ཆ་ལུགས་གཅིག་པུ་ལ་རག་མ་ལུས་ནང་ཆོས་ལུགས་ལ་རག་ལས་ན། བསྟན་པ་དེ་གང་ལ་ཟེར། སུས་བཟུང་ནས་སུས་འཇིག་ཟེར་ན། སངས་རྒྱས་ཀྱི་བསྟན་པ་ནི་མདོ་ལས། སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱོད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །གསུངས། ནང་རྒྱུད་ན་བྱམས་སྙིང་རྗེ་བྱང་ཆུབ་ཀྱི་སེམས་ཡོད་སེམས་…

ལ་ཟེར། དེ་ལྟར་གོ་ན་དེང་སང་ཀྱང་བསྟན་འཛིན་གྱི་སྐྱེས་བུ་དམ་པ་མང་པོ་ཡོད་པས་གང་ལའང་ཁ་མི་གཏོང་། ཡང་ནང་བསམ་པ་ནག་སྦྱོར་བ་རྩུབ། ཆོས་གོས་གྱོན་ནས་སྲོག་གཅོད་བྱས་སྣམ་སྦྱར་གྱོན་ནས་བུད་མེད་ལ་སྤྱོད་རྒྱུ་ཡིནན། ཕྱིའི་ཆ་ལུགས་སྟོན་པ་སངས་རྒྱས་ལས་མཛེས་ཀྱང་སྡིག་ཆས་ཡིན་ཏེ། ཆོས་རྗེ་ཀུན་ལེགས་ཀྱིས། བསམ་ངན་ཁོང་པར་བཅུག་ན་ཆ་ལུགས…

བརྙས་སྨོད་ཁྱད་གསོད་སུན་འབྱིན་སོགས་མི་བྱེད་པར་དད་གུས་དག་སྣང་སྦྱོངས། ཡང་སྐྱབས་མགོན་རྒྱལ་བ་པཎ་ཆེན་ལ་སོགས་ས་ཐོབ་ཀྱི་སངས་རྒྱས་དང་བྱང་ཆུབ་སེམས་དཔའི་རྣམ་འཕྲུལ་བླ་མ་སྐ་སྐྱེས་ཀྱིས་ཆང་དང་བུད་མེད་གཉིས་མ་གཏོགས་གཞན་ཤ་ཁྲག་སོགས་འདོད་ཡོན་ལྔ་ལ་ལོངས་སྤྱོད་པ་རྣམས་དང་། གསང་སྔགས་ཀྱི་ལམ་ཉམས་སུ་ལེན་པའི་གང་ཟག་དབང་པོ་ཡང་རབ་…

བཞིན་གྱིས་ཡོད་པས་དུག་ཅི་ཙམ་ཟོས་ཀྱང་ལུས་ལ་མི་གནོད་པར་མ་ཟད། ཟོས་བཞིན་སྒྲོ་མདོངས་འཇའ་ཚོན་ལས་མཛེས་པ་སྐྱེ་བ་དང་། མི་རྫས་སྔགས་ཏིང་འཛིན་མཁན་གྱིས་དུག་ཟོས་ན་མི་གནོད་པར་ལུས་འཚོ་བའི་ཟས་ཀྱི་མཆོག་ཏུ་འགྱུར་བ་དང་། སྨན་པ་མཁས་པས་དུག་དང་འདྲེས་པའི་ཟས་ཟོས་ཀྱང་དུག་གསོད་པའི་སྨན་ཡོད་པས་བཏུངས་ན་ལུས་སྲོག་ལ་མི་གནོད་ཅིང་། གཞན…

མི་གོས། གཞན་སྐྱེ་བོ་ཕལ་པ་རྣམས་ཀྱིས་ཁོང་རྣམས་ཀྱི་ལད་མོ་བྱས། སྤྱིར་འདོད་ཡོན་ལྔ་དང་ཁྱད་པར་ཤ་ཆང་བུད་མེད་ལ་ལོངས་སྤྱད་ན་མཐོ་རིས་ཐར་པའི་བདེ་བ་མི་འབྱུང་བར་མ་ཟད། སྤྱིར་འཁོར་བ་དང་ཁྱད་པར་ངན་སོང་གསུམ་དུ་འགྲོ་བ་ཐག་ཆོད། དེས་ན་གཞན་བླ་མ་སྐྱེས་བུ་དམ་པ་དང་སྔགས་ཀྱི་རྣལ་འབྱོར་པ་འགའ་རེས་འདོད་ཡོན་ལྔ་དང་ཁྱད་པར་ཤ་ཆང་བུད་མེ…

སེམས་ཅན་བདེ་ལ་གནོད་པའི་སེམས་ཅན་ལ་མཚོན་ཆ་རྡོ་དང་དབྱུག་པ་སོགས་ཀྱིས་བརྡེག་བརྡུང་དང་། རྒྱབ་ཀྱི་གོས་བཤུས། ཁའི་ཟས་འཕྲོག །རྫུན་ཕྲ་མཚིག་རྩུབ་སོགས་ལབ། ལུས་ངག་གི་བྱ་བ་མ་ཡིན་པ་གང་ཡང་བྱས་ཆོག་སྟེ། ཀུན་ཏུ་སྤྱོད་པའི་རྒྱུད་ལས། མི་བྱ་ཅི་ཡང་ཡོད་མིན་ཏེ། །རྟག་ཏུ་མི་བསམ་ཡོད་མ་ཡིན། །མི་ཟ་ཅི་ཡང་ཡོད་མིན་ལ། །དགེ་དང་མི་དགེ་ག…

གསང་འདུས་ཀྱི་དམ་ཚིག་ཏུ། ཁྱོད་ཀྱི་སྲོག་ཆགས་གསད་པར་བྱ། །མ་བྱིན་པ་ཡང་ཁྱོད་ཀྱིས་ལོངས། །རྫུན་གྱི་ཚིག་ཀྱང་སྨྲ་བར་བྱ། །ཕ་རོལ་བུད་མེད་བསྟེན་པར་གྱིས། །གསུངས། དཔེརན་གཞན་རྒྱུད་མཁྱེན་པའི་གྲུབ་ཐོབ་འབྲུག་པ་ཀུན་ལེགས་ཀྱིས། གཞན་འདུལ་ཕྱིར་གང་ལ་གང་འདུལ་གྱི་སྤྱོད་པ་འཇམ་རྩུབ་སྣ་ཚོགས་པ་བསྟན་པ་ལྟ་བུའོ། །དེ་ལྟ་བུའི་རྣལ་འབྱ…

མཐོང་ཐོས་ཀུན་ལ་སྨོད་མི་རུང་སྟེ། རྗེ་སྐལ་ལྡན་རྒྱ་མཚོས། བྱང་ཆུབ་སེམས་དཔའ་གང་ན་བཞུགས་མི་ཤེས། །མཐོང་ཐོས་ཀུན་ལ་མ་སྨོད་རི་ཁྲོད་པ། །གསུངས། འོ་ན་གསང་འདུས་ཀྱི་ལུང་དེའི་འགྲེལ་བ་མཁས་གྲུབ་གཞན་གྱིས་མཛད་ཙ་ན། ཁྱོད་ཀྱི་སྲོག་ཆགས་གསད་པར་བྱ། །ཞེས་པ་བསྐྱེད་རྫོགས་སོགས་ཀྱི་གདམས་པ་མཚོན་རྣོན་ལྟ་བུས་འདོད་ཆགས་བྱ། ཞེ་སྡང་སྦྲུ…

དྲངས་ཀྱང་འགལ་བ་མེད་དེ། རྒྱུད་ལས། ཚིག་གཅིག་ལ་ནི་སྣ་ཚོགས་དོན་གསུངས་པ། །གཅིག་ཏུ་གསུངས་ཀྱང་སོ་སོས་དུ་མར་གོ །གསུངས། དེས་ན་མདོ་རྒྱུད་ཀྱི་ཚིག་རེ་ལ་རྒྱ་བོད་ཀྱི་མཁས་པས་འགྲེལ་པ་མི་འདྲ་བ་མང་པོ་མཛད་པ་ལ། ལེགས་པར་གོ་ན་ཚིག་ངན་པ་ཡང་བཟང་པོར་འགྱུར་ན་བཟང་པོ་སྨོས་ཅི་དགོས། སྔོན་བླ་མ་སྐྱབས་འགྲོ་ཙམ་མིན་མི་ཤེས་པ་ཞིག་ལ་རྒན་…

བཟང་པོ་ཞིག་རེད་འདི་ཁོ་ལ་མི་དགོས་བླ་མ་ཁྱེད་ལ་འབུལ་སྨྲས་པ་དང་། ཡང་གཅིག་གིས་གེ་སར་རྒྱལ་པོ་དེ་བྱི་བ་ལོ་པ་ཞིག་ཡིན་རྒྱུ་རེད་སྨྲས་པ་ལ། གཞན་ཞིག་གིས་དེ་གང་ནས་བཤད་འདུག་དྲིས་པས། དེ་སྒྲོལ་མའི་ནང་ན་གེ་སར་བྱི་བ་ལོ་ནས་བྱུང་མ། ཟེར་བ་འདུག་སྨྲས་པ་དང་། བླ་རྒན་ཅིག་གིས་ཇ་མང་པོ་འཐུང་བ་ལ་འགའ་རེས་བླ་རྒན་ཁྱེད་ལ་སྣོད་ཆེན་པོ་…

ངན་སོང་རྒྱུད་རྣམས་མ་ལུས་འགྲུབ་པར་ཤོག་སྨྲས་པས། གཞན་ཞིག་གིས་དེ་ཅི་ཡིན་དྲིས་པས། ངན་སོང་སྦྱོང་བའི་རྒྱུད་རྣམས་སྟོངས་སོང་ན་མི་བཟང་བར་འདུག་འགྲུབ་པར་ཤོག་ཅེས་སྨྲས་པའི་ཁ་གཏམ་རྣམས་དང་འདྲ། དེས་ན་བློ་གྲོས་ཅན་གྱི་རྒྱལ་བའི་གསུང་རབ་དང་བླ་མ་དམ་པའི་གསུང་སྒྲོས་བཟང་ངན་འབྲིང་གསུམ་གང་ཡིན་ཡང་སྡིག་སྤོང་དགེ་སྒྲུབ་དད་གུས་དག་…

གལ་ཆེ། དེ་ལྟར་ལེགས་པར་གོ་ན་བླ་མ་མཆེད་གྲོགས་ཕྱོགས་བཅུའི་ཆོས་མཛད་ཐམས་ཅད་ཆོས་རེ་དང་མི་མཐུན་པ་གཅིག་མེད། དེས་ན་ཆོས་པ་རྣམས་ཀྱིས་ཅི་མཛད་ཅི་གསུང་ཐམས་ཅད་ལ་བཟང་ངན་སྤང་བླང་མེད་པར་ཐམས་ཅད་ལེགས་པ་འབའ་ཞིག་ཏུ་བལྟས་ནས་དུས་རྒྱུན་དུ་དད་གུས་བྱས་ན་བླ་མ་དང་ཕྱོགས་བཅུའི་ཆོས་མཛད་རྣམས་ཀྱི་བྱིན་རླབས་སེམས་ལ་འཇུག་པར་ཐེ་ཚོམ་མེད།…

རང་གི་སྐྱོན་ཞིག་ཡིན་ཡང་ཡོན་ཏན་དུ་རློམས་པའི་དུས་ངན་འདིར། ཡོན་ཏན་ཅན་གྱིས་ཡོན་ཏན་བསྟན་ཀྱང་། གཞན་མང་པོའི་རྒྱུད་ལ་ཆགས་སྡང་ཕྲག་དོག་ལོག་ལྟ་སོགས་སྐྱེས། ལྐོག་ནས་སྒྲོ་བསྐུར་བཏབ། དུག་དང་མཐུ་སོགས་སྦྱོར་བ་རྩུབ་པ་བྱེད་པ་མ་གཏོགས་ཡ་མཚན་པར་བཟུང་བསྙེན་བཀུར་ཕུན་སུམ་ཚོགས་པ་བྱེད་པ་རེ་རེ་ཙམ་ཡང་དཀོན་ཏེ། སྔོན་རྗེ་བཙུན་མི་ལ…

གྲུབ་རྣམས་ཀྱིས་ཡོན་ཏན་ཡོད་ཀྱང་སྐལ་ལྡན་དད་གུས་ཅན་རེ་རེ་ཙམ་ལ་སྟོན་པ་མ་གཏོགས། གཞན་ཡོངས་ལ་མི་སྟོན་པར་དུས་རྒྱུན་དུ་ཡོན་ཏན་གང་ཡོད་སྦས་ནས་སྐྱེ་བོ་ཐ་མལ་པ་དང་ཁྱད་མེད་བལྟ་བའི་ཚུལ་གནང་བ་ཡིན། དེང་སང་འབྲེལ་ཚད་དོན་ལྡན་སྦས་པའི་སངས་རྒྱས་མི་གཟུགས་ཅན་མང་བས་རང་གི་བླ་མ་ཆོས་གྲོགས་ཕྱོགས་བཅུའི་ཆོས་པ་མཆོག་དམན་བར་པ་ཡོངས་ལ་ས…

བཤད་ཀྱང་། སླར་གོའུ་ཏ་མ་ཁྱོད་བྱ་རྒོད་ཕུང་པོའི་རི་ལ་སོང་ལ་གསོ་སྦྱོང་གྱིས་ཟེར་མ་ཐུལ། སྤྱན་རས་གཟིགས་བྱོན་ནས་ཕར་ཕྱིན་བཅུའི་ཆོས་བཤད་པས། མི་དཀར་པོ་ཁྱོད་རང་སོང་ལ་ཡིག་དྲུག་ཐོན་ཟེར་ནས་མ་ཐུལ། རྟ་མགྲིན་གྱིས་ཕྱག་རྒྱ་བཞིའི་ཆོས་གསུངས་པས། ཁྱོད་རང་གནས་སུ་ལོག་ལ་རིའི་རྩྭ་ཟོ་ལུང་པའི་ཆུ་འཐུང་ལ་རྟ་སྐད་འཐོན་ཟེར་མ་ཐུལ་པའི་…

ཀྱི་ཞིང་འདས་པ་ན་འཇིག་རྟེན་གྱི་ཁམས་རིན་ཆེན་ཐམས་ཅད་ཀྱིས་བརྒྱན་པ་ཞེས་བྱ་བར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་ཐམས་ཅད་ཀྱི་མཐོང་ན་དགའ་བར་མངོན་པར་འཕགས་པ་བརྩོན་པ་ཆེན་པོ་ཞེས་བྱ་བ་དེ་ཡིན་པར་མདོ་ནས་གསུངས། བདུད་ལྷས་སྦྱིན་གྱིས་ཆོས་མ་ཡིན་པ་སྣ་ཚོགས་བསྟན། བདུད་ཀྱི་ལས་མང་པོ་བྱས་ཁྱད་པར…

རྐང་འདྲེན་སོགས་ངན་སྨྲས་བྱེད་མི་རུང་སྟེ། སྡུད་པ་ལས། སེམས་ཅན་འདི་དག་ཁྲིམས་ལྡན་འདི་དག་ཁྲིམས་འཆལ་ཞེས། །སྣ་ཚོགས་འདུ་ཤེས་ཞུགས་པ་ཤིན་ཏུ་ཚུལ་ཁྲིམས་འཆལ། །ཞེས་དེ་ལྟ་བུའི་འདུ་ཤེས་སྐྱེས་ན་རང་གི་ཚུལ་ཁྲིམས་དེ་བས་ཀྱང་ཤིན་ཏུ་འཆལ་དུ་བཅུག་པ་ཡིན་གསུངས་ཡང་དེང་སང་རང་སྡོམ་ལྡན་དུ་རློམས་པ་རྣམས་ཀྱིས་ཀྱང་འདི་ལ་མི་འཛེམ་པ་མང་པ…

བཙུན་མི་ལའི་སྐུ་ལ་འབྱུང་གཞིའི་གནོད་པས་ནམ་ཡང་མི་ཚུགས་ཀྱང་། ཕྱིས་དུག་ཟས་ཞིག་ལ་ཁག་བཞག་ནས་གཤེགས། འབྲོམ་སྟོན་པ་སྤྱན་རས་གཟིགས་དངོས་ཡིན་ཀྱང་། མ་དག་པའི་སྣང་ངོར་སྐུ་ཚེའི་མཇུག་མཛེ་བཞེས་ཕྱག་གི་མཁྲིག་ཚུན་ཆད་ནས་གཤེགས་པའི་ཚུལ་བསྟན། རྗེ་རིན་པོ་ཆེ་འཇམ་དབྱངས་དངོས་ཡིན་ཀྱང་ཞབས་བསྙུང་ནས་གཤེགས་པའི་ཚུལ་བསྟན། ལྷོ་བྲག་མར་པ…

སྣང་སྦྱོང་དགོས། སྔོན་བླ་མ་ཞིག་གིས་ཉིན་རེ་བཞིན་སྲིན་འབུ་མང་པོ་གཅུར་ནས་མེ་ལ་བཏབ་ནས་རྣམ་ཤེས་དག་ཞིང་དུ་དྲངས་པ་ཡིན་ཀྱང་། ཉིན་ཅིག་ཁོང་ལ་ཐུགས་བྲེལ་ཞིག་བྱུང་ནས་སྲིན་འབུ་གཅུར་བའི་དུས་ལས་ཡོལ་ཚེ། ཉེ་གནས་ཞིག་ཡོད་པས་དེ་རིང་ཁོང་གི་ཐུགས་བྲེལ་གྱི་དབང་གིས་གཅུར་མི་ཐུབ་པར་འདུག་སྙམ། སྲིན་འབུ་འཁྱེར་འོང་ནས་ཁོང་གི་ལད་མོ་བ…

འགྲོ་རུ་བཅུག་པས་ཀུན་དད་པར་འགྱུར། འབྲུག་པ་ཀུན་ལེགས་ཀྱིས་རི་དྭགས་གཤོར་དུ་འགྲོ་བ་སོགས་བྱས་པས་ཕལ་ཆེར་གྱིས་སྨྱོན་པ་ལྟ་བུར་བལྟས། ཁ་གཏོང་པ་ཡིན་ཀྱང་ཉིན་ཅིག་ཁྱི་དཀར་ནག་གཉིས་ཤོར་ཡོང་བས་སྐེད་པར་གྲིས་བརྒྱབ་ནས་གཏུབས། ཁྱི་འདི་གཉིས་ཀྱི་དཀར་པོ་དང་ནག་པོ་ཐག་ཆོད་བྱས་གང་ཡང་ཁྲ་ཁྲ་བྱས་ན་ལེགས་ཞེས་ཁྱི་ནག་པོའི་སྟོད་དུ་དཀར་པ…