སྤྱན་སྔ་བ་ཀློང་ཆེན་པ་སོགས་སྔོན་གྱི་བླ་མ་གོང་མ་མང་པོས་གསུངས། དེས་ན་རི་ཁྲོད་དུ་བསྡད་པ་ལ་ཡོན་ཏན་བརྒྱ་ཕྲག་དུ་མ་ཡོད་ཚུལ་མཐོང་ནས། སྐལ་བཟང་ལས་འཕྲོ་ཅན་རྣམས་ཀྱིས་ཀྱང་རི་ཁྲོད་དབེན་པའི་དགའ་ཚལ་བསྟེན་པ་ལ་ཡིད་སྤྲོ་བར་བྱའོ། །འདི་ལྟར་བཤད་པ་སྔོན་ཆད་མ་བྱུང་བའི་བརྗོད་རྒྱུ་ཞིག་དང་ཚིག་གི་སྡེབས་སྦྱོར་ལེགས་པོ་ཞིག་དང་། གཞན…

ཆགས་ཤིང་ཤེས་རབ་རྩལ་མེད་པས་ན་ལེགས་བཤད་རྣམས། །དོན་དུ་མི་གཉེར་ཁོ་ནར་མ་ཟད་ཕྲག་དོག་གི་དྲི་མ་དག་གིས་སྡང་བ་དང་། །ཡོངས་གྱུར་དེས་ན་བདག་ལ་འདི་ནི་གཞན་ལ་ཕན་པ་ཡིན་ཞེས་བསམ་པའང་མེད། །སེམས་ནི་ཡུན་རིང་ལེགས་བཤད་གོམས་པས་ལྷུར་ལེན་བསྐྱེད་ཕྱིར་འདི་ལ་དགའ་བ་སྐྱེས། །ཞེས་དང་། ཛ་ཡཱ་པཎྜི་ཏའི་ཞལ་ནས། ཕལ་ཆེ་བས་ཆོས་དོན་དུ་མི་གཉེར།…

བའི་བུང་བ་ལྟར་བརྟེན་པས། །མུ་མཐའ་ཡས་པའི་ཆོས་ལ་བློ་གྲོས་རྒྱས། །དེ་ལྟས་བདག་ཀྱང་ཤཱཀྱའི་གསུང་རབ་མཚོ། །གཏིང་མཐའ་ཡས་པར་བརྒལ་བར་འདོད་པ་ཡིན། །དེ་ཡི་གཏིང་མཐའ་རྟོགས་པར་མ་ནུས་ཀྱང་། །ངོ་མཚར་དོན་གྱི་རིན་ཆེན་ཅིས་མི་རྙེད། །རྙེད་ཀྱང་དབུལ་པོའི་ལག་གི་རིན་ཆེན་ལྟར། །བདག་གི་ལེགས་བཤད་དྲི་མ་མེད་པ་འདི། །འགྲན་འདོད་ཕྲག་དོག་སྡ…

ཐར་འདོད་ཁྱོད་ཀྱང་དེ་བཞིན་འདེབས་འཚལ་ལོ། །ཞེས་གསུངས་པ་ལྟར་རང་རྒྱུད་དང་ཕྱི་རབས་འགའ་རེ་ལ་ཕན་པའི་སྨོན་ལམ་ཀྱང་འདེབས་པ་ལགས་སོ།། །།སྨྲས་པ། ཨེ་མ་རྒྱལ་སྲིད་མཆིལ་སྣབས་བཞིན་དུ་དོར། །དབེན་པར་དཀའ་བ་སྤྱད་མཐར་སངས་རྒྱས་པའི། །སྟོན་པ་ཐུགས་རྗེ་ཅན་ལ་གསོལ་བ་འདེབས། ཁྱེད་ཀྱི་རྣམ་ཐར་ཟིན་པར་བྱིན་གྱིས་རློབས། །སངས་རྒྱས་ཁྱེད་ཀྱ…

བག་ཆགས་འཇོག་པའི་ཕྱིར། །སླར་ཡང་བཤད་པས་རང་དང་སྐལ་ལྡན་ལ། །ཚེ་རབས་ཀུན་ཏུ་ཕན་པའི་སྨོན་ལམ་འདེབས། །འདི་ལ་འགལ་འཁྲུལ་ནོངས་པ་ཅི་མཆིས་པ། །བླ་མ་རྒྱལ་བ་སྲས་བཅས་སྤྱན་སྔར་བཤགས། །ནོངས་པ་རྒྱུ་བཅས་བྱང་ཞིང་དག་གྱུར་ནས། །འདི་ཡིས་བསྟན་འགྲོར་ཕན་པར་བྱིན་གྱིས་རློབས། །ཕན་བདེའི་འབྱུང་གནས་རྒྱལ་བསྟན་ནམ་གནས་བར། །གླེགས་བམ་འདི་ཡང་…

ཆེས་ནས། །སྐྱེ་བ་ཀུན་ཏུ་སྙིང་སྟོབས་ཆེན་པོ་ཡིས། །སྟོན་པའི་དམ་ཆོས་མ་ལུས་འཛིན་གྱུར་ཅིག །རྒྱལ་བའི་བསྟན་པ་དར་ཞིང་རྒྱས་པ་དང་། །རྒྱལ་སྲས་དམ་པ་རྣམས་ཀྱི་སྐུ་ཚེ་བརྟན། །རྒྱལ་བློན་འཁོར་འབངས་མངའ་ཐང་འབྱོར་པ་རྒྱས། །རྒྱལ་ཁམས་བདེ་ཞིང་སྐྱིད་པའི་བཀྲ་ཤིས་ཤོག །ཅེས་རྨད་བྱུང་སྤྲུལ་པའི་གླེགས་བམ་ཞེས་བྱ་བ་འདི་ནི་རང་ཉིད་ཕྱོགས་…

མཛད་བསྐལ་བཟང་སྐྱབས། ཐོས་བསམ་སྒོམ་ལ་བརྩོན་པའི་སློབ་བུ་གནས་བརྟན་དང་། པདྨ་དཀར་དྲིས། བསླབ་གསུམ་རྒྱན་གྱིས་མཛེས་པའི་སྐྱིའི་བླ་མ་དང་། སྟག་ཡན་དགེ་སློང་། དད་གཏོང་བློ་གྲོས་ཆེ་བའི་ཀླུ་སྐྱབས་དགེ་སློང་དང་། བླ་རྒན་མགོ་དཀར། ངེས་འབྱུང་བྱང་སེམས་ལྡན་པའི་མཚམས་པ་རག་ཤིས་དང་། མྱང་བའི་བླ་མ། དད་བརྩོན་སྙིང་རྗེ་ཆེ་བའི་ཞོ་འོང…

ཕྱོགས། དབུས་གཙང་དག་པའི་ཞིང་གི་ཤར་ཕྱོགས། མདོ་སྨད་ཙོང་ཁའི་སྐྱེས་རིའི་ལྷོ་ཕྱོགས། རྗེ་བཙུན་སྐལ་ལྡན་རྒྱ་མཚོའི་འཁྲུངས་ཡུལ། རེབ་གོང་གསེར་མོ་ལྗོངས་ཀྱི་ས་ཆ། སྔོ་ལྗང་ནགས་ཚལ་རྒྱས་པའི་གོང་རོལ། སྤང་ལྗོངས་མེ་ཏོག་བཀྲ་བའི་འདབས་རོལ། རོང་དང་འབྲོག་པ་གཉིས་ཀྱི་སོ་མཚམས། རི་བོ་མཐོ་ལ་ཡངས་པ་ཉམས་དགའ་རིག་པ་དྭངས་པའི་དབེན་གནས་བ…

རབ་འདི་ཉིད་མཐོང་དང་ཐོས་པ་དང་། །དྲན་པ་ཙམ་གྱིས་སྐྱེ་རྒུ་མཐའ་དག་གི །མི་དགེ་རྒྱུན་ཆད་དགེ་བཅུའི་དཔལ་ལ་རོལ། །རྣམ་མཁྱེན་ས་མཆོག་ཐོབ་ལ་སོམ་ཉི་བྲལ། །འདི་ཉིད་བྲི་བརྐོ་བྱེད་པོ་བསྐལ་བཟང་སྐྱབས། །བློ་ལྡན་བསམ་བཟང་བདེ་ཆེན་ལ་སོགས་ཀྱིས། །རྣམ་དག་བསམ་པའི་བློ་ཡིས་དང་བླངས་ཏེ། །སོར་མོའི་འདུ་བྱེད་རྩལ་ལས་ལེགས་པར་བསྒྲུབས། །འད…

བསྟན་འགྲོ་ཡོངས་ལ་ཕན་པའི་ཨོ་རྒྱན་སྤྲུལ་པའི་གླེགས་བམ་བཞུགས་སོ། །

ན་མོ་གུ་རུ། དྲི་མེད་ནམ་མཁའ་ལྟ་བུར་རྣམ་དག་ཅིང་། །སྐུ་དང་ཡེ་ཤེས་འདུ་འབྲལ་མེད་པའི་ལྷ། །ཐོག་མའི་སངས་རྒྱས་སྲིད་ཞི་ཡོངས་ཀྱི་དཔལ། །ཆོས་སྐུ་ཀུན་ཏུ་བཟང་པོར་གསོལ་བ་འདེབས། །སྣང་སྲིད་འཁོར་འདས་ཆོས་ཀུན་འབྱུང་བའི་གཞི། །མཁའ་ལྟར་ཡངས་ཤིང་ཉི་ལྟར་རབ་གསལ་བའི། །དོན་དམ་བྱང་ཆུབ་སེམས་ཀྱི་གནས་ལུགས་དེ། །རང་གསལ་རྗེན་པར་རྟོགས་པ…

ཆོས་རྣམས་གཅིག་ཀྱང་མ་ལུས་པ། །སོ་སོར་མ་འདྲེས་ས་ལེར་གཟིགས་པ་ཡི། །དྲུག་པ་རྡོ་རྗེ་འཆང་ལ་གསོལ་བ་འདེབས། །སྒྲིབ་གཡོགས་ཀུན་བྲལ་ཕྱི་ནང་ཟང་ཐལ་གྱི། །རང་སེམས་གསལ་སྟོང་མེ་ལོང་ཆེན་པ་རུ། །འཁོར་འདས་ཆོས་རྣམས་གཟུགས་བརྙན་ཡོངས་ཤར་ནས། །ལྟད་མོ་ཐམས་ཅད་མཐོང་བར་བྱིན་གྱིས་རློབས། །འཁོར་འདས་ཆོས་ཀུན་ལག་མཐིལ་སྐྱུ་རུ་ར། །རློན་པ་བཞ…

རྒྱས་ཐུགས་རྗེ་ཅན་ལ་གསོལ་བ་འདེབས། །སྤྲིན་མེད་མཁའ་ལ་ཉི་མ་ཤར་བ་བཞིན། །བློ་གྲོས་སྣང་བ་ཕྱོགས་མེད་རབ་རྒྱས་ནས། །ཤེས་བྱའི་ཆོས་རྣམས་གཅིག་ཀྱང་མ་ལུས་པ། །ཐམས་ཅད་ས་ལེར་ཤེས་པར་བྱིན་གྱིས་རློབས། །དུས་གསུམ་སངས་རྒྱས་ཐམས་ཅད་སྐྱེད་པའི་ཡུམ། །ཆོས་སྐུ་ཡུམ་ཆེན་མོ་ལ་གསོལ་བ་འདེབས། །སྨྲ་བསམ་བརྗོད་མེད་ཡུམ་ཆེན་ཤེར་ཕྱིན་གྱི། །དག…

པའི་སངས་རྒྱས་ཡོངས་ལ་གསོལ་བ་འདེབས། །རྒྱལ་བ་ཀུན་གྱིས་གསུངས་པའི་དམ་ཆོས་རྣམས། །རྩོལ་མེད་རྒྱུད་ལ་འཆར་བར་བྱིན་གྱིས་རློབས། །མཁའ་ལྟར་ཡངས་ཤིང་ཉི་ལྟར་གསལ་བའི་ཐུགས། །རྗེ་བཙུན་གསང་བའི་བདག་པོར་གསོལ་བ་འདེབས། །ཤེས་བྱའི་ཆོས་རྣམས་མེ་ལོང་གཟུགས་བརྙན་བཞིན། །དྲི་མེད་སེམས་ལ་འཆར་བར་བྱིན་གྱིས་རློབས། །ཐུགས་དགོངས་ཆོས་ཀྱི་དབྱ…

འདེབས། །ཇི་ལྟ་ཇི་སྙེད་ཆོས་རྣམས་ཐམས་ཅད་ཀྱི། །གནས་ལུགས་ཇི་བཞིན་རྟོགས་པར་བྱིན་གྱིས་རློབས། །ཕུལ་བྱུང་སྟོང་ཉིད་སྙིང་རྗེའི་གཏེར་ཆེན་པོ། །འཕགས་པ་སྤྱན་རས་གཟིགས་ལ་གསོལ་བ་འདེབས། །བྱམས་དང་སྙིང་རྗེ་བླ་མེད་བྱང་ཆུབ་སེམས། །བདག་གཞན་རྒྱུད་ལ་སྐྱེ་བར་བྱིན་གྱིས་རློབས། །དུས་གསུམ་སངས་རྒྱས་ཐུགས་ལས་རབ་སྤྲུལ་པའི། །རིག་འཛིན་…

ས་སྐྱ་ཡབ་ཆེན་ལྔ་ལ་གསོལ་བ་འདེབས། །བདག་གཞན་མི་ཤེས་ལྐོག་གྱུར་འཁོར་འདས་ཀྱི། །ཆོས་རྣམས་ས་ལེར་ཤེས་པར་བྱིན་གྱིས་རློབས། །རྟོགས་པ་ནམ་མཁའི་ཁྱོན་ལྟར་རབ་ཡངས་པའི། །བཀའ་བརྒྱུད་བླ་མ་རྣམས་ལ་གསོལ་བ་འདེབས། །སྟོང་གསལ་ཁྱབ་གདལ་ནམ་མཁའ་ལྟ་བུ་ཡི། །སེམས་ཀྱི་གནས་ལུགས་རྟོགས་པར་བྱིན་གྱིས་རློབས། །ཡེ་ཤེས་སྤྱན་གྱིས་འཁོར་འདས་ཆོས་ཀ…

པའི་ཀློང་ན་དགའ་ཡལ་ལེ། །གནས་པའི་རྣལ་འབྱོར་པ་ཡིས་གཙོར་བྱས་པའི། །ཕྱོགས་བཅུའི་ཆོས་མཛད་སྐྱེ་བོ་ཕོ་མོ་རྣམས། །སེམས་ཁ་ཡངས་པོ་གྱིས་ལ་དགའ་བས་ཉོན། །དེ་ཡང་ཕན་བདེའི་འབྱུང་གནས་ཕྱོགས་བཅུའི་རྒྱལ་བ་རྣམས་ཀྱི་བསྟན་པ་སྤྱི་དང་ཁྱད་པར་འཇིག་རྟེན་ཁམས་འདིར་དར་བའི་རྒྱལ་བ་ཤཱཀྱ་ཐུབ་པའི་རིང་ལུགས་གྲུབ་མཐའ་གང་ལའང་དད་གུས་དག་སྣང་སྦྱ…

སྟོང་པ་ཉིད་རྣམས། དོན་དམ་པ་འོད་གསལ་སྟོང་པ་ཉིད་ཀྱི་ངང་དུ་རྒྱ་མཚོ་འདྲེས་པའམ། ནམ་མཁའ་ལ་ནམ་མཁའ་འདྲེས་པ་བཞིན་སོ་སོར་དབྱེ་རུ་མེད་པར་རོ་གཅིག་ཏུ་འདྲེས་ནས་ཕྱོགས་རིས་མེད་པར་ཁྱབ་པ། རྒྱ་ཆད་མེད་པར་གདལ་བ། འགྱུར་བ་མེད་པར་ལྷུན་གྱིས་གྲུབ་པ། རྟག་པ་རྒྱུན་གྱི་ཁོར་མོ་ཡུག་ཏུ་གནས་པ་དེ་ཉིད་ལ། ཆོས་ཀུན་གྱི་གདོད་མའི་གནས་ལུགས་མ…

ཐམས་ཅད་ན་སངས་རྒྱས་དང་བྱང་ཆུབ་སེམས་དཔའ་ཚད་མེད་གྲངས་ཀྱིས་མི་ཟིན་པ་དང་། སེམས་ཅན་གྱི་རིགས་བསམ་གྱིས་མི་ཁྱབ་བརྗོད་ཀྱིས་མི་ལངས་པ་རྣམས་སྒྱུ་མ་རྨི་ལམ་གྱི་སྣང་བ་བཞིན་མ་འདྲེས་སོ་སོར་སྣང་ཞིང་། ཞིང་ཁམས་དེ་རྣམས་ཀྱི་སངས་རྒྱས་རེ་རེའི་སྐུའི་བ་སྤུའི་ཁུང་བུ་རེ་རེ་དང་། སྐུའི་ཕྱི་ནང་གི་རྡུལ་ཕྲན་རེ་རེའི་ཁྱོན་དང་། ཞིང་གི་…

གྱིས་སོ་སོར་མ་འདྲེས་པར་ས་ལེར་གཟིགས་པའི་ཚེ་ངོ་མཚར་བའི་ལྟད་མོ་ཆེན་པོ་ཡོད་པར་གསུངས་ཏེ། དཔའ་བོ་གཙུག་ལག་ཕྲེང་བས་མཛད་པའི་ཆོས་འབྱུང་མཁས་པའི་དགའ་སྟོན་ལས། ཆོས་ཀུན་རང་བཞིན་གདོད་ནས་རྣམ་དག་ཉིད། །འགག་པ་མེད་པའི་རང་རྩལ་མཐའ་ཡས་ནི། །གནས་སྐབས་དག་དང་མ་དག་སྣ་ཚོགས་པའི། །རྟེན་འབྲེལ་སྣང་བ་སྒྱུ་མ་ཙམ་དུ་འཆར། །ཇི་ལྟར་མེ་ལོང་…