སྐྲ་དཀར་དུས་སུ་བློ་བདེ་ལེགས། །ཧོ་ཧོ་ཧེ་ཧེའི་ཀུ་རེ་བཞད་གད་ལ་སོགས་ངག་འཁྱལ་མ་མང་བར། །ཨོ་རྒྱན་ཐུགས་བཅུད་རྫོགས་ཆེན་དབེན་པར་སྒོམས་ལ་འདི་འདྲའི་མགུར་དབྱངས་ལོངས། །ངོ་མཚར་ཆེ་བའི་ལེགས་བཤད་འདི་ཉིད་རང་གཞན་ཆོས་ལ་བསྐུལ་བའི་ཕྱིར། །ཞོ་འོང་ལ་ཁའི་བྱ་བཏང་ཚོགས་དྲུག་རང་གྲོལ་ཞེས་བྱས་བླངས་པ་ལགས། །འདིས་མཚོན་དུས་གསུམ་བསགས་པའ…

བློ་བདེ་དཔལ་ཡིན་ཨེ་གོ །ཡ་ཡི་ཡ་ཡི། །འོ་འོ་བྱང་ཆུབ་སེམས་ཀྱི་རྫི་བོ། །ཨའུ་ཕྱིན་དྲུག་ཕྱུགས་རྣམས་འཚོ་དུས། །ཁོ་རེ་མགུར་དབྱངས་གླུ་ཆུང་ལོངས་དང་། །ཧེ་ཧེ་བློ་བདེ་དཔལ་ཡིན་ཨེ་གོ །ཡ་ཡི་ཡ་ཡི། །འོ་འོ་ཞི་གནས་ཁྱེའུ་གཞོན་ནུ། །ཨའུ་ལྷག་མཐོང་བུ་མོར་འགྲོག་དུས། །ཁོ་རེ་མགུར་དབྱངས་འཁྲིག་ཚིག་ཤོད་དང་། །ཧེ་ཧེ་བློ་བདེ་དཔལ་ཡིན་ཨ…

འགའ་ལ་རྩེ་མཚར་དུ་བླངས་པའོ། །ཨེ་མ་རི་ཁྲོད་དབེན་པ་ན། །དབྱར་དང་སྟོན་གྱི་དུས་སྐབས་སུ། །ནེའུ་ཐང་མེ་ཏོག་སྣ་ཚོགས་བཀྲ། །བུང་བས་ཁྱུ་བརྟེན་སྙན་པ་འབྱིན། །ལྗོན་ཤིང་ཡལ་འདབ་མཛེས་པར་རྒྱས། །བྱ་བྱེའུས་སྒྲ་འབྱིན་འཕུར་ལྡིང་གཡོ། །ཆུ་མིག་རྫིང་བུ་བསིལ་ངད་ལྡང་། །སུས་འཐུངས་སྐོམ་པའི་གདུང་བ་སེལ། །མཚོ་དང་རྫིང་བུའི་ནང་ན་ཡང་། །…

ཡ་བོ་ཚོ། །ཞེས་པ་འདི་ནི་དབེན་གནས་ཤིག་ཏུ་འགྲོ་དུས་ཇག་པ་མི་ལྔ་ཙམ་ལ་འཕྲད་དུས་སུ་ཇག་པ་རྣམས་ཀྱིས་བདག་ལ་དཔེ་ཆ་མ་གཏོགས་ལེན་རྒྱུ་མེད་པས་དཔེ་ཆ་མ་བླངས། དེ་དུས་སུ་ཡིད་ལ་ཤར་བ་བླངས་པའོ། །ན་མོ་གུ་རུ། རྗེ་རྡོ་རྗེ་འཆང་དབང་མི་གཟུགས་ཅན། །ཕ་ཆོས་རྒྱལ་སྤྱི་གཙུག་རྒྱན་དུ་བཞུགས། །སེམས་རི་ཁར་ཕྱོགས་པའི་རྣལ་འབྱོར་ངས། །འཕྲལ་སྐྱ…

པར་བདེ་ཞིང་སྐྱིད། །མི་མང་བོའི་རྒྱུ་འགྲུལ་མེད་པའི་སྟབས། གཏམ་ཆགས་སྡང་ཁ་སྐད་ཤིན་ཏུ་ཉུང་། །སེམས་ཆགས་སྡང་དབང་དུ་མི་འགྲོ་བས། །དུས་རྒྱུན་དུ་དབེན་པར་བདེ་ཞིང་སྐྱིད། །མིའི་འདོད་ཡོན་དཀོར་ལ་མ་འབག་པར། །ཟས་ངན་ངོན་ཙམ་ལ་བརྟེན་པའི་མཐུས། །མཚན་གཉིད་ཆུང་རིག་པ་ཤིན་ཏུ་གསལ། །དུས་རྒྱུན་དུ་དབེན་པར་བདེ་ཞིང་སྐྱིད། །ཆར་ཁ་བ་ཇི་…

འཇིགས་སེལ་མཛད་ཀྱི་བླ་མ། །དུང་དུང་གདུང་ཤུགས་ཀྱི་དད་པས། །ལྷང་ལྷང་གསོལ་བ་ནི་འདེབས་སོ། །འཛུམ་འཛུམ་དགྱེས་བཞིན་དུ་བྱོན་ལ། །བཟང་བཟང་བྱིན་རླབས་ཀྱི་དངོས་གྲུབ། །མྱུར་མྱུར་བདག་རྒྱུད་ལ་སྩོལ་ཅིག །རྒྱ་ཁྲ་སྡིག་ཅན་ཁོ་འོངས་ནས། །གང་བཟང་བྱེའུ་རྣམས་ཟོས་སོང་། །འཇོལ་མོ་སྔོན་མོ་ང་ལུས་ཀྱང་། །ནམ་ཕུགས་ཐུབ་ས་ནི་མི་འདུག །འཇོལ་…

མི་རྣམས་ནི་ཁྲིད་སོང་། །ཆོས་མེད་བན་རྒན་ང་ལུས་ཀྱང་། །ནམ་ཕུགས་ཐུབ་ས་ནི་མི་འདུག །བན་རྒན་ཉམ་ཆུང་ངའི་སྐྱིད་སྡུག་།བླ་མ་དཀོན་མཆོག་རང་མཁྱེན་ནོ། །གྲོང་མིན་དགོན་མིན་གྱི་ལུང་སྟོང་། །སྒང་མིན་གཤོང་མིན་གྱི་རི་སྐེད། །ས་མིན་ཤིང་མིན་གྱི་ཕུག་པར། །ཤི་མིན་གསོན་མིན་བཞིན་བསྡད་ནས། །ཇ་མིན་ཆུ་མིན་ཞིག་འཐུང་བཞིན། །སྐྱ་མིན་སེར་…

རྩལ་སྟོབས་ཞན་པས། །ཐ་མལ་གྱི་སྣང་ཞེན་འདམ་དུ། །ཡང་ཡང་དུ་མར་ལ་ལྷུང་བའི། །ཚུལ་འདིས་ཀྱང་སྣང་བ་སྐྱོ་བ། །ལོ་ཟླ་ཡིས་རྒྱབ་ནས་བདས་ཤིང་། །ཉིན་མཚན་གྱིས་མདུན་ནས་ཁྲིད་དེ། །ན་རྒ་ཡི་ཆད་པས་གཅོད་བཞིན། །སྐད་ཅིག་ནི་མི་སྡོད་བན་རྒན། །འཆི་བདག་གི་ཁྲིམས་རར་འཁྲིད་པའི། །ཚུལ་འདིས་ཀྱང་སྣང་བ་སྐྱོ་བ། །བླ་མ་དང་དཀོན་མཆོག་རྣམ་གསུམ། །…

མི་ཁྱིམ་མཚེས་རྣམས་བཞུད་ཐལ། །བྱ་བཏང་རྣལ་འབྱོར་ངའི་སྒྱུ་ལུས། །རྒུད་ཚུལ་འདི་ཚོ་ལ་བལྟས་ན། །སང་འགྲོ་གནངས་འགྲོ་རང་རེད་ཡ། །མེ་ཏོག་སེར་ཆེན་ནི་གཤེགས་ཐལ། །སྤང་རྒྱན་མེ་ཏོག་གི་ཚོགས་རྣམས། །སྨུག་པོར་འགྲོ་ཚུལ་ལ་བལྟས་ན། །སང་གཤེགས་གནངས་གཤེགས་ནི་རེད་ཡ། །མཚན་ལྡན་བླ་མ་ནི་གཤེགས་ཐལ། །རང་གི་སྒྱུ་ལུས་ཀྱི་བཀྲག་མདངས། །ཉམས་ཚུ…

ཆེན་ལ་བརྒལ་ཡ། །དལ་འབྱོར་མི་ལུས་རང་ཐོབ་དུས། །དམ་ཆོས་མི་བསྒྲུབ་ན་ནམ་བསྒྲུབ། །རི་ཁྲོད་དབེན་པ་དེ་བསྙེགས་ནས། །དམ་ཆོས་ཟབ་མོ་ནི་སྒྲུབ་ཡ། །སྐྱོ་བ་རང་སྐྱེ་རེ་དཀའ་ཡང་། །སྐྱོ་ཤས་ངེས་འབྱུང་རེ་མེད་ན། །སྐྱོ་མགུར་སྙན་མོ་རེ་འཐེན་དང་། །སྐྱོ་ཤས་ཐན་ཐུན་རེ་སྐྱེ་ངེས། །ཞེས་པ་འདི་ཡང་རེབ་གོང་ཡུལ་གྱི་ཆོས་པའི་གཟུགས་ཀྱི་ཁྲམ་པ…

སོས་དལ་བདེ་མོ་རུ་སྡོད་ཡ། །བུ་ལོ་ངང་བ་སེར་བོ་ཡིས་ཨེ་གོ །ཤེས་ཡི་ཡ་ཡ། །ཨ་ཨ་ལྗོན་ཤིང་སྐྱེ་སྟོབས་ནི་ཉམས་སོང་། །ཨ་བོ་ལོ་མ་སེར་བོ་ཁྱོད་ཉོན་དང་། །ཧ་ཧ་སྐྱི་སེར་རླུང་བོ་འདིའི་ཁ་རྩའི། །ལ་ལ་ནམ་ཡང་ཆགས་ས་ནི་མེད་ཀི །ད་ད་ཤག་ཤོག་འདབ་སྒྲ་དེ་ཞོག་ལ། །མྱུར་མྱུར་གཞོངས་ཀྱི་སྐྱིབས་བཟང་ཞིག་བསྙེགས་ནས། །ཁོ་རེ་སོས་དལ་ངལ་མེད་དུ…

ལྡུམ་བུ་མང་བོའི་གསེབ་ན། །བུང་བས་ཀུ་ཅོ་སྒྲོག་བྱུང་། །ཆུ་བོ་ཆེན་པོའི་ཚོགས་རྣམས། །རྒྱ་མཚོའི་ནང་དུ་འདྲེས་ཐལ། །རྡོ་རིགས་མང་བོའི་གསེབ་ན། །ཆུ་ཕྲན་ཀུ་ཅོ་སྒྲོག་བྱུང་། །སྔོན་གྱི་རྒྱལ་བའི་ཚོགས་རྣམས། །དག་པའི་ཞིང་དུ་བཞུད་ཐལ། །བྲག་ཁུང་སྐམ་པོའི་ནང་ན། །སྤྲང་རྒན་ཀུ་ཅོ་སྒྲོག་བྱུང་། །བུང་བ་ལུས་པོ་ཆུང་ཡང་། །བུང་སྒྲ་ཁོ་…

མེད་ཐོབ་བོ་ཞེས། །རྡོ་རྗེ་འཆང་གིས་གསུངས་པས་ན། །རྒྱུན་དུ་མཆོད་ན་ལྟ་ཅི་སྨོས། །དེ་ཕྱིར་བླ་མའི་མཛད་པ་ལ། །ལོག་ལྟ་ཅུང་ཟད་མ་མཛད་པར། །ལུས་ངག་བསྙེན་བཀུར་སྒྲུབས་ཤིག་དང་། །འདི་དང་ཕྱི་མའི་བདེ་སྐྱིད་འབྱུང་། །ད་ལྟ་བླ་མའི་ཐུགས་མཉེས་ན། །དེང་ནས་བྱང་ཆུབ་མ་ཐོབ་བར། །བླ་མས་རྗེས་སུ་འཛིན་པར་ངེས། །དེ་ཕྱིར་སྙིང་ནས་དགའ་བ་སྒོམ…

རང་རྙེད་ན་ཤིན་ཏུ་དགའ་བ་ལྟར། །གནས་མི་ཁོམ་བརྒྱད་ནས་མི་ལུས་མཆོག །དུས་ད་ལྟ་རྙེད་ལ་དགའ་བ་སྒོམས། །དཔེ་གཞན་གྱིས་ལག་ནས་ནོར་བུ་དེ། །འཕྲོག་ཨེ་གཏོང་སྙམ་ནས་འཇིགས་པ་ལྟར། །རྐྱེན་ནད་གདོན་སོགས་ཀྱིས་གློ་བུར་དུ། །ཤི་ཨེ་འགྲོ་སྙམ་དུ་འཇིགས་པར་གྱིས། །དཔེ་མྱུར་དུ་རྒྱལ་མཚན་རྩེར་བཞག་ནས། །དགོས་འདོད་ཀྱི་གསོལ་བ་འདེབས་པ་ལྟར། །ད…

སྤྱོད་ངན་མ་མཛད་པར། །བདག་གཞན་གཉིས་ཕན་བྱེད་འདོད་ན། །མཚན་ཉིད་ལྡན་པའི་བླ་མ་བསྟེན། །མདོ་སྔགས་ཆོས་ལ་ཐོས་བསམ་གྱིས། །དབེན་པའི་རི་ལ་བསྒོམ་པར་མཛོད། །ཟས་སུ་ཏིང་འཛིན་བཅུད་ལེན་དང་། །དཀའ་སྤྱད་སྡུག་ཁུར་སྙིང་རུས་གྱིས། །ཞེས་པ་འདི་ཡང་ཚོགས་དྲུག་རང་གྲོལ་གྱིས་བྱ་བཏང་རི་ཁྲོད་པ་རྣམས་ལ་སྨྲས་པའོ། །དང་པོ་རྩིས་པ་ཁོམ་མེད་པོ། །…

སྦྱོར་གང་ཡང་མ་ཚང་བའི། །སྨན་ནི་ཐན་ནེ་ཐུན་ནེ་ཞིག །ལག་ཕྱིས་འམ་ནི་སྣེ་ལོར་བཅུག །ཁྱི་ལ་སེང་གེ་ཟེར་བ་ལྟར། །ཀུན་གྱིས་ཨ་ཁུ་སྨན་པ་ཟེར། །ཁོས་ཀྱང་སྨན་པའི་ཁུར་དེ་བཟུང་། །བར་དུ་སྨན་པ་ཤེད་ཅན་པོ། །ལག་གཉིས་ཚིགས་བར་ཤུགས་ཀྱིས་གནོན། །རླུང་དང་མཁྲིས་པ་བད་ཀན་དང་། །ཚ་གྲང་གང་ཡིན་ངོས་མ་ཟིན། །ཁོག་ཏུ་གང་དྲན་ཁ་ནས་ལབ། །ཐ་མ་སྨན་…

བཀྱེ་ཟེར་བའི་སེམས་ནག་པོ། །ལྷ་བའི་ལུས་ལ་སྲིན་པོའི་སེམས། །དེ་འདྲེའི་ལྷ་བ་ལྷ་མ་ཚོ། །དམྱལ་བ་རིན་གྱིས་མ་ཉོ་བར། །ད་ནས་དམ་པའི་ལྷ་ཆོས་མཛོད། །གལ་ཏེ་དམ་ཆོས་མི་བྱེད་ཀྱང་། །སྲོག་གཅོད་ལ་སོགས་མི་རུང་ཞེས། །འདི་ཕྱིར་ཕན་པའི་རིམ་གྲོ་ཤོད། །དམྱལ་བར་མི་འགྲོ་ལྷ་བ་ཚོ། །ཞེས་པ་འདི་ཡང་ལྷ་བ་མི་དགེ་སྡིག་ལ་ཧབ་ཐོབ་བྱེད་པ་རྣམས་ལ་…

དྲུག་རང་གྲོལ་གྱིས་མོ་བ་རྣམས་ལ་སྨྲས་པའོ། །ཁྱིམ་ཚང་བཟང་བའི་ཁ་རྒྱབ་ཕྱིར། །ཨ་ཁུ་ལས་ལྷག་དྲིན་ཅན་མེད། །ཨ་ཁུའི་འཁོར་གྱི་ཁྲེལ་ཡོད་མི། །ཨ་ཁུའི་དྲིན་ལན་བསབ་འདོད་རྣམས། །ཁ་ལ་ཉན་ན་འདི་བཞིན་མཛོད། །ད་ལྟ་ཨ་ཁུ་ཡོད་དུས་སུ། །ཨ་ཁུ་ཀུན་གྱི་གོང་དུ་ཞོག །གོས་གཅིག་ཡོད་ཀྱང་ཨ་ཁུར་སྐོན། །ཟས་གཅིག་ཡོད་ཀྱང་ཨ་ཁུར་བྱིན། །སྐོམ་གཅིག་…

འཕྲོད་པའི་ཟས་ཞིམ་བྱིན། །ན་དུས་ནད་གཡོག་རྒྱུན་དུ་གྱིས། །གསོན་དུས་ཕ་མར་མ་བྱམས་པར། །ཕ་མ་འཆི་བའི་ནངས་པར་དུ། །ཞིམ་པོ་བྱིན་ཡང་ཟ་དབང་མེད། །གོས་བཟང་བསྐོན་ཡང་གོན་དབང་མེད། །དེས་ན་ནམ་འཆི་ཆ་མེད་པའི། །ཕ་མར་བསྙེན་བཀུར་རྒྱུན་དུ་གྱིས། །ཕ་མར་བསྙེན་བཀུར་བྱས་གྱུར་ན། །ཚེ་འདིར་བུ་ཡི་བསོད་ནམས་རྒྱས། །ཡིད་ལ་ཅི་བསམ་ཐམས་ཅད་འག…

ཤོད། །དེང་སང་བླ་མ་ཤ་ལ་དགའ། །དེ་ལྟར་བཤད་མཁན་དཀའ་མོར་གདའ། །བུ་ཡིས་ཕ་མར་ཕན་སྙམ་ན། །སྡིག་པ་མ་བྱེད་མ་བྱེད་ཨང་། །དོ་གལ་ཆེ་བས་ཡང་ཡང་བསྐྱར། །རྒྱུན་དུ་ཕ་མའི་དྲིན་མ་བརྗེད། །ཕྱིས་ཀྱང་ཡང་ཡང་ཉ་མཆོད་དང་། །བསྔོ་བ་གྱིས་ཤིག་བུ་རྒོད་ཚོ། །ཞེས་པ་འདི་ཡང་ཚོགས་དྲུག་རང་གྲོལ་གྱིས་ཁྲེལ་ཡོད་བུ་དང་བུ་མོ་རྣམས་ལ་སྨྲས་པའོ། །དང་པོ…