མ་རིག་ཀླད་པ་དྲོངས། །ཕ་མར་མི་བྱམས་བུ་ཚ་ལ། །ཀུན་གྱིས་ཁྲེལ་བའི་ཤ་ཆེན་དྲོངས། །ཆོས་དང་འཇིག་རྟེན་ཀུན་སྤངས་ལ། །ཤ་མིན་ཚིལ་མིན་ཁྲབ་ཁྲབ་དྲོངས། །ཐོས་ཆུང་སློབ་དཔོན་བྱེད་པ་ལ། །ཕུ་མདའ་ཐུག་པའི་ལོང་ག་དྲོངས། །གཙོ་བོ་དཀོར་ནོར་གསོག་པ་ལ། །མར་འགྲོ་ལམ་གྱི་མིད་པ་དྲོངས། །ཁ་འབར་ལག་དམ་བུད་མེད་ལ། །སེར་སྣས་བཅིངས་པའི་སྐྱག་ཁུང་ད…

དྲོངས། །དཔའ་བོ་མཁའ་འགྲོ་ཆོས་སྐྱོང་ལ། །ཚོགས་དང་གཏོར་མའི་བདུད་རྩི་དྲོངས། །ཆོས་ཀྱིས་བསྡུས་པའི་སྤུན་གྲོགས་ལ། །དམ་ཚིག་གཙང་མའི་བདུད་རྩི་དྲོངས། །ལུས་སྲོག་བསྐྱེད་པའི་ཕ་མ་ལ། །མཆོད་བཀུར་བཟང་པོའི་བདུད་རྩི་དྲོངས། །འགྲོ་དྲུག་སེམས་ཅན་ཐམས་ཅད་ལ། །འཕྲལ་ཕུགས་བདེ་བའི་བདུད་རྩི་དྲོངས། །རབ་འབྲིང་ཐ་མའི་གདུལ་བྱ་ལ། །བྱང་ཆུབ…

གྲྭ་ཚང་བཙུགས། །ངེས་འབྱུང་རྣམ་དག་ལྕགས་རིས་བསྐོར། །བྱམས་དང་སྙིང་རྗེའི་ཀ་རིང་བཙུགས། །བྱང་ཆུབ་སེམས་ཀྱི་འདུ་ཁང་ཕུབ། །དཀར་པོ་དགེ་བཅུའི་མང་ཇ་བཏང་། །འཕགས་ནོར་བདུན་གྱི་འགྱེད་ཕོགས་བརྒྱབ། །མདོ་སྔགས་ཆོས་ཀྱི་འཆད་ཉན་བཙུགས། །དམ་ཚིག་སྡོམ་པའི་བཅའ་ཡིག་བསྒྲགས། །ནམ་འཆི་ཆ་མེད་དགེ་བསྐོས་བཞག །ཉམས་རྟོགས་དགོན་པ་རྒྱས་སུ་རེ། …

རྐུན་མ་ཞིག་གིས་བརྐུས་སོང་བ་དེ་ང་ལ་བཤད་ནས་མང་པོ་ངུས་པས་སྙིང་རྗེ་ནས་དེ་ལ་བྱིན། རས་ཡུག་མདོག་མི་འདྲ་བ་བརྒྱ་ཙམ་ཞིག་བླངས་ནས་མ་ཎི་ཇོ་དར་སྟོང་ཚོ་གཅིག་བཏབ་ནས་གནས་ཁང་གི་སྒོ་ཡི་ཕ་རི་ཚུར་རི་ལ་ལྔ་ཚར་ཅིག་འཐེན། དེ་ནས་གནས་མཆོག་བྲག་དཀར་སྤྲེལ་རྫོང་ནང་གི་ལྷ་སྐུ་སོགས་རང་བྱོན་མང་པོ་ཡོད་པ་རྣམས་ལ་མཇལ་ནས་ཕྱག་མཆོད་སྐོར་བ་བྱ…

བས་ཁོ་རང་གིས་བཤད་པ་ལྟར། ངའི་རུས་པ་བུ་ལ་འཕྲོད་ཐབས་ཤིག་གྱིས། དེ་མ་གཏོགས་ཁ་ཆེམས་མེད་ཟེར། ན་ཟུག་ཆེན་པོ་མེད་བཞིན་དུ་ཚེའི་དུས་བྱས་སོང་འདུག སྔར་རང་ཉིད་བྲག་དཀར་སྤྲེལ་རྫོང་ན་ཡོད་དུས་ཡོན་བདག་ཚོའི་ཁ་ལ་མ་ཉན་པར་འགྲོ་རྒྱུ་ཡིན་ན། ཨ་མ་མ་ན་བར་ཁམས་བདེ་མོ་བྱས་ནས་བསྡད་ཡོད་པའི་སྒང་ལ་སླེབས་ཚོད་ན་འདུག་སྟེ། སྔོན་ལས་ཀྱིས་བས…

པ་ཞིག་གི་རྣམ་པར་གྱུར་ནས། ཐོགས་པ་མེད་པའི་རྫུ་འཕྲུལ་ལ་བརྟེན་ནས་སྐད་ཅིག་ཡུད་ཙམ་ལ་ནུབ་ཕྱོགས་བདེ་བ་ཅན་གྱི་ཞིང་ཁམས་སུ་སོང་ནས། མགོན་པོ་འོད་དཔག་མེད་ཀྱི་ཞལ་མཇལ་གསུང་ཐོས་ལུང་བསྟན་དབུགས་དབྱུང་ནས་ཕྱིར་མི་ལྡོག་པའི་ས་ཐོབ་སོང་སྙམ་པའི་དམིགས་པ་བརྟན་པོ་དང་། བསྔོ་སྨོན་གྱིས་མཚམས་སྦྱོར་བྱས་ནས་ཕུང་པོ་སྦྱིན་བསྲེག་ཏུ་བླུགས…

ཚུལ་དང་ཁ་ཆེམས་བཞག་ཚུལ་སོགས་རྒྱུ་མཚན་རྣམས་ཞིབ་ཏུ་བཤད་ནས་མའི་རུས་པ་རྣམས་ལག་ཏུ་བཞག་ཚེ། དེར་ངས་ཨ་ཧོ་ཧོ་འཁོར་བའི་བྱ་བ་འདི་ཅི་ཞིག་རེད། སྔར་ཨ་མ་རྒན་མོས་བུ་གཅིག་པུ་ང་དྲན་ཏེ་བརྩེ་གདུང་བཟོད་གླགས་མེད་པའི་ངང་ནས་མིག་ནས་མཆི་མ་བཏང་། བུ་ཁྱོད་ལན་ཅིག་ཤོག་ཅེས་སྐད་དང་ཡི་གེ་ནན་ཏན་བསྐུར་དུས་ངས་སྒྲུབ་པ་བློས་མ་ཐོངས། ད་དུང་…

མཆི་མ་མང་པོ་གཏོང་བཞིན་ཨ་མ་དྲན་པའི་གདུངས་དབྱངས་འདི་བླངས་སོ། །རྗེ་བླ་མ་སངས་རྒྱས་སྤྱི་བོར་བཞུགས། །སྤྱིར་མ་གྱུར་འགྲོ་ལ་ཐུགས་རྗེས་གཟིགས། །སྒོས་ཨ་མའི་སྐྱིད་སྡུག་ཁྱེད་རང་མཁྱེན། །ངས་ཨ་མ་ལན་ཅིག་འཕྲད་སྙམ་འོང་། །མར་མ་ཕྲད་ཤི་བའི་རུས་པར་འཕྲད། །ངས་བསམ་ཞིང་ཨ་མ་དྲན་ནས་བྱུང་། །གཏམ་སྙན་མོ་ཚིག་འགའ་བཤད་སྙམ་འོང་། །གཏམ་བ…

བསམ་ཞིང་ཨ་མ་དྲན་ནས་བྱུང་། །མགོན་སྐྱབས་གནས་བླ་མ་རྡོ་རྗེ་འཆང་། །ངའི་ཨ་མ་ཐར་པའི་ལམ་ལ་དྲོངས། །སྤྲང་རི་ཁྲོད་ཟིན་པར་བྱིན་གྱིས་རློབས། །ཞེས་བླངས་ནས་མྱ་ངན་བྱས་ཏེ། དེ་ནས་བླ་མ་དཀོན་མཆོག་ལ་དངོས་འབྱོར་ཡིད་སྤྲུལ་གྱི་མཆོད་སྤྲིན་རྒྱ་ཆེན་པོ་ཕུལ་ཏེ། མའི་ལམ་སྣ་འདྲེན་པར་མཛད་དུ་གསོལ་ཞེས་སྙིང་ནས་གསོལ་བ་བཏབ། མ་ལ་ཕན་པའི་ཚོ…

ནས་འཕྲད། འཆི་བ་མི་རྟག་པ་རང་གིས་བསྒོམ་མ་དགོས་པར་ཨ་མས་བསྟན་ནས་སོང་། ད་ནི་ཆོས་མི་བྱེད་ན་གང་བྱེད་སྙམ་ནས་སླར་ཡང་མ་དྲན་དྲགས་ནས་སྐྱོ་བ་ཚད་ལས་འདས་པ་ཞིག་གི་ངང་ནས་མཆི་མ་གཏོང་བཞིན་ངུ་མ་དབྱངས་ཀྱིས་འདི་ལྟར་བླངས་སོ། །དང་པོ་ལུས་སྲོག་བསྐྱེད་པའི་མ། །བར་དུ་ཟས་གོས་སྟེར་བའི་མ། །ཐ་མ་ཆོས་སྒོར་འཇུག་པའི་མ། །ད་ལྟ་མི་རྟག་སྟོ…

བཞིན་ཉམས་མགུར་འཐེན་པའི་ཕྱིར། །སྤྲེལ་རྫོང་དབེན་པར་སྒྲུབ་པ་བྱས་པའི་ཚུལ། །སླར་ཡང་གླུ་རུ་ལེན་གྱིས་དགའ་བས་ཉོན། །རྨ་ཆེན་གངས་ནས་ཡོང་ཁར་ལྷ་བསང་བཏང་། །ཕྲིན་བཅོལ་བྱས་ནས་མྱུར་དུ་ལམ་ལ་ཞུགས། །ཉིན་ཞིག་ཉི་མ་གུང་གི་ཚད་ཙམ་ལ། །དྲེད་མོང་མ་བུ་གཉིས་ཙམ་འགྲོ་བ་མཐོང་། །ང་འཇིགས་སྙམ་པའི་བདག་འཛིན་ཕུང་རྒན་ལངས། །ངོ་བོར་བལྟས་པས་…

དེར་སླེབས་ནས་ཡོན་བདག་འགའ་ཞིག་ལ། །ཨ་མ་ཡོད་མེད་དྲིས་པས་ཡོད་པའི་གཏམ། །ཁོང་ཚོས་ཐོས་ཟེར་དེ་དུས་ཕྲད་སྙམ་ཀྱང་། །མ་ལ་མི་ཐུག་པ་ཡི་སྔ་ལྟས་སུ། །ཡོན་བདག་རྣམས་ཀྱིས་བཤོལ་བཏབ་གནས་དེར་བསྡད། །ཁོང་ཚོར་ཕན་པའི་ཆོས་བཤད་མགུར་དབྱངས་བླངས། །གནས་དེར་འདུག་པའི་ཨ་ལགས་མགོན་པོ་ལ། །མགོན་པོ་ཕྱག་དྲུག་པ་ཡི་ལུང་ཞིག་ཞུས། །སློབ་བུ་ཀུན་བ…

སླེབས། །མཇལ་ནས་ཁ་ཏ་འགའ་རེ་བྱས་པའི་མཐར། །ཨ་མ་རྒན་མོ་ཤི་འདྲ་མ་སོང་ངམ། །དྲིས་པའི་ལན་དུ་ཨ་མ་ཤི་ཚུལ་དང་། །ཁ་ཆེམས་ནང་བཞིན་རུས་པ་ཁྱེར་ཡོང་ཟེར། །ལག་ཏུ་བཞག་པས་མིག་ནས་མཆི་མ་ཤོར། །ཨ་ཧོ་འཁོར་བའི་བྱ་འདི་ཅི་ཞིག་རེད། །སྔོན་དུས་ཨ་མས་འཕྲད་ན་འདོད་པའི་དུས། །བུ་ངས་ཆོས་ཤིག་བྱེད་སྙམ་དབེན་པར་སོང་། །ད་ནི་བུ་ངས་འཕྲད་ན་འདོད་…

དབུས་གཙང་དག་པའི་ཞིང་དུ་ཡར་ལ་སོང་ཚུལ། དགུ་བ་ཨ་མ་ཤི་བའི་རྐྱེན་བྱས་ནས་དབུས་གཙང་དག་པའི་ཞིང་དུ་ཡར་ལ་སོང་ཚུལ་ནི། གནས་དེར་བསྡད་པའི་ནུབ་ཅིག་གི་ཐོ་རངས་ཁར་བདག་གི་རྨི་ལམ་དུ། ཡེ་ཤེས་ཀྱི་མཁའ་འགྲོ་མ་སྔོ་བསངས་དར་དང་རིན་པོ་ཆེའི་རྒྱན་གྱིས་བརྒྱན་པ་བལྟ་བས་ཆོག་མི་ཤེས་པ་རྗེ་བཙུན་སྒྲོལ་མའི་སྤྲུལ་པ་ཞིག་ཨེ་ཡིན་སྙམ་པ་ཞིག་བྱ…

འདི་བླངས་སོ། །།སྔོན་ཨ་མ་ཡོད་དུས་ཐུག་མི་འདོད།་།ད་ཐུག་ན་འདོད་དུས་ཨ་མ་མེད། །དེ་གཉིས་ཀ་འཛོམ་པའི་དུས་མ་བྱུང་། །ང་འདི་རུ་མི་སྡོད་དབུས་སུ་འགྲོ །སྔོན་ཨ་མའི་དྲུང་ནས་འདུག་མི་འདོད། །ད་བསྡད་ན་འདོད་དུས་ཨ་མ་མེད། །དེ་གཉིས་ཀ་འཛོམ་པའི་དུས་མ་བྱུང་། །ང་འདི་རུ་མི་སྡོད་དབུས་སུ་འགྲོ། སྔོན་ཨ་མའི་ཚིག་ལ་ཉན་མི་འདོད། །ད་ཉན་ན་…

པས་སྒྱུ་ལུས་རགས་པའི་སྣང་བ་འགག་ཅིང་། བླ་མ་ཀུན་བཟང་གི་སྣང་བརྙན་ཡང་རང་ཡལ་དུ་སོང་བས་གསུང་གི་སྒྲ་ཙམ་མ་གཏོགས་ཚིག་དོན་ཀྱང་མ་གོ་བར། ཐུགས་སེམས་ནམ་མཁའ་སྤྲིན་ཐག་ཆོད་པ་ལྟ་བུའི་ངང་ལ་ཡུག་ཅིག་གནས་པ་བྱུང་ཟེར་དེ་ནས་ཞག་ཁ་ཤས་ཀྱི་བར་ལ་རྫོགས་ཆེན་མ་རིག་མུན་སེལ་གྱི་ལུང་ཁྲིད་རྒྱས་པར་བྱས་པའི་མཇུག་ཏུ་ཞལ་གདམས་འདི་བྱིན་ནོ། །སྟ…

བླངས་པའི་ལན་དུ་སློབ་བུ་སྐལ་ལྡན་རང་གྲོལ་གྱིས་དབྱངས་འདི་ཕུལ་ལོ།། །།གནས་མི་མེད་དབེན་གནས་ཉམས་དགའ་ན། །རྗེ་གོང་མའི་རྣམ་ཐར་སྐྱོང་མཁན་གྱི། །ཕ་བླ་མ་ཚོགས་དྲུག་རང་གྲོལ་རྗེ། །བུ་བདག་གི་ཞུ་དོན་བརྩེ་བས་དགོངས། །མགོན་ཁྱོད་ཀྱི་སློབ་བུའི་ཐ་ཤལ་ང་། །ཆོས་ཟབ་དང་རྒྱ་ཆེ་མང་གསུངས་མཐུས། །སེམས་ཅུང་ཟད་ཆོས་ལ་ཕྱོགས་པ་འདི། །ཕ་བླ་…

བཤད་པས། སྡིག་པ་སྤོང་བ་དང་དགེ་བ་སྒྲུབ་མཁན་མང་དུ་བྱུང་བས་ཀུན་ལ་འགྲོ་ཁར་ཞལ་གདམས་མགུར་དབྱངས་འདི་བླངས་སོ། །སྤྲང་བདག་གི་གཙུག་རྒྱན་བླ་མ་ལ། །བདག་མོས་གུས་གདུངས་པས་གསོལ་བ་འདེབས། །རྗེ་དཔལ་ལྡན་བླ་མ་བྱིན་རླབས་ཅན། །མི་འདིར་འཚོགས་སྣང་བ་ཆོས་ལ་སྒྱུར། །སྔོན་ལས་དང་སྨོན་ལམ་བཟང་པོའི་མཐུས། །ངེད་དཔོན་སློབ་སྐྱེ་ཡུལ་མི་གཅིག…

སྙན་གྲགས་རིན་པོ་ཆེའི་ཞལ་གཟིགས་ཏེ་ལུང་བསྟན་འདི་གསུངས་པ་ངས་གཞན་ལ་གསལ་བོར་འདི་སྐད་བསྒྲགས་སོ། །སངས་རྒྱས་བྱང་སེམས་སྤྲུལ་བ་དངོས། །སྔོན་བྱོན་བླ་དཔོན་རྒྱལ་བློན་དང་། །ད་ལྟ་ཞལ་བཞུགས་ཞབས་ལ་འདུད། །སེམས་ཅན་ཡོངས་ལ་ཐུགས་རྗེས་གཟིགས། །ཁྱད་པར་རེབ་གོང་སྟོད་སྨད་ཀྱི། །ཇག་རྐུས་དམག་འཁྲུག་ཀུན་ཞི་ནས། །ཐམས་ཅད་བདེ་བར་བྱིན་གྱི…

པ་ལྟ་བུ་ཡོང་ངོ་གསུངས། །རེབ་གོང་སྨད་ཀྱི་བླ་དཔོན་གྱིས། །གཞན་གྱིས་ཉེས་སྐྱོན་ཆེ་ཆུང་གང་། །བྱས་ཚད་བླ་དཔོན་བསམ་ཤེས་ཚོས། །བཤད་ནས་གྱོད་སྣ་ཁ་མཆུའི་ཐག །གཅོད་པ་མ་གཏོགས་དམག་འཁྲུག་གང་། །བྱེད་ས་མེད་ཅེས་ཁྲིམས་བཞག་ནས། །ལོ་ནི་ཉི་ཤུ་བཅོ་ལྔ་འམ། །མ་མཐའ་བཅུ་སྟོད་ཙམ་ཞིག་ལ། །དམག་འཁྲུག་གང་ཡང་མ་བྱས་ན། །མི་ཡི་ཤ་ཁྲག་སྲོག་དབུག…