འདི་ནི་མདོ་ལུགས་ནས་བཤད་པའི་ས་དངོས་མིན་ཀྱང་། དེའི་དོད་ཐུབ་ཅིག་ཏུ་འདོད་དེ། བླ་མ་ཞང་གིས། ཕྱག་རྒྱ་ཆེན་པོ་གཅིག་ཆོད་མ། །པ་ན་སེ་ཡི་འབྲས་བུ་བཞིན། །རྒྱུ་དང་འབྲས་བུ་དུས་མཚུངས་པས། །རྨོངས་པ་ས་ལམ་བརྩི་བ་འཁྲུལ། །འོན་ཀྱང་རྨོངས་པ་དགའ་བའི་ཕྱིར། །མཚན་ཉིད་ཐེག་པའི་ས་ལམ་རྣམས། །འདིར་ཡང་དོད་པོ་བརྩི་བར་བྱ། །ཞེས་ས་བཅུ་ལམ་ལྔ…

བརྟེན་ནས་གཏན་ལ་ཕབ་ནས། ངོ་སྤྲད་པ་ལ་དགོས་པ་ཤིན་ཏུ་ཆེའོ། ཁྱོད་ཀྱི་གཏམ་དེ་གསེར་མཐོང་ཡང་ངོ་མ་ཤེས་པའམ། ཤེས་ཀྱང་ཐེ་ཚོམ་ཅན་ལ་གཞན་གྱིས་གསེར་རེད་ཅེས་བཤད་པ་དགོས་པ་མེད་སྨྲས་པ་དང་ཁྱད་པར་ཅི་ཡང་མེད་པས་སྔར་བས་ཀྱང་བཞད་གད་ཆེ་ལ། དཔེར་ན་ཉི་མ་དང་འོད་ཟེར་དུས་གཅིག་ཏུ་འབྱུང་བ་བཞིན། རྟོགས་གྲོལ་དུས་གཅིག་ཏུ་འབྱུང་བའང་ཡོད་སྲིད…

འཕགས་པ་དངོས་ཡིན་མ་བརྙས་ཤིག །མ་འོངས་པ་ན་རྒྱལ་བ་བྱམས་པར་འགྱུར་བ་ལུང་བསྟན་པ་མདོ་ཞིག་ན་གསུངས་ཡོད་པ་མཁས་གྲུབ་རཱ་ག་ཨ་སྱེས་མཛད་པའི་རི་ཆོས་ན་ཡོད་སྐད། དཔེར་ན་ཉི་མ་ཤར་མ་ཐག་ནས་གངས་རིའི་འཁྱག་པ་ཞུ། ས་ཆུ་དྲོས་ནས་ཆུ་རྒྱུན་དང་རྩི་ཤིང་མེ་ཏོག་སོགས་དུས་གཅིག་ཏུ་མ་བྱུང་ཡང་ཉི་མ་ཤར་ཞེས་ཟེར་དགོས་པ་ལྟར། གདུལ་བྱ་འགའ་ཞིག་གིས།…

ཡིན་རུང་། དེ་གཉིས་ཀའི་ལམ་དུས་ཚོགས་གཉིས་གང་ལ་ཡང་བརྩོན་དགོས་པས་ལམ་དུས་སུ་ཡང་གཅིག །མཐར་ཐུག་འབྲས་བུ་སྐུ་གཉིས་འཐོབ་དགོས་པས་འབྲས་བུ་ཡང་གཅིག་པས། དོན་གྱིས་འགལ་བ་མི་སྣང་། ཚིག་གི་ངོས་ནས་རྒྱལ་བ་རྣམས་ཐབས་མཁས་ལ་ཐུག་རྗེ་ཆེ་བའི་གདུལ་བྱ་རྣམས་ལ་ངེས་དོན་གསུངས་པའི་སྐབས་སུ། ཤེར་སྙིང་ལས། ལམ་མེད་ཡེ་ཤེས་མེད། ཐོབ་པ་མེད་མ་ཐ…

ས་ལམ་དང་སངས་རྒྱས་ཐོབ་པ་འདྲ་བ་གསུངས། འདི་ལྟར་རྒྱུ་ཕ་རོལ་ཏུ་ཕྱིན་པའི་ཐེག་པ་དང་། འབྲས་བུ་རྡོ་རྗེ་ཐེག་པའི་སྐབས་རྣམས་སུ་བཞེད་སྲོལ་མི་འདྲ་བ་མཐའ་ཡས། བློ་གྲོས་ཅན་རྣམས་ཀྱིས་ཚིག་གི་འགལ་འབྲེལ་མ་བརྩི་བར། དོན་གྱི་འགལ་མི་འགལ་བརྩི་དགོས། དེས་ན་དེ་འདྲའི་གསུང་གི་དགོངས་དོན་འཚོལ་བ་ལ་འབོད། ཚིག་གི་ངོས་ནས་མདོ་སྔགས་གཉིས་མི…

བསྒྲུབས་ན་ཀུན་གྱིས་ཐམས་ཅད་མཁྱེན་པའི་གོ་འཕང་འཐོབ་པས་དོན་གྱིས་སངས་རྒྱས་སྒྲུབ་པའི་ཐབས་སུ་མཐུན་པས། དེས་ན་ཚིག་གི་ཆ་ཐན་ཐུན་རེ་མ་མཐུན་ཚེ། དུག་དང་བདུད་རྩི་ལྟར་འགལ་བར་བཟུང་ནས་གཞན་ལ་ཁ་གཏོང་མི་རུང་། སེམས་ཉིད་རང་བཞིན་གྱི་འོད་གསལ་བ་སྟོང་པ་དེ་ཉིད་ཡེ་ནས་སངས་རྒྱས་ཡིན་ཞེས། ཕྱིས་དེང་སང་གི་ཕྱག་རྫོགས་པ་བླུན་པོ་ཆ་བོས་གྲ…

བླ་ན་མེད་པ་ཡང་དག་པར་རྫོགས་པའི་བྱང་ཆུབ་བོ། །ཞེས་དང་། རྒྱུད་ལས། སེམས་ཅན་རྣམས་ནི་སངས་རྒྱས་ཉིད་དེ་སངས་རྒྱས་ཆེན་པོ་གཞན་ནི་འཇིག་རྟེན་ཁམས་ན་ཡོད་མ་ཡིན། །ཞེས་དང་། རྒྱུད་གཞན་ལས་ཀྱང་། འཇིག་རྟེན་ཁམས་ནི་གང་དུ་ཡང་། །སངས་རྒྱས་གཞན་ནས་རྙེད་མི་འགྱུར། །སེམས་འདི་རྫོགས་པའི་སངས་རྒྱས་ཉིད། །སངས་རྒྱས་གཞན་ནས་བཙལ་དུ་མེད། །ཅེས…

རྟོགས་སོ། །གསུངས། རྗེ་བཙུན་མི་ལ་རས་པའི་ཞལ་ནས། འོ་སྐོལ་སེམས་ཅན་རྣམས་ཀྱི་སེམས་འོད་གསལ་སྟོང་པ། འཁོར་འདས་ཀྱི་སྐྱོན་ཡོན་གང་གིས་ཀྱང་མ་གོས་པ་འདི་ལ། ཀུན་གཞིའི་སངས་རྒྱས་ཞེས་ཀྱང་བྱ། བདེ་གཤེགས་སྙིང་པོ་ཞེས་ཀྱང་བྱ། འདི་རང་ངོ་རང་གིས་མ་ཤེས་མ་རིག་པ་ལ། གློ་བུར་གྱི་དྲི་མ་དང་། ཉོན་མོངས་པ་དང་སེམས་ཅན་དུ་མིང་བཏགས་ནས། འཁོ…

ངོ་བོ་ཀུན་ཏུ་བཟང་། །གསུངས། དེས་ན་འདི་འདྲའི་རྒྱལ་བའི་གསུངས། དེང་སང་གི་མཁས་པའི་མདུན་སར་སོང་ནས་སྙན་དུ་ཞུ་བར་མི་རིགས་ན། མཁས་པ་དེ་ཆོས་ཐམས་ཅད་ཀྱི་ཕ་རོལ་ཏུ་སོན་ངེས་པས་ད་སྣ་བརྡལ་ནས་ཕར་ནང་ཚོའི་གཡང་ས་རེར་ལྷུང་འགྲོ་བའི་དོགས་ཟོན་དགོས་ཏེ། བླ་མ་ཞང་རིན་པོ་ཆེས། མདུན་གྱི་ཁྱི་ལ་འཇིགས་འཇིགས་ནས་རྒྱབ་ཀྱི་གཡང་དུ་ལྷུང་གིས…

སེམས་ཀྱི་སྣང་ཆ་ཡིན་ན། ཁྱོད་ཀྱི་ཚེ་འདིའི་སྣང་བ་ནུབ་ཚེ་གཞན་གྱི་སྣང་བ་ཐམས་ཅད་འགག་དགོས་པ་དང་། འཁོར་འདས་ཀྱི་བདེ་སྡུག་ཀུན་སེམས་ཀྱིས་མྱོང་དགོས། དེ་ཐམས་ཅད་མཁྱེན་ཡང་དགོས་ཏེ་སེམས་ཀྱི་ཆོ་འཕྲུལ་ཡིན་པའི་ཕྱིར་རོ་ཟེར་ན། འོ་ད་དཔེར་ན་ཕྱོགས་བཅུའི་ནམ་མཁའ་ལ་ཐ་དད་བཟང་ངན་མེད་པར་འདྲེས་ནས། དུས་གསུམ་འཕོ་འགྱུར་མེད་པར་ཁྱབ་གདལ…

སྨུག་ནག་ཆུ་འཛིན། གཡུ་འབྲུག་སྔོན་མོ། གློག་དམར་འཁྱུག་པ། ཆར་དང་སེར་དྲག་སོགས་གང་ཡིན་ཡང་ནམ་མཁའ་ལས་བྱུང་། བར་དུ་ནམ་མཁའ་ལ་གནས། མཐར་ཐིམ་ཡང་ནམ་མཁའ་ལ་ཐིམ་པ་ལྟར། ཆོས་ཐམས་ཅད་ཀྱི་གནས་ལུགས་སྟོང་པ་སྐྱེ་མེད་ཆོས་དབྱིངས་ཆེན་པོ་ལས། ཡང་དག་པར་རྫོགས་པའི་སངས་རྒྱས་ཀྱི་སྣང་ངོར་དག་པའི་སྣང་བ་སྐུ་དང་ཡེ་ཤེས་ཚད་མེད། མ་རིག་འཁྲུལ་…

ཆུ་གཅིག་པུ་ལ་ཡང་། མི་ཡི་སྣང་ངོར་ཆུ། དམྱལ་བས་མེ། ཡི་དྭགས་ལ་རྣག་ཁྲག །ལྷ་ལ་བདུད་རྩི། དུད་འགྲོ་འགའ་རེས་གནས་ཁང་སོགས་སྣང་བ་འཆར་ལ། མི་གཅིག་ལ། ལ་ལས་ཕ། ལ་ལས་ཕུ་བོ། ལ་ལས་ནུ་བོ། ལ་ལས་མིང་པོ། ལ་ལས་ཞང་པོ། ལ་ལས་གཉེན་དང་། ལ་ལས་དགྲ་སོགས་སུ་མཐོང་། དེ་དག་གི་གཅིག་གི་མཐོང་སྣང་འགག་ཚེ། གཞན་འགག་མི་དགོས་པ་དང་མཚུངས་སོ། །ལས་…

ལག་མཐིལ་དུ་སྐྱུ་རུ་ར་རློན་པ་བཞག་པ་ལྟར་ས་ལེར་མཁྱེན་པ་ཆོས་ཉིད་ཡིན། དེས་ན་ཀུན་མཁྱེན་ཞེས་བྱའོ། །སྣང་གྲག་གི་ཆོས་ཐམས་ཅད་སྒྱུ་མ་རྨི་ལམ་ལྟར་རང་བཞིན་གྱིས་མ་གྲུབ་བཞིན་དུ་སེམས་ཉིད་སྟོང་པ་ཆོས་ཀྱི་དབྱིངས་ལས་བྱུང་ཞེས་རྒྱལ་བ་སྲས་བཅས་ཐམས་ཅད་ཀྱིས་གསུངས་ཏེ། འགྲོ་མགོན་འཕགས་མཆོག་སློབ་དཔོན་ཀླུ་སྒྲུབ་ཀྱི་ཞལ་ནས། འདིར་ནི་ག…

གསུངས། །ཞེས་དང་། གཟུགས་ལ་སོགས་པ་ལྔ་དང་དེ་བཞིན་སྐྱེ་མཆེད་བཅུ་གཉིས་དང་། །བཅོ་བརྒྱད་ཅེས་བཤད་ཁམས་ནི་གང་ཡིན་དེ་རྣམས་དང་། །ཤེས་པ་ལྔ་དང་འགྲོ་བ་མ་ལུས་པ། །ཐམས་ཅད་རང་གི་སེམས་ཉིད་ཡིན་གྱི་གཞན་མ་ཡིན། །གང་ཡང་རི་བརྒྱད་དང་ནི་རྒྱ་མཚོ་བརྒྱད་རྣམས་དང་། །གླིང་ལ་སོགས་དང་དམྱལ་བ་ལ་སོགས་པར་དབྱེ་བ། །གང་ཡང་བརྟན་དང་གཡོ་བ་ཉིད་ད…

གཅེར་མཐོང་ལས། སེམས་ལས་མ་གཏོག་སྣང་བ་གང་ཡང་མེད། །སེམས་ཉིད་མ་འགག་སྣང་བ་གང་ཡང་འཆར། ཤར་ཡང་མཚོ་ཡི་ཆུ་དང་ཆུ་རླབས་བཞིན། །གཉིས་སུ་མེད་དེ་སེམས་ཉིད་ངང་དུ་གཅིག །ཅེས་དང་། གུར་ལས། རིན་ཆེན་སེམས་ལས་ཕྱིར་གྱུར་པའི། །སངས་རྒྱས་མེད་ཅིང་སེམས་ཅན་མེད། །ཅེས་དང་། དགོངས་པ་འདུས་པ་ལས། ཆོས་ཐམས་ཅད་ནི་སེམས་ལ་གནས་སོ། །སེམས་ནི་ནམ་མཁ…

འདས་རྩ་བ་རང་གི་སེམས་ལ་ཐུག །སེམས་ལ་དངོས་པོ་མེད་དོ་དིང་རི་བ། །ཞེས་དང་། རྒྱུད་ལས། ཡུལ་དང་དབང་པོའི་རང་བཞིན་ནི། །སེམས་ལས་ཕྱི་རོལ་འགྱུར་མེད་ཀྱང་། །གཟུགས་སོགས་སོ་སོར་སྣང་བ་རྣམས། །སེམས་ཉིད་ཁོ་ན་སྣང་བ་ཡིན། །ཞེས་དང་། ཡང་དགོན་པས། སྣང་ཚད་རིག་པའི་རང་སྣང་ཡིན། །གྲག་ཚད་སྐྱེ་མེད་རང་སྒྲ་ཡིན། །དྲན་ཚད་གནས་ལུགས་རང་ངོ་ཡི…

ཅན་སྣ་ཚོགས་རང་བཞིན་ཅན། །ཞེས་དང་། དོན་དམ་རིག་པའི་གླུ་ལས། སེམས་ཉིད་གཅིག་པུ་ཀུན་གྱི་ས་བོན་ཏེ། །གང་ལ་སྲིད་དང་མྱ་ངན་འདས་འཕྲོ་བ། །འདོད་པའི་འབྲས་བུ་སྟེར་བར་བྱེད་པ་ཡི། །ཡིད་བཞིན་ནོར་འདྲའི་སེམས་ལ་ཕྱག་འཚལ་ལོ། །ཞེས་དང་། རྗེ་མི་ལའི་ཞལ་ནས། སྣང་བ་སེམས་ཉིད་ཡིན་པ་ཆ་མེད་དམ། །རང་སེམས་སངས་རྒྱས་ཡིན་པ་ཆ་མེད་དམ། །སངས་རྒྱ…

བཟླས་པ་དང་ལྷ་བསྒོམ་དང་། །ཚངས་པའི་གནས་བཞི་བསྒོམ་པ་སོགས། །ཐེག་པ་ཆེན་པོར་འཇུག་ཐབས་ཙམ། །དེ་རྣམས་ཆེད་དུ་བསྒོམས་པས་ཀྱང་། །ཆགས་སྡང་རྩ་བ་མི་སྤོང་གིས། །སྣང་བ་རང་གི་སེམས་ཉིད་ལགས། །སེམས་ཉིད་སྟོང་པར་ཤེས་པར་གྱིས། །རྟོགས་པ་ཉམས་དང་མ་བྲལ་ན། །ཚུལ་ཁྲིམས་མཆོད་སོགས་དགེ་བའི་ཚོགས། །ཐམས་ཅད་མ་ལུས་དེ་ལ་ཚང་། །གསུངས། ཡང་དབུ་མ…

བརྟགས་གལ་ཏེ་སྒོམ་བྱེད་ན། །དེ་ནི་མྱ་ངན་འདས་འཐོབ་འབྲས་བུའི་རྒྱུ། །ཞེས་དང་། སྒོམ་རིམ་བར་པ་ལས། ཤེས་རབ་ཀྱིས་དངོས་པོ་མཐའ་དག་གི་ངོ་བོ་ཉིད་སོ་སོར་བརྟགས་ནས་གང་གི་ཕྱིར་མི་དམིགས་པ་བསམ་གཏན་བྱེད་པ། དེའི་ཕྱིར་ཤེས་རབ་མཆོག་གི་བསམ་གཏན་པ་ཞེས་བྱ་སྟེ། ཞེས་དང་། བློ་སྦྱོང་བློ་བཟང་དགོངས་རྒྱན་ལས། ལྟ་བ་བསྒོམ་པའི་ཚེ་སེམས་རྩེ…

རབ་སྒོམ་པའི་ལུགས་ནི་འདི་ཡིན། །ཞེས་དང་། རྗེ་སྐལ་ལྡན་རྒྱ་མཚོས། ཡུལ་གང་ཤར་གཞན་ལ་མ་ལྟོས་པར། །ཚུར་ལམ་ལམ་འཆར་འདི་དགག་བྱ་དངོས། །དེ་ལྟར་དུ་མེད་པ་སྟོང་པ་ཉིད། །བློས་དེ་ལྟར་འཛིན་ལ་ལྟ་བ་ཟེར། །སྤྱིར་སྣང་སྟོང་གཉིས་ལ་འདོར་ལེན་མེད། །གང་སྣང་ཙམ་ཉིད་ནས་སྟོང་པར་བལྟ། །བློ་སྟོང་པའི་ངང་ནས་སྣང་བ་ཤར། །མི་དེ་ཡི་འདུན་མ་གཏན་དུ…