ཡིན་པ་དེ་ནི་ལྷག་མཐོང་ཡིན། གསུངས། ལུང་གཞན་ལས། བླ་མ་དམ་པས་དཔྱད་པ་མེད། །གསུངས། བིརྺ་པས། སངས་རྒྱས་མཆོད་སོགས་རྣམས་ལ་དོན་མི་འབྱུང་། །འདོད་དང་རྩོལ་བ་ཡོད་ན་འཚང་མི་རྒྱ། །ཞེས་དང་། དཀོན་མཆོག་བརྩེགས་པ་ལས། ཆོས་རྣམས་ཐམས་ཅད་རྐྱེན་བཞིན་དུ། །འདུན་པའི་རྩེ་ལ་རབ་ཏུ་གནས། །གང་གིས་སྨོན་ལམ་ཅི་བཏབ་པ། །དེ་འདྲའི་འབྲས་བུ་སྨིན་…

ཆེས། ཉེ་དུ་བདུན་རྒྱུད་ཚུན་ཆད་ལ་མི་ཚངས་པ་སྤྱོད་མི་རུང་། སྤྱད་ན་ངན་འགྲོར་ལྟུང་གསུངས། གསང་འདུས་རྒྱུད་ལས། རྡོ་རྗེ་གསང་ཆེན་འདི་ལྟ་བུའི། །སེམས་ཅན་ཐམས་ཅད་བསད་ན་ནི། །མི་བསྐྱོད་སངས་རྒྱས་ཞིང་དག་ཏུ། །རྒྱལ་བའི་སྲས་སུ་སྐྱེ་བར་འགྱུར། །ཞེས་དང་། མདོ་ལས། སྡིག་པ་ཆུང་ངུ་བྱས་པས་ཀྱང་། །འཇིག་རྟེན་ཕ་རོལ་འཇིགས་ཆེན་དང་། །ཕུ…

བྱ་བའི་ཁྱིམ་ན་གནས་པ་དེས། །ནམ་ཡང་བླ་མེད་བྱང་ཆུབ་མཆོག་མི་འཐོབ། །ཅེས་དང་། བརྟག་གཉིས་ལས། འཁོར་བ་གཞན་དུ་སྤངས་ནས་ནི། །མྱ་ངན་འདས་པ་རྟོགས་མི་འགྱུར། །ཞེས་གསུངས། གསང་བ་སྡོམ་པ་གསུམ་བསྟན་པའི་མདོ་ལས། འོད་སྲུངས་གང་བླ་ན་མེད་པའི་བྱང་ཆུབ་དོན་དུ་གཉེར་བ་དེ་ལ་ནི། བྱང་ཆུབ་ཀྱིས་ཅི་ཞིག་བྱ་སྟེ། དེ་དག་ནི་མཐོ་རིས་ཀྱི་བདེ་བ་ད…

མཆོག་གིས་ཞུས་པ་ལས། བདག་གིས་སྔོན་ཆད་ཁྱེད་རྣམས་ཐམས་ཅད་བསད། །བདག་ཀྱང་ཁྱེད་ཀྱིས་སྔོན་ཆད་གཤག་ཅིང་གཏུབས། །ཀུན་ཀྱང་ཕན་ཚུན་དགྲ་དང་གསོད་པ་ཡིན། ཁྱེད་ཆགས་ཇི་ལྟར་འདོད་ཆགས་སེམས་ཀྱང་སྐྱེ། །ཞེས་དང་། སྐུ་གསུམ་དོན་ཐིག་ལས། འགྲོ་བ་དྲུག་གི་སེམས་ཅན་ཐམས་ཅད་ནི། །བདག་གི་ཕ་མར་མ་གྱུར་གཅིག་ཀྱང་མེད། །ཕ་མ་འདི་དག་འཁོར་འཁྱམས་སྙིང…

ཡིན་ཏེ། །རང་སངས་རྒྱས་ཀྱི་ས་རྣམས་དང་། །ཉན་ཐོས་ས་ཡི་གེགས་ཕྱེད་དོ། །ཞེས་དང་། ཕར་ཕྱིན་བསྡུས་པ་ལས། འཇིག་རྟེན་དོན་སྒྲུབ་ཚུལ་ལ་མཐུ་མེད་པས། །ཐེག་པ་གཉིས་པོ་གཏན་དུ་སྤངས་བྱས་ཤིང་། །ཐུབ་རྒྱལ་ཐེག་པ་སྙིང་རྗེ་བསྟན་པ་ལ། །གཞན་ཕན་རོ་གཅིག་རང་བཞིན་དེ་དག་འཇུག །གསུངས། རྗེ་རིན་པོ་ཆེས། དལ་བའི་རྟེན་འདི་ཡིད་བཞིན་ནོར་ལས་ལྷག །…

དཀའ་ཐུབ་སྡོམ་པ་དེ་ཉམས་ཏེ། །བརྟུལ་ཞུགས་ཅན་དེ་ཕམ་པ་ཡི། །ལྟུང་བ་དག་ནི་འབྱུང་འགྱུར་ཞིང་། །དེ་ནི་ངན་སོང་དེ་ལྟུང་བས། །གྲུབ་པ་ནམ་ཡང་ཡོད་མ་ཡིན། །ཞེས་དང་། བླ་མ་ཞང་གིས། གསང་ཆེན་བླ་ན་མེད་པ་ཡི། །དཀྱིལ་འཁོར་ཆོ་ག་ཐམས་ཅད་ལས། །དང་པོ་སོ་སོ་ཐར་པ་དང་། །ཐེག་ཆེན་སྡོམ་པ་གཉིས་བྱིན་པས། །དེ་མ་ཐག་ཏུ་བུམ་པའི་དབང་། །དེ་རྗེས་གས…

མུག་དང་། །ང་རྒྱལ་ཕྲག་དོག་ཉོན་མོངས་མ་ལུས་པ། །སློང་བའི་རྒྱུ་ཀུན་འདི་ལ་ཚང་བས་ན། །དེ་ཕྱིར་ཆང་ནག་མ་འཐུངས་ཞལ་གདམས་ཡིན། །ཞེས་སོགས་ཉེས་དམིགས་ཆེ་ཚུལ་གྱི་ཞལ་གདམས་གསུངས། ཀུན་མཁྱེན་ཀློང་ཆེན་རབ་འབྱམས་པས། ཆང་གི་མེས་པོ་དྲུག་པ་རྡོ་རྗེ་འཆང་། །བླ་མ་ཡི་དམ་མཁའ་འགྲོའི་ཚོགས་རྣམས་མཆོད། །སྐལ་བཟང་རྣམས་ཀྱི་བཏུང་བའི་མཆོག་གྱུར…

བགེགས་སྒྲོལ་བ་སྔགས་ཀྱི་དམ་ཚིག་ཡིན། །གསུངས། ཁ་རག་སྒོམ་ཆུང་པས། ཤེས་པ་འཕྱོ་ལ་ལུས་ལ་གནོད། །མཁས་བཙུན་རྣམས་ཀྱིས་སྨད་པའི་གནས། །ཉེས་པ་ཐམས་ཅད་འབྱུང་བའི་རྒྱུ། །ཆང་དང་བུད་མེད་སྤོངས་ཤིག་ཨང་། །གསུངས། རྗེ་མི་ལས། བསྙེན་སྒྲུབ་ཚད་དུ་འཁྱོལ་ནས་ཀྱང་། །སྙིང་རྗེ་ཆེན་པོས་ཀུན་བསླངས་ནས། །ཡི་དམ་གསལ་བའི་ཏིང་འཛིན་གྱིས། །བསྟན་པ…

ཤེས་འགྱུར་ཞེས། །ཕན་ཡོན་གཞན་དང་གཞན་དག་ཀྱང་། །དཔག་ཏུ་མེད་པ་མདོ་རྒྱུད་དང་། །བསྟན་བཅོས་ཀུན་ལས་གསལ་བར་བཤད། །ཅེས་དང་། ཅི་ཡང་མི་རྟོག་ཏིང་འཛིན་ལ། །མདོ་རྒྱུད་ཀུན་ནས་རབ་བསྔགས་ཤིང་། །གངས་ཅན་ཁྲོད་ཀྱི་སྒྲུབ་བརྒྱུད་ཀྱི། །བཤེས་གཉེན་ཀུན་གྱིས་མགྲིན་གཅིག་ཏུ། །བསྟོད་ཅིང་ཉམས་སུ་བླང་བའི་ཕྱིར། །འདི་ལ་འབད་པ་སྐྱེད་ཅིག་ཅེས།…

དེ་མཛད་པ་པོ་འདིའི་ཡང་མཛད་པ་པོའོ། །གསུངས། མཇུག་ན། འདི་ནི་མང་དུ་ཐོས་པའི་དགེ་སློང་སྤོང་བ་པ་ཤར་ཙོང་ཁ་བ་བློ་བཟང་གྲགས་པའི་དཔལ་གྱིས་རི་བོ་དགེ་ལྡན་དུ་སྦྱར་བའོ། །གསུངས། ཇོ་བོ་རྗེས། ཚེ་འདི་ཡུན་ཐུང་ཤེས་བྱའི་རྣམ་པ་མང་། །ཚེ་ཡི་ཚད་ཀྱང་ཅི་ཙམ་མི་ཤེས་པས། །ངང་པས་ཆུ་ལས་འོ་མ་ལེན་པ་ལྟར། །རང་གི་འདོད་པ་དང་དུ་བླང་བར་བགྱི། …

གཉེར་བྱེད་པ་ཕངས། །གདམས་ངག་སྣོད་བཟང་ལྡུག་རྒྱུ་ལ། །སྐལ་མེད་རྣམས་ལ་སྟེར་བ་ཕངས། །ཞེས་དང་། ས་སྐྱ་པཎ་ཆེན་གྱིས། བསྒོམ་ན་ཐོས་པ་མི་དགོས་ཞེས། །བླུན་པོ་བློ་རྒྱ་ཆུང་རྣམས་སྨྲ། །ཐོས་པ་མེད་པར་སྒོམ་པ་དེ། །འབད་ཀྱང་དུད་འགྲོའི་སྒྲུབ་ཐབས་ཡིན། །གསུངས། ཁ་རག་སྒོམ་ཆུང་པས། ཚེ་ལ་ལོང་མེད་ཐ་སྙད་ཐུག་པ་མེད། །དེ་བས་དམ་པའི་དགོངས་པ…

པོ་བླ་མའི་རྒྱན། །གསུངས། སྤྱན་སྔ་བས། སློབ་མ་གཅིག་ཡོད་སྡུག་བསྔལ་དུ་མ་ཡོད། །སློབ་མ་བརྒྱ་ཡོད་སྡུག་བསྔལ་བརྒྱ་ཕྲག་ཡོད། །གསུངས། མདོ་ལས། བཟོད་པ་དཀའ་ཐུབ་དམ་པ་ནི་བཟོད་པ། མྱ་ངན་འདས་པ་མཆོག་ཅེས་སངས་རྒྱས་གསུངས། །གསང་འདུས་ལས། དཀའ་ཐུབ་སྡོམ་པ་མི་ཟད་པ། །བསྟེན་ཀྱང་འགྲུབ་པར་མི་འགྱུར་རོ། །གསུངས། སྤྱན་སྔ་པ་རིན་པོ་ཆེས། ཇ་…

གསུངས། སྔོན་ཇོ་བོ་བོད་ལ་ཕེབས་དུས་ཇ་དྲངས་པ་ཐུགས་མཉེས། ཇ་འདི་འཐུང་ན་སྨྲ་ལྕེ་བདེ་ཞིང་། ཕུང་པོ་ལ་ཕན་པ་དང་། རིག་པ་དྭངས་པ་སོགས་ཡོན་ཏན་མང་པོ་སྣང་གསུངས་བསྔགས་པ་བརྗོད་སྐད། སྤྱན་སྔ་བས། ཇ་ཡིས་ནད་སྣ་དུ་མ་བསྐྱེད་ཚུལ་སོགས་ཉེས་པ་དུ་མ་ཡོད་ཚུལ་གྱི་གཏམ་སྨྱོ་ཆུ་སུན་འབྱིན་གསུངས། བཀའ་གདམས་གསུང་སྒྲོས་ཐོར་བུ་ལས། གཅིག་པུར་…

ཡུམ་ཆེན་མོ་ལས། སངས་རྒྱས་རྗེས་སུ་དྲན་པ་ནི་དྲན་པ་མེད་པ་དང་། ཡིད་ལ་བྱེད་པ་མེད་པའོ། །གསུངས། གཞུང་གཞན་ལས། སངས་རྒྱས་རྗེས་སུ་མི་དྲན། ཡིད་ལ་མི་བྱེད་ན། རྗེས་དྲན་ག་ལ་ཡིན་གསུངས། དཀོན་མཆོག་བརྩེགས་པ་ལས། སངས་རྒྱས་ཀྱི་འདུ་ཤེས་མེད། ཆོས་ཀྱི་འདུ་ཤེས་མེད། དགེ་འདུན་གྱི་འདུ་ཤེས་མེད། ཡང་དག་པའི་མཆོད་པའོ། །གསུངས། གཞུང་གཞན་…

བཤད། །གསུངས། གཞུང་གཞན་ནས། དམ་ཚིག་བསྲུང་རྒྱུ་མེད་ན། དམ་ཚིག་ཀུན་གྱི་རྩེ་མོར་ཕར་ཞོག །ཐ་མ་ཡང་མིན་གསུངས། མ་གཅིག་གིས། བྱས་པས་ཕུང་། བསྒོམས་པས་གོལ། བསམས་པས་བརླག །སྐྱུར་ལ་ཐོངས། གློད་ལ་ཞོག །ཡན་པར་ཞོག །སངས་རྒྱས་འཐོབ། བྱང་ཆུབ་འགྲུབ། གསུངས། ལུང་གཞན་ལས། ཐོས་བསམ་སྒོམ་བྱས་ན། བྱང་ཆུབ་འཐོབ། བཞག་པས་མི་འཐོབ་པར་གསུངས། ས…

སྤྱན་སྔ་བས། དགེ་བཤེས་སམ། སྒོམ་ཆེན་པ་སུ་ཡིན་ཡང་ཡོན་ཏན་ཅུང་དྲགས་ཏུ་སོང་བ་ན་ཆོས་བཤད་བྱེད་འདོད་འདིས་བརླག་ཏུ་བཅུག་གསུངས། གཞུང་གཞན་ལས། ཆོས་བཤད་བྱས་ན་མི་བརླག་པར་མ་ཟད་ཡོན་ཏན་མཐའ་ཡས་པ་བསྐྱེད་གསུངས། དེ་འདྲ་ཕར་བལྟས་ན་འགལ་བ་ལྟར་སྣང་བ། རྒྱལ་བའི་གསུང་རབ་ན་བརྒྱ་དགོས་ན་སྟོང་ཡོད། འདིར་མང་དུ་དོགས་ནས་དེ་ཙམ་ལས་མ་བྲིས། …

པས་འཁོར་བ་ཐོག་མ་ཞིག་བཞག་པས་གདུལ་བྱར་མ་ཕན་ཀྱང་ཡེ་མི་གནོད་པས་ཉེན་ཆུང་། ལར་འཁོར་བ་ཐོག་མ་ཡོད་མེད་དེ་ཀུན་མཁྱེན་མ་གཏོགས་ང་འདྲས་ཐག་བཅད་ནས་བཤད་པར་མི་རིགས་མོད། འོན་ཀྱང་འཁོར་བ་ཐ་མ་ཡོད་ན་ཐོག་མ་ཞིག་ཀྱང་ཡོད་ཅེས་བཤད་ཀྱང་མི་ཆོག་རྒྱུ་མེད་ལ། གལ་ཏེ་ཐོག་མ་མེད་རུང་གདུལ་བྱ་ལ་ཕན་པའི་དགོས་པ་ཆེ་ན་ཐོག་མ་ཞིག་ཡོད་ཅེས་གསུངས་སྲ…

ཐབས་མཁས་རྒྱལ་དང་རྒྱལ་སྲས་བྱང་ཆུབ་སེམས་དཔའ་རྣམས་ཀྱིས། གནམ་ས་ཐུག་མེད་རུང་། ཐུག་འདུག་ཟེར་བ་ལྟར། འཁོར་བ་ཐོག་མ་མེད་རུང་། ཐོག་མའི་གཞི་འདི་འདྲ་ཡིན་ཞེས་ཐོག་མ་ཞིག་བཞག །ཅི་འདྲ་ཞིག་རེད་བལྟ་རུ་འགྲོ་ཟེར་བ་ལྟར། ད་ལམ་འདི་ལྟར་ཉམས་སུ་ལེན་དགོས་གསུངས་ན། བྱིས་པས་བདེན་ཁི་སྙམ་ནས་ལམ་དུ་ཞུགས་ནས་མགྱོགས་པོར་འགྲོ་བ་ལྟར། གདུལ་…

ཕྱིར་རོ། །དེ་འགལ་ན་བསྐལ་པ་དཔག་ཏུ་མེད་པ་ལ་སྔོན་བཞག་པ། བསྐལ་ཆེན་གྲངས་མེད་གསུམ་བཞག་པ། ནམ་མཁའ་མཐའ་མེད་པ་ལ་མཐའ་བཞག་པ་ཡང་འགལ་བར་འགྱུར་རོ། །ད་བན་རྒན་ངའི་བསམ་པ་ཡིན་ན། འཁོར་བ་ཐོག་མ་ཡོད་དང་མེད་ཅེས་གསུངས་པས་ལམ་གང་ཉམས་སུ་བླངས་ཀྱང་འཁོར་བ་མཐའ་ཅན་བྱེད་ནུས་ན། དོན་གྱི་དགོངས་པ་ཕྱོགས་གཅིག་ཏུ་བབ་འདུག་པས་འགལ་བ་སྤུ་ཙམ་ཡང…

འདྲའི་མི་མཐུན་པ་ཅུང་ཟད་རེ་མཐོང་ཚེ་དགོངས་པ་མ་ལོན་པར་ཚ་གྲང་ལྟར་འགལ་བར་འཛིན་པ་རང་གི་བློ་གྲོས་ཀྱི་མཐུ་ཆུང་བ་དང་། མཐུ་ཆེ་ཡང་ཞིབ་ཏུ་དཔྱོད་མ་ནུས་པར་རྟོག་པ་རྩིང་བ་ཡིན་ཏེ། རྗེ་རིན་པོ་ཆེས། གནང་བཀག་མི་འདྲ་བའི་ཆ་ཐན་ཐུན་རེ་མཐོང་ནས་ཚ་གྲང་ལྟར་ཐམས་ཅད་དུ་འགལ་བར་འཛིན་པ་ནི། རྟོག་པ་ཤིན་ཏུ་རྩིང་བར་གསལ་ལོ། །གསུངས། ཡང་འགའ…