལ་གའི་རྩེ་མོ་ན། །བྱ་སྣ་ཚོགས་སྐད་སྙན་…

སྐྱོ་ཤས་ངེས་འབྱུང་ཤུགས་དྲག་དང་། །ཆོས་སྙིང་ནས་འདོད་པའི་ཉི་ཟླ་ཤར། །འདི་སྐྱིད་པའི་ཉི་ཟླ་དང་པོ་ཡིན། །སྐྱབས་ཆོས་དང་བླ་མ་བཙལ་བའི་ཚེ། །ཆོས་ཟབ་ལམ་རྫོགས་པ་ཆེན་པོ་དང་། །མགོན་ཆོས་ཀྱི་རྒྱལ་པོའི་ཉི་ཟླ་ཤར། །འདི་སྐྱིད་པའི་ཉི་ཟླ་གཉིས་པ་ཡིན། །མགོན་དེ་ཡི་ཞབས་པད་སྟེན་དུས་སུ། །རྗེ་སངས་རྒྱས་དངོས་ཀྱི་འདུ་ཤེས་དང་། །སེམས་འ…

བསྒྲུབ་ན། །ལས་འབྲས་ཤེས་པས་ཅི་ལ་ཕན། །འཁོར་བ་བློ་ཡིས་མི་གཏོང་ན། །ཉེས་དམིགས་ཤེས་པས་ཅི་ལ་ཕན། །སྙིང་ནས་སྐྱབས་འགྲོ་མི་བྱེད་ན། །ཁ་ཙམ་སྐྱབས་འགྲོས་ཅི་ལ་ཕན། །བླ་མས་ཅི་གསུང་མི་བསྒྲུབ་ན། །ལགས་སོ་མང་པོས་ཅི་ལ་ཕན། །བརྩོན་འགྲུས་བྱས་ནས་མི་བསྒོམ་ན། །གདམས་ངག་ཟབ་པས་ཅི་ལ་ཕན། །ཚེ་དང་སྒྲུབ་པ་མི་སྙོམས་ན། །ལོ་ཟླའི་མཚམས་ཀྱིས…

མོས་བཙོངས་ནས་རས་བཅུ་དྲུག་ཏུ་བརྗེས་ཏེ་རིན་གྱི་ཕྱེད་དགོན་པ་ལ་མང་ཇ་ཞིག་བཏང་། ཚིག་འགགས་གསར་པ་ཞིག་ཡོད་པ་སྤྲང་པོ་ཞིག་ལ་བྱིན་པས། རས་དྲུག་གི་རིན་གྱི་ཇ་མར་དང་རྩམ་པ་བླངས་ནས་དགོན་པར་ཕྱག་སྐོར་ཀྱང་བྱས་སྐད། བྲོ་ཁ་ཅུང་ཟད་ཅིག་ཡོད་པའི་ནང་ནས་མང་པོ་བརྫིས་ཏེ་ཁྭ་ཏ་དང་སྐྱ་ཀ་མང་པོ་ལ་བྱིན་ནས། མ་གྱུར་འགྲོ་ཀུན་དོན་དུ་མྱུར་བ་…