ལ་དགའ་བདེ་སྟེར། །སྐལ་བཟང་གདུལ་བྱ་པད་ཚལ་རྩེ་དགའ་དགོད། །མཚན་ལྡན་བླ་མ་འཛམ་གླིང་ཉི་མ་འདྲ། །གངས་ཅན་ལྗོངས་ཀྱི་ལྷ་ལམ་ཡངས་པར་འཕགས། །ལེགས་བཤད་སྒྲ་སྒྲོག་བྱིན་རླབས་སྦྲང་ཆར་འབེབས། །གདུལ་བྱ་རྨ་བྱ་དགའ་དད་ཟློས་གར་བསྒྱུར། །མཚན་ལྡན་བླ་མ་གཡུ་འབྲུག་སྔོན་མོ་འདྲ། །ལུང་རྟོགས་ཡོན་ཏན་རི་མོ་གཡས་སུ་འཁྱིལ། །མཁས་མང་སྡུད་པའི་ཆོ…

འཇོམས། །མཚན་ལྡན་བླ་མ་གླང་པོ་རིན་ཆེན་འདྲ། །ལུགས་གཉིས་ཆོས་ཀྱི་ཁང་བཟང་ཉམས་དགའ་བཞུགས། །ཉམས་རྟོགས་ཡོན་ཏན་དུ་མའི་གོས་རྒྱན་མཛེས། །འཕགས་པའི་ནོར་གྱི་རྒྱལ་སྲིད་སྣ་བདུན་མངའ། །མཚན་ལྡན་བླ་མ་འཁོར་ལོའི་སྒྱུར་རྒྱལ་འདྲ། །རིག་པའི་གནས་ལྔ་ཁ་དོག་ལྔ་ལྡན་གོས། །བླ་མེད་གསང་སྔགས་རིན་ཆེན་ཏོག་གིས་མཛེས། །མཁས་གྲུབ་གདུགས་དང་བ་དན་…

བཟང་ལྟ་བུར་ཤོག །བླ་མ་དེས་ཀྱང་རང་ཉིད་མཐོང་མ་ཐག །མ་ཡིས་ཡུན་རིང་སྟོར་བའི་བུ་མཐོང་ལྟར། །དགྱེས་པའི་འཛུམ་བསྟན་སྙན་པའི་གསུང་བྱོན་ནས། །སྙིང་ནས་བརྩེ་བས་རྗེས་སུ་འཛིན་པར་ཤོག །སྐྱེ་བ་ཀུན་ཏུ་ཡང་དག་བླ་མ་དང་། །འབྲལ་མེད་ཆོས་ཀྱི་དཔལ་ལ་ལོངས་སྤྱོད་ཅིང་། །ས་དང་ལམ་གྱི་ཡོན་ཏན་རབ་རྫོགས་ནས། །རྡོ་རྗེ་འཆང་གི་གོ་འཕང་མྱུར་ཐོབ་…

ནཱ་རོ་བ་ལྟར་བླ་མའི་གསུང་བཞིན་སྒྲུབས། །པ་སངས་མཐོ་ལྟར་ལྟ་བ་མཐོ་ན་ལེགས། །ཕ་མས་བྱམས་ལྟར་དྲིན་ཅན་འགྲོ་ལ་བྱམས། །བ་གླང་ཉལ་ལྟར་མ་འདུག་ལྷ་ཆོས་རེམ། །མ་རབས་རྣམས་ལྟར་ཆོས་མིན་ལས་མ་བྱེད། །ཙཱ་རིའི་གནས་ལྟར་བྱིན་ལྡན་དབེན་པ་སྟེན། །ཚ་གྲངས་ནད་ལྟར་ཆོས་སེམས་འགལ་མ་འཇུག །ཛ་ཡིག་འཁྱོག་ལྟར་མ་འཁྱོགས་དྲང་བོ་གྱིས། །ཝ་མོ་རྒྱུག་ལྟ…

གཞན་ལ་ཕན་ཕྱིར་བྱ་བཏང་ཚོགས་དྲུག་རང་གྲོལ་གྱིས་གནས་ཆེན་ཙཱ་རི་གཅིག་ཆར་ནས་སྨྲས་པའོ། །ཡར་འབྲོག་གཡུ་མཚོའི་ཉ་མོ་གསེར་མིག །མཚོ་སྟོད་འགྲིམ་པ་དགའ་མོ་འདུག་སྟེ། །སྔ་སོར་ཉ་བ་ངོ་ནག་སླེབས་ནས། །ཉ་མོ་མང་བོ་བསད་པ་ཨེ་གོ །རྒྱ་མཚོའི་གཏིང་ན་བཙན་ས་འཛིན་རྒྱུ། །ཡོད་ན་མྱུར་དུ་ཟུངས་དང་དགའོ། །སྤང་རི་མཐོན་པོའི་ཤ་བ་རྭ་བཅུ། །སྤང་ས…

ན་ཚ་ཟུག་རྔུ་ལུས་ཀྱིས་ཚོར་བས། །ཡང་ཡང་མི་ཚེ་ཟད་པ་སེམས་སྐྱོ། །འཕྲིན་ཞིག་ཚེ་དཔག་མེད་ལ་བསྐུར་འབྲས། །ལོ་བརྒྱ་ཐུབ་པའི་ཐབས་ཤིག་ཁྱེད་མཁྱེན། །ལོ་ཏོག་བརྔས་པ་རྣ་བས་ཐོས་བྱུང་། །རྩི་ཤིང་བསྐམས་པ་མིག་གིས་མཐོང་བས། །ཡང་ཡང་ལོ་ཟླ་ཟད་པ་སེམས་སྐྱོ། །འཕྲིན་ཞིག་ས་ཆུ་དྲོ་སར་བསྐུར་འབྲས། །མེ་ཏོག་འཁྲུངས་པའི་ཐབས་ཤིག་ཁྱེད་མཁྱེན། …

བཞུགས། །དམ་པའི་ཆོས་བཞིན་རང་གིས་བྱས་ན། །གཤིན་རྗེ་ཆོས་རྒྱལ་ཞེད་པོ་མི་འདུག །རཀྴ་གླང་མགོ་ག་ལེར་བཞུགས་བཞུགས། །འདི་ཕྱི་གང་དུ་སྐྱིད་པོ་འདོད་ན། །སྐྱིད་པ་གཞན་ལ་ཡིད་སྨོན་མི་དགོས། །སྐྱིད་པོ་རང་གིས་བྱས་ན་ཆོག་ཡོང་། །སྐྱིད་པའི་ཐབས་ཀྱི་མཆོག་སྟེ་ཆོས་ཡིན། །ཆོས་བཞིན་མཛོད་དང་འདི་ཕྱི་གང་དུ། །བདེ་སྐྱིད་ཉི་མ་བཞིན་དུ་འཆར་…

ཉ་ཆུང་མཚོ་དཀྱིལ་དུ་སོང་ནས། །སྡོད་པའི་ཁོ་ཐག་དེ་ཆོད་སོང་། །མཚོ་མཐའ་འགྲིམ་པ་ལ་ཆས་འགྲོ། །མཚོ་སྟོད་མཚོ་སྨད་ཀུན་འགྲིམས་ནས། །ཟས་བཙལ་རྩེད་འཇོ་རང་བྱེད་དུས། །ཉ་བ་རྒྱ་ཐོགས་ཀྱིས་གསོད་ཀི །མ་འཇུག་མཚོ་སྨན་གྱི་རྒྱལ་མོ། །ཨ་མ་རྒན་མོ་དེ་འདས་སོང་། །བུ་ང་ཕ་ཡུལ་དུ་སོང་ནས། །སྡོད་པའི་ཁོ་ཐག་དེ་ཆོད་སོང་། །དབེན་གནས་འགྲིམ་པ་ལ་…

ཡུན་རིང་འགྲོགས་པའི། །བརྩེ་གདུང་ཅན་ཀུན་བཞུད་སོང་། །རང་ཡང་ཕྱི་མར་འགྲོ་བའི། །སྔ་ལྟས་སྐྲ་དཀར་གཉེར་མ། །རྒས་རྟགས་ཕལ་ཆེར་སླེབས་བྱུང་། །མྱུར་དུ་འགྲོ་ལ་ཁད་སྣང་། །སྤྱིར་ནི་འདུས་པ་འབྲལ་ཞིང་། །སྒོས་སུ་སྐྱེས་མཐའ་འཆི་བ། །འཁོར་བའི་ཆོས་ཉིད་ཡིན་སྣང་། །གང་ལའང་ཆགས་ནས་ཅི་བྱ། །སྐྱེ་འཆི་འདུ་འབྲལ་མེད་པའི། །གཏན་གྱི་བཙན་ས་འ…

དར་ཞིང་རྒྱས་ཀྱང་། །མི་འདོད་ཐན་པ་བྱུང་ནས། །གང་བའི་མཚོ་ཆུང་བྲི་སོང་། །ཀྱེ་ཧུད་སྔོ་ལྗང་མཚོ་མོའི། །ཆུ་ཡི་མང་ཉུང་བརྗེས་ནས། །ད་ནི་ཇེ་ཉུང་གྱུར་སོང་། །མྱུར་དུ་བསྐམས་པ་སྐྱོ་བྱུང་། །ཕ་མ་གཉིས་ཀྱིས་བསྐྱངས་པའི། །རང་ལུས་བཀྲག་མདངས་རྒྱས་ཀྱང་། །མི་འདོད་རྒས་པ་བྱུང་ནས། །དར་བའི་ལང་ཚོ་རྒུད་སོང་། །ཀྱེ་ཧུད་བྱ་བཏང་རྣལ་འབྱོ…

འདུས་པ་སོ་སོར་བྲལ་ནས། །སྔ་ཕྱི་རིམ་པ་བཞིན་དུ། །འཇིག་རྟེན་ཕྱི་མར་བཞུད་སོང་། །གཞོན་པ་རང་ཡང་རྒས་ཚར། །ད་ནི་འགྲོ་ཁར་ཐུག་བྱུང་། །ནམ་འགྲོའི་ངེས་པ་མི་སྣང་། །བསམས་པས་སྐྱོ་བ་སྐྱེས་སོང་། །མཚན་ལྡན་བླ་མའི་ཞལ་རས། །མཛེས་འཛུམ་བཞད་ཚུལ་དྲན་ན། །བཞིན་ལེགས་བུ་དང་བུ་མོ། །མཛེས་རུང་ལྟ་འདོད་མི་སྣང་། །མཚན་ལྡན་བླ་མའི་གསུང་དབྱང…

མ་གཤེགས་སོང་། །ད་ནི་མཇལ་རྒྱུ་མེད་ཚུལ། །བསམས་ན་ངུ་རྒྱུ་མ་གཏོགས། །འདོད་པ་གཞན་རྣམས་མི་སྣང་། །ཞེས་པ་འདི་རྣམས་ཀྱང་བྱ་བཏང་ཚོགས་དྲུག་རང་གྲོལ་གྱིས་དབེན་གནས་ཙཱ་རི་ནས་སྨྲས་པའོ། །ཨེ་མ་ཉམས་དགའ་རིག་པ་དྭངས། །འདུ་འཛི་མེད་པའི་དབེན་གནས་སུ། །རང་བྱུང་བྲག་གི་ཕུག་པ་རུ། །སྔོ་ལྗང་རྩྭ་དང་འབོལ་གདན་ལ། །གཅིག་པུར་དྲང་སྲོང་སྤྱོ…

མཐོང་། །མངོན་ཤེས་རྫུ་འཕྲུལ་ཅིར་ཡང་འབྱུང་། །དེ་ཡིས་གྲགས་པ་ཟླ་འོད་ཀྱིས། །ལྷ་མིའི་རྨོངས་པའི་མུན་པ་སེལ། །ལག་པའི་པདྨོ་དབང་མེད་བསུམས། །རབ་ཏུ་གུས་པས་ཕྱག་འཚལ་ཞིང་། །མཁའ་ལས་ལྷ་ཡི་རོལ་མོ་རྡུང་། །བདུག་སྤོས་མེ་ཏོག་ཆར་པ་འབེབས། །ས་ནས་མི་ཡིས་ཟས་གོས་འབུལ། །ཡ་མཚན་གཏམ་སྙན་ཕྱོགས་བཅུར་སྒྲོག །བསྟན་དང་འགྲོ་བ་མ་ལུས་ལ། །དང…

མཉམ་འཇོག་དུས། །ནམ་མཁའ་ལྟ་བུར་དཔངས་བསྟོད་དེ། །སྣང་བ་གུ་ཡངས་སང་ངེར་བཞག །ས་གཞི་ལྟ་བུར་རྒྱ་བསྐྱེད་དེ། །དྲན་པ་ཁྱབ་ཀྱང་ཆེ་བར་བཞག །རི་བོ་ལྟ་བུར་ལྷུན་ཕབ་ལ། །སེམས་ཉིད་གཡོ་འགུལ་མེད་པར་བཞག །མར་མེ་ལྟ་བུར་གསལ་བསྟོད་ལ། །རིག་པ་ས་ལེ་ཧྲིག་གེར་བཞག །མན་ཤེལ་ལྟ་བུར་དྲི་མ་སྤངས། །ཤེས་པ་རྟོག་མེད་སང་ངེར་བཞག །སེམས་ཀྱི་བཞག་ཐབ…

བླ་དཔོན་སྐུ་ཚེའི་བར་ཆད་ཆེ། །དུག་མཐུ་ངན་སྔགས་ཕྱོགས་ལ་འཛེམས། །ནད་ངོས་མི་ཟིན་སྨན་པ་ཡིས། །སྨན་ལོག་གཙག་བུ་ཁྱེར་ལ་འཛེམས། །གཞན་ལ་ཧམ་པ་མ་ཆེ་བར། །རང་གི་ནོར་གྱིས་ཆོག་ཤེས་གྱིས། །རང་ལ་མངོན་ཤེས་མེད་བཞིན་དུ། །ཕོ་ཚོད་ལོག་ལྟ་བྱེད་མི་རུང་། །རང་ཉིད་བྱ་བ་ཀུན་ཤེས་ཀྱང་། །གཞན་གྱི་བྱ་བ་ཁྱད་མ་གསོད། །རང་གི་གྲུབ་མཐར་ཞེན་ཆེ་ཡ…

འདི་ནི་མི་རྒན་བསམ་ཤེས་གཏམ། །རྒྱལ་ཁམས་མི་ལ་སྒྲོག་པར་རིགས། །ཞེས་པ་འདི་ཡང་བྱ་བཏང་ཚོགས་དྲུག་རང་གྲོལ་གྱིས་དབེན་གནས་ཙཱ་རི་ནས་སྨྲས་པའོ། །ན་མོ་གུ་རུ། མི་རྟག་འཆི་བ་སྟོན་པའི་སློབ་དཔོན་ལ། །མི་ཕྱེད་དད་པས་སྙིང་ནས་གསོལ་བ་འདེབས། །མི་རྟག་འཆི་བ་དྲན་པས་རྒྱུད་བསྐུལ་ནས། །མི་ཚེ་ཆོས་ཀྱིས་འདའ་བར་བྱིན་གྱིས་རློབས། །བླ་མ་མང་…

སེར་སྣས་ཟས་ནོར་བསགས་ནས་ཅི་ཞིག་བྱ། །གང་ཡོད་ཆོས་ཀྱི་ཕྱོགས་སུ་བཏང་ན་ལེགས། །རྒན་གཞོན་གོ་རིམ་མེད་པར་འཆི་བ་ལྟོས། །འདི་ཡང་མི་རྟག་སྒྱུ་མའི་དཔེ་ཞིག་རེད། །ཡུན་རིང་སྡོད་ཤོམ་བྱས་ནས་ཅི་ཞིག་བྱ། །ཕྱི་མའི་ལམ་སྣ་ཟིན་ཐབས་བྱས་ན་ལེགས། །རྣལ་འབྱོར་དཔོན་སློབ་སོ་སོར་འབྲལ་ལ་ལྟོས། །འདི་ཡང་མི་རྟག་སྒྱུ་མའི་དཔེ་ཞིག་རེད། །འཁོར་ག…

སྙིང་གཏམ་འདི་ཉིད་ཐུགས་ལ་ཟུངས། །གླུ་དབྱངས་འདི་ཉིད་ཐོས་ཚད་ཐམས་ཅད་ཀྱིས། །གང་ལ་བལྟས་ཀྱང་མི་རྟག་འཆི་བ་དྲན། །ཚེ་འདིར་དམ་པའི་ལྷ་ཆོས་བྱས་པའི་མཐུས། །ཕྱི་མར་རྣམ་མཁྱེན་གོ་འཕང་མྱུར་འཐོབ་ཤོག །ཅེས་པ་འདི་ཡང་མཁས་བཙུན་བཟང་གསུམ་འཛོམ་པའི་འདོད་དཔལ་མཁན་པོ་ཞི་བ་ཚེ་རིང་ལ་དགེ་བའི་གསོལ་འདེབས་སུ་བྱ་བཏང་ཚོགས་དྲུག་རང་གྲོལ་གྱིས…

དེས་ན་ཁྱོད་ཀྱིས་ཉིན་རེ་བཞིན། །མི་དགེ་བཅུ་པོ་ཨེ་བྱས་ལྟོས། །བྱས་ན་དམྱལ་བར་སྐྱེ་བའི་རྒྱུ། །བྱས་པ་མ་བཟང་སྙམ་ནས་འགྱོད། །བཤགས་པ་གྱིས་ལ་ཕྱིན་ཆད་སྡོམ། །དེ་ལྟར་བྱས་ན་སྡིག་པ་རྣམས། །འདག་ཅེས་ཐུབ་པ་ཆེན་པོས་གསུངས། །ཡི་གེ་འབྲི་ཞིང་དཀོན་མཆོག་མཆོད། །སྦྱིན་པ་གཏོང་ཞིང་ཆོས་ལ་ཉན། །གསུང་རབ་ཀློག་ཅིང་བློ་ལ་འཛིན། །གཞན་ལ་འཆད…

གསུངས། །ཁྱེད་ཀྱིས་འདི་ཡང་བསྟེན་པར་འོས། །དེ་རྣམས་སྔ་སོར་མཛད་ན་ལེགས། །ད་དུང་དེ་བཞིན་ཉམས་སུ་ལོངས། །དེ་ལྟར་བྱས་ན་ཕྱི་མ་རུ། །དམྱལ་བ་ཡི་དྭགས་དུད་འགྲོ་དང་། །ཀླ་ཀློ་ཚེ་རིང་ལྷ་དང་ནི། །ལོག་ལྟ་སངས་རྒྱས་ཀྱིས་སྟོངས་པ། །ལྐུགས་པ་དེ་དག་མི་ཁོམ་བརྒྱད། །རྣམས་སུ་ནམ་ཡང་སྐྱེ་མི་འགྱུར། །མི་ཉིད་རྙེད་ཅིང་ཡུལ་དབུས་སྐྱེས། །དབ…