པས་ཉེན་ལ་མི་འཇིགས་སྦྱིན་པ་དང་། །ནོར་གྱིས་དབུལ་ལ་ཟང་ཟིང་སྦྱིན་པར་བྱ། །ཉེས་སྤྱོད་ཐམས་ཅད་སྡོམ་པའི་ཚུལ་ཁྲིམས་དང་། །དགེ་བའི་ཆོས་རྣམས་སྡུད་པའི་ཚུལ་ཁྲིམས་དང་། །སེམས་ཅན་དོན་བྱེད་ཚུལ་ཁྲིམས་རྣམས་ལ་བསླབ། །གནོད་པ་བྱེད་ལ་ཁྲོ་མེད་བཟོད་པ་དང་། །ཆོས་ཕྱིར་སྡུག་བསྔལ་དང་ལེན་བཟོད་པ་དང་། །ཆོས་ལ་ངེས་སེམས་བཟོད་པ་རྣམས་ལ་བསླ…

དུས་གསུམ་བསགས་པའི་དགེ་བའི་ཚོགས། །རང་གཞན་དོན་གཉིས་འགྲུབ་པའི་རྒྱུ་རུ་བསྔོ། །དེང་ནས་བཟུང་སྟེ་ཚེ་རབས་ཐམས་ཅད་དུ། །ཕ་རོལ་ཕྱིན་དྲུག་བསྡུ་བཞིར་སློབ་གྱུར་ཅིག །ཅེས་ཚིག་རྗེས་སུ་དོན་འབྲང་བ་བྱས། ཤར་བསྒོམ་བྱས་ན་ནམ་ཞིག་རྒྱལ་སྲས་ཀྱི་སྤྱོད་པ་རླབ་པོ་ཆེ་རྣམས་ལ་ཞུམ་པ་མེད་པར་སློབ་ནུས་པར་འགྱུར་རོ། །ཞེས་སྨྲས་པའོ།། ༈ །།ཡང་…

ཆེ། །མི་རྒན་བདག་ལ་སངས་རྒྱས་ཐོབ་པའི་ཐབས། །རྒྱལ་བའི་གསུང་རབ་ཀུན་གྱི་གནད་འདུས་པའི། །ཚེགས་ཆུང་དོན་ཆེའི་གདམས་པ་བསྟན་དུ་གསོལ། །རྣམ་དག་བླ་མ་མཆོག་གི་ཐུགས་རྗེ་ཡིས། །རྣམ་མང་ཚེ་འདིའི་བྱ་བས་མི་གཡེང་བར། །རྣམ་དཀར་ཐོས་བསམ་བསྒོམ་པའི་གྲུར་ཞུགས་ནས། །རྣམ་གྲོལ་ནོར་བུའི་གླིང་དུ་ཕྱིན་པར་ཤོག །ཅེས་ཕུལ་བའི་ལན་དུ། འོ་ངེས་པར་…

ཐོབ་ནས་བདེ་ཞིང་། མཐར་ཐུག་སྐྱོན་ཀུན་ཟད་ཡོན་ཏན་ཀུན་དང་ལྡན་པའི་རྫོགས་པའི་སངས་རྒྱས་ཀྱི་གོ་འཕང་ཐོབ་ལ། ཡང་དགྲ་ལ་སོགས་གཞན་གནོད་པ་བྱེད་པ་ལ། བཟོད་པ་ལན་རེ་ཙམ་བསྒོམ་རྒྱུའི་སྐལ་པ་བྱུང་ན་ཡང་། དེའི་མཐུས་ཚེ་འདིར་ཡང་བསོད་ནམས་ཆེན་པོ་རྒྱས་ནས་གཞན་ཀུན་གྱིས་ཆོས་པ་བཟང་པོ་རུ་གོ་ནས་ལྷ་མི་ཡོངས་ཀྱིས་ངང་གིས་བྱམས་ཤིང་ཕྱི་མར་ཚེ…

ལྟར་བལྟས་ནས། མཆོག་དམན་བར་གསུམ་ཐམས་ཅད་ལ་སྙིང་ཐག་པ་ནས་མཆོད་བསྟོད་བཀུར་ནས་ལུས་ངག་ཡིད་གསུམ་གྱི་སྒོ་ནས་གུས་པ་ཁྱད་པར་ཅན་བྱ་བ་དང་། འགྲོ་འཆག་ཉལ་འདུག་སོགས་སྤྱོད་ལམ་གང་གི་དུས་སུ་ཡང་། རང་རྒྱུད་ལ་རྟོགས་ཤིང་ཆགས་སྡང་སོགས་ཉོན་མོངས་པ་ཕྲ་རགས་གང་སྐྱེས་ཀྱང་སྐྱེས་མ་ཐག་མ་བཅོམ་ན། རང་གཞན་ཀུན་ཕུང་ནས་མ་རུངས་པ་བྱེད་པས་ན། དེ་…

གྱོང་དང་ཕམ་ཁ་ཐམས་ཅད་རང་གིས་ལེན། ཁེ་དང་རྒྱལ་ཁ་ཐམས་ཅད་ཕན་བདེ་འབྱུང་གནས་མ་གྱུར་སེམས་ཅན་དེ་དག་ལ་འཕངས་པ་མེད་པར་སྟེར་བ་དང་། རང་གིས་སྔར་གྱི་གཉེན་ཉེ་བ་གྲ་རོགས་གྲོགས་མཆེད་གྲྭ་བུ་སློབ་ཡོན་བདག་ཕོ་མོ་སོགས་གང་ལ་ཕན་བཏགས་པའི་ཡུལ། རེ་བ་ཆེ་བ་གང་ལ་ལ་ཞིག་གིས་ཕན་པའི་ལན་དུ་དྲིན་གཟོ་མེད་པར་མ་ཟད། ད་དུང་དེའི་ཐོག་ཏུ་ཁའི་ཟས་…

སྐད། སྐྱེས་བུ་དམ་པ་དེ་ཉིད་ཀྱིས་དེ་བརྒྱད་སྨོན་ལམ་གྱི་ཡུལ་དུ་བྱས་ཏེ་ཚིགས་སུ་བཅད་ནས་གསུངས་པ་ནི་འདི་ལྟ་སྟེ། སྨྲས་པ། བདག་ནི་སེམས་ཅན་ཐམས་ཅད་ལ། །ཡིད་བཞིན་ནོར་བུ་ལས་ལྷག་པའི། །དོན་མཆོག་བསྒྲུབ་པའི་བསམ་པ་ཡིས། །རྟག་ཏུ་གཅེས་པར་འཛིན་པར་ཤོག །གང་དུ་སུ་དང་འགྲོགས་པའི་ཚེ། །བདག་ཉིད་ཀུན་ནས་དམན་བལྟ་ཞིང་། །གཞན་ལ་བསམ་པ་ཐག་…

རྟོག་པའི་དྲི་མས་མ་སྦགས་ཤིང་། །ཆོས་ཀུན་སྒྱུ་མར་ཤེས་པ་ཡིས། །ཞེན་མེད་བཅིངས་པ་ལས་གྲོལ་ཤོག །ཅེས་གསུངས་པ་ལྟར། འོ་སྐོལ་རྣམས་ཀྱིས་ཀྱང་གསུང་བྱིན་རླབས་ཅན་དེ་དག་བཏོན་ནས་སྨོན་ལམ་ཚུན་ཆད་བཏབ། འཕྲལ་དུ་ལག་ལེན་ལ་ཅི་ཐེབས་བྱས་ན། གནས་སྐབས་སུ་རང་གཞན་གྱི་དོན་ཐམས་ཅད་འགྲུབ་ཅིང་མཐར་ཐུག་ཡང་དག་པར་རྫོགས་པའི་སངས་རྒྱས་ཀྱི་གོ་འཕང…

ཕྱག་དང་བཅས། །རྗེ་བཙུན་སྙན་དུ་འདི་སྐད་ཞུ། །སེམས་ནི་རྣམ་པར་གཡེང་བའི་མིས། །བསྐལ་པར་བཟླས་ཀྱང་འབྲས་མི་འབྱིན། །གསུངས་ལྟར་ཞི་གནས་མ་འགྲུབ་པས། །སེམས་ནི་གཡེང་བའི་དབང་དུ་སོང་། །སྔོན་ཆད་དགེ་སྦྱོར་མང་པོ་ཞིག །བྱེད་ཁུལ་བྱས་ཀྱང་གནད་མ་སོང་། །ད་ནི་རྗེ་བཙུན་རིན་པོ་ཆེས། །ཆོས་ཀྱི་རྒྱལ་པོ་ཙོང་ཁ་བས། །མཛད་པའི་གཞུང་བཟང་ཆུ་བ…

ཚོང་སྐར་རྩིས་སྨན་སོགས་བྱ་བ་མང་པོ་སྤོང་བ་དང་བཞི། རང་གིས་སྔར་ཇི་ལྟར་ཁས་བླངས་པའི་ཚུལ་ཁྲིམས་རྣམ་པར་དག་པ་བསྲུང་བ་དང་ལྔ། སྐྱེ་འཆི་འཁོར་བའི་ཉེས་དམིགས་བསམས་ནས། ཚེ་འདིའི་འདོད་པའི་རྣམ་རྟོག་ཐམས་ཅད་སྤོང་བ་དང་དྲུག་གོ །ཏིང་ངེ་འཛིན་གྱི་གེགས་ཉེས་པ་ལྔ་ནི། ཏིང་ངེ་འཛིན་ལ་སྦྱོར་བའི་ཚེ་དེ་ལ་མི་སྤྲོ་ཞིང་དེའི་མི་མཐུན་ཕྱོག…

བསྟེན་པ་དང་ལྔ། ཏིང་ངེ་འཛིན་ལ་གཞག་ཚེ་བྱིང་རྒོད་ཀྱི་གཉེན་པོར་བྱིང་རྒོད་འོང་མི་འོང་ཤེས་པའི་ཤེས་བཞིན་གྱི་བྱ་ར་བརྟེན་པ་དང་དྲུག །བྱིང་རྒོད་བྱུང་དུས་འདུ་མི་བྱེད་པའི་གཉེན་པོར། དེ་མ་ཐག་བྱིང་རྒོད་སྤོང་བའི་འདུ་བྱེད་བརྟེན་པ་དང་བདུན། བྱིང་རྒོད་མེད་པར་གནས་དུས་འདུ་བྱེད་པའི་གཉེན་པོར་འདུ་མི་བྱེད་པར་བཏང་སྙོམས་སུ་གློད…

ནི། ཆགས་སེམས་དང་ཡིད་མི་བདེ་བྱིང་རྨུགས་སོགས་ལངས་བྱུང་བ་རྣམ་པར་ཞི་བར་བྱེད། བརྒྱད་པ་རྩེ་གཅིག་ཏུ་འཇོག་པ་ནི། རབ་ཏུ་འབད་ནས་བྱིང་རྒོད་ཀྱིས་བར་ཆད་པ་མེད་པ་བྱས་རྒྱུན་ཆགས་སུ་ཏིང་ངེ་འཛིན་ལ་རྩེ་གཅིག་ཏུ་འཇོག་པར་བྱེད། དགུ་པ་མཉམ་པར་འཇོག་པ་ནི། བྱིང་རྒོད་ཀྱི་རྣམ་པར་གཡེང་བ་ཐམས་ཅད་དང་བྲལ་ནས། འབད་མེད་ལྷུན་གྲུབ་ཏུ་ཏིང་ངེ…

པ་ལས་གཞན་དུ་མི་གཡེང་བས་བྱིང་རྒོད་སོགས་ཀྱི་སྐྱོན་ཡོད་མེད་མཐོང་བའི་སྒོ་ནས་བྱ་ར་བྱེད་པའི་ཤེས་བཞིན་སྟོབས་ཅན་བསྐྱེད་པས་ན། ཤེས་བཞིན་གྱི་སྟོབས་ཟེར། ལྔ་པ་བརྩོན་འགྲུས་ཀྱི་སྟོབས་ནི། དེ་ནས་བརྗེད་ངེས་ཕྲ་མོས་གཡེང་ན་ཡང་། དེ་མ་ཐག་རིག་ནས་རྒྱུན་གཅོད་པ་དང་། བཅད་ནས་མི་མཐུན་ཕྱོགས་ཀྱིས་བར་མ་བཅད་པས་རྒྱུན་ཇེ་རིང་དུ་གཏོང་བ…

ཡུན་རིང་བའི་བར་དུ་ཏིང་ངེ་འཛིན་ལ་འཇུག་ཐུབ་པས་ན། ཆད་པ་མེད་པར་འཇུག་པའི་ཡིད་བྱེད་ཟེར། བཞི་པ་རྩོལ་བ་མེད་པར་འཇུག་པའི་ཡིད་བྱེད་ནི། དེ་ནས་བསྐྱངས་པའི་བར་ཡང་མི་འཆད་ཅིང་རྩོལ་བ་ཡང་རྒྱུན་པར་བརྟེན་མི་དགོས་པར་ངམ་ངམ་ཤུགས་ཀྱིས་ཏིང་ངེ་འཛིན་ལ་འཇུག་པས་ན། རྩོལ་བ་མེད་པར་འཇུག་པའི་ཡིད་བྱེད་ཟེར་རོ། །ཡང་དྲན་ཤེས་གཉིས་ལ་བརྟེན་…

བྱིང་རྒོད་ཕྲ་རགས་ཐམས་ཅད་དང་བྲལ་ནས། དམིགས་རྟེན་ལ་ལྷན་ནེ་གནས་དུས་རྩོལ་བ་མེད་པར་བཏང་སྙོམས་སུ་གློད་ནས་ཏིང་ངེ་འཛིན་གྱི་ངང་ལ་བཞག་པས་སྔར་བས་བརྟན་ཞིང་ཤིན་སྦྱངས་ཀྱི་བདེ་བ་དང་བཅས་པའི་ཞི་གནས་མཚན་ཉིད་པ་འགྲུབ་པར་འགྱུར་རོ། །འདི་ལ་ཉེས་པ་ལྔ་བྱིང་རྒོད་གཉིས་ལ་བསྡུས། འདུ་བྱེད་བརྒྱད་དྲན་ཤེས་གཉིས་ལ་བསྡུས་ནས་སྐྱོང་ཚུལ་མད…

པོ་བྱུང་ཚེ། ཞི་གནས་མཚན་ཉིད་པ་ཟེར། དེ་འདྲའི་ཞི་གནས་ཐོབ་ནས། ལྷག་མཐོང་དུ་སྦར་ན། སྟོང་ཉིད་མངོན་སུམ་དུ་རྟོགས་པར་འགྱུར། ཡང་ཞི་གནས་དེ་ཁོ་ནའི་རྒྱུན་བསྐྱངས་ཀྱང་། མངོན་ཤེས་ལ་སོགས་ཞི་གནས་ཀྱི་ཡོན་ཏན་ཐམས་ཅད་ཐོབ་པར་འགྱུར་རོ། །སྨྲས་པ། དྲིན་ཅན་བླ་མ་རྣམས་ལ་གསོལ་བ་འདེབས། །ཞི་གནས་རི་ལྟར་བརྟན་པར་བྱིན་གྱིས་རློབས། །མཐུན་…

འདུ་མི་བྱེད་པར་བཏང་སྙོམས་བཞག །དམིགས་རྟེན་ཐོག་ཏུ་རང་སེམས་ལེགས་པར་འཇོག །རྒྱུན་དུ་འཇོག་དང་ཡེངས་ན་སླན་ཏེ་འཇོག །ཉེ་བར་འཇོག་དང་དུལ་བར་བྱེད་པ་དང་། །ཞི་བར་བྱེད་དང་རྣམ་པར་ཞི་བར་བྱེད། །རྩེ་གཅིག་བྱེད་དང་མཉམ་པར་འཇོག་པར་བྱ། །ཐོས་པའི་སྟོབས་ཀྱིས་མཉམ་གཞག་ལེགས་པར་བྱ། །བསམ་པའི་སྟོབས་ཀྱིས་དེ་ཡི་རྒྱུན་སྐྱོང་ཞིང་། །དྲན་…

ལྷན་ནེར་གནས་པའི་ཚེ། །རྩོལ་བ་གློད་ནས་བཞག་ན་བརྟན་པར་འགྱུར། །དེ་ལྟར་ཞི་གནས་སྒྲུབ་ནས་མི་གཡོ་བར། །ཡུན་རིང་གནས་ན་ཞི་གནས་རྗེས་མཐུན་ཟེར། །ཤིན་སྦྱངས་བདེ་བས་ལུས་སེམས་ཟིན་པའི་ཚེ། །ཞི་གནས་མཚན་ཉིད་པ་ཡིན་ངོ་མཚར་ཚེ། །དེ་ལ་བརྟེན་ནས་ལྷག་མཐོང་བསྒོམ་ནུས་ན། །ཟབ་མོ་སྟོང་ཉིད་ལྟ་བ་མངོན་དུ་འགྱུར། །ཞི་གནས་ཁོ་ན་བསྐྱངས་ཀྱང་མང…

དོན་དབྱངས་སུ་ཕུལ་བ། ལྔ་ལྡན་འོག་མིན་ཞིང་གི་མགོན་པོ་ཡི། །སྐུ་རུ་བཞེངས་ཀྱང་སྣ་ཚོགས་ཟློས་གར་གྱི། །བྱམས་པས་འགྲོ་ལ་དམ་ཆོས་དར་བར་མཛད། །བཀའ་དྲིན་མཚུངས་མེད་བླ་མར་གུས་ཕྱག་འཚལ། །དེང་ནས་བཟུང་སྟེ་དབེན་པའི་དགའ་ཚལ་དུ། །བཀའ་བཞིན་སྒྲུབ་པའི་མཆོད་པས་མཉེས་པར་བགྱི། །སྔོན་ཆད་ཚེ་འདིའི་དབང་སོང་མཐོལ་ལོ་བཤགས། །མགོན་ཁྱོད་གསུང…

གསུང་དུ་གསོལ། །ཞེས་ཕུལ་བའི་ལན་དུ། འོ་ལྷག་མཐོང་གི་རྒྱུ་ཚོགས་ཀྱི་གཙོ་བོ་ནི། གསུང་རབ་ཀྱི་གནད་ཕྱིན་ཅི་མ་ལོག་པར་མཁྱེན་པའི་མཁས་པ་བསྟེན་ནས། དྲི་མ་མེད་པའི་གཞུང་ལུགས་ཉན་ཏེ་ཐོས་པ་དང་བསམ་པའི་ཤེས་རབ་ཀྱིས་དེ་ཁོ་ན་ཉིད་རྟོགས་པའི་ལྟ་བ་བསྐྱེད་པ་ནི་ལྷག་མཐོང་གི་རྒྱུ་ཚོགས་མེད་མི་རུང་ཡིན་པར་གསུངས། དེ་ནས་ཤིང་རྟ་རྣམ་བདུན་…