ཐ་དད་དུ་གྲུབ་ན་ལུས་ཀྱི་ཡན་ལག་དང་ཉིང་ལག་སོགས་ཆ་ཤས་རེ་རེ་ནས་བསལ་ཞིང་སེམས་ཀྱི་སྔ་ཕྱི་བར་གསུམ་གྱི་རྣམ་རྟོག་སོ་སོར་ཕྱེས་ནས་བལྟས་ཚེ། ངའམ་བདག་རང་བཞིན་གྱིས་གྲུབ་པ་རྡུལ་ཙམ་ཡང་མི་རྙེད་པར་སྟོང་ཆམ་གྱིས་སོང་ཚེ། དེ་བཞིན་དུ་ཆོས་ཀྱི་བདག་མེད་ལ་གཟུགས་ཅན་རང་ལུས་ལྟ་བུ་ལ་མཚོན་ན། ལུས་ཞེས་པ་ཡན་ལག་ལྔའི་སྟེང་དུ་རྟོག་པས་བཏགས…

པའི་ཤེས་རབ་ཀྱི་མིག་གིས་བལྟས་པས། ལུས་ཞེས་པ་མིང་ཙམ་མ་གཏོགས་རང་བཞིན་གྱིས་གྲུབ་པ་སྐྲའི་རྩེ་མོ་བརྒྱར་བགོས་པའི་ཆ་ཙམ་ཡང་མ་རྙེད་པར་སྟོང་ཆམ་གྱིས་སོང་བའི་ཚེ། ཡང་དེ་བཞིན་དུ། གཟུགས་མེད་རང་སེམས་ལྟ་བུ་ལ་མཚོན་ན། སེམས་ཞེས་བྱ་བ། རྣམ་པར་རྟོག་པ་འདི་རྣམས་ཀྱི་སྟེང་དུ་ཕར་རྟོག་པས་བཏགས་པ་ཙམ་མ་ཡིན་པར་རང་ངོས་ནས་གྲུབ་པའི་སེམས…

གྱི་རྣམ་པར་རྟོག་པའི་བྱེ་བྲག་རྣམས་སོ་སོར་ཕྱེས་ནས་བལྟས་ཚེ། སེམས་ཞེས་པ་མིང་གིས་ཕར་བཏགས་པ་ཙམ་མ་གཏོགས་རང་ངོས་ནས་གྲུབ་པ་རྡུལ་ཙམ་ཡང་མ་རྙེད་པར་སྟོང་སང་ངེར་སོང་ཚེ། དེ་བཞིན་དུ་རི་རབ་ཁང་ཁྱིམ་སོགས་སྣང་སྲིད་འཁོར་འདས་ཀྱིས་བསྡུས་པའི་ཆོས་གང་ལའང་ཐུབ་ཚོད་ལ་དཔྱད་ནས། གང་ཡང་མིང་བརྡའ་ཙམ་མ་གཏོགས་རང་ངོས་ནས་མ་གྲུབ་པ་སྟོང་སང…

དོན་གྱི་ཆོས། །གང་ཡང་མེད་པར་བློ་ཡིས་བཏགས་པ་ཙམ། །དེ་བཞིན་བདག་གཞན་འཁོར་བ་མྱང་འདས་སོགས། །ཆོས་ཀུན་བློ་དང་མིང་གི་ཐ་སྙད་ཀྱིས། །བཏགས་པ་ཙམ་ལས་གདགས་གཞི་རྣམས་ཀྱི་སྟེང་། །རང་གིས་ཡོད་པ་རྡུལ་ཙམ་མ་མཆིས་སོ། །དེ་ལྟ་ན་ཡང་མ་རིག་གཉིད་འཐུག་གིས། །སྦགས་པའི་སོ་སོའི་སྐྱེ་བོའི་ཚོགས་དྲུག་ངོར། །གང་སྣང་གཞི་དེར་དོན་གྱིས་གྲུབ་པ་ཞ…

དྲག་རྡོ་རྗེ་ལྟར། །མི་ཤིག་རྩེ་མོ་བརྒྱ་པའི་མཚོན་ཆ་ཡིས། །བདག་འཛིན་རི་བོ་འཇོམས་པར་གདོན་མི་ཟ། །ཞེས་པ་བར་སྐབས་ཀྱི་ཚིགས་སུ་བཅད་པའོ། །དེ་ལྟར་མཉམ་པར་གཞག་ནས་རྗེས་ཐོབ་ཏུ་ལངས་པའི་ཚེ། ང་དང་ལུས་སེམས་སོགས་འདི་ལྟར་སྣང་བའི་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་ནི་དོན་དམ་པར་ངོ་བོ་གདོད་ནས་སྟོང་པ་ནམ་མཁའ་ལྟ་བུ་ཡིན…

ཚུལ་ལོ། །སྨྲས་པ། མཉམ་གཞག་རྒྱལ་བ་སྐལ་བཟང་རྒྱ་མཚོའི་མགུར་ལས་མཁའ་ལྟར་དག་པའི་རྗེས་ཐོབ་ཏུ། །རྟེན་འབྲེལ་འཚོགས་པ་དབང་པོའི་གཞུ་རིས་ལྟར། །མ་བརྟག་ཉམས་སུ་མཚར་བའི་སྣང་བ་ཀུན། །རང་བཞིན་ཅིར་ཡང་མ་གྲུབ་བ་སླུ་བྲིད་ཙམ། །བདེ་སྡུག་རྨི་ལམ་ཡུལ་གྱི་རོལ་པ་དང་། །གཟུགས་སྣང་སྒྱུ་མའི་སྤྲུལ་པའི་གྲོང་ཁྱེར་འདྲ། །སྒྲ་གྲགས་རི་ཕུག་སྟ…

ནས། ཕྱག་འཚལ་ཏེ་རང་རང་གི་གནས་ཁང་དུ་སོང་ངོ་།། ༈ །།ཡང་བླ་མ་དགེ་བའི་བཤེས་གཉེན་བཟང་པོའི་རྣམ་འཕྲུལ། ལུང་རྟོགས་ཡོན་ཏན་དུ་མའི་མངའ་བདག་ཆེན་པོ་བོན་རིའི་སྤྲུལ་པའི་སྐུའི་དགེ་རྒན་ཕུན་ཚོགས་ཀྱིས། ཁོ་བོ་ལ་གཞུང་ཁུངས་ཐུབ་ཅིག་ལ་བརྟེན་ནས་ཞི་གནས་དང་ལྷག་མཐོང་བསྒྲུབ་པའི་ཚུལ་ཉུང་ལ་འདུས་པ་ཞིག་དགོས་ཞེས་ཞུ་དོན་ཚིགས་སུ་བཅད་ནས་…

གཉིད་སོང་ན། །ཁྱེད་ཀྱིས་ཡང་ཡང་སློང་དུ་གསོལ། །ད་ནི་བླ་མ་ཐུགས་རྗེ་ཅན། །བདག་ལ་ཁུངས་ཐུབ་གཞུང་བཟང་ལ། །བརྟེན་པའི་ཞི་ལྷག་བསྒྲུབ་ཚུལ་གྱི། །གདམས་པ་ཉུང་ལ་འདུས་པ་ཞིག །བརྩེ་བའི་སྒོ་ནས་གནང་དུ་གསོལ། །ཞེས་ལེགས་པར་བསྐུལ་བའི་ལན་དུ། འོ་དེ་ཡིན་ན། རྒྱ་ནག་སྟོང་ཁུན་གྱི་རྒྱལ་པོའི་ལོངས་སྤྱོད་དང་འགྲན་པའི་ཟ་ཧོར་རྒྱལ་པོ་ཆེན་པོ…

སངས་རྒྱས་ཀྱི་བསྟན་པ་བོད་ཡུལ་མུན་པའི་གླིང་འདིར་ཉི་མ་ཤར་བ་ལྟར་མཛད་པས་འཕགས་ཡུལ་ལས་ཀྱང་ཆེས་ཆེར་གསལ་བར་བྱུང་། གཞུང་འདི་ནི་ལམ་རིམ་ཆེ་ཆུང་ཐམས་ཅད་ཀྱི་མ་ལྟ་བུ་ཡིན། འདི་ལས་ལྷག་པའི་གཞུང་ཁུངས་ཐུབ་ཅིག་བཙལ་ན་མི་རྙེད་པས། དེ་ཉིད་ཀྱི་ནང་ལྟར་བསམ་གཏན་གྱི་ངོ་བོ་ཞི་གནས་ལ་བསླབ་ཚུལ་ནི་འདི་ལྟ་སྟེ། བསོད་ནམས་ཡེ་ཤེས་རང་བཞིན་ག…

ཀྱང་། །ཏིང་འཛིན་གྲུབ་པར་མི་འགྱུར་རོ། །དེ་ཕྱིར་ཏིང་འཛིན་ཚོགས་ལེའུ་ལས། །གསུངས་པའི་ཡན་ལག་ལ་ལེགས་གནས། །དམིགས་པ་གང་རུང་གཅིག་དག་ལ། །ཡིད་ནི་དགེ་ལ་བཞག་པར་བྱ། །རྣལ་འབྱོར་ཞི་གནས་འགྲུབ་གྱུར་ན། །མངོན་ཤེས་དག་ཀྱང་འགྲུབ་པར་འགྱུར། །ཞེས་གསུངས་པ་ལྟར། བསོད་ནམས་ཡེ་ཤེས་ཀྱི་ཚོགས་གཉིས་དང་། རང་གཞན་གྱི་དོན་གཉིས་གང་བསྒྲུབ་ཀྱ…

ཁྲིམས་ཀྱི་ཡན་ལག་དང་། འདོད་པ་ཆུང་བ། ཆོག་ཤེས་པ། དབེན་པར་གནས་པ་བཞི་ཅིས་ཀྱང་དགོས་པར་གསུངས་པས། རྒྱུ་ཚོགས་དེ་དག་ལ་ལེགས་པར་གནས་ནས། ལུས་གནད་རྣམ་སྣང་ཆོས་བདུན་ནམ། ཡང་ན་ཙོག་བུ་སོགས་གང་བདེར་གནས་ནས། ལུས་དྲང་པོར་བསྲངས་ཏེ་ཤེས་པ་གཞན་དུ་མ་ཡེངས་པ་བྱས། ཐུབ་དབང་གི་སྐུ་སོགས་དམིགས་པ་གང་རུང་གཅིག་གསལ་བཏབ་ལ། ཡིད་དམིགས་རྟེན་…

དངོས་པོ་རང་ལས་མི་སྐྱེ་ཞིང་། གཞན་དང་གཉིས་ཀ་ལས་ཀྱང་མིན། །རྒྱུ་མེད་ལས་མིན་དེ་ཡི་ཕྱིར། །ངོ་བོ་ཉིད་ཀྱིས་རང་བཞིན་མེད། །ཡང་ན་ཆོས་རྣམས་ཐམས་ཅད་དག །གཅིག་དང་དུ་མས་རྣམ་དཔྱད་ན། །ངོ་བོ་ཉིད་ཀྱིས་མི་དམིགས་པས། །རང་བཞིན་མེད་པ་ཉིད་དུ་ངེས། །སྟོང་ཉིད་བདུན་ཅུའི་རིགས་པ་དང་། །དབུ་མ་རྩ་བ་སོགས་ལས་ཀྱང་། །དངོས་པོ་རྣམས་ཀྱི་རང་བ…

ལས་ཀྱང་། དམ་ཆོས་འདི་ལ་རྒྱལ་བའི་སྲས། །རྣམ་པར་མི་རྟོག་བསམ་གྱུར་ན། །རྣམ་རྟོག་བགྲོད་དཀའ་ལས་འདས་ཏེ། །རིམ་གྱིས་མི་རྟོག་ཐོབ་པར་འགྱུར། །ཞེས་གསུངས་སོ། །ལུང་དང་རིགས་པ་དག་གིས་ནི། །ཆོས་རྣམས་ཐམས་ཅད་སྐྱེ་མེད་པས། །རང་བཞིན་མེད་པར་ཤེས་བྱས་ནས། །རྣམ་པར་རྟོག་མེད་བསྒོམ་པར་བྱ། །དེ་ལྟར་དེ་ཉིད་བསྒོམས་བྱས་ན། །རིམ་གྱིས་དྲོད་…

ན་མྱུ་གུ་དེ་རྒྱུའི་དུས་ཡོད་ན། གྲུབ་ཚར་ཟིན་པས་སྐྱེ་མི་དགོས། སྐྱེ་དགོས་ན་སྐྱེ་བ་དོན་མེད་དང་ཐུག་མེད་དུ་འགྲོ་དགོས་པའི་ཕྱིར་རོ། །མེད་པ་ལས་སྐྱེས་སྙམ་ན། དེ་ཡིན་ན་ནམ་མཁའ་ལ་མེ་ཏོག་སྐྱེ་དགོས་ཀྱང་མི་སྐྱེ་བའི་ཕྱིར་རོ། །ཡོད་མེད་གཉིས་ཀ་ལས་སྐྱེས་སྙམ་ན། སྔར་བཤད་པའི་ཉེས་པ་གཉིས་ཀར་ཐལ་བར་འགྱུར་བའི་ཕྱིར་རོ། །ཡོད་མིན་མེ…

ཏེ། དེ་མི་སྐྱེ་བའི་ཕྱིར་རོ། །བདག་གཞན་གཉིས་ཀ་ལས་སྐྱེས་སྙམ་ན། སྔར་བདག་གཞན་རེ་རེ་བ་ལ་དཔྱད་ཚེ་སྐྱེ་བ་མེད་པར་ཁེག་ཟིན་པའི་ཕྱིར་རོ། །རྒྱུ་མེད་ལས་སྐྱེས་སྙམ་ན། དེ་ཡིན་ན། འཇིག་རྟེན་པ་རྣམས་སྟོན་ཐོག་འབྱུང་བའི་ཕྱིར་ཞིང་ལས་ལ་མ་འབད་ན་ཡང་སྐྱེ་དགོས་ཏེ། མི་སྐྱེ་བའི་ཕྱིར་རོ། །དེ་ལྟར་དཔྱད་ཚེ་ཕྱི་ནང་གི་དངོས་པོ་རྣམས་ངོ་བ…

ཅད་རང་བཞིན་མེད་པར་ངེས་པར་བྱས་ནས་སྟོང་པ་ཉིད་དུ་བསྒོམ་པའི་ཤེས་རབ་དེ་ཉིད་ལ་འཛིན་པ་ཇི་ལྟར་སྤོང་སྙམ་ན། ཤེས་རབ་ཀྱིས་ཆོས་རྣམས་ཀྱི་རང་བཞིན་བཙལ་ནས་མ་རྙེད་པ་དེ་བཞིན་དུ། ཤེས་རབ་དེ་ཉིད་ཀྱང་རིགས་པས་དཔྱད་ནས། རང་བཞིན་མེད་པར་རྟོགས་པས། རྣམ་པར་རྟོག་པ་མེད་པ་དེ་ནི། རྣམ་པར་མི་རྟོག་པའི་ཡེ་ཤེས་ཀྱི་རྒྱུར་ངེས་པས་ཡུལ་ཡུལ་ཅན་…

དུ་གསོལ་ཞེས་ཞུ་དོན་དབྱངས་སུ་ཕུལ་བ། ཕ་སངས་རྒྱས་ཀུན་ལྷག་བཀའ་དྲིན་ཅན། །བུ་བདག་ལ་དར་གཅིག་སྙན་གསན་ཞུ། །བློ་རྩེ་གཅིག་གུས་པས་ཕྱག་དང་བཅས། །ཕ་བླ་མའི་དྲུང་དུ་འདི་སྐད་ཞུ། །བདག་ཚེ་སྟོད་ཡད་མ་ཡུད་ལ་སོང་། །ཚེའི་བར་ལ་འདོད་ཡོན་དཀོར་གྱིས་བསླུས། །ད་ཚེ་ལྷག་ཅི་ཙམ་ཡོད་མ་ཤེས། །རང་ཆུང་ངུ་མ་ལ་སྐྱེས་ནས་བཟུང་། །གཞན་རྒན་གཞོན་མ…

པར་ཅན། །དུས་རིང་མིན་སྐྱེ་བར་བྱིན་གྱིས་རློབས། །ཞེས་ཕུལ་བའི་ལན་དུ། འོ་བྱང་ཆུབ་ཀྱི་སེམས་ལ་མངའ་བརྙེས་པའི་བླ་མ་གསེར་གླིང་པ་ལས། ཇོ་བོ་རྗེས་གསན་པའི་ཐེག་པ་ཆེན་པོའི་བློ་སྦྱོང་གི་རྩ་ཚིག་ལས། རྨི་ལམ་སྣང་བ་སེམས་ཀྱི་ངོ་བོར་བསྟན། །སེམས་ཉིད་སྒྱུ་མ་ཇི་བཞིན་སྟོང་པར་རྟོགས། །སྣ་ཚོགས་སྤྲིན་བཞིན་སྟོང་པའི་ངང་ལས་བྱུང་། །ཆུ…

ཤིང་བདག་བས་གཞན་གཅེས་ཀྱི་བསམ་སྦྱོར་ལ་འབད་པར་བྱའོ། །དེ་ལྟར་བྱས་ན་མྱུར་དུ་མངོན་པར་རྫོགས་པའི་སངས་རྒྱ་བར་འགྱུར་རོ། །སླར་ཡང་ཚིགས་སུ་བཅད་ནས་སྨྲས་པ། བདེ་བའི་མལ་དུ་ལུས་གནད་བསྲངས། །སྐྱབས་སེམས་གསོལ་འདེབས་སྔོན་དུ་བཏང་། །རྨི་ལམ་བཞིན་དུ་ཡུལ་སྣང་ཀུན། །རང་གི་སེམས་སུ་གཏན་ལ་དབབ། །སྒྱུ་མ་བཞིན་དུ་སེམས་ཉིད་ཀྱང་། །སྟོང་པ…

མི་གནས་པར། །རྣམ་མཁྱེན་སངས་རྒྱས་ཐོབ་པར་འགྱུར། །ཞེས་སྨྲས་པའོ།། ༈ །།ཡང་མདོ་རྒྱུད་ནས་བཤད་པའི་སློབ་མའི་མཚན་ཉིད་ཐམས་ཅད་ཚང་བའི་སྐལ་ལྡན་གྱི་སློབ་བུ་མཐོ་ལྡིང་དགེ་སློང་ངག་དབང་ཡེ་ཤེས་དང་། བཀྲ་ཤིས་སྒང་གི་དབུ་མཛད་ཟུར་པ་བློ་བཟང་ཚུལ་ཁྲིམས། བློ་བཟང་དགེ་ལེགས་དང་བློ་བཟང་བསྟན་འཛིན་བཞི་ཡིས། སྔ་ཕྱི་རིམ་པ་བྱས་སྐུ་གསུང་ཐུ…