ལོ་བརྒྱ་འདང་པའི་ཟས་ཡོད་ཀྱང་། །འཆི་བའི་ནངས་པར་ཁོག་སྟོང་འགྲོ། །ལོ་བརྒྱ་ཐུབ་པའི་གོས་ཡོད་ཀྱང་། །འཆི་བའི་ནངས་པར་གཅེར་བུར་འགྲོ། །གསེར་དངུལ་གཡུ་བྱུར་བརྒྱ་ཡོད་ཀྱང་། །འཆི་བའི་ནངས་པར་ལག་སྟོང་འགྲོ། །རྟ་མཛོ་གླང་ཆེན་བརྒྱ་ཡོད་ཀྱང་། །འཆི་བའི་ནངས་པར་རྐང་ཐང་འགྲོ། །གཉེན་བཤེས་མཛའ་གྲོགས་བརྒྱ་ཡོད་ཀྱང་། །འཆི་བའི་ནངས་པར་ག…

སོང་། ཕྱི་མར་སོང་ན་བཅོལ་བའི་ནོར་དང་འཕྲད་པ་ལྟར་འཕྲད་ནས་བླངས་ཆོག །དེས་ན་མི་ཡི་སྐྱེ་འཆི་ལ་ཁྲིག་ཁྲིག་མེད་སང་གནང་ལྟ་བུ་ལ་ཡང་རང་མི་འཆི་བའི་ངེས་པ་མེད་ཕྱུག་པོའི་གཅེས་ཕྲུག་ཚོ་གློ་བུར་དུ་ཤི་བར་སོམས་དང་། ཐམས་ཅད་དེའི་རང་བཞིན་ཡིན། ནམ་འཆི་ཆ་མེད་ཤི་དུས་རྒྱུ་ནོམ་པ་ཤུལ་དུ་བསྡུས། ལུས་ན་སྔར་བྱིན་ན་མི་འདོད་པའི་དོན་མེད་…

ཡིས་བརྒྱབ་ནས་ཧོ་རིང་ངེ་གཏོང་། ཧས་བཏབ་ན་གོན་པ་ཁ་ནང་དུ་བརྫངས་ནས་ཁ་སྣ་བཙུམ། འཕག་ན་རྡོ་དང་དབྱུག་པས་བརྡུང་། རྐང་ལག་བཀྱིགས་ནས་གསོད་ལ་བྱས། སྔར་སྡུག་དཀའ་ལས་མྱངས་ནས་བསགས་ཚད་ཐམས་ཅད་དགུང་མ་གཅིག་ལ་ཁྱེར་ནས་སྟོང་ཧང་ངེ་གཏོང་། ངས་དེ་འདྲ་མང་པོ་གོ་ཁྱེད་ཚོས་ཀྱང་ལོས་གོ་མཐོང་ནི་ཡང་ལོས་ཡོད། རྒྱུ་ནོམ་བསགས་ན་ཨེ་བཟང་གི་ཞིབ་…

རྒད་པོ་ལངས་ནས་མདུང་བཟུང་རྒྱུག་པས། ཇག་པ་གཅིག་གིས་ལག་གི་མདུང་འཕྲོག །གཅིག་གིས་ཕྱི་ནས་རྡོ་མི་མགོ་ཙམ་ཞིག་གིས་རྒད་པོའི་རྒྱབ་ཏུ་གཅིག་བརྒྱབ་ནས་ཁ་སྦུབ་ཏུ་བསྒྱེལ། རྒད་པོ་དབང་པོ་ཤོར། རྒན་མོས་རྒད་པོ་བསད་བཏང་ཞེས་ཧས་བཏབ་ཚེ། ཇག་པ་གཅིག་འོངས་ནས་ཁ་ནང་དུ་ལྕི་བ་བཞག་ད་ཧས་ཐོབ་ཟེར་རྒན་མོའི་གཡག་ཚོ་འཆོར་རག་གི་བར་དུ་ཁ་སྣ་བཙུ…

ཡོད་པས་འཚོ་སྐྱོང་མི་ཐུབ་པའི་སྡུག་བསྔལ། མེད་པས་བཙལ་ན་མི་རྙེད་པའི་སྡུག་བསྔལ་གཉིས་ཀ་ཁྱད་པར་སྤུ་ཙམ་མེད། ལྷག་པར་ཕྱུག་པོ་སེར་སྣ་ཅན་འགའ་རེས་གཡོག་པོ་གཡོག་མོ་འཇོག་མི་ཐུབ། ཁོ་རང་ཉི་མའི་གྲངས་ཀྱི་གཡག་རྒན་རེ་ཞོན་པའམ། ཡང་ན་རྐང་ཐང་དུ་བུད་ནས། སྔ་དྲོ་ལུག །ཕྱི་དྲོ་རྟ། ཉིན་གུང་ནོར་གྱི་ཕྱིར་སོང་། ཡུད་ཙམ་པ་ལ་འདུག་དུས་མེ…

བསྐམ། ལྕི་བ་ཕུད། འབུད་རྒྱུ་བཏུས། མེ་བུས། ཇ་སྐོལ། ཐལ་ཕོད། ཕྱུགས་བཏང་། ཚུར་བཏགས། ཅུང་ཟད་ཙམ་ཡང་འདུག་དུས་མེད། སྦྲ་གུར་ཁང་པ་གང་ཡིན་ཡང་སྒོ་ཕྱི་ནང་གཉིས་ཀར་བུད་ནས། ཕུག་རོན་ཁ་ལོ་འཁོར་འཁོར་བྱས་ནས་སྡུག་བསྔལ་མྱོང་། དེ་ལ་བལྟས་ན་མེད་པོ་འགའ་རེའི་བུད་མེད་སོས་དལ་བདེ་བར་བསྡད་པས་སྐྱིད། ཕོ་སྐྱེས་རི་ན་སྡུག་བུད་མེད་ཡུལ་ན…

ཀྱང་འདོན་མི་ཐུབ། དེས་ན་རྒྱུ་ནོམ་པ་ཡོད་ཀྱིན་སྐྱིད་ཇེ་ཆེ་མ་རེད། སྡུག་ཇེ་ཆེ་རེད་སོམས་ལ་མཆོད་སྦྱིན་རེ་གཏོང་ཨེ་ཐུབ་ལྟོས། ཡང་ཚེ་འདིར་ཆོས་མ་བྱས་རྒྱུན་ཏུ་སེར་སྣ་རྐྱང་བྱས་ན་སེར་སྣ་ཅན་གྱི་མི་དེ་གཞན་གྱིས་མཐོང་ན་ཡིད་དུ་མི་འོང་། ཐག་ཉེའི་བསྡད་ན་མི་འདོད། འགའ་རེས་ཀ་ངོ་མི་རིག་གི་ཆུག །རྒྱུ་ནོམ་ཡོད་ནས་ཅི་བྱ། གཡོག་པོ་ག…

སྐོམ་གྱིས་ཉེན་པ་གཅིག་དང་འཕྲད་ཚེ་ཡི་དྭགས་དེས་ཁྱེད་བྱོན་པའི་ལམ་ནས། ཡི་དྭགས་ཆུ་འཚོལ་དུ་སོང་བ་འཕྲད་ན། ཆུ་མྱུར་དུ་ཁྱེར་ཤོག་དང་། མོ་འཆི་ལ་ཁད་ཡོད་ཅེས་ཤོད་སྨྲས་པས། ཡི་དྭགས་ཕོ་ཅི་འདྲ་ཞིག་ཡིན་དྲིས་ཚེ། ཤ་རྩ་སེར་ལ་རིད་པ་ལག་ན་ཤུ་གུ་ཐོགས་པ་ཞིག་ཡིན་ཟེར། ལམ་ནས་ཡི་དྭགས་དེ་ལ་འཕྲད་ནས་གོང་ལྟར་སྨྲས་པས། མོ་མི་དགོས་ཁོས་ཀྱ…

ཡི་དྭགས་མོ་ཤིན་ཏུ་འཇིགས་སུ་རུང་བ། མིག་གཡས་དང་མཆུ་གཡོན་དུ་ཡོ་བ། སྐྲ་གཟེང་བ་མགྲིན་པ་ཕྲ་བ། གསུས་པ་ཆེ་བ་རྐང་ལག་ཕྲ་བས་མི་ཐེག །ཁ་དང་རྐང་ལག་ནས་མེ་འབར་བ། ཚིགས་རྣམས་ནས་མེ་སྟག་འཕྲོ་བ། ཁ་ནས་མི་སྦྱིན་མ་ཆེ། མེད་སོགས་སྒྲ་རྣམ་པ་ལྔ་བརྗོད་ཅིང་ཕྱོགས་ཀུན་ཏུ་རྒྱུག་པ་ཞིག་མཐོང་ནས། བཅོམ་ལྡན་འདས་ལ་ཞུས་པས། དེ་སྔོན་བུད་མེད་ས…

རྣམས་ལ་ཚིག་ངན་སྨྲས་ནས་བརྡུངས། སྲོག་གཅོད་ཀྱི་ལས་རང་གིས་བྱས་གཞན་ལ་བྱེད་དུ་བཅུག་པ་སོགས་མི་དགེ་བ་སྣ་ཚོགས་བྱས་པས། ཤི་མ་ཐག་ཏུ་དམྱལ་བར་ལྷུངས་ནས། བཙོ་སྲེག་ཚ་བའི་སྡུག་བསྔལ་དཔག་མེད་མྱངས་གསུངས། ཡང་རྒྱུ་ནོམ་པ་ཡོད་ན་དེ་ལ་ཞེན་ཆགས་མི་སྐྱེ་བ་མེད། ཞེན་ཆགས་སྐྱེས་ཕྱིན་ཆད་ཕྱི་མར་ལུས་ངན་པ་ལེན། སྔོན་སངས་རྒྱས་ཀྱི་དུས་སུ་ད…

དམྱལ་བར་སྐྱེས་སྡུག་བསྔལ་དཔག་མེད་མྱངས། དཔེར་ན་རང་དགྲ་ལ་སྤྲོད་པའི་ནང་མ་དེ་ཐག་ཉེ་ནས་བཞག་ན། ཐོག་མར་ཕན་འདོགས་པ་ལྟར་བྱས། དེ་ནས་ཉིན་གཅིག་རང་དགྲ་དེ་ལ་སྤྲད་ནས་སྡུག་བསྔལ་ཚད་མེད་མྱོང་དུ་འཇུག་པ་ལྟར། རྒྱུ་ནོམ་པ་བཞག་ན་ཐོག་མར་ཕན་པ་འདྲ་བ་ཞིག་ཡིན། སྐབས་ཤིག་ནས་ཚེ་འདི་ཕྱི་གཉིས་ཀར་སྡུག་བསྔལ་ཁལ་དང་ཁུར་པོ་བྱས་འོང་དུ་འཇུག…

ལེན་དུས་བརྒྱ་སྟོང་འགྱུར་གྱི་འཕེལ་ཆེ་བ་ལྟར། ཕྱུག་པོས་ཆོས་བྱས་ན་ཚེ་འདིར་ཡང་རྒྱུ་ནོམ་ཕར་བཏང་བ་དེ་བས་ཚུར་ལ་འོང་། ས་སྐྱ་པཎ་ཆེན་གྱིས། ཕོངས་པ་སློང་བ་འདུ་བ་བཞིན། །དབུལ་བར་འདོད་པ་དེ་བས་མང་། །གསུངས། རྒྱུ་ནོམ་ཞིག་མཁོ་དུས་གཞན་སུ་ལ་བཤད་ཀྱང་མི་སྟེར་ནི་མེད། སྙན་གྲགས་ཆེ་མི་དེ་ལ་ཀུན་གྱིས་རྩི་བཀུར་ཆེ་ཚིག་ལ་ཉན། ཀུན་གྱ…

པོ་ཉམ་ཐག་ལ་སྦྱིན་པ། བར་ཁྱིམ་མཚེས་གཡས་གཡོན་གཉེན་གཞི་རྩ་ལག་ལ་ཕན་ཐོགས་དང་གཡར་སྐྱི་བྱེད་པ་འདི་ཤིན་ཏུ་གལ་ཆེ། ཡང་ཟང་ཟིང་གི་སྒོ་ནས་ཆོས་བྱེད་འདོད་པའི་མེད་པོ་རྣམས་ཀྱིས་འདི་ལྟར་གྱིས་དང་ཕྱུག་པོར་འགྱུར། རང་ལ་རྒྱུ་ནོམ་ཡོད་པ་ཆུད་ཟོས་སུ་མ་གཏོང་བར་དོ་དམ་གང་དྲག་གྱིས། ཤ་མ་ཉོ། ཆང་ནག་མ་འཐུང་། དུ་བ་མ་འཐེན། ཤྭོ་རྒྱན་མ་བཅ…

དང་དགའ་ནས། ཁྱེད་ཀྱིས་དེ་རིང་བཟང་དྲིན་ཅན་པོ་ཟེར་ཇ་མར་སོགས་སྟེར། ཕྱི་ནས་གཡར་སྐྱི་ཞིག་བྱེད་དགོས་པ་མི་ཚད་སྟེར་དགོས་ཟེར། རྒྱུ་ནོམ་ཞིག་རྙེད་ཀྱང་ཡུལ་དུ་ཁྱེར་ཤོག །ཁབ་བསགས་ནས་འབུག །འབུག་བསགས་ནས་གྲི་བྱེད་ཐུབ་བལྟ་དགོས། ཀློང་རྡོལ་དྲུང་ཡིག་རིན་པོ་ཆེས། ལག་ཏུ་བྱུང་ཚད་ཁ་ལ་ཟ་བ་འདི། །སྙིགས་དུས་སྐྱ་སེར་རྣམས་ཀྱི་ཆོས་ལུ…

རྟ་གང་ཡིན་གྱིས་མི་འདྲོང་། ཟས་ཀྱི་ཚོད་མ་ཟིན་ན་ནད་མང་པོ་འོང་། སྨན་པས་སྨན་སྟེར་དགོས། ཤི་ན་རོ་ཁུར་ན་མི་ཐེག །བྱ་རྒོད་དང་ཁྱི་ཡིས་འཆོས་ན་མི་ཚར་འགའ་རེས་ད་དུང་མ་ཚར་འདུག་ཟེར། ཟས་བཟང་པོ་ཟོས་ནས་སངས་རྒྱས་པ་མེད། ཟ་མ་ཆེན་པོ་མ་ཟོས་ན་ཡོན་ཏན་ཡོད། དཀོར་སྒྲིབ་ཆེན་པོ་མི་འོང་། རྒྱུག་དགོས་དུས་ཤིག་ལ་རྟ་བས་མགྱོགས། འབྲོས་དགོ…

ཁྱིམ་ན་གང་ཡོད་ཀྱིས་ཁེ་ཚོང་བྱས། བུད་མེད་ཀྱིས་སོ་ནམ་ལ་རེམ་པས། དེའི་ཕྱིར་ལོ་ནས་ནོར་རྫས་ཀྱི་གཞི་ཆགས། ལོ་འགའི་འཕྲོ་ནས་ཕྱུག་པོ་ཞིག་ཏུ་སོང་སྐད། ཕྱུག་པོར་གྱུར་ནས་སེར་སྣ་བྱས་ན། དབུལ་དུས་དང་ཁྱད་པར་མེད་པས། མཆོད་སྦྱིན་བྱེད་པ་གལ་ཆེ། ཡང་ཁྱེད་ཚོའི་མེད་པོ་འགའ་རེས། རང་གི་ཁྱིམ་ན་ཡོད་ཚད་གྱིས་ཤ་ཉོས་ནས་ཟོས། ཆང་ཉོས་ནས་འཐ…

ཕྱགས་ཐལ་བས་བཀང་སྦྲའམ་ཁང་བའི་གྲུ་ན་ཁྱིམ་ཕྱགས་རྙིང་བ་ཟ་རྒྱུ་ཡིན་པ་ལྟར་བྱས་ཕུང་ལོག་གེ་བཞག །ཐ་ན་ཆུ་ཆད་ཤིང་ཡང་མེད། མགྲོན་པོ་ཞིག་སླེབས་ན་མི་བསུ། ཁྱིམ་ན་ཆ་བོས་གོང་འགབ་བྱས། བསྡིགས་རེ་བརྡུང་རེའི་སྣ་ནས་བསྡད། རྒད་པོས་རྒན་མོར་སྡང་མིག་བལྟས། རྒན་མོས་རྒན་པོ་ཁོག་ནས་སྙིང་ཁྱིས་བཏང་། མཆུ་གཅུ་སྣ་གཉེར་ལྐོག་ཤུབ་མང་། བུ་ཡ…

ཕར་ཞོག །ཁྱི་ཡང་མི་འགོག་པར་བཏང་བཞག །ཁ་ཐུར་དུ་འགྲོ་རྒྱུ་ཚང་། ཕྱིན་ཆད་ཚོ་འདིར་འོང་ན་ཁ་ནང་དུ་ཐལ་ཡང་མ་རྒྱག་ཟེར། ཡང་འགའ་རེས་གཅིག་རྙེད་ན་དེ་མ་ཐག་ཁ་ཞིམ་བྱས་གོན་པ་ཞིག་བཟོས་ནས་གོན་གཏོང་བ་འདི་མེད་པོ་ཞིག་གི་བྱ་བ་ཡིན། ཕྱུག་པོ་ཞིག་གི་བཅའ་ཚུལ་མིན། མེད་པོ་ཟ་དགའ་ན་ཟ་ཡུན་ཐུང་། ཕྱུག་པོ་སེར་སྣ་ཆེ་ན་རང་མཆུ་བཅིངས། ཟེར་བས…

མ་བྱུང་ཡང་སྟོང་ཧང་ངེ་སོང་ལོག་དོམ་ལེན་པ་མང་། འགའ་རེས་དེའི་ཚོད་མིན་དེ་ལ་ཅི་བྱུང་ཟེར། དེས་ན་ཆོས་སྒྲུབ་ཤེས་དགོས་པ་ཕར་ཞོག །འཇིག་རྟེན་འདིའི་ཁ་གསོ་ཚུལ་ཡང་ཤེས་དགོས། ཁྱིམ་ཚང་ཡ་རབས་ཚང་ལ་ལྟོས། རྒན་པ་བློ་ལྡན་བསམ་དཀར་ལ་དྲི་བ་གྱིས་དང་ལོ་རེ་བཞིན་ཇེ་བཟང་ཇེ་བཟང་དུ་སོང་། ལོ་འགའི་འཕྲོ་ནས་ཕྱུག་པོར་བྱུང་ནས། ཆོས་བཅའ་ཞོར་…

ཐམས་ཅད་གསལ་བར་བྱུང་། འབྲས་བུ་ཐོབ་པའི་སྨོན་ལམ་བཏབ་པས་དགྲ་བཅོམ་པར་གྱུར། སྔོན་རྒྱན་པ་རྒྱལ་བ་ཞེས་བྱ་བ་ཤིན་ཏུ་དབུལ་ཞིང་ཕོངས་པ་ཞིག་གིས་ཆོས་སྨྲ་བ་ཞིག་ལ། རང་གི་སྟོད་གཡོགས་སྨད་གཡོགས་གཉིས། གདུགས་གཅིག་ལྷམ་གཅིག་མགྲོན་བུ་སྤར་གང་ཕུལ་བས། ཁྱིམ་དུ་སླེབ་པ་ན་ཁྲོན་པའི་ནང་ནས་གསེར་བུམ་པ་བདུན་བྱུང་། ཡུལ་དེའི་རྒྱལ་པོ་ཐོབ། …