མཆོག་མཆོག་གསུམ་བསྟེན་ལ་སྐྱབས་འགྲོ་རེམ། །གཏན་བདེ་བདེ་བ་ཅན་གྱི་ཞིང་ལ་སོགས། །རྣམ་དག་དག་ཞིང་ཞིག་ལ་ཡིད་སྨོན་གྱིས། །ཨ་མ་མ་བྱས་སེམས་ཅན་གཅིག་ཀྱང་མེད། །བྱས་ཚེ་ཚེ་འདིའི་མ་བཞིན་དྲིན་ཆེ་བའི། །ཕན་སེམས་སེམས་བསྐྱེད་མཛད་ནས་དུས་ཀུན་ཏུ། །ཅི་ཕན་ཕན་ཐོགས་བྱེད་པ་ཤིན་ཏུ་གཅེས། །མ་དག་དག་པའི་སྣང་བར་བསྒྱུར་མཛད་པའི། །བསྐྱེད་རྫ…

ཉོན། །ཁྲིམས་ལྡན་གྱི་དམ་པའི་རྣམ་ཐར་བཞིན། །ཆོས་ལྡན་གྱི་བྱ་བ་བྱེད་འདོད་ན། །མཚན་ལྡན་གྱི་བླ་མ་ཚུལ་བཞིན་བསྟེན། །བརྒྱུད་ལྡན་གྱི་མདོ་སྔགས་གདམས་པ་ཉོན། །སྐྱོན་ལྡན་གྱི་ཡུལ་གྲོང་ནོར་རྫས་སྤོངས། །བྱིན་ལྡན་གྱི་རི་ཁྲོད་དབེན་པ་སྟེན། །བློ་ལྡན་གྱི་ཆོས་མཐུན་གྲོགས་དང་འགྲོགས། །འབྱོར་ལྡན་གྱི་མི་ལ་སྒྲུབ་རྒྱགས་སློངས། །བདེ་ལ…

མེད་རྣལ་འབྱོར་གླུ་དབྱངས་འཐེན། །མི་མེད་དབེན་པའི་རི་ཁྲོད་ཉམས་དགའ་ན། །གྲོགས་མེད་གཅིག་པུར་འདུག་པའི་བྱ་བཏང་ཉོན། །བསླུ་མེད་བླ་མ་དཀོན་མཆོག་རིན་པོ་ཆེ། །འབྲལ་མེད་སྤྱི་བོའི་གཙུག་ཏུ་ཁུར་ཅིག་ཨང་། །འཁྲུལ་མེད་དམ་ཆོས་མཉམ་ཐོབ་གྲོགས་པོ་ལ། །སེལ་མེད་དད་གུས་དག་སྣང་གྱིས་ཤིག་ཨང་། །གྲངས་མེད་ཕན་བཏགས་མ་གྱུར་འགྲོ་རྣམས་ལ། །ཚད…

གང་འདོད་འདོད་ལྟར་ཕངས་མེད་སྟེར་མཁན་གྱི། །ཡོན་བདག་བདག་གི་གླུ་དབྱངས་འདི་ལ་ཉོན། །མི་ལུས་ལུས་རྟེན་གཞན་ལས་ཁྱད་པར་འཕགས། །མི་རྙེད་རྙེད་དུས་ཆོས་གྱིས་ཡོན་བདག་ཨང་། །རྟག་འཛིན་འཛིན་ཆགས་ཆེ་ན་ཆོས་མི་དྲན། །མི་རྟག་རྟག་ཏུ་སོམས་ཤིག་ཡོན་བདག་ཨང་། །དབེན་གནས་གནས་པ་བདག་གིས་སྙན་པའི་གླུ། །འདི་བླངས་བླངས་པའི་དགེ་བ་ལ་བརྟེན་ནས། …

པོར་བསྟེན་ནུས་ན། །ཡོན་ཏན་མེ་ཞིག་རང་རྒྱུད་སྤྲ་བར་འཕོ། །མི་ལུས་རྙེད་དཀའ་དོན་ཆེའི་ཁང་བ་ན། །འཇིག་སླ་ཆོས་ལ་བསྐུལ་བའི་ཕ་མ་ཡོད། །འགྲོགས་ནས་སྡིག་སྤོང་དགེ་སྒྲུབ་སོ་ནམ་རེམ། །མངོན་མཐོའི་བདེ་དགའ་ལོངས་སྤྱོད་འཛད་མེད་འབྱུང་། །ངེས་འབྱུང་རྣམ་དག་རྒྱལ་མཚན་རྩེ་མོ་ན། །བསླབ་གསུམ་ཡིད་བཞིན་ནོར་བུ་བསམ་འཕེལ་ཡོད། །ཉམས་ལེན་རྩེ…

སྐུ་གཉིས་གསེར་ཡིག་གསེར་ཐམ་ཆེན་མོ་གནང་། །ནམ་ཡང་བདག་གཞན་ལས་དཀར་གང་བསགས་རྣམས། །ནམ་མཁའ་ནམ་གནས་བར་ལ་རྒྱལ་བསྟན་གནས། །ནམ་ཡང་རྒྱལ་སྲས་ཞབས་བརྟན་མཛད་པ་རྒྱས། །ནམ་མཁའ་དང་མཉམ་བདག་གཞན་རྣམས་སངས་རྒྱས། །ཞེས་པ་འདི་ཡང་གྲོགས་པོ་ཡོངས་ལ་བྱ་བཏང་ཚོགས་དྲུག་རང་གྲོལ་གྱིས་བྲག་དཀར་སྤྲེལ་རྫོང་ནས་སྨྲས་པའོ། །གཏན་གྱི་བདེ་སྟེར་བླ་མ་…

གནས་རི་ཁྲོད་ཟིན་པས་བདེ། །གྲོགས་གཅིག་ཀྱང་མེད་ན་དེ་བས་བདེ། །ཆོས་ཀྱི་རྒྱལ་པོའི་བཀའ་དྲིན་གྱིས། །ཚེ་འདིར་ཡང་བདེ་ལ་ཕྱི་མར་བདེ། །བར་དོ་རང་ངོ་ཤེས་པས་བདེ། །ད་ནས་བདེ་ནས་བདེ་བར་འགྲོ། །རྣལ་འབྱོར་བདེ་བའི་སྐྱིད་གླུ་འདིས། །འགྲོ་ཀུན་བདེ་ཞིང་སྐྱིད་པར་ཤོག །དགའ་འོ་སྐྱིད་དོ་རྡོ་རྗེའི་སྤུན། །ཁྱེད་ཀྱང་ང་བཞིན་ཨེ་སྐྱིད་ལྟོ…

མཛོད། །སྙིང་འདི་ཕྱིར་ཕྱུང་བསྟན་ཡང་ཤ །སྙིང་གཏམ་སྨྲས་པ་དེ་བས་ལྷག །སྙིང་ནས་སྨྲས་པའི་ཚིག་དོར་ན། །སྙིང་རུལ་ཡིན་པས་གཞན་མ་སེམས། །སྙིང་ནས་ཆོས་སྒྲུབ་རྣལ་འབྱོར་ངས། །སྙིང་གཏམ་སྨྲས་པ་ཐོས་ཚད་ཀྱིས། །སྙིང་པོ་མེད་པའི་བྱ་བ་སྤང་། །སྙིང་པོའི་ལྷ་ཆོས་བསྒྲུབ་པར་ཤོག །ཅེས་པ་འདི་ཡང་དད་གཏོང་ཤེས་རབ་སོགས་འཕགས་པའི་ནོར་གྱིས་ཕྱུག…

མི་རྟག་པའི། །ཚུལ་སོམས་ལ་ཚེ་འདི་བློ་ཡིས་ཐོངས། །རྗེ་དམ་པ་གོང་མའི་རྣམ་ཐར་སྐྱོངས། །མི་ང་ཡང་གང་དུ་སོང་ན་ཡང་། །གྲོགས་ཁྱོད་ཀྱིས་ཅི་བསམ་འགྲུབ་པའི་ཕྱིར། །ལྷ་དཀོན་མཆོག་གསུམ་ལ་གསོལ་བ་འདེབས། །དཔལ་ཆོས་སྐྱོང་སྲུང་མར་འཕྲིན་བཅོལ་བྱ། །ཞལ་མཇལ་རག་བར་དུ་བདེ་བར་བཞུགས། །དུས་རིང་མིན་མྱུར་དུ་མཇལ་བར་ཤོག །བཀྲ་ཤིས་པའི་ཉི་མར་ས…

ངེས་གྱིས། །ཁྱེད་སྤྱི་པ་གཉེར་བ་ཕྱག་མཛོད་ཀྱིས། །གཞན་ཡོན་བདག་འོང་བ་ལྷ་བཞིན་བཀུར། །ཁྱེད་གྲྭ་པ་རྒན་གཞོན་ཐམས་ཅད་ཀྱིས། །འགྲིག་ཀུན་སྤྱོད་བརྩིས་ལ་ཐོས་བསམ་གྱིས། །ཁྱེད་དཀོན་གཉེར་རྣམས་ཀྱིས་ལྷ་ཁང་གི །ནང་བྱི་དོར་གྱིས་ལ་མཆོད་པ་ཤོམས། །ཁྱེད་ཇ་མ་ཆུ་ལེན་ནང་ཟན་གྱིས། །ལས་གང་བཅོལ་བྱེད་དུས་གོ་ཆོད་གྱིས། །ཁྱེད་དད་ཅན་འབྱོར་ལ…

རྣམས་ལ་སྨྲས་པའོ། །སེང་གངས་དཀར་ལྟོངས་སུ་བསྡད་ན་མཛེས། །ཟས་འཚོལ་ཕྱིར་གངས་མཐར་གཅིག་བབས་ན། །གཞན་མི་རྣམས་ངོ་མཚར་ལྟད་མོ་བལྟ། །དུས་རྒྱུན་དུ་བབས་ན་ལྟས་ངན་ཟེར། །རྒོད་བྲག་དམར་སྟོད་དུ་བསྡད་ན་མཛེས། །ཟས་འཚོལ་ཕྱིར་རི་མཐར་གཅིག་འཁོར་ན། །གཞན་མི་རྣམས་ངོ་མཚར་ལྟད་མོ་བལྟ། །དུས་རྒྱུན་དུ་འཁོར་ན་ལྟས་ངན་ཟེར། །ཁོང་སྒོམ་ཆེན་རི…

བསྟན་འཛིན་སྐྱེས་བུའི་སྐུ་ཚེ་རིང་བར་ཤོག །འགྲོ་ཀུན་གནས་སྐབས་ཀུན་ཏུ་བདེ་བར་ཤོག །མཐར་ཐུག་སངས་རྒྱས་གོ་འཕང་ཐོབ་པར་ཤོག །དཔེར་ན་ཞིང་ས་ཆེན་པོར་ས་བོན་ཞིག །བཏབ་ན་བརྒྱ་སྟོང་བྱེ་བ་ཆེར་འཕེལ་བཞིན། །དེ་ལྟར་བསྔོས་པས་དགེ་རྩ་ཆེར་འཕེལ་བ། །སླར་ཡང་སྦྱིན་པའི་བདག་པོར་སྨིན་པར་ཤོག །དེའི་མཐུས་ཚེ་རིང་ནད་མེད་ལུས་སྟོབས་རྒྱས། །བུ…

གཡས་གཡོན་འབྲེལ་ཐོགས་ཀུན། །ནུབ་ཕྱོགས་བདེ་བ་ཅན་དུ་འདྲེན་པར་ཤོག །དྲངས་ནས་ཆོས་ཐོས་ཉམས་བླངས་སངས་རྒྱས་ཏེ། །ཡོན་ཏན་ཁྱད་མེད་སྤུན་ཟླ་བཞིན་དུ་འགྲོགས། །དག་དང་མ་དག་ཞིང་ཁམས་རབ་འབྱམས་འགྲིམས། །སངས་རྒྱས་མཆོད་ཅིང་སེམས་ཅན་འདྲེན་པར་ཤོག །སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས…

མེད་སྤྱན་གྱིས་གཟིགས། །ཁོག་ཏུ་གང་དྲན་ཐུགས་ཀྱིས་ས་ལེར་མཁྱེན། །མོས་གུས་ཕྱག་ལ་ཉེ་རིང་ཁྱད་མེད་པས། །བདག་གི་ཆུ་བུར་མིག་གིས་མི་མཐོང་རུང་། །ནུབ་ཀྱི་ཕྱོགས་སུ་ཁ་བལྟས་ལག་པ་གཉིས། །ཐལ་མོ་སྦྱར་ནས་རྒྱང་ནས་གུས་ཕྱག་འཚལ། །དངོས་འབྱོར་ཡིད་ཀྱིས་སྤྲུལ་བའི་མཆོད་ཚོགས་འབུལ། །འགྲོ་ལ་ཕན་ཕྱིར་ཐུགས་རྗེའི་སྟོབས་ཀྱིས་བཞེས། །མགོན་པ…

ཞིང་དུ་སྐྱེ་བར་ཤོག །གལ་ཏེ་དེ་འདྲའི་སྐལ་བར་མི་ལྡན་ན། །མཐོ་རིས་ཡོན་ཏན་བདུན་ལྡན་མི་ལུས་ཐོབ། །རྟག་ཏུ་ངུ་དང་ན་རོའི་རྣམ་ཐར་བཞིན། །མཚན་ལྡན་བླ་མ་ཚུལ་བཞིན་བསྟེན་པར་ཤོག །དང་པོ་ཐོས་པ་བྱེད་པའི་དུས་སྐབས་སུ། །ཀུན་མཁྱེན་བློ་བཟང་གྲགས་པའི་རྣམ་ཐར་བཞིན། །རྒྱ་ཆེར་ཐོས་པ་བྱས་ནས་མདོ་རྒྱུད་དང་། །བསྟན་བཅོས་ཐམས་ཅད་གདམས་པར་འཆ…

འཛོམ་པའི་དུས་མ་བྱུང་། །ང་རི་ཁྲོད་དབེན་པར་སྒོམ་དུ་འགྲོ། །སྔོན་བླ་མའི་གསུང་ལ་ཉན་མི་འདོད། །ད་ཉན་ན་འདོད་དུས་བླ་མ་མེད། །དེ་གཉིས་ཀ་འཛོམ་པའི་དུས་མ་བྱུང་། །ང་རི་ཁྲོད་དབེན་པར་སྒོམ་དུ་འགྲོ། །སྔོན་བླ་མར་ཆོས་མང་ཞུ་མི་འདོད། །ད་ཞུས་ན་འདོད་དུས་བླ་མ་མེད། །དེ་གཉིས་ཀ་འཛོམ་པའི་དུས་མ་བྱུང་། །ང་རི་ཁྲོད་དབེན་པར་སྒོམ་དུ་འ…

སྔོན་ཨ་མའི་ཚིག་ལ་ཉན་མི་འདོད། །ད་ཉན་ན་འདོད་དུས་ཨ་མ་མེད། །དེ་གཉིས་ཀ་འཛོམ་པའི་དུས་མ་བྱུང་། །ང་རི་ཁྲོད་དབེན་པར་སྒོམ་དུ་འགྲོ། །སྔོན་ཨ་མ་ཡོད་དུས་ཕན་མི་ཐོགས། །ད་ཕན་འདོགས་ཐུབ་དུས་ཨ་མ་མེད། །དེ་གཉིས་ཀ་འཛོམ་པའི་དུས་མ་བྱུང་། །ང་རི་ཁྲོད་དབེན་པར་སྒོམ་དུ་འགྲོ། །སྔོན་ཨ་མ་ཡོད་དུས་ཐུག་མི་འདོད། །ད་ཐུག་ན་འདོད་དུས་ཨ་མ་མ…

དེ་གཉིས་ཀ་འཛོམ་པའི་དུས་མ་བྱུང་། །ང་རི་ཁྲོད་དབེན་པར་སྒོམ་དུ་འགྲོ། །སྔོན་གྲོགས་པོ་ཡོད་དུས་འཕྲད་མི་འདོད། །ད་འཕྲད་ན་འདོད་དུས་གྲོགས་པོ་མེད། །དེ་གཉིས་ཀ་འཛོམ་པའི་དུས་མ་བྱུང་། །ང་རི་ཁྲོད་དབེན་པར་སྒོམ་དུ་འགྲོ། །ཞེས་པ་འདི་ནི་རི་ཁྲོད་དུ་སོང་ཤུལ་ནས་ལོ་སྔ་ཕྱི་བྱས་བླ་མ་ཨ་མ་གྲོགས་པོ་འགའ་རེ་གཤེགས་པ་ལ་ཡིད་སྐྱོ་བའི་ཤ…

རྒྱལ་ངག་དབང་ཝང་། །བུའི་ཤེས་རྒྱུད་བྱིན་གྱིས་བརླབ་ཏུ་གསོལ། །ངའི་རྗེས་འཇུག་ཆོས་མཐུན་སྙིང་གི་བུ། །རྗེ་དམ་པ་གོང་མའི་རྣམ་ཐར་བཞིན། །རང་གང་འདོད་དབེན་པར་ད་སོང་ལ། །ཆོས་ཟབ་རྒྱས་གདམས་པ་ཉམས་སུ་ལོངས། །ང་ཐག་རིང་དབུས་གཙང་དག་ཞིང་གི །གནས་དབེན་པའི་དགའ་ཚལ་ཉམས་དགར་འགྲོ། །གནས་དབེན་པའི་ཡོན་ཏན་དྲན་པའི་མོད། །དུས་ད་དུང་དབེན་…

གྱིས་རློབས། །མི་ལུས་རིན་ཆེན་ཐོབ་པ་ད་རེས་ཙམ། །མི་ཚེ་ཡུན་ཐུང་ནམ་འཆི་ངེས་པ་མེད། །མི་སྔར་མ་ཤི་ཟེར་བ་ཐོས་མ་མྱོང་། །མི་མང་ཤི་བའི་རྩིས་གྲངས་ཞིབ་ཏུ་ཐོངས། །མི་ཀུན་གསོད་པའི་གཤིན་རྗེའི་ཕོ་ཉ་ཡིས། །མི་ཁྱོད་ཚེ་ཐར་བྱས་ནས་མི་འཇོག་ངེས། །མི་བཟོད་ངན་སོང་སྡུག་བསྔལ་མྱོང་བའི་རྒྱུ། །མི་དགེ་བཅུ་ཡི་འབྱུང་གནས་གྲོང་ཡུལ་ཡིན། །…