རྩིར་གྱུར་པར་བཞེས་ལ། སེམས་ཅན་གྱི་ཉོན་མོངས་པ་ཞི་བར་བྱས་སོ། །ཤ་ལྔ་ཞེས་པའི་ནང་དུ་མི་རྟ་ཁྱི་གསུམ་གྱི་ཤ་ཡོད་དེ། དེ་རྣམས་ཁྱེད་ཀྱིས་གསོལ་བར་ནུས་སམ། བདུད་རྩི་ལྔ་ཞེས་པའི་ནང་དུ་དྲི་ཆེན་དྲི་ཆུ་ཞེས་པ་མིའི་གཤང་གཅིན་གཉིས་ཡོད་དེ། ཁྱེད་རྣམས་ཀྱིས་དེ་སྦྱངས་རྟོག་སྦར་གསུམ་བྱས་ནས་འཐུང་བར་ནུས་སམ། གལ་ཏེ་ནུས་ན་ཆང་འཐུང་བ་ཡི…

སྙེམས་པའི་ཆང་། ཕྱུག་པོའི་ཆང་། སྦྱིན་ལོའི་ཆང་། མ་མནོ་པའི་ཆང་ཞེས་པའི་མིང་དུ་བཏགས་སོ། །སྨྱོན་པའི་ཆང་ཞེས་པ་ནི། རྒྱལ་པོའི་ཁྲིམས་འཆའ་བའི་ཡ་རབས་རྣམས་ཀྱིས་ཆང་འཐུང་ན་སྨྱོན་པ་ལྟར། སེམས་ཀྱིས་ཚུལ་དང་ཚུལ་མིན་མི་ཤེས་པ་དང་། དགེ་སྡིག་དང་། བདེན་རྫུན་མི་འབྱེད་པ་དང་། ཤབ་ཤུབ་སོགས་མི་ཤེས་པར་སྨྱོན་པ་ལྟར་བྱེད་པས། འཇིག་རྟེ…

བར་སྙེམས་པ་དང་། དབུལ་བོ་ཡིན་ཡང་ཕྱུག་པོར་སྙེམས་པ་དང་། བླུན་པོ་ཡིན་ཡང་མཛངས་བར་སྙེམས་པ་དང་། ཡོན་ཏན་མི་སློབ་པ་ཡིན་ཡང་མཁས་པར་སྙེམས་པའི་ཆང་ངོ་། །ཕྱུག་པོའི་ཆང་ཞེས་པ་ནི། ང་ལ་གསེར་དངུལ་ཡོད། ང་ལ་ནོར་ཕྱུགས་སོགས་ཡོད་ཅེས་སྨྲས་ནས། གཞན་གྱིས་བཙལ་ན། གཏོང་མི་ནུས་པ་ངོ་ཚ་བའི་ཕྱུག་པོ་དང་། ཟས་ཆེན་པོ་ཡོད་ཅེས་སྨྲས་ནས་མི་མང…

གཉེར་མ་མང་པོར་གྱུར་ནས། རེངས་པ་དང་། སྐེམས་པར་འགྱུར་རོ། །གསུམ་པ་ངག་རྣོ་བ་ཉམས་པ་ནི། སྨྲ་བ་ལ་ལྡིབ་པར་གྱུར་ནས། ངག་འཆལ་སོགས་སྨྲ་བའོ། །བཞི་པ་བློ་མི་གསལ་བ་ནི། རྨོངས་པར་འགྱུར་བ་དང་། ལྔ་པ་འདི་ཕྱིའི་དགེ་སྡིག་གི་ལས་འབྲས་མ་བསམ་པར་རྨོངས་པར་ཤི་བའོ། །དྲུག་པ་ཚེ་འདི་ལ་སྡུག་ཡུས་ཉོས་པ་དེ། དེ་ཡོང་ཞེས་ཐམས་ཅད་ཀྱིས་བརྙས་པའ…

མཚམས་ཞིག་ཏུ་བདུད་ཀྱི་རིགས་ཅན་བུད་མེད་ཅིག་གིས་སྨོན་ལམ་ལོག་པ་བཏབ་པ་ལ་བརྟེན་ནས། མངལ་ཁྲག་ས་ལ་ལྷུང་བ་ལས་སྔོ་ཞིག་སྐྱེས་ཏེ། དེ་ནས་རིམ་གྱིས་རྒྱ་གར་ནག་སོགས་སུ་དར་བ་ཡིན་ལ། དེའི་དུ་བ་རྔུབ་པ་པོ་དག་གི་སེམས་ལ་འབྱུང་པོའི་གདོན་ཞུགས་ནས། ཡང་ཡང་རྔུབ་འདོད་སྐྱེས་ནས་རྔུབ་པར་འགྱུར་རོ། །དེའི་ཉེས་དམིགས་ནི། ལུས་ལ་ཕན་པ་གང་ཡང་…

ཞེས་མཁས་པ་དག་གི་གསུང་སྒྲོས་ལས་འབྱུང་བས། དེ་ཡང་ཆང་དང་འདྲ་བར་སྤང་བར་བྱའོ། །ཞེས་གསུངས། གཞན་ཡང་དཔལ་ཨོ་རྒྱན་ཆེན་པོ་ལྷོ་ནུབ་སྲིན་པོའི་ཡུལ་དུ་བཞུད་དུས་སུ། རྗེ་འབངས་སྤྱི་དང་ཁྱད་པར་སྔགས་པ་རྣམས་ལ་ཞལ་གདམས་འདི་ལྟར་གསུངས་སོ། །ང་ཡི་རྗེས་འཇུག་སྔགས་འཆང་ཚོགས་རྣམས་གསོན། །པད་འབྱུང་སྲིན་པོ་འདུལ་དུ་འགྲོ་བ་ལ། །མྱ་ངན་མ་བྱ…

རྒྱལ་བྱས་པ་ཡིས། །ལྕེ་ལ་ཐོང་གཤོལ་རྨོ་བའི་དམྱལ་བར་སྐྱེ། །ཆང་འཐུང་གཞན་ལ་གྲི་ཕྱར་ཁྲོས་པ་ཡིས། །གནོད་སེམས་བྱེད་པ་ཡི་དྭགས་དམྱལ་བར་སྐྱེ། །ཆང་འཐུང་གཞན་གྱི་བུད་མེད་ལ་སྤྱོད་པ། །ཤལ་མ་ལི་ཡི་སྡོང་པོར་དྲག་ཏུ་འདྲུད། །ཆང་འཐུང་རྐུ་འཕྲོག་སྣ་ཚོགས་བྱས་པ་ཡིས། །ཡི་དྭགས་མཚོན་ཆའི་འཁོར་ལོ་ཅན་དུ་སྐྱེ། །ཆང་འཐུང་ངོ་ཚ་ཁྲེལ་འཛེམ་…

འགྱོད་པ་ཕྱི་ལ་མ་བྱེད་སྔོན་བསམ་ཐོངས། །རང་གིས་རང་ཉིད་མ་བསླུ་རྗེ་འབངས་རྣམས། །གསུངས། དྲན་པ་ཉེར་བཞག་ལས། ཆང་གི་ཉེས་དམིགས་རྒྱས་པར་གསུངས་པ་རྣམས་མདོར་བསྡུས་ཏེ་བཤད་ན། སེམས་ཅན་དམྱལ་བ་ངུ་འབོད་དུ་སྐྱེ་བར་འགྱུར་རོ། །གང་གིས་ཁྱིམ་གྱི་གནས་ནས་ཕྱུང་སྟེ་སྡོམ་པ་བླངས་བསམ་གཏན་གྱི་བདེ་བས་སེམས་སྦྱངས་ཤིང་། ཞི་བའི་དགེ་སློང་གི…

ཐར་ནས་བརྒྱུགས་པས། གཤིན་རྗེ་གཞན་དང་འཕྲད་ནས་ལྕགས་ཀྱི་རྫ་མའི་ནང་དུ་ཁ་བུབ་ཏུ་བཅུག་ནས་བསྲེག་པར་འགྱུར། དེ་ནས་ཐར་ནས་བྲོས་ཀྱང་ལྕགས་ཀྱི་ཁྭ་རབ་ཏུ་འབར་བ་དག་གིས་བཟུང་ནས་ཡན་ལག་ཉིང་ལག་གི་གནད་ཚིགས་ཚིགས་སུ་བརྒྱ་འམ་སྟོང་དུ་ཟའོ། །ཡང་ཐར་ནས་བྲོས་པས་བཀྲེས་སྐོམ་པས་མཚོ་མཐོང་ནས་དེར་བརྒྱུགས་པ་དང་། མཚོ་དེ་རོ་ཉེ་རབ་ཏུ་བསྐོལ་པ…

ཀྱིས་ཟ་བར་བྱེད་དོ། །མིར་སྐྱེས་ན་དེ་སེམས་འཁྲུག་པར་འགྱུར་ཞིང་དབུལ་བ་དང་། ལམ་པོ་ཆེ་དང་བཞི་མདོའི་ཚོང་བ་དང་། བྱིས་པ་ཐམས་ཅད་ཀྱིས་བཞད་གད་པར་གྱུར་ཅིང་བཞིན་གྱི་མདོག་ངན་པ་དང་། སོ་འབའ་ཞིག་སྣང་བ་དང་། རྐང་པ་ཤིན་ཏུ་རྡོལ་བ་དང་། ལུས་རྟག་ཏུ་བཀྲེས་པ་དང་སྐོམ་པས་གདུངས་པ་དང་། བུ་དང་ཆུང་མ་དང་ཕ་དང་མ་དང་གཉེན་བཤེས་རྣམས་ཀྱིས…

ཆང་བླུད་ན། དེ་ཤི་ནས་དམྱལ་བ་ཐམས་ཅད་སྒྲ་འབྱིན་དུ་སྐྱེ་བར་འགྱུར་རོ། །དེར་སྐྱེས་ན་ལྕགས་ཀྱི་གཏུན་ཤིང་བརྡེག་པ་ན་སྒྲ་ཆེན་པོས་དམྱལ་བའི་འཁོར་དེ་དག་ཐམས་ཅད་གང་བར་འགྱུར་རོ། །གལ་ཏེ་འཁོར་ཡུག་རི་དང་ཆུ་བོ་དག་མེད་ན་གླིང་བཞི་པོ་ཡང་སྒྲ་འབྱུང་བར་འགྱུར་རོ། །མིར་སྐྱེས་ན་ཆུ་དཀོན་པའི་ཡུལ་དང་འབྲོག་ཏུ་སྐྱེ་བར་འགྱུར་རོ། །དགེ་…

བུར་སྐྱེ་བར་འགྱུར་རོ། །དེར་སྐྱེས་ན་རླུང་མཁྲིས་བད་ཀན་འདུས་པ་ལས་གྱུར་པའི་ནད་བཞི་བརྒྱ་རྩ་བཞི་འབྱུང་ངོ་། །ནད་རེ་རེས་ཀྱང་ཉིན་གཅིག་ལ་གླིང་བཞིའི་མི་ཀུན་འཆི་ནུས་པའི་ནད་དེ་ལྟ་བུ་འབྱུང་ངོ་། །གཞན་ཡང་ལུས་ལ་སྲིན་བུ་དག་འབྱུང་བར་འགྱུར་ཏེ། པགས་པ་ཁྲག་ཤ་ཚིལ་རུས་པ་རྐང་དག་ལ་ཕུག་ཅིང་འཐུང་ངོ་། །གཤིན་རྗེར་འཇིགས་ཤིང་ངུ་སྐད…

བར་འགྱུར་ཞིང་སྨན་པ་དང་སྨན་སྦྱོར་བ་དང་བྲལ་བའི་ཡུལ་ངན་པ་དང་། རྩྭ་དང་མྱ་ངན་དང་། མེས་ཚིག་པས་འཇིགས་པ་མང་བའི་ཡུལ་ངན་པ་དག་ཏུ་སྐྱེ་བར་འགྱུར་རོ། །ཆང་ནི་གཡུལ་འགྱེད་པའི་དོན་དུ་ཇི་ལྟར་གླང་པོ་ཆེན་པོའི་གཡུལ་དུ་མི་མང་པོ་གསོད་པར་འགྱུར་ཏེ། དེ་ལས་བདག་ཅག་རྒྱལ་བར་འགྱུར་བར་བྱའོ་སྙམ་ནས། གླང་པོ་ཆེ་དག་ལ་ཆང་བླུད་དེ། མི་བསད་…

འཁྲུལ་པར་བྱས་ལ། དེ་དང་ལྷན་ཅིག་ཏུ་མི་ཚངས་པར་སྤྱད་ན་དེ་ཤི་ནས་དམྱལ་བ་འཆི་མེད་དུ་སྐྱེ་བར་འགྱུར་རོ། །དེར་སྐྱེས་ན་ཁྱི་འབར་བ་དག་གིས་རླིག་པ་འབྱིན་ཅིང་། ཕྱུང་ཡང་སླར་སྐྱེས་པར་འགྱུར་རོ། །ཡང་འབྱིན་ཚེ་ངུ་སྐད་འབྱིན་ནོ། །དེ་ལས་ཐར་ནས་བྲོས་པས་ངམ་གྲོག་ཆེན་པོར་བྱ་རོག་རྒོད་དང་འུག་པ་བྱ་རྟ་མི་ཀ་ལྕགས་མཆུ་སེན་མོ་འབར་བ་རྣམས…

རྣམས་ཀྱིས་སྲོག་དང་འབྲལ་བར་འགྱུར་རོ། །སེམས་ཅན་སོ་སོ་འཚོ་བར་བྱ་བའི་ཕྱིར་ཆང་འཐུང་བའི་ཟོང་ངམ་རིན་བྱིན་ན། དེ་ཤི་ནས་དམྱལ་བ་རབ་རིབ་ཀུན་བསགས་སུ་སྐྱེ་བར་འགྱུར་རོ། །དེར་སྐྱེས་ན་མུན་ནག་ལས་བྱུང་བའི་མེ་ནང་དུ་འཇུག་གོ །སྲེག་ཅིང་འཚོད་ལ་གདུང་བས་ངུ་ཞིང་སྐད་འབྱིན་ཏོ། །སོག་ལེ་དག་གིས་ཀྱང་མགོ་ནས་རྐང་པའི་བར་དུ་ཕྱེད་མར་གཤག…

ཆང་ཇི་ལྟར་ཁ་ཅིག་ནི་དར་བ་ལྟ་བུ་དང་། ཁ་ཅིག་ནི་ཆུ་ལྟ་བུ་དང་། ཁ་ཅིག་ནི་ཞོག་ཆུ་ལྟ་བུ་དེ་ལྟར་བཅོས་ནས་འབྲོག་དགོན་པར་ཞུགས་པའི་དེད་དཔོན་དག་ལ་བླུད་དེ། དེའང་ར་རོ་ཞིང་ཤིན་ཏུ་ར་རོ་བར་འགྱུར། དེ་ཀུན་གྱིས་ཤིན་ཏུ་ར་རོ་བར་བྱས་ཏེ། ར་རོ་དེ་དག་དེས་བསད་ནས་ནོར་གང་དང་གང་ཡོད་པ་དེ་འཕྲོག་ན་དེས་བསླུས་པ་ཡིན་པས་འཇིག་རྟེན་ན་ཆོམ་ར…

བ་ཤིང་ཤལ་མ་ལི་ཆེན་པོར་སྐྱེ་བར་འགྱུར་རོ། །དེར་སྐྱེས་ན་ཆང་གི་ལས་ཀྱིས་བྱས་པའི་ཤིང་ཤལ་མ་ལི་འདབ་མ་སྤུ་གྲི་ལྟ་བུ་ཡལ་ག་མེ་འབར་བ་ལྟ་བུ་དུད་པ་བདུག་ཅིང་རླུང་དུག་བྱུང་སྟེ། དཔག་ཚད་གཅིག་ཚུན་ལ་རླུང་དུག་ལྟ་བུས་གནོད་ཅིང་ཤིང་ཤལ་མ་ལི་ཆེན་པོའི་ནགས་དཔག་ཚད་སུམ་སྟོང་ཡོད་པར་ཆུད་ན་མདོག་མེ་དུ་བར་བསྲེས་པ་དུག་ལྟ་བུའི་ཤུགས་ཀྱི…

མིར་སྐྱེས་ན། དེ་ཡིད་རྣམ་པར་གཡེངས་ཤིང་ནད་དྲག་པོ་འམ་སྙིང་ནད་དམ་ངལ་རྐྱེན་མང་བ་འམ། རྐང་འབམ་གྱིས་ཐེབས་པར་འགྱུར་ཞིང་ལོང་བས་ཉམ་ཐག་པར་འགྱུར་རོ། །བུད་མེད་ཡོན་ཏན་གཞན་དག་ལ་ཐབས་གཞན་གྱིས་སྤྱོད་པའི་བྲིད་དེ་བླུད་ནས་ར་རོ་བར་བྱས་ཏེ། སེམས་འཁྲུལ་བར་བྱས་ན་དེ་ཤི་ནས་དམྱལ་བ་ཆུ་ཤིང་བསྲེག་པའི་དུད་པའི་ཚལ་དུ་སྐྱེ་བར་འགྱུར་རོ།…

སྤུ་གྲིས་གཤག་ཅིང་མེ་དང་ནད་མཚོན་བ་ཚྭའི་ཚོར་བ་མཆོག་ཏུ་ཚ་བ་འཇིགས་པ་མྱོང་ངོ་། །མིར་སྐྱེས་ན་གཞང་འབྲུམ་རིམས་གསུམ་པས་ཐེབས་པར་འགྱུར་ཞིང་རྟག་ཏུ་གྲང་བའི་རིམས་ཀྱིས་ཐེབས་པར་འགྱུར་རོ། །ཕྱི་རོལ་ལ་བློ་མངོན་པར་ཞེན་པའི་ངང་ཚུལ་ཅན་དག་བསླུ་བའི་བསམས་པས་བླུད་ན། དེ་ཤི་ནས་དམྱལ་བ་གློག་གི་ན་བུན་ཚལ་དུ་སྐྱེ་བར་འགྱུར་རོ། །དེར་ས…

བརྒྱ་འམ་ཡང་ན་སྟོང་དུ་བྱེད་དེ། སེམས་ཅན་དམྱལ་བའི་འཁོར་གཞན་དུ་གནོད་པ་གང་དང་གང་འབྱུང་བ་དེ་ཐམས་ཅད་ཀྱི་བཞི་འགྱུར་དེར་འབྱུང་སྟེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་གནོད་པ་སྣ་ཚོགས་དག་བྱེད་དུ་འཇུག་གོ །མིར་སྐྱེས་ན། དེ་མཆོག་ཏུ་ཁྲོ་བའི་ཁྲོ་བར་འགྱུར་ཞིང་བཀའ་བློ་མི་བདེ་བར་འགྱུར་ར…