བསྟན་འགྲོ་ལ་སྨན་ཡོན་བླ་ན་མ་མཆིས་པ་སྩལ་ཅིང་། ཁྱད་པར་ལས་ལྡན་གྱི་གདུལ་བྱ་རྣམས་བྱང་ཆུབ་གསུམ་ལ་བཀོད་དེ་ཆོས་ཀྱི་དབྱིངས་ཟབ་ཅིང་རྒྱ་ཆེ་བའི་ཀློང་དུ་མནལ་བར་དགོངས་སོ། །དེ་ཅིས་མངོན་ཞེ་ན། རྣམ་ཐར་དགོས་འདོད་ཀུན་འབྱུང་ལས་གསལ་བར་མཛད་པས་སོ། །གཞན་ཡང་ལས་དང་སྐལ་བར་ལྡན་པ་ཞལ་བལྟ་བར་འདོད་པ་རྣམས་ལ། ལྕགས་ཁྱིའི་ལོའི་ས་ག་ཟླ་བའ…

འཆི་ལ་ངེས་པ་ཅང་མ་མཆིས་པས་ན་མི་དགའ་བ་འཚོགས་པ་ད་ལན་ཙམ་ཡིན་ནོ། །ཁོ་བོ་ཁམས་བཟང་ཞིང་ཁྱེད་སློབ་མ་ཡོན་བདག་རྣམས་རྐྱེན་ཕྱི་ནང་གི་ཉེར་འཚེ་མེད་པར་གནས་པ་ནི། གནམ་ལ་ཉི་ཟླ་སྐར་གསུམ། ས་ལ་བླ་སློབ་ཡོན་བདག ནང་ན་ཕ་མ་བུ་གསུམ། བར་ན་བདེ་སྐྱིད་སྙན་གསུམ་འཛོམ་པའི་དུས་འདིར། བདེ་བའི་མཆོག་ནི་ནད་མེད་པ། སྐྱིད་པའི་མཆོག་ནི་སེམས་སྐྱ…

ནོར་བུ། །དམ་ཆོས་ཟབ་མོའི་འདོད་དགུ། །གངས་ལྗོངས་འགྲོ་ལ་ཕབ་ནས། །ལས་ཅན་ཐར་པའི་ལམ་ལ། །སྐྱིད་གླུ་ལེན་བཞིན་བཞུད་སོང་། །ང་རང་བླ་མའི་གཅེས་ཕྲུག །རྗེ་ལ་གཡས་སྐོར་བརྒྱབ་ནས། །རི་ཁྲོད་འགྲིམས་ལ་ཆས་འགྲོ། །ཕ་ཤུལ་བུ་ཡིས་ཟིན་ཤོག །ཡང་བེའུ་ཐང་སྔགས་བྱིས་དང་། ལྷ་ཁང་སྔགས་བྱིས་ཀུན་དགའ་ནོར་བུ་གཉིས་ཀྱིས། སྐྱབས་མགོན་ཡིད་བཞིན་ནོར…

ཐུགས་བཀོད་གནང་བ་ལྟར། བན་སྔགས་གྲྭ་བཙུན་སྐྱ་སེར་ཐམས་ཅད་ཀྱིས་གོས་རྒྱན་མཛེས་པར་བྱས། གདུགས་རྒྱལ་མཚན་བ་དན་སྤོས་ཕོར་རོལ་མོ་སོགས་མཆོད་རྫས་སྣ་ཚོགས་ཐོགས་ཏེ། སེར་ཕྲེང་ཚར་དུ་དངར་བ་བྱས་སྔོན་བསུས་ནས་ཕེབས་ཏེ། ཆོས་ཁྲིར་བཞུགས་ནས། ལས་དང་སྐལ་བ་ལྡན་པ་ཡོངས་ལ་ལམ་རིམ་བློ་སྦྱོང་ཕྱག་ཆེན་དང་རྫོགས་ཆེན་སོགས་གང་དགོས་རང་རང་གི་འད…

སྦྱོང་བ་བཞིན། །ཡུལ་རྒྱལ་ཁམས་ཡངས་པའི་ས་ཕྱོགས་སུ། །ཉམས་རྟོགས་པའི་རྩལ་སྦྱོང་བྱས་ན་ཨང་། །དཔེ་མཁའ་ལ་སྤྲིན་ཕུང་ཆེར་འཁྲིགས་ནས། །ས་ཡངས་པར་ཆར་བ་འབེབས་པ་བཞིན། །རང་རྒྱུད་ལ་བྱང་ཆུབ་སེམས་འབྱོངས་ནས། །མ་འགྲོ་ལ་ཆོས་ཆར་ཕབ་ན་ཨང་། །དཔེ་ཆར་བས་ས་གཞི་བརླན་པ་ན། །སའི་ནང་ནས་མེ་ཏོག་སྐྱེ་བ་བཞིན། །ཆོས་ཟབ་མོས་གདུལ་བྱའི་རྒྱུད་སྨ…

རང་བརྡར་ཤ་ནང་ནས་ཆོད་ཙ་ན། །ཆོས་སྒོམ་ཡུན་ཐུང་རུང་ཨའུ་ཙི། །སྨོན་ལམ་དང་སྙིང་རྗེ་གཉིས་ཡོད་ན། །ཕྲལ་འགྲོ་དོན་མེད་རུང་ཨའུ་ཙི། །དུས་ད་ལྟ་འཆི་རུང་མི་འཇིགས་ན། །ཉམས་རྟོགས་པ་དམའ་རུང་ཨའུ་ཙི། །རང་སྒོ་གསུམ་ལྷ་སྐུར་གསལ་ཙ་ན། །ཕྱིར་གྲུབ་རྟགས་མེད་རུང་ཨའུ་ཙི། །ཅིར་སྣང་ཚད་བདེན་མེད་ཤེས་ཙ་ན། །ཆོས་མ་བྱས་བསྡད་རུང་ཨའུ་ཙི། །རྗ…

དོན་བྱེད་ཀྱང་། །རང་འདོད་ཀྱི་སྐྱོན་གྱིས་མ་གོས་ཤིག །རང་གཅིག་པུར་རི་ཁྲོད་འགྲིམས་དུས་ཀྱང་། །ཉན་རང་གི་སྐྱོན་གྱིས་མ་གོས་ཤིག །དུས་རྟག་ཏུ་འདོད་ཡོན་ལོངས་སྤྱོད་ཀྱང་། །ཞེན་ཆགས་ཀྱི་སྐྱོན་གྱིས་མ་གོས་ཤིག །ལས་དགེ་སྒྲུབ་སྡིག་པ་སྤོང་དུས་ཀྱང་། །གཡོ་ཟོལ་གྱི་སྐྱོན་གྱིས་མ་གོས་ཤིག །སྤྱིར་ཆོས་ཀྱི་ཕྱོགས་སུ་སྡུག་ཐུབ་པ། །ཅིག…

སློབ་མའི་ཚོགས། །ཚེ་མི་རྟག་འཆི་བའི་ཚུལ་བསམས་ནས། །ཆོས་ཟབ་མོ་ཉམས་སུ་བླངས་པའི་མཐུས། །མཆོག་སངས་རྒྱས་འཐོབ་པའི་རྒྱུ་རུ་བསྔོ། །ཞེས་གསུངས་ནས། སྤྱིར་ཆོས་ཐམས་ཅད་མི་རྟག་པའི་ཚུལ་དང་། སྒོས་སུ་རང་ལ་སངས་རྒྱས་ལས་ཀྱང་བཀའ་དྲིན་ཆེ་བའི་ཆོས་རྒྱལ་ངག་དབང་ཝང་ཡབ་སྲས་དང་། བླ་མ་འཇམ་དབྱངས་རྒྱ་མཚོ་སོགས་ཞིང་ཁམས་གཞན་དུ་དགོངས་ཚུལ། …

བཞིན་རང་རང་གནས་སུ་གྱེས་ནས། མི་རྟག་པའི་ཚུལ་སྟོན་པ་བཞིན་ཐམས་ཅད་འདིའི་རང་བཞིན་ཡིན་པས། ཁྱེད་བྱ་བཏང་རི་ཁྲོད་པའི་ཁུར་འཛིན་པ་རྣམས་ཀྱིས་རི་ཁྲོད་དབེན་པའི་གནས་སུ་ཚེ་དང་སྒྲུབ་པ་སྙོམས་ལ་དམ་པ་གོང་མའི་རྣམ་ཐར་བཞིན་ཨེ་ཐུབ་ལྟོས། གཞན་དགོན་པའི་དགེ་འདུན་པ་དང་སྔགས་འཆང་འདུས་པ་རྣམས་ཀྱིས་རང་རང་གི་ཁས་བླངས་པའི་དམ་ཚིག་དང་སྡོམ…

རྨ་རྒྱལ་ལྟ་བུའི་མི་མེད་པའི་གངས་དང་རི་སུལ་ཞིག་སྙོག་ཐུབ་ན་རབ། དེ་མ་ཐུབ་རུང་འབྲོང་ལུང་བཀྲ་ཤིས་འཁྱིལ་བ་སོགས་ནས་འགོལ་བོ་བྱས་འཆི་བ་ནམ་འོང་བསྒུགས་ནས་འདུག་སྙམ་པ་ཡོད་གསུངས་པ་སོགས། གསུང་དོགས་གཞི་ཅན་མང་དུ་གསུངས། བཅོ་ལྔ་ལ་དད་ཅན་སློབ་བུ་བསྐལ་བཟང་ཆོས་འཕེལ་དང་ཆལ་ལེ་བ་གཉིས་ཀྱིས་མཐུན་རྐྱེན་སྦྱར་ཏེ། ཁོང་གིས་དབུ་མཛད་ན…

པའི་མཚམས་ཁང་འགོལ་བོ་མཐོང་རྒྱ་ཆེ་ཞིང་བསིལ་དྲོད་སྙོམས་ལ། དམ་པ་གོང་མ་རྣམས་ཀྱིས་དབེན་པའི་བསྔགས་བརྗོད་གནང་བ་དང་མཐུན་པ་ཞིག་ཡོད་པ་དེར། །མཆོད་ཁང་གི་ནང་དུ་ཨོ་རྒྱན་ཆེན་པོ་དང་། ཕྱག་རྡོར། ཛམ་ནག་གི་སྐུ་འདྲ་རྣམས་གསར་བཞེངས་བྱས་ཡོད་པ་དེར་ཕེབས་ནས་རབ་གནས་དང་བསྔོ་སྨོན་རྒྱས་པར་གནང་། བཀའ་ལས། གནས་འདི་ནི་བྱིན་ཆགས་ཤིང་ཉམས་…

འབུལ་བ་དང་ཞབས་ཏོག་གང་ཕུལ་བཞེས་བསྔོ་སྨོན་དང་ཕྱག་ནས་འཐོར་བཀའ་བསྒོ་བྱིན་རླབས་མཛད། ཡོན་བདག་ཕོ་མོ་ཀུན་ལ་འདི་ཕྱིར་ཕན་པའི་བསླབ་བྱ་དང་། མགུར་དབྱངས་སོགས་ཞལ་གདམས་མང་པོ་རྒྱས་པར་གནང་། དེ་ནས་ལུག་ར་པད་དཀར་ཆོས་གླིང་གི་དགོན་པ་གསར་བཞེངས་བྱེད་པའི་གནས་སུ་ཕེབས་ནས་ས་འདུལ་བྱིན་རླབས་མཛད་སྐབས་སུ། གློ་བུར་དུ་སྤྲིན་འཐིབས་ནས་…

འདུན་པ་རྣམས་ལ་མཚམས་རྒྱུན་ཡོད་པར་བྱས། དེ་ནས་ཞོ་འོང་འབྲོག་རུ་བརྒྱུད་ནས་མགར་རྩེ་དགོན་པར་ཕེབས་པས། འདུས་སྤྱི་ནས་མང་ཇ་ཚབ་ར་སོགས་རྒྱས་པ་བྱས་སྣེ་ལེན་ཡག་པོ་གནང་། གྲྭ་ཤག་མང་པོར་གདན་དྲངས་གསོལ་ཇ་ཞུས། འབུལ་བ་ཇ་ལན་ཆེན་བཅུ་ཙམ། རས་དཱ་བུ། མར་དོང་ཙེ་ཁྲོན་བརྒྱ་ལྷག་ཙམ་བཅས་ཕུལ་བ་རྣམས། འདུ་ཁང་རྙིང་བའི་ཤུལ་དུ། ཇོ་བོའི་ལྷ་…

ནན་ཆེར་གནང་བ་ནི། ཕྱིས་སུ་མི་འབྱོན་པའི་བརྡར་མངོན་ནོ། །རང་ངན་ཨ་བར་ཐེ་བུའི་རུ་སྡེ་རྣམས་སུ་ཕེབས་པས། ཡོན་བདག་རྣམས་ནས་རྟ་རྒོད་མ། ནོར་ལུག་ཇ་རས་དངུལ་དོང་ཙེ་མར་ཕྱུར་བ་སོགས་འབུལ་བ་རྒྱ་ཆེར་ཕུལ། བསྔོ་སྨོན་རྒྱས་པར་གནང་། དེ་ནས་རིམ་པར་ཞོ་འོང་དཔྱིས་བརྒྱུད་ནས་ཕེབས་ལམ་དུས་དཀར་ཤར་གྱི་དགེ་འདུན་པ་དད་ཅན་འགས་ཐབ་བསུ་ཕུལ་བ་…

རྒྱུའི་ཞལ་བཀོད་གནང་། དེ་ནས་ནག་རྒྱུ་དང་སེར་རྒྱུ། ཕྱི་སྐོར་རྣམས་ལ་ཕེབས་ནས། ཡོན་བདག་དད་ཅན་རྣམས་ཀྱི་ནང་དུ་ཕྱག་ནས་འཐོར་བཀྲ་ཤིས་བརྗོད་བཞིན་བྱོན་པས། ཀུན་གྱིས་གྲོ་ནས་སོགས་དངོས་འབུལ་ཞབས་ཏོག་རྒྱ་ཆེར་ཕུལ་བ་རྣམས་རྒྱས་པར་བཞེས། བསྔོ་སྨོན་དང་བཀའ་བསྒོ་བྱིན་རླབས་མཛད། སྐྱེས་ཕོ་མོ་ཐམས་ཅད་ལ་འདི་ཕྱིར་ཕན་པའི་བསླབ་བྱ་རྒྱས…

རྒྱས་པར་གནང་། དགོན་པའི་ཕྱི་ནང་ཀུན་ཏུ་བཀྲ་ཤིས་པའི་མེ་ཏོག་འཐོར་ཞིང་བསྔོ་སྨོན་གྱི་མཚམས་སྦྱོར་བྱས། ཁྱུང་པོ་དང་སྡོང་སྐམ་ཧ་ར་བ་སྡེར་རྣམས་སུ་ཕེབས་ནས་འགྲོ་དོན་མཛད་པས་ཁྱིམ་ཚང་ཕལ་ཆེ་བའི་ནང་དུ་གདན་དྲངས། གྲོ་ནས་དོང་ཙེ་སོགས་ཀྱི་འབུལ་བ་གང་ཡོད་བཞེས་བསྔོ་སྨོན་དང་ལུགས་གཉིས་ཀྱི་བསླབ་བྱ་འདི་ཕྱིར་ཕན་པའི་ཞལ་གདམས་མང་པོ་ག…

པོ་ལ་མང་ཇ་འགྱེད་སྤྱི་འཇོག་མང་པོ་ཕུལ་ནས་བསྔོ་སྨོན་གྱི་མཚམས་སྦྱོར་རྣམ་དག་གནང་། སྐབས་ཤིག་དད་གུས་དག་སྣང་ཆེ་ཞིང་དམ་པའི་གསུང་བཞིན་འགྲོ་ལ་གང་ཕན་བྱེད་པའི་རྩ་དགེ་སློང་སྐུ་མདུན་དུ་ཕྱིན་པ་ན་གསུང་བགྲོས་མང་པོ་གནང་མཐར་ཁོ་བོ་ལོ་ལོན་རེད། ཚེ་ཉི་མ་ནམ་ཚ་ཅི་ཡོད་མི་ཤེས། དབོན་པོ་བདེར་གཤེགས་ད་རུང་ལོ་ཡང་ཆུང་། ཁོ་རང་ཆོས་སྲི…

པར་ཉེ་འཁོར་རྣམས་རྟ་རྟབ་པོར་གྱུར་ཏེ། ཕྱོགས་ཕྱོགས་སུ་རྒྱུ་མཚན་བསྙད་པས། རེབ་གོང་སྟོད་སྨད་ཀྱི་རེ་ལྟོས་ཅན་ཡིད་བློང་བློང་བོར་གྱུར་ཅིང་། རེབ་གོང་སྔགས་མང་དང་ཕྱོགས་ཕྱོགས་ཀྱི་བྱ་བཏང་རི་ཁྲོད་པ་རྣམས་ཀྱང་འདུས། བདག་ཀྱང་ལྷ་རིའི་མཚམས་ཁང་དུ་བསྙེན་མཚམས་ཤིག་ལ་བསྡད་ཡོད་པ་ཧར་འདོན་བྱས་བྲེལ་སྟབས་སུ་སོང་བ་ལ། གང་གི་འཕྲིན་ལས…

གང་གི་ཐུགས་དགོངས་ལ་རག་ལས་པ་མ་གཏོགས། བློ་ཙབ་ཙུབ་ཀྱི་ཁ་ན་མེད་སྙམ་གསུངས་པ་ནི་སྟོན་འཁོར་དགོངས་པ་མཉམ་པའི་མངོན་རྟོགས་ངོམ་པ་ཉིད་དོ། །དེ་ནའང་རྗེ་ལ་ཞུས་ནས་གང་གསུངས་པ་དེ་བསྒྲུབ་པར་རིགས་ཀྱིས། གྱ་ཚོམ་དུ་མ་ཡིན་ནོ་ཕེབས་པ་ལྟར་རྗེའི་སྙན་དུ་གསོལ་པས། བཀའ་ལས། སྔོན་གྱི་ལས་ལ་རག་གིས་ཞབས་བརྟན་གྱི་ཁ་ན་མེད་དོ། །ཟང་ཟིང་གི་སྦ…

གཤེགས་སྒྲུབ་པ་བཀའ་བརྒྱད་ཀྱི་བསྙེན་སྒྲུབ་སྦྲགས་མ་ཉི་མ་ཉི་ཤུ་རྩ་གཅིག་གི་སྒོ་ནས་བསྲེགས་འཕངས་ཀྱི་ལས་སྦྱོར་རྒྱས་པར་བགྱིས། གྲུབ་དབང་སྐལ་ལྡན་རང་གྲོལ་མཆོག་གི་ཡང་སྤྲུལ་དང་། བདེ་ཆེན་གར་དབང་རྡོ་རྗེའི་སྤྲུལ་སྐུ་བློ་བཟང་སྙན་གྲགས་སོགས་བླ་མ་དགེ་བའི་བཤེས་གཉེན་མང་རབ་ཀྱིས་ཚེ་སྒྲུབ་ཚད་ལྡན། དགོན་ཁག་མང་པོ་དང་རི་ཁྲོད་པ་ག…