དེས་ན་ས་སྟེང་དུ་དར་བའི་ཆོས་ལུགས་སྣ་ཚོགས་པ་ལ་སངས་རྒྱས་ཀྱི་བཀའི་འདུ་ཤེས་བཞག་ནས་གུས་པར་བྱ། སངས་རྒྱས་ཀྱིས་སྔོན་དུས་དེ་ལྟར་ཆོས་འཁོར་བསམ་གྱིས་མི་ཁྱབ་པ་བསྐོར་བ་ཙམ་དུ་མ་ཟད། ད་ལྟ་སྙིགས་དུས་འདིར་ཡང་དགེ་བའི་བཤེས་གཉེན་སོགས་སུ་སྤྲུལ་ནས་བཀའ་ཆོས་སྟོན་ཏེ། ཀུན་དགའ་བོས་ཞུས་པའི་མདོ་ལས། ཀུན་དགའ་བོ་ང་ཉིད་མ་འོངས་པའི་ཚེ། …

མདོ་ལས། ཐེག་པ་ཐམས་ཅད་གཅིག་ཏུ་མཉམ་སྟེ། ཆོས་ཀྱི་དབྱིངས་དབྱེར་མེད་པར་འཇུག་པ་གཅིག་གོ །ཞེས་དང་། རིག་པ་རང་ཤར་གྱི་རྒྱུད་ལས། རིག་པའི་ཡེ་ཤེས་གཏན་ལ་འབེབས། །དེ་ཡི་དགོངས་པ་བསྟན་པ་ལ། །རྒྱུད་ལུང་མན་ངག་ཐམས་ཅད་མཐུན། །དེ་ཡི་མན་ངག་གྲོལ་བའི་ཕྱིར། །ཞེས་གསུངས། དེས་ན་སངས་རྒྱས་ཀྱི་སྐུ་དངོས་དང་སྤྲུལ་པ་མང་པོ་བཀྱེ་ནས་འདས་མ་འ…

གསུངས། །ཉོན་མོངས་གཏི་མུག་འདུལ་བའི་གཉེན་པོ་རུ། །མངོན་པའི་སྡེ་སྣོད་ཉི་ཁྲི་ཆིག་སྟོང་གསུངས། །དུག་གསུམ་ཆ་མཉམ་འདུལ་བའི་གཉེན་པོ་རུ། །གསང་སྔགས་སྡེ་སྣོད་ཉི་ཁྲི་ཆིག་སྟོང་གསུངས། །ཞེས་དང་། ཐུབ་དབང་ཡོངས་སུ་འདས་ནས་ད་བར་དུ། །སངས་རྒྱས་གསུང་རྣམས་ཡི་གེར་ཐེབས་ཚད་བཏབ། །གླེགས་བམ་བྱས་ན་གླང་ཆེན་རབ་ཏུ་བརྟན། །གསུང་རབ་དམ་པ་ར…

རྣལ་འབྱོར་རྒྱུད་རྣམས་ཀྱི་ནི་ཚད། །བྱེ་བ་ཕྲག་ནི་དྲུག་ངེས་ཏེ། །དེ་བཞིན་རྣལ་འབྱོར་མ་རྒྱུད་གྲངས། །བྱེ་བ་ཕྲག་ནི་བཅུ་དྲུག་གྲགས། །ཐེག་ཆེན་ལས་གཞན་མདོ་སྡེ་རྣམས། །དུང་ཕྱུར་ཕྲག་བརྒྱད་གསུངས་པ་ཡིན། །དེ་བཞིན་ཕ་རོལ་ཕྱིན་པའི་ཚུལ། །ས་ཡ་དང་ནི་དུང་ཕྱུར་ལྔ། །ཞེས་དང་། གསང་སྔགས་ཕྱི་བ་ལ་ཡང་དེ་ཉིད་ལས། ལྷ་དང་ལྷ་མིན་རྣམས་ལ་ཕན…

སྟོང་ཕྲག་བཅུ་གཉིས་དང་། སངས་རྒྱས་མཉམ་སྦྱོར་ལ་ཁྲི་བརྒྱད་སྟོང་དང་། དེ་ཉིད་བསྡུས་པ་ལ་སྟོང་ཕྲག་བརྒྱད། གཤིན་རྗེ་གཤེད་དམར་པོ་ལ་འབུམ་ཕྲག་གསུམ་དང་། དོན་ཞགས་ལ་སྟོང་ཕྲག་བརྒྱད་ལ་སོགས་པར་བཤད། གཞན་ཡང་མདོ་སྡེ་ལངྐར་གཤེགས་པ་ལས། ལྷ་ཡི་ཐེག་དང་ཚངས་པའི་ཐེག །དེ་བཞིན་དུནི་ཉན་ཐོས་དང་། །དེ་བཞིན་གཤེགས་དང་རང་རྒྱལ་གྱི། །ཐེག་པ་…

དང་། འོད་ཟེར་ཆེན་པོ་དང་། དྲང་སྲོང་ལྷ་དང་། དཔལ་གྱི་གཟི་བརྗིད་དང་། བདེན་པའི་ཏོག་དང་། རྡོ་རྗེ་མཁྲེགས་དང་། ཐམས་ཅད་ཟིལ་གྱིས་གནོན་དང་། གསེར་མདོག་དང་། ཤིན་ཏུ་མཐོར་གཤེགས་དང་། བྱུ་རུའི་རྒྱ་མཚོ་དང་། མེ་ཏོག་གི་ཏོག་དང་། གཟུགས་བཟང་དང་། སྤྱན་བཟང་དང་། དྲང་སྲོང་སྦེད་དང་། དམག་ཚོགས་ལས་རྒྱལ་དང་། མཐོ་བ་དང་། མེ་ཏོག་རྒྱས…

དང་། འབྲུག་སྒྲ་དང་། ཁ་དོག་མཛེས་དང་། ཚེའི་གཟི་བརྗིད་དང་། ངོམ་བག་གླང་པོའི་འགྲོས་དང་། འཇིག་རྟེན་མངོན་པར་སྨོན་དང་། དགྲ་ལས་རྒྱལ་དང་། ཡང་དག་མཆོད་དང་། རྣམ་པར་གཟིགས་དང་། གཙུག་ཏོར་ཅན་དང་། ཐམས་ཅད་སྐྱོབ་དང་། འཁོར་བ་འཇིགས་དང་། གསེར་ཐུབ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུངས་ཀྱིས་ཀ…

གསུངས་པས། འོ་ན་སྒྲབ་ཐབས་འགའ་ཞུ་བས། འདི་དང་འདི་མཁྱེན་ནམ་གསུངས། དེ་ཀུན་གྱི་དཔེ་ཡང་མཐོང་མ་མྱོང་གསུངས་པས། འོ་ན་ཁྱོད་གསང་སྔགས་ལ་མཁས་པའི་ཐུགས་རྒྱལ་ཚོ་ན་གསུངས། ཡང་ཁྲིད་མིའི་ཡུལ་ན་སྐྲའི་སྤུ་རྩེ་ཙམ་ལས་མེད། སྔགས་ཀྱི་དཔེ་དོན་མང་པོ་མཁའ་འགྲོ་མའི་ལག་ན་ཡོད་པ་ཡིན་གསུངས་ནས་མི་སྣང་བར་གྱུར། ཇོ་བོའི་ཐུགས་རྒྱལ་ཡང་དེར་ཆག…

མི་ཡུལ་ན་བཞུགས་པའི་ཐེག་པ་ཆེན་པོའི་གསང་སྔགས་ལ་ང་ལས་མཁས་པ་མེད་སྙམ་པའི་ཐུགས་རྒྱལ་མངའ་བ་ལ། ཕྱིས་བོད་དུ་བྱོན་ནས། བསམ་ཡས་དབེ་ཧར་གླིང་གི་དཀོར་མཛོད་ཅིག་ཁ་ཕྱེ་ནས་རྒྱ་དཔེ་ལ་གཟིགས་པས། སྔར་གསན་གཟིགས་མ་མཛད་པའི་རྒྱུད་སྡེ་མང་པོ་བཞུགས་ཤིང་གདའ་སྐད་དེ། སློབ་དཔོན་པདྨས་རྫུ་འཕྲུལ་གྱིས་ལྷ་ཀླུའི་ཡུལ་དང་། དཔལ་ཤྲཱི་ན་ལེནྡྲ་…

ཐེག་པ་ཆེ་ཆུང་གི་ཆོས་འཁོར་མཐའ་ཡས་པ་ཞིག་བསྐོར་ནས་ལྷ་མི་བགྲང་ལས་འདས་པ་སྨིན་ཅིང་གྲོལ་བར་མཛད་གསུངས། འོ་ན་རྒྱལ་བས་ཆོས་ཀྱི་ཕུང་པོ་ཚད་མེད་པ་དེ་ཙམ་གསུངས་ན། ད་ལྟ་དེའི་ཆ་ཙམ་ཡང་མི་སྣང་ན་དེ་དག་གང་ན་བཞུགས་ཟེར་ན། མཁས་མཆོག་དབྱིག་གཉེན་གྱིས། ཡང་དག་བསྡུས་པའི་གཞི་ཉམས་ཕྱིར། །མཐའ་དག་མིན་པ་གཏོགས་པ་ཡིན། །གསུངས་པ་ལྟར་རྒྱལ་བ…

གནས་པས་རབ་རིབ་སེལ་བར་བྱེད། །ཅེས་གསུངས་པ་ལྟར་རྒྱལ་བའི་བཀའ་ཕལ་མོ་ཆེ་ནི་ཀླུའི་ཡུལ་ན་བཞུགས་ཏེ། གཞན་ཀུན་སུམ་ཅུ་རྩ་གསུམ་སོགས་ལྷའི་གནས་དུ་མ་དང་། ལྕང་ལོ་ཅན་སོགས་རྒྱལ་ཆེན་བཞིའི་གནས་དང་། དྲི་ཟའི་རྒྱལ་བོ་རྣམ་པར་རྒྱལ་བའི་གནས་སོགས་དང་། འདར་བྱེད་ཀྱི་གླིང་དང་། ཤམྦྷ་ལ་དང་། ཨོ་ཌི་ཡཱ་ནའི་མཁའ་འགྲོའི་ཕོ་བྲང་ལ་སོགས་པའི་…

གྱི་དབང་ཕྱུག་མི་ལ་རས་པ་ཞེས་མཚན་ཡོངས་སུ་གྲགས་པའི་གྲུབ་ཐོབ་ཆེན་པོ་དེ་ཉིད་ཀྱིས། ཐེག་པ་ཁུར་དུ་འཁུར། དམན་པའི་ས་བཟུང་། དཀའ་ཐུབ་ཀྱི་ལས་མཛད། བྲག་ཕུག་སྟོང་བ་ཞྭ་ལྟར་གྱོན། ཏིང་ངེ་འཛིན་གྱི་སྒྲུབ་པ་རྩེ་གཅིག་ཏུ་མཐར་ཕྱིན་ཏེ་ཉམས་དང་རྟོགས་པ་འཁྲུངས་པའི་མགུར་མ་སྐོར་ཚོ་ཆེན་པོ་བཅོ་བརྒྱད་དམ། ཉེར་གཅིག་གམ། བཞི་བཅུ་རྩ་ལྔས་ཐ…

ལས། རང་གི་ལུགས་ལ་མ་གྲགས་པས། །ཆོས་མ་ཡིན་ཞེས་མི་བསམ་སྟེ། །ཆོས་ཀྱི་རྣམ་གྲངས་ཐམས་ཅད་ལས། །གསང་སྔགས་བླ་མེད་མང་ངོ་ཞེས། །ཇོ་བོ་རྗེ་ཡིས་གསུངས་བ་དང་། །བྱེ་བྲག་སྨྲ་སོགས་ཉན་ཐོས་ཀྱིས། །རང་ལ་མ་གྲགས་དབང་བྱས་ནས། །ཐེག་པ་ཆེན་པོའི་ཆོས་སྤངས་པས། །དེ་ལ་བྱམས་མགོན་ཀླུ་སྒྲབ་ཀྱིས། །ཐེག་ཆེན་བཀའ་རུ་བསྒྲབས་པ་ཡང་། །དུས་འདི་ཉིད་ད…

བུར། །ཡི་གེའི་ཕྱི་མོ་ཀློག་འཇུག་ལྟར། །དེ་བཞིན་སངས་རྒྱས་གདུལ་བྱ་ལ། །ཇི་ཙམ་བཟོད་པའི་ཆོས་སྟོན་ཏོ། །ཁ་ཅིག་ལ་ནི་སྡིག་པ་ལས། །རྣམ་པར་བཟློག་ཕྱིར་ཆོས་སྟོན་ཏེ། །ཁ་ཅིག་བསོད་ནམས་འགྲུབ་པའི་ཕྱིར། །ཁ་ཅིག་ལ་ནི་གཉིས་བསྟེན་པ། །ཁ་ཅིག་ལ་ནི་གཉིས་མི་བསྟེན། །ཟབ་མོ་འཁུ་འཕྲིགས་ཅན་འཇིགས་པ། །སྟོང་ཉིད་སྙིང་རྗེའི་སྙིང་པོ་ཅན། །བྱ…

བཏབ་པའི་ཕྱིར་རོ། །ཡིད་སྨོན་བྱེད་པ་ཙམ་དུ་མ་ཟད། དགེ་བའི་ཆོས་ནི་སྡུད་པ་དང་ཞེས་དམ་བཅས་པ་དང་ཡང་མི་འགལ་བར་བྱས་ཏེ་ཅི་ནུས་ཀྱིས་དགེ་ཆོས་སྡུད་པ་ལ་བརྩོན་པར་གཅེས་སོ། །གཞན་ཡང་རྒྱུད་ལས། ཚིག་རེ་ལ་ནི་སྣ་ཚོགས་དོན། །གསུངས་པ་ལྟར། མདོ་སྔགས་ཀྱི་རྡོ་རྗེའི་ཚིག་རེ་ལའང་དོན་མི་འདྲ་བ་སྣ་ཚོགས་འཇུག་པ་མང་བས། དེའི་དབང་གིས་མདོ་སྔག…

ཡིན། །གསུངས། གང་ཤར་རང་གྲོལ་གྱིས། དེང་སང་ཆོས་ལུགས་གྲུབ་མཐའ་མང་། །ཐམས་ཅད་སངས་རྒྱས་ལམ་དུ་གཅིག །དོན་མེད་ཁ་སྡིག་མ་གསོག་པར། །ཀུན་ལ་དག་སྣང་མཛོད་ཅིག་ཨང་། །ཞེས་དང་། སློབ་དཔོན་ཆེན་པོས། དག་སྣང་མོས་གུས་ཕྱོགས་མེད་དུ་བྱེད་པ་ཤིན་ཏུ་གལ་ཆེ། གསུངས། རྒྱུད་བླ་མ་ལས། གང་ཞིག་རྒྱལ་བའི་བསྟན་པ་འབའ་ཞིག་གི །དབང་བྱས་རྣམ་གཡེང་མེ…

འཕྲུལ་བཞིན། །གསུངས། གསང་བ་བསམ་གྱིས་མི་ཁྱབ་པའི་མདོ་ལས། ནམ་མཁས་ཇི་སྲིད་ཁྱབ་གྱུར་པ། །སྐུ་ཡིས་ཀྱང་ནི་དེ་སྙེད་ཁྱབ། །ཅེས་དང་། དཔལ་ཨ་ར་ལིའི་རྒྱུད་ཆེན་པོ་ལས། སྤྲུལ་པའི་སྐུ་སྟེ་སྐུ་ཡི་མཆོག །སངས་རྒྱས་སྤྲུལ་པའི་རྒྱུད་འཆང་བ། །ཕྱོགས་བཅུར་སྤྲུལ་པ་སྣ་ཚོགས་འགྱེད། །ཅེས་དང་། རྔ་བོ་ཆེའི་མདོ་ལས། མྱ་ངན་མ་བྱེད་ཀུན་དགའ་བོ…

འཕྲུལ་བ་སྣ་ཚོགས་ཀྱིས། །སེམས་ཅན་རྣམས་ནི་འདུལ་བར་མཛད། །ཅེས་དང་། སམ་བུ་ཊ་ལས། སངས་རྒྱས་གར་མཁན་བསམ་མི་ཁྱབ། །བདག་གིས་བརྗོད་པར་ག་ལ་ནུས། །ཞེས་དང་། རྡོ་རྗེ་དྲྭ་བའི་རྒྱུད་ལས། གང་དང་གང་གི་གཟུགས་ཀྱིས་ནི། །ལུས་ཅན་རྣམས་ནི་འདུལ་གྱུར་པ། །དེ་དང་དེ་ནི་རྣམ་སྟོན་ཏེ། །སྣ་ཚོགས་ནོར་བུ་ཇི་བཞིན་ནོ། །འདུལ་བའི་ཐབས་ནི་གང་གང་གི…

སྒྲ་ལས། གཅེར་བུ་པ་རྣམས་འདུལ་བའི་ཕྱིར། །ཐུབ་པས་གཅེར་བུ་བའི་ཚུལ་བསྟན། །དང་པོའི་སངས་རྒྱས་འཇམ་དཔལ་གྱིས། །གཙུག་ཕུད་ཕུད་བུ་ལྕང་ལོ་ཅན། །རལ་པ་མུཉྩ་ཅོད་པན་ཐོགས། །གདོང་ལྔ་གཙུག་ཕུད་ལྔ་དང་ལྡན། །ཟུར་ཕུད་ལྔ་པ་མེ་ཏོག་ཐོད། །དེ་སོགས་ཚུལ་འཆང་མུ་སྟེགས་བྱེད། །འདུལ་ཕྱིར་དེ་དག་ཚུལ་སྟོན་པ། །མཚན་བརྗོད་འགྲེལ་པ་ཉིད་ལས་གསུངས།…

བྱའོ་གསུངས། མདོར་བསྡུས་བཞི་པ་ལས། ཁྱབ་འཇུག་དང་དྲག་པོ་ལ་སོགས་པ་རྣམས་ཀྱི་ནང་ན་ཡོན་ཏན་འདི་དག་རྫོགས་པ་འབའ་ཞིག་ཡོད་ན། དེ་ཡང་བདག་ཅག་གིས་རྣམ་པ་ཐམས་ཅད་དུ་ཕྱག་བྱ་བ་དང་། མཆོད་པ་དང་བཀུར་བར་བྱ་བ་ཡིན་ནོ་གསུངས། དེས་ན་བློ་གྲོས་ཅན་གྱི་དོན་མེད་པར་ཕྱི་རོལ་པ་ཐམས་ཅད་ལ་ཡང་ཁ་གཏོང་མི་རུང་། བཏང་ན་རྣམ་པར་སྣང་མཛད་སོགས་སངས་རྒྱ…