རྒྱུན་ཆད་མེད་པར་ཆོས་ཞུས་སྒྲ། །འགག་པ་མེད་པར་སྒྲོག་པར་ཤོག །སོར་མོའི་སྐྱེས་བུ་གཞོན་ནུ་དེ། །སྙུག་གུའི་ཅང་ཤེས་རྟ་ལ་ཞོན། །ཤོག་གུའི་ཉིན་མཚན་བརྒྱ་ལྷག་ལམ། །སྙུག་གུའི་རྟ་ཡིས་ཉིན་རེར་གཅོད། །ཡི་གེའི་རྟ་རྗེས་ཆར་བཞིན་འབེབས། །སྐྱེས་བུ་ཅིག་གི་བདེ་རེ་ཨང་། །རྟ་ཕོ་ཅིག་གི་མགྱོགས་རེ་ཨང་། །རྟ་རྒྱུགས་བྱེད་པའི་སྐྱེས་བུ་རྣམ…

དང་། །རྒྱུ་ནོམ་གསོག་འཇོག་ནི་མ་བྱེད་པར། །འགྲོ་གྲབས་མཆོད་སྦྱིན་སོགས་ཆོས་ལ་འབོད། །ཅེས་པ་འདི་ཡང་ཚོགས་དྲུག་རང་གྲོལ་གྱིས་རང་ལ་སྨྲས་པའོ། །སྐྱབས་གནས་དཀོན་མཆོག་གསུམ་ལ་འདུད། །དཀའ་སྤྱད་ནུས་པར་བྱིན་གྱིས་རློབས། །བཟའ་བཏུང་བཟང་བོར་དགའ་བ་ཡི། །བྱ་བཏང་ཚོགས་དྲུག་རང་གྲོལ་ཉོན། །ཤ་ཆང་ཇ་ཐུད་མར་ཆུར་སོགས། །བཟའ་བཏུང་བཟང་བོའི…

པར་མཛོད། །དེ་ལྟར་བྱས་ན་སྔར་བཤད་པའི། །སྡུག་བསྔལ་ཁྱོད་ཀྱིས་མྱོང་མི་དགོས། །གནས་སྐབས་བདེ་ཞིང་མཐར་ཐུག་ཏུ། །སངས་རྒྱས་གོ་འཕང་འཐོབ་པར་འགྱུར། །དགེ་འདིས་རང་གཞན་ཐམས་ཅད་ཀྱིས། །དཀའ་སྤྱད་བྱས་ནས་ཆོས་སྒྲུབ་ཤོག །ཅེས་པ་འདི་ཡང་ཉིན་ཞིག་ལྟོགས་ནས་བཟའ་བཏུང་བཟང་བོ་དྲན་ཚེ་སྨྲས་པའོ།། །ཕ་འགྲན་གྱི་དོ་མེད་རིན་པོ་ཆེ། །ཕ་ཆོས་ཀྱི་…

ན་དཀའ་སྤྱད་བྱེད་རེ་རན། །དཀོར་མ་ཟ་མ་ཟ་དཀའ་བ་སྤྱོད། །སྔོན་འདང་ལོག་མང་བོ་ཅི་ཙམ་བརྒྱབ། །ད་བསམས་ན་སྙིང་བོ་ག་འདྲ་འདུག །སེམས་ཡོད་ན་འདང་རྒྱག་གཅོད་རེ་རན། །འདང་མ་རྒྱག་མ་རྒྱག་བསམ་མེད་སྡོད། །སྔོན་ཚེ་འདིའི་བྱ་བ་ཅི་ཙམ་བྱས། །ད་བསམས་ན་སྙིང་བོ་ག་འདྲ་འདུག །སེམས་ཡོད་ན་ཚེ་བློས་གཏོང་རེ་རན། །ཡིད་མ་ཆགས་མ་ཆགས་ཚེ་བློས་ཐོངས།…

འབྱོར་ཞེ་རེ་སྙོམས། །ཨེ་ཤི་རེ་ཞེ་རེ་མ་སྙོམས་དང་། །ལོ་ལེགས་ན་ཕྱེ་རྩམ་མོད་རྒྱུ་རེད། །ཅེས་པ་འདི་ཡང་བློ་ཁ་ཚར་བའི་དུས་ཤིག་ཏུ་རྩེ་མཚར་དུ་འཇིག་རྟེན་པའི་གླུ་ལྟར་ཚོགས་དྲུག་རང་གྲོལ་གྱིས་སྨྲས་པའོ། །རྗེ་བླ་མའི་ཞབས་ལ་ཕྱག་འཚལ་ལོ། །དུས་དེ་རིང་རང་ལ་གྲོས་འདི་འདེབས། །ཁྱོད་གྲྭ་སློབ་འཁོར་གཡོག་མ་འདོད་པར། །ད་གཅིག་པུར་སྡོད…

འདུད། །ཁྱོད་ཉོན་དང་ཚོགས་དྲུག་རང་གྲོལ་བ། །།ལས་བྱས་ཀྱིན་ད་དུང་བྱེད་དགོས་མང་། །ད་བྱ་བྱེད་འཇོག་པའི་དུས་ལ་བབ། །དགྲ་བཏུལ་གྱིན་ད་དུང་འདུལ་རྒྱུ་མང་། །ད་རང་རྒྱུད་འདུལ་བའི་དུས་ལ་བབ། །གཉེན་བསྐྱངས་ཀྱིན་ད་དུང་སྐྱོང་དགོས་མང་། །ད་རྒྱང་དུ་བསྐྱུར་བའི་དུས་ལ་བབ། །ནོར་བསགས་ཀྱིན་ད་དུང་གསོག་དགོས་མང་། །ད་ཆགས་མེད་བྱ་བའི་དུ…

གཏོགས། །རང་ངོས་ནས་རྡུལ་ཙམ། །མ་གྲུབ་པའི་དོན་དམ། །བདེན་པ་དེ་རྟོགས་ནས། །མིང་བཏགས་ནི་ཙམ་ལ། །ཤེས་བྱ་རྣམས་ཡོད་པའི། །ཀུན་རྫོབ་ཀྱི་བདེན་པ། །འཇོག་ཚུལ་དེ་ཤེས་ནས། །ལམ་སྐབས་སུ་ཐབས་ཤེས། །ཕྱོགས་རེ་བ་མ་ཡིན། །བསོད་ནམས་དང་ཡེ་ཤེས། །ཚོགས་གཉིས་པོ་ཟུང་འབྲེལ། །རང་ཉམས་སུ་བླངས་པས། །འབྲས་བུའི་སྐབས་ཆོས་གཟུགས། །སྐུ་གཉིས་པོ་ཐོ…

ལ་འབེབས་པར་བྱིན་གྱིས་རློབས། །རང་ཉིད་ལ་དངོས་སུ་གཞན་ཞིག་གིས། །ཕན་གནོད་གང་བྱས་པས་བདེ་སྡུག་གི །རྟོག་པ་ཞིག་མངོན་གྱུར་ཡོད་ན་རབ། །དེ་ཀའི་ཆོག་མེད་ན་རང་ཉིད་ལ། །སྔར་དུས་སུ་ཕན་གནོད་གང་བྱས་ཤིག །བློས་གསལ་ཐོབས་གསལ་བཏབ་དུས་སྐབས་སུ། །དེར་ཕན་གནོད་འདི་འདྲ་བྱས་སྙམ་དུ། །ཕན་གནོད་བྱས་པའི་ཡུལ་ང་ཞིག །རང་སྙིང་གི་དཀྱིལ་ནས་ལྷ…

ལ། །མི་གཅིག་ལ་ང་གཉིས་ཡོད་མི་སྲིད། །ཡང་གཅིག་ན་ཕུང་བོ་མེར་སྲེག་དུས། །ང་དེ་ཡང་མེ་ལ་བསྲེག་དགོས་འདུག །ཅིའི་ཕྱིར་ན་ལུས་དང་གཅིག་པའི་ཕྱིར། །ལུས་བསྲེགས་ནས་མེད་བཞིན་ང་དེ་ཡང་། །ཕྱིས་མེད་དགོས་དེ་ནི་འགལ་བ་ཆེ། །ལས་བྱས་པ་ཆུད་གཟོན་མ་བྱས་པར། །འཕྲད་ལ་སོགས་ཉེས་པ་དུ་མ་ཡོད། །ང་ལུས་སེམས་གཉིས་དང་ལྷན་ཅིག་ཏུ། །མ་གྲུབ་འདུག་ས…

དཔེ་སྒྱུ་མ་ལྟ་བུར་ཤེས་པར་གྱིས། །འདི་ལེགས་སྦྱར་རྣམ་དཀར་དགེ་བའི་མཐུས། །ནང་སྙིང་གི་དཀྱིལ་དུ་གནས་བཅས་ནས། །སྡུག་སྣ་དགུ་འདྲེན་པའི་འཕུང་རྒན་པོ། །དགྲི་ངར་འཛིན་ཆམ་ལ་འབེབས་ནུས་ཤོག །ཅེས་པ་འདི་ཡང་ཚོགས་དྲུག་རང་གྲོལ་གྱིས་ངར་འཛིན་ལ་འཛིང་དུས་ཤིག་ཏུ་སྨྲས་པའོ། །སྤྱན་རས་གཟིགས་དབང་རྒྱལ་པོའི་ཚུལ་བཟུང་། །བོད་ཁམས་བདེ་ལ་བཀ…

ཆོས་ཡིན། །ཟས་ཕྱིར་སློང་འདོད་རྐུ་འདོད་གདུངས་པ། །ཆེ་ན་དྲེད་པོར་ཤོར་བའི་ཆོས་ཡིན། །རང་སེམས་བཞག་ནས་སངས་རྒྱས་གཞན་དུ། །འཚོལ་ན་བཀའ་དང་འགལ་བའི་ཆོས་ཡིན། །བླ་མ་བཞག་ནས་སྐྱབས་གནས་གཞན་དུ། །འཚོལ་ན་བཀའ་དང་འགལ་བའི་ཆོས་ཡིན། །ཕ་མ་བཞག་ནས་མཆོད་གནས་གཞན་དུ། །འཚོལ་ན་བཀའ་དང་འགལ་བའི་ཆོས་ཡིན། །དཀོན་མཆོག་གསུམ་ལ་སྐྱབས་འགྲོ་རྒྱུ…

བཟོད་པ་བསྒོམ་ཞིང་བརྩོན་འགྲུས་རྟག་ཏུ། །རྩོམ་ན་མཐོ་ས་འགྲིམས་པའི་ཆོས་ཡིན། །བསམ་གཏན་བསྒོམས་ཤིང་ཤེས་རབ་རྟག་ཏུ། །བསྐྱེད་ན་མཐོ་ས་འགྲིམས་པའི་ཆོས་ཡིན། །བློ་དམན་བློ་དང་སྦྱར་ནས་དམ་ཆོས། །གསུངས་ན་ཤེས་རབ་དམན་པའི་ཆོས་ཡིན། །ཚིག་ཉུང་དོན་ཚང་ཟབ་མོའི་གདམས་པ། །སྟོན་ན་ཤེས་རབ་དམན་པའི་ཆོས་ཡིན། །གང་གསུང་དཔེ་དང་དོན་གཉིས་འབྲེ…

སེམས་ཉིད་སྟོང་གསལ་ངང་དུ་རང་བབ། །བཞག་ན་སེམས་ལ་རྟོགས་པ་འཆར་རོ། །སུམ་ཚན་བཅུ་གསུམ་གླུ་དབྱངས་འདི་ནི། །ཆོས་རྒྱལ་སྲོང་བཙན་སྒམ་པོའི་གསུང་གི །འགྲོས་བཞིན་ཚོགས་དྲུག་རང་གྲོལ་བླངས་སོ། །འདི་ཉིད་ཐོས་ཚད་ཆོས་རྒྱལ་སྲོང་བཙན། །སྒམ་པོས་རྗེས་སུ་བཟུང་ནས་ཚེ་འདིར། །ཐར་བའི་ལམ་སྣ་ཟིན་པར་གྱུར་ཅིག །མཚན་ལྡན་བླ་མ་བཀའ་དྲིན་ཅན། །སྤ…

སིལ་ཐོག་གསུམ། །རྣལ་འབྱོར་བདག་གི་ཁ་ཟས་ཡིན། །གཡའ་ཆུ་རྫ་ཆུ་གངས་ཆུ་གསུམ། །རྣལ་འབྱོར་བདག་གི་བཏུང་བ་ཡིན། །ཞེས་པ་འདི་ཡང་བདག་གི་གོ་ལག་ངན་ཞིང་། གྲི་ཞིག་ཡོད་པར་གྲི་ཤུབས་མེད། མེ་ཆ་ཞིག་ཡོད་པ་སྣེ་ཡ་ཆག་པ། མི་འགས་མཐོང་ནས་ཚེ་བློས་བཏང་ཤ་སྟག་རེད་ཟེར་འཛུམ་ཞིང་དགོད་པའི་ཚེ།ང་ལ་ཡོད་ཕྱུག་པོ་ཡིན་ཞེས་རྩེ་མཚར་དུ་ཁོང་རྣམས་ལ་ཚ…

དབང་མེད་པའི་འདུ་ཤེས་ཞོག །རང་ལུས་མི་རྟག་བེམ་རིག་གཉིས། །སོ་སོར་འབྲལ་བའི་འདུ་ཤེས་ཞོག །འཆི་དུས་དམ་པའི་ཆོས་མ་གཏོགས། །གང་གིས་མི་ཕན་འདུ་ཤེས་ཞོག །ཆོས་ཀྱི་དོན་རྣམས་ཤེས་པར་གྱིས། །བདེ་སྐྱིད་ཐམས་ཅད་དེ་ལས་འོང་། །རྟག་ཏུ་དམ་ཆོས་སྡོམ་པ་སྲུངས། །ལེགས་ཚོགས་ཐམས་ཅད་དེ་ལས་འོང་། །རྟག་ཏུ་ནམ་འཆི་ཆ་མེད་སོམས། །སྐྱོ་ཤས་བརྩོན་འ…

བར་ཤོག །ནམ་མཁའ་ས་གཞི་འདི་ཉིད་ནམ་གནས་བར། །བདག་གིས་མགུར་དབྱངས་གང་བླངས་གནས་པར་ཤོག །སྤྲིན་མེད་ནམ་མཁར་ཉི་མ་ཤར་བ་བཞིན། །རྒྱལ་ཁམས་ཡོངས་ལ་དར་ཞིང་རྒྱས་པར་ཤོག །བུམ་བཟང་དཔག་བསམ་ཤིང་དང་ནོར་བུ་ལྟར། །འགྲོ་ལ་འཕྲལ་ཕུགས་ལེགས་ཚོགས་སྟེར་བར་ཤོག །གང་གིས་མགུར་འབུམ་པར་དུ་བརྐོས་པ་ཡིས། །རང་དོན་འགྲུབ་ནས་གཞན་དོན་བྱེད་པར་ཤོག །…

ཚེ་འདིར་བདེ་སྐྱིད་ཕྱི་མར་སངས་རྒྱས་ཤོག །བླ་མ་དཀོན་མཆོག་གསུམ་གྱི་བྱིན་རླབས་ཀྱིས། །སྨོན་ལམ་གང་བཏབ་དེ་བཞིན་མྱུར་འགྲུབ་ཤོག །སྐྱབས་གནས་དཀོན་མཆོག་གསུམ་གྱི་བཀྲ་ཤིས་ཤོག །རྩ་གསུམ་ལྷ་ཆོས་རྣམས་ཀྱི་བཀྲ་ཤིས་ཤོག །ཆོས་སྐྱོང་སྲུང་མ་རྣམས་ཀྱི་བཀྲ་ཤིས་ཤོག །ཡུལ་ལྷ་གཞི་བདག་རྣམས་ཀྱི་བཀྲ་ཤིས་ཤོག །རྒྱལ་བ་རྣམས་ཀྱི་སྐུ་ཡི་བཀྲ…

མཚོ་སྙིང་མ་ཧཱ་དེ་བ་ནས་སྐལ་བཟང་གི་གདུལ་བྱ་རི་བའི་ཚོགས་ཀྱི་ཞུས་ལན་ཞལ་གདམས་ཀྱི་སྐོར། ན་མོ་གུ་རུ། བྱིན་རླབས་སྩོལ་བའི་དངོས་བརྒྱུད་བླ་མ་རྗེ། །དངོས་གྲུབ་སྟེར་བའི་ཡི་དམ་ཞི་ཁྲོའི་ལྷ། །བར་ཆད་སེལ་བའི་མཁའ་འགྲོ་ཆོས་སྐྱོང་ལ། །སྙིང་ནས་གསོལ་བ་འདེབས་སོ་བྱིན་གྱིས་རློབས། །རི་ཁྲོད་དབེན་པར་ཉམས་ལེན་བྱེད་བཞིན་དུ། །མདོ་རྒྱ…

འགྲོ་རྣམས་སྒྲོལ་བའི་ཁུར་ཆེན་བསྣམས། །འགྲོ་དྲུག་ཐར་བའི་གནས་འདྲེན་པའི། །འགྲོ་མགོན་རྒྱལ་བ་ཐུགས་རྗེ་ཅན། །འགྲོ་ཀུན་ཁ་ལོ་ཆོས་ལ་སྒྱུར། །འགྲོ་བའི་དོན་དུ་གླུ་ཞིག་ལེན། །འགྲོ་ལ་ཕན་པར་བྱིན་གྱིས་རློབས། །རྒྱལ་པོ་བློན་པོར་ཆོས་ཤིག་དགོས། །རྒྱལ་པོ་བློན་པོར་ཆོས་ཡོད་ན། །རྒྱལ་མཚན་བཟང་བའི་རྩེ་མོ་རུ། །ཡིད་བཞིན་ནོར་བུ་བཏེགས…

མི་ལུས་ཐོབ་པ་དོན་གོ་ཆེ། །མཆོར་བོ་མཆོར་མོས་ལྷ་ཆོས་མཛོད། །ཚ་བོ་ཚ་མོར་ཆོས་ཤིག་དགོས། །ཚ་བོ་ཚ་མོར་ཆོས་ཡོད་ན། །རིན་ཆེན་ཤེལ་གྱི་མཆོད་རྟེན་ལ། །སྣ་ཚོགས་ཕྲ་ཡིས་སྤྲས་པ་འདྲ། །མི་ལུས་ཐོབ་པ་དོན་གོ་ཆེ། །ཚ་བོ་ཚ་མོས་ལྷ་ཆོས་མཛོད། །གཡོག་པོ་གཡོག་མོར་ཆོས་ཤིག་དགོས། །གཡོག་པོ་གཡོག་མོར་ཆོས་ཡོད་ན། །ས་ཞིང་གཤིན་པོའི་ཞིང་ས་ལ། །…