གཏོང་བློ་གྲོས་ཆེ་བའི་སྡེ་བ་སྟོབས་ལྡན་ལ་དགེ་བའི་གསལ་འདེབས་སུ་བྱ་བཏང་ཚོགས་དྲུག་རང་གྲོལ་གྱིས་དབེན་གནས་ཙཱ་རི་ནས་སྤྲིངས་པའོ། །རྗེ་བླ་མ་དཀོན་མཆོག་ཐུགས་རྗེ་ཅན། །སྤྲང་ང་ལ་བློ་གཏད་སྦྱིན་བདག་རྣམས། །ཚེ་འདི་རུ་སྡོད་རུང་བར་ཆད་སོལ། །ཚེ་ཕྱི་མར་འགྲོ་དུས་ལམ་སྣ་དྲོངས། །ཁྱེད་ཡོན་བདག་རྒན་གཞོན་ཕོ་མོ་རྣམས། །ཚེ་རིང་རུང་དྲ…

རབ་སྐྱེད། །མི་ཤེས་རབ་ཆེ་བས་ཅི་བསམ་འགྲུབ། །ངེད་རྣལ་འབྱོར་དཔོན་སློབ་འཁོར་བཅས་ལ། །ཁྱེད་ཡོན་བདག་རྩ་བ་བཀའ་དྲིན་ཆེ། །ཀུན་གནས་སྐབས་བདེ་ཞིང་མཐར་ཐུག་ཏུ། །སངས་མཉམ་པོར་རྒྱ་བའི་སྨོན་ལམ་འཚལ། །ཞེས་པ་འདི་ཡང་འཕགས་པའི་ནོར་གྱི་མཛོད་འཛིན་པའི་ཡོན་བདག་རྩྭ་འཆང་དགའ་ཚང་ལ་དགེ་བའི་གསལ་འདེབས་སུ་བྱ་བཏང་ཚོགས་དྲུག་རང་གྲོལ་གྱིས་ད…

དགའ་ཡང་། །སྡིག་ཅན་ཁྲ་ཡིས་དེད་པའི་ཚེ། །གཤོག་ཆུང་བརྒྱངས་ནས་འབྲོས་ཁོམ་མེད། །བཟུང་ནས་སྟེང་གི་བྱ་སྤུ་གཏོར། །དེ་དུས་འདར་ཡང་བྱ་ཐབས་མེད། །ཉོན་དང་སྐད་སྙན་བྱེའུ་ཆུང་རྣམས། །དེ་ལ་ཕན་པའི་ཐབས་འཚོལ་ན། །མ་སྡོད་ཤིང་ནགས་མཐུག་པོ་སྙོགས། །བག་ཕེབས་ཤིང་ཐོག་ཟོས་ན་ལེགས། །སྐྱེ་བོ་ཕོ་མོའི་ཚོགས་རྣམས་ཀྱིས། །ལྷོ་རྒྱལ་འཛམ་བུའི་གླ…

ནས་བདག་ཡིད་སྐྱོ། །སྐྱབས་མེད་ཉམ་ཆུང་ཁྱིམ་བྱ་ཕོ་མོ་རྣམས། །ཁྲེལ་མེད་མི་ཡིས་གསོད་པ་སྙིང་རེ་རྗེ། །བཟོད་མེད་སྡུག་བསྔལ་མྱོང་ལ་ཕན་པའི་ཐབས། །གཞན་མེད་གསོད་ཚུལ་བསམས་ནས་བདག་ཡིད་སྐྱོ། །ཆོས་མེད་ཉམ་ཆུང་ཁྱིམ་པ་ཕོ་མོ་རྣམས། །ཁྲེལ་མེད་གཤིན་རྗེས་གསོད་པ་སྙིང་རེ་རྗེ། །བཟོད་མེད་སྡུག་བསྔལ་མྱོང་ལ་ཕན་པའི་ཐབས། །གཞན་མེད་གསོད་ཚ…

ཛམ་ལྟ། །རི་རབ་ཕྱོགས་ཕྱོགས་གང་ལ། །བཞུགས་ཀྱང་ཕོངས་པ་མེད་རུང་། །གསོལ་མཆོད་མེད་ལ་མི་གནང་། །ནོར་མེད་དབུལ་བོའི་ཚོགས་རྣམས། །ཟས་ནོར་ལོངས་སྤྱོད་འདོད་ན། །མཆོད་བསྟོད་གསོལ་བ་ཐོབས་དང་། །འདོད་དགུའི་དངོས་གྲུབ་བསྩལ་ཡོང་། །མཚན་ལྡན་དགེ་བའི་བཤེས་གཉེན། །རི་ཀླུང་ཕྱོགས་ཕྱོགས་གང་ལ། །བཞུགས་ཀྱང་ཁྱད་པར་མེད་རུང་། །དད་མེད་ཕྱོག…

མཉེས་པའི་ཚོགས་མཆོད་བྱེད། །བྱེད་པ་གསུམ་གྱི་བསྟན་བཅོས་ཡིན། །ཚེ་བློས་ཐོངས་ལ་ལྷ་ཆོས་ཡོང་། །རང་འདོད་མེད་ལ་བྱང་སེམས་ཡོང་། །ལྷ་ཆོས་བྱེད་ལ་སྐྱིད་པོ་ཡོང་། །ཡོང་བ་གསུམ་གྱི་བསྟན་བཅོས་ཡིན། །སྨྱོ་སྤྱོད་བྱེད་དང་འཁྲུལ་ཞིག་ནོར། །ཚེ་བློས་བཏང་དང་སྤྲང་པོ་ནོར། །ཆོས་པ་རྣམས་དང་ཟོག་པོ་ནོར། །ནོར་བ་གསུམ་གྱི་བསྟན་བཅོས་ཡིན། །…

མང་པོའི་དཔོན་པོ་དཀའ། །རྟ་ནོར་མང་པོའི་འཚོ་སྐྱོང་དཀའ། །དཀའ་བ་གསུམ་གྱི་བསྟན་བཅོས་ཡིན། །སེར་སྣ་ཆེ་བའི་ལག་པ་དམ། །དགེ་སློང་གསར་བ་གོས་ཚགས་དམ། །རྒན་རྒོན་བླ་རྒན་ཀོ་ལོང་དམ། །དམ་པ་གསུམ་གྱི་བསྟན་བཅོས་ཡིན། །དགེ་འདུན་ཀུན་ལ་འདུལ་ཁྲིམས་དགོས། །ཆོས་པ་ཀུན་ལ་སྙིང་རྗེ་དགོས། །སྔགས་པ་ཀུན་ལ་དམ་ཚིག་དགོས། །དགོས་པ་གསུམ་གྱི་བས…

འདོད་འདོད་མི་སྟེར་ཆོག་ཤེས་དགོས། །འདི་ནི་དགོས་པ་རྣམ་གསུམ་ཡིན། །བླ་ངན་གཉེར་ངན་ཁ་ལ་ཉན། །རྒྱལ་ངན་བློན་ངན་ཁ་ལ་ཉན། །ཕོ་ངན་མོ་ངན་ཁ་ལ་ཉན། །འདི་ནི་ཉན་པ་རྣམ་གསུམ་ཡིན། །བསམ་ངན་སྦྱོར་རྩུབ་བྱེད་ལ་དགའ། །བླ་ངན་གྲུབ་མཐའི་ཕྱོགས་རིས་དགའ། །མོ་ངན་དབྱེན་ཚིག་རྫུན་ལ་དགའ། །འདི་ནི་དགའ་བ་རྣམ་གསུམ་ཡིན། །དཔོན་ངན་དམག་ཇག་འཁྲུག་ར…

དགོས་པ་ཞིམ་མངར་ཟས། །ཕྱི་མར་དགོས་པ་དམ་པའི་ཆོས། །འདི་ནི་དགོས་པ་རྣམ་གསུམ་ཡིན། །འདུས་ནས་འབྲལ་བ་གཉེན་བཤེས་ཡིན། །བསགས་ནས་ཟད་པ་ཟས་ནོར་ཡིན། །སྐྱེ་ནས་འཆི་བ་སེམས་ཅན་ཡིན། །འདི་ནི་ཡིན་པ་རྣམ་གསུམ་ཡིན། །ས་རྡོའི་ནང་ན་གསེར་དངུལ་ཡོད། །ཀུ་རེའི་ནང་ན་དོན་དམ་ཡོད། །སེམས་ཅན་ནང་ན་སངས་རྒྱས་ཡོད། །འདི་ནི་ཡོད་པ་རྣམ་གསུམ་ཡིན། །…

ནས་འཕོ་འགྱུར་མེད་པ་དེ། །དབུས་ཀྱི་རི་བོ་མཆོག་རབ་ཡིན། །སྟོང་གསུམ་མི་མཇེད་ཞིང་ཁམས་ན། །སངས་རྒྱས་བྱང་སེམས་མང་གནས་ཀྱང་། །སྐྱེས་ནས་འཆི་རྒྱུ་མེད་པ་དེ། །སློབ་དཔོན་པདྨ་འབྱུང་གནས་ཡིན། །ཤིན་ཏུ་དྭངས་པའི་རྒྱ་མཚོ་ན། །ནོར་བུ་ཆེ་ཆུང་མང་གནས་ཀྱང་། །ཕུན་སུམ་ཚོགས་པའི་ནོར་བུ་དེ། །ཡིད་བཞིན་ནོར་མཆོག་བསམ་འཕེལ་ཡིན། །སངས་རྒྱས…

མའི་ཁྱོན་ཡངས་ན། །བསྟན་འཛིན་ཆེ་ཆུང་མང་གནས་ཀྱང་། །འཕྲིན་ལས་ཕྱོགས་ཀུན་ཁྱབ་པ་དེ། །སྐྱབས་མགོན་རྒྱལ་བ་པཎ་ཆེན་ཡིན། །དགུང་སྔོན་དབྱིངས་ལ་ལྡིང་བ་ཡི། །འདབ་བཟང་བྱ་རྒྱལ་མང་གནས་ཀྱང་། །སྤུ་མདོག་འཇའ་ལྟར་མཛེས་པ་དེ། །རྒྱ་ཡུལ་སྤུ་སྡུག་རྨ་བྱ་ཡིན། །ས་སྟེང་འདི་ན་རིག་སྨྲ་ཡི། །དགེ་བཤེས་མཁས་པ་མང་གནས་ཀྱང་། །དྲི་མེད་ལེགས་བཤད་…

གཅེས་ཆེ་བ་ན། །བྱང་ཆུབ་སེམས་དཔའ་ཡོང་བ་ཡིན། །ཚོགས་གཉིས་ལས་ལ་འབད་པ་ན། །སྐུ་གཉིས་ཐོབ་ནས་ཡོང་བ་ཡིན། །ཆོས་སྐུ་གཟུགས་སྐུ་གཉིས་ཐོབ་ན། །དོན་གཉིས་འགྲུབ་ནས་ཡོང་བ་ཡིན། །ཡོང་བ་དྲུག་གི་གླུ་དབྱངས་འདི། །ཚོགས་དྲུག་རང་གྲོལ་བླངས་པ་ཡིན། །ཞེས་པ་འདི་ཡང་གནས་ཆེན་ཙཱ་རི་ནས་སྨྲས་པའོ། །བླ་མ་སངས་རྒྱས་དངོས་སུ་ཐག་བཅད་ནས། །རང་ལས་ད…

འདི་ཡང་འགལ་བ་ཆེ་བས་སེམས་ལ་ཟུངས། །དངོས་སུ་ཀུན་ལ་དག་སྣང་སྦྱོང་དགོས་ཟེར། །ཕག་ན་སྐྱོན་མཚང་འབྲུ་བའི་བསམ་ལོག་པོ། །འདི་ཡང་འགལ་བ་ཆེ་བས་སེམས་ལ་ཟུངས། །རང་ལ་སོ་ཐར་བྱང་སེམས་སྔགས་སྡོམ་མེད། །གཞན་ལ་སྡོམ་པ་འབོགས་པའི་བསམ་ལོག་པོ། །འདི་ཡང་འགལ་བ་ཆེ་བས་སེམས་ལ་ཟུངས། །རང་སེམས་ཇ་ཡུན་ཙམ་ལ་མི་སྡོད་པར། །གཞན་ལ་སེམས་འཛིན་སྟོན་པ…

འགལ་བ་ཆེ་བས་སེམས་ལ་ཟུངས། །མདོ་རྒྱུད་བསྟན་བཅོས་ཚད་མར་འཛིན་དགོས་ཟེར། །གཞན་ལ་དགག་པ་གཏོང་བའི་བསམ་ལོག་པོ། །འདི་ཡང་འགལ་བ་ཆེ་བས་སེམས་ལ་ཟུངས། །ཞེས་པ་འདི་ཡང་རང་གཞན་ལ་ཚོགས་དྲུག་རང་གྲོལ་གྱིས་སྨྲས་པའོ། །ལྷ་དཀོན་མཆོག་གསུམ་ལ་སྐྱབས་སུ་མཆི། །རྒྱུད་ཆོས་དང་མཐུན་པར་བྱིན་གྱིས་རློབས། །སྤྲང་བྱ་བཏང་ཚོགས་དྲུག་རང་གྲོལ་ངས། །…

ལུས་ཕྱག་དང་སྐོར་བ་གང་ནུས་གྱིས། །ངག་ཁ་ཏོན་བཟླས་བརྗོད་གང་ཤེས་ཐོན། །དུས་རྒྱུན་དུ་བསམ་པ་བཟང་པོ་གྱིས། །ཚེ་འདིར་བདེ་ཕྱི་མར་སྐྱིད་པར་ངེས། །ཞེས་པ་འདི་ཡང་སྦྱིན་བདག་ནམ་མཁའི་མཛོད་པ་ལ་དགེ་བའི་གསལ་འདེབས་སུ་དབེན་གནས་ཙཱ་རི་ནས་སྤྲིངས་པའོ། །ས་ཁྱད་འཕགས་རྒྱ་གར་རྡོ་རྗེ་གདན། །ཡུལ་གྲོང་ཁྱེར་གཅིག་ན་ཚོང་ཕྲུག་མང་། །ཀུན་ཕྱོག…

དབང་ལུང་ཞུས། །ཆོས་གང་འདོད་ཐོབ་ཚེ་རྩེ་ཞིང་དགོད། །དུས་ཡུན་རིང་བསྡད་ན་དགའ་བ་ལ། །ལུང་དབང་ཁྲིད་ཚར་ཚེ་མི་སྡོད་པར། །ཀུན་སྔ་ཕྱི་རིམ་པ་བཞིན་དུ་གྱེས། །ཡུན་མི་རིང་གྱེས་ནས་སོང་ལ་སྐྱོ། །ཡུལ་མི་གཅིག་སོ་སོར་སོང་བའི་མཐུས། །སླར་སྔར་བཞིན་ཐམས་ཅད་འཛོམ་པར་དཀའ། །ངེད་དཔོན་སློབ་མི་རྟག་དེ་དང་འདྲ། །ངས་བསམ་ཞིང་སྐྱོ་བ་ནང་ནས་སྐ…

རྟག་དེ་དང་འདྲ། །ངས་བསམ་ཞིང་སྐྱོ་བ་ནང་ནས་སྐྱེས། །རང་འབྱུང་བཞིའི་ལུས་ཀྱང་མི་རྟག་འཇིག །ངས་བསམ་ཞིང་བསམ་ཞིང་ཤེས་པ་འཕྱོ། །རྗེ་རྩ་བའི་བླ་མ་རྡོ་རྗེ་འཆང་། །སྤྲང་ལྷ་ཆོས་ནུས་པར་བྱིན་གྱིས་རློབས། །སྨད་ཨ་མདོའི་ཕྱོགས་ཀྱི་ས་ཆ་ན། །སྡེ་ཆེན་པོ་གཅིག་ལ་ཕོ་མོ་མང་། །ཀུན་ཕྱོགས་གཅིག་འཚོགས་ནས་དགའ་སྟོན་བྱས། །གོས་རྒྱན་ཆ་ལེགས་ཚ…

ཆོས་དཀའ་གནད་གོ་ཚེ་རྩེ་ཞིང་དགོད། །དུས་ཡུན་རིང་བསྡད་ན་དགའ་བ་ལ། །ཆོས་སློབ་གཉེར་ཚར་ཚེ་མི་སྡོད་པར། །ཀུན་སྔ་ཕྱི་རིམ་པ་བཞིན་དུ་གྱེས། །ཡུན་མི་རིང་གྱེས་ནས་སོང་ལ་སྐྱོ། །ཡུལ་མི་གཅིག་སོ་སོར་སོང་བའི་མཐུས། །སླར་སྔར་བཞིན་ཐམས་ཅད་འཛོམ་པར་དཀའ། །ངེད་དཔོན་སློབ་མི་རྟག་དེ་དང་འདྲ། །ངས་བསམ་ཞིང་སྐྱོ་བ་ནང་ནས་སྐྱེས། །རང་འབྱུང…

རྟག་དེ་དང་འདྲ། །ངས་བསམ་ཞིང་སྐྱོ་བ་ནང་ནས་སྐྱེས། །རང་འབྱུང་བཞིའི་ལུས་ཀྱང་མི་རྟག་འཇིག །ངས་བསམ་ཞིང་བསམ་ཞིང་ཤེས་པ་འཕྱོ། །རྗེ་རྩ་བའི་བླ་མ་རྡོ་རྗེ་འཆང་། །སྤྲང་ལྷ་ཆོས་ནུས་པར་བྱིན་གྱིས་རློབས། །ཞེས་པ་འདི་ཡང་བྱ་བཏང་ཚོགས་དྲུག་རང་གྲོལ་གྱིས་སྐྱོ་བ་ཐན་ཐུན་སྐྱེས་པའི་དུས་ཤིག་ལ་དབེན་གནས་ཙཱ་རི་ནས་སྨྲས་པའོ། །ཉོན་དང་ཚོག…

གཅིག་དྲན་པ་ཆགས་ཞེན་ཡིན། །སྙིང་རྗེ་སྐྱེ་བ་ཡིན་མ་སེམས། །ཕྱོགས་རིས་ཆགས་ཞེན་ཡོད་ཕྱིན་ཆད། །ད་དུང་འཁོར་བས་མཐར་མ་རེ། །ཞེན་ཆགས་ཡོད་བཞིན་ཚེ་འདི་ཡི། །བྱ་བ་བློས་བཏང་ཡོད་མ་སྨྲ། །མ་གྱུར་སེམས་ཅན་ཡལ་བར་དོར། །མ་རྒན་དྲན་ནས་ངུ་བ་དེ། །བླ་མ་རྒྱལ་བ་སྲས་བཅས་ཀུན། །སུ་ཡིས་གཟིགས་ཀྱང་ཐུགས་ཀྱིས་ཁྲེལ། །མ་གྱུར་འགྲོ་བའི་དྲིན་དེ་…