འདུ་ཤེས་བསྐྱེད་དོ། །བྱང་ཆུབ་སེམས་དཔའ་འོད་སྲུངས་ཀྱིས་གསོལ་བ། བཅོམ་ལྡན་འདས་ཅིའི་སླད་དུ། དེ་བཞིན་གཤེགས་པས་ཤ་འཚལ་དུ་མི་གནང་། བཀའ་སྩལ་པ། རིགས་ཀྱི་བུ་ཤ་ཟ་བ་ནི་སྙིང་རྗེ་ཆེན་པོའི་རིགས་གཅོད་པ་ཡིན་ནོ། །འོད་སྲུངས་ཀྱིས་གསོལ་པ། སྔོན་བཅོམ་ལྡན་འདས་ཀྱིས་ཤ་བརྟགས་པ་རྣམ་གསུམ་འཚལ་དུ་གནང་བ་མ་ལགས་སམ། བཀའ་སྩལ་པ། འོད་སྲུངས…

ཟས་སོ་ཞེས་མ་གསུངས་ཀྱི། བུ་རམ་གྱི་ཤིང་དང་། འབྲས་དང་། ཁ་ར་དང་། ཁྲེ་དང་། ནས་ལ་སོགས་པ་དང་། ཧ་སེ་དང་། འོ་མ་དང་། ཞོ་དང་། མར་དང་། འབྲུ་མར་ལ་སོགས་པ་ལ་བསོད་པའི་ཟས་སོ་ཞེས་གསུངས་ཏེ། གོས་རྣམ་པ་མང་པོའང་འཆང་དུ་གནང་བར་ངས་གསུངས་མོད་ཀྱི། འཆང་དུ་གནང་བ་དེའང་ཁ་དོག་བསྒྱུར་པ་ལ་བྱ་ན། ཉ་ཡི་ཤ་ལ་ཆགས་པ་ལྟ་སྨོས་ཀྱང་ཅི་དགོས། འོ…

ཤེས་ཐ་དད་པའི་ཕྱིར་ཤ་རྣམ་པ་བཅུ་བཅད་པ་ཡིན་ནོ། །འདུ་ཤེས་ཐ་དད་པས་རང་ཤི་བ་ལ་སོགས་པ་ཤ་ཐམས་ཅད་ཟར་མི་རུང་ངོ་ཞེས་གསུངས་སོ། །འོད་སྲུངས་ངས་ནི་དེང་ཕན་ཆད་ཉེ་གནས་སུ་གྱུར་པ་རྣམས་ཀྱིས་ཤ་ཐམས་ཅད་ཟར་མི་རུང་ངོ་། །ཞེས་གསུངས་སོ། །འོད་སྲུང་ཤ་ཟ་བ་དག་ནི་འགྲོ་འམ། སྡོད་དམ་འདུག་གམ། ཉལ་ཡང་སེམས་ཅན་གང་ལ་དྲིས་ཕོག་པ་ཐམས་ཅད་འཇིགས་སྐ…

ཟ་བ་ལྟར་བྱེད་ནའང་ཡང་དག་པར་ན་མི་ཟའོ། །རིགས་ཀྱི་བུ་འདི་ལྟར་བྱང་ཆུབ་སེམས་དཔས་ནི་ཡོངས་སུ་དག་པའི་ཟས་ཀྱང་མི་ཟ་ན་ཤ་ཟ་བ་ལྟ་སྨོས་ཀྱང་ཅི་དགོས། རིགས་ཀྱི་བུ་ང་ཡོངས་སུ་མྱ་ངན་ལས་འདས་ནས་ལོ་ཚད་མེད་པ་བརྒྱ་ན་འཕགས་པའི་ལམ་བཞིས་བྱུང་བའི་འཕགས་པ་ཀུན་ཀྱང་མྱ་ངན་ལས་འདས་ནས་དམ་པའི་ཆོས་ནི་ནུབ། གཟུགས་བརྙན་ལ་ཆོས་སུ་བྱེད་པ་ན། དགེ་…

ཕྱི་རོལ་གྱི་ཚུལ་འཆོས་ཀྱང་ནང་གི་སེམས་ནི་ཕྲག་དོག་དང་འདོད་པས་ཟིལ་གྱིས་ནོན་པས་ཆོས་ལོག་པ་ཅན་གྱི་བྲམ་ཟེ་ལ་སོགས་པ་དང་མཚུངས་སོ། །དགེ་སྦྱོང་མ་ཡིན་པར་དགེ་སྦྱོང་གི་གཟུགས་སྟོན་ཅིང་། ངན་པར་ལྟ་བ་བསྐྱེད་ནས་ཡང་དག་པའི་ཆོས་ལའང་སྐུར་པ་འདེབས་སོ། །གང་ཟག་དེ་དག་གིས་དེ་བཞིན་གཤེགས་པས་བཅས་པའི་ཚུལ་ཁྲིམས་དང་། འདུལ་བ་དང་། སྤྱོད…

རྒྱལ་པོ་དང་། བློན་པོ་དང་ཁྱིམ་བདག་ལ་བསྟེན་ནས་མཚན་ལྟ་བ་དང་། སྐར་མ་ལྟ་བ་དང་། མོ་དང་སྨན་དཔྱད་དག་སློབ་ཅིང་། བྲན་ཕོ་དང་། བྲན་མོ་དང་། གསེར་དང་དངུལ། མུ་ས་ལ་གརྦྷ་དང་། སྤུག་དང་ཤེལ་དང་མུ་ཏིག་དང་། བྱུ་རུ་དང་། སྤུར་ལང་དང་། ཤེལ་གྱི་སྣམ་བུ་དང་། དོ་ཤལ་ལ་སོགས་པ་དང་། ཤིང་ཏོག་རྣམ་པ་སྣ་ཚོགས་ལ་སྤྱོད་དེ། གཞན་ཡང་རྩལ་དང་། …

དགེ་བསྙེན་མ་ཡོན་བདག་ལ་ལྟོས་ཏེ། འཚོ་བ་དག་བསོད་སྙོམས་བྱེད་པའི་ཚེ། ཤ་དང་འདྲེས་པའི་ཟས་ཤིག་སྩལ་ན། ཇི་ལྟར་འཚལ་བར་བགྱིས། ཅིས་བརྟགས་པར་འགྱུར། བཅོམ་ལྡན་འདས་ཀྱིས་འོད་སྲུངས་ལ་བཀའ་སྩལ་པ། ཤ་དང་ཟས་སོ་སོར་ཕྱེ་ལ་ཆུས་བཀྲུས་ཏེ་བཟའ་བར་བྱའོ། །གལ་ཏེ་ལྷུང་བཟེད་ཤ་དང་འབགས་ཀྱང་བྲོ་བའི་རོ་མེད་ན། སྤྱོད་ཀྱང་ཉེས་པ་མེད་དོ། །གལ་ཏ…

ཚེ་རབས་དེ་དག་ལ་སེམས་ཅན་ཐམས་ཅད་མར་མ་གྱུར་པ་དང་སྲིང་མོར་མ་གྱུར་པ་གང་ཡང་མེད་དོ། ཁྱིར་གྱུར་པ་ཡང་ཕར་གྱུར་ཏེ། འཚོ་བའི་འཇིག་རྟེན་ནི་བྲོ་མཁན་བཞིན་ནོ། །དེ་བས་ན་བདག་གི་ཤ་དང་གཞན་གྱི་ཤ་ཡང་ཤ་གཅིག་པ་ཡིན་པས་སངས་རྒྱས་རྣམས་ཤ་མི་གསོལ་ལོ། །གཞན་ཡང་འཇམ་དཔལ་སེམས་ཅན་ཐམས་ཅད་ཀྱི་དབྱིངས་ནི་ཆོས་ཀྱི་དབྱིངས་ཏེ་དབྱིངས་གཅིག་ཏུ་གྱ…

ཁྲག་ཟ་བ་ཞེས་བྱ་བ་ཁྲག་གིས་སྲོག་འཚོ་བར་བྱེད་པ་ཇི་ལྟར་འདུག་པ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། མི་གང་ལ་ལ་དེའི་ལུས་བརྟེན་པར་བྱ་བའི་ཕྱིར་ཤའི་ཁྲག་འཐུང་ལ་དེ་ལ་དགའ་ཞིང་གཏུམ་པ་དང་། ཕྲག་དོག་དང་སེར་སྣས་མངོན་པར་ཉམས་པ། བུ་དང་ཆུང་མ་ལ་བསླུ་བར་བྱེད་ཅིང་ས…

ཏེ། དེ་ལྟར་དེ་ཇི་སྲིད་དུ་སྡིག་པའི་ལས་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་དེ་ལྟར་ཡི་དྭགས་རྫུ་འཕྲུལ་ཆེ་བ་དེ་ཉིད་བྱེད་དོ། །དེ་དེ་ལས་ཐར་ན་ལས་དེ་དང་རྒྱུ་མཐུན་པར་རང་གི་ལས་ལ་སྤྱོད་པ་ལས་ཉེ་བར་འགྲོ་བ་ཇི་ལྟ་བ་བཞིན་དུ་འཁོར་བ་ན་ཡོངས་སུ་འཁྱམ་མོ། །དེ་གལ་ཏེ་བརྒྱ་ལ་མི་རྣམས་དང་སྐལ་བ་མཉམ་པར་མིར་སྐྱེས་པའམ། བུད…

རྣམས་ཀྱི་ནང་དུ་སྐྱེ་བར་འགྱུར་རོ། །དེ་བཞི་མདོ་དང་། སུམ་མདོ་དང་། ཚོང་འདུས་དང་། ལམ་གཞི་དང་། སྲང་དང་། གྲོང་ཁྱེར་དང་། གཙུག་ལག་ཁང་གི་གནས་རྣམས་ཀྱི་གནོད་སྦྱིན་དུ་སྐྱེ་བར་འགྱུར་ཏེ། ངོ་བོ་ཉིད་གཏུམ་པར་གྱུར་པ་ཤེས་སོ། །ཡི་དྭགས་རྫུ་འཕྲུལ་ཆེ་བ་མི་དགེ་བའི་ལས་ཤིན་ཏུ་མི་ཟད་པའང་མ་ཡིན་ལ། དེ་སྦྱིན་པ་ཚེར་མ་ལྟ་བུའང་བྱིན་ཏ…

སྐལ་བ་མཉམ་པར་མིར་སྐྱེས་ན་ཤ་ཟ་བ་ཤན་པ་ཕལ་བ་འམ་དུམ་བུར་བྱེད་པའི་མིར་འགྱུར་བ་མཐོང་ངོ་། །ཞེས་དང་། ཡང་མདོ་དེ་ཉིད་ལས། འདི་ལྟར་སེམས་ཅན་དམྱལ་བ་ཆེན་པོ་རབ་ཏུ་ཚ་བ་དེར་མི་དགེ་བའི་ལས་བྱེད་པས་ཤིན་ཏུ་གང་བའི་འབྲས་བུ་མི་དགེ་བས་ཤིན་ཏུ་གང་བ་དེ་ལྟ་བུ་ལ་སྤྱོད་དོ། །དེ་ལྟར་ལོ་འབུམ་ཕྲག་དུ་མར་སྡིག་པའི་ལས་དགྲ་ལྟ་བུར་གྱུར་ཅིང་…

ཚིགས་ནས་རུས་པའི་ཚིགས་ཏེ། ཇི་ལྟར་དེ་ཡུངས་འབྲུ་ཙམ་ཡང་མ་ལུས་པ། དེ་ལྟར་ཡན་ལག་དང་ཉིང་ལག་ཐམས་ཅད་ཟའོ། །དེ་ནས་ཡང་འབྱུང་བར་འགྱུར་ཏེ། དེ་ལྟར་དེ་ཡུན་རིང་དུ་ཁྱི་དེ་རྣམས་ཟའོ། །དེའི་ལས་ཀྱི་འབྲས་བུ་དེ་གང་ཞིག་ཡིན་སྙམ་ན། གང་དེས་ཤ་སྟོན་བྱ་བའི་ཕྱིར་སེམས་ཅན་བསད་ཅིང་སྲོག་བཅད་པའི་འབྲས་བུ་ནི་དེ་ཡིན་ནོ་གསུངས། ཐུགས་རྗེ་ཆེན་…

བསགས་ན་ཚ་བའི་དམྱལ་བར་སྐྱེ་བར་འགྱུར་རོཿ རང་གིས་སྲོག་མ་བཅད་པའི་ཤ་ཟོས་ན་སྐྱེ་བ་གཅིག་གིས་དམྱལ་བའི་གནས་སུ་བསྐལ་པ་གཅིག་གནས་པར་འགྱུརཿ རང་གིས་སྲོག་བཅད་པའམཿ གཅོད་པར་བསྐུལ་བའི་ཤ་ཟོས་ནཿ སྐྱེ་བ་གཅིག་གིས་བསྐལ་པ་འབུམ་དུ་དམྱལ་བར་གནས་པར་འགྱུར་རོཿ གཞན་གྱིས་སྲོག་བཅད་པའི་ཁྲག་འཐུང་ནཿ རྟེན་ཅིང་འབྲེལ་བར་འབྱུང་བའི་ཁྱད་པར་…

ཟོས་ན་སྐྱེ་བ་བདུན་འདས་པའི་ཕ་རོལ་ཏུ་ཁྲོ་ཆུ་ཁོལ་མ་བླུགས་པའི་གནས་སུ་སྐྱེ་བར་འགྱུར་རོཿ ཤ་བཙོས་པ་དང་ཁྲག་བཙོས་པ་ཟོས་ནཿ སྐྱེ་བ་བཅུ་འདས་པའི་ཕ་རོལ་ཏུ་ཁྲོ་ཆུ་ཁོལ་མའི་གནས་སུ་སྐྱེ་བར་འགྱུར་རོཿ དེ་བཞིན་དུ་ཤ་དང་ཁྲག་ནི་ཁམས་གསུམ་ཕུང་བར་བྱེད་པའི་ཟས་ཡིན་ཏེཿ བདག་པོ་མང་པོ་བརྒྱུད་པའི་ཤ་ནི་ཉེས་པ་ཆུང་སྟེཿ དཔེར་ན་བདག་པོ་བར…

ཡིས་འཚོ་བ་ཀུན་འདུས་ནས། །མདངས་དང་བཅུད་རྣམས་འཕྲོག་པར་བྱེད། །དེས་ནི་གཟི་མདངས་ཡལ་བྱེད་འགྱུར། །ཞེས་དང་། ཁྲག་ལ་སོགས་པའི་རྫས་ཆེན་ལྔ། །དངོས་པོ་ཁོ་ནར་དེར་བརྟགས་ན། །འབྱུང་པོ་ཁྲག་གི་དྲི་བསྣུམས་པའི། །ལུས་ལེན་རིགས་ནི་འཛིན་པ་ཡིན། །ཞེས་དང་། རྙིང་རྒྱུད་ཀུན་འདུས་རིགས་པའི་མདོ་ལས། ཤ་དང་ཁྲག་ལ་སོགས་པའི་ཟས། །བཀུ་བའི་དངངས…

དང་། སྒོག་སྐྱ་དང་། འདྲེས་པ་དང་། ལྷག་རོལ་དང་། འདི་རྣམས་ཁྱད་པར་དུ་གཉེར་པས་སྤང་བར་བགྱིའོ། །ཞེས་དང་། དོན་ཡོད་ཞགས་པའི་སྙིང་པོ་ལས། ཆང་དང་། ཤ་དང་། བཙོང་དང་། སྒོག་སྐྱ་དང་། བདེ་བྱེད་ལ་བྱིན་པའི་ལྷག་མ། ཁྱད་པར་དུ་སྲུང་བར་འདོད་པས་དེ་རྣམས་སྤང་བར་བྱའོ། །མི་གཡོ་བའི་རྒྱུད་ལས། ཞོ་དང་། འོ་མ་དང་། མར་དང་། ལ་དུ་དང་། ལ་བན…

ཞིང་ལས་ལ་སོགས་པ་ནི་རྟག་ཏུ་སྤང་པའོ། །ཞེས་དང་། འཇམ་དབྱངས་མིའི་དབང་པོ་གྲགས་པས་མཛད་པའི་ལྟ་བའི་འདོད་པ་མདོར་བསྟན་ལས། སློབ་དཔོན་དང་ནི་ཁྱིམ་པ་དང་། །བྲམ་ཟེ་དང་ནི་དཀའ་ཐུབ་ཅན། །ཤ་ཟོས་པ་དང་ཆང་འཐུང་ན། །ཤི་ནས་ཡི་དྭགས་འགྲོ་བ་འོ། །ཞེས་དང་། ཉ་ཤ་ཆང་གི་བཏུང་བ་རྣམས། །ཕ་དང་མ་ཡིས་བྱིས་པ་ལ། །དེ་ཡི་གོ་སྐབས་སྦྱིན་མི་བྱ། །དེ…

ནའང་མཆི་མ་འབྱུང་རིགས་ན། །དེ་དག་ཤ་ཡི་ཆེད་དུ་བསད་པའི་ཤ །བཟའ་བ་རིགས་པ་མ་ཡིན་ཤེས་རབ་གྲུབ། །ཅེས་གསུངས་སོ། །དུས་འཁོར་རྩ་རྒྱུད་ལས། ལྷ་དང་རང་འཇིགས་ཕ་མེས་དང་། །འདོད་གྲུབ་དོན་དང་བཙོང་ཕྱིར་དང་། །གདུལ་དཀའ་སྡིག་པ་བྱེད་རྣམས་ཀྱིས། །གནོད་བྱེད་མིན་པའི་སེམས་ཅན་བསད། །དེ་ཡི་ཤ་དེ་ཉོ་བ་དང་། །ཟ་འདོད་ཁ་ན་མ་ཐོ་བཅས། །ཞེས་པ་ན…

གཏན་ནས་ཟར་མི་རུང་སྟེ། མདོ་རྩ་ལས། མིའི་ཤ་ནི་ཐམས་ཅད་དུའོ། །ཞེས་པའི་རྒྱ་ཆེར་འགྲེལ་ལས། སྨན་གྱི་དོན་དང་སྨན་མ་ཡིན་པའི་དོན་ཐམས་ཅད་དུ་མི་ཤ་ཟོས་ན་ཉེས་པ་སྦོམ་པོར་འགྱུར་རོ་ཞེས་འབྱུང་། ཡང་ཤ་དམར་པོ་རློན་པ་ནད་ཀྱི་དོན་མ་ཡིན་པར་ཟ་བ་ཉེས་པ་སྦོམ་པོར་འགྱུར་ཏེ། མདོ་རྩ་ལས། དེ་གཞན་གྱི་དོན་དེར་ན་སྦོམ་པོའོ། །ཞེས་པའི་རྒྱ་ཆེར…